EBIKORWA BYESAPURI
EBIKORWA BY'OBUSAASI (FRIDAY
AND TUESDAY)
1. Yezu kristo naasasibwa ebibi byaitu
omuri Getesemaani,
Bikira Mariya otushabire Amaani
g'okwanga ebibi byaitu
2.Yezu Kristo nibamuboha aha
nyomyo ,nibamuteera munonga.
Bikira Mariya atushabire
okwehenera abibi byaitu.
3.Yezu kristo nibamujweka aha
mutwe ekirunga ky'amahwa.
Bikira Mariya atushabire
okugumisiriza omu busaasi bwaitu.
4.Yezu kristo nibamuheekyesa
omusharaba gwe.
Bikira Mariya atushabire
okuteetomboita omu naku zaitu.
5.Yezu Kristo nibamubamba aha
musharaba ,naafa
Bikira Mariya atushabire Amaani
g'okuguma nitutwaza gye okuhitsya
okufa
EBIKORWA BY’OKUSHEMERERWA
(MONDAY AND SATURDAY)
1. Malaika Gabriel naagambira Mariya
ati; Oryazaara omwana Wa
Ruhanga
Tushabe engyesho y'okwekyeehesa
2. Biikira Mariya naazindukira
Elizabeeti omuhikirire mukuru we
Tushabe engyesho y'okukundana
3. Yezu kristo naazarirwa Betelehemu
omu ka y'ente.
Tushabe amaani g'okuteekoma aha
by'ensi konka
4. Biikira Mariya naatwaara Yezu
kristo omuri Nyaruju kumuhongera
Ruhanga ,nawe wenka
kweshemeza.
Tushabe engyesho y'okuhitsya ebi
Ruhanga aturagiira
5 Biikira Mariya naazora Yezu kristo
omuri Nyaruju naayegyesa abakuru b'
ediini.
Tushabe omucwe gw'
okwecurengera emitima ya bagyenzi
baitu
EBYIKORWA BY’EKITINWA (SUNDAY
AND WEDNESDAY)
1. Yezu kristo nazooka omu bafu.
Biikira Mariya atuhamye omu diini
2.Yezu kristo naatemba omu iguru
Biikira Mariya atwongere okugira
amatsiko g' okurokoka
3.Yezu Kristo naayohereza Mutima
Orikwera omu ntumwa
Biikira Mariya atushabire
engabirano za mutima orikwera
4. Biikira Mariya naafa, naatwarwa omu
iguru.
Biikira Mariya atushabire omugisha
gw'okufa gye
5. Biikira Mariya naaheebwa omu iguru
obugabekazi.
Biikira Mariya atuhe okumwesiga
ebiro byona
EBIKORWA BY' OKUMURINKANA
(Thursday)
1. Yezu okubatizibwa
Mariya maaweitwe, atushabire
amaani g'okuhamira omu ndagano
za batisimu, turinde etabaza zaitu
zigume nizaaka nitwengyengyeta
2. Yezu okuhindura amaizi viino
Mariya maaweitwe,otushabire
okwongerwa ekiconco ky'okwikiriza
3. Yezu okutandika kurangiriira
Amakuru Marungi
Mariya Maaweitwe, otushabire
amaani g'okwegarukamu, mutuma
orikwera atusaasire ebibi baitu omu
Isaakaramentu rya penetensia
4. Yezu okuhinduka okundi
Mariya maaweitwe, otushabire
engyesho y' obuhurizi, tushaashe na
Kristo tubone kubagana aha
kitiinwa kye
5.Yezu okugabura eky'okurya tumutungye kaingi omu
kya'akaragwa isaakaramentu rya Ukarastiya
Maria maaweitwe, otushabire tubone kumereera nawe
okugirira enjara n'eriho Kristo,

KASINGYE MUGABEKAZI (Hail Holy Queen)

Kasingye Mugabekazi, Nyin’embabazi!Iwe magara gaitu n'obunuzi bwaitu

n'okwesiga kwaitu,kasingye!

Nitutaagira ah'ori,itwe abaana ba Eva abaabingirwe.

Nitukuhogyera,nitutsinda,niturira omunsi egi ey'amarira.
Mpaho nu,Iwe mutonganirizi waitu,amaisho gaawe ag'embabazi Ogahamye
ahariitwe.
NaYezu omwana w'omugisha ow'enda yaawe
Omutworekye ku tuririga omuri eriihanga. Ayi yaiwe musasizi,yaiwe
mukundwa,Ayi Maria omworobi

