Enviromental Sci TES 201 Edited by Yosef After Final Check

Biiroo Barnoota Oromiyaa
Kolleejjii Barnoota Barsiisotaatti

Leenjii Sagantaa Diploomaa
Malleen Saayinsii Naannoo Barsiisuu I

Sadarkaa Tokkoffaa, Marsaa Tokkoffaaf
(TES. 201)
Bara 2011 ALI

FINFINNEE
Malleen Saayinsii Naannoo Barsiisuu
Sadarkaa Tokkoffaa, Marsaa Tokkoffaaf
(TES. 201)
Qopheessitoonni:
▪ Alamaayyoo Qannoo (MSc) KBB Naqamtee
▪ Duulaa Daaksaa (MSc) KBB Naqamtee
▪ Gosaa Girmaa (Asst. Professor) KBB Asallaa
Gulaaltonni:
▪ Caalaa Raggaasaa (MSc) Yuuniversitii Finfinnee
▪ Darrasaa Tarfaa (MSc) Yuuniversitii Metiropooliitanii Kotobee
Gulaalaa keessa-deebii
▪ Birahaanuu Lataa (BSc)
Dursaa Garee fi Gorsitoota:
▪ Bal’inaa Tarfaasaa (PhD)
▪ Caalaa Raggaasaa (MSc)
▪ Yooseef Ayyalaa (MA)
BIIROO BARNOOTA OROMIYAA i

Baafata
Qabiyyee fuula
Baafata .......................................................................................................................................................... ii
Galata ........................................................................................................................................................... iv
Haala Waliigalaa Korsichaa ........................................................................................................................... v
BOQONNAA 1: HIKAAFI BARBAACHISUMMAA SAAYINSII NAANNOO ...................................................... 1
1.1 Seensa .............................................................................................................................................. 1
1.2 Saayisiin Maali? ............................................................................................................................... 1
1.3 Naannoon Maali? ............................................................................................................................. 3
1.4 Saayinsii Naannoofi Qabiyyeewwan Isaa ........................................................................................ 6
1.5 Saayinsii Naannoo Maaliif Baranna?............................................................................................... 8
1.6 Galma, Akeekaafi Kaayyoo Saayinsii Naannoo Barsiisuu .............................................................. 9
1.6.1 Galma Barnoota Saayinsii Naannoo ...................................................................................... 9
1.6.2 Kaayyoo Gooroo Barnoota Saayinsii Naannoo ................................................................... 10
1.7 Yaad-bu’uura (Pirinsippiloota) Agarsiistuu Saayinsii Naannoo Barachuu.................................... 11
1.8 Saayinsii Naannoo Irratti Hub-Dogongoraa Daa’imman Mudachuu Danda’an. ........................... 11
1.9 Sadarkaa Guddinaa fi Barnoota Ijoollee ........................................................................................ 13
1.10 Maloota Saayinsaawaa fi Ogummaa Adeemsa Saayinsaawaa....................................................... 15
1.10.1 Maloota Saayinsaawaa ......................................................................................................... 15
1.10.2 Ogummaa Adeemsa Saayinsaawaa ...................................................................................... 21
BOQONNAA 2: MALOOTA BARUUFI BARSIISUU BARNOOTA SAAYINSIINAANNOO ................................... 31
2.1 Seensa ............................................................................................................................................ 31
2.2 Mala Od-ibsaa ................................................................................................................................ 32
2.3 Mala Sammuu Dhiluu .................................................................................................................... 34
2.4 Agaree fi Gahee Taphachuu........................................................................................................... 36
2.5 Moodeela Qopheessuun Barachuu ................................................................................................. 38
2.6 Mala Rakkoo Hiikuu ...................................................................................................................... 39
2.7 Mala Yaalii .................................................................................................................................... 41
2.8 Mala Maappii Yaad-rimee ............................................................................................................. 42
2.9 Mala Falmii .................................................................................................................................... 45
2.10 Mala Waanan Beeku, Waanan Barachuu Barbaaduufi Waanan Baradhe ...................................... 47
2.11 Mala Diraamaafi Gahee Taphachuu .............................................................................................. 48
2.12 Mala Imala Dirree yookiin Daawwannaa Dirree ........................................................................... 49
2.13 Mala Jiigsaawaa ............................................................................................................................. 51
2.14 Mala Tapha Pazilii ........................................................................................................................ 52
2.15 Mala “Goldfish Bowl” ................................................................................................................... 54
2.16 Mala Marii ..................................................................................................................................... 55
2.17 Mala Piroojektii ............................................................................................................................. 57
2.18 Mala Abbaltii ................................................................................................................................. 58
2.19 Mala Aadaa (Hibboo) Fayyadamuun Barsiisuu ............................................................................. 59
2.20 Mala Seenessuun Barsiisuu............................................................................................................ 61
2.21 Mala Keessummaa Affeeruun Barsiisuu........................................................................................ 61
2.22 Mala Gaaf-argannoon Barsiisuu .................................................................................................... 62
2.23 Mala Gamtaan Barachuu................................................................................................................ 64
BIIROO BARNOOTA OROMIYAA ii

BOQONNAA 3: IYYAAFANNOO, YAAD-DEEBII KENNUUFI FOOYYA’INSA BARATTOOTAA .......................... 67
3.1 Seensa ............................................................................................................................................ 67
3.2 Iyyaafannoo Walittifufaa Imaammata Barnootaafi Dookmentoota Barnootaa Adda Addaa
Keessatti ......................................................................................................................................... 68
3.3 Maalumma Iyyaafannoo ................................................................................................................ 70
3.4 Barbaachisummaa Iyyaafannoo ..................................................................................................... 70
3.5 Akaakuuwwan Iyyaafannoo........................................................................................................... 71
3.6 Iyyaafannoo Walitti Fufaa Keessatti Tooftaalee Odeeffannoon Ittiin Walitti Qabannu ................ 74
3.7 Iyyaafannoo Keessaatti Tooftaalee Gaaffii .................................................................................... 77
3.8 Amaloota Iyyaafannoo Gaarii ........................................................................................................ 80
3.9 Barattoota Hedduu (Daree Bal’aa) Barsiisuufi Iyyaafachuu ......................................................... 82
3.10 Yaad-Deebii Walitti Fufaa Kennuu fi Galmeessuu ....................................................................... 87
3.10.1 Yaad-Deebii Walitti Fufaa Kennuu...................................................................................... 88
3.10.2 Gahumsa Barachuu Yoo Xiqqaate Gonfatamuu Qabuufi Fooyya'iinsa Barachuu Barataa
Galmeessuu .......................................................................................................................... 91
3.11 GBYXGQ Saayinsii Naannoo Kutaa 1 - 4tti Jiran Bu’uureffachuun Gaaffilee Iyyaafannoo
Xumuraa Qopheessuufi Gaaffilee Bahan Madaaluu ...................................................................... 93
3.12 Barattoota Fedhii Addaa Iyyaafachuu............................................................................................ 97
3.13 Gahee Hirmaannaa Maatii Barachuu Barattootaa Foyyeessuu Keessatti ...................................... 98
BOQONNAA 4: MEESHAALEE BARUU-BARSIISUUfi KAROORA BARNOOTAA ........................................... 102
4.1. Seensa .......................................................................................................................................... 102
4.2. Meeshaalee Baruufi Barsiisuu ..................................................................................................... 103
4.2.1 Seensa................................................................................................................................. 103
4.2.2 Meeshaalee Baruu-barsiisuu Fooyyessuu .......................................................................... 104
4.2.3 GBYXGQ fi Faayidaalee Meeshaalee Baruufi Barsiisuu .................................................. 107
4.2.4 Gosoota Meeshaalee (Miidiyaalee) Baruu-Barsiisuu ........................................................ 109
4.2.5 Amaloota Meeshaalee Barnootaa ....................................................................................... 110
4.2.6 Qajeeltoowaan Itti-Fayyadama Meeshaalee Barnootaa ..................................................... 111
4.2.7 Fakkeenyota Muraasa Meeshaalee Baruu-Barsiisuu Siilabasii Saayinsii Naannoo Kutaa 1-4
Keessatti Eeramaniifi Hojiirra Oolan ................................................................................. 112
4.3 Karoora barnootaa........................................................................................................................ 118
4.3.1 Seensa................................................................................................................................. 118
4.3.2 Meeshaalee Sirna Barnootaa .............................................................................................. 118
4.3.3 Karoora Barnootaa fi Yaa’a Karoora Barnootaa ................................................................ 120
4.3.3.1 Karoora Barnoota Waggaa ................................................................................................. 121
4.3.3.2 Karoora Boqonnaa ............................................................................................................. 123
4.3.2.3. Karoora Barnoota Guyyaa ................................................................................................ 123
4.2.3.4 Karoorsuu Keessatti Moodeela Barannoo Ijaarsa “E” Shananii ........................................ 127
4.2.3.4 Daawwannaa fi Sakattaìnsa Barannoo .............................................................................. 131
4.4 Gochaa Yookiin Amaloota Barsiisaan Gaariin Tokko Ittiin Beekamuu ...................................... 132
Kitaabilee Wabii ........................................................................................................................................ 136
BIIROO BARNOOTA OROMIYAA iii

Galata
Biiroon Barnoota Oromiyaa, moojuula ”Mala Saayinsii Naannoo Sadarkaa 1ffaa

Marsaa 1ffaa Barsiisuu” (TES 201) kana, bifa haaraatiin akka qophaa’uuf kan
deeggarsa nuu taasise, Dhaabbata gargaarsaa UNICEF guddaa galatomfanna.
Biiroo Barnoota Oromiyaa
BIIROO BARNOOTA OROMIYAA iv

Haala Waliigalaa Korsichaa
I. Barbaachisummaa Koorsichaa
✓ Koorsiin kun kan Barbaadameef, sagantaa Dippiloomaan Herregaafi Saayinsii Naannoo Irratti
Ogummaa Barsiisummaan Kan Leenji’aniif.
✓ Kaadhimamtoonni barsiisotaa sagantaa dippiloomaan herregaafi saayinsii naannoon ogummaa

barsiisummaan leenji’anii saayinsii naannoo barsiisuu, barachuu barattootaa iyyaafachuufi
iyyaaffannoo maraa adeemsiisuu, meeshaalee barnootaa saayinsii naannoo barsiisuuf oolan
qopheessuu, fooyyessuufi ittifayyadamuu, hub-dogongoraa adda baasuu, malleen baruu
barsiisuu garaagaraaf qajeelfamoota qopheessuufi karoora barnootaa qopheessuu isaan
dandeessisu sirriitti gabbifachuun saayinsii naannoo kutaaa 1-4 rakkoo tokko malee barsiisuu
akka danda’aniifidha.
II. Haal-duree Koorsichaa

✓ Koorsii kanatti guutumaa guutuutti milkaa’uun qabxii gaarii argachuuf koorsiwwan saayinsii
bu’uuraa lamaaniifi koorsiiwwan oogummaa barsiisummaa barattee darbite (Saayinsii
bu’uuraa I fi II, Safaraafi maddaallii, Sirna barnootaafi baruu-barsiisuu mana barumsaa
sadarkaa 1ffaa, Saayinsii gaaffi-argannoo) keessa deebitee dubbisuun yaadachuun sirraa
eegama.
III. Ibsa Koorsichaa

Koorsiin kun kan karoorfame siilabasiiwwaniifi meeshaalee sirna barnootaa saayinsii naannoo
kutaa 1-4tti jiran irratti hundaa’uun: maalummaa saayinsiifi saayinsii naannoo, adeemsa ogummaa
saayinsaawaa, hub-dogongoraa barattootni kutaa 1-4 saayinsii naannoo irratti qaban adda baasuuf
tarsiimoowwan sirreeffama adda addaa barsiisaan rakkoolee mul’atan kana maqsuuf gargaran
gonfachiisuuf akkasumas, malleen baruu-barsiisuu saayinsii naannoo barsiisuuf oolaniifi gahumsa
barachuu yoo xiqqaate gonfatamuu qabu (GBYXGQ) irratti hundaa’uun karoorsuufi barsiisuu,
barachuu barattootaa iyyaafachuu, yaad-deebii kennuufi galmeessuu; akkasumas meeshaalee
BIIROO BARNOOTA OROMIYAA v

barnootaa saayinsii naannoo qopheessuufi fooyyessuun itti-fayyadamuun saayinsii naannoo
barsiisuuf beekumsa, dandeettiifi oogummaawwan barbaachisan akka gonfatan ittiin
leenjisuudha.
Gahumsa Koorsichaa
 Kaadhimamaa/tuu koorsii kana erga barattee xumurtee booda:
Uumamaafi barbaachisummaa barnoota saayinsii naannoo ni ibsita.
Galmaafi kaayyolee gooroo saayinsii naannoo sadarkaa 1ffaa marsaa 1ffaa barsiisuu adda
nibaasta.
Akkaataa daa’imman saayinsii naannoo ittiin baratan addaan ni baafta.
Mata-duree kenname tokko barsiisuuf meeshaalee barnootaa barbaachisan keessaa isaan
ijoo ta’an adda baasuun ni tarreessita, akkasumaas, ni xiinxalta.
Adeemsa baruu-barsiisuu saayinsii naannoo keessatti barattoota fedhii addaa qaban
akkamiin hammachiisuu akka danda’amuufi tarsiimoo akkamii baafachuu akka qabdu
adda ni baafta.
Hub-dogoggoraa saayinsii naannoo kutaa 1-4 daa’imman biratti mul’achuu danda’an
adda baasuun tooftaalee filatamaa maqsuuf gargaaran irratti hubannoo ni argatta.
Mallen baruu-barsiisuu saayinsii naannoo adda addaa yoomiifi akkamitti akka
fayyadaman adda ni baafta.
Mata-duree saayinsii naannoo tokko akka eddattootti fudhachuun maloota baruu-
barsiisuu garagaaraafi qajeelfamootaafi meeshaalee iyyaaffannoo mijaatoo ta’an ni
qopheessita.
GBYXGQ siilabasii saayinsii naannoo kutaa 1-4 irra jiran irratti hundaa’uun tooftaalee
barsiisuufi iyyaafannoo mijataa ta’an filachuun akkaataa hojiirraa oolmaa isaanii wixinee
iddattowwanii ni qopheessita.
Meeshaalee iyyaaffannoo adda addaafi galmee fooyya’insi barachuu barattootaa
keessatti galmaa’an ni qopheessita.
Meeshaalee baruu-barsiisuu baasii xiqqaa yookiin baasii hingaafanne leecalloo naannoo
irraa ni qopheessita.
GBYXGQ Siilabasii, kitaaba barataafi qajeelcha barsiisaa saayinsii naannoo kutaa 1– 4
irra jiran irratti hundaa’uun gaaffilee iyyaafannoo ni qopheessita.
BIIROO BARNOOTA OROMIYAA vi

Karoora waggaa, seemisteeraa, boqonnaafi barannoo saayinsii naannoo sadarkaa
tokkooffaa barsiisuuf qophaa’an ni xinxalta.
Modeloota karoora barannoo saayinsii naannoo addaa adda walbira qabdee ni madaalta.
Iddattoo karoora barannoo qabiyyee siilabasii saayinsii naannoo kutaa 1 - 4 irra jiru
kamiyyuu qopheessuun daree keessatti garee waliin ni qaaccessita.
IV. Yaad- Bu’uura Moojuliin Kun Irratti Hundaa’ee Qophaa’e

Xiyyeeffannoon koorsii kanaa dandeettii saayinsii naannoo barachuun argachuu, beekumsa
barsiisummaa waliigalaa gonfachuu, yookiin beekumsa ogummaa barsiisummaa gonfachuuf miti.
Sababiin isaas, koorsiiwwan biroo dhimmoota kanaaf qophaa’an waan jiraniifidha. Kanaafuu,
galmi waliigalaa koorsii kanaa kadhimamtoonni barsiisotaa mata-duree saayinsii naannoo
kenname tokko barattoota umuriifi sadarkaa barnootaa kenname tokko keessa jiran biratti
hubatamaa akka ta’uuf akkamitti malleen hunda irra filatamoofi mijaawoo ta’an filachuun akka
itti barsiisuu danda’u kallattii kan agarsiisudha.
Maloota ogummaa barsiisummaa ittiin beekumsa saayinsii naannoo barattoota waliin qunnamtii
godhu hubachuufi barattoonnis gama isaaniin maloota mataa isaanii ittiin ilaalcha, dandeettiifi
beekumsa dabarfatan akka gonfatan kan taasisu ta’uu qaba. Isaan kana rawwachuuf namni tokko,
Beekumsa-Qabiyyeefi Ogummaa Barsiisuu (BQOB) walsimatan qabaachuu qaba. Kana keessatti
beekumsa-qabiyyee jechuun hubannoo namni tokko gosa barnootichaa irratti qabu jechuu yoo ta’u,
beekumsa ogummaa barsiisummaa jechuun immoo hubannoo namni tokko adeemsa baruu-
barsiisuu irratti addatti qabu jechuudha. Kana malees, barsiisaan tokko mata-duree tokko irratti
barsiisuuf BQOB haala naannoo irratti hundaa’ee dabarsuu yookiin walitti fiduu qaba. Barsiisaan,
bekkumsa qabiyyeefi ogummaa barsiisummaa mataduree barsiisu irratti hundaa’ee walsimsiisuu
qaba. Dabalataanis teekinooloojii fayyadamuun baruu-barsiisuun daran milkaa’aa akka ta’u
nigargaara. Kanaaf barsiisaan tokko BQOB biratti ittifayyadama teekinooloojii wajjin kan
walisimate ta’uun dagatamuu hinqabu.
BIIROO BARNOOTA OROMIYAA vii

Qabiyyee Ogummaa
barsiisumma
Beekumsa Teekinooloojii
Walumaagalatti BQOB jechuun beekumsa waa’ee adeemsa baruu-barsiisuu gosa barnootaa

tokkoof uumamaan barnooticha barachuuf wanta inni addatti gaafatu ilaalcha keessa kan galche
jechuudha. Kanaafuu, BQOB’n beekumsa bu’uuraa barsiisummaa dhimma ijoofi
barbaachisummaan isaa daran olaanaa ta’edha.
V. Akkaataa Dhiyeessii Koorsichaa

Koorsiin kun mala baruu-barsiisuu saayinsii naannoo kutaa 1-4 irratti kan xiyyeeffate waan ta’eef
malleen baruu barsiisuu adda addaa hojiirra oolchuun akkuma jiru ta’ee, muraasni irra
deddeebi’amanii hojiirra ooluu danda’an: od-ibsa boqotaa, marii garee, gaaffiifi deebii, sammuu
dhiluu, shaakala dhuunfaafi garee, piroojektiifi kan biroo ta’uu kan danda’an yoo ta’u dabalataanis
dubbisni manee kaadhimamtootaaf kennamuun ni danda’a.
Gosoota Iyyaaffannoofi Madaallii Kaadhimamtoonni Ittiin Ilaalaman

Moojuliin kun gochaalee barbaachisoo ta’an kanneen qabatamaan hojiirra oolan hedduu of-
keessatti qabatee jira. Gochaaleen kunniin dhuunfaan yookiin gareen hojjetamuu kan danda’an
yoo ta’an, iyyaafannoon kallattiinis ta’e al-kallattiin hojiirra ooluun dirqama. Gochaalee kana
hojjechuun koorsii kana sirriitti hubachuufi qabxii ol’aanaa argachuuf baay’ee murteessaadha.
Gochaalee calaqqee kana dhuunfaafi gareen haala irraatti hundaa’uun akka barbaachisummaa
isaatti yeroo yeroon kan iyyaafataman ta’us qormaanni giddu-galeessaafi xumuraa ni jira.
Haaluma kanaan iyyaafannoon ga’umsa moojulii kanaa yoo xinnaate kanneen armaan gadii
keessatti ilaalamuu qabu. Isaanis:
1. Piroojektii dhuunfaafi garee haala qabatamaa manneen barnootaafi sirna barnoota

saayinsii naannoo kutaa 1-4 irratti hundaa’an,
BIIROO BARNOOTA OROMIYAA viii

2. Hirmaannaa dareefi gabaasa adda addaa,
3. Abbaltii adda addaa
4. Qormaata giddu-galeessaa(10-15%)fi
5. Qormaata xumuraa(15-25%) ta’anii akka barbaachisummaa isaa irratti hundaa’uun
leenjisaan kan biroo dabaluu ni danda’a. Kana yoo jedhamu harki caalaan qormaata
dareetti kennamu irratti akka hin hundoofne of-eeggannoo taasisuun barbaachisaa ta’uu
qaba.
VI. Seensa Moojulichaa

Moojulliin koorsii Mala Baruu-Barsiisuu Saayinsii Naannoo Sadarkaa 1ffaa Marsaa 1ffaa I kun,
yaad-bu’uura Beekumsa-Qabiyyeefi Ogummaa Barsiisummaa II (BQOB II) irratti hundaa’ee kan
qophaa’eedha. Kunis hiika bu’uuraafi qabiyyeewwan saayinsiifi saayinsii naannoo, ogummaa
adeemsa saayinsaawaa, meeshaalee barnootaa saayinsii naannoo leecalloo naannoo irraa
qopheessuufi fooyyessuu, yaad-hiddamaafi yaad-rimeewwan koorsiiwwan ogummaa
barsiisummaa waliigalaa keessatti barataman gara barnoota saayinsii naannoo kutaa 1-4 fiduun
kaadhimamtoonni ogummaa saayinsii naannoo barsiisuu akka cimsataniif kan gargaarudha.
Gabaabumatti, koorsiin kun boqonnaa afur kan qabu yoo ta’u; boqonnaa tokkoffaan
yaadirimeewwan saayinsii naannoo, mala saayinsaawaafi ogummaawwan adeemsa saayinsaawaa,
boqonnaa lammaffaan maloota baruu-barsisuu saayinsii naannoo barsiisuuf oolan, boqonnaa
sadaffaan maloota iyyaafannoo walitti fufaa saayinsii naannoo barsiisuu keessattii hojiirra oolan,
boqonnaan arfaffaan siilabasii saayinsii naannoo kutaa 1-4 jiran irratti hundaa’uun meeshaalee
barnootaa filachuufi leecalloo naannoo irraa fooyyessuun qopheessuu akkasumas karoora
barnootaa qopheessuu irratti xiyyeeffata.
Kanaaf koorsii kana keessatti kaadhimamtoonni qabiyyeewwan saayinsii naannoo manneen

barnootaa sadarkaa tokkoffaa marsaa jalqabaa keessatti ittiin barsiisuu kan isaan dandeessisu
shaakala muuxannoofi ogummaa barsiisummaa ittiin horatu jechuu dha.
VII. Turtii Koorsichaa
BIIROO BARNOOTA OROMIYAA ix

Koorsiin kun kireediit-haworii 3 kan qabu ta’ee barachuuf torbaanota 16 kan gaafatudha. Kanaaf
moojula kana barattee guutummaa guutuutti fiixaan bahuuf torbanitti sa’aa 2:30 barnoota daree
hordofuu; dabalataanis dhuunfaatti torbanitti sa’aa 6’f manatti qo’achuun sirraa eegama. Kanaafuu,
ga’umsaalee koorsii kanaaf barbaachisan gonfachuuf yeroo kee sirriitti karoorfachuufi tokkoo
tokkoo mata-durewwanii irra deddeebitee gad-fageenyaan dubbisuun shaakala barsiisummaaf of-
qopheessuuf gochaale kennaman hunda irratti si’aayinaan hirmaachuun sirraa eegama. Kana
gootee argamnaan bariisaa/tuu kallattii barsiisuu saayinsii naannoon milkaa’aa/ooftuufi
gammachuu qabu/du taatee argamta jechuudha.
BIIROO BARNOOTA OROMIYAA x

BOQONNAA 1: HIKAAFI BARBAACHISUMMAA SAAYINSII
NAANNOO FI OGUMMAAWWAN ADEEMSA SAAYINSAAWAA; (Wayitii 9)
1.1 Seensa
Kaadhimamtoota barsiisotaa, boqonnaa kana keessaatti yaad-bu’uura saayinsii naannoo
barachuufi adeemsa saayinsiin ittiin baratamu gaaffilee: Saayinsiin maal?, Saayinsiin naannoo
maal? Maaliif baratama? Akkamiin baratama? Eessaa baratama? Saayinsii naannoo barachuu
keessatti rakkoolee maalitu jira? Piriinsippiloota saayinsii naannoo barsiisuufi kan kana fakkaatan
biroo ilaaltu. Kanaaf saayinsii naannoo barachuufis ta’ee barsiisuuf boqonnaan kun baay’ee
murteessaa waan ta’eef sirriitti duukaa buutee hordofuun barachuun beekumsa saayinsiifi saayinsii
naannoo irratti gabbifachuun isinirraa eegama.
Ga’umsa Boqonnichaa
 Kaadhimamaa/tuu boqonnaa kana erga barattee xumartee booda:
Maalummaa naannoofi hariiroo isaan gidduu jiran adda ni baafatta.
Qabiyyeewwan naannoo tarreessitee ni ibsita.
Barbaachisummaa saayinsii naannoo barachuu adda baasuun ogummaa ittiin barsiisan ni
gabbifatta.
Adeemsa ogummaa saayinsaawaa adda baasuun ni ibsita.
Sadarkaafi haala barachuu ijoollee sadarkaa 1ffaa adda baasuun barsiisuuf of-qopheessita.
Akeeka saayinsii naannoo sadarkaa 1ffaa keessatti barsiisuu ni ibsita.
1.2 Saayisiin Maali?
Gocha 1.1
 Gaaffilee armaan gadii irratti dhuunfaan erga yaaddanii booda lama lamaan waliif
qooduun gareen irratti mari’achuun dareef dhiyeessaa!
i) Saayinsiin maali? Hiikaa walfakkaatu(tokko) kaa’uun ni danda’ama jettee yaaddaa?
Maaliif? Saayinsii barachuun bu’aa maaliis qaba jettee yaadda? Naannoo waliinis
hariiroo maalii qaba?
ii) Akka naannootti haalonni saayinsii ammayyaaf bu’uura ta’u jettee yaaddu jiraa?
Yoo jira jette mee gareen irratti mari’achuun dareef qoodaa.
iii) Yoo namni biroo waa’ee saayinsii kaasu sammuu keetti maalitu dhaga’ama?
BIIROO BARNOOTA OROMIYAA 1

Kaadhimamtoota, jechi ”Saayinsii” jedhu yoo ka’u yaadota garaagaraatu sammuu keenyaatti
dhufa. Fakkeenyaaf waa’ee ogummaa yaalaa ammayyaa, argama maayikirooskoppii, hawwaa
qorachuu, qonna ammayyaa, rookkeettii, saatalaayitii... kan kana fakkaatan. Kun hunduu yaada
saayinsii jedhu calaqqisiisanis tokkoon isaaniyyuu yaada guutuu saayinsii jedhu bakka hinbu’ani.
Sababiin isaas saayinsiin agarsiistota hedduu waan qabuuf.
Haaluma kanaan saayinsiin namoota garaagaraan akkaataa garaagaraan hiikameera. Gariin

saayinsii jechuun addunyaa fiizikaalaa uumamaan jiru irraa beekumsa gonfachuu yoo jedhan; kaan
teekinooloojii haaraa uumuun hawwaasa fayyadamaa taasisuudha jedhu; gareen biroo immoo gosa
barnootaa dandeettii addaa gonfachiisuun rakkoo hiikuuti jedhanii yaadu. Akkasumas saayinsiin
bekumsaa qindaawaa qo’annoo, sababii gahaafi yaalii irratti kan hundaa’edha jedhu. Hiikaaleen
eeraman kun hundiifi kan hafan biroon, saayinsiin ammas ta’e gara fuula duraatti hawaasni
jireenya fooyya’aa akka jiraatuuf bu’aa guddaa akka qabu agarsiisu.
Gocha 1.2
 Waa’ee saayinsii yoo kaafnu hariiroo namaafi uumama naannoo namaa jiru kaasuun
dirqama ta’a. Kun maaliif ta’a jettee yaadda? Mee dhala namaaf wantoonni bu’uura ta’an
maal fa’i? Akkamittis argaman? Soorata bilcheeffachuun akkamitti eegale? Yeroo jalqabaa
soorata eessaa argachaa ture? Haala kamiinis nyaataa ture? Dhallii namaa abidda
akkamitti argate? Uffata hoo? Kallattiin saayinsii barachuu maal sitti fakkaata?
Saayinsiin beekumsa yookiin waa’ee wantoota uumamaa addunyaa irra jiran daawwannaan,
yaalii gaggeessuun, hiikaafi ibsa itti kennuun sababeessuu irratti hundaa’ee beekumsa
argamudha. Kanaaf saayinsiin damee beekumsaa, qo’annoo qaama yookiin wantoota
qabatamoo/dhugaa ta’aniifi sirnaan qindaa’aniif hojimaata dimshaashaa kan agarsiisudha.
Waa’ee kanaas bal’inaan adeemsa ogummaa saayinsaawaa jalatti ilalla.

