HKBP SUDIRMAN JAKARTA

PARTURENA PESTA PARJOLO

PARNINGOTAN HATUTUBU NI TUHAN JESUS

Tema:
SALUHUT BANGSO PASANGAP HUHUT
MAMUJI DEBATA
Lukas 2 : 15 - 20

Senin, 25 Desember 2023

HKBP Jl. Jenderal Sudirman Jakarta 1

 1. Pangaradeon dohot Prosesi:
- Prosesi masuk parhobas diiringi Solist mangendehon BE. 602 “Di Natal na
Parjolo i”
- Prosesi angka parhalado ni huria. Dipagalak paragenda ma lilin naung
diparade di langgatan. Sude ma Parhalado dohot Pandita jongjong di
langgatan mandompakhon tu ruas ni Huria.

2. JOUJOU TU PARSAORAN TU TUHAN I(P: Pandita; L: Liturgis; R:Ruas)

P: Huria ni Tuhanta, dibagasan las ni roha marpungu do hita di tingki on,
laho manghamauliatehon balga ni asi ni roha ni Debata na marsuru AnakNa na
Sasada i gabe haluaon ni sandok manisia. Alani hupasahat hami ma tu hamu:
Parhalado : "Selamat Ari Natal ma di hamu! Las ma rohanta, ai nunga ro Sipalua
hita”
R: Selamat Ari Natal ma nang di hamu!
P: Nunga tubu di hita Sipalua i. Alani masihorasan ma hita dohot na di
lambungta huhut mandok: Immanuel, Nunga tubu Sipalua hita.
(Marsijalangan di ingananna be, diiringi musik lagu “BE 602”, laos
mulak ma tu hundulanna angka Parhalado, jala hundul ma sude ruas )
L: Dibagasan unduk dohot serep ni roha, tapahibul ma rohanta marsaor dohot
Jesus naung tubu i, asa tung singkop las ni rohanta. Marende ma hita “Ria
ma Hita sasude”
R: (mangendehon) BE.No. 48 : 1 – 3 “Ria ma Hita sasude” BL. 16
Ria ma hita sasude mamuji Debata.
Girgir ma parendenta be ai ido na tama, ai ido na tama
Diungkap Debatanta i banuaginjang i.
Disuru do AnakNa i hangoluanta i, hangoluanta i.
------organ--------jongjong-----
Ampuan ni AmaNa do tinadingkonNa i.
Tu hasiangan on do ro tu pardangolan i, tu pardangolan i.

3. Votum, Introitus, Tangiang.

L : Marhitehite Goar ni Debata Ama dohot Goar ni AnakNa Tuhan Jesus Kristus
dohot goar ni Tondi Parbadia na tumompa langit dohot tano on. Amen.
Nunga tubu di hita sada posoposo, dilehon tu hita sada Anak, pampe tu
abaraNa do sogot harajaon, jala bahenonNa GoarNa: Sipartahi halongangan,
Ulubalang ni Debata Ama, saleleng ni lelengna, Raja ni hadameon (Jes. 9:5).
Endehon hamu sada ende na imbaru di Jahowa, endehon ma Jahowa, ale
sandok tano on. Pajojor hamu ma di tongatonga ni angka na so tumanda Ho
hamuliaonNa i, di tongatonga ni saluhut bangso halongangan, angka na
binahenNa i. Marsomba ma hamu tu Jahowa marpahean na marhadohoan,
angka hitir ma hamu maradophon Ibana, ale isi ni sandok tano on
Haleluya!
R : (Mangendehon) Haleluya, haleluya, haleluya.