AMAHAISO GA BIIKIRA MARIA

Ai Mukama Otusaasire
Ai Kristu Otusaasire
Ai Mukama Otusaasire
Ai Kristu Otuhurire
Ai Kristu Otuhurire
Patri w'Omu Iguru Ruhanga Otusaasire
Mwana Mucunguzi w'Ensi Ruhanga
Mutima Orikwera Ruhanga
Bushatu Oburikwera Ruhanga omwe
Maria Omuhikiriire, Otushabire
Muzaire Owa Ruhanga,
Biikira Okira ababikira,
Nyina Kristu,
Nyina w'Eneema ya Ruhanga,
Muzaire Orikwerera Kimwe,
Muzaire Omwerinzi buzima, Muzaire
owatwaire enda obubikira bwawe
butasisikaire, Muzaire owa zaire
Obubikira bwawe butasisikaire,
Muzaire Oshemereire Okukundwa,
Muzaire Owoburungi Obutangarirwa,
Muzaire omuhabuzi murungi,
Nyina w'omucunguzi,
Biikira Omwetegyerezi buzima,
Biikira Oshemereire ekitiinwa,
Biikira Oshemereire okuhaisibwa,
Biikira ow'obushoborozi,
Biikira omunyambabazi,
Biikira omwesigwa,
Ndeberwamu y'obuhikiriire,
Kitebe Ky'obwengye,
Burugo bw'okushemererwa kwaitu,
Bubiiko bw'ebirungi by'omutima,
Bubiiko bw'ekitiinwa,
Bubiiko bukuru bw'obucumi bw'ediini,
Roza etareebwa,
Munaara gwa Daudi,
Munaara gw'emiino,
Nju ya Zabu,
Shandukye y'endagaano,
Irembo ry'eiguru,
Nyonyozi y'omubusheeshe
Bukiriro bw'abarwaire,
Buhungiro bw'abasiisi,
Mugumyagumya w'abanaku,
Mubangizi w'aba Kristo,
Mugabekazi w'abamalaika,
Mugabekazi w'abatatenkuru-itwe,
Mugabekazi w'abarangi,
Mugabekazi w'entumwa,
Mugabekazi w'abajurizi,
Mugabekazi w'abarikweteisa,
Mugabekazi w'ababikira,
Mugabekazi w'abahikiriire boona,
Mugabekazi owabakirwe otaine kibi kyobukomooko,
Mugabekazi owatwairwe omu Iguru,
Mugabekazi oreeta obusingye
Kataama ka Ruhanga, oihaho ebibi by'ensi, Otusaasire, ai Mukama
Kataama ka Ruhanga, oihaho ebibi by'ensi, Otuhurire ai Mukama
Kataama ka Ruhanga, oihaho ebibi by'ensi, Otugirire embabazi

Otushabire, iwe Omuhikiriire Nyina Ruhanga.

Tushemerere kuheebwa ebi Yezu Kristu yaturaganise._

TUSHABE:

Ai Mukama Ruhanga, twakweshengyereza, itwe abaana baawe otuhe okuguma

twine Amagara g'omutima n'ag'omubiri, kandi ahabwokushabirwa Biikira Maria
Omuhikiriire otujune enaku z'omu nsi omu otutungise omu Iguru okushemererwa
okutahwaho. Eki twakikushaba omuri Kristu Mukama waitu. Amiina.

MARAIKA

Maraika Wa Mukamaakagambira Mariya , Mariya yaabaka enda ahabwa mutima

orikwera . Kasingye Mariya ……

Reeba nyowe ndi omuzaana wa Mukama , Kinkorerwe nk'oku waagamba

Kansingye Mariya.....

Kigabo akaba omuntu. Yaatura omuriitwe . Kansigye Mariya....

Otushabire, itwe omuhikirire Nyina Ruhanga,

Tushemereire kuheebwa ebi Kristu yaaturaganiise .

TUSHABE

An Mukama twakweshegyereza ,otwongyere amagara gaawe omu mitima

yaitu.kandi nk'oku twamanyisiibwe Mariaka okuba omuntu owa Kristu omwaana
waawe ,tutyo ahabw'obusaasi bwe n'ahabw'okutufeera aha musharaba tuhikye
omu kitiinwa ky 'okuzooka .Eki twakishabiira omuri Kristo Mukama
Waitu .Amiina.

Omu iziina rya Paatri n'erya Mwaana n'erya Mutima Orikwera Amiina

KATENA:
OMWE: Ogu n’oha+

BOONA: Owahiinda nk'obwire oburikutaagurikana aboneire nk'okwezi,

akamurikana nk'eizooba kandi n'ow'ekitiinisa nk'eihe eririkwenda kurwana?

OMWE: Omutima gwangye niguhimbisa Mukama.

BOONA: Kandi nigwesingiriza Ruhanga Omurokozi wangye.

OMWE: Okuba yaateire eriisho ahabukye bw'omuzaana we; okuruga hati enganda
zoona ziryaguma niziinyeta omunyamugisha.
BOONA: Okuba Omushoboorozi wa byoona akankorera ebihango n'eiziina rye
niryera.

OMWE: N'embabazi ze azihamize ahari abo abamutiina. Okwiha eira neira n'okuta
aha busingye byona.

BOONA: Omukono gwe akagukoresa eby'obushoboorozi; yaagarura ahansi

abeekuriiriza omu biteekyerezo byabo.

OMWE: Ab'obushoboorozi akabacwa aha, kitebe, yaatunguura abato.

BOONA: Abajara akabaijuzya ebirungi abatungi baahwaziira.

OMWE: Akahaka Israeli omwiiru we, naijuka embabazi ze.

BOONA: Nk'oku yaagambiire baishenkuriitwe okuzigirira lbrahimu nabaijukuru be

obusingye bwoona.

OMWE: Ekitiinwa kibe ahari Patri nahari Mwana nahari Mutima Orikwera.
BOONA: Nk'oku kyabaire kiri kare na kare kibe kwo na mbwenu, n'obutoosha
n'ebiro byoona. Amiina.

OMWE: Ogu noha+

BOONA: Owahiinda nk'obwire oburikutaagurikana aboneire nk'okwezi,

akamurikana nk'eizooba kandi n'ow'ekitiinisa nk'eihe eririkwenda kurwana?

OMWE: Ai Maria owaahangirwe otaine kibi ky'obuzaariranwa.

BOONA: Otushabire, itwe abarikukuhungiraho.

Tweshengyereze: Ai Mukama Yezu Kristu, iwe otugarukanisa na Ruhanga

Patri, okakunda okutaho Nyoko omubiikira omuhiirwa buzima ku aba na

Nyinaitwe ow'okutukuhitsya; omuntu weena owakwijaho nakuratira embabazi
zaawe, omuhe okuhebwa nokushemererwa ebi yaashaba, naabihebwa
ahabw'okushabirwa ogwo Biikira Maria. Amiina.