1.3 Naannoon Maali?
Gocha 1.3
 Kaadhimamtoota mee daree ala bahuun wantoota isin marsanii jiran hunda ilaalatii
dhuunfaan yaaduun waan hubbattan lama lamaan walii qoodaa. Gocha kana keessattis
gaaffi itti aanus walitti himaa!
i) Maaltu marfame? Maaliin marfame? Eessatti marfame? Hariiroo akkamii qabu? Adda
bahuu danda’uu?
ii) Yeroo jecha ‘naannoo’ jedhu dhageessu sammuu keetti maaltu dhufa?
iii) Barattoota kutaalee adda addaa yommuu barsiifnu hiikkaan naannoo akka isaan
beekan irraa barbadamu tokko jettanii yaadduu? Hubannaan namoonni naannoo
irratti qaban umuriin (daa’imaa, ijoollee, dargaggeeyyii, ga’eessaafi manguddoo)
walitti dhufeenya qaba jettee yaaddaa?
Dhaabbattoonniifi hayyoonni hedduun jecha naannoo jedhu akkaataa adda addaan hiikaniiru. Isaan
keessaa muraasni:
1. “Naannoon dimshaasha haalawwan ala orgaanizimiifi dhiibbaa isaan orgaanizimicha irratti
qabanidha. Naannoonis qabattoota fiizikaalaa fi baayoloojikaalaa jedhamuun bakka lamatti
qoodamu.” [Essential Leanrings, CEE]
2. ”Naannoon wantoota nu “waliinii”fi “nuun alaa” qabata. Naannoon wanta nu marsee
jirudha. Naannoon lubbuu-qabeeyyiifi lubbuu-dhabeeyyii hunda kan walitti qabateefi
haalawwaniifi dhiibbaa isaan kallattiin yookiin al-kallattiin walirratti geessisan kan
qabatudha.” [Anonymous]
3. “Naannoon dimshaasha wantoota yeroo hunda dhaabbataan walitti dhufaniifi wantoota
wal-makoo teessuma lafaa biyya tokkoo uuman qofa miti. Kunis caasaa diinagdeefi
ilaalchaa fi amala namoota addunyaa kana irra jiraatan hedduu qabata” [UNESCO, 1990]
4. “Naannoon uumama wal-xaxaa, dagaaginaafi qabiyyee hawaasummaa jireenya
namummaa ofkeessatti qabata. Qabiyyeen hawaasummaa aadaa, hubannaa namummaafi
hariiroo walii waliinii of keessatti qabata.” [Tibilisi, 1997]
5. “Naannoon guutummaa haalawwan alaa, fiizikaalawaafi baayoloojikaalaawaa
orgaanizimiin tokko keessa jiraatudha. Naannoon hubannoo hawaasaa, aadaa, diinagdeefi

siyaasaa ofkeessaa kan qabuufi yeroo hunda amaloota hubatamuu qaban kanneen akka
biyyee, haala qilleensaafi argamiinsa nyaataa kan qabatudha.” [Oxford Dictionary]
Walumaagalatti wantoonni nu marsanii argaman hundi naannoo uumamaa jedhamu. Wantoonni

kun lubbu-qabeeyyii (Caacculee baayoloojikaalaa) yookiin lubbu-dhabeeyyi (Caacculee
fiizikaalaa) yookiin lamaanuu ta’uu danda’u.
i) Caacculee Fiizikaalaa
Caacculeen (Elementoota) fiizikaalaa qabiyyee naannoo uumamaa keessaa tokko ta’anii amaloota
jijjirama bakka bidoollee namootaaf carraa argachuufi dhabuu kan adda baasanidha. Caacculeen
fiizikaalaa kun kanneen akka samii, qabiyyee lafaa, qaama bishaanii, haala qilleensaa, anniisaa,
biyyee, kattaa, albuudotaafi kan kana fakkaatan kan of-keessaa qabudha. Qabiyyeen fiizikaalaa
naannoo kun qabeenya uumamaa baay’ee barbaachisaniifi orgaanizimoonni akka namootaa
kallattiin ta’e al-kallattiin irratti hundaa’anidha.
ii) Caacculee Baayoloojikaalaa
Caacculeen (Elementoota) baayoloojikaalaa kanneen akka biqilootaa, bineeldotaa, maayikiroo

orgaanizimootaa, dhala namaafi qabiyyee baayoosferii hunda hammata. Caacculeen naannoo
uumamaa hundi walirratti hirkatoodha. Fakkeenyaaf, biqilootni kaarbondaayooksaayidii qilleensa
irraa albuudota karaa rifeensa(qajjisa) hidda isaanii biyyee irraa argatu; kana booda nyaata mataa
isaanii ifa aduutti fayyadamuun qopheeffatu. Bishaan wantoota barbaachisoo geejjibuufi adeemsa
nyaata qopheeffachuu keessatti isaan gargaara. Biyyeen immoo biqilootni oljedhanii akka
dhaabataniif gargaara. Akkasumas biqilootnis gabbina biyyee irratti hirmaannaa guddaa qabu.
Gama biraan, bineeldotni biqiloota akka madda nyaataafi bakka jireenyaatti fayyadamu. Kanaaf
saayinsii naannoo yoo barsiifnu haalota kanneen xiyyeeffannoo keessa galchuun baay’ee
murteessaadha. Gochi armaan gadii hariiroo qabiyyee naannoo uumamaa gadi fageenyaan si
hubachiisa waan ta’eef sirriitti xiinxali.

Gocha 1.4
 Caacculeen naannoo uumamaa jiran of-danda’anii qofaatti jiraachuu danda’u
jettee yaaddaa? Mee Seenaa gabaabaa armaan gadii dubbisuun hariiroo kana
hubachuuf gaaffilee itti aananii kennaman deebisi.
✓ Jaldeessi muka guddaa yaabee firii nyaatamu damee mukichaa irraa kutee nyaatee
xumuree booda qola firii mukichaa gara lafaatti gate. Maayikiroo-orgaanizimootni
qola mukichaa burkuteessuu jalqaban. Yeroo adeemsa burkuteessuu kana keessatti
kompaawundootni qola firii sanaa uuman gara biyyeetti kaan immoo gara
qilleensaatti yaa’an. Wanta burkutaa’e biqilaan karaa hidda isaa harkifachuun itti
fayyadame.
i. Jaldeessichi nyaata eessaa argate?
ii. Qolli firii mukichaa jaldeessi gate maal ta’ee?
iii. Osoo maayikiroo-orgaanizimootni laficha hin jiran ta’e qolli sun maal ta’a ture?
iv. Biqilaan haala kamiin qola burkutaa’etti fayyadamaa?
v. Jaldeessicha, biqilaa fi maayikiroo-orgaanizimootni wal-irratti hundaa’u jettee
yaaddaa?
Naannoo Hawaasummaa
Gocha 1.5
 Naannoon hawaasummaa maal? Naannoo maalitu jijjira? Maaliif jijjirama? Akkamiti
jijjirama? Uumamni naannoo osoo hin jijjiramiin turuu danda’aa? Gochaawwan dhala
namaafi naannoo uumamaa jijjiruu danda’an haala akkamiin teessuma lafaa akka
geeddaran garee xiqqoon irratti mari’achuun dareef ibsaa.
Naannoon ta’iiwwan uumamaafi gochoota dhala namaan jijjiramuu danda’a. Kunis walitti
dhufeenyi lubbu-qabeeyyiifi lubbu-dhabeeyyii gidduutti yookiin lubbu-qabeeyyiifi lubbu-
qabeeyyii gidduutti uumamuun kan ta’uu danda’udha. Naannoon haala kanaan jijjiramu naannoo
hawaasummaa jedhamuun beekama. Akka fakkeenyaatti, bakki gochaawwan jiraachuu dhala

namaan uumaman kanneen akka qonnaa, qabeenya uumamaa lafa keessaa baasuu, misooma
daandiifi ijaarsawwan adda addaatiin jijjiiraman fakkeenyawwan naannoo hawaasummaati.
Hariiroon armaan gadii qabiyyee naannoo uumamaafi naannoo hawaasaa gidduu jiru argisiisa:
Baayoloojikaalawaa Fiizikaalawaa
Bineeldota Qilleensa,
Biqiloota Naannoo Bishaan,
Dhala namaa Haala qilleensaa,
Biyyee,
Teempireechara,
Aadaa hawaasummaa
aadaa,
Afaan, diinagdee,
siyaasa
Gocha 1.6
 Hariiroo qabiyyeewwan naannoo kee waliin qaban fakkeenyaan deeggaramuun
ibsi.
 Wal-fakkeenyaafi garaagarummaa gosoota naannoo lamaan, naannoo uumamaafi
hawaasummaa, akkasumas naannoo lubbu-qabeeyyii fi lubbu-dhabeeyyii ibsi.
 Hariiroo naannoon lubbu-qabeeyyiifi lubbu-dhabeeyyii naannoo kee waliin qaban
sirriitti ilaaluun haala akkamiifi dhiibbaa akkamii akka wal-irratti qaban fakkeenya
mataa kee fudhachuun ibsi.
1.4 Saayinsii Naannoofi Qabiyyeewwan Isaa
Barnootni saayinsii naannoo yaad-bu’uurawwan hedduu kan of-keessatti qabateefi dandeettii

qabiyyee naannoo adda baasnee beekuu, seeraan ittifayyadamuufi kunuunsa naannoo mala
saayinsaawaa ta’een hojiin argisiisuu akka dandeenyu kan nu gonfachiisu dha. Qabiyyeewwan
saayinsii naannoo hubachuuf mee danaa armaan gadii ilaali.

Fakkii 1.1 Danaa Qabiyyee Naannoo
Gocha 1.7
 Danaa(saaphana sariitii) qabiyyeewwan saayinsii naannoo armaan olii kana akaakuu
barumsaa saayinsii naannoo keessatti walsimatan ilaalchisee maal hubatta?
 Qabiyyeewwan danaa armaan olii irratti agarsiifaman waliin akaakuu barnootaa
walitti hidhaminsa qaban tarreessi.
 Saayinsiin naannoo kutaa 1-4 jiru qabiyyeewwan maal maal of-keessatti qabata jettee
yaadda?
 Hariiroowwan qabiyyee saayinsii naannoo kana barachuun maaliif barbaachise sitti
fakkaata?

1.5 Saayinsii Naannoo Maaliif Baranna?
Gocha 1.8
 Kaadhimamtoota! Yeroo ammaa jijjiramni naannoo irratti akka biyyaafi
addunyyaatti dhufaa jiran kallattii adda addaan hubattanii yoo jiraattan, mee ofii
yaaduun lama lamaan waliif qooduun yaada keessan dareef qoodaa! Sababa
maaliin ta’an sinitti fakkaata? Kanaaf sababii ol’aanaa kan ta’eefi
ittigaafatamummaa kan qabu eenyu ta’uu qaba jettanii yaaddu?
Ijoolleen beekumsaafi muuxannoo karaa adda addaatiin argatanitti fayyadamuun naannoon isaanii
maal akka ta’e ni hubatu. Sadarkaa isaan irra jiran, guddinni qaamaafi bilchinni sammuu yoo isaan
daangesseyyuu, ijoolleen naannoo isaanii ni hubatu, ni xiyyeeffatu, ni madaalu, ni dinqisiifatu, ni
jijjiiruu, balaa irraa ittisuufi akkamiin akka seeraan ittifayyadaman beekuu danda’u. Barnootni
saayinsii naannoo yaadota baay’ee barbaachisoo qaama beekumsaa, dandeettiifi ilaalcha
argamsiisuuf seerotaafi sirnoota imaammata barnootaa walitti qindeessuun kan uumamedha.
Baay’achuun ummataafi jireenya daran fooy’aa ta’e jiraachuuf barbaaduun dhala namaa naannoo
irratti dhiibbaa fiduu danda’a. Dhiibbaan naannoo irraatti dhuufaniifi falli isaa immoo
hawaasummaa, siyaasafi diinagdee waliin hariiroo waan qabuuf saayintistoonni dhimma kana
irratti xiyyeeffannoo kennuu qabu. Kanaaf daa’immaan saayintistoota boruu ta’uun waa’ee
naannoo miidhama irraa ooluchuuf waa’ee uumama naannoo isaanii sirriitti baruu qabu.
Dabalataanis daa’imman uumamaan waan baruuf fedha ol’aanaa ta’e qabu. Keessumaayyuu
waa’ee naannoo isaanii baruuf baay’ee carraaqu. Kanaaf daa’imman waa’ee naannoo barsiisuun
waa’ee ofii, naannoo uumamafi naannoo hawaasummaa isaanii akka baraniif; ogummaa jireenyaa,
beekumsa saayinsaawaa sasalphaa fi soonawwan hawaasaa akka hubataniif gargaara.
Gabaabumatti saayinsii naannoo barachuun:

✓ Nama kamiifiyyuu fedhii dhuunfaa guutuufi guddina hawaasummaaf baay’ee murteessaa
waan ta’eef.
✓ Madaala naannoo eeguufi hariiroo soorataa adda adda baruufi ittifayyadamuuf.
✓ Naannoo jireenyaaf mijataa ta’e uumuu, aadaa guddisuufi aja’ibsiifachuuf gargaara.

✓ Naannoofi hawaasa ajaa’ibsiifachaa keessa jiraachuu akka danda’an gargaara.
✓ Haala naannoo mijataa ta’e karaa sirna qabeessa ta’een jijjiruun gara fuulduraatti mijataa
akka ta’u gochuuf xiyyeeffannoon akka kennamu gargaara.
✓ Faalama naannoo, qabinsaafi kunuunsa qabeenya uumamaaf xiyyeeffannoo kennuun
furmaata hatattamaa akka barbaadamuuf kallattii ni kenna.
1.6 Galma, Akeekaafi Kaayyoo Saayinsii Naannoo Barsiisuu
Gocha 1.9
 Kaadhimamtoota barsiisota:
1. Gareen ta’uun galma jiruuf jireenya guyyaa guyyaan gaggeeffamuufi galma
barnoota saayinsii naannoo ta’uu danda’a jettan irratti mri’adhaa.
2. Garee keessan keessatti garaagarummaafi wal-fakkeenya galmaafi kaayyoo
gidduu jiru barnoota saayinsii naannoon wal-qabsiisuun fakkeenyota adda addaa
fudhachuun irratti marii’adhaa.
3. Imaammata barnootaa sadarkaa tokkoffaafi meeshaalee barbaachisoo waliin
qopheessuun galma barnootaa saayinsii naannoo chaartii fayyadamuun
qopheessi, isa qopheessites daree keef gabaasi.
1.6.1 Galma Barnoota Saayinsii Naannoo

▪ Wantootaafi ta’iiwwan naannoo uumamaan akkaataa walitti dhufeenyafi adeemsa isaanii
hubachuu.
▪ Jijjirama amala naannoo hawaasummaafi uumamaa hubachuu.
▪ Miira ittigaafatamummaa naannoof qabnu guddifachuu.
▪ Amaloota fudhatama qabaniifi hawaasa biratti iddoo guddaa qaban hundeessuufi
guddisuu.
▪ Amala dhaaltummaafi bu’aa naannoo jalqabsiisuun qabeenya uumamaa ittisuufi seeraan
itti fayyadamuu gonfachuu.

1.6.2 Kaayyoo Gooroo Barnoota Saayinsii Naannoo
Kaayyoleen himoota jijjirama amalaa bu’aa barnoota barachuun agarsiisan jedhamanii

abdatamanidha. Kaayyoleen himoota safaramuu danda’aniin kallattiin yookiin al-kallattiin ibsamu.
Kunis karaalee murnoota yaad-sammuu, ilaalchaafi qaam-sammuu kan jijjirama amala barattootaa
argisiisaniin safaramanidha.
Kaayyoon barnoota saayinsii naannoo inni ijoon dagaagina barumsaaf murteessaa ta’e dandeettiifi
hubannoo ijoollee irratti hundaa’uun kennuudha. Gama biroon barnootni saayinsii naannoofi
waa’ee naannoo isaanii keesaatti argamuufi raawwatamuuf ibsa gahaa akka kennaniifi hojiin
argisiisuu danda’an; Fakkeenyaaf, qonna, huccuu dhahuu, sibiila tumuu, mana ijaaruufi kan kana
fakkaatanfi rakkoolee isaaniif furmaata kan ta’u argachuu akka danda’an gochuudha.
Gocha 1.10
 Kaadhimamtoota Barsiisota:
i. Akeekni guddaan saayinsii naannoo mana barumsaa sadarkaa tokkoffaa keessaatti
barsiisuu maal sitti fakkaata?
ii. Garaagarummaan akeekaafi galmaa akkasumas kaayyoo barnoota saayinsii naannoo
maalii?
iii. Ati osoo carraa wantoota kana(akeekaa, galmaafi kaayyoo barnoota saayinsii naannoo)
kaa’i jedhu argattee maal maal kaa’uu dandeessa? Dhuunfaan yaaduun walitti himaa.
Akeeka barnoota saayinsii naannoo

Akka waliigalaatti yoo ilaallu akeekni saayinsii naannoo barsiisuu hawaasa waa’ee naannoo isaa
irratti hubannoo qabu uumuufi waa’een naannoofi rakkoo naannoon walqabatee dhufu na galcha
lammii jedhu uumuun, rakkoo naannoo irratti dhufeef dhuunfaanis ta’ee gareen fala isaa
barbaaduufi fuuldurattis ittisa isaa irratti hojjechuu kan danda’u uumuudha.

1.7 Yaad-bu’uura (Pirinsippiloota) Agarsiistuu Saayinsii Naannoo Barachuu
Gocha 1.11
 Kaadhimamaa/mtuu:
- Akka waliigalaatti xiyyeeffannoon sirna barnootaa saayinsii naannoo kan addunyaa
akkasumas kan biyya keenyaa maal sitti fakkaata? Saayinsii yoo barsiifnu maal fa’i
irratti xiiyyaffachuu qabna jettee yaadda? Maaliifis xiyyeeffannoon kuni kennamuu
qaba sitti fakkaata?
Pirinsippiloonni agarsiisituu saayinsii naannoo barsiisuu :

1. Qabiyyee naannoo hunda xiyyeeffannaa keessa galchuu.
2. Haala walitti fufinsa jireenyaa irratti xiyyeeffachuu.
3. Beekumsa kallatti hundaan horachuu.
4. To’annoofi ittisa dhiibbaa naannoo irra ga’u irratti hirmaannaa ho’aa qabaachuu irratti
xiyyeeffannoo qabaachuu.
5. Dhimmoota naannoo (haalota naannoo waliin wal-qabatan) ta’an irratti; naannoo,
biyyaafi adduunyaaf sakatta’iinsa gaggeessuu.
6. Karoora guddinaafi dagaagina biyyaa keessatti dhimma naannoof xiyyeeffannoo kennuu
7. Rakkoolee walxaxaa naannoo mudatan irratti xiyyeffannoo kennuun fedha gad-
fageessanii yaaduufi dandeettii rakkoo furuu gabbifachuu.
8. Soonaalee gargaarsaa ittisaafi to’annaa rakkoolee naannoo, biyyaafi addunya irra ga’anii
jajjabeessuu
9. Baruufi barsiisuu waa’ee naannoo keessatti haala dhiyeessa garaagaraa hojiirra oolchuu.
10. Wantoota dhimma naannoo ilaalchisee si’aataa ta’an, beekumsa, rakkoo furuufi qabxiilee
ibsa barbaadan walitti hidhuu.
1.8 Saayinsii Naannoo Irratti Hub-Dogongoraa Daa’imman Mudachuu

Danda’an.

Daa’imman yaada bu’uuraa saayinsaawaa irraa adda ta’e yoo qabaatan hubannoo dogoggoraa
jedhama. Kunis ta’uu kan danda’u barsiifataan hawaasa naannoo irraa kan argataniin ta’uu
danda’a. Fakkeenyaaf daa’imman hurkaa’uu bishaanii akka dabamsiifamuu bishaaniitti yaadu.
Kaarota yoo nyaatan halkan arguu akka danda’aniitti yaadu.
Hub-dogoggoraa muxannoofi barsiifataan uumamuu danda’an hedduun jiraachuu danda’anis,
hub-dogongoraa adda bahanii yeroo baay’ee barattoota sadarkaa tokkoffaa biratti mul’atan keessaa
muraasa gabatee itti aanu keessatti ilaali.
Gabatee 1.1 Gabatee yaad-rimee hub-dogoggoraafi yaad-rimee sirrii isaanii

Tooftaa ittiin
Yaad-rimee
Qabiyyee Yaad-rimee sirrii barsiifamuu
dogongoraa
danda’an
Nyaata manatti nyaatan Nyaata madaalame ibsuu Akaakuu nyaataa walitti
Nyaata
hunda akka nyaata Qabiyyee nyaata madaalame qabuun barsiisuu
madaalamaa
madaalameetti fudhachuu hunda eeruu Marii garee
Abbaa, haadhaafi obbolaa Miseensonni maatii kanneen Danaa saphuphee sarariitii
Miseensota
qofa akka miseensota mana keessa jiraatan hunda ni (web) fayyadamuun
maatii
maatiitti fudhatu hammata
Wantoota Wantoota bu’uuraa maatii Wantoota bu’uuraa maatii ▪ Wantoota bu’uuraa
bu’uuraa galii maatii wajjin jiraachuuf murteessoo dha. maatii ta’an
maatii walqabsiisu tarreessuun
Naannoo uumamaa Bu’aafi hariiroo lubbu- ▪ Daawwannaa dirreen

Ta’iiwwan naannoo isaanii fi lubbu- qabeeyyiifi lubbu dhabeeyyii
uumamaa qabeeeyyii qofaan ta’ee madaala uumamaa
daangessanii fudhatu eegsisa
Qabeenyi uumamaa Qabeenyi uumamaa kamiyyuu Gaaffifi deebii,
Qabeenya wantota qabatamoo qofaa kan jireenya ilmaan namaaf sammuu dhiluu,
uumamaa aaka ta’aniitti fudhatu barbaachisoo ta’an hundi marii garee
qabeenya uumamaati.
Maddi dirree Maddi dirree maagneetummaa Yaaliin
Elektiroo maagneetummaa maagneetii qofa osoo hin ta’iin
maagneetii maagneetii qofa akka kaarentiis dabalata
ta’eetti yaaduu.
Elektiroo Dirreen maagneetii Dirreen maagneetii wantoota Yaaliin
maagneetii qillensa/duwaa keessa qofa biroo keessa yaa’uu ni danda’a.

Tooftaa ittiin
Yaad-rimee
Qabiyyee Yaad-rimee sirrii barsiifamuu
dogongoraa
danda’an
yaa’uu ni danda’a jedhanii
yaaduu
1.9 Sadarkaa Guddinaa fi Barnoota Ijoollee
Kaadhimamtoota, qabiyyee kana jalatti daa’imman umurii adda addaa irratti barnoota
keessumaayyuu saayinsii naannoo haala kamiin barachuu danda’u kan jedhu ilaalla. Osoo gara
qabiyyichaatti hinseeniin dura mee gocha armaan gadii hojjedhaa.
Gocha 1. 12
 Kaadhimamaa/tuu mee muuxannoo kee guyyaa guyyaafi waan daawwattu irraa yookiin
mana barnootaa koolleejjiitti dhiyoo jiruu daawwachuun amaloota dagaagina
hawaasummaa, qaamaafi yaad-sammuu barattoota sadarkaa tokkoffaa marsaa tokkoffaa
jettee yaadduufi baruu-barsiisuu saayinsii naannoo keessatti ga’ee qabu jettu gabatee
armaan gadii keessatti guuti dareef gabaasi.
Gabatee 1.2 Tarreeffama mirkaneeffannaa amaloota dagaagina hawaasummaa, qaamaafi

yaad-sammuu barattoota sadarkaa tokkoffaa ittiin guutamu
Dagaagina Amaloota Ga’ee Baruu-Barsiisuu Keessatti
Hawaasummaa
Qaamaa
Yaad-sammuu
Rogni saayinsii dagaagina dhala namaa sadarkaa guddina isaan irratti hundaa’uun akkaataa adda
addaan hubatama. Akka yaad-rimee “Piaget” itti , sadarkaan umurii ijoollee mana barumsaa

sadarkaa tokkoffaa waggaa ja’a hamma kudha shaniitti yoo ilaallu sadarkaa guddina sammuu sadii
keessa darba. Isaanis akka itti aanutti ilaalla.
a) Umurii Waggaa Ja’a Hamma Waggaa Saddetii
Gocha 1.13
Kaadhimamtoota, Dhuunfaan yaaduun gareen marii’adhaa.
 Barattoonni umurii kana keessa jiran kutaa meeqa barachuu danda’u? Sadarkaan
guddina sammuu isaanii hubannoo maal irratti xiyyeeffata isinitti fakkaata? Barnoota
haala akkamiin barachuu danda’u?
Yeroo baay’ee daa’immaan umuriin isaanii waggaa ja’aa hanga saddeetii ta’an mana barumsaa
sadarkaa 1ffaa gara jalqabaa kan jiranidha. Ijoolleen sadarkaa guddina sammuu hubannoo duraa irra
waan ta’aniif bocaafi hamma, jijijirama yeroo dheeraafi jijjiirama yeroo gabaabaa adda baafatanii
hin beekan. Ijoolleen umurii kana keessaa gad-fageenyaan xiinxaluu waan hin dandeenyeef itti
dubbachuu qofan barsiisuurra gochaan barsiisuutiin caalaa baratu. Kanaafuu, barsiisuuf haasaan
yeroo mara gochaan mul’atuufi daawwii yeroo gabaabaan deegaramuu qaba.
Ijoolleen sadarkaa kanaa wantoota sammuu isaanii keessatti tartiibessuun, wal-bira qabuun
madaaluufi qooduu hindanda’an; waa’ee wantoota qabatamaan naannoo isaanii keessa hinjirree
fakkeenyaan qabatamaa yoo bakka buusne malee hubachuu hindanda’ani. Kanaafuu ijoollee
sadarkaa umurii kanaa yoo barsiifnu wantoota ijaan argaman gargaaramuun baay’ee
barbaachisaadha.
b) Umurii Saddetii Hanga Kudha Lamaa
Gocha 1.14
 Ijoolleen sadarkaa umurii kanaa immoo haala akkamiin barachuu danda’u jettee
yaadda? Mee gareen irratti mari’achuun walitti himaa. Kutaa meeqas barachuu
danda’u jettee yaadda?
Ijoolleen umurii kan keessaa sadarkaa wanta qabatamaa yaaduu irra jiru. Sadarkaa kanatti
gochaalee sasalphaa sammuun hojjechuun beekumsa argachuu eegalu; wanti guddaa ta’e tokko
irraa homtuu hir’achuu akka hin dandeenyeetti yaadu.
Ijoolleen sadarkaa kanaa waantoonni bocni isaanii jijjiramu deebi’anii boca isaanii jalqabaatti
deebi’uu akka danda’an ni hubatu, garuu amaloonni wantootaa maal irraa akka argaman sammuu
isaanii keessatti adda hinbaafatan. Baratoonni sadarkaa kanaa suuta suuta amaloota maaterii
kanneen akka bocaa, hammaa, halluufi lakkoofsaa hubachaa deemu. Wantoota qabatamoo
garaagaraa yoo itti kenname qaamota miira(arguun, dhaga’uun, fuunfachuuniifi qaqqabachuun)
isaanii fayyadamuun tartiibessanii kaa’uu danda’u.
c) Umurii Waggaa Kudha Lamaa Hanga Kudha Shanii
Sadarkaa kana irratti wantoota dhokatoo osoo wanticha hinargin ittiyaaduufi mala-dhahuu eegalu.
Seerota waliigalaa irraa ka’uun seerota murtaawaa irra gahuu danda’u. Kunis yaaduun, mala-
dhahuun sababeessuu isaan dandeessisa. Fakkeenyaaf yaada cuunfaa uumuu, hubannoo waliigalaa
uumachuufi beekumsa haala haaraa irratti ilaaluu jalqabu.
Walumaagalatti barsiisaan daree seenee barsiisuun dura waa’ee amala barachuu ijoolleefi sadarkaa
guddina isaanii ilaaluun baay’ee barbaachisaadha. Kun immoo yaad-rimeewwan sadarkaa
sadarkaan akka guddina isaaniitti adda baasuun akka barsiisinu nugargaara.
Gocha1.15
 Daa’immaan umuriin isaanii sadarkaa mana barumsaaa sadarkaa tokkoffaa kana saayinsii
naannoo yoo haala kamiin barsiifaman sirriitti baratu? Gaheen barsiisaa maal ta’uu qaba?
Kan maatii hoo?
1.10 Maloota Saayinsaawaa fi Ogummaa Adeemsa Saayinsaawaa
1.10.1 Maloota Saayinsaawaa
Gocha 1.16
 Mala saayinsaawaa jechuun maali? Akkamittis hojiirra oola? Jiruu dhala namaa waliinis
hariiroo maalii qaba? Gaaffilee kanneen mala sammuu dhiluun yaada erga burqisiistanii
booda daree keessatti irratti mari’achuun walii galaa.

Dhalli namaa yeroo dhalatee kaasee naannoo waliin daawwiifi tuqaatii ni eegala. Haa ta’u malee
haalonni naannoo uumamaa keessatti argaman beekumsa ilma namaan salphaatti kan
sakatta’amanii bira gahamuu danda’aman miti. Sababa kanaan yeroo hundumaa gaaffiin ta’iiwwan
uumamaa maali? Maaliif ta’anii? Akkamitti hojiirra ooluu? fi kan biroo sammuu namaa keessatti
ka’u. Gaaffileen kunniin immoo dhawaatawwan maloota saayinsaawaa keessa jiran keessa
darbuun deebii argatu.
- Malli saayinsaawaa mala rakkoo tokko karaa saayinsaawaa ta’een furuuf keessaa
darbamudha. Malli kun dhawaata yookiin tartiiba keessa darbamu qaba.
- Malli saayinsaawaa barataan dandeettii sababa dhiheessuu, gad-fageenyaan yaaduufi hojii irra
oolmaa beekumsaa akka horatu fi guddifatu taasisa.
Rakkoo furuufi yaada gudunfaa kaa’uu duratti saayintistoonni maloota sadarkaa sadarkaan ilaalu.
Tartiibonni kunis: rakkinoota adda baasuu, rakkinootaaf yaada furmaata raagu, murtee kennuu,
deebii barbaaduun yaada quubsaa argachuu kan nama dandeessisanidha. Furmaatni rakkinootaaf
foormulaa mala dhahuu qopheeffachuu irraa eegala. Mala dhahuun tilmaama namni daawwannaa
isaa irratti hundaa’uun godhudha. Mala dhahuun ta’iiwwan gara fuulduraatti uumamaniif yaada
yeroof ta’a jedhamee kennamudha. Mala dhahuun fudhatamuu yookiin gatamuu danda’a. Mala
dhahuu qindeeffachuun bu’aa uumamu danda’u xiinxaluu waliin tokko. Gabaabumatti adeemsa
mala saayinsaawaa keessatti hordofamuu qaban:
1. Daawwachuu
2. Rakkoo adda baasuu fi odeeffannoo hima rakkoon wal simuu funaanuu
3. Mala dhahuu
4. Mala dhahame qorachuuf adeemsa qindeeffachuu
5. Ragaa funaannachuu
6. Daataa funaanametti hiika kennuu
7. Yaad-rimee qaaccessuu yookiin gudunfaa kaa’uu
8. Madaaluu, Galmeessuufi gabaasuu dha.
Malli saayinsaawaa adeemsa bakka tokkotti kan dhaabbatu osoo hinta’iin marsaawaadha. Mee
dana armaan gadii ilaali.

Rakkoo addaan
baasuu Mala dhahuu
Dhawaata
Argannoowwan
(goolaba)
(yaaliiwwan)
Daataa
(Firiiwwan)
Fakkii 1.2 Marsaa Mala Saayinsaawaa

Fakkeenya: Hamma bishaan xuuxuu waraqaa sooftii (Paper Towel) mala saayinsaawaan adda
baasuu keessatti tarkaanfilee hordofaman akkaataa itti aanutti haa ilaallu
1. Gaaffii: Waraqaa sooftii kamtu bishaan heddumminaan xuuxa?
2. Mala dhahuu: Yeroo waraqaan sooftii X, Y fi Z warshaa adda addaatiin oomishaman hamma
bishaan xuuxuu isaanii sakatta’aman, waraqaan sooftiin - - - (X, Y yookiin Z keessaa tokko)
bishaan baay’inaan akka xuuxu mirkanaa’eera.
3. Jijjiiramoota (Variables):
A. Jijjiramaa of-daanda’oo (Independent Variable)
Waraqaa sooftii warshaa addaa addaa
B. Jiijjiiramaa hirkataa (Dependent Variable)
Hamma bishaan xuuxamuu
C. To’atamtoota (Constants or Controls)
✓ Hamma bishaan waraqaa sooftii irratti naqamu
✓ Guddina waraqaa sooftii
✓ Adeemsa hamma bishaan osoo hin xuuxamin hafe murteessuu
✓ Yeroo bishaan waraqaa soofti irra turu.

