A6 - Imigambi Yumuryango FPR

IMIGAMBI Y’UMURYANGO FPR - INKOTANYI 2010-2017
IMIGAMBI Y’UMURYANGO FPR-INKOTANYI

2010-2017
IJAMBO RY’IBANZE
Banyarwanda, Banyamuryango ba
FPR-INKOTANYI by’umwihariko,
namwe Nshuti z’u Rwanda
n’iz’Umuryango FPR-INKOTANYI.
Kuva Umuryango FPR-INKOTANYI
wabaho, waharaniye kubaka
Ubumwe bw’Abanyarwanda, kwimakaza Demokarasi mu

Rwanda no guharanira Amajyambere y’Abanyarwanda
bose. Uru ni urugamba twiyemeje; intambwe tumaze gutera
irashimishije; ariko kandi uru rugamba ruracyakomeza.
Duharanira UBUMWE kuko tuzi ko umuryango ushobora

kuzima iyo ujemo amacakubiri ntahoshwe; naho umuryango
wunze ubumwe urasugira, ugasagamba.
Duharanira DEMOKARASI kuko tudashidikanya ko ariyo

nzira yonyine y’imiyoborere myiza ituma abaturage bagira
ijambo n’uruhare mu bibakorerwa, kwishyiriraho abayobozi,
mu kugenzura imikorere yabo, no mu gufata ibyemezo mu
micungire y’Igihugu.
-1-
Duharanira AMAJYAMBERE kuko twemera ko intego

y’umwimerere y’ubutegetsi bwiza ari uguhindura imibereho
y’Abanyarwanda, igahora igana aheza.
Mu mwaka w’i 2003, mwashimye Imigambi by’Umuryango

FPR-INKOTANYI, maze muwutora mutazuyaje. Tumaze imyaka
irindwi dufatanya gushyira mu bikorwa intego twiyemeje.
TURABIBASHIMIRA BYIMAZEYO
Ibyo tumaze kugeraho dusangiye ingendo birashimishije

kandi ntabwo dushobora gusubira inyuma. Ni yo mpamvu
muri iyi myaka irindwi (2010-2017) iri imbere, Umuryango
FPR-INKOTANYI ushaka gukomeza guteza Abanyarwanda
n’Igihugu cyacu imbere.
Turasaba Abanyarwanda bose gukomeza kugirira icyizere

Umuryango FPR-INKOTANYI.
KAGAME Paul
Perezida w’Umuryango FPR-INKOTANYI
-2-
INTANGIRIRO RUSANGE
Umuryango FPR-INKOTANYI wagaragaje ko ufite ubushake
n’ubushobozi byo gukorera Abanyarwanda ubaganisha ku
mibereho myiza n’iterambere rirambye.
Ibi twabigezeho tugendeye ku ntego-remezo icyenda
z’Umuryango FPR-INKOTANYI zikurikira:
1. Kugarura Ubumwe bw’Abanyarwanda;
2. Kubumbatira ubusugire bw’Igihugu n’umutekano
w’abantu n’ibintu;
3. Kubaka ubuyobozi bushingiye kuri demokarasi;
4. Kubaka ubukungu bushingiye ku mutungo bwite
w’Igihugu;
5. Guca umuco wa ruswa, gutonesha, imicungire
mibi y’umutungo w’Igihugu n’izindi ngeso zijyanye
nabyo;
6. Kuzamura imibereho myiza y’Abaturage;
7. Guca burundu impamvu zose zitera ubuhunzi no
gucyura impunzi;
8. Guharanira umubano hagati y’u Rwanda n’ibindi
bihugu ushingiye ku bwubahane, ubufatanye
n’ubuhahirane;
9. Kurwanya jenosode n’ingengabitekerezo yayo.
-3-
Impamvu zo kongera gutora Umuryango FPR-

INKOTANYI
Muri iyi myaka irindwi ishize, hari byinshi Umuryango FPR-
INKOTANYI wagejeje ku Banyarwanda mu byiciro binyuranye
by’ubuzima bw’Igihugu.
-- Mu MIYOBORERE MYIZA Umuryango FPR-
INKOTANYI wimakaje ubuyobozi buboneye,
bushimangira uburenganzira bwa muntu n’ubumwe
bw’Abanyarwanda, kandi bwubaka ubwuzuzanye
n’uburinganire hagati y’abagore n’abagabo. Wiyemeje
kandi kubungabunga umutekano n’ubusugire
bw’Igihugu, kubahiriza amahame ya demokarasi,
arimo kwitorera abayobozi, kwegereza ubuyobozi
n’ubushobozi abaturage kugira ngo barusheho kugira
uruhare mu kugena no kugenzura ibibakorerwa, no
gukorera mu mucyo. Umuryango FPR-INKOTANYI
na none wiyemeje kubaka ububanyi n’amahanga
bushingiye ku bwubahane, ubuhahirane n’ubufatanye
kandi bugamije inyungu z’Abanyarwanda.
-- Mu byerekeye UBUKUNGU, Umuryango FPR-
INKOTANYI wateje imbere ubukungu bushingiye ku
miterere no ku mutungo bwite by’Igihugu, cyane
cyane ku Abanyarwanda ubwabo. Umusaruro mu
byiciro bitandukanye by’ubukungu wariyongereye,
cyane cyane mu buhinzi n’ubworozi, mu ishoramari,
mu bukerarugendo, mu nganda, ubucuruzi
n’ubukorikori. Ibikorwa remezo nabyo byatejwe
imbere; byose bigamije gutsura amajyambere mu
Rwanda.
-4-
-- UBUTABERA bwahawe intebe, inzego zabwo

ziravugururwa, maze burushaho kurengera buri
wese. Umuryango FPR-INKOTANYI washyize imbaraga
by’umwihariko mu kurwanya akarengane, ruswa
n’izindi ngeso mbi zifitanye isano nayo. Umuryango
FPR-INKOTANYI wakomeje kurwanya byimazeyo
jenoside n’ingengabitekerezo yayo haba mu Rwanda
cyangwa mu mahanga. Twiyemeje kandi guca
burundu umuco wo kudahana no guhashya ivangura
iryo ariryo ryose.
-- IMIBEREHO MYIZA y’abaturage ni cyo gipimo
cy’iterambere nyakuri. Ni yo mpamvu Umuryango
FPR-INKOTANYI wiyemeje guharanira ubuzima
bw’abaturage buzira umuze, guha abanyarwanda
bose amahirwe angana yo kwiga, kwita ku
batishoboye, kunoza politiki y’ubwiteganyirize,
iy’ubutaka, imiturire n’ibidukikije, ndetse n’iy’imikino
n’imyidagaduro bizamura imibereho myiza
y’abaturage.
Gahunda z’iterambere zose zirushaho kuramba n’abaturage
bakazigira izabo, iyo zishingiye ku muco w’Igihugu. Ni yo
mpamvu Umuryango FPR-INKOTANYI washingiye ibikorwa
byose ku muco w’ u Rwanda. Ni wo uduhuza, ukatugira
umwe, ukaduha byinshi dusangiye. Uyu muco kandi ukwiye
gukomeza kutuyobora, ukaba isoko y’ibisubizo ku bibazo
-5-
biriho n’ibizaza.
N’ubwo Umuryango FPR-INKOTANYI wagejeje u Rwanda
n’Abanyarwanda ku byiza byinshi, inzira y’amajyambere
iracyari ndende. Ubushake n’ubushobozi twagaragaje
turacyabifite kandi ntituzahwema kubikoresha ngo tugeze
Abanyarwanda ku ntera yisumbuye muri iyi myaka irindwi iri
imbere.
Mwahisemo neza mutora Umuryango FPR-INKOTANYI
nawo ntiwabatenguha; nimuwongere icyizere nawo
ukomeze ubageze ku bindi byiza byinshi.
-6-
UMUTWE WA MBERE
I. IMIYOBORERE MYIZA
Muri iyi manda y’imyaka 7 ya Perezida wa Repubulika (2003-
2010) hakozwe byinshi mu bijyanye n’ubukangurambaga,
guteza imbere urubyiruko n’abagore, kubaka itangazamakuru,
kubungabunga umutekano n’ubusugire bw’Igihugu,
ububanyi n’ahamanga bishingiye ku bwubahane, ubufatanye
n’ubuhahirane no gushyigikira ko imiryango itari iya Leta
ikora neza kandi ikagira uruhare rugaragara mu iterambere
ry’Igihugu.
Kubera iyi miyoborere myiza, u Rwanda ruyobowe
n’Umuryango FPR-INKOTANYI, urangajwe imbere na
Nyakubahwa Paul KAGAME, Perezida wa Repubulika y’u
Rwanda, rwegukanye ibikombe by’ishimwe muri gahunda
zitandukanye.
Zimwe mu ngero z’ibyo bikombe ni izi:
-- U Rwanda rwegukanye inshuro ebyiri igikombe
gitangwa n’Umuryango w’Abibumbye ku mitangire
ya servisi nziza mu nzego za Leta cyitwa “UN Public
Service Award”;
-- U Rwanda rwahawe igikombe cyo guteza imbere
Abagore muri Afurika cyitwa “African Gender Award”;
-- U Rwanda rwegukanye kandi igikombe cya mbere
cyo kubaka Amahoro no guhanga ibintu bishya mu
miyoborere cyitwa “Peace and Innovation Award”;
-7-
-- U Rwanda kandi rwabaye urwa mbere ku isi mu

kugena no kuvugurura imikorere iteza imbere
ishoramari “Best Reformer in Doing Business”.
-- U Rwanda rwabaye mu bihugu bya mbere muri Afurika
muri mu gushyiraho igipimo nyafurika ku miyoborere
myiza (APRM: African Peer Review Mechanism);
ruba n’ urwa mbere mu gushyiraho ibipimo by’
imiyoborere ruhuriyeho n’ abafatanyabikorwa (JGA:
Joint Governance Assessment).
Niyo mpamvu Umuryango FPR-INKOTANYI usaba
abanyarwanda bose kongera kuwutorera Umukandida
kugirango ibyiza bimaze kugerwaho bikomeze
gushimangirwa na gahunda nziza ziri imbere zikomeze
zishyirwe mu bikorwa.
1.1 Ubukangurambaga
Icyo Umuryango FPR – INKOTANYI wimirije imbere
Umuryango FPR-INKOTANYI wiyemeje gushimangira

intambwe imaze guterwa mu bumwe n’ubwiyunge.
Wiyemeje kandi kwongera uruhare rw’abaturage mu ifatwa
ry’ibyemezo bibafitiye akamaro binyuze mu Nteko Rusange
-8-
y’Akagari, mu kwishyiriraho abayobozi no gukurikirana

ishyirwa mu bikorwa rya gahunda zibagenewe.
1.1.1. Muri iyi manda ishize, Umuryango

FPR-INKOTANYI wakoze byinshi mu rwego
rw’ubukangurambaga
U Rwanda rumaze gutera intambwe ishimishije mu

bukangurambaga bushingiye cyane cyane ku kugarura
Ubumwe bw’Abanyarwanda, ku kubaka ubuyobozi
bushingiye kuri Demokarasi igaragarira mu kwegereza
abaturage ubuyobozi bitoreye; ndetse no kongera ingufu mu
itumanaho n’itangazamakuru riha buri wese ubwisanzure.
Gushimangira ubumwe n’ubwiyunge
• Hahuguwe ibyiciro bitandukanye by’abanyarwanda

hakoreshejwe uburyo bunyuranye
bw’ubukangurambaga, ibyo byatumye imibanire
y’abanyarwanda irushaho kuba myiza n’ ibindi.
• Abanyarwanda bahabwa amahirwe angana mu ngeri

zose z’ubuzima.
• Abanyarwanda bakangukiye kwitabira inkiko Gacaca

nk’ubutabera bwunga; byakuye urwicyekwe mu
miryango.
Gutoza abanyarwanda umuco wo gukunda igihugu, gushyira

imbere inyungu rusange no gukora byinshi byiza kandi vuba
• Hashyizweho Itorero ry’igihugu rimaze gutoza Intore

z’ibyiciro bitandukanye.
-9-
• Abanyarwanda bakangukiye kugira ubwitange mu

bikorwa bigamije guteza imbere igihugu (kuremera
abatishoboye, kubaka amashuri, nibindi).
Kwegereza abaturage ubuyobozi n’ubushobozi
• Havuguruwe amategeko n’imikorere y’Uturere,

Umurenge, Akagari n’Umudugudu, ubu abaturage
bahabwa serivisi batagombye gukora ingendo
ndende.
Kubaka umuco wo gutanga Serivisi nziza no kwimakaza

imiyoborere myiza
• Kwimakaza indangagaciro na kirazira mu nzego

zitandukanye z’ubuyobozi byafashije abaturage
guhabwa servisi nziza kandi ku gihe na gahunda
z’Igihugu zigerwaho ku buryo bwihuse.
• Imikoranire myiza ya Leta n’abafatanyabikorwa

yatumye u Rwanda rutera intambwe ishimishije mu
bipimo bitandukanye by’imiyoborere myiza.
Gutoza abaturage kugenzura imikorere y’inzego n’abayobozi

bishyiriyeho
• Inzego zose zikorerera ku mihigo, abaturage nabo

bakangukiye gukorera ku ntego, guhiganwa no guta
umuco wo gutsimbarara ku bya kera bitakijyanye
n’igihe.
• Mu nzego zose abaturage bitorera ababahagarariye
- 10 -
bakanagenzura imikorere yabo.
• Inzego z’ibanze zegerejwe ubuyobozi n’ubushobozi

ku byerekeye imari , abakozi no gufata ibyemezo.
Gukangurira abaturage kwihangira no guteza imbere

umurimo
• Abaturage bashishikarijwe kwibumbira mu

makoperative;
• Hashyizweho gahunda zifasha abaturage kubona

imirimo ibaha umushahara ubafasha kwizigamira nka
(HIMO, ubudehe, n’ izindi).
• Hashyizweho umunsi ngarukamwaka w’ibintu bishya

“Innovation day” n’icyumweru cyo kumurika ibikorwa
by’indashyikirwa.
1.1.2. Mu Bukangurambaga Umuryango FPR -

INKOTANYI uzibanda kuri ibi bikurikira:
• Gukomeza kubaka Itorero ry’Igihugu kugera ku rwego
rw’akagari n’Umudugudu.
• Hazatangizwa ku buryo buhoraho, gahunda yo

gukorera Igihugu nta mushahara (National Service).
• Hazakomeza gushyirwa ingufu mu guteza imbere

