Professional Documents
Culture Documents
2023 B6 End of Term 3 Exams - Asante Twi
2023 B6 End of Term 3 Exams - Asante Twi
ƆFA I
Fa nsɛmfua bɛyɛ ɔha (100) twerɛ nea ɛdidisoɔ yi mu baako ho asɛm
a. Me sukuu ho asɛm.
b. Aduane a me pɛ paa.
c. Twerɛ krataa kɔma w'adamfo na to nsa frɛ no sɛ ɔmmɛ di bronya akwamaa wɔ wo nkyen.
ƆFA II
Kenkan abasɛm yi na bua nsɛmmisa a ɛka ho no nyinaa
Ɔhene bi tenaa ase wɔ kuro bi a wɔfrɛ no Mmaapɛhia. Na ɔhene yi yɛ ayamyɛfoɔ nti da biara na
nkurɔfoɔ taa kɔ n'asa so no ne kɔdi nkɔmmɔ. Na ɔyɛ obi a na ɔtaa boaboa ne manfoɔ ano ne wɔn
yɛ kwasafodwuma.
Da bi, Nana Diasɛmpa a ɔyɛ ɔhene no nyaa ahohoɔ bi. Na saa nkurɔfoɔ yi nso firi kuro bi a wɔfrɛ
no Nkansere. Wɔbaa hɔ no, wɔn ne ɔhene yi too kɛsɛ maa no yɛɛ obiara nwanwa. Mpanin se,
asɛm kɛseɛ reba a frankaa nsi so. Da koro bi, ɔhene no yɛɛ sɛ ɔretukwan.
Berɛ a ɔhene tia ne nan akyi pɛ na nkurɔfoɔ no a wɔayɛ wɔn ho sɛn abɔfoɔ yi bɛhyɛnee ɔhene yi
dan mu kɔwiaa ne nnoɔma nyinaa. Nyame a ɔmmpɛ bɔne, berɛ a wɔreyɛ saa ayambrasɛm yi no,
sɛɛ na nhenkwaa no mu baako a wɔfrɛ Mahuwoda nso tɛ mpomma mu rehwɛ nea ɛrekɔ soɔ no.
Ahenkwaa yi bɔɔ bena maa ɔmanfoɔ bɛhyɛnee hɔ sei twɔn. Ei! Ɛdeɛn na asi yi? Wɔnkɔhwɛ a
ahohoɔ yi na wɔresesa ɔhene agudeɛ yi. Oo na asu wom!! Wom !! Mprensa. Wɔbirim wɔn ara
maa wɔtee ho ase.
Anni kyɛbi na Nana Diasɛmpa ani ho hantwo. Ɔbisaa akorɔmfoɔ no na wosee no sɛ, ɛyɛ wɔn hene
a ɔwɔ Nkansere na asoma wɔn. Yei maa ɔhene no ho dwirii no pa ara. Ɛfiri saa do no, ɔhene no
annye ahohoɔ wɔ ne nkyɛn bio.