Akaakuuwwan waraqaa sooftii sadan warshaa adda addaatiin oomishaman yeroofi guyyaa
walfakkaataa ta’e keessatti sakatta’amuu qaba.
4. Wantoota barbaachisan
Waraqaa sooftii adda addaa, bishaan, qaxxaamura, sarartuu, siliindarii safaraa, sahaana golboo
(pan), qabduu (forceps)
Adeemsaa
i. Meshaalee barbaachisoo ta’an hunda qopheeffachuu,
ii. Waraqaa sooftii iskuweerii ta’e 4 cm x 4 cm muruu,
iii. Muraa waraqaa sooftii sahaana golboo ta’e irra kaa’uu,
iv. Bishaan 10 ml ta’e safaruun muraa waraqaa sooftii sahaana golboo irra jiru irratti naquu,
v. Bishaan erga itti naqameen booda daqiiqaa tokkoof tursiisuu,
vi. Qabduu fayyadamuun waraqaa sooftii sahaanaa golboo irraa kaasuun bishaan waraqicharraa
hamma sekondii shaniif akka cobu tursiisuu,
vii. Bishaan sahaanaa golboo keessatti hafe siliindarii safartuutiin safaruun hamma waraqaa
sooftiitiin xuuxame shallaguu,
viii. Haaluma kanaan tokko tokkoon waraqaa sooftii muramanii hafaniif adeemsota armaan olii
iii-vii jiran hordofuun hojjedhu.
5. Daawwannaa Qulqullee (Qualitative Observations):

▪ Bishaan muraasni yeroo siliindarii safaraatti naqamutti qisaasa’uu(manca’uu)
▪ Teempireecherri bishaanii dhaabbataa ta’uu dhabuu
▪ Yeroo yaalii haalli qilleensaa banaa ta’uu
6. Argannoo Hammangee:
A. Ragaa Sassaabamee
Waraqaa Sooftii
Lakk
X Y Z
1
2
3
4
5
G/galeessa

B. Bu’aa Argannoo
Dandeettii Bishaa Xuuxuu Waraqaa
10
xuuxame
9
8
7
6
bishaanii
5
4
g/galeessaan
3
2
Hamma
1
0
X Y Z
Daataa funaanametti hiika kennuun qaaccessuu: [Maaltu akka argame barreeffamaan

ibsuu].
9. Maddoota dogongoraa kan ta’uu danda’an eeruu: [Adeemsa V keessa deebi’uun hima
daawwannaa barreessuu.]
10. Yaad-rimee qaaccessuu yookiin gudunfaa: [yaad-hiddamni sirrii ta’uufi ta’uu dhabuu,
maliif sirri akka ta’e yookiin ta’uu dhabe eeruu]
11. Odeeffannoo argame irratti hundaa’uun madaaluun galmeessuun qorannoo itti aanuuf
yaada kaa’uu
Gocha 1.16(a):
 Kaadhimamaa/tuu barreeffama armaan gadii dubbisuun gaaffilee itti aananiif deebii
kenni.
➢ Yeroo tokko Toomas Alvaa Edisoon namni jedhamu yaa’uu elektiriikii shuboo
ayiranii keessatti yeroo shubichi ho’ee diimatu arge. Shuboon sunis diimatee ifuu
jalqabe, garuu sirriitti ifee kutaa sana hinibsu. Innis shuboo ayiranii qal’oo
fayyadamuun elektirikiin akka keessa yaa’u godhe, shubichis ni ife. Inni garuu ifa

guddaa barbaade. Shuboo gara biraas yaaluu jalqabe. Xumurarrattis shuboon
taangistanii qal’oon ifuu akka danda’uufi kutaa dukkanaa’e ibsuu akka danda’u
qoratee adda baafate. Garuu ifni sun yeroo dheeraaf turuu hindandeenye. Daqiiqaa
muraasa booda shuboon sun gubatee daaraa ta’e. Kun maaliif akkas ta’a jedhee itti
yaade. Oksijiniin gubuu keessatti akka barbaachisu ni beeka ture. Maashiniitti
fayyadamuun oksijiinii baalbii keessa jiru hunda gadi yaase. Shuboo taangistanii
fuudhee baalbii oksijiinii hinqabu jedhee yaade sana keessa kaa’e. Balbii sanas
qorate. Balbiin sunis isa duraarra yeroo dheeraaf ifa kenne. Kan inni barbaades
balbichi yeroo dheeraa akka ifuufi adeemsa keessa ifa sirrii argachuu ture. Kanaaf
qorannoo isaas ittuma fufe. Qilleensa yookiin gaazii ujummoo keessa jiru hunda
dhabamsiisuun balbicha qorate. Kanas tartiiba tartiibaan irra deddeebi’ee hanga
balboonni yeroo gochaa sana caccabaniitti illee yaale. Abdiis hinkutanne.
Yaaliichas hanga xumurarratti shuboon taangistaniin adeemsaan boba’ee isa
duraarra ifa sirrii kennuutti itti fufe. Galmaan gahuu isaas ni beeke. Balbii ifaa
filatamaa argate.
 Seenaa dubbiste irratti hundaa’uun gaaffilee armaan gadii deebisi.

1. Rakkinni Toomas Alvaa Edisoon yaalii isaa keessatti maal ture? Elektirisiitiin
eessaa dhufe? Ayiraniin maaliif boba’e? Shuboon boba’e akkamiin sirriitti ifa?
Shuboo sana fayyadamuun kutaan sun akkamiin ifa gahaa argataa?
2. Shuboon boba’e akka sirriitti ifuuf yaad-hiddamni isaa maal ture? Yoo shuboon
qal’ate, baalbii sirriitti ifa ta’aa? Shuboon taangistanii shuboo sibiilota biroorra
ifa gaarii kennaa? Shuboon taangistanii balbii oksijinii hinqabne keessatti yeroo
dheeraaf ifa laataa?
3. Hundeen yaad-hiddama isaa maal ture? Yeroo elektirisiitiin shuboo ayiraanii
keessa yaa’u maaltu uumamaa? Shuboo ayiranii irraa kan adda isa godhu
shuboon taangistanii wal-nyaatinsa akkamiiti qaba? Osoo elektirisiitiin keessa
hinjiraanne maal fakkaata ture? Sibiila kamitu irra caalaa ifaadhaa?

Gocha 1.16 (b)
Kaadhimamaa/tuu Yaada armaan gadii xiinxaluun gaaffilee itti aanan deebisi.
 Meetiin yaalii hojjechuuf muraa burtukaanaa jaarkaanota lama keessa keeesse.
Jaarikaanii tokkoffaatti bishaan miiliiliitira sadii naquun firiijii keessa keesse.
Jaarkaana isa lammaaffaatti bishaan homaayyuu osoo hin naqiin foddaa irra keesse.
Xumura torbaaniitti jaarkaana lammaaffaa keessaa arrii baay’ee argite. Kanaan
booda ifa, teempireechera ho’aa fi jiidhinsi dhibuun(dhabamuun) guddina arrii
haalota mijatoo ta’uu qaaccessite.
i) Rakkoon Meetii maal? ii) Daawwannaan Meetii maal ture? iii)Daawwannaa ishee
akkamiin mirkaneeffatte? iv)Yaadni gudunfaa ishee maal ture? v)Yaadni gudunfaa
ishee kuni sirrii dhaa? vi)Maaliif?
1.10.2 Ogummaa Adeemsa Saayinsaawaa
Gocha 1.17
 Kaadhimamtoota, Adeemsi saayinsaawaa maal? Bu’aa maalii qaba? Haala
kamiin hojiirra oola? Saayinsii naannoo barsiisuu waliin bu’aa maalii qaba
jettanii yaaddu? Mee yaada qabdan garee irratti mari’achuun dareef qoodaa.
Kallattiin saayinsii ammas ta’e gara fuula duraa, beekumsa argame babal’isuun caalaa dandeettii
saayinsaawaa haaraa(kalaqa) irratti xiyyeeffachuudha malee bu’aa argame qofaa irratti miti.
Saayinsii daa’immani yoo barsiisnuu dandeettii kalaqa haaraa gonfachiisuu irratti bu’uureffachuu
qabna. Kanaaf daa’imman haala qabatamaa naannoo jireenya isaan keessa jiraniifi bakka ka’umsa
gocha kalaqaawaa ta’e naannoo irraa ka’uun saayinsii barsiisuun guddina ilaalcha saayinsaawaa
keessatti ga’ee guddaa qaba. Mee Gocha armaan gadii xiinxali.

Gocha 1.18
 Mee gaaffilee armaan gadii dhuunfaan yaaduun gareen walitti himuun dareef ibsaa.
i. Dhala namaa lubbu qabeeyyi biroo irraa maalitu adda godha jettee yaadda? Yeroo
baay’ee ijoollee hordoftee beekta yoo ta’e yeroo dhalatanii ka’aanii maal maal fa’i
goodhu? Yeeroo baay’ee gaaffilee, maal inni? Maaliif? Akkamitti? kan jedhan kaasuun kun
maaliif?
ii. Wantoota sababaa fi bu’aa waliif ta’an sammuutti yaaduun barreessuun walitti himaa!
Dhalli namaa uumamaan lubbu-qabeeyyii biroo irraa adda kan isa taasisu dandeettii waa
sababeessuun ibsuufi taatee waan tokko xiinxaluun yaadu qaba. Fakkeenyaaf duumeessi jira yoo
ta’e yeroo murtaa’een booda ni rooba. Duumessi kunis kan uumameef sababa bishaan garba irraa
hurkee qabbanaa’uun bifa duumessaan taa’eef jedhu. As keessatti bishaan hurke sababa yoo ta’u
roobni immoo bu’aa dha.
Adeemsi ogummaa saayinsaawaa haala yaaduufi sababeessuu irratti hundaa’uun ogummaa

bu’uuraafi ogummaa walsimataa jedhamuun bakka lamatti qoodama. Moojula kana keessatti
ogummaa bu’uuraa irratti xiyyeeffanna.
1.10.2.1 Ogummaa Bu’uuraa

Ijoolleen yoo waan tokko daawwatanii, ramaduu, walqunnamtii uumuu, safaruu, tilmaamuu,
raaguufi sababeessuu danda’an ogummaa bu’uuraa adeemsa saayinsaawaa gonfataniiru jedhama.
1.10.2.1.1 Daawwannaa
Gocha 1.19
 Ijoolleen naannoo isaanirraa maal baru? Akkamitti baru? Mee isin naannoo
koolleejjii daqiiqaa shaniif hubannoon daawwachuun waan argitan tarreessaa. Kan
injifate isa waan naannoo isaa irraa arge baay’ee tarreessuu danda’edha. Kana
akkamitti hubatte miira arguu kee qofa fayyadamtee? Moo kan biroo jiru?
Qorannoon Saayinsaawaa akkamitti eegala sitti fakkaata?

Barattootni mana barnootaa sadarkaa 1ffaa adeemsa ogummaa saayinsaawaa itti gonfatan keessaa
daawwannaan isa bu’uuraati. Kana jechuun ijoolleen waan qaamni tokko raawwate daawwatanii
yookiin dhaggeeffachuu qofaan baratu jechuu miti. Ijoolleen daawwannaan miiraa kanneen akka
ilaaluu, qaqqabuu, fuunfachuu, dhaggeeffachuufi dhandhamuu fayyadamuun odeeffannoo
wantoota naannoo isaanii baay’inaan argachuun qorachuu danda’u. Kanaaf ta’iiwwaniifi wantoota
naannoo jiran qaamota miraa shanan gargaaramuun daawwatanii waa’ee addunyaa keessa
jiraatanii baratu jechuudha. Ogummaan daawwannaa kan dagaagu yeroo barattootni uumama
naannoo isaanii qorataniifi ta’iiwwan naannoo isaaniitti uumaman irratti yaada mataa isaanii
walabaan laachuu danda’anidha.
Egaa barsiisaan saayinsii naannoo wayita barsiisu/tu barattoota isaa/ishee gaaffilee waa adda
baasuu, jijjirama mul’atu himuu, walfakkeenyaafi garaagarummaa jiru adda baasuu gaafatu/ttu
barattoonni qaama miiraa shanan akka fayyadamaniif haala mijeessuutu irraa eegama. Mee gocha
armaa gadii ilaali.
Gocha 1.20
 Barataan midhaan dheedhii adda addaa gara dareetti akka fidu gochuun tarree galchuun
barattootni daree irra naanna'uun akka daawwatan godhi. Daawwannoo booda
tokkummaafi garaagarummaa amala midhaan hubatan irratti barattootni ibsa akka laatan
gaafachuun yaada isaanii akka armaan gadiitti qindeessuudha. Ammaaf kaadhimamtoonni
bakka bu’uun shaakaluu qabdu.
Gabatee 1.3 Iddattoo Tarreeffama mirkaneeffannaa amaloota midhaan

daawwannaan irratti guutamu
Halluu Sadarkaa Ulfaatina Amala calaqqisaa Amaloota biroo
Lakk. Gosa Ciminaa
Midhaanii
1
2
3
…

Daa’immani yeroo daawwatan qaama miiraa qabanitti fayadamu u akka danda’iniif
barsiisonni gaaffiilee hedduu dhi'eessuu danda'u.
Fakkeenyaaf;
 Yeroo mana barumsaa dhuftan karaa irratti maal argitanii?
 Kutaan barnoota kee kana keessa maal fa’itu jira? Foddaa meeqa qabaa?
 Halluun kitaaba saayinsii naannoo keetii maal?
Deebii kennamu keessa barattootni waa’e naannoo isaanii daawwannaan gadi
fageenyaan akka hubatan argachuu dandeenya.
1.10.2.2 Ramaddii
Galmi guddaan argannoo wal-fakkeenyaafi garaagarummaa waan daawwatamee galmeessuu
danda’uudha. Ramaddiin amala meeshaaleefi wantoota tokko tokkoo adda baasuufi haala wal-
fakkaataniin garee gareen kaa’uu danda’uudha.
Ramaddiin ogummaa gocha saayinsaawaa hunda keessatti kan geggeeffamu ta'ee ijoolleen waan
qabatamaafi hubannoo waliigala yaadaa akka uummatan kan godhudha. Ramaddii keessatti
ijoolleen waan daawwannaan hubatan akka hiika isaaniif kennutti qooduun yeroo ramadan
barsiisaanis akka isaan adda baasanii ramadaniif haala mijeessuun jajjabeessuu qaba.
Fakkeenyaaf, haala baalonni biqilootaa ittiin ramadaman (baala babal'aa, baala qaraa, baala
qal'aa…) yookiin akkaataawwan amala adda addaa qaban (hammaan, bifaan, jabinaan…) ramaduu.
Gocha 1.21
 Kaadhimamtoota, Mooraa kolleejjii keessaa biqiloota walitti qabuun(daawwachuun) gara
daree keessaniitti erga deebitanii booda ulaagaalee ofii keessanii baafattanitti
fayyadamuun garee gareen ramaduun dareef ibsaa.
1.10.2.3 Qunnamtii
Adeemsa qunnamtii keessatti ijoolleen luga/afaan gargaramuun yaada fi hubannoo namootaa
baruu. Raawwiin isaa jechootaa (dubbiifi barreeffaman)fi mit-jechootaan (mallattoon) yoo ta’an
mallattoon bifa baay’een ta’uu danda’a.

Namni haasa’aa afaaniin, sochii qaamaan, barreeffamoota adda addaan, fakkiifi bobbocaan,
afoolaafi kan kana fakkaatan wal-dhaga'aa (ergaa walii dabarsaa) turaniiru. Kanaaf ijoolleenis
daree keessatti garee xiqqaa yookiin bal'aa ta’uun bifa garaagaraan walqunnamuun ergaa walii
dabarsuu danda'u. Dandeettii qunnamtii gaarii barataa dagaagsuuf barsiisaan gaaffilee amala
wantoota garaagaraa kaasuun gaafatee akka of ibsan gochuun baay’ee barbaachisaadha.
Fakkeenyaaf; afoolaan, fakkiin, chaartiin, akkeessuun, giraafiin, poosteriin, barreeffama adda
addaanfi kan kana fakkaatan akka ergaa walii dabarsanii dandeettii walqunnamitti cimsatan
gabbisuun ni danda’a. Yeroo kana godhamu waa’ee namoota beekamoo akka artistii Lamma
Guyyaafi hojii isaa, Doktora kabajaa Alii Birraafi kan biroo kaasuun dandeettii kana akka
gabbifatan gochuun ni danda’ama.
Hojii Piroojektii
 Kaadhimamtoota, Piroojektii adda addaa kan quunnamtii barattootaa dagaagsuu danda'an
siilabasii saayinsii naannoo kutaa 1-4tti jiru irraa adda baasuun akkaataa hojiirra oolmaa
isaa gareen mari’achuun dareef ibsaa.
1.10.2.4 Safaruu
Safarri hubannoo daawwannaa, ramaddiifi qunnamtiin argamaniif gabbina kenna. Manneen
barnootaa sadarkaa 1ffaa keessatti barattootni yeroo saayinsii naannoo baratan wantoota naannoo
isaanii jiran meeshaalee waaltawaa akka ulee metiraa, madaala hangaa, saa’atii, sarartuu, siliindarii
safaraa, kaalkulaataraafi kan kana fakkaatan fayyadamuun akka waa safaran jajjabeeffamuu qabu.
Kun qaamman safartamoota bu'uuraa kanneen akka dheerinaa, hangaa, yeroo, teempireecheraafi
shallagamoo akka ulfaatinaa, bal’inaa, qabeefi kan kana fakkaatan wajjin akka walbaran gargaara.
Fakkeenya: Ulee meetiraa gargaaramuun dheerinaafi mudhii walii isaanii, termoomeetiraan
teempireechera isaanii akka safaru gochuu ni dand’ama.
Hub. Safarriin qaamota miiraa keenyaa qofaan kan itti quufnee dhiifnu miti. Mee gocha armaan
gadii ilaali.

Gocha 1.22
 Gochi kun barattootni kutaa 1-4 akka shaakalaniitti kan qophaa’e ta’us
kaadhimamtoonni ofii shaakalanii haala isaa xiinxaluu qabu!
1. Qodaa bishaan qabatan sadii (A, B fi C) kanneen tempireechera garaagaraa qaban
qopheefadhu. Qodaan A ho’aa, qodaan C qorraa fi qodaan B giddugalessa haa ta’ani.
2. Barataan harka isaa isa mirgaa qodaa A keessa, harka bitaa immoo qodaa C keessa akka
cuuphu taasisi.
3. Xumura irratti harka lamaanuu bishaan B isa gidduugalessa keessa akka cuuphan godhi.
Harka isa kamtu itti dilallaa'e? Isa kamitu immoo itti bulluqe? jechuun gaafadhu.
4. Gochaa kana barattoonni dhuunfaan akka shaakalan jajjabeessi
5. Xumura irratti barattootni safarri qaama miira isaanii irratti amantaa akkamii akka qaban
gaafadhu.
1.10.2.5 Tilmaamuu
Tilmaamuun hammantaa yookiin gatii waan tokko irratti murtoo nama dhuunfaan yookiin gareen
hubannoo safaraa duraan qaban irraatti hundaa’ee kennamu dha. Tilmaamuun yaada dhugaa
qabeessa ta’ii tokkoofi sababoota jiran yookiin uumamuu danda’an kennuuf odeeffaannoofi daataa
fayyadamuudha. Tilmaamuun daawwannaa gatii sirrii hin barbaanneef murtoo hatattamaa kennuuf
gargaara. Fakkeenyaaf, Bishaaan kuni litira tokko ta’uu hin oolu. Dheerinni kee 1.70m ta’a.
Tilmaamni barnoota saayinsiif bu'a qabeessa. Mee gocha itti aanu ilaali.
Gocha 1.23
 Kaadhimamtoota,
1. Qotee bulaa naannoo keessanii haala qilleensaa (roobaa, caama...) irratti gaaffii afaanii
yoo gaafattu tilmaama inni kennu yaadachuun walitti himaa.
2. Fiixeewwan dhagaa baatirii shuboon yoo wal quunnamsiiste maaltu ta'a jettee yaadda?

Hojii Piroojektii
 Haala bahuufi lixa aduu irratti hundaa'ii guyyota walitti fufaa 10’f yeroo aduun itti
baatuufi lixxu galmeessi. Ragaa funaaname irratti hundaa'uun giraafii kaasii yeroo
bahuufi lixa aduu tilmaami. Tilmaama isaaniifi ragaa kuufame (teempireechera, qilleensa
baramaafi kan kana fakkaatan irratti hundaa'uu isaa) waliin madaali.
1.10.2.6 Raaguu
Raaguun odeeffannoo jalqabamee (kennamee) osoo hin xumuramiin hafe irratti hundaa’uun
tilmaama gaarii kennamudha. Fakkeenyaaf haala qilleensaa guyyaa guyyaa meetirooloojotaan
kennamu. Raaguun kun kan kennamu ragaa odeeffannoon walitti qabame qaaccessuufi
muuxannoo kanaan dura qaban irraa ka’uunidha. Haaluma kanaan daa’imman gara mana
barnootaa yoo dhufan odeeffannoo waa’ee naannoo isaanii maatii irra argatan irratti hundaa’uun
waa raaguu danda’u.
Gocha 1.24
 Mee barreeffama armaan gadii dubbisuun gaaffilee keessaa bahan xiinxali
Dur jaarraa saglaffaa keessa lammiin Oromoo jiraataa Godina Jimmaa ta’e namni Kaaliid
jedhamu re’oota osoo tiksaa jiruu re’eettiin isaa muka ta’e irraa firii isaa erga nyaattee
booda anniisaa argachuun buburraaqxee halkanis gadi ciisuu dinnaan waan isheen nyaatte
kana daawwatee adda baasuun ofiis erga dhandhamee ilaalee booda sa’aa dheeraaf
anniisaa argatee kadhannaa akka kadhate abbaa amantaa naannoo isaa jiru tokkotti hime.
Abbaan amantaa kunis yaada Kaalid kana erga dhaga’ee booda abbaan amanta biroo
naannoo jiran wajjin yaada kana qooddachuun arganno isaa kana mirkaneessan. Yeroo
ammaa kana addunyaa irratti bunni bakka ol’aanaa argachuu danda’eera. Adeemsa
argannoo kana keessatti ogummaan addeemsa saayinsaawaa maal maal fa’itu hojiirra
ooluu danda’u? Gareen irratti mari’achuun dareef ibsuun yaada tokko irra gahaa.

Fakkii 1.3 Re’eettii Kaalidiifi argama bunaa
1.10.2.7 Sababeessuun gudunfuu

Sababeessuun gudunfuun hubannaa daawwiin argameef yaada waliigalaa kennuudha. Gudunfaan
waan ta'u tokko maaliif akka ta'u mul'isa. Gudunfuu keessatti wanti tokko maaliif akka mudatetu
himama. Yeroo hunda gocha adeemsa saayinsaawaa keessatti kallattiin daawwannaan yoo
gaggeeffamu sababeessuun gudunfuun bu’aa hubannoo saayinsaawaadha. Daa’imman yeroo
baay’ee gaaffii maal? Maaliif? Eenyyutu? Akkamitti fi kan kana fakkaatan jechuun waan argan
hunda gaafatu. Kun sababeessuun akka waa qaacceffatan isaan gargaara jechuu dha.
Gocha 1.25
Mee barreeffama armaan gadii xiinxaluun gaaffilee itti aanan deebisi
1. Mee buna ilaalchisee yaada itti aanu kana haa ilaallu. Bunni guddatee, daraaree, firii
godhatee bilchaachuun funaanamuuf gahuu isaa akkamiin adda baasuu dandeenya?
Qaama miiraa kamiinis fayyadamnee adda baafna jettee yaadda? Gahee yeroo
funaanamuhoo qaamonni miiraa hojiirra oolan isaan kami sitti fakkaata? Erga
funaanamee dhuguuf maal godhama? Dhugaatiif gahuun dura tumuun qola isaa irraa
baasuu, caccabaafi kan hin taane adda baasuu, hamma barbaadame safaruun fuudhuun
hanga qulqullaa’utti miiccuu, erga miicanii booda akaa’uu, yeroo akaa’an kanatti sirrii
ta’uufi ta’uu dhabuu isaa hordofuun adda baasuun erga akka gaariitti akka’anii booda
baasuun tumu; yeroo tumanittis harkaan qaqqabuun haala tumaatii (bullaa’uu) isaa
xiinxaluu, erga akka barbaadamutti tumamee (bullaa’ee) booda bishaan danfisanii

daakuu tumamee qophaa’e itti naquun hanga danfutti eeguun irraa baasuun suuta
jedhanii xiqqoo jallisanii yeroo murtaa’eef lafa kaa’u.
o Adeemsota armaan olii hunda keessatti ogummaaleen adeemsa saayinsaawaa

mul’tan maal fa’i? Qaamonni miiraa hojiirra oolanhoo maal fa’i? akkamitti
mul’achuu danda’u?
Hojii Piroojektii
 Kaadhimamaa/tuu, ka’umsi guddina saayinsiifi teekinooloojii naannoo akka ta’e
baratteetta. Argannoo Dr. Akiliiluu Lammaa Cufaa fi Piroof. Gabbisaa Ejjetaa
namoota seenaa isaanii beekan gaafachuun yookiin barreeffama jiruufi interneetii
fayyadamuun sakatta’uun maal akka ta’eefi addemsota ogummaa saayinsaawaa isaan
keessa darban xiinxaluun dareef ibsi.
Cuunfaa Boqonnichaa
✓ Saayinsiin beekumsa, wantoota uumamaa addunyaa irra jiran daawwannaan, yaalii
gaggeessuun, hiikoofi ibsa itti kennuufi sababeessuu irratti hundaa’ee argamudha.
✓ Wantoonni nu marsanii argaman hundi naannoo uumamaa jedhamu. Isaanis lubbu qabeeyyii
yookiin lubbu dhabeeyyii yookiin lamaanuu ta’uu danda’u. Hariiroowwan isaaniis kan wal
irraa adda bahan miti.
✓ Saayinsiin naannoo seenaa, aadaa, hariiroo hawaasaa, seera, qonna, atmoosferii, qo’annaa
naannoo, diinagdee, siyaasa, injiinariingii, baayoloojii, keemistirii, fiiziksii, fayyaafi kan
kana fakkaatan ofkeessatti qabata.
✓ Saayinsii naannoo barsiisuun, madaala naannoo eeguuf, naannoo jireenyaaf mijataa ta’e
uumuuf, aadaa guddisuufi dinqisiifachuuf, naannoo kunuunsuun haalaan itti fayyadamuuf,
dhiibbaa sababa adda addaan dhufan hambisuuf yookiin kan fooyya’a ta’een bakka buusuu
akka danda’aniif gargaara.
✓ Galmi saayinsii naannoo barsiisuu, wantootaafi ta’iiwwan naannoo isaaniitti uumaman
akkaataa walitti dhufeenya isaaniifi adeemsa isaanii hubachuu dha.

✓ Kaayyoon saayinsii naannoo inni ijoon dagaagina barumsaaf murteessaa kan ta’e beekumsa,
dandeettiifi hubannoo ijoollee irratti hundaa’uun kennuu dha.
✓ Akeekni saayinsii naannoo barsiisuu hawaasa waa’ee naannoo isaa irratti hubannoo qabu
uumuu fi rakkoo naannoo walqabatee dhufu na galcha lammii jedhu uumuun rakkoo naannoo
irratti dhufeef dhuunfaanis ta’e gareen fala isaa kan barbaadu uumuudha.
✓ Yaad-bu’uuronni saayinsii naannoo barsiisuu; qabiyyee naannoofi walitti fufiinsa jireenyaa
xiyyeeffannaa keessa galchuu, beekumsa kallatti hundaan horachuufi soonaalee gargaarsaa,
ittisaafi to’annaa rakkoolee naannoo, biyyaafi addunya irra ga’anii jajjabeessuudha.
✓ Ijoolleen barnoota yeroo baratan hub-dogoggoraa isaan biratti mul’achuu danda’a. Kanas
maqsuuf barsiisonni irratti hojjechuu qabu.
✓ Malli saayinsawaa mala rakkoo tokko karaa saayinsaawaa ta’een furuudha. Malli kunis;
daawwachuu, rakkoo adda baasuu, mala dhahuu, qorachuuf adeemsa qindeeffachuu, ragaa
funaannachuu, daataa funaanametti hiika kennuu, yaad-rimee qaaccessuu yookiin guduunfaa
kaa’uu, madaaluu, galmeessuufi gabaasuu dha.
✓ Saayinsii keessatti adeemsi yaaduu, safaruu, rakkoo furuu, beekumsa fayyadamuu ogummaa
adeemsa saayinsaawaa jedhama.

BOQONNAA 2: MALOOTA BARUUFI BARSIISUU BARNOOTA
SAAYINSIINAANNOO BARSIISUUF HOJIIRRA KAN OOLAN MURAASA;
(Wayitii 15)
2.1 Seensa
Boqonnaan kun waa’ee malleen baruu barsiisuu garaagaraa mana barumsaa sadarkaa tokoffaa
keessatti ittiin saayinsii naannoo barsiisuuf hojiirra oolan irratti kan xiyyeeffatudha. Malleen baruu
barsiisuu kunneen hedduu ta’anis barsiisaan malleen garaagaraa kana keessa barachuu barataaf
bu’aa qabeessafi jijjiirama amalaa dhufuu danda’u galmaan ni gaha kan jedhe filachuu qaba.
Bara kana keessa rakkoolee baruu-barsiisuun walqabatanii ka’an keessaa malleen wallaaluu osoo
hinta’in, maloota filatanii gargaaramuun barachuu barattootaa akka gargaaruun ga’umsa
barbaadamuu gonfachisuun dhibuudha. Kanaaf barsiisotni maloota adda addaa irratti beekumsa
ga’aa qabaachuun mataduree barsiifamuuf mijataa ta’an filachuuun baay’ee murteessaadha.
Boqonnaa kana keessatti maloota baruu-barsiisuu adda addaa yoo barattan akkamittiin mata-
dureewwan garaagaraa ittiin barsiisuun barachuu barattootaa deeggaaruun ga’umsa barbaadamuu
gonfachisuu akka dandeessan gabbifattu. Akkasumas, akkaataa mata duree keessan waliin
walsimuu danda’uttii fi fedhii barachuu barattootaa guutuun gahumsa barachuu yoo xiqqaate
gonfatamuu qabu(GBYXGQ) kaa’ame galmaan gahuu akka danda’utti xiyyeeffannaa kennuun
hirmaannaa cimaa gochuu qabdu.
Malleen dhiyatan kunneenis akka fakkeenyaatti ka’umsaaf akka tolutti kaa’aman malee, malleen
baruu barsiisuu filataman waliin haala qabatamaa barattootaa irratti hundaa’uun qajeelfamoota
adda addaa qopheeffachuufi malleen baruu-barsiisuu lamaafi isaa oli GBYXGQ tokkoof al-
tokkotti filatanii barsiisuun baay’ee murteessaadha. Sababiin isaas haalli barachuu barattootaa
garaagara waan ta’eef haala barachuu barataa giddugaleessa godhachuun malleen baruu barsiisuu
filachuun hojiirra oolchuun dirqama barsiisaa irraa eegamudha. Kanaaf isinis gochaalee boqonnaa
kana keessatti kannaman yemmuu hojjettan haala kana xiyyeeffannaa keessa galchuun irratti
hojjettanii ogumma keessan gabbifachuu qabdu.
Hubachiisa: meeshaalee barnootaa kan akka siilabasii, kitaaba barataafi qajeelcha barsiisaa
saayinsii naannoo kutaa 1-4 jira kolleejjii keessatti argamuun barattoonni akka argama isaaniitti
gareenis ta’e dhuunfaan qabachuun fiixaan bahiinsa boqonnaa kanaaf baay’ee murteessaadha.

