Professional Documents
Culture Documents
Vendim I Anonimizuar
Vendim I Anonimizuar
Vendim I Anonimizuar
VENDIM
“NE EMER TE REPUBLIKES”
AKUZUAR: Për kryerjen e veprës penale “Shperdorimi i detyres”, parashikuar nga neni
248 i Kodit Penal.
Av Isuf Shehu: kerkoi deklarimin e pafajshem te te pandehurit Agim Kajmaku, per veprat
penale “Falsifikimi i vulave stampave ose i formulareve”, "Falsifikimi i dokumenteve
zyrtarë", në bashkëpunim dhe "Kryerja e funksionit pas dhënies fund të tij", të
parashikuara nga nenet 190/1, 186/2 dhe 249 të K.Penal, (neni 388 germa b , i K.Pr.Penale)
me arsyetimet perkatese
I pandehuri Agim Kajmaku: kerkoi pafajesi.
Av. Arben Nela kerkoi Deklarimin e pafajshme te te pandehures M. Sh. per vepren
penale “Fallsifikimi i dokumentave zyrtare” ne bashkepunim parashikuar nga neni 186/2
i K Penal . ( neni 388/ b , i K.Pr.Penale)
Deklarimin e pafajshme te te pandehures I. B.per vepren penale “Fallsifikimi i
doklumentave zyrtare” ne bashkepunim parashikuar nga neni 186/2 i K Penal. ( neni 388
/ b , e K.Pr.Penale)
Deklarimin e pafajshme te te pandehures M. M. per vepren penale “Shperdorimi i
detyres” parashikuar nga neni 248 i K Penal. ( neni 388 /b , i K.Pr.Penale)
Gjykata, pasi e bisedoi çeshtjen ne teresi:
VEREN
Se Prokuroria e Rrethit Gjyqesor Tirane, ka filluar procedimin penal Nr. 8185 të vitit 2019
në ngarkim të të pandehurve Agim Kajmaku, akuzuar për veprat penale “Fallsifikimi i
vulave, i stampave, ose formulareve”, parashikuar nga neni 190/1 i Kodit Penal,
“Fallsifikimi i dokumentave zyrtare”, kryer ne bashkepunim parashikuar nga neni 186/2
i Kodit Penal, “Kryerja e funksionit pas dhënies fund të tij”, parashikuar nga neni 249 i
Kodit Penal. -M. Sh. akuzuar për kryerjen e veprës penale “Fallsifikimi i dokumentave
zyrtare”, kryer ne bashkepunim parashikuar nga neni 186/2 i Kodit Penal. -I. B.akuzuar
për kryerjen e veprës penale “Fallsifikimi i dokumentave zyrtare”, e kryer ne bashkepunim
parashikuar nga neni 186/2 i Kodit Penal dhe M. M. akuzuar për kryerjen e veprës penale
“Shperdorimi i detyres”, parashikuar nga neni 248 i Kodit Penal.
Gjykata pasi studioi materialet e çeshtjes penale ardhur per gjykim bazuar ne nenin 69 te
K.Pr.Penale, çmoi se çeshtja eshte ne juridiksionin e saj dhe gjykimi i kesaj çeshtje penale
duhet te realizohet perpara kesaj gjykate.
Kjo çeshtje ne baze te neneve 13 dhe 74 te K.Pr.Penale, eshte ne kompetencen lendore te
kesaj gjykate, pasi vepra penale per te cilën është proceduar e pandehura gjykohet me trup
gjykues te perbere nga nje gjyqtar.
Persa i perket kompetences tokesore, ajo percaktohet shprehimisht ne nenin 76 te
K.Pr.Penale ku citohet se: “Kompetenca tokesore percaktohet, me rradhe, nga vendi ku
eshte kryer ose tentohet te kryhet vepra penale ose vendi ku ka ardhur pasoja”. Persa me
siper, perderisa vepra penale dyshohet se eshte kryer ne Tiranë, kompetente eshte gjykata
e Rrethit Gjyqesor Tirane .
