Boqonnaa Tokko

Maalummaa Og-barruufi Gooroo og-barruu

Hiika Waliigalaa Og-barruu

Jechi og-barruu jedhu jecha Laatinii “littera” hiikni isaas xalayaa tartiiba qubee jechuudha.
Birhanu(2009:8) “ the word literature is derived from the latin word “littera” which means letter
of the alphabet or alphabetic letters.” Kun immoo og-barruu ogummaa barreeffamaatiin walitti
hidha. Hiikni akka waliigalaattiogbarruuf hayyootni kennan gocha barreeffamaatiin kan wal-
qabatuudha.

Hiika Murtaa`aa Ogbarruu(The specific meaning of literature)

Hiika murtaa`aa ogbarruuf kennamu keessatti jechi og-barruu jedhu hojiii kalaqaa dhugaa
addunyaa keessatti mul`atu ibsuuf karaa afaan miidhagaa fayyadamuun ta`uuti. Kunis walaloo,
asooballoo,diraamaa fi seenawwan gaggabaaboo bifa artiitiin barraa`an of keessatti hammata.

Og-barruu : ogbarruun yaada bay`ee bal`aafi walxaxaa waan of keessaa qabuuf hiika gabaabaa
kennuufiin hin danda`amu. Hayyoonni adda addaas hiika adda addaa kennu. Kanaaf hiika isaan
kennan bu`uura godhachuun ogbarruudhaaf hiika kennuu yaalla. Ogbarruun hojii kalaqaa
sammuu ilma namaa ta`ee muuxannoo jireenyaa kan of keessatti qabate haala midhaaginaafi
onnattummaa of keessaa qabuun kanmul`atuufi jechoota humna qaban kan ofkeessaa qabuudha.

Gooroo Og-barruu: jechi gooroo jedhu jecha (Genre) jedhu jecha Afaan Faransaayi yemmuu
ta`u, afaan Laatiniin immoo hiika ‘genus’’generis’ jedhu irraa kandhufeedha. Kana jechuunis
garee, gosaan yookiin bifaan walfakkaataa jechuutti hiikama. Haaluma kanaan qoqqoodiinsi
gooroo ogbarruu caasaafi qabiyyee isaa walfakkeessuu irratti hundaa`a jechuudha. Yaada armaan
olii kana ilaalchisee Malaakne Mangistuu (2006:5) akkas jechuun ibsa.

“Genre is a French term derived from the Latin ‘genus ’’generis’ meaning ‘type’ or kind’. It
designated the literary form or type in to which works are classified according to what they have
in common. Either in their formal structure or in their treatment of subject matter.”

Og-Barruu Maaliif Qo`anna?

Sababni nuti ogbarruu qo`annuuf faayida qabeessummaa isaa ibsuufidha. Kaayyoon og-barruun
qo`atamuuf ga`umsa og-barruu dagaagsuufidha. Gahumsi ogbarruu immoo walitti qabama
gahumsa dubbisuu kitaabilee ogbarruuti. Akka Culler(1975:118) Birhanu Mathewa(2009:4)
keessatti ibsette “ literary competance is a set of conventions for reading literary texs.”

Sababni biraa ogbarruun qo`atamuuf gahumsa xiinqooqaa gabisuufi dha.

Guddina dhuunfaa(personal development)

Seenaa Qoqqoodamaafi Guddina Gooroo Ogbarruu

Jalqabumarraa kaasee ogbarruun gosoota adda addaatti qoodamuun mul`achaa tureera. Fkn:
ogwalaloon gosa ogbarruu kan umrii dheeraa qabu yeroo ta`u; kanneen akka
seenessaa(narrative), do`ii(dramatic) fi liirikii(lyric) of jalatti hiriirsuun qoqqoodamee mul`ata.
Gosuma ogbarruu kana ogwalaloon bifa diraamaa qabu (dramatic poetry) hojiilee tiraajeediifi
koomeedii tti qoqqoodamuun addaan ba`anii mul`atu. Yaadrimee kanas kan jalqabe
falaasessaa(philosopher) biyya Giriikii kan ta`e Aristootil ta`uu isaa seenaan ogbarruu ni mul`isa.
Kunis kan hojiirra ooluu jalqabe jaarraa 19ffaa fi jalqaba jaarraa 20ffaa keessa. Haaluma kanaan
hojiilee ogbarruu gama ogafaaniifi ogbarruu barreeffamaan gooroowwan isaanii irraa gara
gooreewwaniitti qoqqooduun haa ilaallu.

Ogbarruu

Og-Afaan Ogbarruu Barreeffamaa

1. Afoola 1. Ogwalaloo
2. Duudhaa 2. Asoosama
3. Aartii 3. Diraamaa
4. Af-walaloo

Amaloota Ogbarruu Barreeffamaa

 Karaa barreeffamaa darba (transmitted in medium of print).
Raawwataa irratti hin hundaa`u(does not depend on performer)
Jijjiiramni mul`atu hinjiru ykn muraasa(there is little or no variation)
Abbummaa qaba9have no problem of authorship)
Darbiinsaaf fuulaa fuula hinbarbaadu.

Daayessa (Yaadiddama) Gooroo Ogbarruu (Genre Theory)

Akka yaada hayyuu Stam (2004) irratti ibsutti daayessi gooroo ogbarruu rakkoolee
hedduu akka of keessaa qabu gaaffilee armaangadiin walqabsiisee lafa kaa`a.
Fakkeenyaaf :
-Gooroon ogbarruu dhugummaa jireenya qabatamaa keessatti ni argama moo hayyoota
yookaan nama qaaccessu qofaan uumama?
-Akaakuuwwan Gooroo Ogbarruu murtaa`aadha moo miti murtaa`aadha?(general or
specific?)
-Gooroon ogbarruu bardureedha moo bar dhufteedha? Yeroofi bara irratti kan
hundaa`uudha?
_Gooroon Ogbarruun aadaarratti kan hundaa`eedha moo aadaarraa bilisa?(Cultural bound
or cultural free)
Gosoota Gooroowwan Ogbarruu
1. Asoosama Gabaabaa
2. Asoosama Dheeraa
3. Og-Walaloo
4. Diraamaa
5. Og-Afaan
Maalummaa Asoosamaa

Asoosamni gosoota ogbarruu barreeffamaa keessaa tokko ta`ee jaarraa 18ffaa keessa yeroo
jalqabaatiif kan mul`ateedha. Maalummaa asoosamaa ilaalchisee beektonni adda addaa kallattii
garaa garaan hiika waan itti kennaniif hiika fuullee ta`e kennanii bira darbuun nama rakkisa.

