Khuk moson

Tiprasa luku bosongo sirisitini simi sajagwi phaimani kerang kothomarok bebakno Habarbai
gwdaljakmamangno hinwi mano. Bebak kerang kothomaono hukni goron kisa misa nugwi
mano. Hukni simino rwchapmung, mwsamung, kerang kothomarok achaio. Kerang kothoma
wngkha chini hodani kaisa hukumu. O hukumu mukumuno mwthangwi narwknani samung
wngkha chini borokrokni. O hukumuno tabukni jorao jotoni bwswkango phunugwi awainani
bagwino thungnukrok mwsawi phunukjago. Sirisitini simi khukbai khugo kochogwi phaijak
kerang kothomarok swiwi narwknai kwrwi agini jorarogo. Aboni ulo wansukwrwi,
swikwrwngrokni bisingtwi swiwi narwkjakha. Tamoni hinba kerang kothomarokno swiwi
narwkya hinkhe abo salsaya salsa sajakyate sajakyate komorwi thangnai. Aboni bagwino
swikwrwngrok wansukha thinangni cherai khonairokbo o kothomarokno poriwi saimanatwi
khwlaiwi swiwi narwkha. Aboni bwthaino tabuk manwibtongo.

Habarbai gwdaljak kerang kothomano rwgwi thungnuk mwsajakmani bisingo kaiba wngkha - 1.
Chethuwang

2. Khumpui

3. Kuchukuk Kherembar

4. Nuwai

5. Dungur Raisoksa

Sakani o thungnukrok bebakno huk habarbai gwdaljakmamgno. Bebak thungnukni kothomaono

nugwi mano hukbai kwrwnglaimani goron. O thungnukrokni bisingtwi tiprasa hodani tongmung
chamung, tongkhor, luku raida, hukumu mukumu akorokni sampili nukjago.