Gjithashtu, Gjykata ne veshtrim te neneve 13,15,16,17,18 te K.Pr.Penale, çmoi se nuk
ekzistojne shkaqe papajtueshmerie ose perjashtimi nga ky gjykim, fakt ky i
pakundershtuar edhe nga palet pas prezantimit te perberjes se trupit gjykues
Ne perfundim te shqyrtimit gjyqesor me proçedure te gjykimit te zakonshem organi i
prokurorise ne kerkesen per gjykim ka pretenduar se: I pandehuri Agim Kajmaku në
zgjedhjet vendore të vitit 2019 është zgjedhur Kryetar i Bashkisë Vorë, detyrë të cilën duhej
ta ushtronte deri me datën 01 nëntor 2019, ora 11 : 14 kohë në të cilën Komisioni Qëndror i
Zgjdhjeve ka marrë vendimin nr. 1101, datë 01.11.2019, ora 11 duke e shkarkuar atë. Po në
këtë bashki kanë punuar edhe te pandehura I. B.me detyrë specialiste protokolli Bashkia
Vorë, M. Sh. me detyrë Drejtoreshë e Burimeve Njerëzore, Bashkia Vorë, si dhe M. M. në
atë kohë Përgjegjëse Sektori e Barazisë Gjinore në Bashkinë Vorë, aktualisht Përgjegjëse
e Zyrës Ligjore Bashkia Vorë. I pandehuri Agim Kajmaku përpara se të kandidonte për
funksionin konkret në përmbushje të parashikimeve të ligiit nr. 138/2015 "Për garantimin
e integritetit të personave që zgjidhen, emërohen ose ushtrojnë funksione publike", të
ndryshuar, si dhe në zbatim të Vendimit të Kuvendit të Shqipërisë, nr.17/2016 "Për
përcaktimin e rregullave të detajuara mbi zbatimin e ndalimeve të parashikuara në ligjin
nr. 138/2015, neni l, ka plotësuar formularin e vetdeklarimit dhe më pas është përcjellë në
institucionet zyrtare, Komisionin Qendror të Zgjedhjeve Tiranë, pasi shtetasi ishte subjekt
i këtij vetdeklarimi, sepse kishte kandiduar në Zgjedhjet Vendore të Bashkisë Vorë.
Subjekti i vetdeklarimit, i pandehuri Agim Kajmaku ka plotësuar formularin e
vetëdeklarimit, formular i cili mban datën 12.05.2019, i dorëzuar në Komisionin Qendror
të Zgjedhjeve me datën 13.05.2019 në të cilin në rubrikën III, "Të dhëna mbi gjendjen
gjyqësore të personit", pika nr.3, "A keni qenë ndonjëherë në hetim ose gjykim nga një
autoritet i huaj për kryerjen e një vepre penale? Ky subjekt i është përgjigjur me "Jo".
Subjekti i vetdeklarimit Kajmaku përsëri në plotësimin e këtij formulari ka paraqitur
rrethana të rreme, të cilat bien ndesh edhe me të dhënat që ai ka paraqitur në rubrikën
"B" të këtij formulari. Nëse keni ndryshuar zyrtarisht ndonjë nga të dhënat e gjeneralitetit
tuaj, apo keni përdorur një gjeneralitet tjetër qoftë edhe pa e ndryshuar zyrtarisht, listoni
secilin prej tyre, duke plotësuar të gjitha të dhënat sa herë janë ndryshuar. Në këtë rubrikë
subjekti ka shënuar "Emër: Jorgo, Mbiemër Tota. Me shkresën nr. 14197, datë 27.08.2019,
Komisioni Qëndror i Zgjedhjeve në zbatim të ligjit nr.138/2015 "Për garantimin e
integritetit të personave që zgjidhen, emërohen ose ushtrojnë funksione publike", (të
ndryshuar), si dhe në zbatim të Vendimit të Kuvendit të Shqipërise, nr.17/2016 "Për
përcaktimin e rregullave të detajuara mbi zbatimin e ndalimeve në ligjin nr. 138/2015, ka
dërguar formularin e subjektit Agim Kajmaku në Prokurorinë e Përgjithshme,
protokolluar me nr.2193/12 prot, datë 27.08.2019 .
Nga verifikimet e kryera nga Drejtoria përkatëse ne Prokurorinë e Përgjithshme janë
përftuar të dhëna nga institucionet zyrtare që kanë të bëjnë me subjektin e konkretisht:
Drejtoria e Përgjithshme e Burgjeve, me shkresën Nr. V-2 -27.08.2019, në përgjigje të
shkresës së Prokurorinë së Përgjithshme, shkresë nr.2193/9, datë 26.08.2019 ka paraqitur
dokumentin "Vërtetim i Gjendjes Gjyqësore" Nr. 11, datë 27.08.2019 ku rezulton se
subjekti Agim Ymer Kajmaku (Jorgo Toto), figuron me statusin "i padënuar”.
