For this our industry so eeer, many people dey confuse editors as generalist way suppose to do

everything for film, infacf some people no know say e get plenty depertment for the post production
section why dey make film look good.

Aside from editors way dey use computer axe and cutlass take dey cut cut videos, remove and join.
Another people way dey follow seat down for film post production na visual effects artist and CG
animators, another group we follow join body na sound effect and sound scores. My bro, all this offices
dey Carry different experience and different budget way no follow for editors ..

E dey very important to know say all this category no be with one editor dey do, so that your work dey
dey safe and e no go delay. Even if you fit find person we fit do two or three; the work load go too
much, the production time go stretch sotie that person no go fit breath. From there, hard drive go dey
crash, virus go dey enter or system go dey crash.

Na why so many films don surface for editors hand, and the quality dey get question mark

For my next video, I go follow one by one dey description this person so that una go understand their
line of work well.