Gocha 2.1
 Kaadhimamtoota! Tooftaaleen/malleen saayinsii naannoo barsiisuuf mijataniifi
beekamoo ta’an maal fa’i? Muuxannoo keessan irraa ka’uun kanneen yeroo hedduu
hojiirra oolan kamidha? Maaliif isinitti fakkaata? Mala tokko qofa filatanii barsiisuun
gaarii dhaa? Maaliif?
Gahumsa Boqonnichaa
 Kaadhimamaa/tuu boqonnaa kana erga barattee xumurtee booda:
Barattooni GBYXGQ akka gonfataniif, GBYXGQ irratti hundaa’uun tooftaalee baruu-
barsiisuu qabiyyee saayinsii naannoof mijatan adda baafta.
Maloota barnoota saayinsii naannoo si’aayinaan barachuuf gargaaran kanneen sadarkaa
umurii da’immanii waliin adeeman dandeettii filachuunfi dandeettii qajeelfama
dhaawwaata ittin hojira olaaniin wixinuu ni horatta.
Gosoota mala saayinsii naannoo sadarkaa tokkoffaa barsiisuuf filataman ni tarreessita.
Saayinsii sadarkaa tokkoffatti barsiisuuf mala gitu haala qabiyyee barnootaan filatta.
Dandeettii maloota adda addaa mata dureewwan saayinsii sadarkaa tokkoffaa
akkaataawwan barachuu barattootaa (learning style) gosa adda addaa keessummeesan
walitti qindeessuun barannoo karoorsan ni horatta.
Maloota mijataa ta’an filachuun qajeelfamoota barreessuun iddattoo ni qopheessita.
Maloota adda addaa walitti qindeessuun sayinsii naannoo oguummaa qixaan barsiisuun
ni gonfatta.
Tarsiimoowwan saayinsii barsiisuu qindeessuu ni qopheeffata.
Dandeettii GBYXGQfi qabiyyee saayinsiin naannoo barsiifamu irratti bu’uuruun mala
baruufi barsiisuu , toftaalee iyyaaffannoofi meeshalee barnootaa mijaawoo filachuun
wixinee qajeelfama dhiyeessa barannoo qopheessuu ni horatta.
Maloota baruu barsiisuu barnoota saayinsii naannoo isaan beekamoo ta’aniif wixinee
qajeelfama dhiyeessii ni qopheessita.
2.2 Mala Od-ibsaa

Malli kun gosa barnoota hunda biratti bal’inaan hojiirra kan oolaa jiru yommuu ta’u yeroo baayyee
malleen biroo wajjin walitti makamuun yoo dhiyaate bu’aa guddaa qaba. Fakkeenyaaf, mala yaalii,
mala gaaffiifi deebii, hojii daree, marii garee, calaqqeefi kan kana fakkaatan wajjiin itti
fayyadamuu barbaada. Malli kun yeroo baay’ee wantoota ijaan hin argamne barsiisuu fi jalqaba
barannoo irrattis barattoota dadammaqsuufi kallatti kennuuf dhimmaa itti baana. Akkaata itti
hojiirra ooluu danda’u akka armaan gadiittii haa ilaallu.
Fakkeenyaaf: Faayidaa onneefi dalagaa dhiigaa barsiisuu. (Kutaa 4)

GBYXGQ: Barattootni faayidaalee onneefi dalagaa dhiigaa ni ibsu.
Kana keessatti waan gonfatamuu danda’u:

➢ Barattootni dandeettii dhaggeeffachuu, fakkii daawwachuun hiikuu, yaalii gaggeessuun
barachuu dagaagfatu.
Qajeelfama:
i. Barsiisaan fakkii/moodeela/viidiyoo marsaa dhiigaa agarsiisu qopheeffata.
ii. Waa’ee marsaa dhiigaa irratti ibsa kennuun booda muuxannoo barattootaa irraa ka’uun dhiiga
yommuu horiin qalamuu argan yoo jiraate, qabiyyee isaa hamma beekan irratti akka waliin
dubbatan gaafachuu.
iii. Daqiiqaa 5-7f adeemsa gaaffiifi deebiitu barsiisaafi barattoota gidduutti taasisuu(Fkn’f dhiigi
maal ofi keessatti qabata? Akkamiin nafa keessa yaa’a?...)
iv. Fakkii/moodeela/viidiyoo qopheeffate fayyadamuun sirna marsaa dhiigaafi sirna kana
keessatti gahee yookiin faayidaa onneen qabu akkasumas, ujummoolee dhiigaafi akkamitti
akka dhikkisa onnee safaruun danda’amu irratti agarsiisaa ibsa kenna.
v. Barsiisaan barattootni hundumtuu yaalii gabaabaa dhikkisa onnee isaanii akka safaran taasisa.
vi. Daqiiqaa 5’f adeemsa gaaffiifi deebiitu barsiisaafi barattoota gidduutti taasifama.
vii. Barsiisaan ibsa gudunfaa kennuun barnoota isaa goolaba.

Iyyaafannoo:
Barsiisaan adeemsa gaaffiifi deebii keessa barattoota gaaffii gaafatanis ta’e deebii kennan
sakatta’aa deema. Gaaffilee muraasa gahumsa beekumsaa isaanii madaalan kennuun
qabxeessuun galmeessaa. Hirmannaafi miira barattootaa hordofaa, kanarratiis hundaa’uun
waan sirratuu qabu sirreessaa.
Yaad-deebii:
Barsiisaan barattootni yommuu yaada kennan haamilee kennuun kanneen hirmaachaa hinjirre
ammoo jajjabeessaa deemuun akka barataniif gumaacha.
Gocha 2.2
 Kaadhimamtoota, Malli od-ibsaa malleen baruu barsiisuu biroo irraa adda bahuu
danda’aa? Yookiin mala kana osoo hin fayyadamiin mala biroo qofaan saayinsii
naannoo barsiisuun ni danda’amaa? Gareen ta’uun siilabasii saayinsii naannoo kutaa
1-4tti jiran irraa GBYXGQ mala kanaan baratamuu danda’an adda baasuun akkaataa
hojiirra oolmaa isaanii tartiibaan barreessuun dareef dhiyeessaa.
2.3 Mala Sammuu Dhiluu

Malli sammuu dhiluu (Brain storming) yommuu jalqaba mata-duree haaraa barsiisuutti seennu
muuxannoo barattootaa irraa ka’uun yaad-rimee mata-duree keenya waliin walqabatu yookiin
waliin deemu akka burqisiisan gochuun erga walitti qabnee (gabatee gurraacharratti yookiin
waraqaa guddaarratti) qaaccessaa deemuudha. Mala kanaan barsiisuun barattootni dandeettii
yaaduu, adda baafachuu, dubbachuufi waliin barachuu ni gabbifatu. Haala hojiirra oolmaa mala
kanaa akka fakkeenya armaan gadiittii haa ilaallu.
Fakkeenya: beeyladotaafi bineensota kan jedhu fudhannee akka armaan gadiittin haa ilaallu.
GBYXGQ: Brattootni beeyladotaafi bineensota adda nibaafatu. (Kutaa 2)
Gocha: Sammuu dhiluu (barattootni bineeldotaafi bineensota naannoo isaaniitti argaman bakka
lamatti ni qoodu).

Qajeelfama:
i. Barsiisaan chaartii waraqaarratti yookiin gabatee gurraacharratti ni qopheeffata.
ii. Barsiisaan bineeldota naannoo isaaniitti beekan akka maqaa dhahan nigaafata.
iii. Barattootni kanuma beekan yoo maqaa dha’an baxxee boronqii irratti barreessi.
iv. Bineeldota eeraman kana barattoonni bakka lamatti (beeyiladoota fi bineensota) jechuun
gareen akka qoodan gochuun hanqina jiru adda baasi.
v. Barsiisaan hanqina adda baase irratti hundaa’uun garaagarummaa bineeldotaafi
bineensotaa fakkeenya waliin ibsa gabaabduu kenna.
vi. Barsiisaan gara barattootaatti deebi’ee chaartii qopheesse irratti kan duraan eeraman
keessaa kamtu eessa akka galu gaafachuun akka qoqqoodan godha.
vii. Xumurarratti yaada qaaccessuun xumuruu.
Iyyaafannoo: Yeroo yaada isaanii burqisiisan al-kallattiin hordofuun galmeeffachaa deemi.

Wayita ramadanis tokkoo tokkoo garee irra deemuun iyyaafachuu. Akkasumas,
bineeldotaafi bineensota maqaa hin dhahamiin hafan bifa gaaffiin dhiyeessuun
akka barattootni ramadan carraa kennuun iyyaafachuun ni danda’a.
Yaad-deebii: Barsiisaan jalqaba irraa kaasee barattoota yaada burqisiisuu keessatti qooda
fudhatan jajjabeessaa deema. Kanneen hub-dogoggoraa qaban yoo jiraatan
gargaarsa addaa gochuun sirreessuu. Fakkeenyaaf mana isaanii keessa kan jiraniifi
manaan ala kan jiraatan adda baasuun gaafachuun sirreessaa demuu. Fakkiifi
moodeela bineeldota garaa garaa yoo jiraate itti agarsiisuun hubannoo isaanii
cimsaa deemuu dha.
Gocha 2.3
 Kaadhimamtoota, mala sammuu dhiluun qabiyyeewwan akkamii barsisuuf oola?
Qabiyyee saayinsii naannoo barsiisuu keessatti bu’aan isaa maal jettanii yaaddu?
Ogummaalee adeemsa saayinsaawaa as keessatti haala kamiin mul’achuu danda’u?
Fakkeenyaan deeggaruun ibsaa. Qabiyyeewwan saayinsii naannoo siilabasii irra jiran
keessaa mala kanaa akkamitti akka dhiyaachuu danda’an gareen irratti mari’achuun
dareef ibsaa.

2.4 Agaree fi Gahee Taphachuu
Tooftaan kun maloota lama kan walitti qabatedha. Barattootni gochaa keessatti ta’anii argamuun
agarsiisaa gahee isaanii taphatu; akkasumas kan gaheen taphatamu irraa warri daawwatan immoo
agareen baratu jechuudha. Mala kana keessatti hirmaachuun yaad-rimeefi yaad-hiddama wanta
irratti hojjetamaa jiruurratti caalaatti barachaa deemu.
Mala gahee taphachuutiin barsiisuun baratootaaf gahee taphatamu tokko dhuunfaadhaan yookiin
gareedhaan kennuun akka taphatan gochuun mala barsiisuuti. Mala kana keessatti barattoonni
muuxannoo duraan qaban bu’uura godhachuudhaan gochaa sana akkamitti akka hojjetan yookiin
raawwatan akkeessanii kan itti agarsiisanidha malee dubbisanii sammudhaan yaadachuun
hinbarbaachisu.
Fakkeenya: Qaamolee alaa nafa keenyaa barsiisuu (Kutaa 1)

GBYXGQ: Maqaa Qaamolee ala nafa isaanii ni himu.
Gocha: Gahee taphachuu qaama ala nafa isaanii agarsiisuu

➢ Kana keessatti waan gonfatamuu qabu:
Barattootni dandeettii yaaduu, waa uumuufi waliigaltee nidagaagfatu.
Qajeelfama:
i. Garee namoota saddeet qaban uumi
ii. Gareewwan kun fakkii kitaaba barataa irra jiru kana irratti hundaa’uun qaamolee ala nafaa
qabaman akka walitti himan akka fakkii armaan gadiitti gaafadhu.

iii. Gareewwan kana keessaa tokko gara fuulduraatti akka bahan godhi
iv. Tokkoon tokkon miseensotaa qaama ala nafa isaanii akka qaban taasisi
v. Gareewwan hafan immoo bakka qabame kana akka himan gaafadhu.
vi. Iyyaafannoo: Yeroo barattoonni fakkii ilaalanii walitti himanis ta’e yeroo qaama ala nafa
isaanii agarsiisanitti al-kallattiin hordofii tarreeffama mirkaneeffannaa qopheeffachuun
iyyaafadhu.
Yaad-deebii
▪ Yeroo isaan fakkii daawwatan garee keessa deemuun ilaaluun rakkoon hubannoo
yoo jiraate deeggari
▪ Yeroo gareen tokko bahuun qaama ala nafa isaanii qabachuun agarsiisus yoo
rakkoon jiraate akka hubannoo argataniif gargaari. Qaama ala nafaa jechuun kutaa
qaamaa keessaa kami akka ta’anis itti himi.
Gocha 2.4
1. Gareen ta’uun kitaaba saayinsii naannoo kutaa 1-4 jiran keessaa GBYXGQfi
qabiyyeewwan kanneen mala agareetiin barsiisuun danda’aman addaan baasuun
sababa waliin tarreessaa.
2. Mee amma immoo garee keessaniin ta’uun qabiyyeewwan saayinsii naannoo kutaa 1-4
adda baastan mala kanneen akka fakkeenya armaan oliitti akkaataa qabiyyichi ittiin
barsiiftan qopheessaa.

2.5 Moodeela Qopheessuun Barachuu
Moodeeliin wantoota sababa xinneenya isaaniin arguun hin danda’amne yookiin
wantoota baay’ee gurguddoo ta’an akkasumas yaadrimeewwan bakka buusuun kan

ittiin baratanidha. Daa’imman wantoota argan hundas moodeelaan bakka buusanii
ibsatu. Daa’imman moodeela ta’e tokko qopheessun akka deebisanii qopheessan shaakalsiisuun
ofiis kan argan akka shaakalaniif jajjabeessuun ogummaa waa kalaquu akka dagaagifatan gochuun
ni danda’ama. Fakkeenyaaf: Moodeela caasaa atoomii, Moodeela sirna aduu qophaa'e ilaaluun
ijoollota shaakalsiisuun nidanda’ama.
Fakkenya:
GBYXGQ: Barattoonni barannoo kana erga baratanii booda wixinee moodelotaa
sasalphoo niqopheessu. (Kutaa 2)
Gocha: Wixinee Moodeela Hojjechuu

Kana keessatti waan gonfatamuu qabu:
➢ Dandeettii waa bocuu, kalaquufi fakkeessuu barattootaa dagaagsa.
Qajeelfama:
i. Waraqaa, hapheefi wantoota biroo waa walitti qabuuf gargaaran qopheessi.
ii. Moodeeloota akka giloobii, caasaa qaama namaa, konkoolaataafi kan kana fakkaatan
qopheeffadhu.
Fakkii 2.2 Giloobii
iii. Barattoota garee adda addaatti qoodi.

iv. Moodeliin maal akka ta’e barattoota gaafadhu.
v. Hubannaa isaanii irraa ka’uun moodeliin wantoota qabatamaan lafa irra jiran bakka bu’uun
akka tajaajilan ibsiifii .

vi. Wanta barbaadneef karaa salphaa ta’een moodeela qopheessuu akka dandaàmu
hubachiisaa.
vii. Fakkii wanta moodeela tolchuufi barbaadan sana waraqaa irratti akka kaasaan gargaari.
(fkn fakkii hubboo(okkotee) fi kan biroo naannootti kan argamuu danda’u).
viii. Dhuma irratti waraqaa mummuruun hamma boca wanta fakkiin ka’e sanaa argatanitti
hapheen walittii akka qabsiisan itti himi.
Iyyaafannoo
✓ Yeroo gaaffii hubannoo gaafattuufi wayita modela qopheessanitti Iyyaafannoo al-
kallattii gaggeessi.
✓ Bakka barbaachisaa ta’etti gaaffilee hubannoo dabalataan gaafachuun nidanda’ama.
Yaad-deebii
▪ Yeroo gaaffii hubannoo gaafattu yoo rakkoon hubanno jiraate moodeela qabatte irra
deebi’uun agarsiisiitii faayidaa isaafi haala qophii isaa ibsiif.
▪ Wayita moodeela qopheessanis daawwachuun gargaarsa barbaachisaa ta’e taasisiif.
Gocha 2.5
Dabalataan piroojeektii moodelota garagaaraa wantoota addaa addaa naannoo
isaaniitti argaman akka kaartonii, dhoqqeefi kan kana fakkaatan irraa akka tolchan
taasiisuun sadarkaa hubannoo isaanii madaaluun mirkaneeffadhu.
2.6 Mala Rakkoo Hiikuu

Mala kana keessatti barattoonni beekumsa duraan qaban gargaaramanii rakkoof furmaata barbaadu.
Malli kun barattootni dhuunfaadhaanis ta’ee waliin ta’anii waan baratan hojiitti jijjiiruu yookiin
qabatamaa gochuu yookiin immoo waan baratan jiruufi jireenya isaanii keessatti hojiirra
oolchuudha.
Fakkeenya: Bishaan boora’aa/faalamaa wal’aanuu yookiin qulqulleessuu (kutaa 3)

GBYXGQ: Barattootni bishaan naannoo isaaniitti argamu wal’aanuun fayyadamuu
nidanda’u.

Gocha: Bishaan boora’e calaluu (Rakkoo naannoo hiikuu)
➢ Barattootni dandeettiifi ogummaa rakkoo hiikuufi daandii waa kalaquu nigonfatu.
Qajeelfama:
i. Bishaan boora’aa, biikarii, calaltuufi jirbii qopheessuu.
ii. Barsiisaan akkaataa itti bishaan wal’aanamu adeemsa tartiiba isaa barsiisuu.
iii. Barattootni ibsa barsiisaan booda akka hojjetanii agarsiisan shaakalsiisuu.
iv. Isa barattoonni hojjetan erga yaada itti kennuun qaaccessee booda bifa piroojektiin akka
galanii bishaan naannoo isaanii jiru qulqulleessanii dareetti fidanii akka gabaasan gochuu.
v. Barsiisaan dhiyeessa isaanii erga dareetti dhaggeeffatee booda akka isaan yeroo hunda bakka
jireenya isaaniitti fayyadaman jajjabeessuu qaba.
Iyyaafannoo: barattootni yommuu dareetti shaakalan tokko tokkoo hojii isaanii daawwachuun
hordofuun galmeessaa deemuu.
Yaad-deebii: Barsiisaan yeroo daawwatu bakka hanqinni yookiin dogoggorri jiru gargaaruun
sirreessaa deemuun yaada ijaarsaa kennuun, dandeettii hojiitti hiikuu isaanii
gabbisaa deemuu. Barattoota jabinaan hojjetan jajjabeessuu.
Gocha 2.6
 Kaadhimamaa/tuu, mala rakkoo hiikuun daa’imman kutaa 1-4tti jiru barsiisuun maal
maaliif fayyada sitti fakkaata? Mee siilabasii kutaa 1-4tti jiran fudhadhuutii
qabiyyeewwan mala kanaan barataman fiixaan bahin gahumsaa mirkaneessuu danda’u
jettu adda baasuun akkamitti akka hojiirra ooluu dand’amu tartiibaan kaa’i. Leenjisaan
(barsiisaan koolleejjii) akka hojiin agarsiisan yoo fedhe kallattii akka barsiisanii
agarsiian gochuu ni danda’a.

2.7 Mala Yaalii
Gocha 2.7
 Kaadhimama/tuu, waa’ee mala yaaliin barsiisuu kana maal jetta? Saayinsii naannoo kutaa 1-
4tti jiran mala kanaa barsiisuun nidanda’ama jettee yaaddaa? Mala kanaan barsiisuuf
wantoonni naannootti argaman qofti gahaa dhaa?
Malli yaalii saayinsii hunda barsiisuuf mala mijataadha. Mala kana keessaatti barattoonni waa
qaqqabuun kallattiin ofii irratti hirmaatanii yaalii yookiin hojii shaakalaa hojjechuun dhugummaa
yaad-hiddama jiru tokkoo akka ibsan yookiin mirkaneeffatan kan taasisudha. Mala kana keessatti,
barsiisaan akka barattoonni dalagaa yaalii keessatti hirmaatanii seerota saayinsaawaafi
piriinsippiloota adda addaa mataa isaanii akka argatan nijajjabeessa. Galmaan ga’insa mala kanaa
meeshaaleen haalaan qindaa’aniifi guutaman irratti kan hundaa’u ta’us saayinsii naannoo
barsiisuuf leecalloo naannoo haalaan karoorsanii hojiirra oolchuun qofti gahaadha.
Fakkeenya: Ifni anniisaa ta’uu isaa barattoota barsiisuu (Kutaa 3)

GBYXGQ: Barattootni ifni akaakuuwwan anniisaa keessaa tokko ta’uusaa nibaratu.
➢ Barattootni beekumsa adeemsa oggummaa saayinsii ( kan akka daawwachuu, qunnamuu,
yaalii wixineessuu fi kanneen kana fakkaatan) nigoonfatu.
➢ Dandeettii waa hojjetanii bira ga’uu ni argatu.
➢ Ofitti amanamummaa nidagaagifatu.
Qajeelfama:
i. Leensii sassaabduu, waraqaa yookiin huccuu adii qopheeffachuu.
ii. Barsiisaan mala sammuu dhiiluun gaaffilee armaan gadii gaafata.
 Huccuun miicamee aduu keessatti maaliif afama?
 Aduu keessa yeroo dheeraa yoo turtan maaltu isinitti dhaga’ama?
iii. Barsiisaan ibsa gabaabaa waa’ee anniisaa aduu irraa argamu taasisa.
iv. Barsiisaan meeshaalee leensii sassaabduu, warqaa yookiin huccuu adii walitti qabachuun
mala agareen barattootaaf dursee hojjeta.
v. Barattootni meeshaalee barsiisaan fayyadame gargaaramuun gareen akka hojjetan gochuu.
vi. Maal daawwatte? Waan argite xiiyyeeffannaan ilaaluun dhuunfaan hojjedhaa jechuu.

vii. Iyyaafannoo:
✓ Barsiisaan gaaffilee sammuu dhiluu gaafachuun sakatta’iinsa duraa gaggeessuu.
✓ Adeemsa yaalii keessatti hojii isaanii hordofuun al-kallattiin galmeessuu.
✓ Bu’aan yaalii sanaa maal akka ta’efi maal akka mirkaneesseef akka gabaasan gochuun.
Yaad-deebii:
▪ Barsiisaan deebii barattootni sakatta’iinsa duraa irratti kennan qajeelchuun karaa qabsiisa.
▪ Adeemsa yaalii isaanii keessatti yaada sirreeffamaafi ijaarsaa kennuu; hub-dogoggoraa yoo
mudatanis sirreessaa deemaa.
▪ Kan sirriitti hordofanii hojjetan ni jajjabeessaa.
▪ Gabaasa yaalii barattootaa irratti yaada sirreessuufi gabbisu kennaa.
Gocha 2.8
 Kaadhimamtoota:
i. Gahumsa Siilabasii saayinsii naannoo kutaa arfaffaa irraa fuudhame
kan ”Jijjiiramoota keemikaalaa ni agarsiisu.” jedhu kana barsiisuuf meeshaalee
barbaachisaniifi qajeelfamoota barbaachisan barreessuun dareef ibsaa.
ii. Mee siilabsii saayinsii naannoo kutaa 1-4tti jiru fudhachuun qabiyyee mala
kanaan barsiifamuu danda’aman kan biroo adda baasuun akkataa raawwii isaafi
meeshaalee barbaachisan waliin dareef dhiyeessaa
2.8 Mala Maappii Yaad-rimee

Maappiin yaad-rimee barattootni wanta beekan, waa’ee waliitti hidhamiinsaafi hariiroowwan
yaad-rimeewwan gidduu jiru danaadhaan ibsuuf isaan gargaara. Barattootni beekumsa duraatti
fayyadamuuniifi wanta beekamu yookiin hinbeekamneefi wanta karaa sirrii hintaaneen hubatame
irratti barsiisoonni barattootaaf yaad-deebii akka dhiyeessan isaan dandeessiisa.
Fakkeenya: Ramaddii Bineeldotaa (Kutaa 2)

GBYXGQ: Barattootni akkaataa ramaddii bineeldotaa addaan baasanii ni hubatu.

➢ Adeemsootni akkamitti akka walitti hidhaman hubachuuf barataa gargaara.
➢ Maappiin yaad-rimee dandeettii yaadoota qindeessuu, yaaduu, ramaduu, yaada
burqisiisuufi bakka buusanii ibsuu barattootaa dabaluuf gargaara.
Qajeelfama:
i. Hariiroo wantootaa maappii yaad-rimeen waraqaa yookiin huccuu irratti qophaa’e
qopheeffachuu.
ii. Maappiin yaad-rimee jalqabaaf yoo barattootaatti himamu sadarakaa dareetti barattootaaf
moodeela isaa ibsuufiin itti agarsiisuu.
iii. Barattoonni bineeldota naannoo isaanii jiran akka tarreessan gaafachuu,
iv. Wiirtuu chaartii yookiin gabatee gurraacharratti mata duree (ramaddii bineeldotaa)
barreessuu.
v. Akka dareetti yaadootaan ramaduuf gargaaran ulaagaa adda addaa itti himuun
yaadachiisuu.
vi. Tokkoon tokkoo yaad-rimee si’a tokko qofa akka fayyaduu danda’u ibsuufii.
vii. Hariiroowwaan yaadootaa agarsiisuuf xiyyootan yookiin sararaan wal qabsiisuu.
viii. Xumurarratti barsiisaan/tuun yaada qaaccessuun goolaba. Akka fakkeenyaatti, fakkii
yaad-rimee kanatti aanee jiru ilaalaa.

Kan miilaan deeman
Kan biqiloota
sooratan Kan balali’an Kan lafarra
lo’an
Akkaataa Sochii isaaniin

Kan foon
sooratan
Killee
Akkaataa Soorataan
buusuun
Fooniifi biqiloota kan

sooratan Akkaataa Wal
Ramaddii hormaataan
Bineeldotaa
Akkaataa madaqina
isaaniitiin Ilmoo dhaluun
Bineensota Beeyiladoota
Akkaataa bakka jireenyaa
Lafarra kan Bishaan keessa

jiraatan kan jiraatan
Lafarra fi bishaan
keessa kan jiraatan
Iyyaafannoo:
✓ Barsiisaan barattoota yaada isaanii yoo maddisiisanfi walqabsiisan daawwachuun haala
isaanii adda baasaa deemaa.
✓ Gaaffii maaliif jedhu gaafachuun akka sababeessaa deeman gochuun al-kallattiin
iyyafachuun hubannoo isaanii galeessuudha.
Yaad-deebii:
▪ Barsiisaan barattootni bakka dogongoranitti ijaaraa deemuu qaba.
▪ Barattoota sirriitti wal-qabsiisaa deeman yaada ijaarsaa kennuun jajjabeessuu qaba.
▪ Barattonni fedhii addaa yoo jiraatan xiyyeeffannaa addaa kennuun akka fedhii isaaniitti
gargaaruu/akka walgargaaran gochuu.

▪ Fakkeenyaan akka deeggaraman gargaaruu qaba.
Gocha 2.9
 GBYXGQfi qabiyyee mala kanaan barsiifamuu danda’an siilabasii saayinsii
naannoo kutaa 1-4tti jiran keessaa adda baasuun akkaataa hojiirra oolmaa isaa
barreessuun dareef ibsaa. Kan yoo raawwattan dura GBYXGQ adda baaftan kan
barsiisaa koolleejjii keetti fiduun mirkaneeffachuu qabdu.
2.9 Mala Falmii
Gocha 2.10
 Kaadhimamaa/tuu, Mala falmiin barsiisuun bu’aa maalii qaba jettee yaadda?
Akkamittis hojiirra oola? Mala kanaan qabiyyeewwan saayinsii naannoo barsiisuun ni
danda’amaa? Yoo nidanda’ama jette mee siilabasii saayinsii naannoo kutaa 1-4tti
jiran keessaa qabiyyeewwan mala kanaan barsiifamuu dada’an adda baasuun
barsiisaa keef dhiyyeessi.
Malli falmii mala barattoonni si’aa’inaan hirmaachisan keessaa isa tokko ta’ee, barattootni
dhuunfaanis ta’e gareen bakka lamatti qoodamuun yaada garaagaraa lamarratti dursanii
qophaa’uun walfalmaniidha. Falmiin seera mataasaa qaba. Innis namni tokko yookiin gareen tokko
yommuu dubbatu namni yookiin gareen biroo xiyyeeffannaan dhaggeeffachuun yaada garee biraa
sanaa irratti yaada mormu dhiyeessa. Daa’immaan mala kanaan yoo baratan dandeettii yaada
burqisiisuu, nama amansiisuu, wal-dhaggeeffachuu, gamtaan jiraachuufi kan kana fakkaatan
gabbifatu.
Fakkeenya:
GBYXGQ: Barattoonni barbaachisummaa bashannanuufi boqonnaa ibsuu (kutaa 3)
Gocha: Walfalmii al-idilee

Qajeelfama:
1. Dursa, barattoonni yaad-rimeewwan boqonnaa, bashannanuu, qo’achuufi hojiin akka ibsan
waamicha taasisi. Kana booda tokkoon tokkoo barataa fakkeenya boqonnaafi kan hojii tokko
akka dhiyeessan gaafadhu.
2. Barattoonni sababoota kanneen akka armaan gadii hojiin maaliif barbaachisaa akka ta’e akka
ibsan gaafadhu:
a. Wantoota haaraa barachuuf hojjanna.
b. Galii argachuuf hojjanna.
c. Soorata argachuuf, mana jireenyaa ijaarachuufi kan kana fakkaatan.
3. Barbaachisummaan boqonnaa maaliif akka ta’e barattoonni sababoota akka dhiyeessan
gaaffiiwwan kanneen akka armaan gadii gaafadhu:
a. Yeroo boqonnaas wantoota haaraa barachuu dandeenyaa?
b. Haara galfiifi qaama ofii diddiriirsuun fayya qabeessummaa keenya ni cimsaa?
4. Yaadrimee walfalmii yaadaa keessatti tokkoon tokkoo garee ejjannoo qabatee irratti falmachuuf
waliin hojjachuun akka irra jiraatu barattootaaf himi. Kanas fakkeenyaawwaniifi falmiiwwan
loojikiitti fayyadamuun qabsiisi.
5. Barattoota daree gareewwan lamatti qooduun tokkoo tokkoo gareetiif gahee kennuu.
Gaffiiwwan falmii yaadaa armaan gadii gabatee irratti barreessi: “Boqonnaafi bashannanuun
hojii dalaguu caalaa ni barbaachisaa?”
6. Barattoota gareewwan walfalmii yaadaa gara garaa irraa tartiibaan waamuun ejjennoo qabatan
irra dhaabbachuun akka walfalmii yaadaa gaggeessan godhi.
7. Tokkoon tokkoo barataa gareewwan falmii yaadaa gara garaa yoo xinnaate carraa hirmaachuu
al tokko argachuun yaada ofii gareewwan kaawwaniif deebii kennu qaba.
Iyyaafannoo:
• Yeroo falmii barattoonni yaada maddisiisuu isaanii fi akkaataa yaa’insa yaada isaanii
hordofuun galmeeffadhu.
• Barattoota waamuufi yaad-deebii isaanii xiinxaluun boqonnaafi bashannanuu akkasumas
hojii fi barbaachisummaa tokkoo tokkoo irratti daandeettii fakkeenya kennuu isaanii karaa
al kallattiin iyyaafadhu.