Me shkresën nr. 2193/9 prot, Drejtoria e Përgjithshme e Gjendjes Civile ka paraqitur në
Prokurorinë e Përgjithshme të dhënat personale të subjektit Agim Kajmaku. Referuar
këtyre të dhënave shtetasi( i pandehuri) me datën 06.02.1996 ka ndryshuar përbërësit e
Gjendjes Civile në rubrikën emri/mbiemri nga Agim Kajmaku" në "Jorgo Toto". Ndërsa
me datën 30.03.2004 e ka ndryshuar nga "Jorgo Toto" në "Agim Kajmaku", identitet të
cilin e mban edhe aktualisht.
Për një verifikim më të thelluar, bazuar në përcaktimet e nenit 8 të ligiit janë kërkuar dhe
janë marrë gjurmët e gishtave të pandehurit Agim Kajmaku nga kompania “Aleat” Tiranë.
Gjithashtu i është kërkuar subjektit (te pandehurit) Agim Kajmaku të paraqitet dhe të jap
gjumët daktiloskopike pranë Inistitutut të Policisë Shkencore Tiranë, detyrim të cilin e ka
përmbushur. Më pas është bërë dërgimi i tyre për verifikim dhe krahasim me gjurmet që
kishin autoritetet Greke për shtetasin Agim Kajmaku.Ne lidhje me kërkesën për
krahasimin e gjurmëve të gishtave të subjektit Agim Kajmaku, Zyra Qëndrore Kombëtare
Interpol, me shkresat Nr. 10709/6 prot., datë 24.09.2019, fillimisht ka sqaruar se: Interpol
Athina/Greqi ka informuar, se nga krahasimi daktiloskopik i gjurmëve të gishtave të
shtetasit Agim Kajmaku me të dhënat daktiloskopike që ndodhen në databazën e të
dhënave kriminale të Greqi përputhen me gjurmët e shtetasit Jorgo Toto. Kjo përgjigje
konfirmon dhe njëherë zyrtarisht, që ështe i njejti person me shtetasin Jorgo Toto. Me
shkresën nr. 10709/9 prot, datë 22.10.2019, Zyra Qendrore Kombëtare Interpol saktëson se
shtetasi Jorgo Toto, i biri i Imer-it dhe Maxhe-s lindur me 06.07.1971, gjurmët e të cilit
përputhen me gjyrmët daktiloskopike të shtetasit Agim Kajmaku, ishte dyshuar në Greqi
me datën 14.01.2003 për vepren penale “Qarkullim monedhash të falsifikuara”.
Kjo vepër penale është njëkohësisht e dënueshme edhe nga neni 183 i K.Penal shqiptar.
Me vendimin nr.236/2019, datë 13.09.2019 Gjykata e Janinës e ka shpallur të pafajshëm
shtetasin Agim Kajmaku, alias Jorgo Toto, si dhe kanë revokuar edhe urdhërin e arrestit
kombëtar dhe europian për këtë shtetas.
Pas rregjistrimit të procedimit penal është urdhëruar kryerja e veprimeve hetimore.
Konkretisht janë pyetur shtetasit L. O.dhe H. B., te dy ish nënkryetarë Bashkia Vorë,
veprime të pasqyruara më procesverbalet "Për marrjen e te dhënave nga personi që ka
dijeni për veprën penale", datë 07. 11.2019. Në shpjegimet e tyre ata kanë deklaruar se me
datën 01.11.2019 kanë qënë në detyrën e tyre si nënkryetar të Bashkisë, pra nuk ka patur
urdhëra lirimi ndaj tyre, çka tregon se urdhërat nuk kanë dalë atë ditë por një ditë më pas.
