Ako si ROCHELLE CASOYLA y QUIROG, nasa wastong gulang,
Filipino, nakatira sa b25 l8 Sampaguita St., Pembo, Makati City, at matapos makanumpa ng naayon sa batas ay malayang naglalahad ng mga sumusunod:
1. Ako ang ROCHELLE CASOYLA y QUIROG na nagaakusa kay
MATTHEW MAGDATO y MENDIOLA ng salang Acts of Lasciviousness na kasalukuyang dinidinig sa kagalang-galang na taga-usig ng Lungsod ng Makati.
2. Bilang tugon sa Sinumpaang Kontra Salaysay ni MATTHEW
MAGDATO y MENDIOLA (“MATTHEW”), aking nilalahad ang mga sumusunod:
3. Na pinasisinungalingan ko ang mga pahayag ni MATTHEW sa
kanyang Kontra Salaysay sapagkat unang-una hindi po gawa-gawa ang aking paratang at hindi ako naudyukan lamang ng aking mga magulang. Ako po ay nasa tamang edad na at alam ko po ang magiging kahihinatnan ng aking reklamo kung ito ay kasinungalingan lamang.
4. Pangalawa, hindi totoo ang sinasabi ni MATTHEW na hindi siya
malayang nakakalabas-masok sa aming bahay. Malapit ang aming mga pamilya sa isa’t-isa dahil matagal na kaming magkapit-bahay. Hindi rin lingid sa kaalaman ng aming mga kapitbahay na ang aming bahay ay ang nagsisilbing tambayan naming magkababata/magkakapit-bahay, kabilang na doon si MATTHEW o kilala bilang “Mateng.” Sa katunayan, mahilig kumuha ng litrato si MATTHEW sa loob ng aming bahay na makikita sa Album niya sa Facebook.
5. Pangatlo at higit sa lahat, ngayon lang ako naglakas-loob na isiwalat
ang mga ginawang panghahalay sa akin ni MATTHEW dahil sa TAKOT at dahil labintatlong (13) taong gulang lamang ako noon. Noong mga panahong iyon ay itinuturing si MATTHEW bilang kuya o nakakatanda sa aming compound at malapit lahat ng aking kababata ko sa kanya. Ako po ay natakot na hindi ako paniwalaan ng aming mga kababata at mawalan ako ng kaibigan at kanila akong pandirian.
6. Hindi ko rin po nagawang isumbong ito sa aking magulang dahil
ayoko pong masira ang samahang nabuo nila dahil sa akin. Isa pa pong malaking dahilan kung bakit po ako nanahimik ng ilang taon ay natatakot po ako sa kung anong maaaring gawin sa kanya ng aking Tatay kapag nalaman niya ang mga ginawa ni MATTHEW sa akin.
7. Natakot din po ako sa sasabihin ng aking mga kapitbahay. Sapagkat,
ang aking matalik na kaibigan/ kapit-bahay o kababata na itago natin sa pangalang “Jane” ay biktima ng rape na naganap lamang sa isa sa mga tirahan sa loob ng aming compound. Marami akong narinig na hindi kaaya-aya tulad na lamang na kasalanan ni Ate Jane ang nangyari sakanya. “Paano kung ako ang nasa sitwasyon ni Jane? Kasalanan ko din ba kung bakit nangyari sa akin iyon?” Ganito ang tumatakbo sa isipan ko ng ilang taon kaya’t pinili kong manahimik na lamang at kimkimin lahat.
8. Hindi ko rin nagawang sumigaw noong nangyari iyon dahil hindi po
ako iskandalosang babae, ako po ay tahimik na bata lamang na hindi palaimik at dahil itinuturing kong kuya si MATTHEW noon. Ang tanging nagawa ko lamang noon ay ipikit ang aking mga mata, tumalikod habang yakap ng mahigpit ang unan at dalidaling tumayo sa aking higaan at tumakbo papalabas at magkulong sa CR sa labas ng aming bahay.
9. Ilang taon akong umiwas kay MATTHEW dahil sa sobrang takot.
Tuwing nakikita o naririnig ko siyang nasa tapat ng aming pinto ay dali-dali akong nagtatago sa cabinet namin at tinitiis ang init at minsan pa ay makakapagsinungaling ako sa aking magulang kapag tinatanong nila ako kung saan ako nanggaling dahil ganoon nalamang ang takot ko upang makaiwas sa kanya at hindi na muling maulit ang ginawa niya sa akin.
10. Sa loob ng ilang taon ay pinili kong magkimkim at manahimik
nalamang ngunit noong isang araw ng Disyembre 2022 ay pinagsalitaan kami ng masasamang salita ng nanay ni MATTHEW at dahil na rin sa bugso ng damdamin ay hindi ko napigilang isiwalat ang mga kahalayang ginawa sa akin ni MATTHEW.
11. Noong nalaman ito ng aking mga magulang, kasintahan, at kapitbahay
ay buong puso nila akong sinuportahan na ipaglaban ang aking karapatan at papanagutin si MATTHEW sa kanyang mga gingawa.
12. Dahil dito ay naglakas-loob akong magreklamo sa Tanggapan ng
Barangay Pembo na ngayon ay kasalukuyang dinidinig ng kagalang-galang na taga-usig.
13. Panghuli, wala po akong alam sa sinasabi ni MATTHEW na pagkaka-
utang ng aking tatay. Wala po iyong kinalaman sa pagsasampa ko nitong kasong ito laban kay MATTHEW.
14. Na itong aking salaysay ay aking ginawa upang magbigay ng buong
katotohanan at pawang katotohanan sa mga pangyayari.
SA KATUNAYAN NG LAHAT, ako ay lumagda ngayong ika-___ ng
January 2023, dito sa Lungsod ng Makati.
ROCHELLE CASOYLA y QUIROG
Nagsasalaysay
SUBSCRIBED AND SWORN to before me this ____ day of January 2023 in