Professional Documents
Culture Documents
Text
Text
Në Shqipëri, pati ndikim të madh kultura ruse në vitet 30-të të shek.të shkuar. Ajo
u bazua në idenë e promovimit të letërsisë ruse dhe etikës pedagogjike. Në veçanti,
më shumë vemendje problemeve të normave pedagogjike, i ka kushtuar Dobroljubovi. Ai
vërtetoi se, edukimi duhet të bazohet jo tek autoriteti i dhunës, por tek arsimimi
i lartë dhe në zhvillimin e gjithanshëm te pedagogut, në bindjet e tij të thella e
të pagabueshme, në respektin e të drejtave të fëmijëve.
Epoka komuniste Një vit pasi Shqipëria shpalli socializmin, shteti ndërmori
Reformën e parë Kombëtare të Arsimit, duke deklaruar arsimin si një prioritet të
rëndësishëm të shtetit socialist.
Së bashku me luftën kundër analfabetizmit, qëllimi kryesor i sistemit arsimor ishte
ndërtimi i njeriut të ri të emancipuar socialist.
Individët dhe familjet përshkruheshin si "të mirë" ose "të ndershëm", për aq kohë
sa ata ishin në përputhje me ideologjinë socialiste.
Nga viti 1991 e deri më sot, shoqëria shqiptare është përballur me probleme të
natyrave dhe madhësive të ndryshme.
Në emër të lirisë dhe për shkak të të qenurit të papërgatitur për sistemin e ri
politik dhe ekonomik, shteti u dorëhoq nga pjesa më e madhe e funksioneve
rregullatore.
Siç është theksuar nga literatura botërore, shoqëritë dhe organizatat të cilat
përballen me konfuzion të vlerave kanë tendencë të shtojnë anëtarët e
papërgjegjshëm dhe jo besnikë në grup.
Gjatë dekadës së fundit, duke mos injoruar edhe përvojat e mira të mëparshme të
trashëguara, Ministria e Arsimit dhe Sporteve ka bërë përpjekje për të përcaktuar
disa norma bazë etike, që rregullojnë ushtrimin e profesionit të edukatorit,
mësuesit, pedagogut, etj.,
Etika pedagogjike në ligje është trajtuar e lidhur ngushtë me përfshirjen sa më te
gjerë të prindërve, nxënësve dhe komunitetit në një proçes dinamik ndryshimi, që
synon reformimin e thellë të sistemit arsimor të vendit në tërësinë e vet.
Ndër parimet më të rëndësishme të etikës, të cilat është synuar të promovohen gjatë
dekadës së fundit në sistemin arsimor shqiptar janë: integriteti personal i
edukatorëve, mësuesve e pedagogëve; ndërmarrja e objektivave të qartë e të matshëm;
përcaktimi i rrethit të përgjegjësive dhe rritja e llogari-dhënies për zbatimin e
detyrave të ngarkuara; shkëmbimin e sinqertë dhe të lirë të ideve dhe opinionet në
mesin e trupës pedagogjike në të gjitha nivelet; respektimi i diversitetit me sfond
të ndryshëm kulturor, etnik, fetar apo edukativ, etj.