KINAKAILANGANG KAGAMITAN NG MODYUL

Talahanayan ng mga Modyul

Blg. Pamagat ng Modyul Code ng Modyul

Ang Alpabeto at Patnubay sa Ispeling ng
1. FIL 313-1
Wikang Filipino
2 Wastong Gamit ng mga Bantas FIL 313-2
Ang Gamit ng mga Pangatnig at Cohesive
3 FIL 313-3
Devices
4 Ang Sining ng Pagbasa FIL 313-4

5 Talata FIL 313-5

6 Pagsulat ng Balangkas FIL 313-6

7 Malikhaing Pagsulat FIL 313-7

8 Ang Sanaysay FIL 313-8

Ang Alamat at Kuwentong-Bayan ng mga
9 FIL 313-9
Tagalog
10 SINING NG TULA FIL 313-10

11 Piksyon FIL 313-11

12 Maikling Kuwento FIL 313-12

13 Ang Dula FIL 313-13

14 Katutubong Sayaw at Awitin FIL 313-14

SINING NG TULA
 NILALAMAN NG MODYUL

Kurso: Bachelor of Science in Accounting Information

System

Module Title: Sining ng Tula

Nominal Duration: 3 oras

Layunin ng Modyul:

Matapos mapag-aralan ang modyul na ito, ang mga mag-aaral ay inaasahang:

1. Magamit nang wasto ang kaalaman sa pagtula at pagkatha ng tula sa
iba’t ibang disiplina
2. Matukoy ang paraan sa pagkatha ng tula na magagamit sa
pakikipagkomunikasyonsa araw-araw
3. Makasulat ng isang editoryal ukol sa kasalukuyang nagyayari sa
ating bansa

Nilalaman:

1. Ang tula at ang Pagkatha

2. Katangian at bahagi ng tula

PAMAMARAAN NG PAGTATAYA:
Isahang pagsagot sa ebalwasyon
SANGGUNIAN:
1. Pagbasa at Pagsulat Tungo sa Pananaliksik, Victor C. Ramos, Ed. D.,
Teody C. San Andres, Ph. D.
2. Sining ng Komunikasyong Pang-akademiko, Teody C. San Andres, Ph.
D., Fatima S.A. Lim, M.A., Arnold P. Santos, M.A.
3. Sining ng Malikhaing Pagsulat, Renato D.L. Godoy
4. Sining ng Malikhaing Pagsulat at Pananaliksik, 1993, Quezon City:
Rex Printing
 Pahina ng Impormasyon FIL 313-10
Sining ng Tula

Layunin ng Pagkatuto:
Pagkatapos mabasa ang pahina ng impormasyon, ikaw ay inaasahang:
1. Magamit nang wasto ang kaalaman sa pagtula at pagkatha ng tula sa
iba’t ibang disiplina
2. Matukoy ang paraan sa pagkatha ng tula na magagamit sa
pakikipagkomunikasyon sa araw-araw
3. Makasulat ng isang editoryal ukol sa kasalukuyang nagyayari sa
ating bansa

ANG TULA AT PAGKATHA

Ang tula ay produkto ng malikot na imahinasyon at guniguni ng
manunulat may tugma man o wala ang mahalaga ito ay nag bibigay buhay sa
isang matulaing kaluluwa na may kariktang humahaplos o tumitimo sa buhay
ng katauhan ng bumabasa o bumibigkas ng tula.
Ayon kina Tiamson, Rublin et..al, ang paghabi ng mabulaklak na tula
ang siyang pinaka mabisang tagapagpahayag ng mga tagulaylay ng kaisipan at
damdamin ng isangn makata.
Ayon kay Rufino Alejandro,Ph.D “ang tula ay isang pagbabagong hugis sa
buhayna ipinararating sa ating damdamin at ipinapahayag sa pananalitang
nag aangkin ng tumpak ng tumpak na aliw-iw at lalong mainam sa mga may
sukat at taludtud. Ang kahulugan ng TULA ay Likha at ang MAKATA ay isang
Manlilikha.ayon paren sa kanya , kalikasan at ang buhay ang pinag
hahanguan ng paksa ng makata at sa pamamagitan ng mga larawang diwa ay
pinupukaw niya ang ating damdamin ,’’
Ayon naman kay Inigo Ed.Regalado ,’’ang tula ay kagandahan ng diwa,
katas, larawan at kabuuan ng tamang kariktang sa silong ng alin mang langit”.
Ang tula ay kamalayang nagpapasigasig.(Abadillia Alejandro).
 Sinabi naman ni Coleridge na ang “Tuluyan ay mga salita tungo sa
kanilang mabuting kaanyuan,at ang tula ay pinak mabuting salita sa kanilang
pinak mabuting kaayusan’’.

ANG KATANGIAN NG TRADISYONAL NA TULA SA PANULANG PILIPINO

SUKAT
Ang sukat ng tula ay bilang ng pantig sa bawat taludtod at ang
taludtod ay binubuo ng mga pantig. Sinasabi na ang bilang ng pantig sa loob
ng isang hati o bahagi ng isang pangungusap . Ito ay sinasabing tagal o ang
bilang ng bagsak ng tunog sa diin o bigkas ng mga salita sa taluudtod.

SESURA
Ang sesura ay katutubong tigil sa pagbigkas sa dulong pantig na
isang pangkat ng mga salitang may ibat ibang pantig sa loob ng isang
taludtod.Masasabi rin na ang sesura ay bahagyang pagtigil (Light Pause) sa
gitnang bahagi ng taludtod na may bilang na labindalawa at labing walong
pantig sa loob nang isang taludtod.

SAKNONG
Ito ay kalipunan ng mga taludtod na karaniwang magkakatugma at
nag papahayag nang isang kaisipan o bahagi ng paksang nais talakayin sa
tula.

TUGMA
Ang tugma ay mag katunog sa dulo ng taludtod ng tula. Ang malumay
ay sa malumay, ang malumi ay sa malumi ang mabilis ay sa mabilis at ang sa
maragsa ay sa maragsa.

May dalawang uri ng tugma;

1. Tugmang KARANIWAN- ang mga taludtod ay nag tatapos sa mga tunog
magkakahawig at magkakaiba ng tudlik sa mga huling pantig

Halimbawa:

At saka ang bato ay may kataungan

Taong nalulunod na bato ang pataw ,
Kung taong masama, dina lumulutang
Kung taongmabuti’y pumapaibabaw,’’
(“Ang bato” ni;Jose Corazon de Jesus)

2. Tugmang GANAP- ang mga taludtod ay nagtatapos sa mag kakaisang

tunog at tudlik.

Halimbawa:

Matanda ang may sabi sa buhay raw nitong tao

Buto’t laman ay hiwain, tadtarin ng pinong-pino
Hindi sapat na ibayad sa hirap at sakripisyo
Ng magulang na nagpalang pag-ibig ay bigay todo.
(‘Ang Ina Rin” ni; LGTR)