Ubumwe n’ Ubwiyunge bw’ Abanyarwanda.
• Guteza imbere politiki y’imiyoborere myiza iha

uruhare abanyarwanda mu kwifatira ibyemezo kuri
- 11 -
gahunda zibareba.
• Gukomeza kwegereza ubuyobozi n’ubushobozi

abaturage bizakomeza, servisi nyinshi zishyirwe ku
nzego zegereye abaturage.
• Gukomeza gushimangira politike y’ubuyobozi

busaranganyijwe kandi buzira iheza.
• Gukomeza gukangurira abanyarwanda bose gukora

umurimo unoze, gutanga serevisi nziza kandi zihuse
hashyirwaho ingamba zo kubigeraho.
• Gukomeza gukangurira abanyarwanda guhindura

imyumvire ku bijyanye no gukunda igihugu bashyira
inyungu rusange imbere.
• Gukangurira abaturage kurwanya ruswa, akarengane,

kumenya no guharanira uburenganzira bwabo.
• Kunoza igenzura ry’ibikorerwa mu nzego z’ibanze

(Clean Audit Report ).
- 12 -
1.2. Iterambere ry’urubyiruko

Icyo Umuryango FPR–INKOTANYI wimirije imbere ni ugutoza
urubyiruko umuco wo gukunda Igihugu, wo kwikemurira
ibibazo, no kurufasha kubona umurongo uboneye watuma
rurushaho kwiteza imbere no kugira uruhare mu iterambere
ry’Igihugu kuko ari rwo mbaraga n’amizero yacyo.
1.2.1. Umuryango FPR-INKOTANYI wagize uruhare

mu:
Gushaka uburyo amashuri y’ibyiciro byose yagwira, urubyiruko
rugashobora kugera ku bumenyi n’ubuhanga bihanitse
• Urubyiruko rwashishikarijwe kwiga amashuri

y’ubumenyi n’ikoranabuhanga «sciences»
by’umwihariko urw’abakobwa.
• Urubyiruko rutishoboye ruhabwa inkunga irufasha

gukomeza amashuri.
• Urubyiruko, nta vangura rukomeje gufashwa kwiga

mu mashuri makuru haba mu gihugu cyangwa mu
mahanga; ndetse abatsinze cyane Nyakubahwa
Perezida wa Repubulika abaha buruse y’ubuntu.
• Imbuto Foundation ifasha urubyiruko mu kwihangira

imirimo no gushishikariza abana b’abakobwa kwiga.
- 13 -
Guteza imbere imibereho y’urubyiruko, guhesha agaciro

umurimo n’ibikorwa bitubura inyungu
• Urubyiruko rwitabiriye guhindura amashyirahamwe

yarwo mu makoperative no gushinga andi; amwe
muriyo aterwa inkunga.
• Hashyizweho uburyo butandukanye bwo gufasha

urubyiruko kwiteza imbere no kubona inguzanyo.
• Hatangijwe gahunda yo kwimenyereza umurimo

(Internship) ku rubyiruko rurangije Kaminuza
n’amashuri makuru.
• Urubyiruko rwitaweho nk’icyiciro kihariye mu

gutegura gahunda z’ingamba z’iterambere
ry’ubukungu no kurwanya ubukene.
Guharanira ko urubyiruko rugira uburere butunganye n’ubuzima

buzira umuze
• Hakozwe Itorero ry’urubyiruko ruba mu gihugu

n’ingando ku rubyiruko rw’abanyarwanda ruba mu
mahanga.
• Urubyiruko rurahagarariwe mu nzego zitandukanye

z’ubuyobozi bw’Igihugu.
• Hashyizweho inzego z’Ihuriro ry’abanyeshuri mu

mashuri yisumbuye n’amakuru.
• Hatangijwe gahunda yo kurwanya ibiyobyabwenge

na SIDA mu rubyiruko.
- 14 -
Guteza imbere ubusabane n’ubutwererane hagati y’urubyiruko

rw’u Rwanda n’urw’amahanga
• Urubyiruko rw’u Rwanda rwitabiriye amahuriro

n’inama by’urubyiruko haba mu gihugu, mu karere
no mu mahanga .
• U Rwanda rwasinye amasezerano nyafurika

y’Urubyiruko “African Youth Charter”.
1.2.2. Mu guteza imbere urubyiruko Umuryango

FPR-INKOTANYI uzibanda:
• Kwongera ubushobozi bw’amakoperative no
gukurikirana imikorere yayo.
• Kubaka ubushobozi bw’urubyiruko rukavamo ba

rwiyemezamirimo.
• Gushyiraho gahunda ifasha urubyiruko kwibonera

ibikoresho by’ubwubatsi (hydroform, amatanura, n’
ibindi).
• Gukomeza gutoza urubyiruko umuco wo gukunda

Igihugu.
• Gukomeza gushyira imbaraga muri gahunda zifasha

urubyiruko kugira ubuzima buzira umuze.
• Guteza imbere ubusabane n’ubutwererane

bw’urubyiruko mu gihugu no mu mahanga.
- 15 -
1.3 Iterambere ry’abagore
Umuryango FPR-INKOTANYI waharaniye gushimangira ihame

ry’uburinganire n’ubwuzuzanye hagati y’abagabo n’abagore
mu iterambere ry’Igihugu. Niyo mpamvu Umuryango FPR-
INKOTANYI uzakomeza guharanira kurandura burundu inzitizi
zose zikibangamiye iterambere ry’umugore.

muri gahunda zo guteza imbere umugore
mu buryo bukurikira:
Gushyigikira gahunda zivana umugore mu bukene
• Uburinganire bwinjijwe muri gahunda yo kurwanya

ubukene no mu ngengo y’imari ya Leta.
• Abagore bitabiriye guhindura amashyirahamwe

yabo amakoperative n’ ibikorwa by’ubukorikori
n’ishoramari.
• Hashyizweho gahunda zifasha umugore

kworoherezwa imvune z’urugo.
Kuvanaho burundu amategeko abangamiye iterambere

ry’abagore
• Hashyizweho amategeko mashya ashimangira ihame

ry’uburinganire hagati y’abagore n’abagabo bituma
bagira uburenganzira bungana ku mutungo no ku
bwenegihugu.
- 16 -
• Imiryango nyarwanda yakanguriwe kubana mu

buryo bwemewe n’amategeko.
• Hashyizweho komite zo kurwanya ihohoterwa

rishingiye ku gitsina kuva ku rwego rw’Umudugudu
kugeza ku rwego rw’Igihugu.
Gukomeza gukangurira abagore kujya mu nzego zifatirwamo

ibyemezo
• Hashyizweho urwego rushinzwe kugenzura

iyubahirizwa ry’uburinganire hagati y’umugabo
n’umugore (Gender Monitoring Office).
• Ihame rya “nibura 30%” by’abagore mu nzego

zifatirwamo ibyemezo riteganywa n’ Itegeko Nshinga
ryatangiye kubahirizwa.
Gukangurira abagore kwitabira amashuri y’ingeri zose
• Ababyeyi bashishikarijwe kwita ku burezi bw’abana

b’ibitsina byombi.
• Politiki yo guteza imbere uburezi bw’umwana

w’umukobwa yatumye umubare w’abagore
wiyongera mu mashuri y’ingeri zose no ku isoko
ry’umurimo.
- 17 -
1.3.2. Ibizibandwaho:
• Gukomeza gushimangira ihame ry’uburinganire

hagati y’abagore n’abagabo muri gahunda zose
z’igihugu no gukurikirana ishyirwa mu bikorwa
ry’amategeko abushimangira.
• Gukomeza gushishikariza abagore kwibumbira mu

makoperative , kugana ibigo bitanga inguzanyo no
guhuza ibikorwa byabo n’ibikenewe ku isoko.
• Kwinjiza muri buri kigo nderabuzima gahunda

“ISANGE” ifasha abahohotewe.
• Gukomeza kubaka ubushobozi bwa za Komite zo

kurwanya ihohoterwa ku nzego zose.
• Gukomeza gushishikariza abakobwa kwitabira kwiga

amashami y’ubumenyi, ikoranabuhanga n’ay’imyuga
itandukanye.
• Gukurikirana ko ihame ry’uburinganire ryinjizwa mu

igenamigambi ry’ingengo y’imari y’inzego za Leta.
1.4. Iterambere Ry’imiryango Itari Iya Leta
Icyo Umuryango FPR–INKOTANYI wimirije imbere ni uko

habaho Imiryango itari iya Leta (civil society) ifite imikorere
igamije inyungu rusange, ikanagira uruhare rugaragara mu
iterambere ry’Igihugu.
- 18 -
1.4.1. Umuryango FPR–INKOTANYI wakoze iki?

Umuryango FPR–INKOTANYI wagize uruhare mu:
Gushyigikira ishyirwaho ry’Urwego rwigenga ruhuza abagize
Imiryango itari iya Leta
• Hashyizweho ihuriro (Platform) ryigenga ry’imiryango

nyarwanda itari iya Leta;
• Hashyizweho amakomite ahagarariye imiryango

nyarwanda itari iya Leta kuri buri Karere;
Gushyigikira ko Imiryango itari iya Leta igira uruhare ku

ngengo y’imari ya Leta bityo ikarushaho kwinjira mu bikorwa
by’amajyambere:
• Imwe mu miryango itari iya Leta imaze kugira ibikorwa

bibyara inyungu.
• Imiryango itari iya Leta ibifitiye ubushobozi ipiganira

amasoko ya Leta;
• Hagiyeho urubuga muri Minisiteri y’imari ruhuza

abaterankunga, abikorera n’imiryango itari iya Leta;
• Hasinywe amasezerano y’ubwumvikane hagati ya

MINECOFIN na Platform y’ imiryango nyarwanda itari
iya Leta ku gukurikirana imikoreshereze y’ingengo
y’imari ya Leta.
- 19 -
Gushyiraho urubuga rwo kunguraniramo ibitekerezo hagati

y’imiryango itari iya Leta, abaterankunga na Leta:
• Amadini yose afite ubwisanzure mu Rwanda.
• Hagiyeho urubuga ku rwego rw’ Uturere ruhuza Leta,

abikorera n’ imiryango itari iya Leta.
• Imiryango itari iya leta ihagarariwe mu rwego rwa

Leta rw’ubukungu n’imibereho myiza (Rwanda
Economic and Social Council-RESC) no mu zindi
nzego zinyuranye zifatirwamo ibyemezo.
Guteganya muri gahunda zo kujijura abantu amasomo afasha

kuzamura ubushobozi n’ubuyobozi bwiza mu Miryango itari iya
Leta.
• Abahagariye imiryango itari iya Leta bahuguwe mu

byiciro bitandukanye mu mikorere myiza, gahunda
za Leta n’indangagaciro zigomba kubaranga.
1.4.2. Ibyo Umuryango FPR-INKOTANYI

uzibandaho
• Gukangurira imiryango itari iya Leta gukora za
gahunda z’ibikorwa by’iterambere ry’abanyarwanda;
• Gukomeza kubaka ubushobozi bw’imiryango

nyarwanda itari iya Leta no kuyitinyura gukora
ibikorwa bibyara inyungu bishyigikira ibyo bakora.
• Guharanira ko imiryango nyarwanda itari iya Leta

yose yabarizwa muri platform yayo.
- 20 -
• Hazashyirwaho uburyo bwo kunoza imikorere

y’ihuriro nyunguranabitekerezo (Rwanda Economic
and Social Council) ku miyoborere, imikoranire
n’iterambere mu Gihugu.
• Gushimangira umuco w’ubukorerabushake.
1.5. Umutekano n’ubusugire bw’igihugu
Umuryango FPR-INKOTANYI usanga umutekano, amahoro

n’ubusugire ari umusingi ukomeye w’iterambere iryo ariryo
ryose. Ni muri urwo rwego Umuryango FPR-INKOTANYI
waharaniye kandi ukomeje guharanira ubusugire bw’u
Rwanda, umutekano usesesuye w’Abanyarwanda
n’uw’umutungo wabo.
1.5.1. Umuryango FPR-INKOTANYI wakoze iki?

• Hashyizweho politiki y’umutekano mu gihugu.
• Havuguruwe amategeko agenga Ingabo na Polisi

by’Igihugu, imfungwa n’abagororwa, abinjira
n’abasohoka, na LDS.
• Ingabo z’Igihugu na Polisi y’Igihugu byabaye

iby’umwuga (Professional) byongererwa ubushobozi
hitabwa no ku mibereho myiza (MMI, CSS ZIGAMA,
nibindi.
• Ingabo z’Igihugu na Polisi y’Igihugu byitabazwa mu

gucunga umutekano haba mu karere cyangwa mu
mahanga.
- 21 -
• Abaturage batojwe kwirindira umutekano (LDS,

Community Policing).
• Hakemuwe ikibazo cy’umutekano mu bihugu

duturanye biciye muri Komisiyo “Tripartite Plus”.
• Hubatswe ubufatanye hagati y’inzego z’umutekano

z’u Rwanda n’iz’ibihugu bya EAC mu kurinda
umutekano mu karere.
• Hubatswe ubufatanye hagati ya Polisi y’Igihugu na

Polisi z’ibindi bihugu (Interpol).
• Hatangiye kubakwa umutwe wo kurwanya

iterabwoba «antiterrorism unit».
• Hashyizweho Ministeri ishinzwe Ibiza n’ishami

ryihariye ribishinzwe muri Polisi y’Igihugu.
• Hashyizweho ishami rishinzwe kurwanya ihohoterwa

rishingiye ku gitsina «Gender Based Violence».
• Hashyizweho umutwe w’ ingabo z’ Inkeragutabara

(Reserve Forces).
- 22 -
1.5.2. Ibyo umuryango FPR-INKOTANYI uzibandaho

• Gukomeza gushyiraho ingamba zirwanya abagishaka
guhungabanya umutekano w’u Rwanda “negative
forces”.
• Kwitabira no kugira uruhare mu bikorwa bigarura

amahoro n’umutekano muri aka karere no mu
mahanga.
• Gukomeza gukangurira abanyarwanda kugira

uruhare mu kwirindira umutekano, guhangana
n’ingaruka za Jenoside, ingengabitekerezo yayo
n’ibisigisigi by’amateka mabi y’Igihugu cyacu.
• Gukomeza kubaka ubushobozi bw’Ingabo na Polisi

by’ Igihugu no guhugura “Local Defence” no kunoza
imikorere ya Community Policing.
• Kwihutisha imanza z’abafunze batarakatirwa.
• Gukomeza kunoza ubufatanye bwa Polisi y’Igihugu

n’ibigo by’ abikorera mu gucunga umutekano
w’abantu n’ibintu (PPP: Public Private Partnership).
• Kubaka ubushobozi bwo guhangana n’ibiza no

kubikumira.
• Kunoza uburyo abarangije imirimo nsimbura gifungo

basubizwa mu buzima busazwe no kubashishikariza
kwiyunga nabo bahemukiye.
- 23 -
• Gukomeza gufasha ingabo zavuye ku rugererero

kwinjira mu buzima busazwe no kubafasha kubona
ubumenyi ngiro.
• Kubaka umutwe w’Inkeragutabara “reserve force”.
• Guteza imbere umutekano mu ikoranabuhanga

(cyberspace security).
• Gukomeza kubaka umutwe wo kurwanya

iterabwoba.
• Gushyiraho ingamba zihamye zo kurwanya

ibiyobyabwenge.
• Gushyiraho ingamba zo kurwanya ikoreshwa

ry’intwaro nto mu buryo bunyuranije n’amategeko.
I.6. Ububanyi n’amahanga
Abantu ni magirirane, kandi n’ibihugu ni uko.