Haata`u malee, akka yaada waliigalaatti kan isaan ibsan asoosamni ‘fakii jiruufi jireenyaa ti’
jedhu. Kunis asoosamni kallattii hedduutiin jireenya hawaasaa fi nama dhuunfaa giddugaleessa
godhachuun jechoota filatamoofi humna qabanitti fayyadamuun fakkii yaad-sammuun
kalaqameelubbuu horatee , midhaagina gonfachuun mul`atuudha.

Asoosamni bakka gurguddoo lamatti qoodama:

-Asoosama Gabaabaa

Asoosama Dheeraa

Asoosama Gabaabaa

Asoosamaaf hiika kennuu yaaluurra amala adda taasisu irratti xiyyeeffachuun maalummaa isaa
baruuf abbalutu filatamaadha.

Haaluma walfakkaatuun asoosama gabaabaaf hiika kennuunis kanuma kan bu`uureffataadha.

Asoosamni gabaabaan bifa ammayyummaatiin barreeffamuu kan jalqabe jaarraa 19ffaa keessa
akka ta`eni dubbatama. Yeroo sanarraa eegalee maalummaafi amala isaa ilaalchisee
barreessitoonni yaada adda addaa kennaniiru.

Fakkeenyaaf:

H.J.wells jedhutti asoosamni gabaabaan gosa ogbarruu barreeffamaa ta`ee (creative) hojii
kalaqaa daqiiqaa 30 hanga sa`aatii 2tti dubbifamuu kan danda`uudha.

K.Rudourt fi Jesse Stewart jedhanitti bifa hololootiin barreeffamee tokkummaa ciminarratti kan
hundaa`e yeroo hedduu jechoota kuma kudhanii(10000)olkan hintaaneen kan barreeffamu
seeneffama kalaqaati jechuun ibsu.

Harishaw hayyuun jedhamu ammo asoosamni gabaabaan jechoota kuma kudhanii gadiin
(100000 barreeffamee kaayyoo bu`uuraa tokko irra ga`uuf kan qophaa`u, seeneffama
gabaabaadha. Akkasumas battalumatti gocha tokko qofa kan qabuufi kan namfakkiitokko qofa
irratti xiyyeeffatuudha jechuun ibsa.

Amaloota Asoosama Gabaabaa

 Ergaa ijoo tokko qofa qaba

 Ta`umsa tokko qaba
 Miseensota asoosamaa asoosamni dheeraan qabu mara qaba
  Yaada jalqaba qabateeka`een ala hinba`u
 Waldiddaan isaa dafee uumama
 Wanti hundi nafa nafa kanraawwatuudha
 Yoomessa murtaa`aa malee bal`aa hinqabu
 Namfakkoota muraasa kan yaadaafi qaamaan walitti bu`aniin qindeeffama
 Jaargochi isaas dhangala`aayaada eegale osoo qabxii bay`ee hinbaay`isin jarjartiin
xumurama
 Seenaan seeneffamu saffisaafi gabaabinaan seeneffama
 Daqiiqaa soddomaa(30`) hanga sa`aatii lamaatt(2) seeneffamuu danda`a.
Asoosama Dheeraa (Novel)

Asoosamni dheeraan ogbarruu barreeffamaa keessaa tokko ta`ee jecha afaan Ingiliiziitiin
“Novel” jedhamuun bakka bu`a. sanyiin ogbarruu barreeffamaa kun dhiyeenya jaarraa 18ffaa
keessa kan beekameedha jedhamee amanama. Jalqabbii sanyiiogbarruu kanaaf kan sababa ta`e
barreeffamootni sana dura turan muuxannoof haala jiruufi jireenya ilma namaa bal`inaan ibsuu
irratti laafoo waanta`aniif. Gosti asoosama kanaa garuu muuxannoof jiruufi jireenya ilma namaa
dhalootaa kaasee hanga du`aatti bal`inaan kan ibsu waan ta`eefidha. Kanaaf, yeroo sanarraa
eegalee gosti ogbarruu kanaa filatamaa ta`ee fudhatameera. Sanyiin ogbarruu kun jechoota
filatamootti fayyadamuun miidhagina gonfatee haala hawwataa fiqalbii namaa booji`uun waan
dhiyaatuuf barreessitootaafi dubbistoota hedduu horateera.

Amaloota Asoosama Dheeraa

 Jireenya keenyaaf fakkiin inni kennu qabatamaadha.
 Bu`aa ba`ii jireenyaa hedduu keessa darba
 Yeroo dheeraa fudhata (dhalootaa-du`aa)
 Namfakkoota (qooddattoota)hedduu hirmaachisa
 Dubbisuuf yeroo dheeraa fudhata.
Caacculee yookiin Qabiyyeewwan Asoosamaa( Elements of Fiction)
 Seenaa (story)
 Qooddattoota (characters)
 Toora ta`umsaa(jaargocha(Plot))
  Yoomessa (setting)
 Akkataa (style)
 Ija(Afbarreessaa) (Point of view)
 Ergaa (Message)
a. Seenaa (History)

Seenaan qaama asoosamaa keessaa tokko ta`ee kan walitti bu`iinsa yookiin gufuuwwan
qooddattoota gudduutti jalqabaa hanga dhumaatti mul`atu kan agarsiisuudha.

b. Qooddattoota

Qooddattootni hirmaattota seenaa asoosamaa yoo ta`an kan isaan uumaman

barreessaadhaani.yookaan immoo namoota asoosama tokko keessatti gahee adda addaa
taphataniidha. Nama isa dhugaa kan kanaan dura ture ykn isa amma jiru osoo hintaane, nama
yaadaan uumameedha. Barreessaan qooddattoota yeroo uumu kaayyoo adda addaa itti
kennuudhaan nama jireenya addunyaa kanarratti beekamu fakkeessee uuma.

Akkaataa barreessaa irratti hundaa`ee qooddattootni gosootni sadi yookaan afur jiraachuu
danda`u.

