Skit Topic: “This too shall pass”

SCENE 1:
(Comes to house after clg )
Rohit: Mummy jara paani milega, dhoop bohot hai bahar.
Mom: Haan ye lo, waise aaj tumhara result tha na first sem ka, kaisa
aaya?
Rohit: Woh actually…….Ummm theek tha par maths mai…….. kt lag
gaya.
Mom: Bas bahar khelo aur dosto ke sath ghumo, padhai ki hoti to kt
nahi lagti, baap aur beta dono nikamme.
(Goes out of the house to meet friends)
Fr 1: Bhai kya hua itna tension mai lag raha hai ?
Rohit: Aree kuch nahi re, jyaada kuch nahi hai.
Fr 1: Chal chai peene……..Aree meri gf ka call aa raha hai, mai chalta
hu bro.
Rohit: Haan, milte hai.
(Monologue)
Rohit: Abe yaar ye kt kaise lag gaya, maine toh pura 3 din padha tha,
kitna difficult hai ye course, mom ne itne paise bhar ke sdmission
karaya hai, aur mai kuch bhi nahi kar paa raha, na koi gf na koi dost
jisse mai baat kar saku iss bare mai. Shayad mai hi ek failure hu,
sabko mujhse hi problems hoti hai, agar iss duniya mai, mein hi nahi
hota toh……..
(Goes to terrace)
Mai chala jaunga toh problems bhi khatam ho jayenge, agle Janam
mai phir se start karunga, shayad…….
(Phone rings )
Fr 1: Bhai kidhar hai, chal chai peene chalte hai, kuch khaa bhi lenge.
Rohit: Nahi bhai mann nahi hai
Fr 1 : Aree chal jaldi nahi toh ghusa bhar dunga.
Rohit: Theek hai aata hu ruk……
(Goes to friend)
Fr 1: Chal abhi chup chaap bata kya hua hai ?
Rohit : Aree….um…..woh….. maths mai kt lag gaya re aur maa bhi
naraz hai, aisa lag raha hai ki mai hi problem hu….
Fr 1: Tu toh pura pagal ho gaya re, aree yede kt hi toh laga hai, nikal
jayega, maa naraz hai par teri hi maa hai na, jyaada der naraz thodi
rahegi. Tu problem hota toh mai khud tujhe maar deta (Laughs).
Rohit: Sahi keh raha hai bhai…
Fr 1: Agli baar se aisa kuch ho raha hai aur mujhe nahi bataya toh
dekh bete and, this too shall pass.
Rohit : Ok Papaji (Laughing and drinking tea)
( SCENE 1 ENDS )
 SCENE 2:
(Rahul is at friend’s house)(Phone rings)
Rahul: Haan baby/jaan/nickname bolo…….kya…par…aise kyun…..hum
baat kar sakte hai……kyun nahi ……mai pyaar karta hu tumse
yaar…….tum aisa nahi kar sakti….ruko…..nahi call mat rakhna…..nahi.
(Call ends, Rahul tries to call again and again but is not picked up)
Fr 2: Bhai, kya hua, aise jameen pai kyun baitha hai?
Rahul: (Shocked expression )Bhai….woh Riya ne……breakup karliya….
Fr 2: Abe aise kaise, ek saal ho gaya tha tumhari relationship ko,
achanak kya hua ??
Rahul: She is saying ki…..woh bore ho gayi hai. She wanted to end
this.
Fr 2: Aree ghusse mai aake bola hoga, talk it out, jaa uske ghar aur
mil usse .
Rahul: Haan mai abhi jaata hu…..
(Leaves the house)
(One day later)(Friend 2 enters the house of Rahul)
Fr 2: Oyee phone kyun nahi utha raha? aur ye saare lights kyun band
kar rakhe hai, abe aunty mujhe puch rahi hai tu phone kyon nahi
utha raha. Rahul??
Rahul: (Crying) Woh choddh gayi yaar mujhe, na mai usse phone kar
paa raha hu, na woh mil rahi hai mujhe, ab kya karunga yaar, I really
love her.
Fr 2: Bas, Bas chal ab uth aur ye le paani. It’s fine yaar isme teri koi
galti nahi hai, har cheeze ka reason nahi de paate log, rona band kar
chal.
Rahul: But nahi jee sakta yaar mai uske bina, sab useless hai, sab
lifeless hai, sad worthless hai, kyun kiya usne mere saath aisa.
Fr 2: Aree chal choddh usko, gayi woh, she was bored, uske dil mai
tere liye kuch nahi tha, uski story dekh already dusra bakra pakad liya
usne.
Rahul: Mai hi pagal tha jo usse pyaar kar baitha….
Fr 2: Chal neeche jaake kuch khaate hai, tune ek din se kuch khya bhi
nahi hai.
Rahul: Mann nahi kar raha hai…
Fr 2: Dekh bhai, tu uske liye bhuka reh raha hai jo kisi aur ke saath
lunch date pe hai. Aur waise bhi she was not the one for you, agar tu
aise hi depression mai baitha rahega toh tujhe tere liye perfect ladki
kaise milegi ?
Rahul : Theek hai ab tu itna bol hi raha toh sahi hoga, chal chalte hai.
Fr 2: Ye hui na mere strong boi ki baat, aur hamesha yaad rakhna sad
time permanent nahi hota, ek gayi toh dusri aayegi and this too shall
pass.
(Both friends hug each other )
(SCENE 2 ENDS)
 SCENE 3:
(At the gym )
(Vikram is excersising)
Vikram: Aur do sets karne hai biceps ke, baadme clg bhi jaana hai, ye
bhaiya aur kitna der dumbbell use karenge pata nahi, chal maang hi
leta hu. Bhai ye dumbbell chhahiye the aapka set baadme continue
karenge ?
Older boy: Aree dikh nahi raha hai mai set mar raha hu, 5 mahine se
aa raha hai gym par phir bhi soonkhi kandi hai abhi bhi.
( All men in the gym laugh )
Vikram: Go to hell you all.
(Vikram leaves the gym in anger)
(Vikram goes to college)
Bully 1: Ayee soonkhi kandi aa gaya, hawa mat daal jyaada, ud jayega
Bechara.
(Vikram ignores him)(Goes in class)
Vikram: Oyee, mai jyaada patla hu kya ?
Fr 3: Are nahi be, matlab mujhe toh theek lagta hai, aur tu toh gym
bhi jaata hai toh thoda muscle vagere bhi built hua hai.
Vikram: Par sab log toh mujhe soonkhi kandi bolte hai, toh kuch toh
gadbad hoga na? Gym jaake bhi weight aur build nahi hua, kya karu
yaar.
Fr 3: Aree who log ko pata hai tune kaha se chalu kiya hai? Who log
jaante hai ki tu kya nahi karta accha body banane ke liye? Nahi na,
toh
unki baton pe kyun dhyaan deta hai, bolne de unko, tu apna mehnat
kar.
Vikram: Sahi keh raha hai tu, kal jaake trainer se puchta hu kya kar
sakte hai.
(Vikram goes to gym the next day )
Vikram: Sir, woh weight nahi badh raha hai, exercise karke, kya kar
sakta hu?
Trainer: Mujhe pata hai tum kitna try karte ho body banane ke liye,
mai tumhe ek accha diet plan aur routine bana ke deta hu, usko
follow karo growth dikhega.
Vikram: Thanks Sir.
Trainer: Mai bhi wohi sunta tha jo tum ab sunte ho, don’t worry, this
too shall pass, aur keep pushing.
(SCENE 3 ENDS)

END OF THE SKIT.