Icyo Umuryango FPR-INKOTANYI wimirije imbere ni
ugukomeza guharanira ko intambwe imaze guterwa mu
rwego rw’ububanyi n’amahanga bushingiye ku bwubahane,
ubuhahirane n’ubufatanye bigamije inyungu z’abanyarwanda
ikomeza gushimangirwa.
- 24 -

mu
Gukora ibishoboka byose kugira ngo ingaruka mbi u Rwanda
rwatewe n’Ubukoloni ziveho burundu, cyane cyane ku byerekeye
ubusugire bwarwo n’ubumwe bw’Abanyarwanda, no mu buryo
bwo gutekereza:
• U Rwanda rubanye neza n’amahanga mu bwubahane,

ubuhahirane n’ubufatanye.
• Ingabo z’u Rwanda zitabajwe n’Umuryango

w’Abibumbye n’uw’Africa yunze ubumwe
mu kubungabunga umutekano mu bihugu
bitandukanye.
• U Rwanda rufatwa nk’Igihugu gifite ijambo, Igihugu

cyumvwa kandi cyubahwa mu karere no ku rwego
mpuzamahanga.
• Umuryango FPR-INKOTANYI ufitanye umubano

wihariye n’amashyaka ari ku butegetsi mu bihugu
binyuranye.
- 25 -
Guteza imbere umubano mwiza n’ubuhahirane by’u Rwanda

n’ibihugu byo mu karere, iby’amahanga n’Imiryango
mpuzamahanga:
• Nyakubahwa Perezida wa Repubulika y’u Rwanda

yagizwe umujyanama wa Banki y’Isi (World Bank).
• U Rwanda rwahaye imidari y’ishimwe abayobozi

b’ibihugu bafashije mu guhagarika Jenoside.
• U Rwanda rwasubukuye umubano na D.R Congo

n’Ubufaransa.
• U Rwanda rwinjiye mu muryango w’Ibihugu by’Afurika

y’Iburasirazuba (EAC: Easter African Community) na
Commonwealth.
• Umuryango wa CEPGL warabyukijwe.
• Igikorwa cyo gucyura impunzi kirakomeje

hifashishijwe gahunda ya “Tripartite”.
• U Rwanda rwayoboye imiryango ya COMESA na EAC.
• U Rwanda rwatorewe kuba mu nama ishinzwe

amahoro n’umutekano y’Umuryango w’Africa Yunze
Ubumwe.
• Abanyarwanda b’ingeri zinyuranye bahawe imyanya

mu miryango mpuzamahanga itandukanye.
Kurushaho kumenyekanisha u Rwanda, ibyiza rufite, umutungo

kamere warwo, n’ubuyobozi bwiza bururanga, bigatuma
- 26 -
amahanga arushakaho ubucuti agashora n’imari mu Rwanda
• Abanyacyubahiro benshi bagendereye u Rwanda

kandi rwakira inama mpuzamahanga zinyuranye.
• Hashyizweho politiki yorohereza abanyamahanga

bashaka gushora imari yabo mu Rwanda.
• Ambasade zikangurira kandi zorohereza ba

mukerarugendo bashaka kuza mu gihugu
zikanamamaza ibikorerwa mu Rwanda.
• U Rwanda rwakuriyeho abaturage b’ibihugu bigize

EAC gusaba icyemezo kibaha uruhushya rwo gukorera
mu gihugu.
Gukomeza gushakira u Rwanda inshuti mu mahanga no mu

bihugu tutari dusanzwe dufitanye umubano:
• Hafunguwe Ambasade nshya, muri Afrika

y’uburengerazuba no muri Asia yo hagati,
hanashyirwaho za Konsila mu bihugu bitandukanye
byo ku isi.
Gushaka uburyo Abanyarwanda bari mu mahanga bagirira

Igihugu akamaro kurushaho bamenyekanisha u Rwanda,
barushoramo imari, banarushakira inshuti n’abashoramari:
• Hubatswe Diaspora Nyarwanda hanashyirwaho

ingamba na gahunda bigamije kuyikundisha igihugu
no kugiteza imbere.
- 27 -
• Diaspora Nyarwanda ifashwa gutegura no

gukurukirana imirimo y’ ikoraniro ry’abanyarwanda
bose baba mu mahanga (Diaspora Global
Convention).
• Gahunda ya“one dollar campaign” igamije kubakira

amacumbi imfubyi za Jenoside zitagira aho ziba
yitabiriwe n’abanyarwanda b’ingeri zitandukanye
ndetse n’inshuti z’u Rwanda.
• Hashyizweho ikigega cy’ishoramari rya Diaspora.
Kuvugurura amasezerano amwe n’amwe u Rwanda rwagiranye

n’ibihugu by’amahanga, ndetse n’imiryango mpuzamahanga
kugirango ajyane n’igihe tugezemo n’inyungu z’u Rwanda:
• Havuguruwe hanasinywa amasezerano anyuranye

hagati y’u Rwanda n’ibindi bihugu no hagati y’U
Rwanda n’Imiryango Mpuzamahanga.
1.5.2. Ibyo umuryango FPR-INKOTANYI

uzibandaho
• Gukomeza gushimangira umuco wo kwikemurira
ibibazo aho gutega ak’ imuhana.
• Gushyiraho ingamba nshya zo gukomeza

kumenyekanisha u Rwanda.
• Gukomeza gukingura za ambasade na za konsila mu

bihugu u Rwanda rufitemo inyungu no kongerera
ubushobozi izisanzwe.
- 28 -
• Gukomeza gukangurira “diaspora” kugira uruhare

mu iterambere ry’Igihugu, kwigisha abanyarwanda
bakirwanya igihugu no gusobanurira amahanga
politiki nshya y’u Rwanda.
• Kugira abakozi b’ububanyi n’amahanga b’umwuga;
• Gukurikirana ko amasezerano hagati y’u Rwanda,

ibihugu n’imiryango mpuzamahanga ashyirwa mu
bikorwa.
• Gushyira imbaraga mu buhahirane n’ubutwererane

mu karere no ku isi.
• Gukomeza gushyiraho ingamba zituma umubare

w’impunzi z’abanyarwanda ukomeza kugabanuka.
1.7. Itangazamakuru

ukubaka itangazamakuru ry’umwuga rifite ubushake,
ubumenyi n’ ubushobozi bwo kugeza ku banyarwanda
amakuru abafitiye akamaro, azamura imyumvire, hagamijwe
kubageza ku majyambere arambye; kubaka itangazamakuru
rinyuranye rimenyekanisha isura nyayo y’u Rwanda mu
ruhando rw’amahanga.
- 29 -
Umuryango FPR- INKOTANYI uzihatira kandi gushishikariza

inzego za Leta n’izindi bireba gukomeza kugeza ku
Banyarwanda amakuru y’imvaho ku bibera mu Rwanda
ndetse no hanze.

mu bikorwa byinshi bigamije guteza imbere
itangazamakuru. Muri byo twavuga
Gushyigikira amashyirahamwe n’inzego z’umwuga
w’itumanaho n’itangazamakuru:
• Nyakubahwa Perezida wa Repubulika yahaye

abanyamakuru inzu yo gukoreramo n’ icapiro
rigezweho mu rwego rw’ikoranabuhanga.
• Amashyirahamwe y’abanyamakuru, kimwe n’ibigo

by’itangazamakuru by’abikorera bahawe inkunga
zinyuranye.
• Hashyizweho ikigo cy’amahugurwa y’abanyamakuru

(Great Lakes Media Center) kinahabwa ubushobozi.
• Leta yafashe icyemezo cyo kugabanya ibiciro

by’ibyangombwa bihabwa abanyamakuru
b’amahanga baza gukorera mu Rwanda.
Gushyira umukono ku masezerano mpuzamahanga agenga

itangazamakuru no guhuza n’amategeko y’Igihugu nayo:
• U Rwanda rwashyize umukono ku masezerano

atandukanye arebana n’itangazamakuru mu karere
rurimo ndetse no mu mahanga.
- 30 -
Kurushaho kumenyekanisha amakuru y’u Rwanda mu

mahanga:
• Nyakubahwa Perezida wa Repubulika agirana

ikiganiro n’abanyamakuru buri kwezi;
• Bimwe mu bitangazamakuru byo mu Rwanda binyuza

amakuru yabyo ku murongo wa internet.
• Abanyamakuru b’abanyamahanga batandukanye

bakomeje kugenderera u Rwanda bagatangaza
amakuru nyayo y’aho u Rwanda rugeze mu
iterambere.
Gushakira ibyangombwa bigezweho inzego zose zishinzwe

itumanaho n’itangazamakuru:
• Umushinga wo gusana no kubaka transmitters zifasha

abaturage bari mu bice bitandukanye by’Igihugu
kumva Radio Rwanda no kubona Television Rwanda
waratangiye. Digitalization ya Radio na Television
byaratangiye.
• ORINFOR yagabye amashami yayo azwi ku izina rya

“Radio z’abaturage/Community Radios” hirya no hino
mu gihugu.
• Radio na Television by’u Rwanda byumvikana

amasaha 24/24.
• Hashinzwe amaradiyo menshi yigenga n’umubare

w’ibinyamakuru uriyongera ku buryo bugaragara.
- 31 -
Gukangurira Abanyarwanda gukurikira ibitangazwa

n’itangazamakuru no gusesengura ibirimo
• Abaturage b’ingeri zitandukanye bahawe amaradiyo.
• Hatangijwe gahunda ya Media Clubs mu mashuri

yisumbuye anyuranye.
1.7.2. Ibyo umuryango FPR-INKOTANYI

uzibandaho
• Kubaka itangazamakuru ry’umwuga;
• Kwongerera ubushobozi ikigo cy’igihugu gishinzwe

itangazamakuru.
• Gukwirakwiza iminara n’ikoranabuhanga

“digitalization ya radio na television” mu gihugu
hose.
• Gukangurira abikorera gushinga television zigenga;
• Gushyiraho ingamba zifatika zo gukomeza

gukangurira abanyarwanda umuco wo gusoma no
kwandika haherewe ku bana bato.
- 32 -
UMUTWE WA KABIRI
2. UBUTABERA
Jenoside yakorewe Abatutsi yabaye indunduro y’urusobe
rw’ibibazo by’ubutabera n’uburenganzira bwa muntu byari
byarabaye akarande mu Rwanda.
Muri iyi myaka ishize, ibibazo byinshi by’ubutabera byagiye
bikemurwa, haba mu rwego rw’amategeko, mu kubaka inzego
zitandukanye zigira uruhare mu butabera n’uburenganzira
bwa muntu. Umuryango FPR - INKOTANYI ukaba wishimira
by’umwihariko akazi kakozwe n’Inkiko Gacaca, Urwego
rw’abunzi, ivugururwa ry’inzego z’ubutabera.
Na none, Umuryango FPR-INKOTANYI uracyashyize imbere
guca burundu umuco wo kudahana, ukaba rero ukomeje
gushyira imbaraga mu butabera muri rusange; kurwanya
jenoside n’ingengabitekerezo yayo; guca amacakubiri mu
banyarwanda, kurwanya akarengane na ruswa no guharanira
byimazeyo uburenganzira bwa muntu, ari byo bigeza
Abanyarwanda ku mibereho myiza.
- 33 -
2.1. Ubutabera Muri Rusange
Icyo Umuryango FPR-INKOTANYI wimirije imbere:

Kubaka Igihugu kigendera ku mategeko, kirangwa n’ituze
n’ubwisanzure, bituma buri Muturarwanda agirira u Rwanda
icyizere.
Umuryango FPR-INKOTANYI wagize uruhare runini mu

bikorwa bikurikir :
Gushimangira Ubutabera bwegereye abaturage, bubakorera,
bubunga, bubarengera, kandi bakabugiramo uruhare
rugaragara.
• Ivugururwa ry’inzego z’ubutabera ryarakomeje,

inkiko zariyongereye kandi zegerezwa abaturage,
• Hatangijwe igikorwa cyo gushyiraho abakozi batanga

ubufasha mu by’amategeko (Maisons d’Accès à la
Justice « MAJ ») mu Turere.
• Hagiyeho amategeko yerekeye imyifatire

y’abacamanza.
• Hashyizweho Inkiko z’ubucuruzi.
• Urwego rw’Abunzi rwakomeje kuvugururwa.
- 34 -
• Inzego zirangiza imanza zageze ku Kagali;

hashyizweho kandi urwego rw’abahesha b’inkiko
b’umwuga.
Guhana abakozi bo mu bucamanza barangwa na ruswa n’abica

akazi nkana no kubasimbuza ab’inyangamugayo.
• Hagiyeho urwego rw’Ubugenzuzi mu Rukiko

rw’Ikirenga no mu Bushinjacyaha Bukuru.
• Hagiyeho Inama Nkuru y’ Ubucamanza n’Inama Nkuru

y’Ubushinjacyaha.
Guhana by’intangarugero, hakurikijwe amategeko,

abasambanya ku ngufu, abahohotera abana n‘abagore.
• Hashyizweho gahunda yihariye mu nkiko yo

guca imanza z’abasambanya abandi ku ngufu,
by’umwihariko abasambanya n’abahohotera
abagore n‘ abana. Hashyizweho kandi abakozi mu
Bushinjacyaha Bukuru no muri Polisi bashinzwe
by’umwihariko gukurikirana icyo cyaha.
• Hakozwe ubukangurambaga bugamije gusobanurira

abaturage n’inzego zinyuranye ububi bw’icyaha cyo
gusambanya abagore n‘abana ku ngufu n‘uruhare
rwabo mu kugikumira, kucyamagana no gufasha
abagikorewe.
- 35 -
Gukomeza kuvugurura inkiko zisanzwe no kuziha ububasha

n’ubushobozi
• Hashyizweho amategeko yerekeranye no kuvugurura

imikorere n’ububasha by’inkiko;
• Gahunda yo kugira inteko y’umucamanza umwe

yatumye abacamanza bita cyane ku manza baca;
• Hashyizweho abacamanza n’abashinjacyaha

babyigiye.
• Gutegura abacamanza b’umwuga, cyane cyane

hashyirwaho ishuri ry’ubucamanza
• Hashyizweho Ishuri Rikuru ry’Igihugu ryo Kwigisha

no Guteza imbere Amategeko.
Gukomeza kuvugurura amategeko, imiterere n’imikorere

by’inzego z’ubutabera kugira ngo bijyane n’ibihe tugezemo
kandi zirusheho kurenganura abaturage.
• Havuguruwe Itegeko Nshinga mu ngingo zimwe na

zimwe kugirango rijyane n’ibihe tugezemo.
• Hashyizweho amategeko agenga inkiko n’Inama

