EDUKASYON SA PAGPAPAKATAO 9- IKATLONG MARKAHAN

MODYUL 10: KAGALINGAN SA PAGGAWA

Paggawa (kahulugan)
 Ayon sa Laboram Exercens, ang paggawa ay mabuti sa tao dahil sa pamamagitan nito naisasakatuparan
niya ang kaniyang tungkulin sa sarili, kapuwa at sa Diyos. Ang kagustuhang maisabuhay ang layuning ito
ang nagtutulak sa kaniya upang magkaroon ng kagalingan sa paggawa.

Tatlong (3) Katangian ng Kagalingan sa Paggawa

1. Nagsasabuhay ng mga Pagpapahalaga;

- ang mga produktong lilikhain ay bunga nga kasipagan, tiyaga, pagiging masigasig, pagkamalikhain, at
pagkakaroon ng disiplina sa sarili.
A. Kasipagan- pagsisikap na gawin o tapusin ang isang gawain nang buong puso at may malinaw na layunin
sa paggawa.
B. Tiyaga- Pagpapatuloy sa paggawa sa kabila ng mga hadlang sa kaniyang paligid.
C. Masigasig- Pagkakaroon ng kasiyahan, pagkagusto at siglang nararamdaman sa paggawa ng gawain o
produkto kaya ang atensiyon o oras nita ay nakatuon lamang sa produkto o gawaing kaniyang lilikhain.
D. Malikhain- bunga ng mayamang pag-iisp at hindi panggagaya o pangongopya ng gawa ng iba. Kaya
naman dapat ito ay orihinal, bago at kakaiba na produkto.
E. Disiplina sa sarili- Alam ang hangganan ng kaniyang ginagawa at mayroong paggalang sa ibang tao.
Maaari nilang isantabi ang pansariling kaligayahan para sa kapakanan ng ibang tao.

2. Pagtataglay ng Positibong Kakayahan;

- Basic Literacy at mga kasanayan sa pagkatuto na may tatlong yugto (Morato, 2007).
- Magsisilbing susi sa pagtupad ng layuning makagawa ng isang mahusay na produkto o serbisyo.
-Makakamit ang kagalingan sa paggawa ayon sa maayos na pagsasakatuparan ng mga hakbang na dapat
isaalang-alang sa paggawa.
A. Pagkatuto Bago ang Paggawa (paggawa ng plano na gabay sa pagbuo ng isang gawain)
- pagbuo ng layunin; paglalarawang ng mga indikasyon ng mga inaaasahang kalalabasan; pagbuo ng mga
angkop na konsepto na magpapaliwanang sa gawain; pagtukoy ng paraan o istratehiya sa pagawa batay sa
konseptong binuo; paghahanda ng mga kagamitang gagamitin; pagtukoy sa mga tutulong sa mga
pagsasagawa ng gawain; pagtatakda ng kakailangang panahon upang isagawa ang gawain.
B. Pagkatuto Habang Ginagawa
- pagkilala sa iba’t ibang estratehiya na maaaring gamitin upang mapadali ang pagsasakatuparan ng mga
tunguhin sa pamamagitan ng pagtatala ng mga konkretong hakbang upang maisagawa ang proyektong napili
at mga posibleng kahaharapin probklema at solusyon sa mga ito.
C. Pagkatuto Pagkatapos Gawin ang Isang Gawain
-yugto ng pagtataya sa naging resulta o kinalabasan ng gawain. Sa puntong ito, malalaman mo ang mga kilos
at pasiya na dapat panatilihin at baguhin.

3. Nagpupuri at nagpapasalamat sa Diyos

MGA KATANGIAN NA NAKATUTULONG SA PAGKAKARON NG MATALINONG PAG-IISIP UPANG

MAISABUHAY ANG KAGALINGAN SA PAGGAWA (GELBM 1998)

1. Pagiging Palatanong (Curiosita)

- ang taong mausisa ay may likas na inklinasyon na alamin ang mga bagay-bagay sa kaniyang paligid. Marami
siyang tanong na hinahanapan niya ng sagot at hindi siya makuntento sa sa sa simpleng sagot o mababaw na
kahulugan na kanyang nariinig o nabasa.
-ang pagtatanong at pagbubuo ng problema ay isa sa labing anim na Gawi ng isip (habits of mind) na
mahalagang linangin sa mga kabataan (Costa & Kallick, 2000).