1. Qooddataa guddaa (Protagonast)

2. Qooddataa mormaa (antagonist)
3. Qooddataa xiqqaa (minor character)
4. Qooddataa barreessaa
c. Toora ta`umsaa (Jaargocha)

Haala ittiin ta`uumsonni yookiin gochootni asoosamaa jalqabaa hanga dhumaa toora qabatanii
dhiyaatan kan agarsiisudha. Kunis haala fakkii armaangadiin agarsiifamuu danda`a.

Finiina

Oladeemsa yaadaa gadibu`iinsa yaadaa

Ka`umsa yaada furmaataa

 d. Waldiddaa

Walitti bu`iinsa qooddattoota asoosama tokko keessatti mul`atuu yeroo ta`u, bifa sadiin
mul`achuu danda`a. kunis:

1. Namaafi nama giduutti

2. Namaaf sammuu isaa waliin
3. Namaaf uumaa waliin
e. Yoomessa

Yeroofi bakka asoosamni tokko itti raawwatame kan agarsiisuudha. Fakkeenyaaf sanbata
sa`aatii saditti bara 1999 magaalaa Adaabbaa karaa konkolaataa gubbaa.

f. Akkaataa

Akkaataan filannoowwan barreessaan asoosama tokkoo asoosamicha bifa inni qabatee mul`atu
beekaa yookiin osoo hinbeekin raawwate mara ofkeessatti qabata. Fakkeenyaaf: seerluga inni
fayyadame, jechoota inni filate,haala dubbii inni gargaarame, af-barreessaa godhatee nama inni
filate fa`a.

Qabiyyeewwan akkaataa: akkaataan qabiyyeewwan heddu ofkeessaa qaba.

Isaanis:

-Afbarreessaa (Ija) point of view: nama dubbisan dubbii barreeffama tokko keessa jiru irraa
dhaga`uudha. Barreessaan kallattii namoota adda addaatiin dubbisaan isaa dubbii
barreeffamichaa akka dhagahu godha. Haaluma kanaan afbareessaan nama 1ffaa, 2ffaa ykn 3ffaa
ta`a.

-Seenessaa: nama barreessaan barreeffama isaa keessatti akka oduu wayii himu yookiin
seenessu taasisuudha.

-hafuura barreeffamaa: ilaalcha barreessaan yaada barreessu irratti qabu kan ilaalu yoo
ta`u, barreessaan yaada wayii yeroo barreessu deeggaree, mormee,itti aaree, itti gammadee,
barreessa. Haaluma kanaan dubbistoonni isaa akka isa faana hiriiran taasisa.
 -Amantaa yeroo gabaabaa : jechuun dubbii asoosamaa dhugaa hintaane tokkoo
dubbisaan akka dhugaatti fudhatee yeroo gabaabaaf ni ta`a jedhee amanu jechuudha.

g. Ergaa

Yaada asoosama tokkoo waliigalatti qabatee kan argamuudha. Ergaan asoosama tokkoo waa`ee
ummataa, waa`ee jireenyaa, waa`ee jaalalaa, waa`ee suyaasaa, waa`ee amala namaa ta`uu
danda`a.

Og-walaloo
Og-walaloon gooroo ogbarruu barreeffamaa keessaa isa tokko ta`ee, dubbiin yookiin
barreeffamaan kan dhiyaatu sagalee, suuressaa(imagery)fi haala jechootni hiika dabarsuu
danda`aniin irrattixiyyeeffata. Maalummaa walaloo ilaalchisee hiika isaa kennuuf yaaliin hedduu
godhameera. Isaan keessa muraasni:

 “Og-walaloon aartii jechootaa haala suuraa yaadsammuu uumuu danda`uun kan

mul`atuudha.”(D.R Ma`couday)
 “Og`walaloon doloolloo dhageettii humna cimaa osoo hinyaadin namarraa ba`u; maddi
isaas onnaa`uu sammuu haala nagaa irraa walitti qabama. (Poetry is the spontaneous over
flow of powerful feeling; it takes its origin from emotions recollected in tranquility)”
(William Wordsworth).
 “Walaloo jechuun jechoota babbareedootti fayyadamanii wanta dhugaa tokko karaa itti
ibsaniidha.’(Dante)
 Walaloon jechoota irra caalaa gaarii ta`aniifi tartiiba irra caalaa gaarii ta`aniin
filatamaadha, “poetry is the best words in the best order”(Samuel Tayler colrride).
 Walaloon haala wanta tokko irra caalaa mi`eessanii , irra caalaa adda godhanii, irra
caalaa bu`a qabeessa taasisaniidha. “The most beautiful, the most impressive and the
most effective mode of saying things” (Mathew Amold).
 Walaloon xiinxala jireenyaati. (Poetry is the criticism of life) Mathew Amold.

Hundeen jecha walaloo jedhuu Giriikirraa kan dhufe yemmuu ta`u,hiikni isaas ‘uumuu’
‘kalaquu’ kan jedhu of keessaa qaba. Walaloon bifa ogbarruu isa dulloomaa qofa osoo
hintaane waggoota hedduuf bifa bu`uura hogbarruu ta`ee ture.
 Fakkeenyaaf: walaloo seenessaa

Poetry, form of literature, spoken that emphasizes rhythm, other intricate patterns
of sound and imagery and the many possible ways that words can suggest meaning. The
word itself derived from a Greek word “poesies” meaning “making “or creating” whereas
ordinary speech and writing called prose are organized in sentences and paragraphs.
Poetry in its simplest definition is organized in units called line as well as in sentences
and often in stanzas which are the paragraphs of poetry (Encarta premium 2009).
Maddaafi Dagaagina Walaloo
Falaasaan Griikii durii Aristootil akka jedhutti maddi walaloo yaada fedhii uumamaan
akkeessuuf qabnuufi fedhii uumamaan waliigalteef dhikkisaaf qabnuun walqabata. Ija
seenaan yoo ilaalle walaloon damee lama of keessaa qaba. Haala gammachiisaafi
gaddisiisaa yeroo ta`u, maddi isaa gabaabaatti akkeessuu ykn qishina uumamaa irraa
madda.
Walaloon hololoo irraa kan adda ta`u
Qindoomina qabaachuu
Yaada olaantummaa qabaachuu
Jechoota filatamoo qabaachuu
Yeedaloo qabaachuu

