LA ASCENSIÓN DEL SEÑOR

(En vez del VII Domingo de Pascua)

SBA LECTURA
Tey sk’elojik itoy muyel li yaj-apoxtoltake.

Ta xich’ k’elbel svun Hechos de los Apóstoles

1,1-11

i ta sba jvun ijts’ibae, vo’ot ti avich’oj ta muk’ Rioxe, ijts’ibabe sk’oplal ti k’usitik ispas k’usitik
L ichanubtasvan li Kajvaltik Jesuse, ja’ to ti k’alal imuy ech’el ta vinajele, yalojbeik xa ono’ox
komel mantal ta Ch’ul Espiritu li apoxtoletik ti stuk ist’ujane. Li apoxtoletike iyilik k’alal ech’ xa ox
yu’un li vokolale, ep k’usitik ispas ja’ sk’elobil ti kuxule tey to ikom xchi’inik cha’vinik k’ak’al tey i-
albatik sk’oplal li ch’ul Lekilal yu’un Rioxe.

Jun k’ak’al tey tsobol xchi’ukik ta mexa, i-albatik: Mu me xa namajik ta Jerusalen. Li’ nox me xa
malaike ja’ to mi ik’ot ta pasel k’usi yaloj li Jtote, ja’ ti kalojboxuk xa sk’oplale: Li Juane iyak’
ich’vo’ ta stuk no’ox vo’, le’ xa no’ox ta jayib k’ak’ale li vo’oxuke chavich’ik vo’ xchi’uk Ch’ul
Espiritu.

Li buch’utik tey tsobolike isjak’beik to: Kajval, mi ja' xa yorail ti cha-cha’ak' tal li yu'elal li' ta
Israele? Li Jesuse itak’av: Li vo’oxuke ma’uk to akuentaik chana’ik k’usi k’ak’alil ta xal mantal li
Riox Totile, ti k’alal chyul ta atojolik li Ch’ul Espiritue, ep avipal chavich’ik chapukbeik sk’oplal li
jmantale chabatik ta Jerusalen, ta sjunul Judea, ta Samaria k’alal to ta sti’iltak balamil.

K'alal iyal yeche, ja'o imuy ech’el tey sk'elojik imak ta tok tey ich'ay o ta satik. K'alal tey sk'elojik
li vinajele, ti iyilik imuy ech’ele, ja’ o iyilik cha'vo' viniketik toj sak sk'u'ik, yech i-albatik: Galileoetik:
k'usi chapasik ti tey ak'elojik muyel li vinajele? Li Jesus avilik i-ik'e muyele, ja' ono’ox Jesus, ja'
no’ox yech ta xcha'sut tal no’oxtok, yech chak k’ucha’al avilik ibate, x-utatik.
Li’e ja’ sk’op Kajvaltik.

SALMO RESPONSORIAL
K’evuj 46

T. Ta k’evujetik, ta xmuy ech’el li Rioxe. Kuxetuk ko’ontik.

Majo ak’obik skotol jteklumetik.

Nojemuk ta skuxetel avo’onik, jk’evujintatik li Kajvaltike.
Li Kajvaltik tey ta toyole, ja’ xu’ yu’un skotol
ja’ chyu’elaj ta skotol balamil. T.
Ta k’evujetik xchi’uk ta ok’esetik,
li Kajvaltik Rioxe, ta xmuy ech’el ta xchotleb
k’evujinkotik ta stojol Riox ku’untik.
Kich’tik ta muk’ li Ch’ul Ajvalile, k’evujinkotik jkotoltik. T.

Yu’un li Rioxe ja’ Ch’ul Ajvalil ta sp’ejlej balamil.

Ja’ jk’evujintabetik li toj ech’ lekik k’evuje.
Tey to ta xch’ul chotleb li Rioxe,
ta xyu’elaj ta skotol jteklumetik. T.

XCHIBAL LECTURA
Iyak’ chotluk ta sbats’i k’ob tey ta vinajel.

Ta xich’ k’elel sba svun apoxtol San Pablo istakbe efesioetik.