Yaad-deebii:
• Kan sirriitti yaada isaanii ibsatan jajjabeessuu, badhaasuu…
• Barattoota of-ibsuu sodaatan yoo jiraatte jajjabeessuun akka yaada isaanii ibsan gochuu
2.10 Mala Waanan Beeku, Waanan Barachuu Barbaaduufi Waanan Baradhe

Mala Kana keessatti waan gonfatamuu danda’u:
➢ Waa’ee yaada kennamee irratti sadarkaa beekumsa irra jiranii ofsakatta’uu isaan
dandeessisa.
➢ Maaltu akka isaan hafe adda baafachuun yaada haaraa bira ga’uu qaban akka
murteeffatan isaan dandeessisa.
➢ Beekumsa duraan qaban irraa ka’uun kan biroo akka dagaagfatan isaan dandeessisa.
Fakkeenya: Naannoo Keenyaa (Kutaa 4)

GBYXGQ: Barattootni qabeenya uumamaa naannoo isaaniitti argaman nitarreessu.
Gocha: Qabeenya uumamaan argaman irratti yaadota maddisiisuu
Qajeelfama:
i. Barattootni waraqaa baafachuun dhuunfaan waa’ee qabeenya uumamaa duraan beekan
nitarreessu.
ii. Barsiisaan gabatee gurraacharratti yookiin dursee chaartii irratti qabeenya uumamaa
naannootti argaman hunda tarreessuun qopheessuun ibsa irratti kenna.
iii. Barattootni waan dura tarreessan irra deebi’anii ilaaluun kan hafan itti guutu.
iv. Barsiisaan irra deebi’ee erga gudunfeefii booda barattootni amma har’a waan baratan akka
waraqaarratti barreessan godha.
v. Kana booda waan haaraa dabalataan barachuu barbaadan akka adda baafatan gaafata.
vi. Bifa chaartii yookiin gabatee armaan gadiinis fayyadamuun nidanda’ama.
Waanan beeku Waanan baruu barbaade Waanan baradhe

Iyyaafannoo:
✓ Gocha kana keessatti yommuu barattootni waan duraan beekan barreessanis ta’ee
boodarra kan barachuu barbaadaniifi baratan karaa alkallattiin daawwachuun xiinxala
ofiisaa kenna.
✓ Akka dabalataatti, gaaffilee burjaajummaa dagaagsan (fakkeenyaaf, namni, wantootni
ijaan hinmul’anne …, qabeenya uumamaati moo miti?) hambisuuf akka dareetti
dhiyeessuun garaagarummaa hubannoo isaanii sakatta’uun sababa isaan dhiyeessan
irratti hundaa’uun qabxeessuu yookiin sadarkeessuu.
Yaad-deebii:
▪ Waa’ee qabeenya uumamaa akka naannoo isaanitti kan jiraniin alatti bal’isanii akka
yaadan yaad-deebii sababeessuun kennuu.
▪ Barattootni yaadasaanii walabaan akka burqisiisan jajjabeessuu.
▪ Barattootni yaada waliirratti akka yaada dabalataa biroo burqisiisaniif isaanumti
gaafatanii akka gareen biroo yaada irratti kennan carraa banuu.
2.11 Mala Diraamaafi Gahee Taphachuu
Malli diraamaa mala barsiisaan/tuun mata duree tokko irratti gochaawwan gaheen taphatamuu
qaban qindeessuun barattootaaf kennuun irratti qophaa’anii akka dhiyeessan kan godhamu yoo
ta’u, gahee taphachuun gahee qooda fudhattootaa fudhatanii hojjetanidha. Akkasumas yeroo tokko
tokko gahee taphachuun qophii tokko malee gahee gochaawwan naannoo isaaniitti hojjetamu
battalumatti akkeessanii hojjechuudha.
Fakkeenya: waa’ee dhukkuboota hafuuraan daddarbanii barsiisuuf hojiirra oolchuu

GBYXGQ: Barattootni dhukkuboota hafuuraan daddarban adda nibaafatu
➢ Baratttotni dandeettii yaaduu, waa uumuufi waliigaltee nidagaagfatu.
Qajeelfama:
i. Barsiisaan waa’ee dhukkuboota afuuraan daddarbanii ibsa.
ii. Barattoonni gochaalee maal maal irratti akka gahee taphatan gargaaruufi shaakalsiisuu qaba.

iii. Barattootni gahee isaanii fudhatanii (doktora, ogeessa laboraatoorii, dhukkubsataa, nama
fayyaa, maatii nama fayyaa ... ) erga irratti qophaa’anii booda dareetti taphatu.
iv. Hordoftootni diraamichaa (barattootniifi barsiisaan) erga taphni diraamaa raawwatee booda
yaada nikennu akkasumaas gaaffilee nigaafatu.
v. Barsiisaan yaada goolabaa kennuun niraawwata.
Iyyaafannoo:
Barsiisaan barattoota gahee fudhatan gahumsa isaan ittiin taphatan daawwachuun
niqabxeessa. Warreen yaada kennan, gaaffii gaafatan akkasumas deebii kennan adda
ni baafata.
Yaad-deebii: Barsiisaan diraamaan erga xumuree booda yaada ijaarsaa gahee taphattootaaf,
hordoftoota yaada kennan, gaaffii gaafataniif yaada sirreeffamaas ta’e ijaarsaa
kennuun, Barattoonni fedha akkasii akka horataniif warreen taphatan
jajjabeessuun yaada goolabaa kenna.
Gocha 2.11
 Kaadhimamtoota, Siilabasii saayinsii naannoo kutaa 1-4tti jiran irraa qabiyyee mala
diraamaafi gahee taphachuun barsiifamuu danda’an adda baasuun qajeelfama isaa
barreessuun akkamitti akka barsiisuu dandeessan daree keessatti dhiyeessaa.
2.12 Mala Imala Dirree yookiin Daawwannaa Dirree
Malli kun daree barnootaa alatti daawwannaan deeggaramuun ittiin baratamudha. Yeroo baay’ee
waan dareetti fiduu hindandeenye yookiin bakka sana deemamuun salphaatti barattoota barsiisuun
kan danda’amu yoo ta’ee argame kan fayyadamnudha. Daawwannaan barachuun barattoota ni
jajjabeessa.
Fakkeenya: Qabeenya uumamaa (Kutaa 1)

GBYXGQ: Barattootni Akaakuu biyyee addaan ni baasu.
➢ Ogummaa daawwannaan waa adda baasuufi ramaduu nidagaagfatu.

➢ Dandeettii yaada qindeessuu nidagaagfatu.
Qajeelfama:
i. Barsiisaan dursee qabiyyee irratti xiyyeeffatamuu yookiin daawwatamuu qabu
wixineessuu qaba.
ii. Amaloota akaakuuwwan biyyee ibsuu.
iii.Itti aansuun barattootni maal maal daawwachuu akka qaban itti beeksisa.
iv. Barattootni mooraa mana barumsaatti bobba’uun biyyee akka daawwatan bobbaasuu.
v. Yommuu daawwatan ibsi barsiisaatiin kennama.
vi. Gaaffilee garaagaraa gaafachuun waan isaaniif hingallerratti yaada argatu.
vii. Gara daree barnootaatti deebi’uun waan daawwatan tokko tokkoon yaada kennu yookiin
immoo gabaasu.
Iyyaafannoo:
✓ Barsiisaan yommuu barattootni dirree irratti gaaffilee gaafatan sadarkaa hubannaa isaanii
nisakatta’a.
✓ Yeroo kutaatti deebi’anii waan daawwatanii ibsan qabxeessaa deema.
✓ Gaaffilee garaagaraa waan dirreetti daawwatan irratti hundaa’uun gaafachuun
iyyaafachuun ni danda’ama.
✓ Gabaasa daawwii irratti qabxii kennuun ni danda’ama.
Yaad-deebii:
▪ Dirree daawwatame irratti yaada barattootni kennan yookiin gaaffilee isaanii irratti
barasiisaan yaada deeggarsaa kennaa deema.
▪ Erga daree barnootaatti deebi’anii booda calaqqee isaan dhiyeessan jajjabeessaa
deemuun yaada ijaarsaafi ibsa qabeessa kennaaf.
Gocha 2.12
 Kaadhimamtoota, Siilabasii saayinsii naannoo kutaa 1-4tti jiran keessaa qabiyyee mala
imala yookiin daawwii dirreen barsiifamuu danda’an adda baasuun qajeelfama isaa
barreessuun daree keessatti dhiyeessuun, kolleejjiin itti leenji’aa jirtu mana barumsaa osoo
ta’ee akkamitti akka hojiitti hiiktan qabatamaan agarsiisaa.

2.13 Mala Jiigsaawaa
Tokko tokkoo garee barattootaaf mata dureewwan xixiqqaa garaagaraa kennuun erga irratti
mari’atanii booda tokko tokkoon miseensa garee sanaa garee biroorra faca’uun abbummaan ibsuuf.
Kun ammoo mata duree qabiyyee bal’aa qabu altokkichatti barachuuf gargaara.
Fakkeegya: Nyaataafi Fayyaa Maatii (Kutaa 3)

GBYXGQ: Barattoonni gartuulee nyaataa arfan nitarreessuu.
Gocha: Gartuulee Nyaataa arfan irratti waliin dubbachuu(Gareewwan Nyaataa Jigsaawaa)

➢ Daa’imman dandeettii yaaduu, murtoo kennuu, rakkoo hiikuufi waliin hojjechuu
dagaagsatu.
Qajeelfama:
i. Gartuuleen nyaata afur jiraachuu isaaniifi barattootaaf ibsi. (biqiltoota, midhaan dheedhii,
fooniifi bu’aawwan aannanii)
ii. Barattoota gareewwan afuritti qoodi. Tokkoo tokkoo garee, gosoota nyaataa afran irratti
ramadi
iii. Tokko tokkoo garee akaakuu nyaataa irraa walittii dhufuun gaffiiwwan armaan gadii irratti
akka mari’atan godhi.
a. Fakkeenyawwan muraasni garee nyaata kanaa maal fa’aadha?
b. Nyaata kanneen keessaa yeroo hedduu kamitti fayyadamta?
c. Nyaanni kunniin eessaa dhufuu?
d. Nyaata kanneen akkamiin bilcheessuun qopheessinna?
e. Yeroo nyaataa irratti garee nyaata kana hangam nyaachuu qabna?
f. Barbaachisummaan garee nyaata kanaa maali?
iv. Barattoonni deebiiwwan gaaffiilee kanneenii kan garee isaanii galmeeffachuu qabu.
v. Tokko tokkoo gareewwan nyaataa irratti mari’atan kana bakka afuritti qooduun wanta irratti
mari’atan akka walitti himan godhi.

Iyyaafannoo:
Gocha kana guutuu keessatti, karaa al-idileetiin beekumsa barattoonni gareewwan nyaataafi
nyaata madaalamaa irratti qaban gaaffiiwwan gaafachuufi tokko tokkoo gareewwanii
xiinxaluun madaaluun gargaari.
✓ Akka dabalataatti, gaaffilee dhiyaataniif fakkeenyaawwan nyaataa gosoota afurii keessatti
tarreessan akka iyyaafannoo al-idileetti fayyadamuu dandeessa.
✓ Fakkeenyaawwan nyaata barattootaa walittii qaban akaakuuwwan nyaataa afur keessaa
walittii fiduun nyaata madaalamaa qopheessuu danda’uu isaanii madaali.
Yaad-deebii
▪ Yeroo gareen gartuu nyaataa isaaniif kenname irratti mari’atan yoo rakkoon hubannoo
jiraate tokkoo tokkoo gaaffii akka deebisuu danda’an isaan gargaaruuf gaaffiiwwan
hordoffii kanneen akka armaan gadii gaafadhu:
a. Garee nyaataa kana ati jaalattu kami? kan ati homaa hin feene hoo?
b. Kan ati jaallattuun ala maatii kee keessaa kan isaan jaallatan maalfa’i?
Gocha 2.13 Kaadhimamtoota,

 Barsiisuun ofumasayyuu mala jiigsawaati. Kana jechuun maal jechuu akka ta’e ibsi.
 Ati osoo barsiisaa saayinsii naannoo taatee barattoota guyyoota torbanii mala
kanaan barsiisuu barbaaddee akkaatuma raawwii armaan oliitiin barattoonni maal
maal irratti akka mari’atan goota? Waan ta’uu qaba jettan hunda gareen ta’uun
waliif ibsuun dareef ibsaa.
2.14 Mala Tapha Pazilii
Malli kuni mala taphachaa rakkoo walxaxaa ta’e ittiin furaniidha. Barattoonni dandeettiin yaaduu
isaanii akka qaramu ni gargaara.
GBYXGQ: Argama naannoo isaanii naannoolee ollaa wajjin wal bira qabuun addaan
baasanii nihimu (Kutaa 3)
Gocha: Kaartaa Itoophiyaa haala teessuma (argama) naannooleetiin kukkutuun barattoonni walitti
deebisuun agarsiisuu akka danda’an shaakalsiisuu.

Waan gonfatamuu danda’u:
➢ Ogummaa waa sirreessanii muruu, Sirinaan qindeessuu, Daangaafi boca nnaannoolee adda
baasuu.
Qajeelfama:
i. Kaartaa Itoophiyaa naannoolee hundatti qoodame muraasafi qaxxaamura dareetti fidi (akka
fidan godhi)
ii. Barattoota gareetti qoodi
iii.Kaartaa Itoophiyaa naannoolee hundatti qoodame dareetti fidde kana garee muraasaaf qoodi
Fakkii 2.3 Maapii Naannolee Itoophiyaa
iv. Gareewwan fudhatan kuni ofeeggannoon kaartaa kana daangaa naannoolee eeguun akka
muran taasisi
v. Kaartaa garee kanaan muraman kana garee biroof kenni.
vi. Gareewwan kun tokkoon ciccitaa naannoolee olkaasuun naannoo kami akka ta’e gaafadhu
vii. Gareewwan kuni of’eeggannoon kaartaa mummuraman kana akka deebisanii walitti fidanii
itti himi.
Iyyaafannoo
✓ Gochaalee tokko tokkoof si’aayinaafi qulqullina isanni irratti qabxii kennuu maltu dursii
murteessi.

✓ Barattoonni kaartaa sana muran ofeeggannoofi si’aayinaan muruu isaanii alkallattii hordofuun
galmeeffadhu.
✓ Barattoonni kaartaa murame sana ofeeggannoofi si’aayinaan walitti fiduu isaanii alkallatti
hordofuun galmeeffadhu.
Yaad-deebii:
▪ Yeroo muranitti rakkoon yoo isaan mudate haala rakkoo isaanii adda baasuun gargaari.
▪ Yeroo kaartaa walitti fidanis yoo bocaafi bakka argama naannoolee kanaa akka yaadataniif
gaaffilee dhiyeessiif, Naannoolee kanaafis kallattii arfaniin naannoo daangessu akka adda
baasan godhi.
Gocha 2.14
 Mala paziliifi taphaan daa’immaan saayinsii naannoo barsiisuun bu’aa maalii qaba
jettee yaadda? Mee qabiyyeewwan mala kanaan barsiifaman siilabasii saayinsii
naannoo kutaa 1-4tti jiran filachuun akkaataa hojiirra oolmaa isaa waliin dareef
dhiyeessi.
2.15 Mala “Goldfish Bowl”

✓ Barattoonni waan qabiyyicha keessatti baratan ilaalchisee gaaffilee barreessuun meeshaa
kennameef/korojoo keessatti kuusu. Barsiisaan gaaffilee heddu korojoo keessaa fuudhuun
gaaffilee gaafatamaniif dareef deebii kenna yookiin barattoonni akka deebisan taasisa.
✓ Malli kun barsiisaaf yaad-deebii akka argatuuf isa gargaara, barattootaaf carraa gaaffilee
gaafachuu kennuufi odeeffannoon sirriitti akka ibsamuuf isaan gargaara.
Akkaataa hojjiirra oolmaa isaa
1. Qabiyyee baratan keessaa gaaffii irratti akka barreeffataniif kaardiin barattootaaf ni

kennama. Waan baratan keessaa kan sirriitti hubachuu hin dandeenye ilaalchisee akka ifa
ta’uuf gaaffiilee akka gaafatanis kallattiin itti ni agarsiifama. Akkasumas, haala
qabatamaa jiruun akkaataa kenniinsaa, hojirra oolmaa qabiyyichaa ilaalchisees gaaffilee
akka gaafatanis gochuun ni danda’ama.
2. Xumura wayitii irratti (yookiin gaaffileen akka hojii manaatti kan kennaman yoo ta’e,
jalqaba wayitii guyyaa itti aanuutti) barattoonni gaaffilee isaanii meeshaa kennameef/
korojoo keessatti akka kuusan taasifamu.
3. Itti aansuun barsiisaan gaaffilee hedduu korojoo keessatti kuufaman keessaa fuudhuun
dareef deebii itti kenna yookiin barattoonni akka deebisan gaafata.
Gocha 2.15
 Kaadhimama/tu, Mala kanaan barsiisuun akkam akka ta’e hubatteettaa? Mala kanaan
barsiisuun daa’immaniif bu’aa addaa maalii qaba jettee yaadda?, Siilabasii saayinsii
naannoo kutaa 1-4tti jiran keessa qabiyyee filachuun dareee keessatti akkaataa
qajeelfama kanaan wal barsiisuun hojiirraa oolchaa.
2.16 Mala Marii

Malli kun mata duree salphaatti ibsuu yookiin agareen baratamuu hin dandeenye barsiisuuf oola.
Malli kun mala baruu barsiisuu qofa osoo hin taane mala iyyaafannootis.
Amaloota mala marii gaarii:
1. Mata duree mariif dhiyaatu of eeggannon filatamuu qaba.
2. Mata duree mariif dhiyaatu fedhii walii galaa barattootaa irratti hundaa’uu qaba.
3. Barattoonni madda biroo akka dubbisaniif jajjabeeffamuu qabu.
4. Barsiisaan marichi barataa tokkon yookiin lamaan akka hin to’atamne gochuu qaba.
5. Barsiisaan wayita barattoonni marii’ataa jiranitti ofii keessaa seenee ibsuu hin qabu, garuu
bakka barbaachisaa ta’etti karaa agarsiisuu ni danda’a.
6. Yeroo tokkotti barataa tokkichi qofti dubachuu qaba. Kana jechuun baratroonni dabaree
dabareen dubbachuu qabu jechuudha.
Faayida mala mariin barachuu:
i. Barattoonni siàaìnaan akka hirmaatanii fi beekumsa horataa godha
ii. Walitti dhufeenya barattootaa cimsa .
iii. Fedhii barattootaa barumsaaf qaban kakaasa.
iv. Dandeettii hawaasummaa barattootaa gabbisa.
v. Barattoota gidduutti ilaalchi yaada walijjiirraa akka cimu taasisa.
vi. Barattoonni ija jabina akka horatan ni gargaara.
Fakkii 2.4 Marii garee barattootaa
Fakkeenya: Qaama keenya (kutaa 4)

GBYXGQ: Barattoonni gosa nyaataa adda ni baasatu.

➢ dandeettii yaada isaani walii hiruu gonfatu
➢ dandeettii wal dhaggeeffachuu gonfatu
➢ dandeettii yaada isaanii ibsachuu gonfatu
➢ dandeettii walgafachuu gonfatu
Qajeelfama:
i. Barsiisaan marii gaggeesuu dura gafiilee marii irratti gaggeeffamu qophefachuu qaba
▪ Gosa nyaataa naannoo keessaan jirani mali faadha?
▪ Gosoonni nyaataa kun maliif nufayyadu?
ii. Barattoonni gareedhaan irratti mari’atanii gosa nyaataa tarreessu.
iii. Barattoonni erga tarreessanii booda maal akka nufayyadan tokko tokkoon ibsu.
iv. Barattoonni yeroo mari’atan, barsiisaan haala armaan gadiitti hundaa’ee isaan hordofa.
▪ Barattoonni wal hordofuu isaanii,
▪ Garee keessatti hundumtuu akka hirmaatu,
▪ Yaada kenuun tokko tokkoon ta’uu isaafi kan kana fakkaatu hordofuu qaba.
v. Garee hunda keessa namni tokko tokko daree guutuuf waan irratti waliin mari’ataniifi
irratti waliigalan irratti ibsa kenna
vi. Booda irrati barsiisaan yaada cunfaa barattootaaf ibsa

Iyyaafannoo:
✓ Barattoonni yaada isaan kennan sakatta’uun barbachisaa tanaan niqabxeessa
✓ Gaaffilee ka’aniif gareen kum ibsa gahaa kennusa ni galmessa akkasumas qabxii gareeleef
ni kenna.
✓ Barattoota garee jequu barbadani nihordofa.
Yaad-deebii:
▪ Barattoota hojii gareerratti hirmaatan jajjabeessa warra hinhirmaanne kakaasa.
▪ Barattoota jequu yaalani sagalee maleen akkekachisu yookiin haala barumsi hinjeqamneen
sagaleetiin akkekachiisu.
Gocha 2.16
 Kaadhimamtoota, Siilabasii saayinsii naannoo kutaa 1-4tti jiran keessa qabiyyee filachuun
mala mariin akkaataa hojiirra oolmaa isaa (qajeelfama, Iyyaafannoofi yaad-deebiin
kennamu) bareessuun dareef dhiyeessaa. Barsiisaan koolleejjii gareen muraasni
fakkeenyummaa gaarii qaban akka dhiyeessan gochuu qaba.
2.17 Mala Piroojektii
Gocha 2.17
 Malli piroojektii maal? Saayinsii naannoo barsiisuuf bu’aa maalii qaba? Kutaa 1-4tti
barsiisuuf itti fayyadamuun ni danda’amaa? Mala kana erga dubbiftee booda qabiyyee
siilabasii saayinsii naannoo kutaa 1-4 tti jiran keessaa kan mala kanaan barsiifamuu
danda’aman adda baasuun qajeelfama raawwii isaa dareef gareen mari’achuun
dhiyeessaa. Kanaafis intarneetii yookiin maddoota iyyaaffannoo biroo fayyadamuu ni
dandeessu.
Malli piroojektii yaad-rimee barachuun hojjechuufi barachuun jiraachuun jedhuufi mala-rakkoo

hiikuu of keessaa qaba. Malli kun qabatamaafi furmaata barbaaduu irratti kan hundaa’ee waan
ta’eefi, barattoota keessatti fedhii mala saayinsaawaafi ogummaa saayinsaawaa akka dagaagifatan
nitaasisa.

Akka hayyuu barnootaa Dewey jedhamu ibsetti pirinsipiloota armaan gadii irratti hundaaà:
i. hojjechuun barachuu
ii. jiraachuun barachuu
iii. daaìmmaan walitti firoomsuun, waltaiinsaafi gochaan sirriitti baratu (children learn
better through association cooperation & activity)
Ulaagaa filannoo piroojektii

1. Barnoota kennuu qabaachuu qaba.
2. Fedhaafi dandeettii barattootaa irratti hundaaùu qaba.
3. Barattootaan kan filatame taùu qaba.
4. Faayidaa qabeessa taùu qaba.
5. Rakkoo kan hiiku taùu qaba.
6. Yeroo mijataa (gahaa) qabachuu.
Faayidaa mala piroojektii

i. Yaad bu’uuraa seera xiinsammuun barachuu qaba.
ii. Barattoonni ofti amantaan barachuu akka horatan, kakaiinsa akka horatan taasisa.
iii. Ofitti amanamummaafi ilaalcha dimokiraatawaa ni dagaagsa.
iv. Barnootni walitti dhufeenya akka qabaatan taasisa.
v. Barattoonni adeemsa rakkoo hiikuu nigabbifatu.
vi. Barattoonni beekumsa waa barbaaduu horatu
vii. Jireenya barataa mana barumsaafi alaa walitti kan hidhame taasisa.
viii. Hariiroo barnoota adda addaa gidduu jiru nihubachiisa.
2.18 Mala Abbaltii

Mala abbaltii keessatti yaad-hidamaafi hojii laboratorii wal cinaa deemsisuun nidandaàma.
Malli kun :
✓ Maloota baruu-barsiisuu hedduu walitti fiduu danda’a.
✓ Barattoonni odeeffannoo hojiitti hiikuu akka dandaàn gargaara.
✓ Barattoota ofiin qoàchuu akka horatan godha.
✓ Barattoota keessatti ilaalcha saayinsaawaa akka horataniifi gargaara.
✓ Barattoonni maddootaa fi meeshaalee baruu-barsiisuu hedduu akka fayyadaman godha.

Ulaagaa abbaltii gaariin guutuu qabu
▪ Gosa barnootaa baratamu wajiin hariiroo qabaachuu qaba.

▪ Barattoota kan madaaluufi haala salphaafi ariitiin kan raawwatamuu dandaù taùu.
▪ Faayidaan isaafi kaayyoon isaa barattootaaf ifaa taùu qaba.
▪ Jechoota ifaa taàniin barrreeffamuu qaba.
▪ Umurii, fedha, ilaalchaafi dandeettii barattootaa wajjin deemuu qaba.
▪ Malleen baruu-barsiisuu hedduu of keessatti qabachuu qaba.
Gocha 2.18
 Kaadhimamtoota, Siilabasii saayinsii naannoo kutaa 1-4tti jiran keessa qabiyyee
filachuun mala abbaltiin barsiifamuun akkamitti akka danda’aman (qajeelfama,
Iyyaafannoofi yaad-deebiin kennamu) bareessuun dareef dhiyeessaa.
2.19 Mala Aadaa (Hibboo) Fayyadamuun Barsiisuu
Gocha 2.19
 Kaadhimamtoota, Hibboon maal? Akka aadaa oromootti hibboon yoom hibbifama?
Akka naannoo (bakka dhaloota) keessaniitti hibboon akkamitti hibbifama? Mala
hibbon barsiisuun ni danda’amaa? Akkamitti? Mee dhuunfaan yaaduun lama
lamaan waliif qoodaa.
Hibboon karaalee oromoon ilmaan isaa ittiin waa barsiisu keessaa isa tokko dha. Hibboon yeroo
baay’ee kan hibbifamu galgala yoo ta’u namoota lama gidduutti kan gaggeeffamu ta’ee seera
mataa isaas ni qabaata. Kan hibbifatu ”hibboo” jedhee yoo eegalu, kan deebisu immoo ”hibib”
jechuun waan gaafatamu sana dhaggeeffata. Erga inni hibbifatu waan gaafachuu barbaade gaafatee
booda yaaduun deebii isaa kana, sana jechuun maqaa dhahuu eegala. Yoo deebisuu
dhadhabe(wallaale) dhugi jedha. Inni hibbifate waa naa kenni jedhee gaafachuun erga inni gaafate
kennameefii booda seenaa waan sun ittiin beekamu erga faarsee(dubbatee) booda deebii isa itti
hima. Adeemsi isaa kuni bakkaa bakkatti adda ta’uu waan danda’uuf kaadhimamtoonni haala

bakka dhufan irratti hundaa’uun wal barsiisuu qabu. Sababiin isaas erga eebbifamanii booda
Oromiyaa guutuutti waan ramadamaniif gocha armaan olitti kenname kana xiyyeffannnan irra
deebitanii hojjjechuu qabdu.
Fakkeenyaaf: tokko waa gaaafatamee deebii isaa wallaaluun inni hibbifate godina naa kenni
jedhee yoo gaafate; inni gaafatame godina
i. Jimma yoo kenneef akkas jechuu danda’a:
✓ Jimma taa’ee maalan dhabaa,
✓ biyya shanan Gibee, Jimmaa maaltu dhibee?
✓ biyya argama bunaa,
✓ biyya abbaa Jifaar, ... jechuun waan Jimmi ittiin beekamtu kaa’uun deebii isaa hima
jechuudha.
ii. Horroo Guduruu Wallaggaa yoo kennameef:
✓ Horroo Guduruu argadhee maalan dhabee
✓ Biyya Abbishee Garbaa
✓ Bakka Odaa Bulluq keessa jiru
✓ Godina tulluun, lagi ... keessatti argamuu
✓ Biyyaa Warshaan Shukkaara Fincaa’aa keessatti argamuu
✓ Buufataa elktirikii maddisiistu jechuun deebii isaa hima jechuu dha.
Hubachisaa: Mala kana caalaatti hirmaachisaa taasiisuuf barsiisaan barataa hibboo gaafatee godina
fudhatuuf waa’ee godina sanaa oddeeffannoo ga’aa kennuufii yookiin dursa
namoota beekan (maanguddoota) irra gaafatee akka argatu/ttu gochuu ni
danda’a.
Mala kanaan, matadureewwaan saayinsii naannoo keessaa kan akkaa:
1. Haala Teessuma Lafa Gurguddoo Oromiyaa,
2. Godinaalee Naannoo Oromiyaa,
3. Anaalee Godinaalee Oromiyaa keessaa,
4. Laggeen oromoyaa keessa jiran,
5. Garreen Itoophiyaa keessa jiraniifi kan kana fakkaatan barsiisuun ni danda’ama.

