Mga lumon aw taganak sang agama Islam, kausgan man aw kaubayan

assalamu'alaikum wahrahmatolahi waabarkahtoh.

Ubos natun mayo na lumalabay gayd sang babawan ng dunya agawsa

palabawon ta sang mga pangatayan ta yang ahkirah kaysa sang dunya
na apanawan ng uman Isa.

Lumon sang agama Islam yani na mga gawbukan yang pag patadum
aw pag pasampay ng mga ayatan ng Allah SWT, pyaglawngan ng Allah
SWT aw mga Hadith ng nabi Muhammad SAW...

Isa Yani na mga obligasyon ng sambok na Muslim, sabap uman sini na

mga gawbukan amaka kamang kita mayo ng madyg na nyehma aw
rahmah panginluyan ng Allah SWT ...

Ilawng ng Allah SWT sa sud ng Qur'an sang suratol Dhaa'riyaat ika-55

na ayah( ba da aodobillahiminishaitaner rajim: Wadhakir fa'iina
dhikraa tanfa ul muminin) ma'na nan pagpatadum lawng nan (oh
Muhammad) Kay sa buna-buna yang pag-patadum na maka-
barapantag makapagkadyaw sang pangatayan ng mga
yamamaratyaya sang Allah SWT.

Sini na putika inshallahu ta'ala a discuss ta yang BARAS ng pag

sambayang.

Yaga lawng yang ALLAH SWT (aodobillahiminishaitaner rajim

wodjohuy nadhera illa rabbiha nadhera ) sa Alaw na mawri yang mga
parangay ng mga yaga pamaratyaya sang Allah SWT maga kadjaw..
magka-gwapo..
 nanga idto? ILLA RABBIHA NADHERA , sang kanan kadunan na maga
tanaw yan. Yani yang pinaka especiall na baras na atag ng Allah SWT
sa mga paratyaya sa Alaw na mawri.

Usip mg lumon taganak sang agama Islam. Minuno natun makamang

yang baras na idtu? Sang Hadith ng Rasul SAW lawng nan, sa buna-
buna lawng nan kamo akita-on mayo yang kadunan mayo
kamagunawa ng pag kita mayo sang pyaglawng na buwan . Aw di
Kamo maga ott sang pag tanaw kanan, minunu idto ya Rasululah? Ga
usip yang kanan mga sahaba ..

Yang tubag ng Rasul SAW, kung kaya mayo lawng nan na di Kamo ama
busy sang uno man na gawbukan sa pyaglawng na sambayang Bago
masilat yang alaw aw Bago sumalop yang alaw na inanga mayo.
Mana nan mga lumon taganak sang agama Islam sambok na
amakamang natun yang baras sini na gawbukan . Yang pyaglawng na
pag sambayang.

Gawsa ilawng ng Rasul SAW sang time na iusip yan, AL YUL A MALI
AFDAL, uno yang pinaka madyaw na gawbukan?

Yang kanan tubag. ASSALLAH TOH ALLAH WAQTIHA, yang pag

sambayang sang kanan wakto .

Lumon taganak sang agama Islam, dakwa masyado yang baras sini
pyaglawng na pag sambayang .

Isa sa mga inispescial ng Allah SWT yang gawbuk na pag sambayang

Kay nanga? Di Yani kama gunawa ng upod na ibadat na adi gayd
aparadu'an lupa, kundi adto aparadu'an sang Allah SWT sang
pyaglawng na "sidratul muntaha" pinaka matas na pangkatan ng
Surga, ma'na nan yatag nan kanaton Yani na ibadat sabap kanlini'an
nan na gawbukon natun yang pyaglawng na pag sambayang sabap
sang pag atag nan ng importante pag mahal sini na gawbukan

Yani d yang wakto na pinaka masayd kita sang Allah SWT , ilawng ng
Rasul SAW sang kanan Hadith," akkrabo ma ya kunol abdo mil rabbihi
wahuwa sajid" yang pinaka masayd na kaunan ng uripon adto sang
kanan kadunan sang tempo na yaga sudjood yan "fa'akfiro Dua "
pakadayga mayo yang pag Dua sidto na mga putika .

Lawng pa ng Rasul SAW " akh salatun nurun" yang sambayang lawng
nan sigay agawsa lumon taganak sang agama Islam once itagak da mo
yang pag sambayang. Di da kaw mag sambayang yatanak da idto na
sigay kanmo, mamabuwi kaw na, yamaputok yang relasyon mo sang
Allah SWT , yamaputok yang koneksyon mo sang Allah SWT .

Agaw tiyakapi na di mo yani itagak Kay Bago pa kaw usipon sa alaw

na mawri kung yaga sadaka ba kaw? Yaga zakat? Yaga puasa ? Yaga
Hajj ? A usip Mona kanmo yang kanmo sambayang.. kung tarima-on
amatarima, kung ama invalid na di uman amatarima yang ubos ng
gawbukan ..

Uriyan mga lumon taganak sang agama Islam ilawng ng Rasul SAW
Bago pa yan mawafat " ASALAH ASALAH AMAMALAKAT
AYMANUKOM" sambayang sambayang lawng nan.

Nanga sa ba? Lawng ng Allah SWT "kataflaha al mu'minun al ladhena

fi salatihim khashi-on " sa buna-buna ya daug silan na paratyaya sang
Allah SWT , uno yang sabap? Silan sang kanilan sambayang , sa sud ng
kanilan sambayang na nag concentrate silan..