Napakagandang anyong kalupaan. Punong matayog, ibong nagsisiliparan Bigay ng Diyos upang ating alagaan.
Ang simoy ng hangin’t mabangong bulaklak
Kung ating titigan, tayo’y magagalak. Dagat na malawak, luntiang halaman Matuturing na likas na kayamanan.
Isdang lumalangoy, kay gandang pagmasdan,
Hayop na tahimik na naninirahan Sa ating napakagandang kagubatan. Poprotektahan natin ang kalikasan.
Ito’y pinagkaloob ng Panginoon,
Walang kupas ang ganda mula pa man noon. Dapat lang natin Siyang pasalamatan, Dahil sa biyayang gintong kalikasan.
Ang Bahay Kubo bilang isang bahay.
o Ang hugis at ayos nito ay ayon sa disenyo sa bawat lugar. Karaniwan ito ay simple. Ang mga haligi ay kawayan pati ang hagdan at ang sahig. Ang bubungan at dingding ay pawid ang ginagamit. Maging ang pako at ang panali man ay gawa sa kawayan. o Ayon sa laki at pangangailangan ito ay may sala, kusina, kainan at isa o higit na silid o kuwarto. Ang bahay ay angat sa lupa mataas na pang-iwas sa baha. At gayundin naman ito ay may silong para sa mga manok at ibang hayop. o Dahilan sa ang kawayan at pawid, buho at kugon ay mabilis at maraming tumubo sa kapaligiran, ito ang mga ginagamit na kaya ng mga karaniwang Pilipino. Ang kung kailangang palitan bunga ng mga bagyo, baha o maging ng sunog, ito ay madaling nagagawa dahil abot-kaya ang halaga at maraming gamit na mabibili. o Ang laki nito ay karaniwang nagpapasimula sa maliit na kailangan ng bagong kasal o mag-asawa. Sa pagdami ng mga anak o ng pamilya, madaling nadaragdagan o nadudugtungan ng kuwarto o ibang parte.