2.20 Mala Seenessuun Barsiisuu
Mala seenessuun barsiissuun dhageettiin barachuu barattootaa kan dagaagsu ta’ee xiyyeeffannaa
barattootaa harkisuun yaad-rimee seenaa qoratanii akka bira ga’an dandeessisa.
Malli kun:
1. Barattoota sadarkaa gad-aanaaf baayèe murteessaa dha.
2. Barattoonni fedha barumsichaa akka horatan taasisa.
3. Seenaa walii gala qabsoo ilma namaa jajjabeessuun kakaasuun barsiisuun fedhii
barattootaa gabbisa.
Gocha 2.20
 Kaadhimamaa/tuu, mala seenessaan saayinsii naannoo barsiisuu keessatti bu’aan
isaa maal jettee yaadda? Qabiyyeewwan saayinsii naannoo siilabasii irra jiran
keessaa mala kanaan barsiifamuu qabu jettee yaaddu adda baasuun akkamitti akka
dhiyaachuu danda’an gareen irratti mari’achuun dareef ibsi.
2.21 Mala Keessummaa Affeeruun Barsiisuu

Barnoonni barsiisaa qofaan kennamuu hin qabu. Bakka barbaachisaa ta’etti ogeessa, manguddoofi
kan kana fakkaatan affeeruun qabiyyeewwan murtaa’an barsiisuun ni danda’ama. Fakkeenyaaf
ittisaafi daarbinsa dhibee, faayidaa qulqullina dhuunfaafi naannoofi kan kana fakkaatan irratti
ogeessa fayyaa affeeruu.
Fakkeenya: Sochii Naannoo Keenyaa (kutaa 3)

GBYXGQ: Barattooni akaakuu biyyee addaan baasuu, akkasumaas, faayidaa
biyyeen oomisha midhaaniif qabu ibsu.
➢ Barattoonni beektonni garaa garaa akka jirani hubatu
➢ Adda baasuu, ramaduu
➢ Barattoonni faayidaa biyyeen omishaaf qabu tarresuu
➢ Barattoonni akkammiin akka sanyii facaasaniifi biqltuu kunuunsani hubatu

Qajeelfama:
i. Barsiisaan keessummaa ogeessa qonnaa affeera
▪ Namni affeeramu dursee akka irratti qophaa’u ta’a
▪ Sa’aatiin ogeessaaf mijataa ta’uu qaba.
ii. Barattoonni gaafa ogeessi sun dhufu akka halaan hordofan tasifama
iii. Barattooni waa’ee biyyeefi faayidaa biyyee irratti akka gaaffii gafatan taasisa
iv. Akka barbachisumaa isaatti barsiisaan keessummaa galateeffatee yaadaa guduunfaa
dhiheessa
v.
Iyyaafannoo:
✓ Keessummaan yeroo barsiisutti barsiisaan barattoota hordofa, sochii isaaniis barreeffata
✓ Gaaffii keessumaan gaafatuuf deebii warra deebisan qabxeessa
Yaad-deebii: - Sochii barattootaa sirrii tureefi kan sirrii hintaane barattootaaf ibsa
✓ Barsiisaan yeroo keessumaan barsiisu qabxiilee qabate irratti hundaa’ee ijoolleef ibsa
✓ Fuula duratti keessumaan yeroo affeeramu waan barattoonni gochuu qabani barattootaaf
ibsa.
Gocha 2.21
Kaadhimamaa/tuu, Siilabasii saayinsii naannoo kutaa 1-4tti jiran keessa
qabiyyeewwan mala kanaan barsiifamuu danda’an adda baasuun dareef dhiyyeessi.
2.22 Mala Gaaf-argannoon Barsiisuu

Gocha 2.22
 Kaadhimamtoota, Gaaf-argannoon maal? Gosoota gaaffiilee mala gaaf-argannoo
keessatti hojiirra oolan irratti gareen mar’achuun dareef ibsaa.
Kaadhimamtoota, koorsii saayinsii gaaf-argannoo jedhu ni yaadattuu? Gaaf-argannoon akkuma

maqaan isaa agarsiisutti gaaffiin waa argachuu dha. Malli gaaf-argannoo adeemsa baruu-barsiisuu
barattoonni barachuu isaanii keessatti hirmaatan, gaaffii uuman, deebii gaaffii kennuun hubannoo

haaraa, hiikkaafi beekumsa isaanii gabbifatanidha. Mala gaaf-argannoon yoo barsiifnu muuxannoo
wajjiin kan deemuu, hawaasaaf faayidaa kan qabu, qo’atamuufi sadarkaa barattootaatti to’atamuu
(managable) kan danda’u ta’uu qaba. Mala kanaan baruu-barsiisuu keessatti barataan si’aayinaan
akka hirmaatuuf barsiisaan itti dhiyeenyaan qajeelfama kennuun barattoonni gaaffilee dhugaa
adunyaa akka argatan kan gargaaruudha.
Haaluma kanaan malli gaaf-argannoo gareewwan gurguddoo saditti qoodamuu ni danda’a. Isaaniis:-
1. Mala gaaf-argannoo qajeelfamaa: barsiisaan gaaffilee ijoo ta’an barattootaaf diriirsuun haala
isaan gaaffilee kana itti hojjattan duukaa bu’ee yoo deeggarsa kenneefiidha.
2. Mala gaaf-argannoo banaa: barsiisaan barattoonni gaaffilee isaanii akka filatan haala
mijeessuun isaan hordofa. Barattoonni gaaffilee burqisiisuu, karoorsuufi qorannoo adeemsisuu
fi dhuma irratti bu’aa isaa ibsuuf carraa ni qabaatu. Sadarkaan kun barattotni adeemsa
saayinsaawaatiin akka sababeessaniifi xiinxaluun beekumsa akka argatan gargaara.
3. Mala gaaf-argannoo barsiisaa waliin ta’uunii: Barsiisaafi barattoonni waliin qorachuu,
waliin gaaffilee filachuufi deebiiwwan jalqaba irratti hundi isaanii hinbeekne tooftaalee ittiin
argatan waliin ta’uun barbaadu.
Mala gaaf-argannoon fayyadamuun barsiisuun:

1. Dandeettii rakkoo furuu, gadi fageenyaan yaaduu niguddisa.
2. Yaad-rimeen gara gaaffilee haaraa shaakalaatti akka jijjiiramu nijajjabeessa.
3. Barattoonni ogummaa ittiin of qajeelchan akka gabbifataniifi akkamitti akka baratan
nibarsiisa.
4. Barattoonni gaaf-argannoo mataa isaanii guddifachuun gosa barnootaa keessatti fedhiin
isaanii ni dabala.
5. Barattoonni rakkoowwan fala ifa ta’e qabaachuu hin dandeenye akka isaan fala isaa irra
gahuun baratan ni gargaara.
6. Ammaas ta’ee gara fuula duraa barattootni argannoo isaanii tartiibaan akka qindeeffatan
ni gargaara.
Fakkeenya: Naannoo Uumamaa keenyaa (kutaa 3)
GBYXGQ: Barattoonni faayidaafi madda bishanii adda baasu akkasumaas hala itti
bishaan falamu tarressu

➢ Ogummaa gafatanii beekuu horatu
➢ Ogummaa qindeessuun barreessuu cimsatu
Qajeelfama:
i. Barsiisaan barattoonni akka isaan gaafatan ta’ee dubbisanii waa’ee bishaanii
barreessanii kutaa keessatti dhiheessan dursee mijeessa
• Faayidaafi madda bishanii akkasumaas haala bishaan ittiin faalamu irratti akka
xiyyeefatan godha
• Namoota, marsariitii yookiin toora intarneetii (website)fi kitabaalee waa’ee bishanii
ibsani baratootaaf akkeekkachisa
• Guyya barattooni dhiheessani barattoota beekisisa.
• Barattoonni namoota gaaffii gaafatani akka sagantaa qabsiifatani gorsa.
ii. Barattoonni edda hojii isaanii gabaasanii booda dareetti ibsu
• Ibsi kun tokko tokkoon yookiin bakka bu’aa dareen ta’a
Iyyaafannoo:
✓ Barattoonni maalirra akka jirani gaafata, rakkoo isaaniif furmaata hima.
✓ Ibsaafi barreefama barattootaa irratti hundaa’ee hojii barattootaa iyyaafata.
Yaad-deebii:
▪ Ciminaaf dadhabbii barattotaa adda basee barattoota hubachiisa.
▪ Waan barattooni dhiheessani irratti hundaa’ee kan hir’ate itti guutuun mataduree san goolaba.
2.23 Mala Gamtaan Barachuu

Gocha 2.23
 Gamtaan barachuun maal? Faayidaa mala gamtaan barachuun barnoota saayinsii
naannoo barsiisuu ibsi. Cimina muraasa waliin hojjechuun barachuu tarreessi.
Gamtaan barachuu jechuun barattootni dandeettii yaada adda addaa qaban sochii barachuu adda
addaa keessatti garee xiqqaa yookiin garee guddaan gurmaa’uun mata duree yookiin immoo yaad-
rimee murtaa’ee tokko hubachuuf waliin hojjetaniifi hubannoo walirra argachuu isaan
dandessisuudha. Kanaafuu barattootni haala milkaa’aa ta’een hojiin garee isaanii amma
xumuramutti waliin hojjetu. Gamtaan barachuu keessatti miseensootni garee hundaa faayidaa
waliin ni argatu, miseensonni hundi wal irra barumsa ni fudhatu akkasumas wal deeggaru
pirooblemii tokkoof furmaata irra kan ga’an mariif hojiin ta’ee karaa ibsuun, dhageeffachuu,
deeggarsa walii kennu ta’a. Malleen armaan olitti (2.2-2.22tti) eeraman keessaa kanneen akka
marii garee, jigsawaa, yaalii garee, piroojektii gareefi kan kana fakkaatan kana jalatti hammatamu.
Bu’aa gamtaan barachuu irraa argaman
1. Barachuu barattootni waliin akka dandeettii akkaadamii isa akka dabalu nijajjabessa.
2. Barattoota mata duree barataan irratti dandeettii yaadu isaani akka dabalu deeggara.
3. Dandeettii walqunnamtii yaadaa akka dagaagsifatan gargaara.
4. Ofiin ulfina kabajaa akka argan taasisa.
5. Adeemsa barachuu keessatti barattootni si’aayina guddaa qabaatu.
6. Barattootni ittigaafatamummaa waliiniifi waliin hojjechuu baraatu.
7. Barattootni dandeettii obsa waliif qabachuu nigabbifatu.
8. Namoota lama gidduufi garee adda addaa gidduutti walitti dhufeenya ciimaa uumuu.
Hojii Piroojektii
1. Yeroo baay’ee malli od-ibsa saayinsii barsiisuuf mijaata miti jedhu. Hima kana irratti
walii galtaa moo walii hingaltuu? Yoo waligalta ta’e sababa isaa ibsi. Yoo irratti walii
hin galles sababa isaa ibsi?
2. Daree barattoota lakkoofsa guddaa qabu yeroo od-ibsaan barsiistu barumsa kana
hawwataa tasiisuuf maal gochuu qabda? Barreessi!
3. Namoonni tokko tokko akka jedhanitti mala od-ibsan barsiisuun barattoota ninuffisiisa
jedhu, kaan immoo miti, ta’uu hindanda’u caalaatti nisi’eessa, nikakaasafi ofitti harkisa
jedhu. Ni ta’a yookiin hin ta’u jechuun yaada ofii keetii barreessi.
4. Tooftalee mala od-ibsaa si’ataa taasisu muraasa addeessi?Tooftaa kun akkamitti
barattoota akka hawwaatu ibsi? Fakkenya qabatamaa fayyadami.
5. Malleen baruufi barsiisuu armaan olitti tarreeffaman irraa hafaa yoo xiqqaate lama
barreessuun haaluma armaan olitti taa’een fakkeenyaan deeggaramauun akkaataa
hojiirra oolmaa isaa barreessuun dhiyeessaa. Kana bifa piroojektiitiin ta’uu danda’a.
Cuunfaa Boqonnichaa
✓ Adeemsa baruufi barsiisuu keessatti malleen barachuu garaagaraa fayyadamuun barnoota

sadarkaa kamirrattiyyuu kennamuuf milkaa’nasaatiif gumaacha inni qabu baayyee

olaanaadha. Keessumaayyuu barnoota saayinsii naannoo keessatti akkuma “saaynisii
barachuun saayinsii hojjechuudha” jedhamu, barnoota gochaan deeggarame kennuun
filannoof kan dhiyaatu miti. Saayinsii naannoo daa’imman kutaa 1-4 barsiisuun ammoo
caalaattiyyuu xiyyeeffannoo barbaada. Sababni isaa akkuma ‘Piaget’ kaa’etti akkaataan
barachuu da’imman sadarkaa kanatti argamanii irra caalaan dhaga’uurra keessatti
hirmaatanii bifa garaagaraan otuu hin nuffiin barachuutu barnoota milkaa’aa godha.
✓ Kana gochuuf ammoo imaamatni barnootaa gaariin qofti diriirfamuun gahaa hingodhu.
Dabalataan baay’ee murteessaa kan ta’e, gahumsi barsiisaa bakka bu’insa hinqabu. Bara
kana rakkoolee mala baruufi barsiisuun walqabatanii ka’an malleen jiran wallaaluu osoo
hin ta’in, maloota filatanii gargaaramuu dadhabuufi barachuu barattootaa akka gargaaruun
ga’umsa barbaadamu gonfachisuun dhibuudha. Sababa kanaaf barsiisonti maloota adda
addaa irratti beekumsa ga’aa qabachuu qofa otuu hintaane dandeettii yookiin ogummaafi
jaalaala ogummaasaanii qabaachuun isaan barbaachisa.
✓ Barsiisonni, malleen baruufi barsiisuu adda addaa akkamittiin mata dureewwan garaagaraa
ittiin barsiisuun barachuu barattootaa gargaaruun ga’umsa barbaadamu gonfachisuu akka
danda’u yeroo hunda ofgaafachuun hojiirra oolchuuf xiiiqiin hojjechuu qabu. Akkasumas,
akkaataa mata duree keenya waliin walsimuu danda’uttiifi fedhii barachuu barattootaa
guutuun GBYXGQ kaa’ame galmaan gahuu akka danda’utti xiyyeeffannaa kennuun
qophii gahaa gochuu qabna.

BOQONNAA 3: IYYAAFANNOO, YAAD-DEEBII KENNUUFI
FOOYYA’INSA BARATTOOTAA GALMEESSUU; (Wayitii 14)
3.1 Seensa
Boqonnaan kun iyyaafannoo, galmeessuufi yaad-deebii kennuu kan hubachiisu yoo ta’u
maalummaa, barbaachisummaa, akaakuuwwaaniifi tooftaalee iyyaafannoo akkasumas amaloota
iyyafannaa gaarii, tarsiimoo iyyaafannoo saayinsii barsiisuu keessatti gargaaran, daree bal’aa
barsiisuufi iyyaafachuu, yaadi-deebii kennuufi galmeessuu, GBYXGQ saayisii naannoo kutaa 1-
4tti jiran irratti hundaa’uun gaaffilee baasuu shaakaluufi gaaffile bahanis gulaaluu irratti
xiyyeeffata. Akkasumas, adeemsa baruu-barsiisuu saayinsii naannoo guyyaa guyyaatti keessatti
tooftaalee itti iyyaafannoofi madaallii gaggeessinu akka hubannu nu dandeessisa. Galmi
waliigalaa iyyaafannoo barachuu barataa fooyyessuu dha. Iyyaafannoon barsiisaa, barataa, maatii
barataafi mootummaafi qaamolee deeggartootaaf odeeffannoo bu’aa qabeessa fooyya’insa
barataafi gonfannaa isaanii imaammata yaadame irrattii hundaa’uun gonfatamuu isaan hubachiisa.
Gabaabumatti mee diyaagraamii qabee iyyaafannoo walitti fufaa armaan gadii ilaali.
Fakkii 3.1 Danaa qabee iyyaafannoo walitti fufaa
Qabiyyeewwan kana dammaqinaan hirmaachuun yoo sirriitti barattee shaakalte yeroo ammaa
rakkoo cimaa ta’ee qulqullina barnootaa biyya keenyaa gufuu kan ta’e hanqina hojiirra oolmaa

iyyaafannoo walitti fufaa ta’an maqsuun guddina biyya keenyaa gara fuuladuraatti dhufu keessaatti
gahee kee isaa olaanaa ta’e ni baata.
Gahumsa Boqonnichaa
 Kaadhimamaan/tuun boqonnaa kana erga barattee xumurtee booda:
Maalummaa iyyaafannoo walitti fufaa ni himta.
Barbaachisummaafi haala hojiirra oolmaa iyyaafannoo walitti fufaa hubachuun adeemsa
barnoota saayinsii naannoo barsiisuu keessatti hojiirra ni oolchita.
Iyyaafannoo walittifufaa wajjin walqabatee wantoota gufuu ta’an addaan baafattee
yommuu barnoota saayinsii naannoo barsiisuuf iyyaaffannoo walitti fufaa karoorsitu
ofeeggannoo gochuun ni karoorsita.
Gaaffilee, gochaaleefi dalagaalee GBYXGQ bu’uureffatan ni qopheessita, ni gulaalta.
Tooftaalee(meesahaalee) iyyaafannoo GBYXGQ bu’uureffatan niqopheessita,
nigulaalta.
Dandeettii fooyya’insa barataa galmeessuufi tooftaa yaad-deebii kennuu ni horatta.
3.2 Iyyaafannoo Walittifufaa Imaammata Barnootaafi Dookmentoota

Barnootaa Adda Addaa Keessatti
Gocha 3.1
 Waa’ee iyyaafannoo dookumeentii adda addaa keessa maaltu kaa’amee jira jettee
yaadda? Haala kamiin hojiitti hiikamaa ture? Ammoo maal ta’uu qaba jettee
yaadda? Dookmentonni waa’ee iyyaafannoo kaa’amanii jiruu? Mee gareen
mar’iiadhaatii dareef ibsaa!
Biyya keenya, Itoophiyaa, keessatti iyyaafannoo walittifufaaf xiyyeffannoon kennamee ture. Haa
ta’u malee haala hojiirra oolmaa isaa irratti ammayyuu rakkoo cimaatu jira. Mee dookmentoonni
waa’ee iyyaafannoo walittifufaa ilaachisee maal akka jedhan akka itti aanutti haa ilaallu.
I. Iyyaafannoo walittifufaan barnoota akkaadaamiifi ogummaa, qormaata dandeettiillee

dabalatee dandeettii waliigalaa sadarkaa hunda keessatti barachuu barattootaa roga hundaan
mirkaneeffachuuf adeemsifama (Imaammata Barnootaafi Leenjii, 1994).

II. Barsiistonni kamiiyyuu fooyya’iinsa barattoonni (OD–Kutaa 12) gosa barnootaa hundarratti
agarsiisan idileen saganteeffatanii sakatta’uu qabu. Kunis kan raawwatamu kallattii
iyyaafannoo walitti fufiinsa qabuufi iyyaafannoo alidileetiin amaleeffatameen kan
gaggeeffamu ta’uu qaba malee, dhuma gulantaatti yookiin dhuma waggaatti kan taasifamuu
miti. Wanti hubatamuu qabu tokko, sadarkaa hundarrattiyyuu, barattoonni ga’umsa
barnootaa sadarkaa isaaniitti kaa’ame kamiiyyuu gonfachuu danda’uu qabu (Bu’uura Sirna
Barnoota Itoophiyaa, 2009, Fuula 35).
III. Iyyaafannoo walitti fufaatiin gonfannaa barattootaa deeggaruufi to’achuuf, leenjii haarawaan
yaada giddugaleessaa daawwiirratti hubannoo yaad-hiddamaafi ogummoota qabatamoo
ta’an kanneen akka iyyaafannoo walitti fufaa daawwannaa daree keessaa walitti qabu.
Maanuwaalii iyyaafannoo walitti fufaa sirna barnootaa waliin walisimate barnoota sadarkaa
hundaaf ni qophaa’a, dabalees, akka barbaachisummaatti iyyafannaan walitti fufaa barattoota
bu’uureffateefi gahumsa barachuu yoo xiqqaate gonfatamuu qaban irratti barsiisota
deeggaruufi qajeelchi bariisotaa ni fooyya’a (Dagaagina Damee Barnootaa V, ESDP V).
IV. Sirna barnootaa waliin walqabatee barnoota idileetiif sadarkaa hundumaaf maanuwaaliin
iyyaafannoo walittifufaaf ni qophaa’a. Kanneen barsiistonni barattoonni akka
xiyyeeffannaan barachuu danda’aniifi to’ataniif deeggarsa kennuuf gargaara (Sirna
Barnootaa qopheessuu Fuula 64).
V. Akka addunyaatti iyyaafannoo bal’aafi iyyaafannoo dareetiin Itoophiyaan sadarkaa

dhokaterra kan jirtu yoo ta’u; iyyaafannoo qormaata biyyoolessa salphaatiin reefu mul’achaa
jirti. (Aeemsa sirna barnootaa Fooyyessu(SABER), Baankii Addunyaa 2013)
VI. Maanuwaalii iyyaafannoo daree barnootaa manneen barnootaa sadarkaa tokkoffaafi

lammaffaaf (Ejeensii Iyyaafannoo fi Qormaata Barnoota Biyyoolessaa 2014).

3.3 Maalumma Iyyaafannoo
Gocha 3.2
 Kaadhimamtoota, iyyaafannoon maal? Akka naannoo keetti maaltu iyyaafatama?
Akkamittis iyyaafatama? Yoom iyyaafatama? Gara barnootaa yoo fidnuhoo?
Iyyaafannoon adeemsa daawwachuufi odeeffannoo waa’ee barachuu barataa galma yookiin

gahumsa kaa’ame irratti hundaa’uun ittiin funaanamuufi odeeffannoo funaaname irratti
hundaa’uun waa’ee barachuu barataa ilaachisee murtoo kennuudha. Iyyafannaan meeshaa
qabiyyee, barsiisuu, gocha barachuufi bu’aa barannoo waliiti hidhuuf gargaarudha. Sadarkaa mana
barumsaatti iyyaafannoon tooftaa yookaan karaa barattoonni waan beekan, hubataniifi gochuu
danda’an ittiin adda baasuuf gargaarrudha.
Iyyafanaan barataafi barsiisaa isaaf, barataan barachuun eessa jira? Garamitti deemaa jira? Haala
kamiin yoo deeme bakka gaarii yaadame sana gaha? fi kan kana fakkaatan kan jedhaniif murtoo
kennuuf gargaara. Haaluma kanaan iyyaafannoon adeemsa iyyaafachuu, filachuu, wixineessuu,
walitti qabuu, xiinxaluu, hiikuufi barachuufi dagaagina barataa dabaluuf odeffannoo
fayyadamnudha.
3.4 Barbaachisummaa Iyyaafannoo
Gocha 3.3
 Kaadhimamaa/tuu b/sa/tu Iyyaafannoon maaliif adeemsifama? Adeemsa baruu
barsiisuu keessatti maaliif barbaachise? Iyyaafannoofi malleen baruu barsiisuu
filchuun hariiroo maalii qabu?
Wantoota barattoonni beekan, hubataniifi gochaan raawwachuu danda’an beekuudhaaf

barsiistonni iyyaafannoo walitti fufaa yoo adeemsisan, dandeettii, beekumsaafi ogummaan
barattootaa eessarra akka jiruufi fedhiin barachuu isaanii maal akka ta’e hubannoo yookiin
odeeffannoo fooyyee qabu argachuuf gargaara. Barsiistonni haala jijjirama barattoonni agarsiisaa
jiraniifi bakkeewwan itti rakkoon isaan mudate kan beekan yoo ta’e, odeeffannoo kanatti
fayyadamuun adeemsa baruu barsiisuu irratti sirreeffama yookiin fooyya’iinsa barbaachisaa ta’e
gochuuf gargaara.

Barbaachisummaa iyyaafannoo walitti fufaa keessaa isaan gurguddoon:
1. Barachuu barattootaa sakatta’uuf,
2. Ciminaa fi hanqina barattootaa adda baasuuf,
3. Barsiistonni fedhii barattootaa irratti hundaa’uun adeemsa baruu barsiisuu fooyyessuu
yookaan jijjiiruu akka danda’an isaan gargaara.
4. Wantoota barattoonni beekan, hubataniifi gochuu danda’an irratti ofitti amanummaa akka
qabaatan gargaara.
5. Barattoonni hundi waan beekan agarsiisuu akka danda’an carraa nikenna.
6. Maloota furmaata kennuufi gabbisuu murteessuu dandeessisa.
7. Barattoonni fooyya’iinsa yeroo yerootti agarsiisan beekuu akka danda’an isaan gargaara.
8. Maatiin barattootaa fooyya’iinsa ijoolleen isaanii agarsiisan akka beekan gargaara.
9. Ga’umsa mala baruu barsiisuufi tooftaa barannoo tokko barsiisuuf fayyadamne adda
baasuuf
10. Ga’umsa baruu barsiisuu sakatta’uufi fooyyessuuf.
11. Murtoof odeeffannoo argachuuf.
Gocha 3.4
 Kaadhimamaa/tuu amma erga barbaachisummaa iyyaafannoo barattee booda
mana barnootaa deemuun barataafi barsiisaaf qabxiiwwan armaan olii irraa
tarreeffama mirkaneeffannaa (cheekliistii) baafachuu gaafadhuu dareef gabaasi.
3.5 Akaakuuwwan Iyyaafannoo
Gocha 3.5
 Mee gosoota iyyaafannoo kanaan dura koorsiiwwan ogummaa barsiisummaafi gaaf-
argannoo saayinsii keessatti barattan irratti gareen mari’achuun yaada
waliigalteerra gahaa. Akaakuuwwan iyyaafannoo meeqa? Kamtu baay’ee
barbaachisa? Maaliif? Saayinsii naannoo yoo barsiifnu maal iyyaafanna? Akkamitti
iyyaafanna?
Haala barbaachisummaa (akkaataa hojiirra oolmaa) isaa irratti hundaa’uun iyyaafannoon

Iyyaafannoo walitti fufaafi iyyaafannoo xumuraa jedhamuun bakka lamatti qoodama.

Iyyaafannoo walitti fufaa
Iyyaafannoon walitti fufaa yeroo tokko tokko iyyaafannoo barachuuf jedhamuun beekama.
Iyyaafannoo walitti fufaa gochaalee barsiistonniifi barattoonni adeemsa baruu-barsiisuu
fooyyessuuf odeeffannoowwan akka yaad-deebiitti isaan fayyadan argachuuf raawwatan hunda
kan hammatudha. Iyyaafannoo walitti fufaan baruu barsiisuun bu’aa qabeessa akka ta’uuf baay’ee
murteessaadha. Barsiisaan adeemsi barannoo maal irra akka jiru agarsiisuuf, fooyya’iinsi eessatti
akka barbaachisu mul’isuuf, tarkaanfii itti aanee fudhatamuu qabu agarsiisuun baay’ee
murteessadha. Yeroo barannoo barsiisutti, barsiisaan barattoonni maal irra akka jiran daawwachuu,
dhaggeeffachuu, duukaa bu’uufi ijoollee waliin dubbachuun maal iirra akka isaan jiran adda
baasuu qaba.
Iyyaafannoon barchuuf hirmaannaa barataa olkaasuuf humna baay’ee qaba. Pirinsippilii(yaada

bu’uuraa) barattoonni galma barachuu isaanii kaa’ameefi akkaataa bira gahuu danda’aniin yoo
baran of fooyyessu kan jedhu qaba. Iyyaafannon barchuuf handhuura baruu barsiisuu bu’aa
qabeessadha .
Fakkeenyaaf barattoonni biqiloota naannoo mana barumsaa isaanii jiran baala isaanii irratti
hundaa’uun akka ramadan daawwii dirreen barsiifta yoo ta’e jalqabaa hanga
dhumaatti sochii tokkoon tokkoon barataan godhu hordofuun galmeessuun
iyyaafannoo walitti fufaadha.
a) Bu’aa Iyyaafannoon barachuuf:

1. Barattoonni akkamitti akka baratan irrattii xiyyeeffata.
2. Handhuura shaakala daree keessaatti ta’uu ti.
3. Dandeettii iyyaafannoo dhuunfaa fi hiriyyee(waliinii) guddisa.
4. Hirmaannaa barnootaa hundaaf bakka keenna.
5. Barattoonni akka of fooyyessuu danda’an nigargaara.
6. Beekumsa, galmaafi ulaagaa taa’e tokko nijaajjabeessa.
7. Si’aayina, ijaarsafi dadammaqina jajjabeessa.
8. Barataan akka baratuuf (gama Beekumsa, Ogummaa, Ilaalcha); gaheessa akka ta’uuf
guyyaa guyyaattiifi yeroo yerootti barate moo hinbaranne jennee iyyaafachuu yookiin
sakatta’uu nu dandeessisa,
9. Gocha yookiin hojii barataa irratti bu’uureffama,

10. Barataan akka baratuuf haala mijeessa, carraa kenna,
11. Bakka barataan dogoggoretti yookiin rakkoo qabutti osoo hinturin battalumatti akka
fooyyeeffataniif yaad-deebii kennuu, deeggaruufi jabeessuu dandeessisa.
12. Iyyaafannoon adeemsa barachuu keessatti yeroo hunda hojiirra oola.
13. Barataan ofiisaa waliin dorgoma; gahumsa irraa eegamu bira gaheeramoo hingeenye jedhe
gahumsa waliin dorgomsiifama.
I. Iyyaafannoo Xumuraa (Iyyaafannoo Waan Barataan baratee bira darbe)

Iyyaafannoon xumuraa (Assessment of learning) iyyaafannoo waan barate of keessatti kan
haammatu yoo ta’u waa’ee barachuu barattootaa ilaachisee murtoo kennuu, gabaasa
dhiyeessuufi ragaa kennuuf gargaara. Odeeffannoon iyyaafannoo xumuraan argamu
barsiisaaf murtii kennuufi barsiisuufi barachuu akkamitti akka fooyeessuu danda’amu
jajjabeessa. Daataan iyyaafannoo xumuraan argamu barsiisaaf odeeffannoo tarsiimoon
barsiisuu milkaawaa, barsiisuuf yeroo akkamii akka barbaachisuufi gara fuulduraatti
adeemsi barsiisuu akkamitti akka fooyyessuu danda’amu kenna. Iyyaafannoon xumura
dhuma sagantaa, koorsii, boqonnaa, barumsaa yookiin seemisteeraa irrattiifi yeroo
murteessanii barataan maal barate/tte yookiin yaadata/tti jedhanii iyyaafachuu yoo ta’u,
karaalee odeeffannoo ittiin funaannaman:
✓ Yaalii barsiisaan barattootaaf qopheessu
✓ Dalagaalee gahumsaa
✓ Bu’aawwan barreeffamaa
✓ Qormaata xumuraa
✓ Gaaffii qomaa
✓ Dalagaalee gahumsaafi kan kana fakkaatan kennuu.
Faayidaan isaas:
1. Barattootni hubannoofi dandeettii barbaadame gonfachuufi dhabuu isaanii addaan
baasuuf, akkasumas sadarkaa maal irra jiru kan jedhu beekuuf.
2. Barattoota daree gara dareetti darbuu qabanii addaan baasuuf.
3. Mijaa’ummaa gahumsaalee irratti barsiifamaa tureefi mijaa’ina mala barsiisuu hojiirra
oole murteessuuf.
4. Barataa waliin dorgomsiisanii murtee laachuu, qixa taa’een safaruudha.

