DR. FRANCISCO R.

REYES MEMORIAL
UNITED METHODIST CHURCH
Ascomo, Guagua, Pampanga
THANKSGIVING SERVICE
TAHIMIK A PAMIBULE-BULE
AUS KING PAMANIAMBA: (Dalit 105: 1-2)
M O munie kayung kapasalamatan king Ginu, maus kayu king lagyu na, sablang keying depatan
karing tau kekong sabian. Magkanta kayu para king Ginu, pagkanta yeng kapurian, ibalita yu ing
makapagmulala nang depatan.
ING DALIT KAPURIAN: MATULA SASAMBAN DAKA
(Joyful, Joyful We Adore Thee)
Matula sasamban da Ka, Dios ning lugud at Gloria, Pusu mi anting sampaga, Bubukadkad la Keka,
Itabi Mung sablang lulam, lungkut, kapikakunuan, Talapamie kaligayan, bie mi king bie Mu katmuan.
Sablang dapat Mu pupuri, Ligaya keka babie, Batuin at angel gagale, kapurian alang anti,
Marangle bunduk at gubat, at mayalun a dagat, Batis, ayup a magkoplas muri Keka managkat.

*Malam ka at mamatawad inya nuan Ka karing lat, Sibul na ning tulang wagas, malalam alang kabas,
Ibpa ra Ka at i Cristo, Mangabus mi ya’t Ginu, Mikalugud ke sa’ng tau, Kalupa ning lugud Mu. Amen!

* PAMUKLAT A PANALANGIN:
* BABASAN PIPAKIBATAN: (Josue 1: 6-9)
M – Tatagan mu ing lub mu at magtiwala ka, uling ika ing manimuna kareting taung deti kabang
sasakupan de iting gabun a pengaku kung ibie karing makatua da.
K MAGPAKATATAG KA, MAGTIWALA KA AT PAGKAPILITAN MENG TUPARAN ING
KABILUGAN NA NING KAUTUSAN A BINIE NA KEKA NING TALASUYU KUNG I
MOISES.
M Eka lilisia king isanu man karing kautusan at magtagumpe ka nu ka man munta.
K PARATI MENG BABASAN ING LIBRU NA NING KAUTUSAN, PAGARALAN ME NENG
ALDO AT BENGI AT TUPARAN MU ING SABLANG MAKASULAT.
M Kanita mibandi ka at magtagumpe.
Sabla: EMU KAKALINGUAN ING INUTUS KU KEKA: TATAGAN MU ING LUB MU AT
MAGTIWALA KA. EKA TATAKUT O PAISIRA LUB ULING AKU, ING GINUNG KEKANG
DIOS, KAYABE MU KU NUKARIN KA MAN MUNTA.

* GLORIA PATRI:
Ligaya king Dios Ibpa, king Anak king Espiritu Santo
Menibatan ya king mula, Ya ing ngeni ampon Ya’ng alanangga. Amen! Amen!
* PANGABASA NING BANAL A KASULATAN Makawili, makawili! Amanu na ning bie (2x)

ING MENSAHE:

ING DALIT KAPASALAMATAN: ULI DING KAKU MANUALA’T MANALIG

(I Would Be True)
Uli ding kaku manuala’t manalig, Magtapat ku at maging malinis,
Uli ning pakiarapan a masakit, Magtatag ku ampon magkapilit.
Magtatag ku ampon magkapilit.

Maging tune da kung kakaluguran, Ding maina at alang katambayan,

Magkalub ku’t e manayang ablasan, Maging mamu ku uli ning keinan,
Maklis lugud, sumap at tumiman.

* Uli niti sikanan dinan mu ku, ban matupad kaburian mu Ginu,

Nung Ika ing pane kayantabe ku, Apaligayan ku ing lagyu Mu,
Apaligayan ku ing lagyu Mu. Amen!
* ING PANYARANG PANALANGIN
* ING BENDISYUN
* ATLUNG AMEN!