Nkuru y’Ubucamanza, imiburanishirize y’imanza,
abakozi b’Inkiko, ubushinjacyaha, na Komite
z’Abunzi.
• Minisiteri y’Ubutabera yaravuguruwe mu rwego rwo

kuyongerera ubushobozi n’ububasha, hanashyirwamo
- 36 -
service iburanira Leta mu Nkiko, bituma Leta itagipfa

gutsindwa mu manza,
• Hashyizweho Urwego mpuzabikorwa ruhuza inzego

zose z’Ubutabera n’abakorana nazo, mu rwego
mpuzamahanga U Rwanda rurahagarariwe mu
rukiko rwa COMESA n’urwa EAC.
• Hubatswe ingoro z’Ubutabera ku rwego rwisumbuye

zose n’inyubako z’inkiko z’ibanze zatangiye
kubakwa.
Guha sitati ikwiriye abakozi bo mu butabera.
• Sitati nshya ibashishikariza akazi, imikorere

n’inshingano zabo byaravuguruwe.
Gukangurira Abanyarwanda ibyerekeranye n’Inkiko Gacaca;

gukomeza gukurikiranira hafi no gutunganya imikorere yazo
no kuzimenyekanisha mu mahanga.
• Hashyizweho Urwego rw’Igihugu rushinzwe guhuza

ibikorwa by’Inkiko Gacaca (SNJG) no kugenzura
imikorere yazo.
• Itegeko rigenga Inkiko Gacaca ryagiye rivugururwa

kugira ngo zinoze imikorere yazo.
- 37 -
• Abaturage bakanguriwe kwitabira Inkiko Gacaca no

kugaragaza ukuri.
• Habayeho gahunda zitandukanye zo kumenyekanisha

Inkiko Gacaca mu mahanga.
• Inkiko Gacaca zarangije imirimo yazo zimaze guca

imanza zigera kuri 1 209 865, hashyirwaho n’uburyo
bwo kuburanisha imanza zizagaragara nyuma y’isoza
ry’inkiko gacaca.
Gushyikirana n’Urukiko Mpuzamahanga Rwashyiriweho Gucira

Imanza Abakoze Jenoside mu Rwanda (TPIR/ICTR) mu rwego
rwo kunoza imikorere yarwo no kurusaba kwimurira imirimo
imwe mu Rwanda.
• Habayeho ibiganiro bitandukanye byo gusaba ko

ICTR yanoza imikorere yayo no kwimurira zimwe mu
manza zayo mu Rwanda.
• Hashyizwe umukono ku masezerano hagati ya ICTR

n’u Rwanda yo kohereza abafungwa bakatiwe n’urwo
rukiko kurangiriza ibihano byabo mu Rwanda;
• U Rwanda rwasabye ko inyandiko za ICTR

zashyingurwa mu Rwanda.
Gushyikirana n’Ibihugu n’imiryango mpuzamahanga kugira

ngo Urukiko Mpuzamahanga rwa Arusha rucire imanza vuba
abo rwashyikirijwe; ibihugu byahungiwemo n’abakekwaho
jenoside bibakurikirane cyangwa se bibohereze mu Rwanda.
- 38 -
• Hakozwe urutonde rw’abakurikiranweho ibyaha

bya Jenoside n’ibihugu bahungiyemo binasabwa
kubafata no kubashyikiriza Inkiko.
• Hashyizweho itsinda ry’ abagenzacyaha

n’abashinjacyaha rikurikirana abakekwaho ibyaha
bya jenoside bahungiye hanze y’Igihugu (Fugitive
Tracking Unit).
Guha uruhare rukomeye abaturage mu gukemura amakimbirane

binyujijwe mu bwumvikane n’ubwunzi.
• Hagiyeho inzego z’Abunzi zigabanya umubare

w’imanza zijya mu Nkiko.
2.1.2. Umuryango wa FPR-INKOTANYI uteganya iki

mu butabera muri rusange?
Umuryango FPR-INKOTANYI uzibanda kuri ibi bikurikira:
• Kongerera ingufu n’ubushobozi urwego rw‘ Abunzi
n’urwego rw’ Igihugu rushinzwe imikorere yabo.
• Kwihutisha irangiza ry’imanza zaciwe no kunoza

imikorere y’abakoresha b’ inkiko bashinzwe
kuzirangiza.
• Gushyiraho ingamba zo kumenyekanisha amategeko

muri rusange no guhuza gahunda zo gukangurira
abaturarwanda uburenganzira bwabo.
- 39 -
• Gushyira ingufu mu gukomeza kurwanya ihohoterwa

rikorerwa abana n’abagore, irikorerwa mungo
ku buryo umuco wo guhishira icyo cyaha ucika
burundu.
• Gushyira ingufu mu gukurikirana abatera Leta

igihombo, abayishora mu manza bitari ngombwa, no
kwishyuza amafaranga ya Leta yose yanyerejwe.
• Kubika neza inyandiko n’ibimenyetso by’icyaha cya

jenoside yakorewe abatutsi byabonetse mu Nkiko
Gacaca.
• Gukora ubushakashatsi no kumenyekanisha uruhare

n’umurage (legacy) Inkiko Gacaca zagize mu Gihugu.
• Gukurikirana abakoze jenoside bahungiye mu bindi

bihugu bagacirwa imanza cyangwa bakoherezwa mu
Rwanda, kugirango babe ariho baburanira.
• Gukurikirana irangira ry’imirimo ya ICTR,

by’umwihariko:
-- Guharanira ko abo itazashobora gucira imanza

boherezwa mu Rwanda.
-- Gusaba ko abakatiwe baza kurangiriza igihano

cyabo mu Rwanda.
-- Guharanira ko inyandiko z’urukiko zibikwa mu

Rwanda.
- 40 -
• Gushyiraho Komisiyo ihoraho yo kuvugurura

amategeko .
• Kugena uburyo amategeko ateganya igihano

nsimburagifungo ku bakatiwe ibihano by’ibyaha
bisanzwe.
• Kongerera MAJ ingufu n’ ubushobozi no gukangurira

izindi nzego za Leta gukorana nazo no kubaha
uruhare mu butabera.
• Kongerera ingufu n’ ubushobozi inzego z’ ubutabera

kugirango zirusheho gukorera neza abaturage.
• Gushyira ingufu mu kwigisha no gukangurira

abaturarwana uburenganzira bwa muntu kugirango
twubake umuco wo kubwubahiriza mu gihugu.
2.2. Kurwanya Jenoside
Icyo Umuryango FPR-INKOTANYI wimirije imbere

Guca mu Gihugu ingengabiterezo ya jenoside, umuco wo
kuvangura no kudahana. Gukomeza kunga abanyarwanda
tugamije kubaka Igihugu kizira jenoside n’amacakubiri.
- 41 -

Umuryango FPR-INKOTANYI wagize uruhare runini mu:
Gukomeza gukangurira abanyarwanda kwibuka jenoside
yakorewe abatutsi
• Buri mwaka hategurwa icyunamo, abaturage

bagakangurirwa kucyitabira ku buryo abacyitabira
bagenda biyongera;
• Hashyizweho politiki yo kwibuka.
Gukomeza igikorwa cyo gushyingura mu cyubahiro abazize

jenoside
• Hashyizwe imbaraga mu gushaka imibiri y’ abazize

jenoside no kuyishyingura mu cyubahiro.
Kubakira neza no gusukura inzibutso za jenoside
• Inzibutso nyinshi zarasanwe, hubakwa n’inshya

mu rwego rw’Uturere ku bufatanye bwa Leta
n’abaturage.
Kumenya no gushimira abitandukanyije n’umugambi wa

jenoside bakarengera abahigwaga
• Bamwe mu banyarwanda babigizemo uruhare

bashimwe n’urwego rw’Igihugu rushinzwe Intwali
z’Igihugu, Imidali, n’Impeta by’Ishimwe; n’imiryango
nka IBUKA na MEMOS.
- 42 -
Gukora ubushakashatsi kuri jenoside, gutangaza ibyagezweho,

gukusanya ibimenyetso byerekeranye n’uko yateguwe n’uko
yakozwe
• Hakozwe inama mpuzamahanga ngarukamwaka

zigamije kwandika no kuvuga kuri jenoside yakorewe
abatutsi.
• Inzego zitanduknye n’abantu ku giti cyabo bakoze

ubushakatsatsi, bandika ibitabo banakora sinema
kuri jenoside yakorewe abatutsi muri 1994.
• Hashyizweho Komisiyo yigenga ishinzwe kwegeranya

ibimenyetso bigaragaza uruhare rwa Leta
y’Ubufaransa muri jenoside yabaye mu Rwanda mu
mwaka wa 1994 inatanga raporo.
• Hashyizweho komisiyo yigenga yo kugaragaza

abahanuye indege yari itwaye Habyarimana inatanga
raporo.
Gushyiraho itegeko rigenga inzibutso za jenoside
• Hashyizweho Itegeko ryo Kurinda, gucunga no

kurengera inzibutso za Jenoside yakorewe abatutsi.
Gusaba Umuryango w’Abibumbye UNESCO gushyira urwibuso

rumwe rw’abazize jenoside mu Rwanda mu murage w’Isi.
• Hasabwe ko urwibutso rwa Jenoside rwa Murambi na

Ntarama zashyirwa mu murage w’Isi, zigacungwa na
UNESCO.
- 43 -
Gusaba Umuryango w’Abibumbye kugena itariki ya 7 Mata

nk’umunsi ngarukamwaka wo kurwanya jenoside
• Byarasabwe.
• Mu bihugu bimwe bigize Umuryango w’Abibumbye,

abaturage babyo bamenye jenoside yakorewe
abatutsi mu Rwanda kandi bitabira icyunamo.
• Umuryango w’Afurika yunze ubumwe wemeje ko

uwo munsi uzajya wibukwa.
Guhana abapfobya jenoside.
• Hanateguwe umushinga w’itegeko rihana abahakana

n’abapfobya jenoside.
Kurwanya jenoside n’ingengabitekerezo yayo
• Hashyizweho imfashanyigisho ku mateka y’Igihugu

hanatangira kuyigisha mu mashuli abanza.
• Hatanzwe ibiganiro byamagana jenoside n’ingaruka

zayo mu byiciro binyuranye by’Abanyarwanda.
• Hafashwe ibyemezo bitandukanye ku bagaragayeho

ingengabitekerezo ya jenoside.
• Abanyarwanda n’abashyitsi bashishikarijwe gusura

inzibutso za jenoside kandi abenshi barazisura.
- 44 -
Igihano nsimburagifungo (TIG)
• Hashyizweho igihano nsimburagifungo kikaba

cyaratangiye gukorerwa mu Turere twose.
Gushyiraho Komisiyo y’Igihugu yo Kurwanya Jenoside
• Hashyizweho Komisiyo y’Igihugu yo Kurwanya

Jenoside (CNLG), ihabwa inshingano n’ubushobozi
bwo gukusanya no gushyingura ubuhamya.
2.2.2. Umuryango FPR-INKOTANYI uteganya iki mu

kurwanya jenoside?
• Gukomeza gushakira ubushobozi Komisiyo y’Igihugu
yo kurwanya Jenoside no kunoza imikorere yayo.
• Gukomeza ubutumwa n’bijyanye no kurwanya

jenoside n’ingengabitekerezo yayo.
• Gushyikiriza UNESCO inyigo y’icungwa ry’urwibutso

bitarenze umwaka wa 2010.
• Gushishikariza abanyarwanda n’abanyamahanga

kwandika no kuvuga kuri jenoside.
• Gukomeza igikorwa cyo gushimira abagize ubutwari

bwo guhisha abatotezwaga muri jenoside.
- 45 -
• Gukomeza kubaka, gusana, gusukura inzibutso no

gukangurira buri wese kuzisura, kwitabira icyunamo
no kwibuka jenoside.
2.3. Kurwanya Akarengane Na Ruswa

Kubaka Igihugu kigendera ku mategeko, kurwanya ruswa,
akarengane no gutonesha kandi gishyira imbere inyungu
rusange.
2.3.1. Umuryango FPR-INKOTANYI wakoze iki ?

Gukangurira abaturage gukumira no kurwanya akarengane na
ruswa.
• Abaturage bo mu byiciro bitandukanye bakanguriwe

kurwanya ruswa, akarengane n’itonesha.
Gutegura no gutangaza itegeko rigenga imyitwarire

y’abayobozi
• Hatowe Itegeko ngenga rigena imyitwarire

y’abayobozi kandi ritangira gushyirwa mu bikorwa.
Kugaragaza umutungo ku muntu wese uhawe umwanya

w’ubuyobozi cyangwa ucunga umutungo w’abaturage

- 46 -
• Buri mwaka, Urwego rw’Umuvunyi rutanga kandi

rwakira inyandiko zigaragaza imitungo y’abayobozi
bose bateganywa n’itegeko no kuyigenzura aho
bibaye ngombwa; abatayigaragaje bahabwa ibihano.
Gushyiraho amategeko akenewe mu nzego zirwanya

akarengane na ruswa.
• Hagiyeho politiki, amategeko, n’ amateka bitunganya

imikorere y’Urwego rw’Umuvunyi, ikigo cy’Igihugu
gishinzwe gutunganya amasoko ya Leta, Ikigo
cyakira imisoro n’amahoro, Inama ngishwanama yo
kurwanya ruswa.
• Hateguwe politiki yo kurwanya ruswa; hanashyirwaho

“Anti-corruption advisory council” na “Decentralised
advisory consultative council” ku rwego rw’Akarere.
Hagiyeho itegeko ryo gukumira, kurwanya no guhana
ruswa n’ibindi byaha bifitanye isano nayo.
Gukomeza kwigisha abaturage koroherana no gukorera mu

mucyo
• Inzego zitandukanye zakanguriye abaturage

kwikemurira ibibazo bitagombye kujya mu nzego
z’ubuyobozi.
• Urwego rw’Umuvunyi rwasuye inzego n’ibigo bya

