Ang pag-aaral na isinagawa ni Noval(2020) ay nagbigay-diin sa pag-usbong ng balbal o slang na

pananalita bilang isang modernong wika ng kabataan. Sa mga salitang balbal, ang karaniwang
estruktura ay ang pagsasama-sama ng iba't ibang salita, na ginagamit hindi lamang para sa
kaligayahan, kundi rin para sa pagpapahayag ng sarili, pagiging trendy, at pakikipag-socialize.

Ang pag-usbong ng ganitong uri ng pananalita ay hindi nangyari nang walang dahilan. Maraming mga
bagay ang nag-ambag dito, kasama na ang teknolohiya, mga gadget, social media, kaibigan, at mga
artista na kinahuhumalingan ng mga kabataan.

Ang pag-angkop at pagtanggap ng balbal sa linggwistikong kalagayan ng isang lipunan ay nagpapakita

ng kung paano ito tinatanggap ng mga nagsasalita. Sa kabuuan, ang balbal na pananalita ay hindi
lamang nagpapakita ng pagbabago at pag-angkop ng wika sa kasalukuyang panahon, kundi isang
pagpapahayag din ito ng kultura at pagkakakilanlan ng mga kabataan.

Kaya't habang patuloy ang ating pagkilala at pagtanggap sa mga pagbabago ng wika, huwag nating
kalimutan na ang balbal ay isang makabagong anyo ng wika na nagpapakita ng patuloy na ebolusyon
nito, at higit sa lahat, isang salamin ito ng modernong henerasyon.

https://www.researchgate.net/publication/346700877_Pag-
usbong_ng_balbal_na_pananalita_bilang_modernong_wika_ng_kabataan_Isang_pagsusuri

Ayon kay Velazquez (2024) sa kasalukuyang panahon, nagaganap ang isang malaking pagbabago sa
wikang Filipino na nagdulot ng pag-usbong ng wikang balbal na siyang namamayani sa mga kabataan
ngayon. Sa kagustuhan ng mga kabataan na magkaroon ng sariling identidad at paraan ng
komunikasyon, hindi na mapigilan ang paggamit ng balbal sa iba't ibang online na plataporma tulad
ng Facebook at iba pa. Sa kabila nito, patuloy ang pagtangkilik ng mga gumagamit sa wikang ito.

Ang semantiko histo-sosyolohikal na batayan ang nagsilbing gabay upang masuri ang mga GenZ na
gumagamit ng salitang balbal sa siyudad ng Davao, partikular na sa Brgy Malvar. Layon ng pag-aaral
na maikategorya, at maitala ang kahulugan at etimolohiya ng mga salitang nakalap. Ginamit ang
kwalitatibo at deskriptibo na pamamaraan sa pagsasagawa ng pananaliksik. Nagsagawa rin ng
interbyu ang mananaliksik gamit ang mga online platform, partikular ang messenger. Ginamit ang
convenience sampling sa pangongolekta ng datos mula sa mga respondenteng GenZ na may edad na
labing anim (16) hanggang apat napo't tatlong (23) taong gulang na may kakayahang sumagot sa
panayam.

Sa isinagawang pagsusuri, naikategorya ang wikang balbal sa mga sumusunod; hango sa wikang
katutubo; hiram sa wikang banyaga; nagbibigay ng bagong kahulugan at iba pa. Ang pag- aaral na ito
ay nagpakita ng mga positibong epekto ng ebolusyon ng slang, ang pag-imbento ng sikat na GenZer,
at ipinakita kung paano naiimpluwensyahan ng mga panlipunang tradisyon at kultura ang
pagkamalikhain.

Ang balbal ay isang midyum ng komunikasyon sa pagitan ng mga Kabataang nasa parehong edad.
Halos lahat ng aspeto ng lipunan ay apektado. Ang wikang Filipino ay higit na naapektuhan ng
pagbabagong ito, na nagdudulot ng panganib sa pagkatuto ng mga kabataan ng opisyal na wika gamit
ang mga macroskills. Ngunit, sa kabila ng mga hamon, patuloy pa rin ang pag-unlad at pag-angkop ng
wika sa kasalukuyang panahon.

https://www.researchgate.net/publication/378337980_Semantikong_Histo-Sikolohikal_na_Pag-
aaral_Piling_Balbal_na_Salita_ng_mga_Batang_Gen-Z_sa_General_Malvar_St_Siyudad_Davao?
_sg=AQMpa7B_gTP_Zh6u98-
8hvounmraiaPzmmQL6jDibBZxV03fUD8T6lXGTtodyKpc1vWOG5ZsAwIJeao&_tp=eyJjb250ZXh0Ijp7Im
ZpcnN0UGFnZSI6Il9kaXJlY3QiLCJwYWdlIjoiX2RpcmVjdCJ9fQ