HKBP Jl. Jenderal Sudirman Jakarta 2

 L: Martangiang ma hita !
Ale Tuhan Debata, Amanami na di banua ginjang ! Marroha Ama do Ho tu
hami halak pardosa na dangol on; ala ni i dilehon Ho do AnakMu na sasada i,
Tuhan Jesus Kristus, asa porsea hami jala dapotan hangoluan marhite sian
Ibana. Na mangido ma hami nuaeng tu Ho, suru ma TondiM na badia i tu
rohanami, asa manahan hami sahat ro di ujungna di bagasan haporseaon na
sintong jala asa martua hami marhitehite AnakMu Tuhan Jesus Kristus,
Tuhannami. Amen.
---hundul---

4. Marende No. 51 : 6 - 7 “Tole puji ma Tuhanta” BL. 31

Ale Jesus haholongan boan ma tu hasonangan.
Hami na di parjalangan na manghalungunhon Ho.
Asa di joloM ma hami mangendehon endenami.
Raphon angka dongannami angka pardisurgo i.

5. Patik ni Debata
L : Tangihon hamu ma patik ni Debata, ima na tarsurat di Pilippi 2:12c: “Mardongan
biar dohot lomos ni roha ulahon hamu ma haluaonmuna”.
Antong rap mangido gogo ma hita tu Debata, laho mangulahon PatikNa i.
L+R: Ale Tuhan Debata, sai pargogoi ma hami mangulahon na hombar tu PatikMi. Amen!

6. Marende BE.No.608:3-4 “O Betlehem na metmet i”

Hohom so pamotoan do saut bagabaga i. Sian banuaginjang ro Kristus Tuhanta i
Portibi on ramun do binaen ni dosa i. Tu angka na manjanghon do ro Sipalua i
-------Jongjong-------
O Anak na badia i ro Ho tu hami be. Bongoti daging tondi I Parbadiai sude.
Barita na ummuli hutangi hami be. Sorang ma Ho di ngolungki ale Immanuel

7. Manopoti Dosa :
L : Di Pesta Natal Parjolo on, tapaadophon ma ngolunta tu balga ni holong ni
Tuhanta tu hita marhite hatutubuNa tu portibi on, laos huhut tarimangi
angka pambahenanta na so saurdot tu panghophoponNa i. Tama do unduk
hita manopoti dosanta di adopan ni Debata.
Ale Tuhan Parasiroha na sumurung! Nunga ro Ho tu portibi on manopot
hami, mandongani hami di sude ngolunami. Alai sai olo dope ganggu hami
di pandonganionMu uju huadopi hami ragam hamaolon dohot parungkilon.
R : Gabe olo do hami manarita tu Ho sahat tu na mandele.
L : Ro do Ho tu portibi on laho manghophop hami, patuduhon tiruan tu hami
asa rade hami mangurupi angka na patut urupan. Alai sai olo do tartutup
rohanami manarihon angka na gale dohot na metmet.
R : Hape nunga didok hataM asa gabe halak parasiroha hami, songon Ho ale
Amang Parasiroha i.
L : Sai sungguli ma rohanami, asa muba roha dohot pangalahonami, asa
tarparangehon hami panghophoponMi di ngolunami, jala lam patar ma di
HKBP Jl. Jenderal Sudirman Jakarta 3
 hami, na sai tongtong didongani Ho hami manang aha pe na masa di
ngolunami. Tangihon ma hami, marhite Tuhan Jesus Kristus Tuhannami,
Sipangolu hami. Amen.
L: Bagabaga ni Debata taringot tu hasesaan ni dosa. Ai songon on do
holong ni roha ni Debata tu portibi on, pola do AnakNa na sasada i dilehon,
asa unang mago ganup na porsea di Ibana, asa hangoluan na saleleng ni
lelengna di ibana.
Hasangapon ma di Debata na di ginjang !
L+R: Amen ----- hundul-----

8. Marende No. 610 “ Pasangap ma”

Pasangap ma, pasangap ma. Debatanta, Debatanta na di ginjang.
Dame ni Tuhan saor tu hita angka jolma halomoanNa.
Pasangap ma Debatanta, pasangap ma Debatanta.
Dame ni Tuhan saor tu hita, dame ni Tuhan saor tu hita angka jolma,
angka jolma halomoanNa, angka jolma halomoanNa, halomoanNa.
Pasangap ma, pasangap ma Debatanta, Debatanta na di ginjang.
Dame ni Tuhan saor tu hita angka jolma halomoanNa. Amen. Amen.