II. Iyyaafannoo Barachuu Ofii
Barattoonni ofii isaaniin barachuu isaanii sadarkaa irra jiran ofii yoo adda baafatan iyyaafannoo
barachuu ofii (Assessment as learning) jedhama. Kunis akkuma iyyaafannoo barachuuf jedhuu
adeemsa barnootaa keessatti hojiirra oola. Kana keessatti:
✓ Barattoonni matuma isaaniitiin ciminaafi dadhabbii isaanii adda baafatu.
✓ Fooyya’iinsa isaanii ofumaan to’atu; gaaffii gaafatu; ogummaa shaakalu
✓ Barattoonni gara fuula duraatti maal gochuu akka danda’an ni karoorfatu
Barsiisaan saayinsii naannoo barsiisu tokkos daree keessatti barattoonni isaa ogummaa of
iyyaafachuu akka gabbifatan gochuu qaba. Barataan waa’ee ofiisaa beekuun kun galma ga’iinsa
gahumsa barnootaa keessaatti baay’ee murteessaadha.
Hubachiisa: Iyyaafannoon barachuuffi iyyaafannoon akka barachuutti adeemsa odeeffannoo

waa’e barattoonni maal beeku, maal gochuu danda’u, maalis hubatan kan jedhu
walitti qabuufi xiinxaluu ta’ee, karoorsuu, galmeessuufi barachuu barattootaa
madaaluu of keessatti qabata.
Hojii Piroojektii
 Saayinsii naannoo kutaa1-4 mana barumsaa naannoo koolleejjii jiran keessatti
akaakuufi haala iyyaafannoo hojiirra oolaa jiran walitti qabuun qaacceessi. Mala
iyyaafannoo isaaniifi kan koolleejjii keessatti hojiirra oolaa jiran waliinii yoo ilaaltu
kamtu iyyaafannoo idilee (iyyaafannoo adeemsa barachuu keessaa) yookiin
iyyaafannoo xumuraa akka ta’e wal-dorgomsiisuun adda baasuun dareef dhiyeessi.
3.6 Iyyaafannoo Walitti Fufaa Keessatti Tooftaalee Odeeffannoon Ittiin Walitti Qabannu
Gocha 3.6
 Kaadhimamtoota, dura dhunfaan yaaduun walitti himaa.
1. Akka naannoo keessaniitti hawaasni waa iyyaafachuu yoo barbaade akkamtti iyyaafata?
2. Malleen odeeffannoo walitti qabachuuf iyyaafannoo keessatti gargaaramnu keessaa
hamma ta’an maqaa dha’uu dandeessuu?
Barsiisaan adeemsa baruu barsiisuu keessatti iyyaafannoo walitti fufaa karaalee lamaan
adeemsisuu nidanda’a. Karaaleen kunis iyyaafannoo idileefi iyyaafannoo al-idilee jedhamuun
beekamu. Galmi lamaan isaanii haala barsiisuu fooyya’aa ta’een barnoota fooyya’aa barachuu
barattootaa milkeessuu irratti xiyyeeffatu.
I. Iyyaafannoo Idilee
Iyyafannaan idilee waa’ee barachuu barattootaa irratti yaada adda ta’eefi akeekkannaadhaan
karoorsuun adeemsa odeeffannoo walitti qabachuuti. Barsiisaan saayinsii naannoo barsiisuutti
osoo hinseeniin dura akkamiin akka iyyaafatu dursee itti yaaduu qaba. Fakkeenyaaf tarreeffama
mirkaneeffannaa (cheekliistii) qopheeffachuu (maal akka iyyaafatu, maaliin akka iyyaafatu,
maalis akka gochuu qabuufi kan biroo) dursee tokkoon tokkoo barataa iyyaafachuuf akka tolutti
yookiin mijaa’utti qophaa’uu qaba jechuudha.
Iyyaafannoo idilee keessatti:
➢ Bu’uurri karoorsuu iyyaafannoo siilabasii irratti hundaa’uu ta’uu qaba.
➢ Barattootni yeroo mara bu’aan iyyaafannoo idilee qabxii isaanii xumura waggaa irratti
dhiibbaa qabaachuu isaa beekuuu qabu.
➢ Qormaatota gaggabaaboo, battallee, qormaata afaanii, dalagaawwan iyyaafannoo
gahumsaa, waraqaa gaaffii shaakalaa, hojii manaa, piroojektiifi kan kana fakkaatan of-
keessatti hammata.
➢ Waa’ee barachuu barataa irratti yeroo hunda gochaalee kutaa keessaa irratti hundaa’uun
odeeffannoo walitti qabachuuf gargaarudha.
Fakkeenyaaf:
Saayinsii Naannoo kutaa 1ffaa keessatti barsiisaan waa’ee qaamolee miiraa shanan erga
barsiisee booda gaaffii afaaniin, maqaa qaamolee miiraa shanan himuu isaanii fi
dalagaa qaamolee miiraa tokko tokkoo isaanii ibsuu barattootaa adda baasuuf dursee
akkamitti gaaffilee GBYXGQ irraatti hundaa’anii qophaa’an akka gaafatu tarreeffama
mirkaneeffannaa qopheeffachuun hojiirra oolcha jechuudha.
II. Iyyaafannoo Al-Idilee
➢ Karoora malee(osoo hin karoorsiin) battalumatti barsiisaan waa’ee barataa baruu
barbaaduuf odeeffannoo battalaa kennuudhaaf murteessaadha. Iyyafannoo al-idilee
keessatti akeekkannaan karoorsuun dirqama miti.
➢ Barataa gaaffii gaafachuu dabalatee yommuu dalagaa jiran daawwachuu, hojii manaa
isaanii ilaaluu, yeroo isaan yaada kennan yookiin calaqqeessan dhaggeeffachuufi
waliin haasa’uu ni hammata.
➢ Bifa bashannanaan salphaadhumatti hojiirra ooluu kan danda’udha.
Fakkeenyaaf: barsiisaan saayinsii naannoo tokko wayita barsiisu barataan deebii dogoggoraa yoo
kenne gaaffii qaxxaamuraa deebii kenname waliin deemu gaafachuun hubanno barataa sirreessuun
nidanda’ama.
Hubachiisa: Akkuma haalli barachuu barattootaa adda adda ta’uu danda’u karaaleen
iyyaafannoos (haalli dhiyeessii iyyaaffannoo) garaagara ta’uu danda’a. Haaluma
kanaan haala gahumsi, barachuufi umurii isaanii irratti hundaa’uun gochaalee
iyyaafannoo adda addaa fayyadamuu dandeenya. Barattootni gariin dandeettiifi
gahumsa isaanii bifa barreeffamaan agarsiisuu irratti baay’ee gaarii yommuu ta’an
kanneen biroo immoo karaa gochaan hirmaachuu filatu. Barattootni fiixaan bahiinsa
isaanii akka agarsiisaniif malleen iyyaafannoo garaagaraa gargaaramuu qaba. Kanaaf
barachuu barattootaa iyyaafachuuf iyyaafannoon yommuu karoorfamu malleen
garaagaraa fayyadamuu qabaachuu keenya mirkaneeffachuu qabna.
Malleen/tooftaalee iyyaafannoo armaan gadii akka barbachisummaa isaatti wal jijijjiruun

fayyadamuu baay’ee garii ta’a.
✓ Gochaan ✓ Faaruufi sirba ✓ Gabaasa

✓ Taphoota walfalmii ✓ Yaalii barreeffama ✓ Portifooliyoo
✓ Diraamaa ✓ Piroojektii ✓ Gaaffiifi deebiifi kan
✓ Abbaltii ✓ Fakkiiwwan kana fakkaatan fa’i.
✓ Hojii daree ✓ Hojii dirree
✓ Hojii manaa ✓ Daawwannaa dirree

Gocha 3. 7
 Barsiisaa Lammiin saayinsii naannoo kutaa 4 waa’ee dhangaalee nyaataa jahaan
barsiisuuf karoorfatanii daree seenuun barattoota isaanii gaaffii nyaata beekamoo
naannoo isaanii akka itti himan gaafatanii dhuunfaan yaadanii akka walitti himan
qajeelchuun barnoota eegalan. Adeemsa barannichaa keessattis gaaffilee adda addaa
gaafachaa barsiisaa turan. Barattoonnis yeroo dhuunfaan yaadan ani kanan beeka kana
hin beeku jechaa, akkasumas yeroo tokko tokko gaaffilee ka’aniif deebii ofii kennaniifi
deebii sirrii barataan biroo yookiin barsiisaan kennan irratti dhuunfaan yookiin gareen
ahaa! Akkas turee jechaa ajaa’ibsiifachaa turan. Dhuma irrattis gaaffii GBYXGQ waliin
deeman nan gaafadha jedhanii dura qopheeffatan afaaniinis gaafachuun tarreeffama
mirkaneeffannaa (cheekliistii) qopheeffatan irratti galmeeffatan. Dabalataanis battallee
isaa qoruun waa’ee barachuu barataa isaanii iyyaafatan.
 Adeemsota barsiisuu barsiisaa Lammii armaan olii keessatti iyyaafannoon barchuuf,
iyyaafannoo akka barate, iyyfannaa waan barate, iyyaafannoo idileefi iyyaafannoo al-
idilee kan agarsiisu adda baasuun sababa isaa waliin dareef ibsaa.
3.7 Iyyaafannoo Keessaatti Tooftaalee Gaaffii

Gaaffilee gaafachuun kaayyoolee ijoo ta’an hedduu qaba. Gaaffiin haala gaariin yoo qophaa’e
wantoota hedduun barsiisaa gargaara. Isaan keessaa muraasni:
1. Hubannaa barattootaa barannoo irratti qaban adda baasuuf.
2. Baranno darbeef baranno guyyaa, akkasuma hariiroo oleefi dalgee gosa barnootaa
gidduu jiru cimsuuf.
3. Sadarkaa dhiyeessa barnoota sadarkaa hirmaattotaa waliin walsimsiisuu dandessisa.
4. Hub-dogongoraa battalatti sirrachuu danda’an sakatta’uuf.
5. Barattoonni muuxannoo yookiin yaada isaanii akka gumaachaniif.
6. Fiixaan bahiinsa GBYXGQ adda baasuuf.

Akkaata Gaaffiin Itti Gaafatamuu Qabu
Gocha 3.8
 Mee yommuu gaaffii gaafattan akkamitti gaafachuu akka qabdaniifi deebii barataa
keessumeessuu akka qabdan muuxannoo adeemsa barnootaa keessatti argattan
irraa ka’uun gareen irratti mari’adhaa. Yaada kana akka dareetti ibsuun irratti
yaada walijijjiraa.
Kaayyoo barsiisuu bu’aa qabeessa ta’e keessaa ijoo guddaafi murteessaa ta’e barataa si’aayinaan
hirmaataa taasisuudha. Karaalee barataan hirmaataa ta’ee barachuu danda’u keessaa tokko gaaffii
hirmaachisaa ta’e gaafachuudha. Gaaffii gaafachuun tooftaalee hubannaafi turtii barattootaa
fooyyessuu danda’aniifi isa baay’ee saffisaafi salphaa ta’edha.
Gaafii bu’aa qabeessaa ta’e gaafachuuf malootni fayyadan kanneen armaan gadiiti.
▪ Gaaffii dhiyeessuu:
Jalqaba irratti gaaffii garee hundaaf dhiyeessuu. Kana gochuun barsiisaan yaada baratoota
hunda argachuufi akka isaan deebii barbaadan gochuu danda’a.
Fakkeenyaaf: Barsiisaan saayinsii naannoo kutaa 2ffaa keessaatti waa’ee qulqullina dhuunfaa
barsiisuuf daree yommuu seenu dursee gaaffilee armaan gadii dhiyeeessuu danda’a.
1. Qulqullina dhuunfaa jechuun maal jechuudha?
2. Qulqullina dhuunfaa keenyaa maaliif eegganna?
3. Qulqullina keenya yoo eegachuu baanne namoonni biroo nu cinaa taa’an maal ta’uu
danda’u?
▪ Yeroof dhaabuu:
Kuni gaaffii gaafatanii akka barataan itti yaaduuf yeroo murtaa’e kennuun
hirmaachisuudha. Yeroo hammamiif akka barsiisaan callisuu qabu kan murteessu gosa
gaaffii dhiyaateeti.
Fakkeenyaaf: Barsiisaan saayinsii naannoo kutaa 2ffaa osoo waa’ee dhukkuba HIV/AIDS
barsiisaa jiruu gidduutti, ’karaalee dhukkubni kun ittiin daddarbu maal maal
beektu?’ jedhee gaafachuu danda’a.
▪ Tasa dafanii qabaachuu: Gaaffii akka deebisaniif barataa filachuun kan raawwatu ta’ee, erga
barsiisaan barattootni deebii qindeeffachuuf yeroo argachuu isaanii mirkaneeffatee booda

raawwatama. Barsiisaan ijaan to’achuufi barbaaduun akka barataa deebisu tokko filatuuf
gargaara.
Fakkeenyaaf: Barsiisaan waa’ee dhukkuba HIV/AIDS asiin olitti gaafate akkaataa isaan itti
yaadaa jiran daawwachuun erga xumuree booda barataa deebii naa kenna jedhee
yaade adda baasee akka deebii kennu godha jechuudha.
▪ Dinqisiifachuu (Jajuu):- Erga deebiin kennameen booda, barataa deebiseef yaad-deebii

jajjabeessaa nikennama. Deebii baratootaaf yaada jajjajeessaa kennuun barsiisaan barattootni
itti fufinsaan hirmaachuu isaanii mirkaneeffata.
Fakkeenyaaf: Barsiisaan waa’ee dhukkuba HIV/AIDS armaa olitti gaafatee akka barataan
deebisu godhe irratti deebii isaa xiinxaluun gahaas haa ta’u ta’uu haa baatuu
dinqisiifachuun karaarra buusaa deemuun yaada ijaarsaa kennnuun jajjabeessuu
danda’a. Hubadhu, as keessatti yaada barattoota biroo irraa fudhachuu akka
danda’amu hin irraanfatiin!
▪ Deebii Dogongoraa:- Barattoonni gaaffilee gaafataman hundaaf deebiin kennan hundi sirrii
ta’uu dhiisuu ni mala. Deebiin sirrii hin taane yoo barataan deebise yaada faallaan simatamuu
hin qabu. Kanneen armaan gadii tooftaalee deebiin sirrii hintaane ittiin simatamanidha.
✓ Fakkeenyaaf, deebii baratichi karaalee dhukkubni HIV/AIDS ittiin daddarbu jedhamee
gaafatameef deebii dogongoraa yoo kenne gaaffii deebichaa ta’a jettee kan yaaddu
gaafachuun deebii isaa akka irra deebi’ee xiinxaluuf carraa uumuu.
✓ Gaafficha duraan gaafattee irra deebiin gaafachuufi barataan deebii dogongoraa kenne
akka deebisu taasisuu.
✓ Ammas yoo barataan kun deebisuu irratti rakkate gaafficha barataan biraa akka deebisu
gochuun baratichis yoo barbaachise ibsa akka itti kennu gochuun yaada xiiqii akka
ummachuu danda’anitti haala mijeessuun barsiisaan yaada qaaccessaa kennuu qaba.
Hubachiisa: Yeroo gaaffii gaaffatu Maal? Yoom? Eessati? Maaliif? Eenyuun? Isa kami?
Attamitti? fi kan kana fakkaatan fayyadami.

3.8 Amaloota Iyyaafannoo Gaarii
Gocha 3.9
 Kaadhimamtoota, gaaffilee armaan gadii irratti yaada keessan waliiqooduun
fakkeenya dhiyaatan irratti marii’adhaa.
i. Gaaffiin tokko qulqullina qabaachuu isaa maaliin beekna?
ii. Ati,abbaaa deemsa hojii qulqullina gaaffilee/ qormaataa osoo taatee, hojii kana
akkamiin raawwatta?
iii. Ulaagaaleen quluqullina gaaffilee eeguuf itti dhimma baatu kan akkamiti,
fayyadamta?
iv. Gaaffileen yeroo qophaa’an, ulaagaleen eegamuu qaban maalfaati?
v. Yeroo turtii gaaffiin booda jechuun maal jechuudha? Maalif barbaachise?
vi. Akaakuun gaaffilee haala kamiin ga’umsaan walsimu?
vii. Gahumsa madaaluuf gaaffii akkamii dhiyeessita? Maaliif?
viii. Sadarkaa cimina gaaffilee yoo jennu maal jechuudha? Gahumsi madaaluuf,
sadarkaan cimina gaaffilee hagam faayida qabeessa?
Gaaffii adda addaa kan hubannaa barattootaa mirkanneessuuf gaafataman hedduun jiru.
Iyyaaffannaa dhugaa gahumsa irratti hundaa’e, kallattii guddina beekumsaa, gad-fageenyaan
yaaduu, ilaalcha saayinsawaa dagaagsuu danda’u, caalaatti meeshaa iyyaafannoo sirriitti akka
ogeessaa xiinsammuufi barnootatti fudhataman kanneen armaan gaditti kaa’aman ulaagaalee
iyyaafannoo gaariiti. Isaanis:
a. Dhuga-qabeessummaa (validity): imaammataafi GBYXGQ waliin kan deemuufi akkaataa

nisafarama jedhamee yaadameen safaramuun kan danda’amu ta’uu. Yookiin bu’aa
barbaadamefi yeroo barbaadametti kan karoorfamee raawwatamu ta’uudha.
b. Amanamummaa (Reliability): Yeroo garaagaraattiifi akkaataa gaaffiilee garaagaraa

dhiyaatantiif deebii wal-fakkaataa qabaachuusaati. Akkasumas barattonnii namoota adda

addaan yoo qoraman qormaatichis, yeroo adda addaa keessatti yoo sororame sadarkaa tokko
yookiin ramaddii tokko argachuu danda’uu isaaniiti.
c. Qabatamummaa (Objectivity): Yeroo sororamutti loogii tokko malee qabxii wal-fakkaataa

barattoota garaagaraatiif akka kennamuu danda’utti adda bahee taa’uu isaa.
d. Madaalawaa ta’uu (Fairness): Carraa barattootni hundi deebii sirrii argachuuf qabanii
waliqixa ta’uu. Kana yoo jennu barattoota ciccimoo yookiin giddu-galeessa yookiin suuta
baratoo biratti haala walfakkaatuun hubatamuu kan danda’u ta’uu qaba jechuudha.
e. Odeeffannoo barbaadame maddisiisuu danda’uu (Efficiency): Odeeffannoo hammatamuu

qabu yeroofi iddoo qusachuun taa’uu.
f. Ifa ta’uu (Clarity): Seer-lugi afaanii kan eegame ta’uu, salphaatti kan hubatamu ta’uu, yaada
mamsiisaa kan hin qabaanne ta’uu fi kan kana fakkaatanidha.
g. Fudhatamummaa (Acceptability): faayidaan yaada waalta’aa bifa barreeffamaan yookiin

giraafiin, gama siyaasaan, haamileeniifi gama biroon fudhatama argachuu.
h. Hunda galeessummaa (Comprehensibility): Gaaffilee hunda qabatee jiru yoo jedhamu

qabiyyee boqonnaalee hundumaa kan hammate, gaaffilee bahan haala walqixaan qabiyyee
hunda keessaa kan fudhatamudha. Kana yoo jedhamu gahumsaalee kaa’aman hunda
xiyyeeffannoo keessa galchuun bahuu qaba jechuudha.
i. Hojii irra oolu kan danda’uu (practicability):-Gaaffiin hojii irraa kan oolu yoo haala
salphaa ta’een to’atamaafi namoota qoraman walakkaa oliin fudhatama qabaateedha. Gaaffii
akkasii qopheessuun yeroofi gatiin bulchuu dirqama fudhatamuu qaba.
j. To’annaaf salphaa ta’uu(easy to adminstor): Gaaffii gaariin to’annaaf salphaadha yoo

jedhamu maateriyaalii qormaata walitti qabuufi qopheessuu keessatti qajeelfama salphaa,
ifaafi barreeffama gabaabaa kan yaada waligalaa qabuun qophaa’e jechuudha. Gabaabumatti
gaaffichi yeroo dheeraaf osoo hinsororamiin turuu akka hinqabneefi deebiin isaa ifaa ta’uufi
yaad-deebiin yeroodhaan itti keennamuu akka qabu kan ibsuudha.

Hojii Piroojektii
 Mana barnootaa naannoo koolleejjii kee jiran deemuun qormaata saayinsii naannoo
kenname gaarii ta’uufi ta’uu dhabuu isaa gad fageenyaan qabxiilee armaan olii irratti
hundaa’uun madaaluun dareef gabaasa dhiyyeessi.
3.9 Barattoota Hedduu (Daree Bal’aa) Barsiisuufi Iyyaafachuu
Gocha 3.10
 Barattoota daree bal’aa jechuun maali jechuu dha? Akkamitti barsiisuu dandeenya?
Akkamittis iyyaafachuu dandeenya? Daree bal’aa barsiisuufi iyyaafachuu keessatti
gaheen barataa maal ta’a jettee yaadda? Kan barsiisaa hoo?
Yeroo ammaa kana haala qabatamaa biyya keenyaa yoo ilaallu bakka hedduutti baay’inni
barattootaa daree keessaa baay’ee ol’aanaadha. Barsiisota haala si’aayinaan barsiisuufi
iyyaafannoo walitti fufaa gaggeessuufi galmeessuu yoo gaafatu baay’inni barattootaa daree
keessaa to’annoo kootiin oli jedhanii deebii kennu. Kuni dhugaa jiruudha, barattoota hedduu bakka
tokkotti barsiisuun daree keessattis ta’ee dareen alatti baay’ee ulfaataadha. Barattootni daree
keessatti yoo baay’atan to’annoon ala ta’u, fedhii dhabu, hirmaannaa ho’aa taasisuu dhabuufi kan
biroos mul’achuu nidanda’a.
Amma tooftaalee hirmaannaa barattootaa jajjabeessuun barsiisuufi tooftaalee iyyaafannoo

muraasa barsiisota daree bal’aa barsiisuu waliin walqabatee rakkoolee qunnamaniif fala ta’uu
danda’an muraasa isaanii akka itti aananitti kaa’amanii jiru.
1. Dhuunfaan yaaduu walii qooduu

Mala kana keessatti barsiisaan gaaffii yookiin pirobleemii dareef dhiyeessuun barattoonni
dhuunfaan yeroo muraasaaf erga yaadanii booda cimdii cimdiin yaada isaanii akka waliif hiran ni
taasifamu. Gareen cimdii ta’an kun dareef gabaasa akka dhiyeessan gochuun barattoonni mata
duree kenname irratti yaad-rimee bal’inaan akka hubataniif isaan gargaara. Akkasumas akka yaada
marii ka’umsaaf daree hundaaf ooluu nidanada’a. Malli kun barattoonni yeroo kennameef keessatti
yaada yookiin rakkoo tokko irratti akka mari’ataniifi kanneen biroo wajjin odeeffannoo akka

waljijjiraniif isaan fayyada. Barattoonni fakkeenya ifa ta’een sirriitti ibsa akka itti kennaniif ni
jajjabeeffamu.
Akkaataa hojjiirra oolmaa isaa:

1. Barsiisaan dareef rakkoo yookiin yaada murtaa’aa ta’e dhiyeessa.
2. Barattoonni gaaffii kennameef irratti yeroo murtaa’eef odeeffannoo dhuunfaa isaaniitiin
walitti sassabbatu.
3. Itti aansuun barattoonni waan yaadan irratti hiriyyaa isaanii waliin mar’achuun wal
amansiisuuf yaalu. Yaada isaanitis sirriitti walitti qindeessuun fakkeenyota gahaa ta’aniin
ibsa itti kennu.
4. Barsiisaan yeroo waliin mari’atan kannatti barattoonni madaallii walii waliinii akka taasisan
haala mijeessuun yeroo ni kennaa; Barattoonni hiriyoota isaaniitiif yaada isaanii irratti
yaad-deebii walii kennu.
5. Barattoonni gara garee bal’aatti osoo hin makamin dura, yaadaafi odeeffannoo isaanii
sirriitti akka qindeeffataniifi hawwataafi miidhagina akka qabaatu gochuuf yeroon
murtaa’aa ta’e ni kennamaafi.
6. Yaada marii walii galteerra gahan irratti xiyyeeffachuun akkaataa yaadoleen itti ibsamaniifi
walamansiisan irratti yaada walii qoodu.
7. Erga gareen yaada isaanii qindeeffatanii booda dareef dhiyeessuun, yaada kennameef irratti
garaagarummaa uumame irrattis yaada sirreeffamaa walii kennuun wal-sirreesu.
8. Barsiisaan adeemsota armaa oli hunda keessatti iyyaafachuu ni danda’a.
2. Waraqaa qaboo barru daqiiqaa (Minute paper)

Dhuma barannoo irratti barattoonni daqiiqaa tokkoo hanga sadiif qabixiilee ijoo ta’aniifi hubatan
akkasumas ifa hinta’iin hafan akka barreessaniif taasifamu. Haalli kun waan danuuf gargaaruu
danda’a. Kunis barsiisaaf akka iyyaafannoo walitti fufaatti nitajaajila; barattoonni beekumsa
dhuunfaa isaanii akka cimsatan gargaara; barattoonni maali akka hubataniifi maali akka
hinhubanne adda baasuuf, fedha barachuu isaanii nijajjabeessa, gaaffii akka gaafataniifi mariitti
akka seenan isaan gargaara.

3. Waraqaa qabxiilee ifaa hinta’iin
Malli kun immoo barattoonni qabxii ifaa hinta’iin akka barreessaniif gocha taasifamudha.
Barattoonni yaada ifaa hinta’iin yoo barreessan barataan biroo yookiin barsiisaan deebii isaa
kennuu danda’a. Faayidaan isaa kanuma gocha waraqaa daqiiqaa wajjin wal fakkaata.
4. Gaaffii dammaqsituu ykn Gaaffii Tasaa

Malli kuni gaaffilee filannoo hedduu qaban akka iyyaafannoof mijataa ta’utti dareef dhiyeessuun
barattoonni hundinuu dhuunfaan akka deebii kennan gochuun dhuma irrattis deebiin isaa dareef
yeruma sana kan ibsamu ta’a. Kuni barattoonni bal’inaan akka hirmaataniifi gaafficha deebisuu
sammuun akka waa yaadan isaan gargaara. Yoo barattoonni hedduun deebii dogoggoraa deebisan
marii gareef haala mijeessuu danda’a.
5. Wal-Iyyaafannoo Hiriyyaa Waliinii (Peer assessment)

Yeroo baay’ee barattoonni keessumaayyuu daree bal’aa (barattoota hedduu) keessatti iyyaafannoo
hiriyyee irratti ilaalcha garii hinqabaatani yookiin nisodaatu. Sababiin isaas waa’ee isaa/ishee
namni biroo akka baru waan hinbarbaadneef. Haa ta’u malee barsiisonni haala ijaarsa ta’een akka
hojiirra oolu yoo qajeelchan hojii garee akka tooftaa iyyaafannootti fayyadamuu nidanda’u.
Kanaaf barattoonni akka walii isaaniitiin wal iyyaafatan yommuu goonu akka isaan wal-
deeggaraniifi adeemsa barachuu isaanii xiinxalan carraa kennuu, qajeelfamoota barattoonni
salphaatti hubachuufi hordofuu danda’aniin kennuun eegaluu, akkasumas qabxiilee barattoonni
hojii hiriyaa isaanii wayita madaalan irratti xiyyeeffachuu qaban tarreeffama mirkaneeffannaa
(cheeklistii) qopheessanii halaa isaa qabsiisuun barbaachisaadha. Kana malees, duraan dursamee
barattoota wajjin ta’uun qabxiilee xiyyeeffatamuu qaban jedhaman xiinxaluun barattoonni
hundinuu akkaataa itti fayyadama isaa hubachuu akka danda’an gochuun barbaachisaadha.
Toftaan kun caalmaatti haala gahumsa qabuun hojiirra ooluu kan danda’u barattoota kutaa 3fi 4
birattidha. Malli kuni barsiisaarraa ba’aa salphisa, barattoonni calaqqee dhuunfaa akka
dagaagfatan, murtii kennuufi waa’ee dhuunfaa isaanii itti gaafatamummaa akka horatan taasisa.
6. Qabxii Daree Keessatti Kennamu

Barsiisaan/tuun deebii fakkeenya ta’uufi deebii fooyya’uu danda’u barattootaaf kennaaf. Kana
booda barattoonni deebii isaan kennanii turan deebii barsiisaan kenneef wajjin walcinaa qabanii
ilaaluun deebii isaanii bakka kamitti fooyyessuu akka qaban adda baafatu. Bakka gaafficha

hojjechuuf sadarkaaleen hordofamuu qaban jiranitti barsiisaan/tuun sadarkaalee sana keessa bahee
agarsiisuun barattoonni hojii isaan hojjetan wajjin walcinaa qabanii lama lama ta’uun ilaaluun
akka qaaccessan yookiin sirreessan gochuudhaan barattoonni akka walgargaaran jajjabeessuu qaba.
7. Hojii Barattootaa irratti hundaa’uun fooyya’iinsa isaanii hogganuu

Barsiisonni hojii barattoonni hojjetan keessaa fakkeenya lama yookiin sadi filachuun ciminaalee
jiraniifi wantoota fooyya’uu qaban irratti ibsa kenna. Kana booda barattoonni fakkeenyawwan
kanatti fayyadamuun hojii isaanii madaaluu nidanda’u. Ofiis ta’anii argamuu carraaqqii nitaasisu.
8. Amala Gaarii fi Qophii Qabaachuu Barsiisaa
Malli inni biroo immoo barsiisaa waliin kan walqabatudha. Hariiroofi simannaa barattoonni
barsiisaaf godhanis haala daree bal’aa barsiisuu keessatti dhiibbaa guddaa qaba. Keessumaayyuu
tokkoo tokkoon barataa itti siiqanii yaada waljijjiruun baay’ee ulfaataa ta’uu danda’a. Kaanaafis
tooftaalee muraasa akka itti aanutti ilaalla.
a. Barachuuf dursa kennuun, maqaa barattootaa waamuu fayyadamuu
Barsiisonni sirna kaardii carraa walqixaa fayyadamuu danda’u. Mala kana keessaatti barsiisonni
maqaa barattootaa kaardii irratti barreessuun qopheeffatanii yommuu barsiisan giddu gidduutti
kaardii qophaa’e kana irraa maqaa barataa akkatasaa waamuun gaafatu. Kun immoo hirmaannaan
barataa akka cimu nigodha; Barattoonni yeroo hunda qophaa’oo ta’u; Barsiisaan maqaa
barattootaa akka baruuf nigargaara. Barsiisonni biroo lakkoofsa waraqaa eenyummaa barattootaa
dursanii galmeeffachuun waanuma walfakkaatu raawwachuu danda’u.
b. HariirooUumuu
Jalqaba seemisteera irratti barsiisaan/tuun, barattoonni kaardii irratti fedhiifi maqaa isaanii akka
barreessan gochuun maqaa isaanii kaardii sana irraa yeroo yerootti ilaalee sammuutti qabachuun
guyyaa guyyaan barsiisuuf daree yeroo seenutti maqaa barataa/ttuu waamuun gaafachuun
hirmaachisaa deemuun barattoota isaa/ishee baraa deema. Kun walitti dhufeenya barsiisaafi
barataa gidduu jiru akka cimu godha.

c. Kutaa barnootaa keessattis ta’e kutaa barnootaa alatti barsiisaan barattootatti
dhiyaachuu
Kun ofitti amanamummaa barattootaa dabaluurra darbee barattootni sodaa tokko malee akka
gaaffii gaafataniifi barnootarratti si’aa’inaan hirmaatan godha. Barattootni baay’een yoo fuula
barsiisaa ifaa ta’ee arguu baatan barsiisaa akka hamaa/dheekkamaa ta’eetti dursanii fudhachuun,
hirmaannaan isaanii gadi bu’a; otuma yaaluuf yaadaniyyuu calluma jedhu. Yeroo akkasii sodaan
barattootaa olkaa’aa deema. Kana hambisuuf immoo tooftaan filatamaan barsiisaan amala nama
simannaa qabaachuu isaa kutaa barnootaa keessattis ta’ee alatti calaqqisiisuu qaba.
d. Sagantaa baasuun, barattootni biirootti dhufanii fayyadaman jajjabeessuu
Kun barattoonni dhuunfaan yookiin gareen dhufanii gaaffii qaban yookiin yaada qaban akka
ibsatan gochuudha. Adeemsa kana keessatti barattoonni shaakalaa deemuun ofuma isaanii ofitti
amanamummaa dagaagfatu. Barsiisaanis waa’ee barattoota isaa/ishee adda baasuun gargaaruu,
maqaa isaaniis baruuf akka tolutti haala mijeessa.
e. Maal naan jedhanii hambisuu
Barattootni hedduun, keessumaayyuu daree bal’aa barattoota hedduu qabu keessatti, yoon
dubbadhe maal naan jedhan jedhanii sodaa hinbarbaachifne of-keessatti uumu. Kanaaf falli jiru
ammo barsiisaan jalqabumaa kaasee kana hubachuun wal-hubannaafi walii-obsuu yookiin wal-
kabajuun akka jiraatu barattoota isaa beeksisuudha. Haala akkasii keessatti barattootni sodaa
yookiin shakkii akkanaa sammuu isaanii keessaa dhabamsiisaa deemu. Tooftaaleen sodaan akkasii
dhabamsiisan keessaa tokko akka isaan yeroo hunda bifa mariin waliin dubbatan haala
mijeessuudha. Yeroo akkanaatti barattootni muraasni akka yaada biroo hin hacuucne yookiin
gidduutti hinkunne cimsanii irratti hojjechuudha. Haala kanaa daree bal’aa barsiisuus ta’e
iyyaafachuun ni danda’ama.
f. Od-ibsa Hirmaachisaa
Akka saayinsiin barachuu jedhutti namni tokko haala milkaa’inaan od-ibsa walittifufinsaan
kennamu tokko irratti si’aayinaan kan hirmaatu yoo baay’ate daqiiqaa 15-20 tti qofa jedha. Haa
ta’u malee yeroo baay’ee kan mul’atu garuu giddu galeessaan barnootni od-ibsaa daqiiqaa 35-40tti
walittifufinsaan kennama. Rakkoo kana furuuf tarsiimoowwan garaagaraa taa’anii jiru. Kanneen
keessaa akka Joan Middendorf fi Alan Kalish eeranitti tarsiimoowwan adda baafamanii kaa’aman
keessaa muraasni isaanii kanneen armaan gadiiti.
1. Barattootni kee yeroo ta’eef akka waa yaadanii barreessan gochuuf gaaffii gaafadhu.
2. Mala dhuunfaan yaaduu-cimdiin mari’achuu-dareen yaada waliif hiruu (think-pair-share)
fayyadami.
3. Barattootni yaada kitaabilee dubbisuun bifa gaaffiin akka yaada waliif kaasan qajeelchi.
4. Mala sammuu dhiluu fayyadami.
5. Erga daqiiqaa muraasa ibsa od-ibsaan kennitee booda gaaffilee garaagaraa dursitee
qopheessuun akka barattootni dareetti (dhuunfaanis ta’e gareen) shaakalanii boodarra
ammo akka dareetti waliin hojjechuun danda’an godhi.
6. Otuma od-ibsa gochaa jirtuu gidduutti adda kutuun barattootni ofuma isaaniin gaaffii
kaasuun ofumaan walii deebisuu (peer questioning and answering) akka shaakalan
gochuun yaada araaraan guduunfi.
Gocha 3.11
 Mata-duree barnootaa saayinsii naannoo kutaalee 1-4 keessaa filachuun uumrii

ijoollees ilaalcha keessa galchuun tooftaalee (maloota) kanneenii keessaa lama lama
kennameefi mala jigsaawaan qajeelfama qopheessuun akkamitti akka daree keessatti
hojirra oolchtan irratti mari’attanii dareef dhiyeessaa.
3.10 Yaad-Deebii Walitti Fufaa Kennuu fi Galmeessuu
Gocha 3.12
 Kaadhimamtoota,
i. Yaadi deebii kennuun maali? Galmeessuuni hoo? Yaad-debii walitti fufaa yoo jennu
maal jechuu isinitti fakkaata?
ii. Amaloota yaad-deebii gaarii, ciminaafi hanqinaalee tooftaalee yaad-deebii adda
addaarratti gareetiin mari’adhaa.

