Kahin Pe Nigaahen, Kahin Pe Nishana

Crime File
Written By: Paras Jaiswal

Aaj Rohit aur Ruby ki shaadi hui hai, donon ki suhagrat hai aur Rohit Ruby ko
batata hai ki usne apne pita ke dabav main aakar yah shaadi ki hai, vah iss shadi ko
nibha nahi paayega. Ruby gusse mein bhadak udati hai, ghar mein hungama khada
ho jata hai, Rohit ki maa Sumitra aur pita ratanlal bhi aa jaate hain. Sumitra bhi
ratanlal ko hi doshi thehrati hai, kyon unhone mana karne ke baujud jabardasti
rohit ki shaadi karva di. Jhagada itna badh jata hai ki ratanlal gusse mein Rohit aur
Sumitra donon ko ghar se nikal jaane ke liye kahate hain, Rohit gusse mein apni
maa ko lekar usi waqt nikal jata hai.

Unke jaane ke bad ratan lal Ruby ke kamre mein aate hain aur hanste huye Ruby
ko apni bahon mein bharte hain. Donon hanste hain aur kahani khulati hai ki
Ratanlal aur Ruby ke bich pahle se sambandh tha, lekin Ruby ke bhai bhabhi
Ratanlal ke sath shaadi to kar nahin sakte the, isiliye Ratanlal ne Ruby ki shadi
apne bete Rohit ke sath kara di Aur apne bete aur patni dono ko ghar se hataa bhi
diya, ab aiyashi karne ke liye Ratanlal aur Ruby donon ekadam azad hai. Ruby ka
bhai kundan aata hai jo is baat per sawal uthata hai ki Rohit uski bahan ko
chhodkar kaise chala gaya? Ratanlal use samjhate hain ki Rohit jaldi hi aa jaega.
Ratanlal aur Ruby donon khush hai, lekin koi aisa bhi hai jo ine donon per najar
rakh raha hai, ek din ratan lal ko ek video milta hai, jo Ruby ke sath ka video hai,
Ratanlal se 15 lakh rupye manga jata hai. Ruby ro rahi hai ki vah jaan de degi,
majbur hokar Ratanlal apna FD todkar uss blackmailer ko 15 lakh rupaye
pahuncha dete hain.

1
Ratanlal ke ghar me kaam karne wali naukrani dono ko dekh leti hai, wah Mumbai
phone karke Sumitra ko sabkuch bata deti hai ki sasur aur bahu aiyaashi kar rahe
hain, Sumitra aur Rohit ko pahle yakin nahi hota, unke samajh mein ye bhi nahi
aata ki wah kya kren.

Ruby ki tabiyat kharab hoti hai aur usse pata lagta hai ki vah pregnant hai, Ruby
yah baat ratan lal ko batati hai aur kahti hai ki ab unka beta Rohit bhi Ruby ko
nahin apnayega, Ruby ki jindagi ka kya hoga? Ratan lal akhir majbur hokar apni
jamin aur apna bangla Ruby ke naam kar dete hain, sab kuchh Ruby ke naam ho
chuka hai.

Ek din ratan lal jab Ruby ke ghar pahunchte hain, Ruby apne bhai bhabhi se baat
kar rahi hai, tino Khushi mein jashn manaa rahe hain. Ratanlal sunte hain aur unhe
pataa lagta hai ki ab tak jo bhi hua, sab Ruby ka ek plan tha, Ruby ke bhai Bhabhi,
bhai bhabhi hi nahin hai, yah ek gang hai jo is tarah ke aiyash buddhon ka fayda
uthate hain. Aur unhen isi tarah majbur karke unki sari jyada le lete hain. Ratan lal
yah sunkar gusse mein. Aakhir teenon milkar ratan lal ka katl kar dete hain, lekin
police un tino ko girftar karti hai.