9. Epistel :
L : Hata ni Debata turpuk di Pesta Natal on ima na tarsurat di Psalmen 148 : 1-
14 Halleluya! Puji ma Jahowa, hamu ale angka sian banua ginjang, puji
hamu Ibana di angka banua ginjang!
R : Puji Ibana, sude hamu ale angka surusuruanna, puji Ibana, sude hamu ale
angka paranganNa!
L : Puji Ibana, ho ale mata ni ari dohot bulan, puji Ibana, sude hamu ale bintang
angka na marsinondang i!
R : Puji Ibana, hamu ale angka langit ni langitan dohot hamu ale aek angka na di
atas ni langit!
L : Ingkon pujionnasida ma goar ni Jahowa, ai mandokkon Ibana, jadi tartompa
ma nasida.
R : Jala Ibana pahot angka nasida ro di salelenglelengna, dibahen do sada aturan
jala ndang halaosansa.
L : Puji ma Jahowa, hamu ale angka na sian tano on, angka binatang ni laut ro
di sude angka lung!
R : Ho ale api dohot ambolas ro di timus, habahaba, na pasauthon hataNa i.
L : Hamu ale angka dolok dohot sude angka robean, hamu ale hau angka na
marparbue ro di sude hau ares.
R : Ho ale binatang dohot sude pahanpahanan, angka gulomit ro di angka
pidong na marhabong.
L : Hamu ale angka raja ni tano on dohot sude angka bangso, hamu ale angka
pangarajai ro di sude angka panguhum ni tano on.
R : Hamu ale angka dolidoli dohot namarbaju pe, hamu ale angka natuatua rap
dohot angka na bajar.

HKBP Jl. Jenderal Sudirman Jakarta 4

 L: Ingkon pujionnasida ma goar ni Jahowa, ai sasada goarNa i do na timbul,
diatasi hamuliaonNa i do tano on dohot angka langit.
R: Jala Ibana patimbul sada tanduk di bangsoNa i, bahen pujipujian di sude
angka na niasianNa, di angka anak ni Israel, bangso hasolhotonNa i.
Halleluya!
L: Ima sahatna. Martua do angka natumangihon hata ni Debata jala na
umpeopsa
L+R: Amen

10.Marende BE 59 : 1+7 “ O Jesuski Hupuji Ho” BL. 34

O Jesuski hupuji Ho dibaen naung gabe jolma Ho
Ditopot Ho do hami on Na dangol di portibi on
------jongjong------
I ma binaen ni Jesus i, pataridahon holong ni,
RohaNa na tongtong basa, I pe tapuji Debata.

11. Manghatindanghon Haporseaon:

U : Tahatindanghon ma haporseaonta i, songon na hinatindanghon ni donganta
sahaporseaon di sandok portibi on, rap ma hita mandok:
S : Ahu porsea................Amen (hundul)
12. Koor:
13. Sunggulsunggul
14. Koor:

15. Marende BE. 62 :1... HALALAS NI ROHA GODANG (Pelean Ia dohot Ib)
Halalas ni roha godang, na hubaritahon on.
Nunga tubu Sipalua, di hita jolma on
Hasangapon di Debata, laos dame, dame, dame ma di jolma
Lomo ni roha ni Debata, do hita jolma on.
--------Organ--------
Ai saborngin on do binsar, bintang di na holom i.
Sumondangi hagolapon na di rohanta i.
Hasangapon di Debata, laos dame, dame, dame ma di jolma
Lomo ni roha ni Debata, do hita jolma on.
--------Organ--------
Tuhan Jesus hadomuan, na di suru Debata
Na pasaehon sude dosa di dolok Golgota
Hasangapon di Debata, laos dame, dame, dame ma di jolma
Lomo ni roha ni Debata, do hita jolma on.
--------Organ--------
Sai sondangi ma rohangku, ale Tuhan Jesus i.
Asa dohot au maruli, di hatutubuMi
Hasangapon di Debata, laos dame, dame, dame ma di jolma
Lomo ni roha ni Debata, do hita jolma on.
--------Organ--------
HKBP Jl. Jenderal Sudirman Jakarta 5
 Halalas ni roha godang sai songgopi rohangkon
Asa dohot au ummalo mamuji goarMi
Hasangapon di Debata, laos dame, dame, dame ma di jolma
Lomo ni roha ni Debata, do hita jolma on.

