Ka Poim “Ko Duitara Jong Nga” ka dei kaba u myllung V.

G Bareh u la kren bad pynpaw shaphang ka

jingshem bad iakynduh jong u bad ka Duitara. Haba ngam jylliew ia kane ka poim la sngewthuh ba u
myllung hi haba u kren shaphang ka Duitara u thew sha ka Poitri. U myllung ha kane ka poim u
kyntiew nam bad pynkhraw ia ka poitri. Ha ka jingshem ka jong u myllung ka Duitara ka don ia ki sur
ba phylla ban kynud. Ka Duitara ka don ka bor ba khraw ban rah bad ban ialam biang ia u myllung sha
ka juk ki aiom ksiar.

Ha ka jingshem u myllung ka duitara ka don ryngkat bad u ha ki por baroh. Ka Duitara ka hun
ban don bad u watla u dei u briew ba duk ba raitong. U myllung u shem ba ka duitara ka iai ap ia u
lada u iaid sakma ha ki jingkhuslai bad dei tang ka duitara hi kaba tbeh jingshai ia ka trep jong u. Ka
duitara ka don ha ka jingim jong u la ka long ha ki ‘law kynjah, ha ka por shiteng synia bad wat ha ka
jingphohsniew ruh.

Ka duitara ha u myllung ka long ruh ka nongsynran bad pynshngain dohnud ha ka por jong ki
jingeh bad jingkhuslai la ki dei ki jingpang jingshitom ba u kynduh. U myllung hi um ioh jngtngen
nangno nangno lait na ka duitara kaba ieit ia u. Tang shu iashem bad ka duitara ka pynlong ia u
myllung ban klet lut ia ki jingeh ba u iaid lynti ha ka jingim jong u. u myllung u pynpaw kumne:

“Ko duitara ba ud

Ba synran pynshngain dohnud”

Ha kaba khatduh hi u myllung u pynpaw ba um lah shuh ban kynmaw naduh mynno ba u iashem bad
ka duitara; hynrei namar ka jinglong babha jong ka; u myllung u rai kut ban iaid ryngkat bad ka
shaduh jingtep. U myllung u pynpaw kumne:

“Bad Pha haduh jingtep”

Ka jingieit khlem kut jong ka duitara ban iarap ban ai mynsiem bad pynshngain ia u myllung u ba
raitong ka pynlong ia u myllung ban im ryngkat bad ka ha ka lynti jingim pyrthei.