Me datën 02.11.2019 janë njoftuar se ishin shkarkuar nga kjo detyrë dhe janë njoftuar me
urdhërin nr.146, datë 31.10.2019, nr. 146, datë 31.10.2019 shtetasit H. B. dhe shtetësja
Laureta Omeraj, urdhëra të cilët janë me fraksion me nr.2314, datë 31.10.2019 për shtatasin
H. B. dhe nr.2314/1, datë 31.10.2019 për shtetasen Laureta Omeraj. Ndërsa rezulton se për
shtetasin Gentian Picari , me detyrë Drejtor Kabineti është bërë urdhër lirimi nga kjo
detyrë, urdhër i cili mban nr. 145, datë 31.10.2019, protokolluar në librin e korrespondencës
së Bashkisë Vorë me nr.2265/l, datë 31.10.2019. Ndërsa me urdhërin nr.92, datë 31.10.2019
shtetasi Gentian Picari është emëruar me detyrë "Zëvendëskryetar" Bashkia Vorë, urdhër
i protokolluar me nr.2314/2, datë 31.10.2019 në librin e protokollit të bashkisë . Këto
urdhëra janë bërë me datën 01.01.2019, pas vendimit të KQZsë por kanë edhe rrjedhojë jo
logjike me njëri tjetrin. Shtetasi Gentian Picari është emëruar zëvendëskryetar Bashkia
Vorë me urdhërin nr.92, datë 31.10.2019, ndërkohë që është larguar nga detyra e
mëparshme me urdhërin nr. 145, datë 31.10.2019, pra kur është emëruar në detyrën e dytë
mbante edhe detyrën e Drejtorit të kabinetit. Ndërkohë që urdhëri nr. 144 për shtetasen Y.
G., protokolluar me nr.2265, datë 31.10.2019 në librin e protokollit nuk ka lidhje me
shtetasin Gentian Picari. Protokollimi në rregjistrin e korrespondencës së Bashkisë Vorë
është bërë me datën 31.10.2019 dhe përfundon me këta urdhëra, çka tregon se të giithë
fraksionet në këtë protokoll janë shtuar ditën e nesërme pasi nuk kanë qënë akoma të dalë
këta urdhëra. Përveç sa më sipër në librin e korrespndencës është ndërhyre me fraksion
edhe_ne numra të tjerë duke shpallur fitues tenderi, etj veprime të cilat janë bërë nga ish
Kryetari i Bashkisë Vorë. Gjithashtu ka rezultuar se shtetasi Agim Kajmaku ka hyrë në
ambientet e Bashkisë Vorë pasi nuk ka patur mandat, sepse Vendimi i Komisionit Qëndror
të Zgjedhjeve është menjëherë i ekzekutueshëm, dhe në bashkëpunim me shtetaset M.
Sh. dhe I. B., kanë kryer veprimet e falsifikimit të dokumentit zyrtar. Kjo shtetase ,
punonjëse e kësaj bashkie , ka shënuar në urdhërat që kanë dalë: Konceptoi: M. Sh. dhe
Miratoi: M. Sh., si dhe punonjësja e protokollit me emrin I. B., e cila i ka protokolluar me
datë të shkuar ndërkohë, që në atë datë ajo nuk i kishte këto urdhëra fizikisht në dorë.
Në deklarimin e saj datë 08.11.2019 shtetasja I. B.ka deklaruar se “urdhërat mi ka sjellë në
zyrën e protokollit asistentja e kryetarit shtetësja M. M. Urdhërat me firmën e shtetasit
Agim Kajmaku (tre urdhëra lirimi dhe një emërimi) mi ka sjellë shtetësja M. M.. Me sa
mbaj mend vazhdon ajo mi ka sjellë rreth orës 12 të datës 01.11.2019....". Gjithashtu
rezulton se shtetasi Agim Kajmaku ka vepruar pas përfundimit të detyrës pasi ishte vënë
në dijeni të Vendimit të KQZ-së, vendim nr. 1101, datë 01.11.2019, vendim i cili menjëherë
është bërë publik nga KQZ-ja si dhe të gjitha mediat shqiptare, si dhe është botuar në
fletoren zyrtare nr. 152, datë 13.11.2019, në të cilin shkruhet: Komisioni Qendror i
Zgjedhjeve: VENDOSI: l. Të shpallë të pavlefshëm dhe përfundimin e parakohshëm të
mandatit të kryetarit të Bashkisë Vorë, qarku Tiranë, z. Agim Ymer Kajmaku.
Ky vendim t'i njoftohet menjëherë Kryeministrit.
