FLORES DE MAYO

SYLLABI FOR BEGINNERS

(Weekend Flores de Mayo)

“KARI MAGPALAPIT SA AMAY, ANG DIYOS NGA

MAHIGUGMAON” RATIONALE

Sa pagpakilala sang Diyos sa mga bata, ginatan-aw gid ang ila kahandam sa
pagbaton sa Iya sa ila tagsa-tagsa ka kabuhi. Importante gid nga mahibaluan sang mga
bata ang kaalwan kag daku nga gugma sang Amay paagi sa pagkilala man sa Iya anak
nga si Hesus kag kay Birhen Maria. Gani sa sini nga mga leksiyon sa sining malip-ot
nga tinion sang Flores de Mayo, ginatinguhaan ng amadala ang mga bata sa pagkilala
sining kayo kag gugma sang Amay nga ginapakita dira paagi kay Kristo kag sa mga
tawo kag butang nga gintuga sang Diyos sa aton palibot.

KAUNDAN

TEMA 1 - Ang Diyos nga Amay Nagtuga sang Tanan nga Maayo nga mga
butang
TEMA 2 Ang Pagkahulog sa Sala
TEMA 3 - Si Hesus Akon Abyan
TEMA 4 - Si Hesus Nagabantay sa Akon
TEMA 5 - Ako kabahin sang panimalay ni Hesus
TEMA 6 - Si Hesus nagatudlo sa akon sa Pagpangamuyo TEMA 7 - Si Maria,
Iloy ni Hesus kag Iloy man naton TEMA 8 - Upod kay Hesus kag kay Maria kita
tanan tingob nga nagasimba sa Diyos

TEMA 1- ANG DIYOS NGA AMAY NAGTUGA SANG TANAN NGA MAAYO NGA
MGA BUTANG
I. MGA KATUYUAN
Doktrina: Ang Diyos nga Amay nagtuga sang tanan nga maayo nga mga
butang.
Moral: Tatapon kag tipigan ang tanan nga butang nga gintuga sang Diyos kay
ini tanan gintuga sang Diyos
para sa aton.
Pagsimba: Dayawon kag pasalamatan ang Diyos sa tanan nga maayo nga
butang nga gintuga Niya para sa aton.
II. PANGBUKAS NGA PANGAMUYO
III. LESSON PROPER:
Kahimtangan sa Kabuhi: Ang Makita sa palibot
Buluhaton: Pagpamangkot: Ano ang makita niyo sa inyo nga palibot? Ano
anginyo mahambal sa inyo mga nakita?
Ano ang dapat ninyo nga himuon sa mga butang sa
inyo palibot?
Pag-angot: Madamo sang mga butang nga aton makita sa aton palibot.
Yara ang mga tanom, bulak, kahoy, pispis,
ido kag iban pa. Makita man gani naton ang mga
tawo nga kasubong naton. Diin ayhan ini tanan halin?
Gulpi lang ini bala nga nagtuhaw diri sa kalibutan
ukon may naghimo sini? Aton hibaluon paagi sa aton
nga pagpamati sa aton estorya.
IV. KRISTOHANON NGA MENSAHE:
a. Pulong sang Dios: Genesis 1:1-26
b. Pamangkot?
1. Sa aton nabatian nga estorya, ano ang mga gintuga sang Diyos?
Adlaw, gab-i, bulan, bituon, isda, pispis, etc.
2. Ano ang nabatyagan sang Diyos sang siya magtapos sa pagtuga?
Nanamian gid siya
c. Pagsaysay
Sa aton balasahon, aton nabatian nga gintuga sang Dios sa nahauna nga
adlaw ang kapawa ukon ang adlaw kag ang kadudolman ukon ang gab-i. Sa
ikaduha nga adlaw, gintuga sang Dios ang kahawaan ukon ang langit nga
nagseparar sang tubig sa ibabaw kag sang tubig sa idalom. Sa ikatlo nga adlaw,
gintuga sang Dios ang duta, ang kadagatan kag mga tanom nga nagatubo sa
duta. Sa ikaapat nga adlaw, ang Dios nagtuga sang adlaw (sun) nga amo ang
nagahatag sang kasanag sa kaadlawon kag bulan kag bituon nga nagasanag sa
kagab-ihon. Sa ikalima nga adlaw, gintuga sang Dios ang mga kasapatan sa
kadagatan pareho sang mga isda kag iban pa kag mga kapispisan. Sa ikaanum
nga adlaw, gintuga sang Dios ang mga kasapatan sa duta kag ang tawo. Kag sa
ikapito nga adlaw, ang Dios ang nagpahuway. Ang Dios nanamian sini tanan. Ini
iya gintuga para magamit sang tawo. d. Pagbilog
Ang Diyos nga Amay amo ang nagtuga sang tanan nga butang sa aton
palibot kag kita nga mga tawo ang ginsaligan sang Diyos sa pagtatap sang Iya
mga gintuga. Dapat naton ini nga halongan kag palanggaon. Aton pasalamatan
ang Diyos bangud sang Iya daku nga gugma sa aton tanan paagi sa pagtatap
kag pagrespeto sang tanan Niya nga gintuga.
V. PANGHANGKAT SA PAGTUO
1. Sin o ang nagtuga sang kalibutan? Dios
2. Ano ang dapat naton himuon sa mga butang nga gintuga sang
Dios? Tatapon kag tipigan
3. Paano kita magpasalamat sa Dios sa iya nga pagtuga sang
kalibutan? Paagi sa pagpangamuyo.kag pagsimba