Amaloota Walaloo
a. Qabatamummaa: Ogwalaloon wantoota addunyaa kanarratti qabatamaan jiraniifi
miseensoota hawaasaarratti mul’atan akka miira dubbisa yookiin dhaggeeffataa tuquttii
lubbuu itti horee dhiyeessa malee abjuu miti.
b. Qusatamummaa: Ogwalaloon dameewwan ogumaa kamiyyuu caalaa jechoota muraasatti
fayyadamuun yaada bal’aa dabarsuu danda’a
c. Muuziqummaa:Muuziqaanbu’uurawalalooti.Walaloon muuziqaadha. Bu’uurri muuziqaa
faaruu, weedduu, faarfannaa, geerarsaafi booyicha. Mararfannanillee akkasuma
muuziqaan qindoomina ogummaafi aartii dhaamsa sagaleeti.
d. Arga yaadummaa: Kana jechuun barreessaan hojii ogbarruu tokko bakkaafi yeroo nuti
beeknuun olitti deemee adunyaa arga yaadaa umuun miiraafi qalbii keenya
bashannansiisa ykn akka muuxannoo argannu nu gargaara.
 e. Dandeettii waan haaraa uumuu: Ogbarruu keessatti barreessaan dandeettii waan haaraa
umuu fayyadamee barreessa. Kunis arga yaadaan kan walqabatuudha. Waan haraa
uumuun kunis wanta qabatamaan hin jirre garuu kan jiraachuu mala jedhamee yaadamu
uumuu danda’uu isaati. Kunis wanta amanuuf nama rakkisu, akkasumas wanta hin
danda’ane fakkaatu akka danda’amuu godhee dhiyeessuudha. Kunis dandeettii waan
haraa uumuuf yaaduu dubbistootaa gabbisa ykn dubbisaan adunyaa beeku qofaan akka
dandeettii isaa hin daangessine isa gargaara jechuudha.
f. Dalgaan ergaa dabarsuu: Kunis malleen dubbii fi tooftaawwan afaanii amansiisuufi
kanneen al tokkotti yaada bal’aa ykn hiika hedduu dabarsuu danda’an waan
fayyadamuufi.

Gosoota Walaloo

walaloon bakka gurguddoo lamatti qoodamee ilaalamuu danda`a.

a) Walaloo Weelluu(Weedduu)ibsituu yaada haarii(lyric)

b) Walaloo seenessaa (Narrative)fi walaloo agarsiisaa (dramatic)

a) Walaloo Weelluu(Weedduu)ibsituu yaada haarii(lyric)

Akkaataa yookiin dhaggeettii waan tokko itti ibsuuti. Gosti walaloo kanaa barreeffama tartiiba
gochaa hiqabu. Waanuma itti dhufe raawwata.

b) Walaloo seenessaa (Narrative)fi walaloo agarsiisaa (dramatic)

Walaloo seeneffama ta`u dhiyeessuun addeessu.agarsiisi walaloo (dramatic poetry kan jennu
ammo kan sagalee namfakkii yaadrimee seenessaa barreessaan alatti osoo dubbatanii kan
fuuldura dhiyeessuudha.

Caacculee Bu`uuraa Walaloo

1. Yaa`a sagalee(Dhikkisa (rhythm)
2. Walunata(Rukuttaa (rhyme)
3. Uunka(form)
4. Filannoo jechootaa(diction)
 5. Dubbiiwwan qoolaa(figurative speech)

bifa

filannoo
haala
jechaa

seenessaa qabiyyee

walaloo

miira wal-unata

bifa dhikkisa

1. Yaa`a sagalee (Dhikkisa(rhythm)

Yaa`umsi sagalee walaloo Sagaleeleen wal fakkaatan toora tokko keessatti dhufuu danda’u.
Akkuma onneen dhikkisa walirraa hincinne taasisu, sagaleeleen kunneenis akkasuma godhatu.
Fakkenya armaan gadii xiinxali.
Yaa’ee yaa’ee- yaa’ee deema
Diida laalee-keessatti hima
Dhuma hinqabu yeroo hundumaa
Sammuu jedhu-mootii qaamaa
Ofii yaadee-of tilmaama.
Buufata armaan olii keessatti sagaleelee /y/, /a/, /e/, toora tokkoffaa keessatti; sagaleelee /y/fi /a/
toora tokkoffaafi shanaffaa keessatti xiinxali. Kana malees toora tokkoffaa jecha ‘yaa’ee”
jedhuuf toora lammaffa keessatti “jecha “laalee” jedhu yoo xiinxalte, birsaga /yaa/fi /laa/ irratti
sagaleen namaa yoo gadi bu’u, /’ee/fi /lee/ irratti ol ka’a. Toora tokko keessatti qofaa osoo
hinta’iin sagaleelen wal fakkaatan buufaticha keessatti bakka gara garaatti dhufanii dhikkisa
uumuu ni danda’u. yaa`umsa sagalee walaloo safaruun ni danda`ama. Safartuun isaas
safara(meter) jedhama.
. Safara(meter): Safarri toora walaloo tokko keessatti ol ka’uuf gadi bu’uu sagalee irratti
xiyyeeffata. Baay’inni caaseffama ol ka’uufi gadi bu’uu toora walaloo keessatti lakkaa’amuu
danda’a. Mee toora walaloo tokkoffaa rukuttaa jalatti dhufe ilaali. Yommuu ilaallu birsaga
birsagaan qoonnee ilaalla.
Yaa’ee yaa’ee- yaa’ee deema
Toora walaloo kana keessatti jalqaba birsagaa irratti sagaleen namaa gadi yeroo bu’u, birsaga
lammaffaa irratti garuu ol ka’a. Akkasitti toorri walaloo tokko safara meeqa meeqa akka qabu
lakkoofsaan agarsiisuun ni danda’ama. safarri walaloo kan irratti hundaa`u bay`ina birsagootaa
bo`oo walaloo tokkoo keessa jiraniin. Kunis tarkaanfii walaloo(poetic feet) jedhamuun beekama.
2. Walunata (Rukuttaa(rhyme)
83Rukuttaan xumura toorawwan walaloo lama yookaan isaa ol sagalee tokko ta’aniin ykn
walfakkaatanii yoo xumuraman sagalee uumamu. Amalli kun walaloon miidhaga addaa
akka qabaatu taasisa. Sagaleen muuziqaas akka uumamu godha. Kanaaf, walaloon humna
namoota ofitti harkisu qabaata. Fakkeenya armaan gadii keessatti sagaleele walfakkaataa
xumura toorawwaniirratti dhufan xiinxali.
Sammuu jedhu- qaama dhibee
Kan delleqxu- akka dibbee
Bilbiltuutu-maramee ciisa
Eeboo caala-of gidirsa
Xeeba caalaa-qaama harkisa
Of caccabsee-of rakkisa.
Gadi hintaa’u – ni barrisa
Yaada horee-yaada tumsa.
Yookaa faallaa-of bobbaasa
Mirgaafi bitaan- gad of yaasa
Akkuma buufata walaloo armaan oliirratti ilaauun danda’amu, sagaleeleen /b/fi /e/ toorawwan
tokkoofi lamarratti dhufaniiru. Sagaleen /b/ toora lammaffaatti jabacahuu malee garaagarummaa
tokkollee hinqabani.Sagaleeleen /k/, /i/, /s/fi /a/ illee toora sadii hanga afuriitti; /s/fi /a/n
toorawwan torbaa hanga kudhaniitti tokkuma.
Sagaleeleen haala kanaan yoo xumura walalootti dhufan rukuttaa uumani jenna.
Rukuttaan, egaa amala walaloo keessaa isa tokko.
Walunatni yookaan walfakkeenyi sagalee bifa adda addaan mul`achuu danda`u. Isaanis:

a. Walunata Otoovaa (rhyme Ottova)

b. Walunata Daanteefi Tireezaa( rhyme Dante and Treza)
a. Walunata Otoovaa (rhyme Otova)

Walaloo buufanni tokkoon isaa bo`oo (toora) saddeet qabu ta`ee, toorri ja`an duraa sagalee
walfakkaatu qabu. Toorri lameen dhumarraa mataa isaanii buufaticha xumuru. Walaloon
akkanaa yeroo bay`ee walaloo goota faarsuuf ooluudha.

b. Walunata Daanteefi Tireezaa( rhyme Dante and Treza)

Walaloo tokkoo tokkoon isaa bo`oo sadi sadi qabuufi sagaleen dhuma bo`oo tokkoffaa kan
dhuma bo`oo sadaffaa; akkasumas sagaleen dhuma bo`oo lammaffaa kadhuma bo`oo tokkoffaa /
a-b-a/ b-c-b/c-d-c/d-e-d/

Fkn.
An ofan fakkaadha
Yoo ati adii uffattu
Anoo gurraachuma
Yoo ati gurraachoftu
Hin addaanne anoo
Yeroo ati gurraachoftu
Anoo achuma kunoo
Kan akka gaararraa
Shan fakkaatu suma

Uunka:yeroo gara yerootti uunki walaloo jijjiiramaa akk deemu beektonni ni dubbatu.
Dabalataanis Walloon hololoo irraa uunka isaan adda ba`ee mul`ata. Haata`u malee, uunka
walaloo haala armaangadiitiin ilaaluu dandeenya.

1. Tooraafi buufata (line & stanza)

2. Dhiheenya mul`inaa(visual presentation)
Tooraafi Buufata
Walaloon akkuma barreeffama biroo toora tooran add aba`ee kanbarreeffamu yeroo ta`u;
walaloo keessatti toorawwan ykn bo`oowwan kn irratti bu`uureffaman safara tarkaanfii(metrical
feet) xiyyeeffannaa caasaa sagaleewwanii dhuma bo`oo irratti argamaniini. Bo`oowwan walaloo
kunis walitti qindaa`anii buufata-buufata uumaa deemu. Buufatni tokkoon isaa kan biro waliin
walta`iinsa qaba.

Dhiyeenya Mul`inaa

Uunki kun haala barreessaan ofii isaatii uumu irratti hundaa`a. innis miidhagina walaloo sanatti
uumuufi fedhii dubbistootaa harkisuuf jecha tooftaalee barreessaan ittifayyadamuudha.
Tooftaaleen kunniinis dheerina bo`oowwanii irratti garaagarummaa uumuu, caasaa afaanichaa
tokko tokko jijjiiruufi kkf dha.

3. Filannoo jechootaa

Filannoon jechootaa walaloo keessatti baayyee barbaachisaafi murteessaadha. Walaloo keessatti

jechootni tokko tokkoon isanii ergaa bal`aa kan baatee deemu waan ta`eef ofeeggannoon
filatamuu qabu. Jechootni kan filataman sagaleewwan dhuma bo`oo walaloo walfakkeessuuf
qofa osoo hintaane,hiika ini kennuufi uunka walalichaa eeguufidha. Walaloon tokko filannoo
jechootaa isaa irraa kan ka`e karaa alaa( irra keessaa) ergaa mul`taa uffatee(qabatee) keessa
isaatti immoo dhaamsa dhoksaatiin dubbisaan waliigalan qabu. Waloon jecha afaan tokko keesa
hinjirre kalaquu danda`a. ergifachuufis mirga qaba. Walaloo keessatti filannoo jechootaa
walqabatee waloon dubbiiwwan qolaatti fayyadama.

4. Dubbiiwwan Qolaa(Figurative Speech)

Dubbiin qolaa haala dubbii keessatti dhamsa dabarsuu barbaanne tokkotti human horachiisuun
bifa iccitii qabuun yaada namaa hawachuun kan hojiirra ooludha.