Ky vendim hyn në fuqi menjëherë dhe botohet në Fletoren Zyrtare. 4. Kundër këtij vendimi
mund të bëhet ankim brenda 45 ditëve, në Gjykatën Administrative të Shkallës së Parë
Tiranë.
Në gjykimin e zhvilluar në KQZ-së, nuk ka qënë prezent ish Kryebashkiaku i Bashkisë
Vorë, shtetasi Agim Kajmaku i cili është përfaqësuar nga avokati i zgjedhur nga ana e tij,
z.lsuf Shehu, vendim i cili është shpallur dhe bërë publik menjëherë.
Hetimi dhe gjykimi i çeshtjes ndaj te pandehurit Agim Kajmaku eshte bere me masen e
sigurimit personal “arrest ne burg” ne mungese caktuar me vendimin e Gjykates se Rrethit
Gjyqesor Tirane nr.2516 Akti, date19.11.2019 zbatuar ne date 06.07.2020 ndaj te pandehurit
Agim Kajmaku , ndryshuar me vendimin penal te formes se prere nr 559 date 08.07.2020
te Gjykates se Apelit Tirane, e cila ka vendosur: Zevendesimin e mases se sigurimit
personal me karakter shtrengues “arrest ne burg” ne mungese ndaj shtetasit Agim
Kajmaku dhe caktimin e mases se sigurimit personal “Detyrim per paraqitje ne policine
gjyqesore” parashikuar nga neni 234 i K Pr Penale.
Hetimi dhe gjykimi i çeshtjes ndaj te pandehurave M. Sh., I. B.dhe M. M. eshte bere pa
mase sigurimi personal.
Av. Arben Nela nder te tjera argumentoi : E pandehura M. Sh., ne detyren e drejtoreshes
se burimeve njerezore ka perpiluar urdherat per lirim dhe emerim nga detyra, ne kohen qe
i pandehuri Agim Kajmaku ke qene ende ne detyren e Kryetarit te Bashkise Vore dhe per
rrjedhoje duhet qe te deklarohet e pafajshme per vepren penale te parashikuar nga neni
186/2 i Kodit Penale, per te cilen eshte akuzuar.
E pandehura I. B., ne detyren e protokollistes ka rregjistruar urdherat e mesiperm ne
protokoll ne daten 31.10.2019, duke respektuar rregullat e vendosura per regjistrimin e
akteve dhe per rrjedhoje duhet qe te deklarohet e pafajshme per vepren penale te
parashikuar nga neni 186/2 i Kodit Penal, per te cilen eshte akuzuar.
E pandehura M. M., ne detyren e asitentes se kryetarit te bashkise, ne daten 30.10.2019, i
ka paraqitur kryetarit urdherat e hartuara nga drejtoresha e burimeve njerezore dhe pas
nenshkrimit te tyre nga kryetari, I ka dorezuar ato ne zyren e protokollit te bashkise, ne
perputhje te plote me detyren e saj funksionale. Per rrjedhoje, e pandehura M. M. duhet
qe te deklarohet e pafajshme per vepren penale te parashikuar nga neni 186/2 I Kodit
Penale, per te cilen eshte akuzuar.
Per te provuar akuzen organi procedues, prokuroria e Rrethit Gjyqesor Tirane ka sjelle
ne gjykate vec provave shkresore te administruara gjate shqyrtimit gjyqesor dhe prova
me deshmitare si: H. B., L. O., G. P., D. S., B. K.
Mbrojtesit e te pandehurve av Isuf Shehu dhe Selim Nela u shprehen dakort me provat
e kerkuara nga organi i akuzes si dhe rezervuan te drejten per te paraqitur prova te tjera,
ku gjate gjykimit kerkuan te pyeten te pandehurat M. Sh., I. B.dhe M. M. (neni 166 i K
Pr Penale)
Gjykata arsyeton se askush nuk mund te denohet ne qofte se ne ngarkim te tij nuk
figurojne prova se ka kryer veper penale. Ne referim te nenit 152 te Kodit te Procedures
Penale provat shqyrtohen ne harmoni me njera tjetren e asnjera prej tyre nuk ka vlere te
paracaktuar dhe cdo prove duhet ti nenshtrohet debatit gjyqesor “ , cka do te thote se
gjykata mund te jape nje vendim fajesie vetem kur ekzistojne te pakten prova ( shumes )
te cilat te bejne vendimarrjen tej cdo dyshimi te arsyeshem
Kjo do te thote se gjykata eshte perpara aplikimit te drejte te ligjit procedural, atehere kur
ne zbatim te kesaj dispozite eshte e detyruar qe per te arritur ne perfundimet e saj, t’i
analizoje provat ne teresi, ne menyre organike e te lidhura me njera tjetren.
