Devi Siddhapithas from Devi Bhagavatam

దేవీసిద్ధపీఠాని

Document Information

Text title : Devi 108 Siddhapithas from Devi Bhagavatam

File name : devIsiddhapIThAnidevIbhAgavatam.itx

Category : devii, shaktipITha

Location : doc_devii

Transliterated by : Gopal Upadhyay gopal.j.upadhyay at gmail.com

Proofread by : Gopal Upadhyay gopal.j.upadhyay at gmail.com

Description/comments : Devi Bhagavata Mahapuran Skandha 7, Adhyaya 30

Latest update : June 10, 2018

Send corrections to : sanskrit at cheerful dot c om

This text is prepared by volunteers and is to be used for personal study and research. The
file is not to be copied or reposted without permission, for promotion of any website or
individuals or for commercial purpose.

Please help to maintain respect for volunteer spirit.

Please note that proofreading is done using Devanagari version and other language/scripts
are generated using sanscript.

September 17, 2023

sanskritdocuments.org
 Devi Siddhapithas from Devi Bhagavatam

దేవీసిద్ధపీఠాని

జనమేజయ ఉవాచ -
కాని స్థానాని తాని స్యుః సిద్ధపీఠాని చానఘ ।
కతి సఙ్ఖ్యాని నామాని కాని తేషాం చ మే వద ॥ ౧॥
తత్ర స్థితానాం దేవీనాం నామాని చ కృపాకర ।
కృతార్థోఽహం భవే యేన తద్వదాశు మహామునే ॥ ౨॥
వ్యాస ఉవాచ -
శ‍ృణు రాజన్ప్రవక్ష్యామి దేవేపీఠాని సామ్ప్తతమ్ ।
యేషాం శ్రవణమాత్రేణ పాపహీనో భవేన్నరః ॥ ౩॥
యేషు యేషు చ పీఠేషూపాస్యేయం సిద్ధికాఙ్క్షిభిః ।
భూతికామైరభిధ్యేయా తాని వక్ష్యామి తత్త్వతః ॥ ౪॥
వారాణస్యాం విశాలాక్షీ గౌరీముఖనివాసినీ ।
క్షేత్రే వై నైమిషారణ్యే ప్రోక్తా సా లిఙ్గధారిణీ ॥ ౫॥
ప్రయాగే లలితా ప్రోక్తా కాముకీ గన్ధమాదనే ।
మానసే కుముదా ప్రోక్తా దక్షిణే చోత్తరే తథా ॥ ౬॥
విశ్వకామా భగవతీ విశ్వకామప్రపూరణీ ।
గోమన్తే గోమతీ దేవీ మన్దరే కామచారిణీ ॥ ౭॥
మదోత్కటా చైత్రరథే జయన్తీ హస్తినాపురే ।
గౌరీ ప్రోక్తా కాన్యకుబ్జే రమ్భా తు మలయాచలే ॥ ౮॥
ఏకామ్రపీఠే సమ్ప్రోక్తా దేవీ సా కీర్తిమత్యపి ।
విశ్వే విశ్వేశ్వరీం ప్రాహుః పురుహూతాం చ పుష్కరే ॥ ౯॥
కేదారపీఠే సమ్ప్రోక్తా దేవీ సన్మార్గదాయినీ ।
మన్దా హిమవతః పృష్ఠే గోకర్ణే భద్రకర్ణికా ॥ ౧౦॥
స్థానేశ్వరీ భవానీ తు బిల్వలే బిల్వపత్రికా ।