4, 1-13

chi’iltak: Vo’on Pabloon. Li’ oyon to ta chuklebal ta skuenta smantal Rioxe. Chakalboxuk ti
J ja’uk xakuxlebinik sk’op Riox k’ucha’al avich’ik chanubtasele. Lekuk avo’onik mu xatoy abaik,
k’uxubino me abaik, chikintao me abaik, ts’ikbo me abaik ta skuenta li k’anele, ak’beik yipal ti
jmojuk nox teyikoxuk ta Ch’ul Espíritu, ti tsoboloxuk xa onox ta slekilal Riox.

Yu’un ja’ nox jun sbek’tal Kajvaltik xchi’uk jun nox Ch’ul Espíritu, yech k’ucha’al jun nox
chanubtasel avich’ik ti chamalabeik slekilal li Rioxe. K’ajom nox jun Kajvaltik, jun nox xch’unel
Riox, jun nox ich’vo’, jun nox Riox Totil ta jkotoltik ti spas lekil mantal ta jtojoltik. Ta spas lekil
abtel ta jujun tal vo’otik, ti tey ta jtojoltike.

Jujun tal vo’otik kich’ojbetik xa slekilal Riox k’u yepal yak’ojbotik Kristo. Ja’ yu’un chal li ch’ul
vune: k’alal chmuy ech’el ta vinajele tey iyik’ ech’el li buch’utik chukulik to’ox ta mulil. Iyak’be
ch’ul abtel li ants vinike.

K’usi sk’an chal ti imuye? Ja’ ti ba’yie iyal ta yolon balamile. Li buch’u iyal tale ja’ no’ox isut muyel
ta vinajele, ja’uk yech chnoj o skotol ta xch’ul lekilal.

Ja’ stuk li buch’u iyak’be yabtel ta apoxtoletik, yantik iyak’be yabtel ta j-alk’opetik, yantik iyak’be
yabtel ta spukel ech’el li xch’ul mantale, yantik iyak’be yabtel ta stsobel xchi’uk ta xchanubtasel
li bik’it muk’e. Li’e ja’ skuenta sp’ijubtasbe sjol yo’on jch’unolajeletik ja’uk yech spas lek yabtelik
skuenta spasbeik sbek’tal Kristo. Ja’ to mi jmoj xa tey tsobolotik ta xch’unel Riox xchi’uk ta
xch’unbel smantal li Xch’amale. Ja’uk yech xi lekubotik ta skotol ti k’usi jpastik onox ta jkuxlejaltik
ja’ jtatik o slekilal Kristo.
Li’e ja’ sk’op Kajvaltik.
ACLAMACIÓN ANTES DEL EVANGELIO
Mt 18, 19-20

T. Aleluya, aleluya.
Batanik ba chanubtasik skotol jteklumetik, xi li Kajvaltike,
na’ik me ti teyon ta atojolik skotol k’ak’al k’alal to slajeb balamile.
T. Aleluya.

CH’UL ACH’ MANTAL

Imuy ech’el ta vinajel tey chotol ta sbats’i k’ob Riox.

Ta xich’ k’elel Ch’ul Ach’ Mantal yu’un Kajvaltik Jesucriso sts’ibaoj jtotik San Marcos.
16, 15-20

i ta vo’ne taje, iyak’ sba ta ilel Jesus ta stojol li buluchvo’ike iyalanbe: batanik ta sjunul balamil
T ak’ik’ ta a’yel li Ach’ Mantal ta stojol jnaklejetik li’ ta balamile. Li buch’u ta xch’un xchi’uk ta
xich’ vo’e, ta sta skolel, li buch’u mu sk’an xch’une ch’ayel ta xbat. Li’e ja’ jaytosuk li k’usitik lekik
chk’ot ta pasel ta stojolik li buch’utik ixch’unike: ta slok’esik pukujetik ta jbi vo’on, ta xk’opojik ta
yantik k’opetik, ta stsakik kiletel chonetik ta sk’obik, mi iyuch’ik k’usi chmilvane; ch’abal k’usi
chopol chcha’leatik, ta xak’ sk’obik ta stojol li jchameletike ja’ kolem ta xkomik.

K’alal ik’opoj yech li Kajvaltik Jesuse, imuy ech’el ta vinajel tey chotol ta sbats’i k’ob Riox. Li
yajchank’optake ibatik ba yalik li Ach’ Mantal ta buyuk no’oxe. Oy k’usitik lekik chk’ot ta pasel
yu’unike ja’ tey ta xvinaj o ti tey Kajvaltik ta stojolike.
Li’e ja’ sk’op Kajvaltik