Ekzistenca e nje fakti nuk mund te nxirret nga indicjet pervecse kur keto jane te
rendesishme, te sakta dhe ne perputhje me njera tjetren.(neni 152/2 i K Pr Penale)
Sipas nenit 4 te K.Pr.Penale “cdo dyshim per akuzen cmohet ne favor te te pandehurit”.
Fuqi te veçante bindese per Gjykaten ne lidhje me formimin e bindjes per pushimin e
ceshtjes ne ngarkim te te pandehurve ka dëshmia e dëshmitarit H. B., marre konform
ligjit procedurial penal ( nente 360 dhe 361 te K Pr Penale), i cili nder te tjera ka deshmuar
se kam qenë nënkryetar i Bashkisë Vorë. Jam emeruar -04.09.2019 . Urdhri i shkarkimit i
ka vajtur në datën 02 nëntor, i ka ardhur motres time S. B.ne lokalin ku ajo punon ka qene
e shtune paradite dhe une kam shkuar nje ore me pas dhe e kam marre. Nga ai moment
nuk kam shkuar me ne Bashkine e Vores. Nuk kishte asnje lloj arsye shkarkimi. Une nuk
kam marre asnje paralajmerim gojor , me shkrim apo verejtje
Urdheri i shkarkimit ishte 31 tetor, datë në të cilën kam qenë në punë. Me udherin nuk
kam qene dakort . Ne fund te nentorit kemi kundershtuar udherin ne gjykaten
administrative dhe ne muajin shkurt jam kthyer perseri ne detyre. Une aktualisht jam
kryetari i bashkise Vore
Nuk e mbaj mend nëse në datat 30-31 tetor i pandehuri Agim Kajmaku ka qenë në
ambjentet e Bashkisë Vorë.
(Shih procesverbalin e seances gjyqesore date 18.06.2020 )
Vlere provuese per Gjykaten ne lidhje me formimin e bindjes per pushin e ceshtjes ne
ngarkim te te pandehurve ka dëshmia e dëshmitarit G. P., marre konform ligjit
procedurial penal ( nenet 360 dhe 361 te K Pr Penale), i cili nder te tjera tha
Se pari jam afruar ne bashkine e Vores me ftesen dhe dashamiresine e kryetarit te
bashkise Agim Kajmaku per te qene pjese e strukturave te bashkise. Kam qene petagog
tek fakulteti ekonomik Me eshte dashur pak kohe qe te shkeputem. Pas shkeputjes jam
emeruar drejtor kabineti ne bashkine Vore dhe me pas kam kaluar si nenkryetar nga data
01.11 .2019 deri me date 04.02 ne pozicionin e nenkryetarit te bashkise. Emerimin dhe
komunikimin e kam mare nga kryetari i bashkise Agim Kajmaku. Kam plotesuar me
pergjegjshmeri dhe korrektesi detyrat qe me ka lene kryetari Agim Kajamku .
Pyetjes se prokurorit: Si ju eshte komunikuar detyra e nenkryetarit te bashkise Vore me
telefon me poste , fizikisht ?
Deshmitari pergjigjet :Situata eshte e tille qe gjate periudhes qe kam qene drejtor kabineti
kane qene emeruar dy nenkryetar te tjere H. B. dhe L. O.. Per ceshtje performance
mungese korrektesie nga ana e nenkryetareve Kryetari nuk ka qene i kenaqur me ecurine
e dy nenkryetreve per periudhen qe kane ushtruar funksionin si nenkryetar dhe
normalisht ka qene i mendimit per nderrimin e nenkryetareve dhe komandmi im ne
pozicioni e nenkryetarit por per ti lene hapesiren nje nenkryetari qe te ishte perfaqesues
i fshatit Domje pra do te behej nderrimi i dy nenkryetareve njeri nga nenkryetaret do te
isha une dhe tjetri nga pjesa tjeter qe ishte fshati i madh i Domjes dhe Berxullit duke qene
se jane pjese perberese e bashkise Vore kerkonte nje perfaqesues me nivel te larte
drejtues ne administraten e Bashkise. Ky ka qene qellimi dhe deshira e kryetarit .
