ДОМАШЕН МАЈОНЕЗ

Протеини: 28гр / Хидрати: 47гр / Масти: 130гр Вкупно калории: 1473

Потребни состојки:

 1 филџан индиски ореви

 2 големи лажици сенф

 1 голема лажица мед

 5 лажици маслиново масло

 вода, по потреба, за одредување на

густината која ја сакате

Начин на подготовка:

Индиските ореви се киснат во вода преку ноќ, а следниот ден се ставаат

во блендер заедно со останатите состојки и малку вода, во зависност од
густината која сакаш да ја добиеш. Може да додадеш и малку сок од
лимон, но и не е задолжителен. Мој совет е да направиш помала
количина на мајонез, односно онолку колку што сметаш дека ти е
потребно за тој ден или рецепт. Мајонезот без проблем може да стои
една недела во фрижидер.
РУСКА САЛАТА

Протеини: 66гр / Хидрати: 82гр / Масти: 94гр Вкупно калории: 1438

Потребни состојки:

 1 компир

 1 морков

 1 филџанче грашок

 5-6 кисели краставички

 2 варени јајца

 50 гр кравји кашкавал

 50 гр пилешка салама/ гради

 неколку лажици мајонез, нашиот рецепт

Начин на подготовка:

Сите состојки се варат, освен кашкавалот и се сечкаат на ситни

коцкички. Јас секогаш се трудам да се најситни што може за да ги осетам
сите вкусови од салатата во исто време. Знаеме дека главната состојка
на руската салата е мајонез и тој е оној кој ја прави оваа салата
калорична, додека останатите состојките во неа се целосно здрави.
Затоа се одличив да си направиме наш мајонез од домашни состојки, кој
не велам дека има малку калории, но е далеку подобра варијанта од
обичниот и превкусен! Овој рецепт е за еден човек. Дуплирај ги
состојките во зависност од тоа за колку луѓе ќе ја спремаш салатата.
Салата од цвекло со ориз и пилешко
Протеини: 53гр / Хидрати: 46гр / Масти: 7гр Вкупно калории: 457

Потребни состојки:

 2 големи лажици цвеко од тегла

или свежо

 150гр пилешки стек

 2 големи лажици ориз

 1 полна лажица грчки јогурт

 1 мала лажичка сенф

 1 лажичка црн бибер

Начин на подготовка: Стекот се вари или се динста па се сецка на

најситни што можеш коцкички. Цвеклото се ренда на покрупната страна
од рендето. Оризот се вари, се додава во длабока чинија заедно со
месото, цвеклото, павлаката, сенфот, зачините и мешаш. Ќе се добие
убава боја, уште една одлична комбинација и убава на изглед порција за
празнична трпеза.
РОЗОВА САЛАТА СО ЦВЕКЛО И ПРАЗ

Протеини: 13гр / Хидрати: 70гр / Масти: 28гр Вкупно калории: 584

Потребни состојки:

 10 кисели краставички

 3 големи лажици цвеко од тегла или

живо

 1 компир

 1 страк ситно сецкан праз

 1-2 лажици мајонез, нашиот рецепт

Начин на подготовка:

Компирот се вари со лушпа, доколку правиш поголема количина исуши

ги/исцеди ги добро за да не биде водлеста салатата, па се рендаат на
најситната страна од рендето, истото е и со киселите краставички. Се
рендаат на најситната страна и се цедат убаво со рака. Цвеклото исто
така се ренда и се цеди со рака па се додава во садот со компирите и
краставичките. Празот исецкај го најситно што можеш и додади го во
големиот сад. На крај се додава мајонезот, нашиот рецепт, промешуваш
и одлучи сама дали е доволно или можеби треба уште. Секој по вкус.
Затоа што има компир во рецептот убаво е ако салатата се прави и се
изеде во истиот ден.
Посна салата со ориз и туна
Протеини: 55гр / Хидрати: 43гр / Масти: 28гр Вкупно калории: 641

Потребни состојки:

 3 големи лажици ориз

 1 туна

 1 рака грашок

 1 пиперка исечена на коцки

 1 домат исечен на парчиња

 ситно сечкан магдонос,

 неколку ситно сечкани маслинки

 1 голема лажица хумус

 1 лажица сок од еден лимон

 1 лаж маслиново

Начин на подготовка: Оризот и грашокот се варат. Пиперката се сече

на ситни коцкички, исто и доматот и останатите состојки. Сите заедно се
мешаат со туната и додаваш 1 лажица хумус, малку сок од лимонче и
лажица маслиново. Одлична комбинација за ручек. За подготовка на
домашен хумус потребно ти е 1 мала конзерва наут заедно со водата,
малку лукче свежо и сок од лимонче. За да изгледа празнично во
намазот додади малку цвекло кога ќе го блендираш за да добие убава
розова боја, па може да го користиш и во други салати.
ПРАЗНИЧНА ПИТА ОД ПРОСО