1
 దేవీసిద్ధపీఠాని

శ్రీశైలే మాధవీ ప్రోక్తా భద్రా భద్రేశ్వరే తథా ॥ ౧౧॥

వరాహశైలే తు జయా కమలా కమలాలయే ।
రుద్రాణీ రుద్రకోట్యాం తు కాలీ కాలఞ్జరే తథా ॥ ౧౨॥
శాలగ్రామే మహాదేవీ శివలిఙ్గే జలప్రియా ।
మహాలిఙ్గే తు కపిలా మాకోటే(మర్కోటే) ముకుటేశ్వరీ ॥ ౧౩॥
మాయాపుర్యాం కుమారీ స్యాత్సన్తానే లలితామ్బికా ।
గంయాయాం మఙ్గలా ప్రోక్తా విమలా పురుషోత్తమే ॥ ౧౪॥
ఉత్పలాక్షీ సహస్రాక్షే హిరణ్యాక్షే మహోత్పలా ।
విపాశాయామమోఘాక్షీ పాడలా(పాటలా) పుణ్డ్రవర్ధనే ॥ ౧౫॥
నారాయణీ సుపార్శ్వే తు త్రికుటే రుద్రసున్దరీ ।
విపులే విపులా దేవీ కల్యాణీ మలయాచలే ॥ ౧౬॥
సహ్యాద్రావకవీరా తు హరిశ్చన్ద్రే తు చన్ద్రికా ।
రమణా రామతీర్థే తు యమునాయాం మృగావతీ ॥ ౧౭॥
కోటవీ కోటతీర్థే తు సుగన్ధా మాధవే వనే ।
గోదావర్యాం త్రిసన్ధ్యా తు గఙ్గాద్వారే రతిప్రియా ॥ ౧౮॥
శివకుణ్డే శుభానన్దా నన్దినీ దేవికాతటే ।
రుక్మిణీ ద్వారవత్యాం తు రాధా వృన్దావనే వనే ॥ ౧౯॥
దేవకీ మథురాయాం తు పాతాలే పరమేశ్వరీ ।
చిత్రకూటే తథా సీతా విన్ధ్యే విన్ధ్యాధివాసినీ ॥ ౨౦॥
కరవీరే మహాలక్షీరుమా దేవీ వినాయకే ।
ఆరోగ్యా వైద్యనాథే తు మహాకాలే మహేశ్వరీ ॥ ౨౧॥
అభయేత్యుష్ణతీర్థేషు నితమ్బా విన్ధ్యపర్వతే ।
మాణ్డవ్యే మాణ్డవీ నామ స్వాహా మాహేశ్వరీపురే ॥ ౨౨॥
ఛగలణ్డే (ఛాగలాణ్డే ) ప్రచణ్డా తు చణ్డీకామరకణ్టకే ।
సోమేశ్వరే వరారోహా ప్రభాసే పుష్కరావతీ ॥ ౨౩॥
దేవమాతా సరస్వత్యాం పారావారాతటే స్మృతా ।
మహాలయే మహాభాగా పయోష్ణ్యాం పిఙ్గలేశ్వరీ ॥ ౨౪॥

2 sanskritdocuments.org
 దేవీసిద్ధపీఠాని

సింహికా కృతశౌచే తు కార్తికే త్వతిశాఙ్కరీ ।

ఉత్పలావర్తకే లోలా సుభద్రా శోణసఙ్గమే ॥ ౨౫॥
మాతా సిద్ధవనే లక్ష్మీరనఙ్గా భరతాశ్రమే ।
జాలన్ధరే విశ్వముఖీ తారా కిష్కిన్ధపర్వతే ॥ ౨౬॥
దేవదారువనే పుష్టిర్మేధా కాశ్మీరమణ్డలే ।
భీమా దేవీ హిమాద్రౌ తు తుష్టిర్విశ్వేశ్వరే తథా ॥ ౨౭॥
కపాలమోచనే శుద్ధిర్మాతా కామావరోహణే ।
శఙ్ఖోద్ధారే ధరా (ధారా) నామ ధృతిః పిణ్డారకే తథా ॥ ౨౮॥
కలా తు చన్ద్రభాగాయామచ్ఛోదే శివధారిణీ ।
వేణాయామమృతా నామ బదర్యాముర్వశీ తథా ॥ ౨౯॥
ఔషధిశ్చోత్తరకురౌ కుశద్వీపే కుశోదకా ।
మన్మథా హేమకూటే తు కుముదే సత్యవాదినీ ॥ ౩౦॥
అశ్వత్థే వన్దనీయా తు నిధిర్వైశ్రవణాలయే ।
గాయత్రీ వేదవదనే పార్వతీ శివసన్నిధౌ ॥ ౩౧॥
దేవలోకే తథేన్ద్రాణీ బ్రహ్మాస్యేషు సరస్వతీ ।
సూర్యబిమ్బే ప్రభా నామ మాతౄణాం వైష్ణవీ మతా ॥ ౩౨॥
అరున్ధతీ సతీనాం తు రామాసు చ తిలోత్తమా ।
చిత్తే బ్రహ్మకలా నామ శక్తిః సర్వశరీరిణామ్ ॥ ౩౩॥
ఇమాన్యష్టశతాని స్యుః పీఠాని జనమేజయ ।
తత్సఙ్ఖ్యాకాయస్తదీశాన్యో దేవ్యశ్చ పరికీర్తితాః ॥ ౩౪॥
సతీదేవ్యఙ్గభూతాని పీఠాని కథితాని చ ।
అన్యాన్యపి ప్రసఙ్గేన యాని ముఖ్యాని భూతలే ॥ ౩౫॥
యః స్మరేచ్ఛృణుయాద్వాపి నామాష్టశతముత్తమమ్ ।
సర్వపాపవినిర్ముక్తో దేవీలోకం పరం వ్రజేత్ ॥ ౩౬॥
ఏతేషు సర్వపీఠేషు గచ్ఛేద్యాత్రావిధానతః ।
సన్తర్పయేచ్చ పిత్రాదీఞ్ఛ్రాద్ధాదీని విధాయ చ ॥ ౩౭॥
కుర్యాచ్చ మహతీం పూజాం భగవత్యా విధానతః ।