Une kam marre komunikim verbal nga kryetari i Bashkise para fillimit te muajit nentor
pasi kam qene gjithe kohes me kryetarin, duke permbushur detyrat e Bashkise kam qene
ne dijeni se do te filloja pune nga data 01. nentor, rreth dates 28, 29 , 30 tetor kam marre
njoftim verbal nga kryetari Aktin e shkruar e kam marr kur kam filluar pune me daten 01
. nentor
(Shih procesverbalin e seances gjyqesore date 03.112020 )
Vlere provuese per Gjykaten ne lidhje me formimin e bindjes per pushimin e ceshtjes ne
ngarkim te te pandehurve ka dëshmia e dëshmitarit: D. S., marre konform ligjit
procedurial penal ( nenet 360 dhe 361 te K Pr Penale), punonjës mbështetës pranë
Bashkisë Vorë i cili nder te tjera tha : Jam punonjës mbështetës pranë Bashkisë Vorë.
Punoja nga ora katër e mbasdites deri në orën tetë të mëngjesit.
Bashkia Vorë ka 3 hyrje
Pyetjes se prokurorit :Ke mundesi ti shohesh te gjithe personat kush hyn e kush del ne
godine ?
Deshmitari pergjigje :Kush hyn dhe kush del , shumicen po.
Pyetjes se prokurorit :Ka hyre ne godine z Agim Kajmaku ne date 31 tetor 2019 dhe
01.11.2019 ka hyre .
Deshmitari pergjigjet : Nuk e mbaj mend. Une nuk mbaj dhe nese kam qene ne pune .
Agim Kajmaku vinte edhe pas orës 4 në ambjentet e Bashkisë Vorë.
(Shih procesverbalin e seances gjyqesore date 28.05.2021 )
Vlere provuese per Gjykaten ne lidhje me formimin e bindjes per pushimin e ceshtjes ne
ngarkim te te pandehurve ka dëshmia e dëshmitarit B. K marre konform ligjit procedurial
penal ( nente 360 dhe 361 te K Pr Penale), i cili nder te tjera ka deshmuar se: Ushtroj
detyrën e rojes nga ora 4 e mbasdites deri ne ore 8 të mëngjesit me sistem 16 orësh të
nesërmen pushim. Bashkia Vorë ka 3 hyrje. Për periudhën tetor-nëntor 2019 nuk janë
mbajtur procesverbale hyrje-dalje të punonjësve jashtë orarit zyrtar. Kryetari i bashkisë
besoj se është futur ne bashki në datat 30 dhe 31 tetor 2019 sepse ka qenë periudha e
tërmetit.
(Shih procesverbalin e seances gjyqesore date 11.06.2021)
Gjate shqyrtimit gjyqesor bazuar ne nenin 358 te K Pr Penale i pandehuri Agim Kajmaku
ka dhene shpjegime ne lidhje me akuzat e ngritura nga prokuroria e rrethit Gjyqesor
Tirane , i cili nder te tjera u shpreh se : Deklaroj në përgjegjësinë time të plotë morale
dhe ligjore se pas datës 1 Nëntor 2019, përfshi edhe atë datë unë nuk kam firmosur; asnjë
vendim, asnjë urdhër, asnjë shkresë përcjellëse, dhe nuk kam pëcjellë apo ushtruar asnjë
kompetencë, detyrë apo përgjegjësi tek punonjësit e Bashkisë Vorë, Entet e tjera Publike
apo Privave, apo tek individët apo ndonjë subjekti tjetër të ligjit në cilësinë Kryetarit të
Zgjedhur të Bashkisë Vorë . Më datën 30 Tetor 2019, kam qënë ende në detyrë si Kryetar i
Bashkisë Vorë dhe krahas shkresave dhe dokumenteve të tjera kam firmosur dhe katër
udhëra: Lirimin nga detyra të Gentian Picarit nga detyra e Shëfit të kabinetit; Lirimin nga
detyra e L. O.t nga detyra e Nën kryetares së Bashkisë; Lirimin nga detyra e Nënkryetarit
të Bashkisë të H. B.; Emërimin në detyrën e Nënkryetarit të Bashkisë Gentian Picari.