a. Akkasaa(Simile):jechoota akka, fakkaata jedhamanitti fayyadamuun wantoota

walhinfakkaatne lama yeroo wal-bira qabuun wal-dorgomsiisnuudha.
Fkn. Laliseen akka simbiraa kaatti.
b. Iddeessa(metaphore): wantoota lama wal-bira qabuun yeroo ibsaniidha. Amala
wanta tokkoo guutumatti waan tokkoof yemmuu kenninu
 fkn. Maaruuf leenca
c. Nameessa(Personification): amala ilma namaa wantoota wantoota biroof 9lubbu-
qabeeyyii ykn maleeyyiif)kennuun yeroo wan tokko ibsinuudha.
Fkn. Dukkanni kun ija namatti babaasa
d. Habalaka(Irony): haala kallattii isaa dhiisanii haala faallaa ta`een yeroo
dubbataniidha. Fkn. Nama bay`ee gurraacha ta`een diimaa biluu jedhanii yeroo
waaman.
e. Aliigoorii(Allegory): hiika addaafi dhokataa ta`e kan ofkeessaa qabuudha.
Fkn. Caaltuu maqaa jedhu keessatti maqaan kun yaada caaluu jedhu ofkeessaa qaba.
Maqaan kun abbicha ibsa osoo hintaane hiika maqaa sanaatu xiyyeeffannaa qaba.
f. Gurra-guddeessa(hyperbola/Overstatement):inni kun waa`ee wanta tokkoo yeroo
hamma dhugaa ta`ee olitti dubbachuu ykn yaada ibsuu ofkeessaa qaba.
Fkn. Namichi kun hamma arbaa gaha.
g. Ukukkubsee(Understatement): wanta tokko yeroo hamma yaadamee gaditti
ibsinuudha. Fkn. Namittiin kun duutuudha.
namicha hammakormaa handaaqqoo ga`utu natti dhufe
h. Mitihee( Paradox): dhaamsi hima tokkoo irra keessaan soba fakkaatee garuu dhugaa
kanta`eedha.
Fkn. Mucaan abbaa namaati
Inni fayyaa dhukkubsataadha.
Inni du`aa jiraadha
i. Qar-dooma( Oxymoron): bifa faallaa ta`een kan mul`atuudha.
Fkn. Diilallaa-gubaa
Beeka-wallaalaa
j. Onomatopoea: jechoota hiikaan wal-qabatanii wal-faana hiriiran kan agarsiisuudha.
As-keessatti sagalee dhaga`amu irratti hundaa`uun hiika isaa tilmaamuun ni
danda`ama.
Fkn. Shakak, qaqaq, xarar,magag, didi, foqoq, hulul, xurur..

Gooroowwan Og-walaloo (Genres of poetry)

 Maalummaa walaloo ibsuufi gahumsa isaa madaaluuf beektonni mala qoqqooddii
fayyadamaa turaniiru. Kanuma buuura godhachuun ;Aristootil’waa`ee walaloo yeroo qo`atu
Og-walaloo gooroowwan gurguddoo saditti qooda.

 Eeppikii
 Liirikiifi d
 Diraamaatikii dha.
Koomikiifi tiraajikiin ammoo akka gooroowwan og-walaloo diraamaatikiitti
fudhachuun qooda.
1. Og-walaloo seenessaa(narrative poetry)

Seenessamni gooroo walaloo ta`eek an oduu duriifi ta`iinsa tokko himuudha.Waan ta`iinsaafi
oduu durii irratti xiyyeeffatuuf fedhii namootaa hawwachuu danda`a. Akkasumas, gooroowwan
walaloo kan biroof angafa. Walaloon gosa kanaa muuxannoo namootaa waliin waan wal-
qabatuuf amala namoota barreessuufi dubbisuu hindandeenyee haala itti-fayyadamuu
danda`aniin dhi`aata.

2. Faaruu Gootaa (Epic poetry)

Gooroon walaloo kun uunkuma walaloo seeneffamaa qabu qabaachuun kan dhi`aatu ta`ee,
xiyyeeffannoon isaa waa`ee jiruufi jireenya goota beekamoo yookaan seenaa jireenya hawaasa
tokkoorratti xiyyeeffata.

3. Walaloo Bifa Doo`ii( Drammatic Poetry)

Walaloon kun gabaabbatee haala (Verse) ta`een barreeffamee akka faarfannaafi bifa adda
addaatiin aadaa garaa garaa keessatti kan dhiyaatuudha. Akka walaloo dhangala`aa haala
diraama ofkeessaa qaba. Dhageeffataan yeroo bay`ee cal`isaadha.(Robert Browing) kan jalqabe.

4. Liirikii (lyric poetry)

Og-walaloon liirikii gooroowwan walaloo keessaa tokko ta`ee, akka walaloo eppikiifi doo`ii
qooddattoota itti uumuun seenaa tokko kan himu osoo hintaane, waa`ee amala dhimma dhuunfaa
irratti kan xiyyeeffateedha. Barreessaan gosa walaloo kanaas waa`ee dhageetti fedhii, hubannoo
dhuunfaa, wanta tokkorratti qabuu karaa itti addeessuudha. Gama biroon immoo, gooroon
walaloo kun yaadrimee jaalalaa irratti kan xiyyeeffatuudha. Akkasumas, dhimma uumaafi
uumamaa, jaalalaafi jibbaa, argachuufi dhabuu fi kkf.

5. Faaruu Loonii (Verse Fable)

Faaruun loonii gooroowwan og-walaloo keessaa tokko ta`ee, waa`ee loonii irratti kan
xiyyeeffatuudha. Haalli dhiyeenya isaa haala oduu duriitiin haa beekamu malee, yaa`I
dhangala`aa sagalee isaa safara murtaa`ee tokko kan qabuudha. Innis gabaabbatee kan himamu
ykn barreeffamu yoo ta`u, bo`oon walitti aanus sagalee walfakkaatuun kan dhumuudha.

6. Walaloo Dhangala`aa (Prose Poetry)

Gooroon walaloo kanaa amala addaa akka qabutti beekama. (hybrid genre). Inni kunis amala
hololoo(Prose) qabaachuun kan barreeffamu waanta`eef, akka asoosama gabaabaatti amala
filannoo jechootaa isaa keessaa immoo iddeessa(metaphore)tti fayyadamuun kan
barreeffamuudha.

Diraamaa (Doo`ii)Weeshoo (Drama)

Jechi draamaa jedhu kun jecha Giriikii “dran” jedhu irraa kan dhufe. Hiikni isaas Afaan
Ingiliffaan “todo” gochuu (raawwachuu) jechuudha.

Draamaan:ngosa hog-barruu ta`ee, seenaa waltajjiirratti kallattiin namatti agarsiifamuudha.

Kunis kan raawwatu namoota nam-fakkiiwwan ta`aniin dubbiifi gochaan agarsiifamuuni.