Leta hagamijwe kureba ko byubahiriza amategeko
abigenga.
- 47 -
Kwigisha abaturage amategeko n’uburenganzira bwabo muri

rusange
• Urwego rw’Umuvunyi rwahuguye abaturage ku

mategeko anyuranye.
• Kwigisha no gutoza urubyiruko kurwanya akarengane

na ruswa.
• Hahuguwe urubyiruko rutari mu mashuri,

abanyeshuri bo mu mashuri yisumbuye n’amakuru
kandi bashyiraho anti-corruption clubs ku bigo.
2.3.2. Umuryango wa FPR-INKOTANYI uteganya iki

mu kurwanya akarengane na ruswa.
• Kongera ingufu muri gahunda zo kwigisha ibyiciro
binyuranye by’Abanyarwanda kurwanya ruswa,
akarengane n’itonesha.
• Kongerera ubushobozi inzego zishinzwe kurwanya

ruswa n’ akarengane.
• Gushyiraho ingamba zihamye zo gukurikirana

abayobozi bakekwaho kwigwizaho imitungo mu
buryo budasobanutse.
• Kongera imbaraga mu kugaruza umutungo wa Leta

uba wanyerejwe cyangwa wahombejwe.
• Kongera ingufu mu guhugurira abayobozi gukorera

mu mucyo no gutanga serivisi zinoze.
- 48 -
2.4. Uburenganzira Bwa Muntu

Kubaka Igihugu cyubahiriza uburenganzira bwa muntu buri
muturarwanda afite uburenganzira busesuye.
Umuryango FPR-INKOTANYI wagize uruhare runini mu:
Gukomeza ingamba zo kurwanya ingengabitekerezo ya
jenoside
• Abaturarwanda bakanguriwe ku buryo buhoraho

ibikubiye mu Masezerano Mpuzamahanga
n’Amategeko y’u Rwanda ahana icyaha cya jenoside
n’icyaha cy’ivangura no gukurura amacakubiri ;
• Habaye amahugurwa y’amatsinda anyuranye

y’abanyarwanda arebana no kurwanya jenoside
n’ingengabitekerezo yayo.
Gukangurira Abanyarwanda gukoresha uburenganzira bwabo

mu gutanga ibitekerezo byubaka n’abayobozi kubahiriza
uburenganzira bw’abo bayobora
• Hakozwe amahugurwa, hatangwa ibiganiro ku

baturage n’abayobozi b’ibyiciro bitandukanye
byerekeye uburenganzira bwa muntu, inshingano
z’ umwenegihugu n’uruhare rwabo mukubahiriza
uburenganzira bwa muntu.
- 49 -
• Hashyizwe imbaraga mu gukemura ibibazo

by’ ihohoterwa ry’ uburenganzira bwa muntu
byagaragaye.
Gukangurira abayobozi b’ingeri zose mu Gihugu kubahiriza

uburenganzira bw’abo bayobora:
• Hatanzwe ibiganiro ku bayobozi b’ingeri zinyuranye

byerekeranye n’uburenganzira bwa Muntu.
Gushyira mu bikorwa amasezerano mpuzamahanga u Rwanda

rwasinye.
• Hemejwe burundu amasezerano atandukanye

arebana n’burenganzira bwa Muntu.
• Hakuweho ukwifata kwari kungingo zimwe

z’amasezerano mpuzamahanga.
• Amasezerano mpuza mahanga amwe yinjijwe mu

mategeko yashyizweho.
• Raporo zisabwa n’ayo masezerano mpuzamahanga

zaratanzwe mu nzego zabigenewe.
Kwizihiza iminsi ngarukamwaka mu birebana n’uburenganzira

bwa muntu.
• Iminsi mpuzamahanga ngarukamwaka ijyanye

n’uburenganzira bwa muntu yarizihijwe hanatangwa
ubutumwa bujyanye n’ ayo masezerano.
Gutoza abana bakiri bato uburengazira n’agaciro ka muntu.
• Hatanzwe inyigisho n’ ibiganiro ku burengazira
- 50 -
bwa muntu mu mashuri yisumbuye n’amakuru

hanashyirwaho clubs z’ uburenganzira bwa muntu
ma mashuri yisumbuye.
• Hakozwe amarushanway’abanyeshuri mu mashuri

yisumbuye ku uburengazira bwa muntu.
• Hagiyeho urwego rushinzwe igenzura ry’iyubahirizwa

ry’uburenganzira bw’umwana.
• Hakozwe inama nkuru z’ abana zikomeje kubatoza

kugira uruhare mu byemezo bibafatirwa.
• Kugirirwa ikizere mu nzego mpuzamahanga z’

uburenganzira bwa muntu n’ubw’abaturage.
• U Rwanda rwatorewe kandi kuyobora urwego

ruhuza komisiyo z’ ibihugu by’ Afurika zishinzwe
uburenganzira bwa muntu no kuyobora
ishyirahamwe rya za komisiyo z’ uburenganzira bwa
muntu z’ ibihugu by’ Afurika y’ iburasirazuba (EAC)
• U Rwanda rwatorewe kujya muri Komisiyo Nyafurika

y’uburenganzira bwa Muntu.
- 51 -
2.4.2. Umuryango FPR-INKOTANYI uteganya iki mu

burenganzira bwa Muntu
• Kongera imbaraga mu kwigisha no gukangurira
abaturarwanda b’ ingeri zose ibijyanye n’
uburenganzira bwa muntu
• Gukangurira abayobozi b’ingeri zose kubahiriza

uburenganzira bw’abo bayobora no gukemura
ibibazo by’ ihohoterwa ry’ uburenganzira bwa muntu
byagaragaye.
• Gushyiraho ingamba zihamye zo gutoza abana bakiri

bato uburenganzira n’agaciro ka muntu.
• Kwemeza burundu amasezerano mpuzamahanga

yerekeye uburenganzira bwa muntu afitiye igihugu
akamaro no kuyashyira mu bikorwa.
• Kongera ingufu mu gukora no gutanga raporo

zisabwa mu masezerano mpuza mahanga ntihabeho
ibirarane.
- 52 -
UMUTWE WA GATATU
3. UBUKUNGU
Umuryango FPR-INKOTANYI wemera ko Umunyarwanda
ari we shingiro ry’ubukungu bw’Igihugu. Ni yo mpamvu
ushishikajwe no guteza imbere buri Munyarwanda nk’uko
bigaragarira muri za gahunda z’iy’Icyerekezo 2020, no mu
Ngamba z’Iterambere ry’Ubukungu no Kurwanya Ubukene
(EDPRS). Izi gahunda zizibanda cyane cyane mu iterambere
ry’ubuhinzi n’ubworozi, mu ibikorwa remezo, no mu
ikoranabuhanga. Zizibanda kandi mu guha ingufu urwego
rw’abikorera mu bucuruzi, mu nganda n’ubukorikori, mu
bukerarugendo n’ishoramari. Ibi byose bigakorwa mu buryo
burambye kandi butanga umusaruro ushimishije burengera
ibidukikije. Abanyarwanda b’ingeri zose bagomba gushakirwa
ubushobozi bwo kongera umusaruro mu byo bakora.
3.1. Ubuhinzi n’ubworozi
Icyo Umuryango FPR – INKOTANYI wimirije imbere ni

ubuhinzi n’ubworozi bwa kijyambere ku buryo abahinzi
n’aborozi babugira umwuga ubatunze kandi ugateza imbere
igihugu muri rusange, umusaruro ukiyongera, ukarushaho
kuba mwinshi kandi mwiza; ukogererwa agaciro; ndetse
n’abavuye mu buhinzi no mu bworozi bagakora indi myuga.
- 53 -
3.1.1. Umuryango FPR – INKOTANYI wakoze iki?

• Ubuhinzi n’ ubworozi byaravuguruwe mu buryo
bugaragara hakoreshejwe ingamba zikurikira:
Kubungabunga ubutaka, kubuhuza bugahingwaho
igihingwa kiberanye n’ akarere, kugeza ku
banyarwanda inyongeramusaruro, gutunganya
ibishanga, gahunda ya girinka, kongera umubare w’
amatungo atanga umusaruro mwinshi, gukoresha
imashini mu buhinzi, n’ ibindi. Ibi byatumye:
• Umusaruro mu buhinzi n’ ubworozi wiyongera,
• Umusaruro uboneka buri mwaka ushobora gutunga

abanyarwanda mu turere twose tw’Igihugu
ugereranyije n’ibyo bakenera ;
• Mu bihingwa ngengabukungu, kawa n’icyayi

bigezwa ku masoko y’imbere mu gihugu no hanze
byongerewe agaciro, bityo bikaba byarakunzwe
cyane mu mahanga.
3.1.2. Mu byerekeye ubuhinzi n’ubworozi,

Umuryango FPR - INKOTANYI uzibanda ku:
• Gukomeza gushyira ingufu mu kunoza ubuhinzi
hakoreshwa guhuza ubutaka, kuburinda isuri,
gukoresha imbuto z’indobanure n’inyongeramusaruro
zikwiye, guhingisha imashini no kuhira imyaka.
- 54 -
• Kongera ibihingwa bitanga umusaruro woherezwa

hanze y’igihugu.
• Kongera umubare w’abagronome n’abaveterineri

kugirango begere abaturage ; ibi bikajyana no kunoza
imikorere yabo.
• Gushyiraho uburyo bwo guhuza abejeje n’abaguzi

hanozwa uburyo bwo guhahirana mu Gihugu no mu
Karere.
• Abahinzi n’aborozi bazaba bakorera mu makoperative

akomeye , akora neza kandi atanga inyungu ku
bayagize no ku Gihugu muri rusange.
• Gushinga banki y’iterambere ry’ubuhinzi n’ubworozi,

hananozwe uburyo bwo gutanga inguzanyo.
• Gukomeza gahunda zo kuvugurura ubworozi

bw’amatungo hagamijwe kongera umusaruro
w’ibiyakomokaho no kuwubonera amasoko.
• Gukomeza gushyira ingufu muri gahunda ya GIRINKA

hagamijwe kuzamura ubukungu n’imibereho myiza
y’abanyarwanda.
• Guteza imbere gahunda yo guhunika umusaruro mu

bigega by’Igihugu, mu by’amakoperative y’abahinzi
no mu bigega byo mu ngo z’abaturage.
- 55 -
3.2. Ibikorwa Remezo
Icyo Umuryango FPR – INKOTANYI wimirije imbere ni

ukugira ibikorwa remezo byo gutwara abantu n’ ibintu
(transport), by’ingufu, amazi n’ isukura, iby’imiturire,
iteganyagihe n’ iby’ ikoranabuhanga mu itumanaho
birambye kandi bikwiriye mu gihugu hose, bikaba umusingi
w’ iterambere ry’ Igihugu.
Mu bikorwa remezo Umuryango FPR-INKOTANYI

wakoze iki?
• Umuryango FPR–INKOTANYI wakoze ibishoboka
mu gusana ibikorwa-remezo byangiritse ndetse no
kubaka ibindi bishya.
Mu mihanda:
• Hubatswe hanasanwa imihanda ya kaburimbo ku

rwego rw’Igihugu, iyo mu Mujyi wa Kigali n’ indi
migi.
• Hubatswe imihanda y’ amabuye mu turere tw’Umujyi

wa Kigali, Nyamagabe Kayonza na beton mu Mujyi
wa Kigali.
• Hubatswe kandi hasanwa n’ imihanda ihuza uturere

dutandukanye, imirenge n’utugari.
• Inyigo y’umuhanda wa Gari ya moshi Isaka-Kigali

yararangiye.
• Inyigo z’imihanda imwe ihuza uturere zarakozwe.
- 56 -
Mu bwikorezi bwo mu kirere:
• Hasanwe ibibuga by’ indege bya Kanombe, Kamembe

na Rubavu.
• Isosiyeti nyarwanda ya Rwandair yaravuguruwe

yongererwa ubushobozi bwo kubona indege 3
nshya.
• Gutwara abantu hagati y’ imigi haba mu gihugu

imbere no mu bihugu duturanye byateye imbere.
• Inyigo y’ikibuga cy’indege cya Bugesera yararangiye.
Mu rwego rw’ ingufu:
• Hashyizwe imbaraga mu kubaka inganda zitanga

ingufu no kwagura imiyoboro y’ amashanyarazi;
umubare w’ abayakoresha uriyongera, hakemuka
ikibazo cy’ ibura n’ isaranganya ry’ amashanyarazi.
• Uruganda rw’ icyitegererezo rukoresha umwuka

wa Gazi Metani mu gutanga amashanyarazi
rwararangiye.
• Abashoramari b’abanyarwanda n’abanyamahanga

bashoye imari mu kubyaza gazi metani
amashanyarazi.
• Gahunda yo gukwirakwiza biogas mu guteka no

kumurika yatangiye gukoreshwa mu ngo, mu bigo by’
amashuri, mu mavuriro no mu magereza.
- 57 -
Mu rwego rw’ amazi n’ isukura:
• Hafi bitatu bya kane by’abaturarwanda bakoresha

amazi meza;
• Umubare w’ abaturage bitabira isuku n’isukura ugeze

kuri 45% muri 2010.
Mu rwego rw’ itumanaho:
• Sosiyete 2 nshya ( Rwandatel, Tigo) zabonye

uburenganzira bwo gutanga servisi z’itumanaho.
• Kuri 90% by’ ubuso bw’ Igihugu hagera iminara

y’ itumanaho rya telefoni zigendanwa ku buryo
abaturage bazitunze basaga 1, 900,000.
• Umushinga wo gukwirakwiza imiyoboro y’ itumanaho

(Optic Fiber) waratangiye, ibimaze gukorwa bingana
na 30%.
3.2.2. Mu bikorwa remezo Umuryango FPR-

INKOTANYI uzibanda kuri ibi bikurikira:
• Gukomeza kugeza ku banyarwanda ibikorwa remezo
by’ibanze, harimo imihanda, amazi, n’amashayarazi.
• Gusana, gutunganya no kubaka imihanda mishya

ku buryo burambye harimo imihanda ya kaburimbo
ihuza uturere dutandukanye mu majyaruguru,
Iburengerazuba, nahandi.
- 58 -
• Kubaka imihanda y’amabuye mu Mujyi wa Kigali no

mu yindi mijyi;
• Kubaka umuhanda wa Gari ya Moshi uva Isaka muri

Tanzaniya ukagera i Kigali.
• Kubaka ikibuga cy’ indege mpuzamahanga cya

Bugesera no gukora imirimo yo kwagura ibibuga
by’indege bya Rubavu na Kamembe hanavugururwe
icya Kanombe.
• Guteza imbere ubwikorezi mu kiyaga cya Kivu

hubakwa ibyambu bya kijyambere (Rubavu, Karongi
na Rusizi).
• Kongera umubare w’ abanyarwanda bakoresha

amashanyarazi mu migi no mu cyaro.
• Inganda zitanga amashanyarazi zikurikira zizubakwa

: urugomero rwa Nyabarongo, urugomero rwa Rusizi
III, ingomero nto hirya no hino mu turere, inganda
zibyaza ingufu gazi metani, imishinga yo kubyaza
amashyuza ingufu, imishinga yo kubyaza imirasire y’
izuba ingufu, ingufu zituruka ku muyaga, biyogazi, n’
andi masoko y’ ingufu.
• Umubare w’ abakoresha inkwi n’ amakara

uzagabanuka hakoreshwe ibicanwa bigezweho nka
gazi zo mu macupa (LPGs), nyiramugengeri, biyogazi
n’ ibindi bisimbura inkwi.
- 59 -
Mu rwego rw’ amazi n’ isukura:
• Umubare w’ abanyarwanda bakoresha amazi meza

uzagera ku 100%. Naho abafite ibikorwa by’ isukura
bikozwe neza bagere kuri 70% .
Mu rwego rw’ ikoranabuhanga n’ itumanaho:
• Ahantu hose mu gihugu hazaba hagera itumanaho

rya telefoni, irya radio na televiziyo; serivisi ya internet
yihuta izagera mu gihugu hose.
Mu rwego rw’imyubakire:
• Imigi yose mu Gihugu izaba ifite igishushanyo

mbonera ngenderwaho kandi inyubako zose
zikurikiza amategeko agenga imyubakire ajyanye
n’igihe.
3.3. Iterambere ry’abikorera
Icyo Umuryango FPR –INKOTANYI wimirije imbere ni

ukuzamura uruhare rw’abikorera mu iterambere ry’Igihugu.
Niyo mpamvu, hazatezwa imbere urwego rw’ishoramari,
hongerwe umubare w’abakora imirimo itari iy’ubuhinzi
n’ubworozi, hashyirweho inganda zongerera agaciro
ibikomoka ku buhinzi-bworozi n’ubucukuzi bw’amabuye
y’agaciro n’ibindi kugirango ibyoherezwa mu mahanga
birusheho kwiyongera mu bwinshi no mu bwiza, ibicururizwa
mu Rwanda nabyo birusheho kubahiriza ubuziranenge.
- 60 -