Ne lidhje me vepren penale “Falsifikimit të vulave, stampave ose të formularëve" neni 190
paragrafi 1 i Kodit Penal i pandehuri Agim Kajmaku ka deklaruar konkretsisht : Në
pranverën e vitit 2019 më është kërkuar nga Partia Socialiste e Shqipërisë, grupim politik
që unë aderoj që të isha kandidati i tyre për zgjedhjet e pushtetit vendor që do të
zhvilloheshin më 30 Qershor 2019, propozim që e pranova. Emri në listën e kandidatëve
për kryetar bashkie në këto zgjedhje është vendosur nga Partia Socialiste, dhe i është
paraqitur Komisionit Qëndror Zgjedhor. Më datë 12.05.2019 kam paraqitur në KQZ
formulin e vetdeklarimit ku kam deklaruar se kam mbajtur edhe një identitet të dytë atë
të "Jorgo Tato", pa ndryshuar atë zyrtarin. Pas shumë deklarimeve mediatike që u bënë
gjatë verës së vitit 2019, nga funksionar të Partisë Demokratike se paskam qënë i dënuar
dhe arrestuar në shtetin Helen, jam përpjekur të informohem më shumë rreth akuzave që
më janë bërë, duke qënë gjithashtu në dijeni se KQZ dhe Prokuroria e Përgjithshme kishin
filluar hetimin administrativ për të verifikuar akuzat dhe për të përcaktuar nëse isha nje
subjekt që duhet të përjashtohesha nga kandidimi apo vazhdimi i detyrës publike.Pasi
mora vesh që ndaj meje kishte një cështje të mbyllur, kërkova menjëherë që ajo të ri-hapej
dhe në përfundim të gjykimit në shtator të vitit 2019 gjykata më shpalli të pafajshëm....
(Shih procesverbalin e seances gjyqesore date 08.09.2021)
Gjykata perfundimisht cmon se pas shume seancave gjyqesore duke siguruar nje proces
te rregullt gjyqesor, me qellim objektivitetin e plote te gjykimit te ceshtjes, organi i akuzes
nuk arriti te sjelle qofte dhe nje prove te vetme ku te inkriminoje te pandehurin Agim
Kajmaku, ne lidhje me vepren penale te parashikuar nga neni 190/1 i K Penal .
Në kushtet e lartpermendura Gjykata bazuar ne nenin 387/1 te K.Pr.Penale duke pasur
parasysh edhe kërkesën e prokurorit bere para gjykates ne konkluzionet perfundimtare
ne mbeshtetje te kritereve te nenit 377 të K.Pr.Penale, krijoi bindjen e plote se duhet
pushuar çështja penale Nr. 154 Akti regjistruar në në ngarkim të pandehurit Agim
Kajmaku akuzuar për kryerjen e veprave penale “"Falsifikimi i vulave, i stampave ose i
formularëve", "Falsifikimi i dokumenteve zyrtarë", e kryer në bashkëpunim, "Kryerja e
funksionit pas dhënies fund të tij", të parashikuara nga nenet 190/1, 186/2 dhe 249 të
K.Penal. -M. Sh., akuzuar për kryerjen veprës penale "Falsifikimi i dokumentave zyrtarë“
kryer në bashkëpunim, parashikuar nga neni 186/2 i Kodit Penal. -I. B. akuzuar për
kryerjen e vepres penale “Fallsifikimi i dokumentave zyrtare” ne bashkepunim
parashikuar nga neni 186/2 i K Penal. -M. M. akuzuar për kryerjen e vepres penale
“Shperdorimi i detyres” parashikuar nga neni 248 i K Penal.
Gjykata duhet te shprehet per heqjen e mases se sigurimit personal “Detyrim per
paraqitje ne policine gjyqesore” caktuar me vendimin nr 559 date 08.07.2020 te Gjykates
se Apelit Tirane. ( neni 389 i K Pr Penale)
Gjykata bazuar ne nenet 379/2, 382, 383, 384, 390, 377, 485,190 389 te K.Pr.Penale
V E N D O S I
SEKRETARE GJYQTARE
PANDORA GJINI SHEFKIE DEMIRAJ ( MATAJ)