Professional Documents
Culture Documents
வி.சி.கணேசன் டூ சிவாஜி கணேசன்
வி.சி.கணேசன் டூ சிவாஜி கணேசன்
வி.சி.கணேசன் டூ சிவாஜி கணேசன்
வி.சி.கணேசனாக இருந்து நடிகர் திலகமாக சிகரம் தொட்டவர் சிவாஜி கணேசன். கடவுள்களையும், சுதந்திர போராட்ட சரித்திர
நாயகர்களையும் கண்முன் நிறுத்தியவர். நடிப்புக்கு ஒரு இலக்கணமாக, பல்கலைக்கழகமாக திகழும் சிவாஜி கணேசன் மறைந்து
இன்றோடு(ஜூலை 21) 21 ஆண்டுகள் ஆகிறது. வி.சி.கணேசன், சிவாஜி கணேசனாக மாறிய கதையை, அவரது வாழ்க்கை பயணத்தை
சற்றே திரும்பி பார்ப்போம்.
1928 ல் அக்., 1 ல் விழுப்புரம் மாவட்டம், பி.சின்னையா மன்றாயர் - ராஜாமணி அம்மாளின் மகனாக பிறந்தார் வி.சி.கணேசன். 9 வயது
சிறுவனாக இருந்த போதே கம்பளத்தான் கூத்து எனப்படும் கட்டபொம்மன் கதையை அடிப்படையாகக் கொண்ட அந்த மேடை
நாடகத்தின் மீது ஈர்ப்பு கொண்டு, யதார்த்தம் பொன்னுசாமி பிள்ளை நாடகக் கம்பெனியில் சேர்ந்து நடித்து வந்தார்.
1959 ம் ஆண்டு பத்மினி பிக்சர்ஸ் சார்பில், பி ஆர் பந்துலு தயாரித்து, இயக்கி வெளிவந்த திரைப்படம் வீரபாண்டிய கட்டபொம்மன்.
கட்டபொம்மன் வரலாற்றை மையப்படுத்தி எடுத்திருந்த இத்திரைப்படத்தில் சிவாஜியின் நடிப்பு, தமிழ் கூறும் நல்லுலகம்
மட்டுமல்ல, கடல் கடந்து அயலாரும் கண்டு உறைந்தனர்.
எண்ணிலடங்கா நாயகிகள்
பானுமதி ராமகிருஷ்ணா, பண்டரிபாய், வைஜெயந்திமாலா, பத்மினி, சாவித்திரி, சரோஜாதேவி, தேவிகா, கே ஆர் விஜயா, வாணிஸ்ரீ
மற்றும் ஜெயலலிதா என அன்றைய அனைத்து முன்னணி நாயகிகளும் இவருடன் ஜோடியாக நடித்திருக்கின்றனர்.
ஜாம்பவான் இயக்குனர்கள்
கிருஷ்ணன் - பஞ்சு, டிஆர் சுந்தரம், எல்வி பிரசாத், ஏ பி நாகராஜன், பிஆர் பந்துலு, டி பிரகாஷ்ராவ், ஏ பீம்சிங், கே சங்கர், சி வி ஸ்ரீதர்,
ஏசி திருலோகசந்தர், கேஎஸ் கோபாலகிருஷ்ணன், பி மாதவன், சிவி ராஜேந்திரன் மற்றும் கே விஜயன் என்று அன்றைய அனைத்து
முன்னணி இயக்குநர்களுடனும் பணிபுரிந்திருக்கிறார் நடிகர் திலகம்.
300 படங்கள்
தமிழில் மட்டும் 300 க்கும் அதிகமான திரைப்படங்களில் நடித்துள்ளார். இது தவிர தெலுங்கில் ஒன்பது திரைப்படங்களும், ஹிந்தியில்
இரண்டு திரைப்படங்களும் மற்றும் மலையாளத்தில் ஒன்றும் நடித்துள்ளார்.
விருதுகள்
* 1960 ஆம் ஆண்டு கெய்ரோவில் நடைபெற்ற ஆசிய ஆப்பிரிக்க திரைப்பட விழாவில் சிறந்த நடிகருக்கான விருது வீரபாண்டிய
கட்டபொம்மன் திரைப்படத்திற்காக வழங்கி கவுவிக்கப்பட்டார்.
* 1966 ஆம் ஆண்டு இந்திய அரசாங்கத்தால் பத்மஸ்ரீ விருது வழங்கி கவுவிக்கப்பட்டார்.
* 1995 ஆம் ஆண்டு ப்ரான்ஸ் நாட்டின் உயரிய விருதான செவாலியே விருது வழங்கி கவுரவிக்கபட்டார்.
* அமெரிக்காவின் நயாகராவில் ஒரு நாள் மேயராக கவுரவிக்கப்பட்டார்.
* 1972 ஆம் ஆண்டு சிறந்த நடிகருக்கான பிலிம்பேர் விருது ஞான ஒளி படத்திற்காக வழங்கப்பட்டது.
* 1973 ஆம் ஆண்டு சிறந்த நடிகருக்கான பிலிம்பேர் விருது கௌரவம் படத்திற்காக வழங்கப்பட்டது.
* 1984 ஆம் ஆண்டு இந்திய அரசாங்கம் பத்மபூஷண் விருது வழங்கி கவுரவித்தது.
* 1985 ஆம் ஆண்டு சிறந்த நடிகருக்கான பிலிம்பேர் விருது முதல் மரியாதை படத்திற்காக வழங்கப்பட்டது.
* 1985 ஆம் ஆண்டு பிலிம்பேர் வாழ்நாள் சாதனையாளர் விருது வழங்கி கவுரவிக்கப்பட்டார்.
* 1986 ஆம் ஆண்டு அண்ணாமலை பல்கலைக்கழகம் கவுரவ டாக்டர் பட்டம் வழங்கி கவுரவித்தது.
* 1997 ஆம் ஆண்டு தமிழ் நாடு அரசு கலைமாமணி விருது வழங்கி கவுரவித்தது.
* 1998 ஆம் ஆண்டு ஆந்திர மாநில அரசு என்டிஆர் தேசிய விருது வழங்கி கவுரவித்தது.
* 1992 ஆம் ஆண்டு தேசிய சினிமா விருது - ஸ்பெஷல் ஜுரி விருது தேவர்மகன் திரைப்படத்திற்காக வழங்கப்பட்டது.
* 1996 ஆம் ஆண்டு தாதா சாஹேப் பால்கே விருது வழங்கி கவுரவிக்கப்பட்டார்.