Протеини: 33гр / Хидрати: 52гр / Масти: 55гр Вкупно калории: 837

Потребни состојки:

 150 г просо

 1 китка блитва или две

раце спанаќ

 1 страк праз

 3 јајца

 сол по вкус

 2 големи лажици масло

 сусам, ленено семе и други семки по желба за наросување

Начин на подготовка:

Просото добро измиј го и свари го во вода во однос 1:3. На блитвата или

спанаќот, што и да се одлучиш, не им треба варење. Само добро измиј
ги и нив и исечкај ги на ситно. Празот само се чисти, не се пржи и се
сече на ситни коцкички.Јајцата измати ги со вилушка, па додади го
просото. Убаво промешуваме, па ги додаваме и останатите состојки.
Промешуваме уште еднаш за да се изедначи, посолуваме и зачинуваме
по вкус.Во смесата се додаваат уште 2 лажици масло, па ја излеваме во
тава со средна големина обложена со хартија за печење. Одозгора
наросуваме со сусам и ленено семе или семки по желба.Се пече на 200
степени околу 25 минути, во зависност од јачината на шпоретот.Вкусна,
лесна и брза за подготовка празнична пита со интересен изглед.
Идеална за празничната трпеза. На здравје!

Зелени мафини
Протеини: 45гр / Хидрати: 19гр / Масти: 45гр Вкупно калории: 658

Потребни состојки:

 200 гр урда

 150 гр спанаќ или блитва

 40 гр мелени ореви

 2 јајца

 сусам, семки од тиква по желба за

наросување

Начин на подготовка:

Екстра лесен. Сите состојки ги мешаш заедно, ги полниш со лажица

калапите за мафини и ги ставаш да се печат 30 мин на 180 с.

Пица тортиља
Протеини: 17гр / Хидрати: 25гр / Масти: 18гр Вкупно калории: 327

Потребни состојки :

 1 интегрална тортиља

 50гр моцарела

 1 лажица доматно пире

  неколку печурчиња

 1 рака рукола и сецкани маслинки

Начин на подготовка:

Тортиљата ја премачкуваш со доматно пире, редиш на кругчиња

моцарела, печурки и маслинчиња, ја ставаш во рерна 5-7мин да се
потпече и готова е за 5 до 10мин. Руколата ја додаваш како гарнир
одозгора од кога ќе се запече. На здравје!

ТОПЛО ЧОКОЛАДО ЗА СИТЕ!

Протеини: 33гр / Хидрати: 54гр / Масти: 54гр Вкупно калории: 833

Потребни состојки:

(за 3 чаши)

 4 мали лажички овесни снегулки

 2 мали лажички лен

 2 мали лажички сончоглед

 10 непечени и несолени лешници

 6 свежи урми без семка

 2 лажички какао

 пола лажичка цимет

 600 ml топла вода или нискомасно млеко.

Начин на подготовка:
Сите состојки ги ставаме во блендер, најпрво додаваме околку 250 мл од
топлата вода додека состојките убаво не се соединат. Потоа го додаваме
остатокот од водата или млекото и блендираме. Слободно
експериментирајте со додавање на течност во зависност од тоа колку
густо го сакате топлото чоколадо. Голем дел од блендерите не
поднесуваат висока температура затоа направи ја густата смеса од
чоколадо, распореди ја во 3 шољи, а настрана зовриј вода или млеко и
додади ја во секое шолче.

Не заборавај да направиш слика пред елката со топлиот шол и да ме

означиш. Среќни празници!

НОВОГОДИШНИ КОЛАЧИЊА

Протеини: 55гр / Хидрати: 208гр / Масти: 139гр Вкупно калории:

2304

Потребни состојки:

 1 шоља непечени бадеми

 1,5 шоља околу 200гр брашно од

хељда или интегерално

 20 свежи урми

 ½ шоља кокосово масло

 2 лажички мелен ѓумбир

 2 лажички мелен цимет

 1 лажичка мелени каранфилчиња

  ½ лажичка сода бикарбона

Начин на подготовка:

Најпрво ги мелеш/блендираш бадемите и ги мешаш во еден сад со

брашното од хељда и со содата. Урмите, маслото и зачините измешај ги
во блендер, соедини ги двете смеси и замеси тесто.

Расукај го тестото со сукало до дебелина од 0,5 цм, вади со модли и

ставај ги врз хартија за печење. Печи во загреана рерна на 150°C околу
10-20 минути во зависност од дебелината на кексите. Може да ги
украсиш со лажичка топено чоколадо и кокос. Може да стојат долго, а
изгледаат како одлична декорација на трпезата за време на празниците,
плус се превкусни за со топол чај или кафенце.