Mu bijyanye no guteza imbere abikorera:
• Hashyizweho urugaga rugamije kuzamura imikorere

n’ubushobozi ku rwego rw’Igihugu (PSF) n’inzego
zirushamikiyeho ku Turere (BDS).
• Hashyizweho urwego rw’gihugu rwunganira

abikorera n’abashoshoramari;.
• Havuguruwe kandi amategeko agenga ubucuruzi ,

bituma u Rwanda ruba urwa mbere mu rwego rwo
kuvugurura no gucuruza mu mwaka wa 2010 ( Doing
Business).
• U Rwanda rwinjiye mu isoko ry’ubuhahirane

ry’Akarere k’Iburasirazuba bw’Afurika (EAC).
• Ibyoherezwa mu mahanga hamwe n’umusaruro

ubikomokaho byariyongereye ku buryo bugaragara.
Amakoperative:
• Itegeko rigenga amakoperative ryaravuguruwe

bituma imicungire yayo irushaho kuba myiza,
hashyirwaho n’ikigo kiyashinzwe (RCA).
• Amashyirahamwe menshi yafashijwe guhinduka

amakoperative, hubakwa amahuriro n’ingaga
bijyanye n’abahuje ibikorwa.
- 61 -
Ishoramari:
• Havuguruwe amategeko arigenga, ishoramari

rishobora kwiyongera ku buryo bushimishije.
• Hatangijwe ubufatanye mu ishoramari ry’abikorera

bafatanyije na Leta (RIG &MINI-RIGs); hanatangizwa
ubufatanye hagati y’abashoramari b’abanyarwanda
n’abo mu mahanga.
• Hashyizweho itegeko n’amabwiriza agenga ibigo

by’imari iciriritse , bituma imikorere yabyo irushaho
kuba myiza.
• Havuguruwe kandi imikorere y’amabanki,

yongererwa imari shingiro, serivise za banki zegerezwa
abaturage, uburyo bwo kwishyurana hakoreshejwe
ikoranabuhanga bwaratangijwe mu ma banki yose.
• Hashyizweho uburyo bwo gukangurira abaturage

kuzigama no gukorana n’ibigo by’imari ku rwego
rw’umurenge.
• Isoko ry’imari n’imigabane ryaratangijwe.
Inganda:
• Inganda zitunganya ibikomoka ku buhinzi n’ubworozi

zaravuguruwe n’izindi nshya zirubakwa.
• Inganda zitunganya icyayi zeguriwe abikorera kandi

zirushaho gukora neza.
- 62 -
• Inganda zitunganya kawa zariyongereye, bituma

umusaruro wa kawa ugezwa ku isoko wongerewe
ubwiza n’agaciro.
• Hatangijwe uruganda ruteranya imashini zikoreshwa

mu buhinzi, izitunganya ibikoresho nkenerwa nazo
zariyongereye.
Guteza imbere ubucukuzi bw’amabuye y’agaciro:
• Hemejwe politiki yihariye, hanashyirwaho ikigo gikora

ubushakashatsi kandi kikorohereza abashoramari
muri urwo rwego.
• Umusaruro ukomoka ku bucukuzi bw’amabuye

y’agaciro wariyongereye.
Ubukerarugendo:
• Urwego rushinzwe ubukerargendo (former ORTPN)

rwabaye ishami ry’Urwego rw’Igihugu rushinzwe
Iterambere (RDB) kandi rukomeje kwegukana
ibikombe binyuranye mu mamurika mpuzamahanga.
• Ishyamba rya Nyungwe ryahindutse Pariki y’Igihugu;
• Urwego rw’ubukerarugendo rwateye inkunga

abaturage baturiye amapariki.
• Umubare wa ba mukerarugendo wariyongereye

ku buryo bugaragara bituma hubakwa amahoteli
menshi kandi meza.
- 63 -
• Ibigo bikora umwuga wo gutwara abantu

byariyongereye kandi bivugurura imikorere ku buryo
bushimishije.
• Hakozwe Igishushanyo mbonera cy’ubukerarugendo

mu Rwanda.
• Hatangijwe amashuri makuru yigisha

iby’ubukerarugendo.
3.3.2. Umuryango Fpr-Inkotanyi Urateganya

Iki?
Abikorera:
• Hazakomeza ivugururwa ry’ amategeko na politiki

bigenga abikorera bihuzwe n’igihe.
• Tuzakomeza gushishikariza abikorera b’abanyarwanda

gufatanya n’abandi baba abo mu Gihugu n’abo hanze
banahererekanya amakuru.
• Tuzashyiraho uburyo buhoraho bwerekana uko

imirimo ihangwa n’abikorera igenda yiyongera.
• Hazashyirwaho uburyo bunoze

bw’imenyekanishamakuru ku bicuruzwa byo mu
Gihugu, havugururwe uburyo bwo kumenyekanisha
ibiciro by’imyaka n’ibindi ku masoko.
- 64 -
• Tuzashyiraho ingamba zituma abikorera bo

mu Rwanda bagira uruhare muri gahunda
z’ubushakashatsi n’ikoranabuhanga bigamije kunoza
ibyo bakora.
Amakoperative:
• Hazigishwa abari mu mashyirahamwe yongera

umusaruro bakorere mu makoperative,
hanakangurirwe ababishoboye gukorera muri
sosiyete z’ubucuruzi n’ishoramari.
• Hazakomeza gahunda yo kubumbira abakorera mu

makoperative mu mahuriro n’ingaga hakurikijwe ibyo
bakora ( Gukorera muri Filieres ).
• Hazashyirwaho gahunda ihoraho kandi inoze

y’igenzura ( Cooperative Audit System), no muri
gahunda zo gutoza no gutegura abakozi bo mu
myuga itandukanye.
• Guha ubushobozi Urwego nkemurampaka rufasha

abikorera (Arbritation).
Ishoramari:
• Hazongerwa ingamba zituma amabanki yo mu

Gihugu arushaho gutanga serivisi nziza ku bayagana,
uburyo bwo kwishyurana imbere mu gihugu no
hanze burusheho kunozwa.
- 65 -
• Ibigo by’imari iciriritse bizongererwa ubushobozi,

binavugurure imikorere ku buryo bizazamura
ubwizigamire, ishoramari n’iterambere mu cyaro.
Inganda:
• Kongera umubare w’inganda zitunganya ibikomoka

ku buhinzi n’ubworozi.
• Kwegurira izindi nganda z’icyayi abikorera.
• Kubaka uruganda runini rutunganya ifumbire

mvaruganda, sima.
• Abikorera bazakangurirwa gushyiraho inganda

ziteranyiriza mu Gihugu imashini n‘ibindi bikoresho
by’itumanaho n’ikoranabuhanga rigezweho.
Ubukerarugendo:
• Gushyiraho ingamba zo gushyira mu bikorwa

igishushanyo mbonera cy’ubukerarugendo mu
Gihugu.
• Kongera umubare w’amahoteri manini n’aciriritse.
• Gushyiraho ingamba zo kunoza imicungire

y’amaparike y’Igihugu.
• Guteza imbere ubukerarugendo bushingiye

ku muco n’amateka ndangamurage y’Igihugu
n’ubukerarugendo bushingiye ku mahuriro n’Inama
mpuzamahanga.
- 66 -
Mine na kariyeri
• Gukomeza ubushakashatsi bugamije kumenya

umutungo kamere w’Igihugu .
• Gukomeza ubushakashatsi bwa peteroli bwatangiye.
• Umusaruro ukomoka ku mabuye y’agaciro uziyongera

kandi woherezwe ku isoko wongerewe agaciro.
- 67 -
3.4. Ubutaka N’ibidukikije

uguteza imbere imikoreshereze y’ubutaka, buhabwa agaciro
no kurengera ibidukikije hagamijwe iterambere rirambye.

• Hashyizweho Politiki y’Igihugu y’ubutaka,
iy’amashyamba, iyo kurengera ibidukikije,
hanashyirwaho amategeko, amateka n’amabwiriza
ashyira mu bikorwa izo politiki.
• Hashyizweho ibigo bishinzwe ubutaka, amashyamba

n’ibidukikije.
• Hashyizweho Urwego rw’Umubitsi

w’Impapurompamo z’ubutaka ku rwego rw’Igihugu
n’ibiro by’ubutaka mu Turere twose.
• Hatangiye gukorwa igishushanyo mbonera

cy’imitunganyirize n’imikoreshereze y’ubutaka mu
Rwanda.
• Hatangijwe igikorwa cyo kwandika ubutaka.
• Hashyizweho Komisiyo z’ubutaka ku rwego

rw’Igihugu, Umujyi wa Kigali n’Uturere na komite
z’ubutaka ku zindi nzego.
- 68 -
• Hakozwe ibikorwa by’isaranganya ry’ubutaka kuri ba

nyirabwo.
• Hakozwe ibikorwa byo kurengera inkengero z’ibiyaga

, inzuzi n’imigezi.
• Hashyizweho Ikigo cy’Amahugurwa mu buhinzi

bw’imigano no kuyikoramo ibikoresho binyuranye.
3.4.2. Icyo Umuryango FPR-INKOTANYI uteganya:

• Gukomeza kuvugurura amategeko, amateka
n’amabwiriza ajyanye n’ubutaka, ibidukikije
n’amashyamba agahuzwa n’igihe aho bikenewe.
• Gushyiraho ingamba zo gushyira mu bikorwa

igishushanyombonera cy’ imitunganyirize
n’imikoreshereze y’ubutaka.
• Gukomeza kwigisha no gukangurira abantu

n’inzego zitandukanye kurengera ibidukikije, gutera
amashyamba ahaberanye nayo hose.
• Gukora gahunda yo gusarura amashyamba ashaje ku

buryo buboneye no kuyishyira mu bikorwa.
• Gukomeza kurengera inkengero z’ibiyaga n’imigezi.
• Guteza imbere ikoranabuhanga n’ ishoramari mu

nganda zitunganya ibikomoka ku mashyamba.
- 69 -
UMUTWE WA KANE
4. IMIBEREHO MYIZA
Umuryango FPR-INKOTANYI wemera ko umuturage ari we
shingiro ry’ibikorwa byose mu Gihugu: ni we biturukaho,
kandi bigamije imibereho myiza ye. Imibereho myiza
igararagazwa nuko umurimo uboneka ku bashoboye gukora,
ku buzima bwiza, ku burezi n’ ikoranabuhanga bisakara
muri benshi, ku bwiteganyirize kuri bose, abatishoboye
bitabwaho bagafashwa kwifasha, ku guteza imbere imikino
n’imyidagaduro, ku miturire iboneye, no guha umuco
umwanya ukwiye mu iterambere ry’Igihugu.
4.1. Umurimo

Gukomeza guharanira ko Abanyarwanda babona imirimo,
bakayikora neza, ikabatunga kandi igateza imbere igihugu.
Ibi bisaba ko Abanyarwanda bongererwa ubuhanga
n’ubushobozi, kugira ngo bashobore kurushanwa ku isoko
ry’umurimo mu gihugu, mu karere ndetse no ku isi. Ibi bisaba
kandi ko Abanyarwanda barangwa n’umuco wo guhanga,
bakaba ba rwiyemezamirimo bahugukiwe kandi bashoboye.
- 70 -

Gushyiraho urwego rushinzwe gukusanya imirimo iriho
n’uburyo akazi gatangwa
• Hashyizweho politiki y’Igihugu y’Umurimo na

gahunda zo guteza imbere Umurimo.
• Hakozwe ivugururwa ry’amategeko y’umurimo
• Hashyizweho ikigo Workforce Developement

Authority-WDA gishinzwe gukusanya amakuru ku
isoko ry’umurimo no kongerera abanyarwanda
ubumenyi ngiro.
• Hashyizweho Komisiyo ishinzwe abakozi ba Leta.
Gushyiraho gahunda y’inguzanyo n’amahugurwa bigamije

guhanga no guteza imbere umurimo;
• Hashyizweho gahunda ya “Ihangire umurimo

Munyarwanda”.
• Hashyizweho Inama y’Igihugu y’Umurimo ‘’National

Labour Council’’.
• Havuguruwe inzego za Leta, abakozi basezerewe

bafashwa kwiga muri za Kaminuza no kwihangira
imirimo.
- 71 -
Guha umurimo agaciro, hakabaho amashimwe ku bakoze neza

n’abihangiye imirimo, bityo abantu bagashishikarira umurimo
ukoze neza.
• Abakozi ba Leta n’ abikorera babaye Indashyikirwa

n’abakoze neza bahawe ishimwe.
• Hashyizweho Umugenzuzi w’ Umurimo muri buri

Karere.
• Hashyizweho gahunda zitandukanye ziha abaturage

imirimo mu mirenge (VUP, UBUDEHE, HIMO n’ibindi).
Gushishikariza Leta gushyiraho uburyo bworohereza abakozi

kubona amacumbi no kwivuza; Leta igateganya muri rusange
ibitwara abantu biciriritse.
• Hashyizweho gahunda yo korohereza abakozi ba Leta

n’abikorera kujya mu bwishingizi bw’ indwara.
4.1.2. Umuryango FPR-INKOTANYI uzibanda kuri

ibi bikurikira:
• Gukomeza kuvugurura politiki n’amategeko
byerekeye umurimo.
• Gukomeza gukangurira abanyarwanda umuco wo

gukora neza kandi vuba.
• Kubaka ubushobozi bw’abakozi no guha imbaraga

ishami rishinzwe gukusanya amakuru ku murimo.
- 72 -
• Gushyiraho ingamba zifatika zo kugabanya

ubushomeri.
• Gushyiraho uburyo buboneye bw’imenyerezamurimo

(Internship).
• Kuvugurura umushahara shingiro (SMIG) ukajyana

n’igihe.
• Gushishikariza abashoramari kubaka inzu ziciriritse

abakozi benshi bashobora kwiyishyurira.
• Gushyigikira amashyirahamwe y’ abahuje umwuga.
4.2. Ubuzima n’ubwiyongere bw’abaturage

Kugeza Abanyarwanda ku buzima buzira umuze, bahugukiye
ibijyanye n’imyororokere, kuboneza urubyaro, imirire myiza
n’isuku muri rusange.