16. Jamita: Lukas 2:15-20

17. Marende BE 52:1… “Hatuaon do” BL. 55

(Pelean II: Tu Ulaon Diakonia Sosial/Caritas Emergency HKBP)
Hatuaon do las ni roha do hatutubu ni Jesus i.
Mago do jolma ro ma Tuhanta las be las be ma rohanta i
Mago do jolma ro ma Tuhanta las be las be ma rohanta i
---Organ---
Hatuaon do las ni roha do hatutubu ni Jesus i.
Domu do hita tu Debatanta las be las be ma rohanta i
Domu do hita tu Debatanta las be las be ma rohanta i
---Organ---
Hatuaon do las ni roha do hatutubu ni Jesus i.
Las ma rohanta mida Tuhanta las be las be ma rohanta i
Las ma rohanta mida Tuhanta las be las be ma rohanta i

ACARA MARULAON NA BADIA (Agenda HKBP)

a. B.E. No. 152 JESUS NA MAMORSAN BL. 120

Jesus na mamorsan dosa ni portibi on, pangolu hami.
Jesus na marmosan dosa ni portibi on, pangolu hami.
Jesus na mamorsan dosa ni portibi on, sai pasonang hami, Amen, Amen, Amen.
b. Agenda Ulaon Nabadia
c. BE. No 153 O JESUS NAUNG SINEAT BL. 126
O Jesus naung sineat, di hau na pinarsilang.
RohaM tongtong daulat, nang uju Ho tarhilang.
Marutang hosa hami, ditaon Ho dosanami, Asi rohaM o Jesus.
d. Ro ma tu jolo manjalo parpadanan na Badia
(di na laho mulak tu hundulan, disi ma tapasahat pelean ulaon na badia)
e. Angka ende di tingki manjalo ulaon na badia tujolo
1. BE. No. 155 NAUNG MORU DO MUSE SATAON BL.192
Tuson ma ho ale tondingku, di na mauas, male ho
Manjalo basa ni Tuhanmu pinaradeNa i di ho.
Dilehon Jesus do dagingNa, marhitehite roti on,
Dilehon dohot do mudarNa, marhitehite anggur on.

HKBP Jl. Jenderal Sudirman Jakarta 6

 Ai nang tongtong pe ganup ari, mudarNa mangurasi au.
Huhut Ibana so mansadi manogu tu lambungNa au.
Sai naeng au mangan parpadanan ni Jesus Kristus, Tuhanki.
Na padamehon parbadaan, na pasonangkon rohangki.
--- organ ---
Asi rohaM di au o Jesus, tumpahi au sadari on.
Ai hataMi do hupatulus, manganhon parpadanan on.
Antong patiur ma rohangku, marningot denggan ni basaM.
I ma na tinaonMi dosangku, binaen ni holong ni rohaM.

2. BE. No. 86 SILANG NA BADIA BL. 67

Silang na badia i Ho do lombulombungki. Maralohon dosa i Dohot pandelean i
Di sude sitaonon i Ho ma lombulombungki

Nasa na huula i Ndang tau hasonanganki. Nang ringkot pe rohangki Pola ro nang ilungki
Holan asi ni rohaM Pangurupi o, Tuhan
--- organ ---
Ro do au nuaeng tu ho, sai palambas ma rohaM. Nunga pola mate Ho, ala asi ni rohaM
Jangkon au na dangol on, sai ulosi tondingkon.

