Lamka, April 29, 2024

To,
_____________________________________
_____________________________________

Thulu: May 3, 2024 a Thuumkhawmna Hunte ah Thuumna La (Prayer Points) diingte Piakna

Heutu muan,

Zomi Council Steering Committee (ZCSC) in May 3, 2024 pen, ei Zo suante lak ah kipumkhatna
(solidarity) mah poimoh ahihdan phawkchian thak diing lunggulhna lianpi toh “Solidarity Day of
the Zo People (Hmar-Kuki-Mizo-Zomi)” dan a zat diing hoih kisa hi.

Tua ahih kawmkawm in, hiai ni (May 3, 2024) a nou nuai a local Saptuamte lak ah i Nam-leh-Gam
vaai a thuumkhawmna a kineihnate ah hiai anuai a thute, amau’ thuumna late (prayer points) lak ah
ana helsak di’a ngetna hon bawlsak diing in ka hon ngen uhi:
1. Pathian in Gal kipat apan tuni tan, kum khat sung vingveng ahon humbitna tung ah kipahthu gen
ni.
2. Zo suante lak ah Kipumkhatna (Zo suan solidarity) haatsemna diing in Toupa’ kiang ah ngen ni.
3. Galphual a galkap a om i volunteer-te uh Pathian’ venbitna leh kithuahpihna ngetsak ni.
4. I Gal uh toh kisai a makai tuamtuamte Toupa’ ompihna ngetsak ni.
5. Gal ziak a lusuun-mangbang a omte a di’n Toupa’ khamuanna ngetsak ni.
6. Hiai Gal ziak a nektak zonna leh nasepna ah buaina tuakte thuumpih ni - nektak zonna
sunzomthei nawnloute, Imphal kiim-leh-kiang a Saptuam nasemtu semzomthei nawnloute,
Imphal lak a Saptuam omte’ sponsorship a kinga mission worker tampi haksatna tuakte thuumna
ah phawk ni.
7. Galtaite’n (IDPte’n) niteng nektak zonna diing kichiantak/kituptak aneihtheina diing uh
lunggeelpih kawm in thuumpih ni.

Gin-om in,

(N. THANGKHANSIAM) (Rev. Dr. ROBERT HAULEMSANG)

Convenor, ZCSC Public Relations & Prayer Department Secretary, ZCSC Public Relations & Prayer Department

(NANGMUANSANG LETHIL)
ZCSC General Secretary