ANG MUSMOS AT SI TATAY

MUSMOS PA LAMANG AY KASA-KASAMA MO NA,

SA INUMAN AT DOON SA APLAYA

NAAALALA KO PA NGA NUNG MINSAN AY NAHULOG SA PILAPIL

EDAD KO NOON PARANG MGA ANIM

KAHIT NGIPIN NA NATIRA NALANG AY SA MAY PANGIL

MALUPIT ANG TAWA MO SA’KIN

TAY TILA BA IKAW AY GILIW NA GILIW

SALAT NGA SA BUHAY, KAYA’T LAGI MONG SASABIHIN

PAGKASYAHIN MGA ANAK KUNG ANO ANG NAKAHAIN

SYEMPRE IKAW MAGPAPAHULI, KAYO NI NANAY LAGI LANG MAGKATABI

NAKATINGIN AT WALANG MASABI

SIGURO AY GUTOM NA, NGUNIT HINDI MAKA DAING

DAHIL BAGO ANG INYONG SARILI, KAME AY LAGING UUNAHIN

HINDI NAGING MADALI ANG ISANG KAHIG ISANG TUKA

KAYA’T SI TATAY NAMASUKAN AT NAGSAKA, UPANG SA ANAK MAY PANG

SUPORTA

KAHIT MAG GIIK NG BIGAS, KAHIT PAA AY MAGKA BUTAS-BUTAS

SA LAHAT NG TRABAHO AY HINDI AATRAS

PAGKAT PARA SA ANAK, SI TATAY NAMAN KASI MAY PANGARAP

1/3
LUMALAKI NA AKO, AT UNTI-UNTING NAGKAMALAY

SI TATAY PANAY PARIN ANG PAG-AAKAY

NG AANIHIN AT KUKUBRAHING PALAY

UPANG IBENTA KAY KUMPARENG CESAR

NANG MAY MAKAIN AT BAON SA ISKWELAHAN,

SI TATAY NAMAN KASI MAY GUSTONG MAPATUNAYAN

NAKAPAGTAPOS KAHIT BOKASYONAL

NAPAAYOS ANG BAHAY KAHIT HINDI KAGANDAHAN

NGITI NA PUMAPAWI NG PAGOD AT NGALAY

SA PAGKAYOD SA LUGAR, KUNG SAAN SUMISIKAT ANG ARAW

DOON BANDA, SA MAY GITNANG SILANGAN

MALIGAYA SA PAG-UWI

SASALUBUNGIN MO NG IYONG NGITI

KAHIT LAGI PARIN NAGTATALO

DAHIL SA ALAK AT SIGARILYO

PARANG HINDI KO PARIN KAKAYANIN

ANG MAWALA KA SA AKING PILING

MATIGAS MAN ANG ULO MO TAY,

KAHIT HINDI MO AKO PINAPAKINGGAN

HINDI PARIN MAGSASAWA, NA PALAGI KANG PAGSABIHAN

2/3

DUMATING ANG ARAW NA NAIS KO NG HUMARAP SA ALTAR

IHAHATID MO AKO, KASAMA SI NANAY

NGUNIT KINABUKASAN, NG MATAPOS NA AKO’Y MAGPAALAM

NA GUSTO KO NG MAKASAL AT SA TAHIMIK LUMUGAR,

HINDI MO NA KINAYANG LUMABAN

AKALA KO’Y MATAGAL PA ANG IYONG PAGLALAKBAY

NGUNIT BINAWIAN KA NA NG BUHAY,

SI TATAY NAMAN KASI MAYROON PALANG SAKIT NA TAGLAY

PANGHIHINAYANG ANG AKING NARAMDAMAN

PAGKAT HINDI KO MANLANG NASABING IKAW AY MAHAL

GUSTUHIN KO MAN IBALIK ANG ORAS

WALA MAN AKONG KAKAYANANG MAGLIGTAS

SA SAKIT, NA MERON MAN O WALANG LUNAS

PATAWAD TATAY, MAAGA KANG NAHIMLAY

SA LANGIT MAGKIKITA AT MAYAYAKAP

DOON SA LANGIT NA WALA NG WAKAS

SA PANULAT NI CRISTALYN

SI TATAY NAMAN KASI!

3/3