3. B.E. No.182 HAHOLONGAN NA BADIA BL.24

Tu joloM o Debatangku Sai use do rohangkon
Sai pasiat tangiangku dohot iluilungkon
--- organ ---
Husolsoli do rohangku Na gok dosa i tongtong
Ai godang ariaringku Na hubahen ambolong
--- organ ---
Sai jotjot do hutadingkon DalanMi na tigor i
Kristen au, hape hutondong Dalan hamagoan i.
--- organ ---
Ala nii tungki rohangku Jongjong di adopanMi
Sai asi rohaM Tuhanku Sesa nasa dosangki.

4. B.E. No. 452: 1 NA RO PANDAONI BOLON I BL. 303

Na ro Pandaoni bolon i, i ma Tuhanta Jesus.
Didaoni na marsahit i hisar dibahen Jesus.
Ref Uli ni barita i, las ni roha bolon i. Sai dipuji rohangki, Jesus, Jesus, Jesus.
--- organ ---
Tung sae do dosa i sude, ai nunga mate Jesus.
Ndang jujuronNa i muse, parholong roha Jesus.
Ref Uli ni barita i, las ni roha bolon i. Sai dipuji rohangki, Jesus, Jesus, Jesus.
--- organ ---
Na hansit na di rohangki dibuat Tuhan Jesus.
Antong, hamuna donganki, hatop ma ro tu Jesus.
Ref Uli ni barita i, las ni roha bolon i. Sai dipuji rohangki, Jesus, Jesus, Jesus.

HKBP Jl. Jenderal Sudirman Jakarta 7

 5. B.E. No. 466: 1 NUNGA RO AU O TUHANKU BL. 314
Nunga ro au, o Tuhanku, tu hau pinarsilangMi.
Hupelehon ma diringku, upa halojaonMi.
Ref Hatuaon i, las ni rohangki, ai hibul do hupelehon nasa diringki
--- organ ---
Ndang adong naeng tioponku saluhut tu tanganMi.
Maradian do tondingku di bagasan lomoMi.
Ref Hatuaon i, las ni rohangki, ai hibul do hupelehon nasa diringki
--- organ ---
Sai sahaphon tu tondingku, Tondi Porbadia i.
JoroMi ma baen rohangku, sai ingani diringki.
Ref Hatuaon i, las ni rohangki, ai hibul do hupelehon nasa diringki
--- organ ---
Sai gok Tondi ma rohangku, mate roha diri i.
Angka arta sian tano, ndang tusi be rohangki.
Ref Hatuaon i, las ni rohangki, ai hibul do hupelehon nasa diringki

6. B.E. No. 476: 1 “NDADA AHU GURU DI AHU” BL. 322

Ndada au guru di au be, Jesus do nampuna au.
Las rohangku dung hubege, Jesus Sipangolu au.
Ref Ndang be au guru di au, Jesus na humophop au, nampuna au.
Tung saleleng au mangolu, Jesus do nampuna au.
--- organ ---
Ndang di au, di Tuhan Jesus, daging dohot rohangki;
Saluhutna hupasahat tu Ho, Jesus Tuhanki.
Ref Ndang be au guru di au, Jesus na humophop au, nampuna au.
Tung saleleng au mangolu, Jesus do nampuna au.
--- organ ---
Ulaonku nang artangku pangke ma baen sangapMi,
Diusehon Ho mudarMu tung tanda do holongMi.
Ref Ndang be au guru di au, Jesus na humophop au, nampuna au.
Tung saleleng au mangolu, Jesus do nampuna au.

f. Ende Pujipujian: B.E No. 9 : 1 “Hupuji holong ni rohaMu” (jongjong)

Hupuji holong ni rohaMu, o Tuhan Jesus Rajangki
Tu Ho hulehon ma tindingku, ai ido pinangidoMi
Huhalupahon ma diringku, mamingkir holong ni rohaMu

7. Tangiang: Pelean-Pesta Hatutubu ni Tuhan Jesus - Ale Amanami-Pasupasu

Majelis HKBP Sudirman Jakarta

Pasahathon:
Selamat Ari Natal 25 Desember 2023
dohot
Tahun Baru 01 Januari 2024
HKBP Jl. Jenderal Sudirman Jakarta 8