VI. PAGSAULOG: Kantahon ang ANG MGA IBON

TEMA 2- ANG PAGKAHULOG SA SALA

I. MGA KATUYUAN
Doktrina: Makasaysay nga ang sala amo ang pagtalikod sa Dios.
Moral: Manginmatinumanon kag magpamati sang mga ginatudlo sang
Simbahan.
Pagsimba: Makapangayo sang kapatawaran sa Dios paagi sa
pagpangamuyo.
II. PANGBUKAS NGA PANGAMUYO
III. PAGDUMDUM SANG NAGLIGAD NGA LEKSYON:
Ang Dios amo ang nagtuga sang tanan nga mga butang kag sang tawo sa
kalibutan. Ang tanan niya nga gintuga mga matahum kag gani aton ini dapat
nga tipigan. Pasalamatan ta ang Dios sining matahum niya nga regalo dira sa
aton nga tanan.
IV. LESSON PROPER:
Kahimtangan sa kabuhi: Kon may buluhaton nga dapat tumanon kag wala
ini gintuman
Buluhaton: Pagpamangkot:
1. Kaagi bala kamo nga ginsugo kamo sang inyo ginikanan (Nanay kag Tatay)
kag wala kamo nagpati? Pos. nga sabat: - Hu-o
2. Ano ang nagtulod sa inyo sa indi pagpati sa ila? – kay gahampang ako, kay
tamaran ako
3. Ano ayhan ang nabatyagan sang inyo ginikanan kay wala kamo nagpati sa ila
ginsugo? masubuan, maakig
4. Ano ang ginahimo sang inyo tatay kag nanay kon maakig sila kay wala ka
nagpati?- bakulon, indi na paghatagan balok, indi pagpagwaon sa balay Pag-angot:
Wala gid sing kaayohan ang indi magtuman sa ginasugo sa aton ilabi na gid kon ini
para sa aton kaayohan. Nagadulot ini sing kasubo indi lang sa aton kundi
sa aton mga ginikanan kag sa iban naton nga mga ginapalangga. Karon aton
pamatian ang isa ka pareho nga estorya nga gikan sa Biblia
V. KRISTOHANON NGA MENSAHE:
a. Pulong sang Dios: enesiGs 3:1-13 b. Pamangkot:

1. Ano ang lugar nga ginpaestaran sang Dios kay Adan kag kay Eva?
2. Ano ang iya luyag nga tumanon ni Adan kag ni Eva?
 3. Nagpati bala sila sa Dios nga indi nila pagkan-on ang bunga sang kahoy
sa tunga sang katamnan?- wala
4. Sin o ang nag tentar sa babaye sa pagkaon sang ginadilian nga bunga
sang kahoy sa katamnan?- man-og
5. Ano ang natabo kay Adan kag kay Eva tapos nga ginkaon nila ang bunga
sang ginadumilian nga kahoy? – nahuya sila, ginpahalin sila sa paraiso, c.
Pagsaysay
Sa aton balasahon ang Dios nagsugo kanday Adan kag Eba nga sarang
nila makaon ang mga bunga sang mga kahoy wala labot sang isa nga amo
ang kahoy sang kaalam sa kalain kag maayo kay kaunon nila ini, mapatay
sila. Apang wala nila ini natuman sang ang babayi nagapdala sa pagganyat
sang man-og sa pagkaon sang bunga sang ginadilian na kahoy.
Ang babaye kag ang lalaki ang wala nagtuman sang ginhambal sang Dios
sa ila nga indi magkaon sang bunga sang kahoy. Ila gintalikdan ang Dios nga
nagpalangga sa ila. Gani ang ila wala pagtuman nagpaakig sa Dios kag sila
ginpahalin sa paraiso kay indi na sila takus o bagay nga mag-estar didto. Sila
magapangabudlay na karon agud makakaon, magamasakit na sila, ang mga
hayop magakontra na sa ila kag sila mapatay.
d. Pagbilog
Ang tawag sa pagtalikod sa Dios amo ang SALA. Kag ang indi
pagtuman sa kasuguan sang Dios wala sing maayo nga madangatan. Ini
nagadala sa aton sang kasubo tungod ini nagguba sang aton relasyon sa Dios
kag sa aton pareho. Agud liwat kita mangin malipayon mangayo kita sing
kapatawaran sa Dios kag sa aton pareho nga nahimo naton sing sala kag
magmasinulondon man sang iya mga sugo nga iya ginbilin sa
Simbahan. Aton man ini mapakita paagi sa pagkamasinulondon man sa aton
mga ginikanan, sa aton mga teachers, sa mga mas gulang nga nagatudlo sa
aton sang maayo kay sila ang ginbilinan sang Dios nga mag-atipan sa aton.
Agud aton malikawan ang pagpakasala ukon ang pagtalikod sa Dios indi kita
magpadaladala sa mga pagganyat sang aton mga amigo kag amiga nga indi
magtuman sa aton mga ginikanan. Kag kon makahimo kita sing sala
mangayo kita sing pasaylo sa aton nahimoan sing sala. Mangayo man kita
sang kapatawaran sa Dios dira sa aton nga mga pagpangamuyo kag
mangayo man kita pasaylo sa mga tawo nga nahimuan naton sang sala.
VI. Panghangkat sa Pagtuo
1. Ano ang sala?
- Ang sala amo ang pagtalikod sa Dios
2. Ano ang bunga sang sala?
- Kasubo, pagkaguba sang relasyon sa Dios kag sa isa kag isa
3. Ano ang dapat himuon agud malikawan ang sala? Sa sulod sang balay,
sa eskwelahan
- Mangin matinumanon kag magpamati sa ginatudlo sang Simbahan.
VII. Pagsaulog: Pangamuyo:
Ginuo, kabalo ako nga palangga mo gid ako
Pasayloha ako kon nagapasaway ako sa Imo
Kay nagbato ako kay tatay kag nanay
Wala ako nagpati sang ila mga sugo.
Tudloi ako nga magmasinulondon
Kasubong ni Jesus nga Imo Anak. Amen.