Sa bawat paglipas ng panahon ay napagtanto ng lahat na ang kakayahan ng
bawat tao ay pantay lamang na binigay o ibinahagi ng Diyos, na kung matutunan nating pagsama-samahin ito ay makabubuo ng isang maunlad na kumunidad na kung saan ay matatamasa ang kalayaan o mamuhay kasama ng ibang tao at iba pang nilalang na naninirahan sa mundong ito, maaaring ito ay mga tkababaihan, kalalakihan, mga hayop , halaman at iba pa. Ang mga kababaihan ay kinilala bilang mahihinang nilalang sa lahat ng tao, kinilala rin bilang mangmang, walang kakayahang makapag desisyon para sa sarili, walang silbi sa lipunan at iba pang klase ng deskriminasyon at pagapak sa pagkatao ng mga kababaihan ang narinig mula sa ibang tao. Sa takot at patuloy na panghuhusga mula sa mga kinilalang perpektong tao ay ang siyang rason ng pagkawala ng boses na ipaglaban ang karapatan ng kababaihan, isama mo pa ang pagkawala ng kanilang kumpiyansa sa sarili. Samu’t saring karahasan, at mga mapangabusong pangyayari ang naranasan ng mga kababaihan bago makamit ang pinakainaasam na kalayaang mamili ng pamumuhay na siyang ninanais, na makawala sa pangaalipusta at pagmamaliit ng ibang tao. Nabigyan ng pagkakataon ang mga kababaiihan upang baguhin ang perspsyon ng mga tao tungkol sa mga kababaihan sa pamamagitan ng edukasyon na siyang susi sa pagbukas ng oportunidad upang sila’y makatayong muli, unti unti rin ay nabawasan ang pagmamaliit at pang aabuso ng mga kalalakihan sa mga kababaihan. Hindi natin masasabi na tuluyan na talagang malaya ang mga kababaihan sa deskriminasyon ngunit hindi ito kasing tindi katulad ng nakaraan. Hanggang ngayon, tayo ay maaaring makaranas parin ng deskriminasyon at pang aabuso mula sa mga kalalakihan, ito ay nararapat na lamang na palakasin ang kapagyarihan ng mga kababaihan upang matigil ang anumang karahasan nagaganap. Hindi man maniwala ang mga tao sa ating naranasan, may kakayahan naman tayong makaalis sa masalimuot na pangyayari. Natamasa ng mga kababaihan ang magkaroon ng batas upang maprotektahan ang kanilang sarili mula sa anumang pang aabuso laban sa kalalakihan. Napatunayan natin sa lahat na kaya nating tumayo sa mga sariling paa at gawin kung ano rin ang kayang gawin ng mga kalalakihan, matuto o mag aral, magdesisyon para sa sarili, matatag na kalooban at iba pa. Naipakita rin natin ang ating kakayahang lumaban mula sa mapang-alipustang kalalakihan, Ang babae ay dapat ginagalang. Ang babae ay dapat inaalagaan at minamahal. Kahit ano pang kaunlaran ang ating maabot, ito ay mawawalang halaga kung hindi tayo marunong kumilala sa dignidad ng bawat isa. Ang karahasan sa kababaihan ay isang pagyurak ng dignidad hindi lamang ng babae, kundi ng sangkatauhan. SANGGUNIAN: http://manueltonidobanquito.blogspot.com/2012/02/para-sa-mga-kababaihan.html https://www.veritas846.ph/karahasan-laban-sa-kababaihan/