Guteza imbere ubuzima bwiza kuburyo ikizere cyo kubaho
cyavuye ku myaka 49 kigera kuri 53. Impfu z’ abana n’iz’
abagore ziragabanuka. Ubwandu bwa SIDA bwavuye kuri
13% bugera kuri 3%.
- 73 -
Kubaka ibitaro bya: Munini, Kirehe, Masaka,Butaro, Kinihira,

Kinazi (Ntongwe) no Kuvugurura Rwinkwavu, Kibuye.
• Hubatswe ibitaro bishya, ibindi biravugururwa

binongererwa ubushobozi
• Hongerewe umubare w’ amavuriro yita kundwara zo

mumutwe bitanga serivisi ku ndwara zo mu mutwe
(psychosocial services.
Kubaka ibigo nderabuzima 65
• Ibigo nderabuzima byari biteganijwe hiyongeraho

20.
• Hubatswe kandi “Poste de santé” muri buri murenge.
Kongera umubare w’abavuzi bafite ubushobozi
• Umubare w‘abavuzi bafite ubushobozi wariyongereye

(Doctors, Pharmacists na Nurses).
Kurwanya icyorezo cya SIDA
• Gahunda zo kurwanya icyorezo cya SIDA

zariyongereye.
Kurwanya Malariya.
• Abanyarwanda bakanguriwe kuryama mu nzitiramibu

mu rwego rwo kurwanya malaria kandi bazibona ku
giciro giciriritse; hanaterwa imiti yica umubu utera
malariya mu ngo.
- 74 -
Gushyira ingufu nyinshi mu ubuvuzi bw’abana, isuku n’imirire

yabo
• Hashyizweho Politiki n’ingamba by’Igihugu ku mirire.
• Hatangijwe gahunda yihuse ya Nyakubahwa Perezida

wa Repubulika yo gukemura ikibazo cy’imirire mu
Rwanda“Presidential Nutrition Emergency Plan”.
• Abana babonye inkingo zose ari izisanzwe n’inshya

bituma impfu z’abana zigabanuka ku buryo
bushimishije.
Kongera ingengo y’imari igenewe ibikorwa by’ubuzima kuzaba

igeze kuri 15% y’ingengo y’Imari ya Leta
• Hongerewe ingengo y’imari igenewe ibikorwa

by’ubuzima iva kuri 5.9% muri 2003 igera kuri 10.2%
muri 2010.
Guteza imbere amavuriro yo mu gihugu ku buryo abivuriza hanze

bagabanuka n’amafaranga abatangwaho akagabanuka.
• Hashyizweho komisiyo y’inzobere mu bitaro byitiriwe

Umwami Fayçal ishinzwe gusuzuma abarwayi
bagomba kujya kwivuriza hanze.
• Hashyizweho ubufatanye hagati y’u Rwanda

n’amahanga mu rwego rwo kuvurira mu Rwanda
indwara zimwe zagombaga kuvurirwa mu mahanga.
- 75 -
Gusakaza umuco wo kwisungana mu kwivuza hakoreshejwe

Mutuelle de santé n’ubundi bwishingizi bw’ indwara.
• Hashyizweho itegeko rigenga ubwishingizi mu

kwivuza .
• Abanyarwanda hafi ya bose bitabiriye gahunda

y‘ubwisungane mu kwivuza.
Kuzashyiraho abavuzi batambagira mu ntara bavura indwara

zihariye
• Hashyizweho gahunda ihoraho y’Abaganga

bazenguruka mu Turere bavura indwara zihariye (izo
mu mutwe, amaso, amenyo, n’ izindi.
Kuvugurura imyigishirize y’ubuvuzi no guha uwo mwuga

agaciro kurushaho
• Hashyizweho gahunda yo kongera umubare w‘

abaganga b’inzobere bigishirizwa mu gihugu.
• Hagiyeho urwego rw’abajyanama b’Ubuzima

bakorera muri buri mudugudu.
• Hashyizweho gahundayo kuboneza urubyaro.
4.2.2. Umuryango FPR-INKOTANYI uzibanda ku

bikorwa bikurikira
• Gukomeza kongera umubare n’ubushobozi bw’ibitaro
n‘ ibigo nderabuzima;
- 76 -
• Kongera umubare n’ubushobozi by‘abakozi bo mu

buvuzi.
• Kongera ingufu mu kurwanya indwara z’ibyorezo;
• Kunoza imikorere ya gahunda y’ubwishingizi

n‘ubwisungane mu kwivuza.
• Guca burundu indwara ziterwa n’imirire mibi.
• Gushyira imbaraga mu guteza imbere isuku mu ngo.
• Gushyira ingufu mu kwirinda no kuvura indwara

zihoraho (Chronic).
• Kongera servise zifasha abaturage kuboneza

urubyaro.
• Gukomeza gukangurira abanyarwanda kuboneza

urubyaro.
4.3. Ubwiteganyirize

Kugeza ku Baturarwanda ubwiteganyirize butandukanye
kuko ari imwe mu nkingi z’iterambere n’inzira yo kurwanya
ubukene, ubusumbane no kubahiriza uburenganzira bwa
Muntu.
- 77 -

• Hashyizweho Politiki y’Igihugu y’ubwiteganyirize
n’Itegeko ngenga (organic law) ry’ubwiteganyirize
kimwe n’andi mategeko y’ubwiteganyirize (specific
laws).
• Umubare w’abakozi bari mu bwiteganyirize

wariyongereye.
Gukurikirana ishyirwaho rya Politiki y’ubwishingizi

n’ubwisungane bw’indwara kuri bose.
• Imyaka yo kujya mu kiruhuko cy’ izabukuru

yarongerewe, iva kuri 55 igera kuri 65 iyo gutanga
imisanzu kugirango ubone pansiyo yaragabanutse
iva kuri 20 igera kuri 15.
• Hashyizweho uburyo bwo korohereza guhabwa

Pansiyo ku banyarwanda bakoze mu bihugu duhana
imbibi n’ibyo muri EAC (Portability of social security).

ibi bikurikira
• Kwihutisha ishyirwa mu bikorwa rya politiki
y’ubwiteganyirize.
• Guharanira ko abagiye mu kiruhuko cy’izabukuru

n’imiryango yabo (Retirees/retraités) bagumana
ubwishingizi bw’ indwara.
- 78 -
4.4. Kurengera Abatishoboye

Gukomeza guharanira ko abatishoboye bitabwaho,
bagahabwa amahirwe yo kubaho nk’abandi baturarwanda,
aho bishoboka bagahabwa ubushobozi bwo kugira icyo
bimarira .

Gushyiraho uburyo, amategeko n’amabwiriza byo gufasha no
kurengera abatishoboye.
• Hashyizweho politiki n’amategeko byo kurengera no

guteza imbere abatishoboye, abageze mu zabukuru,
ababana n’ubumuga, n’abandi.
• Abavuye ku rugerero batishoboye batewe inkunga,

hari n’abagenewe inkunga ihoraho bitewe n’ubumuga
bafite.
• Abanyarwanda batahutse basubizwa mu buzima

busanzwe.
• Hashyizweho uburyo bwo gufasha abasheshe

akanguhe.
- 79 -
Gushyiraho uburyo butuma abafite ubumuga n’abageze mu za

bukuru bagira uruhare mu majyambere y’Igihugu
• Muri gahunda y’imbaturabukungu EDPRS,

abatishoboye barazirikanywe.
Guteganya imyanya y’ababana n’ubumuga mu nzego

z’ubuyobozi n’indi mirimo
• Hashyizweho inzego z’ababana n’ubumuga kandi

barahagararirwa mu nzego z’ubuyobozi.
• Hashyizweho inama y’ igihugu y’a bafite ubumuga.
Guteza imbere ubufatanye hagati y’amashyirahamwe

y’ababana n’ubumuga ku rwego mpuzamahanga
• U Rwanda rwatorewe kuba ambasaderi w’ ababana

n’ubumuga ku rwego mpuzamahanga.
Gufasha abacitse ku icumu batishoboye n’abatishoboye muri

rusange
• Abacitse ku icumu rya Jenoside yakorewe Abatutsi

mu 1994 batishoboye n’abatishoboye muri rusange
bakomeje kwitabwaho.
- 80 -

ibi kikurikira
• Kunoza imicungire n’imikoreshereze y’ibigenerwa
abatishoboye.
• Guteganya mu myubakire uburyo bworohereza

ababana n’ubumuga kugera aho bifuza no
gukomeza kwongera no gushyigikira ibigo bikora
insimburangingo.
• Guteza imbere ubufatanye hagati y’amashyirahamwe

y’ababana n’ubumuga bo mu Rwanda n’abo ku rwego
mpuzamahanga.
• Gukemura burundu ikibazo cy’amacumbi

y’abatishoboye.
• Gushyiraho gahunda n’ingamba byo gukumira no

kurwanya ubuzererezi no kurushaho kwita ku bana
birera.
4.5. Imikino n’imyidagaduro
Icyo Umuryango FPR-INKOTANYI wimirije imbere:

Gukomeza guha Abanyarwanda uburyo bwo kugorora
ingingo, kugira ngo umubiri wabo umere neza kandi
bashobore no gusabana, haba mu Gihugu imbere cyangwa
mu mikino n’imyidagaduro mpuzamahanga.
- 81 -

Gushishikariza Leta Kubaka ibibuga by’imikino mpuzamahanga
n’ibindi biciriritse mu migi no mu turere hirya no hino mu
Gihugu.
• Hubatswe, hasanwa, hanongererwa ubushobozi

stades n’ibibuga binyuranye.
Kubaka ikigo cy’imyidagaduro n’ibitaramo ku rwego

rw’Igihugu.
• Hashyizweho politiki y’Igihugu y’imikino

n’imyidagaduro.
Gushishikariza Abanyarwanda kwiga no gukunda imikino

cyane cyane abari n’abategarugori.
• U Rwanda rwitabiriye runategura amarushanwa

mpuzamahanga mu mikino inyuranye.
• Hashyizweho gahunda y’imikino n’imyidagaduro mu

bigo bya Leta n’ibyigenga.
• Hatejwe imbere siporo y’ibyiciro byihariye (abagore,

abafite ubumuga).
Guhugura abatoza b’imikino.
• Amakipe y’Igihugu mu mikino inyuranye yashakiwe

abatoza b’inzobere hanahugurwa abatoza n’abasifuzi
mu mikino inyuranye;
- 82 -

ibi kikurikira
• Kubaka sitade nshya y’imikino y’amaboko no
gushyiraho ikigo cyo kwitorezamo.
• Gukomeza gushishikariza inzego z’ibanze guha

agaciro imikino n’imyidagaduro no kongera ingengo
y’imari ibigenerwa.
• Gushishikariza abashoramari kugira ubufatanye na

Leta mu guteza imbere imikino n’imyidagaduro.
• Guteza imbere gahunda ya ”Sport-Etude”
• Guhugura abakozi bakora imirimo irebana

n’imikino n’imyidagaduro (ubuvuzi, umutekano,
itangazamakuru n’ibindi).
• Gukomeza guteza imbere siporo y’ibyiciro byihariye;
• Gushyiraho gahunda yo kongera abatoza babifiye

ubumenyi n’ubushobozi.
- 83 -
4.6. Imiturire Myiza

Gukomeza gufasha abanyarwanda gutura neza kandi heza

• Havuguruwe politiki y’imiturire mu Rwanda hashyirwaho
na gahunda y’igihugu yo gutura mu midugudu.
• Hakozwe ibishushanyombonera by’Umujyi wa Kigali,

Rusizi ,Karongi , Rwamagana na Nyagatare.
• Hakozwe igishushanyo mbonera cy’umudugudu.
• Hashyizweho banki yo guteza imbere imiturire.
• Hashyizwe ingufu mu guca nyakatsi.
4.6.2. Umuryango FPR-INKOTANYI uzibanda ku

bikorwa bikurikira
• Gushyira mu bikorwa politiki y’ imiturire mu midugudu
no mu mijyi.
• Gushyiraho uburyo bworoshye bwo kubona ibikoresho

by’ubwubatsi bidahenze.
• Gukangurira abashoramari kubaka amacumbi

ahendutse.
• Kongera ingufu mu gushyira ibikorwa remezo muri sites

z‘ imidugudu.
- 84 -
• Kurangiza ibishushanyo by’imigi yose.
• Gukomeza guhuza mu midugudu abaturage bari mu

cyaro.
• Guca nyakatsi burundu.
4.7. Uburezi, ikoranabuhanga mu

itangazabumenyi n’ubushakashatsi

Gukomeza guteza imbere uburezi burangwa n’inyigisho
n’imyigishirize bifite ireme kandi bicengeza indangagaciro
nyarwanda, umuco w’amahoro, byubahiriza uburenganzira
bwa Muntu no gukunda Igihugu. Hazakomeza kwitabwa
ku nyigisho z’ubumenyi, iz’ikoranabuhanga n’iz’imyuga
hagamijweko by’umwihariko abazirangije baba bafite
ubushobozi bwo kwihangira imirimo no kongera agaciro
k’ibyo bakora haba ku masoko yo mu Rwanda cyangwa ayo
mu mahanga.