Diraamaan “gaaddidduu uumaa dhala namaa ta`eek an onnaa`ummaa (dallanaa, gammadaa,

jijjiirama, carraa isaa gammachiisaafi barsiisaa kan saaxilu bakka bu`a” Johndryden

Diraamaan bakka bu`aa gochaafi sagalee qooddattoota adeemsa raawwii tokkoo keessa jiraniiti.
Malakne Mangistuu(2006)

Diraamaan kan madde ykn kan eegale, jaarraa 15 ffaa dura yoo ta`u, haalli inni ittiin eegales, haala
ayyaaneffannaafi sagada karaa amantiin akka ta`e seenaan og-barruu ni mul`isa. Kunis yeroo
sana bifa weedduu, sirba adda addaa of keessatti qabatee kan calaqqisiifamaa tureedha.

Amaloota Diraamaa

Bu`aa yeroo gabaabaa

Dubbiifi gochi wal-duuka raawwata
 Qooddattootni isaa mul`atoodha.namoota addunyaa dhugaa barreessaan amala
namoota ergaa sanaa irratti hundaa`ee kennuufiin dhihaataniidha.
Yeroo murtaa`aa keessatti jireenya namaa waltajjiirratti waan qeequuf miira
namaatti bay`ee dhiyaata.
Ta`umsaan guutuudha.
Doo`attootni qooddattoota wajjiin miira isaanii hirmaachisu.

Birkiilee(Caasaa) Diraamaa

Diraamaa qo`achuuf haala gaarii kan ta`e ruqoolee ykn amala isaarratti hundaa`uun yoo ta`e bu`a
qabeessa ta`a.

a. Sab-seenaa(Plot): Qaama diraamaa keessaabu`uura kan ta`eedha.caasaa gochoota

achi keessaakan ilaaluyookan agarsiisuudha. Karaa biraa tartiiba gochootni diraamaa
keessa jiran ittiin qindaa`an jechuudha. Sab-seenaan diraamaa yeroohedduu sadarkaa
shan(5) ofkeessaa qaba.

Isaanis:

a. Jalqaba: odeeffannoo haalaka`umsaa

b. Xaxama: jalqabaafi cimina wal-diddaa agarsiisa
c. Jeeqama: guddina sab-seenaa iddoo itti alxaxamiinsidiraamichaa
addaan foo`amaa deemuudha.
d. gocha furmaataafi
e. furmaata: qaama sab-seenaa iddoo yaadni walxaxame itti
hiikamuudha.
b. Nam-fakkoota(character): namoota barreessaan diraamaa yaada sammuun
kalaquudha.kanaaf namoota kalaqaman jedhamu. Qooddattootni kun yookalaqata`an
iyyuu bifa ykn amala dubbisaa ykn dawwataatti mul`atan qabu. Sab-seenaan
diraamaa waan walittidhufeenya qooddattootaa gidduu madduuf qaamninam-fakkii
seenaa walitti dhufeenya jabaa qaba.
c. Waliindubbii(Dialogue): waliin dubbiin qaama diraamaa haasawa taatota
gidduudhaa madduudha. Waliin dubbiin qaamadiraamaa isa barbaachisaa ta`eek an
 qooddattootni hawwii,fedhii,isaanii ittiin ifabaasaniidha. Barbaachisummaan waliin
dubbii inni guddaan nam-fakkoota mul`isuun gochootaaf karaa saaquu isaati.
d. Agarsiisa(stagecraft): kan wantoota waltajjii irraa ijaan argamuufi dalagamu
jechuudha. Kunissochii qaamaa, uffata, ibsa, sagalootaafi kkf dha.
e. Ergaa(Theme): yaada wiirtuu ykn hiika giddu-galeessaa diraamichaati. Wiirtuu
dubbiibarreessaan weeshichaa dabarsuu barbadeedha.
Gosoota Diraamaa

Barreessaan diraamaa ergaa dabarsuu barbaaderratti hundaa`uun doo`ii bifa adda addaatiin
barreessuu danda`a.

Isaanis:
1. Gammachiisaa (Comedy)
 Ni dammaqsa
 Ni kofalchiisa
 Ni gammachiisa
 Ni mirqaansa
2. Suukaneessaa(Tragedy):haala nama gaddisiisuun kan xumuramuudha. Innis waldiddaa
dhala namaafi wantoota dhala namaatiin alatti humnaqabeeyyii ta`an(uumama) jidduu
jiru barreeffamaan qopheessuunfakkeessanii waltajjiirratti daawwattootatti
agarsiifamuudha. Hojii suukaneessaa kana dhumni isaa maalakka ta`e baruufis
namootni xiyyeeffannoo guddaafi miira dhiphuutiin waan hordofaniif qaawwa ta`iinsaa
gidduutti hafuura baafata.yookaan boqonnaafudhata. Hojiin suukaneessaa jedhaman
kunneenis:ajjeechaa, waraansa mana gubuufi kkf ofkeessattiqabata.haa ta`u malee
doo`ii keessatti haala ogummaan guutameen barreeffamaan qopphaa`ee akka dhugaa
addunyaa kana ibsuufibarumsi irraa argamuu danda`uun waltajjiirratti dhihaata.
 Nama jibbisiisa
 Nama gaddisiisa
 Nama rifachiisa

Fakkeenyaaf: Namniyakka dalagu sun deebi`ee hojiisa ilaaluun gaabbiin akka itti
 dhagahamu gochuudha. Ta`iinsi gocha suukaneessaa kunis jalqabaa hanga
dhumaa wal-qabatee kandeemu ta`ee, dhangala`aa yaada suukaneessaa (trajic
flow) sirriitti eeguun doo`attoota barsiisuu danda`uu qaba.
Tiraajeedii durii keessatti tatoomuummee (protagonist) goota tiraajeedii ( trajic hero) jedhama.
Gootni tiraajeedii nama sirrii fi kallattii hedduutiin dinqisiifamaa ta`uudha. Adeemsa kana
keessatti dogongora tiraajeedii xiqqoo/guddoo/ irraa kan ka`e, seenichi haala gaddisisiidhaan
xumurama. Haalli kunis sababa kabaja barbaachaa, hinaaffaa, morkii irraa kan ka`eedha.
3. Gammachiis-gaddisiisaa(Tragedic-comedy)

Gosoota diraamaa amala lamaan isaa qabaachuun mul`atuudha. Askeessatti nam-fakkiin qooda
olaanaa qaba. Yoo du`atti dhihaatellee, hindu`u. kun kandhihaatuuf muuxannoodhalli namaa
addunyaa kanaagadifageenyaan dhugaa jiru tokko wal-tajjiirratti jamaatiif gadi baasanii
agarsiisuudha. Kunis kan maddu yaada jiruufi jireenyi namaa xaxamaa, gaddaafi gammachuun
guutamuu isaa mul`isuurratti.

