PC-SEFF321.

Requirements for this paper/Benodighede vir hierdie vraestel: Resources/Hulpmiddels:

Answer Scripts/ Multi-choice cards (A4)/

Antwoordskrifte: X Multikeusekaarte (A4)
Attendance Slips (Fill-in Paper)/ Graph Paper/
Presensiestrokies (Invulvraestel): GrafiekPapier
Scrap Paper/ Calculators/
Rofwerkpapier Sakrekenaars
Multi-choice cards (A5)/ Laptop (Power not provided)/
Multikeusekaarte (A5) Skootrekenaar (Krag word nie voorsien nie)

Type of Assessment/ Duration/ 3

Tipe Assessering:
Exam Opportunity:1 Tydsduur:

Paper Number/ Maximum Marks/ 100

1
Vraestel Nommer: Maksimum Punte:

Module Code/ SEFF321 Date/ 2018/11/06

Modulekode: Datum:

Examiner(s)/ FDG Dlavane-PC;E Nkwe-MC; Time/

09:00:00
Eksaminator(e): Tyd:

Internal/Interne
Moderator(s): IB Lesabe-PC

External Moderator(s)/
Eksterne Moderator(s):

Submission of answer scripts/Inhandiging van antwoordskrifte: ORDINARY

Ditaelo

1. Buisa dipotso tsotlhe ka kelotlhoko.

2. Tlhatlhobo e e na le dipotso di le nne. Tlhokomela gore o araba dipotso tsotlhe.

3. Kwala dinomoro tsa dikarabo ka nepagalo.

4. Mopeleto o o fosagetseng o tlaa go jela maduo, ka jalo tlhokomela gore o kwala ka

mopeleto o o nepagetseng.

Potso 1

1.1 Tlhalosa lereo Puobokao. (2)

1.2 Tlhalosa pharologano fa gare ga popego le tiriso tsa polelwana le polelo. (4)

1.3 Sedifatsa ditlhaloso tse di fa godimo (1.2) ka dikao. (2)

1.4 Ngwana o rutega le go ithuta Puo ka ditsela tse di farologaneng. Sedifatsa ntlha e ka go supa ka go taka
setshwantsho se se supang kgolagano ya dintlha tse di bopang puo. (8)

1.5 Supa thulaganyo ya popego ya Puo ka tiriso ya sethalo. (6)

1.6 Mafoko a na le boleng jo bo kayang bokao jwa ona. Umaka boleng jwa bokao jwa mafoko a a latelang
ka dintlha di le pedi mo go e nngwe le e nngwe.
1.6.1 motsetse
1.6.2 leradu
1.6.3 setlhare (6÷2=3)
[25]

Potso 2

2.1 Setswana jaaka dipuo tse dingwe, se dirisa mafoko a a lomaganyang moelelo wa dipolelwana le

dipolelo mo dikwalong go tlhagisa tshedimosetso kgotsa molaetsa o o rileng. Nopola mafoko a mofuta o

go tswa mo nopolong ya “O re tshegisa ka baditšhaba” e e mo tsebeng ya 3. Tlhalosa seabe sa lefoko

lengwe le le lengwe mo mmuisanong o Malope a re o tlhagisetsang. (10)

2.2 Morongwe le mosadimogolo MmaMualebe ba ngangisana ka ga eng kwa tshimologong ya ditiragalo tsa

kgangkhutshwe mo tsebeng ya 3? A o akanya gore tumelano e ba e fitlheletseng e siame? Tshegetsa

ntlhakemo ya gago ka mabaka. (10)

SEFF 321: Pampiri ya 1 | Tlhatlhobo Tšhono ya 1 | UODL, Full-time 1/3

2.3 Tlhalosa ka go ranola dipolelo tse di latelang tse di nopotsweng mo kgatisong ya “O re tshegisa

ka baditšhaba” e e mo tsebeng ya boraro.

2.3.1 “… botshelo jwa monomotlha bo ithontshitse mosalagae”.

2.3.2 “Bo mo tsaya ka la molema fela jaaka bo dira ka ńná yotlhe”.

2.3.3 “… mme `tsatsi leo a ne a tlile ka namana, a sa romeletsa”.

2.3.4 “a ntse a ipharile mo legogong motho wa tsopa la maloba, pele a araba”.

2.3.5 Mo polelong e e fa tlase, ke lefoko lefe le le kayang gore re dirisitswe segagabi.

“… kwa phefo e neng e letsa molodi o mosesanyane

jaaka mokwepa, mme e babola jaaka sebaoba sa tshimo”.

(5)

[25]

Potso 3
3.1 Go na le mefuta e mentsintsi ya ditogamaano tsa go ruta puisotlhaloganyo tse morutabana wa Kgato ya
Motheo a ka di dirisang. Tlhalosa di le tlhano tse o di itlhophelang mme o tlhalosa le gore di tlaa di
tsamaisa jang ka nako ya thuto. (5x3=15)

3.2 Tlhalosa ka botswapelo gore o tlaa tsamaisa jang thuto ya go ruta bokgoni jwa go reetsa le go bua ka
tiriso ya naane e o tlaa e itlhophelang. (10)
[25]

Potso 4
4.1 Ka dintlha di le pedi, farologanya fa gare ga dikwalo tsa tshedimosetso le tsa boitlhamedi. (2)

4.2 Ka dintlha di le pedi, tlhalosa diponagalo tsa dikwalo tsa bana. (2)

4.3 O tshwanetse go tlhatlhoba puiso mo Mophatong wa bobedi. Tlhama rubiriki e o tlaa e dirisang go
tshwaya tiro e. Rubiriki ya gago e tlhatlhobe ditlha di le tlhano. (5)

4.4 Tlhalosa mekgwa e mebedi ya tlhatlhobo e e sa tlhomamang e o tlaa e dirisang go tlhatlhoba puiso ya
Mophato wa boraro (4x4=16)
[25]

SEFF 321: Pampiri ya 1 | Tlhatlhobo Tšhono ya 1 | UODL, Full-time 2/3

 PALOGOTLHE: 100
File reference: 8.1.7.2.2

SEFF 321: Pampiri ya 1 | Tlhatlhobo Tšhono ya 1 | UODL, Full-time 3/3