‘n Verwerking van die monoloog Aanhouer wen deur Christie Nortjé. Verwerk deur Elisma Engelbrecht///
(Gaan sit op blok) (Geirriteerd) Ju"rou Viljoen het
die “beste idee” ooit gehad… ‘n bring-en-vertel dag by die skool. Ek het besluit om vir Bella, my spierwit kat te bring. Ek het nie gedink dat Bella soveel moeilik sou veroorsaak nie. Sy doen gewoontlik die oulikste goed. Slaap in my skooltas, speel met my poniestert. (Giggel) Net laas week het sy haar naels probeer skerp maak teen my ma se denim, (giggel en fluister) terwyl my ma die denim nog aan gehad het. (Sug) Gelukkig luister my ma kliphard Jo Black as ons in die oggend skool toe ry. Sy het nie gehoor toe Bella haar naels op die agter sitplek skerp maak nie. (Trek gesig) Die rit het Bella se maag... omgekrap. Bella moes die bloempot in die klas biekie...uhm...leen. (Staan op) Dis toe dat al die choas los breek. Die probleem het begin toe ek haar uit die bak wou haal en sy vir Reuben en sy hamster sien. Sy het my gebruik as ‘n wegspringblok, Eina! Die arme hamster spring uit Reuben se hande uit. Bella jaag die hamster, ek jaag vir Bella en Reuben is net kort op my hakke. Daar is net choas soos ons onderdeur en bo-oor die skoolbankies beweeg. (Sug) Gelukkig kry Reuben se hamster ‘n veilige plekkie in Ju"rou Vijoen se laai. Ek gryp vir Bella toe sy by die laai haar witpoot probeer insteek. Net toe ons dink die chaos is verby. Begin Jessica se poodle vir Bella blaf. Bella skrik so groot sy steek haar naels in my arm in en maak so ‘n “gggg” geluid. Sy laat los nie. Ek probeer haar kalmeer, “rustig Bella, rustig” maar sy druk net haar naels dieper en dieper in my arms in. My oë begin traan. Morgan my vriendin gryp toe ‘n viskoekie uit my sak om vir Bella te gee, maar Bella hap die viskoekie mis en hap toe my skouer. (Vat aan skouer) Eina Bella! Net toe storm die skoolhoof, Mnr Jordaan in die klas in. (Mnr Jordaan se stem) “Hoekom raas dit so Ju"rou Viljoen?” (Ju"rou Viljoen stem) “Die deur Mnr Jordaan!” skree Ju"rou Viljoen. Bella is by die deur uit. Ek wou agter haar aanhol, maar Mnr Jordaan het my vasgekeer en gesê ek moet nou dokter toe omdat Bella my skouer gehap het. Ek het vir Mnr Jordaan probeer smeek om my toe te laat dat ek vir Bella gaan soek, maar hy het dadelik my ma gebel en sy het my kom haal om dokter toe te gaan. Die dokter het vir my ‘n inspuiting en steke gegee. Ek het al die pad huis toe gehuil oor Bella my kat. My ma het gesê dat katte altyd hulle weg huis toe vind. Ek wag nou nog vir Bella. (Kat geluid) (Verbaas) Bella!