Gushimangira gahunda y’uko abana bose bagomba kwiga
amashuri abanza bakayarangiza nta n’umwe usigaye inyuma
(Universal primary Education).
• Amafaranga y’ishuri mu burezi bw’ibanze yakuweho

kandi abana bose biga amashuri atandatu abanza
n’atatu yisumbuye (9YBE).
- 85 -
• Ababyeyi bitabiriye kugira uruhare mu burezi

bw’abana babo ( Kubaka ibyumba by’amashuri,
Komite z’ababyeyi n’abarimu n’ibindi ).
• Hashyizwe ingufu mu kwigisha no gusakaza inyigisho

zose mu rurimi rw’ Icyongereza.
• Ikigo cy’ubugenzuzi bukuru bw’uburezi cyongerewe

ubushobozi bwo gukurikirana imyigishirize.
Guhagurukira kwigisha imyuga ku buryo muri iyi myaka 7

twaba dufite ikigo kigisha imyuga muri buri Karere.
• Uturere hafi ya twose dufite nibura ishuri rimwe

ry’imyuga.
• Hashyizweho politiki yo kwigisha imyuga (TVET)

n’ikigo cyo kuyishyira mu bikorwa ( WDA).
• Hatangijwe ibigo bishya byigisha imyuga mu rwego

rw’amashuri makuru (TUMBA na KICUKIRO).
• Abarimu benshi bongerewe ubumenyi bwo kwigisha

amashuri y’imyuga.
Kwita ku mibereho y’umurezi.
• Hashyizweho politiki na gahunda by’iterambere

ry’abarimu hanashyirwaho urwego rushinzwe
gucunga no guteza imbere abarimu «Teacher Service
Commission».
- 86 -
• Hashyizweho ikigo Umwalimu-SACCO Leta igitera

inkunga.
• Imishahara y’abarimu n’abayobozi b’ibigo by’amashuri

yarazamuwe kandi begerejwe serivisi.
Kurwanya ubujiji mu banyarwanda, bigishwa gusoma no

kwandika.
• Gahunda yo kwigisha gusoma, kwandika no kubara

yahawe imbaraga bituma abayitabira biyongera.
• Hashyizweho gahunda yo kwigisha abari barataye

amashuri n’abandi batigaga (catch up program).
Kwita ku burezi bw’umwana w’umukobwa cyane cyane mu

masomo y’ubumenyi n’ikoranabuhanga.
• Hashyizweho politike y’uburezi bw’umukobwa

hanatangizwa andi mashuri yihariye yabo.
• Hashyizweho uburyo bwo guhemba abakobwa

bakoze neza kurusha abandi banyeshuri.
Gukomeza gahunda yo guteza imbere amashuri twita

by’umwihariko ku nyigisho z’ubumenyi n’ikoranabuhanga.
• Buri karere gafite nibura ikigo kimwe ntangarugero

cyigisha siyansi.
• Hashyizweho iteka rya Perezida wa Repubulika

rishyiraho uburyo bwo guhemba abanyeshuri
batsinze kurusha abandi mu mibare na siyansi.
- 87 -
• Amashuri menshi yashobojwe kubona za mudasobwa

n’umurongo wa internet.
• Hatangijwe igikorwa cyo guha buri mwana wo mu

mashuri abanza mudasobwa igendanwa ( OLPC ).
• Amashuri yahawe integanyanyigisho

n’imfashanyigisho z’ubumenyi n’ikoranabuhanga.
• Hatanzwe amahugurwa ku ikoranabuhanga ku barezi

no ku bayobozi b’ibigo by’amashuri.
• Hatangijwe uburyo bw’ikoranabuhanga mu micungire

y’uburezi “Education Management Information
System/EMIS”.
Guteza imbere amashuli makuru n’ubushakashatsi mu bumenyi

bunyuranye.
• Hashyizweho ikigo SFAR giha inguzanyo abanyeshuri

b’ abakene bajya mu mashuri makuru.
• Ibigo by’amashuri makuru n’ubushakashatsi

byongerewe ubushobozi.
• Umubare w’amashuri makuru n’inyigisho zitangwa

byariyongereye.
• Hashyizweho Inama y’Igihugu y’amashuri makuru

“Higher Education Council (HEC)” ishinzwe
gukurikirana imyigishirize n’imikorere by’amashuri
makuru.
- 88 -
• Hatangijwe programme y’Iyakure (Distance

Learning).
• Umubare w’abanyeshuri boherezwa kurahura

ubwenge mu mahanga wariyongereye cyane.
4.7.2. Umuryango uzibanda kuri ibi bikurikira

• Gukomeza kunoza ishyirwa mu bikorwa rya gahunda
y’uburezi bw’ibanze bw’imyaka 9 ( amashuri atandatu
abanza n’atatu yisumbuye).
• Kuvana uburezi bw’ibanze ku myaka 9 bukagera ku

myaka 12 twibanda by’umwihariko guteza imbere
amashuri y’imyuga.
• Kunoza imyigire n’imyigishirize mu rurimi

rw’icyongereza.
• Gukomeza kwita kuri gahunda yo kwigisha gusoma,

kwandika no kubara.
• Gushyira ingufu mu myigishirize y’ururimi n’umuco

nyarwanda mu byiciro byose by’uburezi.
• Gushyiraho ishami ryigisha kwigisha mu mashuri

y’incuke n’ay’ababana n’ubumuga muri za TTC, COEs
na KIE.
• Gushyira ishuri ry’incuke ry’ikitegererezo muri buri

murenge.
- 89 -
• Gukomeza guteza imbere ubushobozi n’imibereho

myiza ya mwarimu.
• Guteza imbere Ubushakashatsi mu Bumenyi

bunyuranye hashyirwaho by’umwihariko ikigega
cy’ubushakashatsi (Academy of Sciences and
Research).
• Kongerera amashuri makuru ubushobozi bwo

gutanga inyigisho ku rwego rwa Masters na PHD.
• Gutangiza izindi nyigisho zijyanye n’isoko

ry’umurimo.
4.8. UMUCO

Gukomeza guhesha agaciro umuco nyarwanda ushingiye ku
ndangagaciro zawo ukaba inkingi y’iterambere.

Gushyiraho Inteko Nyarwanda y’Ururimi n’Umuco
• Hateguwe Itegeko rigena inshingano, imiterere

n’imikorere by’ Inteko Nyarwanda y’Ururimi n’Umuco
( Academie de la langue et de la culture Rwandaise).
Gutegura Integanyanyigisho n’Imfashanyigisho ku muco

zijyanye n’ibyiciro bitandukanye by’abanyarwanda.
- 90 -
• Hashyizweho politiki rusange y’Umuco n’iyo

kurengera umurage ndangamuco na ndangamateka.
• Hagiyeho Itegeko rigena inshingano, imiterere

n’imikorere by’urwego rw’Igihugu rushinzwe intwari
z’Igihugu, impeta n’imidari by’ishimwe.
• Hashyizweho umukono ku masezerano

mpuzamahanga yerekeye umurage udafatika
nk’ibisigo, ibyivugo n’ibindi.
Gukangurira Abanyarwanda n’inzego za Leta kwita ku bintu

n’ahantu ndangamateka na ndangamuco.
• Habaruwe ahantu ndangamuco na ndangamateka

mu turere tunyuranye tw’u Rwanda.
Gushinga ishuri ryigisha Umuco n’ubugeni no gutegura

abakangurambaga b’umuco;
• Ishuri ry’ubugeni n’ubukorikori (Ecole d’Art)

rya Nyundo ryongeye gukora ryongererwa
n’ubushobozi.
• Hasanwe inyubako y’Ishami ry’umurage kamere i

Kigali (Nyarugenge).
• Hatangijwe hanasanwa ingoro ndangamurage

zitakoraga zongererwa n’ubushobozi.
• Harubakwa isomero rusange n’Inshyinguranyandiko

by’Igihugu.
- 91 -
Kongera amashami yigisha ubugeni n’ubuvanganzo n’ubundi

bushakashatsi.
• Hegeranijwe kopi z’ibitabo byanditswe ku

mateka, umuco n’uburezi by’u Rwanda mu gihe
cy’Ubukoloni.
Gukangurira abashoramari gushinga inganda ndangamuco

no kongerera ubushobozi iziriho.
• Hatangijwe amarushanwa ya ba Nyampinga b’u

Rwanda.
• Buri myaka ibiri u Rwanda rwakira Iserukiramuco

Nyafurika ry’Imbyino (FESPAD).
Gutoza Abanyarwanda b’ingeri zose, cyane cyane abakiri bato,

umuco wo kugira gahunda no kubahiriza igihe mu bikorwa
byose.
• Abanyarwanda bakomeje gukangurirwa umuco

w’ubutwari no gukunda Igihugu.

ibi bikurikira
• Gushyiraho no kuvugurura politiki n’amategeko
byerekeye umuco.
• Guteza imbere umuco nyarwanda, cyane cyane

binyuze mu rwego rw’uburezi n’Itorero.
- 92 -
• Guha ubushobozi Inteko y’Ururimi n’Umuco, urwego

rw’Igihugu rushinzwe intwari z’Igihugu, impeta
n’imidari by’ishimwe.
• Gushyiraho ingamba zifatika zo guteza imbere

inganda ndangamuco na ndangamateka ndetse
n’ubukerarugendo buzishingiyeho.
• Kurengera no guteza imbere umuco nyarwanda mu

bitangazamakuru, iyumvabona n’itumanaho;
• Kurangiza kubaka Inshyinguranyandiko

n’inkoranyabitabo y’Igihugu.
• Kubaka inzu ndangamuco y’Igihugu.
• Kwinjiza muri za Kaminuza n’amashuri makuru

programmes zigisha ibyerekeye umuco n’ururimi
nyarwanda, ubuhanzi na muzika.
• Guteza imbere ubushakashatsi ku muco n’ururimi by’

u Rwanda.
- 93 -
UMWANZURO
Muri iyi myaka irindwi ishize, u Rwanda rwageze ku bikorwa

byinshi bishimishije mu byiciro bine byubakiyeho gahunda
za Leta aribyo: Imiyoborere Myiza, Ubutabera, Ubukungu
n’Imibereho Myiza y’Abaturage. Ibi byose byagezweho
bishingiye ku Migabo n’Imigambi bya FPR-INKOTANYIitigeze
itezukaho, kandi wakomeje kuba ku isonga mu guharanira ko
ibyo bikorwa bigerwaho.
Muri iyi myaka irindwi itaha, Umuryango FPR-INKOTANYI
urifuza ko u Rwanda rukomeza gukataza mu iterambere
rirambye kandi rizamura imibereho myiza y’abaturage ku
buryo Igihugu cyacu kizava mu cyiciro cy’ibihugu bikennye
cyane ku isi, kikajya mu cyiciro cy’ibihugu bifite ubukungu
buciriritse.
Kugirango u Rwanda rugere kuri iyi ntego,
Umuryango FPR-INKOTANYI uzaharanira gukomeza
gushimangira imiyoborere myiza nk’ishingiro
ry’iterambere ry’Igihugu, wibanda cyane cyane ku bumwe
bw’Abanyarwanda, ku mutekano w’Ighugu n’abagituye, kuri
demokarasi yimakaza uruhare rw’abaturage mu miyoborere
y’Igihigu no mu kunoza servisi zitangwa mu nzego zose;
Umuryango FPR-INKOTANYI uzaharanira kandi guteza
imbere ubukungu butajegajega, hibandwa cyane ku kubaka
ubukungu bushingiye ku bumenyi, ku kubyaza umusaruro
umutungo kamere, guhanga imirimo no kongera ishoramari
mu cyaro.
- 94 -
Umuryango FPR-INKOTANYI uzaharanira na none ko

ubutabera bukomeza guhabwa intebe mu Rwanda cyane
cyane mu kubaka inzego z’ubutabera zigenga kandi zifite
imikorere inoze, guhashya ruswa n’akarengane no guteza
imbere imikorere myiza y’Urwego rw’Abunzi;
Umuryango FPR-INKOTANYI uzakomeza guharanira ko
abaturage bagira imibereho myiza hitabwa ku kugeza amazi
meza, ubwishingizi n’ubwiteganyirize ku baturage bose,
kwegereza abaturage ibigo by’ubuvuzi no kugira uburezi
bwa bose bufite ireme.
Nimutore FPR – INKOTANYI, u Rwanda rugire

umudendezo.
- 95 -

A6 - Imigambi Yumuryango FPR

Uploaded by

Document Information

Original Title

Copyright

Available Formats

Share this document

Share or Embed Document

Sharing Options

Did you find this document useful?

Is this content inappropriate?

Copyright:

Available Formats

A6 - Imigambi Yumuryango FPR

Uploaded by

Copyright:

Available Formats

IMIGAMBI Y’UMURYANGO FPR - INKOTANYI 2010-2017

IMIGAMBI Y’UMURYANGO FPR-INKOTANYI

Ubumwe bw’Abanyarwanda, kwimakaza Demokarasi mu

Duharanira UBUMWE kuko tuzi ko umuryango ushobora

Duharanira DEMOKARASI kuko tudashidikanya ko ariyo

Duharanira AMAJYAMBERE kuko twemera ko intego

Mu mwaka w’i 2003, mwashimye Imigambi by’Umuryango

Ibyo tumaze kugeraho dusangiye ingendo birashimishije

Turasaba Abanyarwanda bose gukomeza kugirira icyizere

Perezida w’Umuryango FPR-INKOTANYI

Impamvu zo kongera gutora Umuryango FPR-

-- UBUTABERA bwahawe intebe, inzego zabwo

-- U Rwanda kandi rwabaye urwa mbere ku isi mu

Icyo Umuryango FPR – INKOTANYI wimirije imbere

Umuryango FPR-INKOTANYI wiyemeje gushimangira

y’Akagari, mu kwishyiriraho abayobozi no gukurikirana

1.1.1. Muri iyi manda ishize, Umuryango

U Rwanda rumaze gutera intambwe ishimishije mu

• Hahuguwe ibyiciro bitandukanye by’abanyarwanda

• Abanyarwanda bahabwa amahirwe angana mu ngeri

• Abanyarwanda bakangukiye kwitabira inkiko Gacaca

Gutoza abanyarwanda umuco wo gukunda igihugu, gushyira

• Hashyizweho Itorero ry’igihugu rimaze gutoza Intore

• Abanyarwanda bakangukiye kugira ubwitange mu

Kwegereza abaturage ubuyobozi n’ubushobozi

• Havuguruwe amategeko n’imikorere y’Uturere,

Kubaka umuco wo gutanga Serivisi nziza no kwimakaza

• Kwimakaza indangagaciro na kirazira mu nzego

• Imikoranire myiza ya Leta n’abafatanyabikorwa

Gutoza abaturage kugenzura imikorere y’inzego n’abayobozi

• Inzego zose zikorerera ku mihigo, abaturage nabo

• Mu nzego zose abaturage bitorera ababahagarariye

bakanagenzura imikorere yabo.

• Inzego z’ibanze zegerejwe ubuyobozi n’ubushobozi

Gukangurira abaturage kwihangira no guteza imbere

• Abaturage bashishikarijwe kwibumbira mu

• Hashyizweho gahunda zifasha abaturage kubona

• Hashyizweho umunsi ngarukamwaka w’ibintu bishya

1.1.2. Mu Bukangurambaga Umuryango FPR -

• Hazatangizwa ku buryo buhoraho, gahunda yo

• Hazakomeza gushyirwa ingufu mu guteza imbere

• Guteza imbere politiki y’imiyoborere myiza iha

• Gukomeza kwegereza ubuyobozi n’ubushobozi

• Gukomeza gushimangira politike y’ubuyobozi

• Gukomeza gukangurira abanyarwanda bose gukora

• Gukomeza gukangurira abanyarwanda guhindura

• Gukangurira abaturage kurwanya ruswa, akarengane,

• Kunoza igenzura ry’ibikorerwa mu nzego z’ibanze

1.2. Iterambere ry’urubyiruko

1.2.1. Umuryango FPR-INKOTANYI wagize uruhare

• Urubyiruko rwashishikarijwe kwiga amashuri

• Urubyiruko rutishoboye ruhabwa inkunga irufasha

• Urubyiruko, nta vangura rukomeje gufashwa kwiga

• Imbuto Foundation ifasha urubyiruko mu kwihangira

Guteza imbere imibereho y’urubyiruko, guhesha agaciro

• Urubyiruko rwitabiriye guhindura amashyirahamwe

• Hashyizweho uburyo butandukanye bwo gufasha

• Hatangijwe gahunda yo kwimenyereza umurimo

• Urubyiruko rwitaweho nk’icyiciro kihariye mu

Guharanira ko urubyiruko rugira uburere butunganye n’ubuzima

• Hakozwe Itorero ry’urubyiruko ruba mu gihugu

• Urubyiruko rurahagarariwe mu nzego zitandukanye

• Hashyizweho inzego z’Ihuriro ry’abanyeshuri mu