2. Pagsubok ng Kaalaman Gamit ang Karanasan, Pagpupunyagi (Persistence) at ang Pagiging Bukas
na Matuto sa mga Pagkakamali (Dimostrazione)
- Pagkatuto mula sa mga hindi malilimutang karanasan sa buhay upang maging matagumpay at maiwasang
maulit ang anumang pagkakamali. Dahil sa mga karanasang ito, natututo ang isang tao na tumayo at muling
harapin ang hamon na gumawa muli.
3. Patuloy na Pagkatuto Gamit ang Panlabas na Pandama bilang Paraan Upang Mabigyang-buhay ang
Karanasan
- Tumutukoy sa tamang paggamit ng mga pandama sa pamamaraang kapaki-pakinabang sa tao.
Hal. Hindi hadlang ang kakulangan ng bahagi nang katawang upang maisakatuparan ang tunguhin.

4. Pagiging Bukas sa Pagdududa, Kawalang Katiyakan (Sfumato)

- Pagiging bukas ng isip sa mga sitwasyong walang katiyakan ng isang bagay, mga bagay na hindi pamilyar,
mahirap alamin o ipaliwanag , o may higit sa isang interpretasyon o kahulugan

5. Ang Paglalapat ng Balanse sa Sining, Siyensiya, Lohika ay Imaginasyon (Arte/Scienza)

- Pagbibigay halaga nang may balanse paghahanap sa kagandahan at katotohanan gamit ang sining at
siyensiya.

6. Ang Pananatili ng Kalusugan at Paglinang ng Grace, Poise (Corporalita)

- Tamang Pangangalaga sa katawan ng tao upang maging malusog at maiwasan ang pagkakaroon ng
karamdaman; kasama na rito ang pag-iwas sa bisyo na nakasasama sa katawan.

7. Ang Pagkilala sa Pagkakaugnay-ugnay ng Lahat ng Bagay (Connessione)

- Pagkilala at pagbibigay-halaga na may kaugnayan lahat ng bagay at mga pangyayari sa isa’t isa.
- Law of Ecology, “Everything is connected to everything else”

TANDAAN: Ang pinakamahalaga sa lahat ng pagpapahalaga upang masabi na ang paggawa ay kakaiba, may
kalidad at kagalingan ay kung ito ay naaayon sa KALOOBAN NG DIYOS at iniaalay bilang paraan ng papuri at
pasasalamat mula sa Diyos.

THIRD QUARTER-MODYUL 10- ACTIVITY SHEET-GRADE 9

ISULAT ANG SAGOT SA ESP NOTEBOOK. BASAHIN ANG MODYUL BAGO ITO SAGUTIN.

GAWAIN 1: IHANAY ANG COLUMN A SA COLUMN B, ISULAT ANG LETRA NG WASTONG SAGOT
COLUMN A COLUMN B
1.Pagpapatuloy sa paggawa sa kabila ng mga hadlang sa A.CURIOSITA
kaniyang paligid
2.pagbuo ng layunin B.DISIPLINA SA SARILI
3.ang taong mausisa ay may likas na inklinasyon na alamin ang C.PAGGAWA
mga bagay-bagay sa kaniyang paligid
4.pagkilala sa iba’t ibang estratehiya na maaaring gamitin upang D. PAGKATUTO BAGO ANG PAGGAWA
mapadali ang pagsasakatuparan ng mga tunguhin
5. Alam ang hangganan ng kaniyang ginagawa at mayroong E. TIYAGA
paggalang sa ibang tao
6. mabuti sa tao F. CORPORALITA
7. Pagiging bukas ng isip sa mga sitwasyong walang katiyakan G. CONNESSIONE
ng isang bagay
8. Pagkilala at pagbibigay-halaga na may kaugnayan lahat ng H. ARTE/SCIENZA
bagay at mga pangyayari sa isa’t isa.
9. Pagbibigay halaga nang may balanse paghahanap sa I.SFUMATO
kagandahan at katotohanan gamit ang sining at siyensiya
10. Tamang Pangangalaga sa katawan ng tao J. PAGKATUTO HABANG GINAGAWA

GAWAIN 2: Bigyang kahulugan ang “Ang mahusay na paggawa ay pagpapahayag ng pag-ibig sa bansa”-anonymous

GAWAIN 3: Magsulat ng tiglilimang positibo at negatibong ugali na makapagdudulot ng positibo at negatibong epekto
sa paggawa