‫בס"ד‬

19th Ellul 5783, Yom Shilishi

HALAKHA YOMIT

LeRefuah Shelema Le: Miriam Bat Sarah

Lehatzlakha Rabba Ve Parnasah Tova Le: Lior Lhungdim & Family, Yokheved
Kipgen & Family, Peretz Lungin & Family, Simon Paojangam Haokip & Family,
Khanoch Lhungdim & Family

EREV ROSH HASHANA TENGLEH TZADDIKIM HO LHANVILNA:

Erev Rosh Hashana tengleh khenkhat'in Tzaddikim ho kivuina lhan agavil jiuvin,
migentheiho Tzedakah apejiuvin, taona leh khotona thumna ahabol jiuve. Hiche
chondan hi Tzadik hobouseh kisei ahi. Ajehchu Tzadik khat kivuina lhan chu
muntheng ahi. Hiche munna taona kimang chu aguilhungnom in ahi. Amun a
taona i-mantengleh Tzadik pachun eiho ading'a Pathen kom'a eitaopeh uva
eipanpi theina ding uvin akitaoji'e. Tzadik pa lhan achun nikhat sung'in nivei
akiche ngaipoi. Achemasat achu avel'a chekit ding'a kigelsa ahilevang
akhohpoi. Tzadikim ho lhanvil'a i-cheding tengleh Mikveh a kide aphan,
i-hungdoh teng jongleh Mikveh'a kideding aphai. Koitobang khatchu Mikveh
akidelut theilou ding'a ahileh akhutbeh sil hen, hiche khutsil pahi Brakha
seilouding chuleh Khon khelkhel man angaipoi.

TZADDIK PA LHAN KOMA TAONA:

Tzaddik pa lhan kom achun Tefillat Khovah (Shakharit, Minkha, Arvit) akitao
ngaipoi. Ajehchu Lo'eg La'rash (athipa daichat vaina) kibol khathei ahi. Mithi
pachun ahing nalaiho bang'a taona amanthei loujeh'in Tefillah Khovah hochu
akimang jipoi. Ahinlah Tehillim ho hihen, taona leh thumna dang hovang
akiseitheije. Ajehchu hiche hohi Tefillat Khovah in akisimpoi. Chujongleh eima
ngaichat thumna jong Pathen kom'in akiseitheijin ahi.