devIsiddhapIThAnidevIbhAgavatam.pdf 3
 దేవీసిద్ధపీఠాని

క్షమాపయేజ్జగధాత్రీం జగదమ్బాం ముహుర్ముహుః ॥ ౩౮॥

కృతకృత్యం స్వమాత్మానం జానీయాజ్జనమేజయ ।
భక్ష్యభోజ్యాదిభిః సర్వాన్బ్రాహ్మణాన్భోజయేత్తతః ॥ ౩౯॥
సువాసినీః కుమారీశ్చ బటుకాదీంస్తథా నృప ।
తస్మిన్క్షేత్రే స్థితా యే తు చాణ్డాలాద్యా అపి ప్రభో ॥ ౪౦॥
దేవీరూపాః స్మృతాః సర్వే పూజనీయాస్తతో హి తే ।
ప్రతిగ్రహాదికం సర్వం తేషు క్షేత్రేషు వర్జయేత్ ॥ ౪౧॥
యథాశక్తి పురశ్చర్యాం కుర్యాన్మన్త్రస్య సత్తమః ।
మాయాబీజేన దేవేశీం తత్తత్పీఠాధివాసినీమ్ ॥ ౪౨॥
పూజయేదనిశం రాజన్ పురశ్చరణకృద్భవేత్ ।
విత్తశాఠ్యం న కుర్వీత దేవీభక్తిపరో నరః ॥ ౪౩॥
య ఏవం కురుతే యాత్రాం శ్రీదేవ్యాః ప్రీతమానసః ।
సహస్రకల్పపర్యన్తం బ్రహ్మలోకే మహత్తరే ॥ ౪౪॥
వసన్తి పితరస్తస్య సోఽపి దేవీపురే తథా ।
అన్తే(అన్తే) లబ్ధ్వా పరం జ్ఞానం భవేన్ముక్తో భవామ్బుధేః ॥ ౪౫॥
నామాష్టశతజాపేన బహవః సిద్ధతాం గతాః ।
యత్రైతల్లిఖితం సాక్షాత్పుస్తకే వాపి తిష్ఠతి ॥ ౪౬॥
గ్రహమారీభయాదీని తత్ర నైవ భవన్తి హి ।
సౌభాగ్యం వర్ధతే నిత్యం యథా పర్వణి వారిధిః ॥ ౪౭॥
న తస్య దుర్లభం కిఞ్చిన్నామాష్టశతజాపినః ।
కృతకృత్యో భవేన్నూనం దేవీభక్తిపరాయణః ॥ ౪౮॥
నమన్తి దేవతాస్తం వై దేవీరూపో హి స స్మృతః ।
సర్వథా పూజ్యన్తే దేవైః కిం పునర్మనుజోత్తమైః ॥ ౪౯॥
శ్రాద్ధకాలే పఠేదేతన్నామాష్టశతముత్తమమ్ ।
తృప్తాస్తత్పితరః సర్వే ప్రయాన్తి పరమాం గతిమ్ ॥ ౫౦॥
ఇమాని ముక్తిక్షేత్రాణి సాక్షాత్సంవిన్మయాని చ ।
సిద్ధపీఠాని రాజేన్ద్ర సంశ్రయేన్మతిమాన్నరః ॥ ౫౧॥

4 sanskritdocuments.org
 దేవీసిద్ధపీఠాని

పృష్టం యత్తత్త్వయా రాజన్నుక్తం సర్వం మహేశితుః ।

రహస్యాతిరహస్యం చ కిం భూయః శ్రోతుమిచ్ఛసి ॥ ౫౨॥
॥ ఇతి శ్రీమద్దేవీభాగవతే మహాపురాణే సప్తమస్కన్ధే
దేవీపీఠవర్ణనం నామ త్రింశోఽధ్యాయాన్తర్గతం దేవీసిద్ధపీఠాని ॥ ౩౦
Encoded and proofread by Gopal Upadhyay gopal.j.upadhyay at gmail.com

Devi Siddhapithas from Devi Bhagavatam

pdf was typeset on September 17, 2023

Please send corrections to sanskrit@cheerful.com

devIsiddhapIThAnidevIbhAgavatam.pdf 5