Haala Diraamaan ittiin dhiyaatu

 Haasaa nam-tokkee(monology): waltajjiirratti lafa namni hinjirretti akka waan namni

jiruutti ofumaa dubbachuu
 Sululukii(solology): bakka namni jirutti akka waan namni hinjirreetti haasa`uu
 Meeloodii (melody): wanta salphaa tokko olkaasee yeroo dhiyeessuudha. Gurra
guddeessa ofkeessaa qaba.

Tooftaa hojiin ogbarruu ittiin dhiyaatu (literary Techniques)

Mil`uu(Flashback): seenduubee hojii kalaqaa tokko duubatti deebi`anii ilaaluun walitti

hidhamiinsa hojichaan walqabsiisuudha.
Tilmaamuu (Foreshadow): ta`insota walitti qindeessuun waangara fuulduraatti ta`uu
danda`u tilmaamuu jechuudha.
Dubbii qolaa

Og-barruu Afoolaa
Og-barruun afoolaa dame og-barruu ta`ee, akkuma maqaa isaa irraa hubatamutti
afaaniin ykn dubbiin kan daddarbuudha. Og-afaan: afoola, aartii, duudha, aadaa,
fookiloorii(qaroola) of keessatti qabachuun kan mul`atu.

 Afoolli sammuu keessatti yaadatamuun afaaniin kan dubbatamu, haala

qabatamaa hawaasa keessa jiru ittiin qeequuf, bashannansiisuufi kkf. Kan
gargaaru kalaqa af-dubbii jechootaan dhalootaa dhalootatti kan darbu
hambaa ummataati. Afoolli nama dhuunfaan osoo hintaane, hawaasaan
beekama.akkasumas, oduu jiruufi jireenya hawaasaa keessaa kan burqe
waan ta`eef ragaa qabatamaa hawaasa keessa jiru aadaa, seenaafi kkf kan
ibsuudha.
 Afoolli amala lufummaa (qaxxaamuriinsaa)(verbal heritage) waan qabuuf,
haala salphaan jijjiiramuu danda`a.
 Afoolli qaxxaamuriinsa isaa keessatti aadaa, seenaa, duudhaafi falaasama
hawaasichaa qabatee dhalootaa gara dhalootaatti darbuun kan ibsamuudha.
 Afoolli qabeenya hawaasaati. Qabeenyi kun ammo muuxannoo bara dheeraa
keessatti jiraachuuf jecha nama, uummama waliin bu`aa ba`iifi haala gaariin
dabarsan hunda yaadannoo godhachuun of-bashannansiisanii jiraachuuf kan
itti fayyadaman yeroo ta`u muuxannoo kana dhalootni itti aanus akka of
biraan ga`uuf kan qaxxaamuruudha.
Faayidaalee Afoolaa
Namootni afoolatti fayyadamanii aadaaf sirna hawaasa tokkoo-dhalootaa
dhalootatti ni qaxxaamursu.
o Madda isaanii ni himatu.(genology and origin)
o Gaddaaf gammachuu ni ibsatu
o Ittiin wal-gorfatu
o Gaaffilee uumama waliin wal-qabatan ni ibsu
 o Aadaa isaan biratti beekamaa ta`e cimsachuun dhalootaa dhalootatti
qaxxaamursu.
Fkn. Aadaa fuudhaafi heeruma
Ayyaaneffannaafi kkf
o Aadaafi barmaatilee badaa ittiin balaaleffatu
o Dandeettii sammuu ijoollee isaanii ittiin cimsu
o Ittiin of-bashannansiisu
o Addunyaa yaaddoof soda qabu jalaa gara addunyaa boqonnaa qabuutti
godaanu(miliqu)
o Namoota gocha dogongoraarratti hirmaatan ittiin too`atu, barsiisu,
kana malees namoonni afoolatti fayyadamuun aadaa gaarii ta`e
sammuu miseensa isaanii keessa gadifageenyaan awwaalu.
Akkasumas, jaalala, jibba, gadda, gammachuu, kolfaaf boo`icha
deeggarsaafi mormii, injifannoofi injifatamuufi kkf afoolatti
fayyadamanii muuxannoo jireenya isaanii calaqisiisu. Haaluma kanaan
qaxxaamuriinsa isaas mirkaneessu.
Amaloota Afoolaa( characteristics of oral literature)

Afoolli amaloota bu`uuraa ogbarruu barreeffamaarra adda isa taasisu qaba. Isaanis:

a. Raawwii Qabatamaa (actual performance): raawwiin amala afoolaa isa

bu`uuraati. Afoolli raawwiin alatti qaxxaamuriinsahinqabaatu. Kana jechuun
afoolli karaa odu himaa sanaa haala qabatamaa aadaaf hawaasummaa
keessatti namootaan namootaaf dhiyaata ykn namoota biratti raawwatama,
sirbama,mammaakama,geerrarama. Raawwiin aadaaf gosa afoolaa irratti
hundaa`a.
b. Jijjiiramummaa (Vatality/Variation): afoolli sammuu keessaa
yaadatamuun afaaniin kan darbu waan ta`eef, jijjiiramuu danda`a. jireenya
 hawaasaa wajjiin wal-qabata waanta`eefis yeroo afaan dhalootaa gara
dhalootaatti darbu gama jechaan, hiikaan jijjiiramaa deema.
c. Hirmaattotaafi dhageeffattoota (audience participation): afoolli hojii
gareen raawwatu waanta`eef hirmaattotaaf dhageeffattootni jiraachuun
qaxxaamuriinsa isaa mirkaneessuu irratti gahee olaanaa qaba.
d. Yoomessa dhugaa qaba(actual seasonality(context): kana jechuun haalaafi
bakka itti raawwatu qaba jechuudha. Fknf : bakka sirbaatti walaloon
boo`ichaa hinfaarfamu.
e. Miidhaginaaf qindoomina qaba: wantootni akka afoolli miidhagina qabaatu
taasisan keessaa tokko dubbiiwwan qolaati.