3.10.1 Yaad-Deebii Walitti Fufaa Kennuu
Adeemsa baruu-barsiisuufi iyyaafannoo walitti fufaa hojiirra oolchuu keessatti wanti hunda
caalmaatti ulfaataa ta’ee mul’achaa jiru iyyaafatanii galmeessaa deemuufi bu’aa iyyaafannoon
argatametti fayyadamuu dhabuudha. Bu’aan iyyaafanichaa barattoonni yaad-rimee haalaan
hinbaranne yookiin dandeettii qubsaa hinarganne ta’uu isaanii ni agarsiisa yoo ta’e, barsiisaan/tuun
barattootatti gahumsa barnootaa kan hinmilkeessine ta’uu isaanii gama yaad-deebiitiin
hubachiisuufi tooftaa gahumsicha itti milkeessuu danda’an itti himuufi galmeessuun fooyya’iinsa
dhufu galmeessaa deemuun baayee’e murteessaadha.
Barsiisaan baay’een yeroo hedduu iyyaafannoo sadarkeessuurratti xiyyeeffatee, garuu yaad-
deebiin xiyyeeffannaa dhaba. Qabxiin barattoonni iyyaafannoon argatan barattoonni beekumsa
gaarii argachuu yookiin argachuu dhabuu yookiin iddoo kamitti hubannoo ga’aa akka argatan
yookiin hinarganne barataattis ta’e barsiisisaatti kan mul’isuufi tooftaa akkamiitiin akka
fooyyessuu qabanis kan agarsiisu miti. Yaad-deebiin garuu, raawwiin barattootaa gaarii ta’uusaa
qofa otuu hinta’in akkamitti akka fooyyessuu qabanis ni agarsiisa.
Barsiisonni hedduun barattootaaf yaad-deebii yeroo kennan raawwii gaarii yookiin laafaa
qabaachuu isaanii qabxii barattootaa kan biroo wajjin walcinaa qabanii dorgomsiisuun itti himu.
Kun immoo yaad-deebii bu’aa qabeessa miti. Yaad-deebiin fooyya’iinsa barachuun barattootaa
argamsiisuu akka danda’u, yeroo isaa kan eege, kan deeggaruu danda’u, kallattiin ulaagaalee
iyyaafannoo wajjin kan walqabate, murtaa’aafi barataan akkamitti of-fooyyessuu akka qabu
odeeffannoo kan kennu ta’uu qaba.
Gabaabumatti Yaad-deebiin raawwiin barataa/ttuu bu’uura gahumsa barnootaatiin sadarkaa maal

irra akka jiru barataattis ta’ee barsiisaatti odeeffannoo kennamudha. Kanaanis barsiisaafi barataan
galma barbaadame bira gahuu akka danda’an kallattii agarsiisaa ta’ee dhuunfaan, gareen yookiin
daree guutuun akka barbaachisummaa isaatti ogummaan xiinsammuu dabalamee kennamuu qaba.
Yoo kana ta'e barattoonni waa’ee barachuu isaaniifi haala ittiin matuma isaanitiin fooyyeffachuu
danda’aniifi waa’ee ofii isaanii miira gaarii akka qabaatan godha.

Bu’uuraalee yaad-deebii kennuu
1. Yaad-deebiin galma yaadame ga’ee firii barattootaa akka fooyyessuuf odeeffannoo
qabatamaa irratti bu’uureffamuu qaba.
2. Yaad-deebiin hanqina barattootaa akka duuchuuf yaadamee hatattamaan yeroo barbaachisetti

kennamuu qaba.
3. Yaad-deebiin hojii barataa waliin kan deemu ta’ee fooyyeeffachuuf maal akka hojjechuu
qabuufi maal akka dhiisuu qabu adda baasee ifatti gorsa kennuu qaba.
4. Yaad-deebiin haala gahumsa qabuun kan kennamu akkuma iyyaafannoon adeemsifameen

ta’uu qaba.
5. Yaad-deebiin haala barattoota deeggaruufi barattoonni adeemsa barachuu isaanii ofuma

isaaniin xiinxaluu akka danda’an haala taasisuun kennamuu qaba.
6. Yaad-deebiin kallattiin gahumsa barnootaafi ulaagaa iyyaafannoo kaa’ame wajjin kan

walqabate, hojii irra ooluu kan danda’u ta’uu qaba.
7. Yaad-deebiebiin hojii gulaaluu (innis seer-luga sirreessuu, qubee qajeelchuu, ibsa herregaa,
kan kana fakkaatan.) qofaa osoo hintaane gahumsaalee barnootaa wajjin ciminaan kan
walqabate ta’uu qaba.
8. Yaad-deebiin darbee darbee barataarratti kan fuulleffatu yoo ta’u, gara caalu garuu
xiyyeeffachuu kan qabu hojii barattootaa ta’uu qaba. Kunis yoo ta’u qabxii barataa tokkoo
qabxii barataa kan biraa waliin wal cinaa qabanii ilaaluun hinbarbaachisu.

Hubachiisaa: Yaad-deebiin kennamu milkaa’aa kan ta’u:
✓ Ofitti amanamummaa barattootaa kan guddisuu yoo ta’e.
✓ Barattoonni adeemsa barachuu isaanii akka fooyyessan kan sissi’eessu yoo ta’e.
✓ Barattoonni raawwii isaanii akka fooyyeffatan odeeffannoo kan kennuuf yoo ta’e.
✓ Barattoonni dogoggora jiru akka fooyyeffatan carraa kan kennuuf yoo ta’e.
✓ Ciminaaleefi hanqinaalee jiran adda baasa yoo ta’e.
Fakkeenyota Toftaalee Yaad-deebii Qabatamaa Ta’an Keessaa Muraasni Isaanii:
a. Yaad-deebii daree guutuu:

Hedduun keessan gocha sinii kenname haala gaariin dalagdaniittu. Haa ta’u malee, barattoonni
muraasni keessan haala qulqullina qabuun hinraawwanne. Mee akkamitti akka raawwattan waliif
ibsaa. Yommuu gara mana keessanii deemtan fakkeenya isiniif kenne irratti hundaa’uun irra
deebi’uun sirriitti shaakalaa koottaa boru dareetti ibsitu yookiin fuulduratti baatanii hojjettu,
badhaasas qabaachuu danda’a.
b. Fakkeenya yaad-deebii barataa dhuunfaaf afaaniin kennamu:

Biqilaa, mee gara koo koottu, wantoonni naannoo keessanitti nyaataaf oolan keessaa akaakuu
nyaataa hedduu tarreessuu dandeesseetta. Haa ta’u malee nyaata madaalamaan maalifa’i akka of
keessatti qabatu adda hinbaafanne. Nyaata madaalamaa jechuun gartuulee dhangaalee nyaataa
jahan kan ati tarreessite keessa akka ______, _______, ______, ______, ______, ______fi kan kana
fakkaatan of-keessatti kan qabatu dha jechuun itti himuu.
c. Fakkeenya yaad-deebii fedhii garee giddugaleeffate:

Wayita barnoota barssiiftu daree keessa deemuun haala hirmaannaa isaanii hordofuun kaardii
halluu adda addaa qaban barattootaaf kennuun dhuma irrattii barattoota kaardiin kennameef yaad-
deebii kennuu yoo barbaaddee; Barattootaa, kaardii halluu adda addaa qaban isinii kenneen jira;
Kaardii diimaa warri argattan, gocha isiniif kenname iraatti yaad-deebii waanin isiniif kennuuf gara
koo koottaa jechuun tokko tokkoon yookiin gareen kennuun ni danda’ama.

3.10.2 Gahumsa Barachuu Yoo Xiqqaate Gonfatamuu Qabuufi Fooyya'iinsa
Barachuu Barataa Galmeessuu
Gocha 3.13
 Kaadhimamtoota, Gahumsa jechuun maal jechuudha? GBYXGQ jechuun hoo?
Fooyya’iinsa barachuu barataa galmeessuu jechuun maal jechuudha?
Galmeessuun faayidaa maalii qaba jettee yaadda? Gahumsa Barachuu Yoo
Xiqqaate Gonfatamuu Qabuufi (GBYXGQ) fooyya’iinsa jiru hunda
galmeessuun ni danda’amaa? Akkamitti?
Kaadhimamtoota, Oromoon ilmaan isaa ga’eera/geesseetti jechuun akka fuudhu yookiin

heerumtuuf kan eeyyamu umurii waggaa meeqatti? Yoo maali maali gochuu danda’e/eesse dha?
Kana deebii isaa isinumaaf dhiisinee gara sirna barnootaatti yoo deebinu Gahumsa jechuun tuuta
beekumsaa, ogummaafi ilaalcha walsimachiisanii gocha ta’e tokko qixa eegamuun akka gaariitti
raawwachuu kan nama dandeessisu jechuudha. Gahumsa barachuu yoo xiqqaate gonfatamuu qabu
yommuu jennu kan agarsiisu adeemsi barsiisuu yookiin qajeelchuu, iyyaafachuu, qabxeessuu fi
gabaasa akkaadaamii hojiirraa olmaa barachuu barattotaa irratti hundaa’ee, beekumsaa, ilaalchaafi
ogummaa barachuun argatan hojiirra oolchuu qabu jedhamee eegamu xiqqaa isa dhumaa jechuu
dha.
Kaadhimamtoota, waa'ee hirmaannaa barataa galmeessuu irratti barsiisota hedduu biratti hanqinni
gahumsaa milkaa’ina barataa hordofanii galmeessuu ni mul’ata. Kana yoo jedhamu gariin
guutummaatti hubannoo kan hin qabne yoo ta’u gariin immoo baay’ina barataa waliin akka
raakkoo ta’eetti kaasu. Gareen biroo immoo qormaata barreeffamaa yookiin abbaltii yookiin
immoo tooftaa iyyaafannoo biroon barataa iyyaafatanii qabxeessanii galmeessuu akka
galmeessuutti fudhatu. Mee akkamitti GBYXGQ fi galmeessuu mlkaa'ina barataa guyyaa guyyaa
akka fakkeenya itti aanu haa ilaallu.

Unka Galmee Fooyya’insa Barachuu Barataa
Gosa Barnootaa: Saayinsii Naannoo Boqonnaa: _______ Kutaa: _______________
Furtuu:
1. Lakkofsi gabatee keessa gahumsawwan boqonnaa sana keessa jiran kan bakkabu’an yoo
ta'an warqaa biroo irraatti barreeffamuun itti hidhamuu qabu.
2. Mallattoolee biroo akka barsiisichaatti kan fayyadamuu danda'u ta'ee ammaaf:
“>” jechuun GBYXGQ ol ta’u
✓ jechuun GBYXGQ qaqqabuu isaa/shee
“0” jechuu GBYXGQ hanqachuu isaa/shee fayyadamuun nidanda'ama.
Gahumsa
Lak. Maqaa barataa
1 2 3 4 5 6 7 8 9 10 ...
1 Abdii Lammii >
2 Falmataa Moo'eeraa ✓
3 Lalisee Cimdii 0
... ...
Hojii Piroojektii
Kaadhimamtoota, Gahumsoota jiran tokkoon tokkoo barataaf akkamitti fooyya’iinsa
barachuu isaanii akka galmeessan mana barnootaa naannoo koolleejjii jiran deemuun
daawwachuun gabaasaa. Akkamiin galmeessanii jiru? Sirrii moo sirrii miti? Maaliif? Kuni
gahaa dha jettee yaaddaa?

3.11 GBYXGQ Saayinsii Naannoo Kutaa 1 - 4tti Jiran Bu’uureffachuun
Gaaffilee Iyyaafannoo Xumuraa Qopheessuufi Gaaffilee Bahan Madaaluu
Gocha 3.14
 Gaaffilee itti aanan irratti dhuunfaan yaaduun gareen mar’iiachuun dareef ibsaa
1. GBYXGQ eessaa argama?Iyyaafannoon gahumsa bu’uureffate jechuun maali
jechuudha? Eessaa argama?
2. Mee barsiisaan barattoota isaa akkamitti iyyaafata isinitti fakkaata?
3. Akka kolleejjiitti iyyaafannoon eessaa baha? Akkamitti iyyaafatama? Iyyaafannoo
walittifufaa hojiirra oolchuu keessatti yaada kee attamitti ibsita?
4. Gaaffiin tokko maal irratti bu’uureffamee qophaa’a?
5. Yeroo baay’ee kitaabileefi battalee saayinsii naannoo sadarkaa tokkoffaa keessatti
barsiisonni gahumsa barachuu eessaa argatu?
6. Gaaffiin barataa irratti jijjirama akkamii fida? Barsiisonni maaliif gaaffitti
fayyadamu?
Gahumsi kan argamuu danda’u Siilabasii, Qajeelcha barsiisotaafi Dookimentoota Gahumsa

barachuu yoo xiqqaate gonfatamuu qabu jedhu irraati. Sirni barnootaa biyya keenyaas gahumsa
irratti kan hundaa’edha. Kanaaf iyaafannoonis gahumsa irratti hundaa’uu qaba jechuudha. Haa
ta’u malee haala qabatamaa biyya keenyaa yeroo ammaatti iyyaafannoo walittifufaa GBYXGQ
irratti hundaa’e osoo ta’uu qabuu torban torbaniin yookiin yeroo yerootti gaaffilee battallee
yookiin qormaata barreeffamaan ofumaa barsiisaan qabiyyee bu’uureffatee akka yaada mataa
isaatti/isheetti kennuu ta’ee jira. Gaaffileen qormaataa garcaalaan GBYXGQ waliin wal
hinsimatan. Adeemsi kun firii barattootaafi qulqullina barnootaa irratti dhiibbaa guddaa fidee jira.
Iyyaafannoon GBYXGQ waliin hariiroo qabaachuu qaba. Kana jechuun barataan kan
iyyaafatamuu qabu GBYXGQ irratti hundaa’ee ta’uu qaba. Yoo kana ta’e qulqullinni barumsaa
mirkanaa’a jechuudha. Mee yaadaa armaan gadii ilaali.

Sirna Barnootaa
Kan amaleeffatame Kan ammayyaa
✓ Beekumsa yaadachuu irratti ✓ Gahumsa irratti hundaa’e

hundaa’e (knowledge mastery) ✓ Beekumsa, ogummaafi ilaalcha
✓ Beekumsa, ogummaafi ilaalcha akka tuuta tokkootti
addaan qoode qophaa qophaatti walsimachiisee ilaala
ilaala ✓ Dandeettii waa hojjachuu
jabeessuu irratti xiyyeeffata
Chaartii armaan olii irraa barbaachisummaa barnoota gahumsa irratti hundaa’e maali akka ta’e
amma cimsitee hubatteetta. Mee amma immoo gaaffilee gahumsa bu’uureffatanii bahaniifi
GBYXGQ waliin hinsimne akka itti aanutti haa ilaallu.
a. GBYXGQ irratti hundaa’anii gaaffiilee bahan
Lakk GBYXGQ Gaaffilee GBYXGQ irratti hundaa’’e

Qophaa’e
1 Qaamolee bulchiinsaa Qaamolee bulchiinsa mootummaa naannoo
mootummaa naannoo Oromiyaa oromiyaa sadii himi.
ni himu.
2 Maalummaa argama bir-qabaa ni Argama bir-qabaa jechuun maal jechuudha?
ibsu.
3 Oromiyaa keessatti bakkeewwan Kanneen armaan gadii keessaa Oromiyaa keessatti
gurguddoo daawwattoota bakkee hawwata daawwatootaa kan ta'e kami?
hawwatan addaan ni baafatu. a. Paarkiiwwan Awaashiifi Baalee
b. Masara Abbaa Jifaar
c. Bakkee waaqeffannaa Dirree Sheek Huseen
d. Hunda.
4 Hiikkaa haala qilleensaa ni kennu. Haala qilleensaa jechuun maal jechuudha?
5 Wantoota uffanni irraa hojjetamu Wantoota uffanni irraa hojjetamu 3 himi
ni himu
6 Meeshaalee mana isaanii keessatti Mana keessan keessatti meeshaalee nyaanni ittiin
nyaata ittiin bilcheeffatan ni himu bilcheeffamu 2 himi.

b. GBYXGQ waliin gaaffiilee wal hin simne.
Lakk GBYXGQ Gaaffilee GBYXGQ irratti hundaa’’e Qophaa’e

1 Qaamolee miira shanan ni Qaamolee miiraa shanan ibsi.
agarsiisu.
2 Meeshaalee nyaata itti nyaatan Meeshaalee nyaata itti nyaattu barreessi.
muraasa ni himu.
3 Wantoota uffanni irraa Wantoota uffanni irraa hojjetamu ibsi.
hojjetamu ni himu
4 Faayidaalee bishaanii ni himu. Faayidaalee bishaanii keessaa 4 barreessi.
5 Maddoota gartuulee nyaataa ni Kanneen armaan gadii keessaa ganama kan
himu nyyatamu kami? A) Daabboo B) marqaa
C) buddeena D) mulluu
6 Barbaachisummaa geejjibaa ni Wantoota geejjibaaf oolan barreessi.
himi.

a. Iddattoo Gaaffilee Iyyaafannoo Xumuraa GBYXGQ Irratti Hundaa’anii
Kutaa 3 Boqonnaa 2
Mata-duree Naannoo Uumama keenya
Qabiyyee Meeshaalee Muuziqaa
Gahumsa: Meeshaalee Muuziqaa kan aadaafi ammayyaa adda ni baasu
Mala ittiin dhiyatu Barreessuun Gaaffii FH DB GR
Mala ittiin deebi’u Barreessuun Yaad- Yad Hub HH
sammuu
Gaaffii Kanneen armaan gadii keessaa meeshaa muuziqaa ammayyaa Ilaalchaa Fudhachu Deebisu G/Lac
Murnoota
kan ta’e kami? A) Kiraara B) Masiinqoo C) Gitaara D) Ulullee
Deebii C Qaam- Akke Dal Sir
sammuu
Cimina Gaaffii Salphaa G/G Cim
Kenninsa Qabxii Kan deebise 1, kan hin deebisine 0 Qulqullina Gaaffii BQ Al Am
Q F G
Gahumsa: Yuunitoota safarootaa kan aadaafi ammayyaatti ramadu
Mala ittiin dhiyatu Barreessuun Gaaffii FH DB GR
Mala ittiin deebi’u Barreessuun Yaad- Yaaddchu Hubach HH
sammuu u uu
Gaaffii Yuunitoota safarootaa:Taakkuu, Meetira, Faanaa, Kiloogiramii, Ilaalchaa Fudhachu Deebisu G/Lac
Murnoota
Tarkaanfiifi Seekoondii kan addaafi ammayyaa jechuun ramadi.
Deebii Kan aadaa: Taakkuu, Faanaafi Tarkaanfii Qaam- Akkeessu Dalagaan Sirrum
Kan Ammayyaa: Meetira, Kiloogiramiifi Seekoondii sammuu u maa
Cimina Gaaffii Salphaa G/G Cimaa
Kenninsa Qabxii Kan sirriitti ramade 3, kan lama sirriitti ramade 2 kan tokko sirriitti Qulqullina Gaaffii BQ Al Am
ramade 1 kan hin ramadne 0 Q F G
Hiikaa gabaajee: FH = filannoo hedduu, DB = deebii barreeffamaa, GR = gocha raawwii, HH = hojiitti hiikuu, G/La = gatii
laachuu, BQ = bu’aa qabeessa, Al = al-loogummaa, Am = amanamummaa, Q =qabatamummaa, F =
fudhatamummaa, G= gahaa yoo ta’an, qulqullina gaaffii ilaachise amaloota iyyaafannoo gaarii(3.8) jalatti
tarreeffamanfi kunneen hundi xiyyeeffannoo keessa galchuun qopheessuu qabna.

Kana dura Koorsii EPSY. 231 keessatti baxxee addaan baafannoo gaaffiilee (wixinee yaalii)
iyyaafannoo idilee keessatti akkamitti akka hojiirra oolu barattanii jirtu. Kanaaf asi keessattis
ulaagaalee xiyyeeffannoo yaalii qopheessuu murteessoo ta’an yaada keessa galchuunii piroojektii
armaan gadii hojjedhaa.
 Hojii Piroojektii
1. Gareen mana barnootaa naannoo koolleejjii deemuun gaaffilee iyyaafannoof barsiisonni
saayinsii naannoo barsiisan qopheeffataniifi GBYXGQ waliin wal-bira qabuun madaaluun
dareef dhiyeessaa. Hub. Manni barumsaa hedduu yoo ta’an akka walirra hinbuuneef barsiisaan
koolleejjii ramaddi kennuufii qaba.
2. Mala jiigsawaa fayyadamuun saayinsii naannoo kutaa 1-4tti jiran boqonnaalee kudha ja’a
keessaa gareen tokko boqonnaalee lama fudhachuun baxxee addaan baafannoo gaaffiilee
qopheessuun gaaffilee kudhan kudhan baasuun erga qopheessitanii booda dareetti dhiyeessaa.
3.12 Barattoota Fedhii Addaa Iyyaafachuu

Gocha 3.15
 Fedhii addaa jechuun maal jechuu dha? Barattoota fedhii addaa qaban yommuu
jennu hoo? Barattoota miidhama qaamaa qaban jechuudhaa? Mee kan biroo hoo?
Barattoota fedhii addaa qaban jechuun kanneen akka miidhama qaamaa qaban, dhageettii dhabuu,
qaroo-dhabeeyyii, rakkoo barachuu qaban, suuta baratan, yookiin saffisaan baratan, rakkoolee
akka qaamaan garmalee furdachuuf kanneen kana fakkaatan hunda haammata. Barattooni kun
hundi daree barnootaa keessa jiraachuu danda’u waan ta’eef barsiisaan wayita barsiisus ta’ee
iyyaafatu isaan kana xiyyeeffaannoo keessa galchuun adda baafachuun toftaalee adda addaa
akkaataa fedhii isanii wajjin deemaniifi galma ga’insa gahumsa barnootaa taa’e milkeessan iraatti
hojechuu qaba.
Gocha 3.16
 Kaadhimamtoota, amaloota barattoota fedhii addaaa qabanii Barnoota Fedhii Addaafi
Hunda Haammatoo(SNIE 221) keessatti bal’inaan waan barattaniif tokkoo tokkoo
isaaniif akkamitti akka barsiisuufi iyyaafachuu danda’an adda baasuun gareen irratti
mari’achuun dareef ibsaa. Gahee taphachuunis akkamitti akka hojiirra ooluu danda’u
dareetti agarsiisaa. Haala kana barsiisaan Koolleejjii hordofuun qindeessuu qaba.

3.13 Gahee Hirmaannaa Maatii Barachuu Barattootaa Foyyeessuu Keessatti
Maatiin kallattiinis ta’ee al-kallattiin barachuu barataa keessatti barsiisuunis ta’ee iyyaafachuun
shoora ol’aanaa qaba. Hawaasni barumsa karaa adda addaatiin ijoollee isaaniif dabarsaa tureera.
Isaanis: 1) Al-idilee (Informal), 2) Idleen alaa (Non formal) fi 3)Idlee (formal)ti. Haaluma kanaan
uummanni Oromoo bara dheeraaf sababa hacuuccaa gita bittootaa jala tureef carraan ijoollee isaa
mana barumsaatti erguun kara barnoota idileetiin barsiisuu gadi aanaa waan tureef aadaa (akkaataa
jiruufi jireenya), duudhaafi safuu, haala naannoo, ogummoota jireenyaa, jabeenya qaamaafi
kanneen kana fakkaatan karaa barnoota al-idleetiin ijoollee isaa barsiisaa tureera. Kanaafis sirna
Gadaa caasaa barnootaa uummachuun ijoollee uumrii isaaniin gaammee xixiqqaa, gaammee
gurguddoo, dabballeefi kanneen kan fakkaatuutti ramaduun barnoota umurii isaaniin walgitu
barsiisaa tureera.
Tarsiimoon barnoota al-idilee akkaataa baruu-barsiisuu barnoota hedduu walsimsiisuu

fayyadamuunidha. Malli baruuf-barsiisuu kunis si’aayinaan hirmaachisaafi bashannansiisaa
barsiisuuti.
Hojii piroojeektii Garee

1. Mee manguddoota yookiin haayyoota aadaa uummatichaa sirritti beekan hawaasaa keessaa
jirattan keessaa filachuun bira deemuun:
a. Uummanni Oromoos baroota darban keessa iddoo hedduutti carraa barnoota idlee
dhabuus karaa al-idleetiin ijoollee isaa sirna gadaan caasaa uumriin qooduun barsiisaa
tureera. Gareen caasaa sirna Gadaa umuriin ramaduun barsiisuu kanaa manguddoota
irraa qorrachuun yookiin maddoota oddooffannoo kan akka intarneetii yookiin
kitaabooleerraa qorrachuu dareef gabaasaa. Dabalataanis uummanni Oromoo ijoollee
isaa akkamitti akka barsiisaa ture kana barnoota saayinsii naannoo irratti (fakkeenyaaf
waa’ee maatii) xiyyeeffachuun maangudootarraa qorrachuun dareef gabaasaa.
b. Miseensoota garee keetii waliin ta’uun uummanni Oromoo akkaataa ijoollee isaa
Herreega (Fakkeenyaaf takka maal...), Aadaa(jiruufi jireenya)fi duudhaa (Geereersa
adda addaafi hibboo faaruu Ateetee, faaruu dubartoonni qaammeetti faarsaniifi
kanneen kana fakkaatan), Saayinsii Naannoo(Hawwasummaafi miseensoota maatii
(Hibboon teena), Qabeenya (Faaruu loonii, Faaruu biddeenaa fi kkf, tapha ijoollee),

Jabeenya qaamafi kan kana fakkaataan karaa barnoota al-idileetiin itti barsiisu
munguddootaarra qorrachuun dareef gabaasaa.
c. Malleen qorattan kanneen keessaa kanneen qabiyyee saayinsii naannoo kutaalee 1-4
barsiisuuf gargaaran addaan baasuun tarreessaa.
d. Maloota ‘c’ keessaatti tarreessitan kanneen keessaa muraasa filachuun akkamitti
qabiyyeewwan saayinsii naannoo kutaalee 1-4 ittiin akka barsiifamu qajeelfama
qopheessuun dareef dhiyeessaa.
Akkuma armaan olitti ibsamuuf yaalame sababa adda addaatiin uummanni Oromoo ijoollee isaa
mana barumsaatti erguun carraa ijoolleen isaa barnoota idlee akka argatan gochuuf qabu amma
yeroo dhiyootti gadi aanaa ture. Kanarras darbee sirna mootootaa keessatti sababa biyya
tokkummeessuu jedhuun dhaadannoo biyya tokko, afaan tokko, amantaa tokko jedhu qabachuun
sirna barnootaa aadaa saba tokkoo calaqisiisuufi afaan saba tokkoo qofa filachuun qophaa’ee
sadarkaa tokkoffaa keessatti kennaa tureera. Bara Dargiis manneen barumsaa hanga tokko
babal’isuun haajiraatu malee sirna barnootaa aadaa saba tokkoo calaqisiisuuf afaan Amaaraatiin
qophaa’een ijoolleen sabaafi sablamootaa barsiisfamaa turan.
Haa ta’u malee bara 1985 A.L.I. irraa eegalee ijoolleen Oromoo afaan isaaniin mana barumsa
sadarkaa tokkoffaa keessatti akka baratan carraa argataniiru. Sirni kun amma tokko quubsaa ta’uu
baatullee haala naannoo akka calaqqisiisuuf carraqiin godhameera.
Gocha 3.17
 Kaadhimamtoota, gareen mari’achuun gaaffilee itti aanana deebisaa.
1. Sirna barnootaa aadaa saba tokkoo qofa calaqqisiisu kana afaan dhalootaan hin kennamne
manneen barnootaa naannoo Oromiyaa keessatti ijoolleen Oromoo akka baratan
taasifamuun, ijoolleen Oromoo barnoota karaa barnoota al-idileetiin maatii isaanii irra
argatan irratti dhibbaa akkamii uuma?
2. Sirna barnootaa aadaa uummatichaa hin calqisiifneefi kan afaan Oromootiin osoo
hintaane afaan biraatiin kennamu kanaan ijoollee oromoo barsiisuun:
a. soonawwan ijoolleen Oromoo saayinsii yookiin hawaasa yookiin barnoota biroo
keessatti baratan (fakkeenyaaf kan akka barnoota fayyaa, kunuunsaa naannoofi kanneen
kana fakkaatan), jiruufi jireenya uummaata Oromoo keessa seenuun akka jireenya
uummatichaa hinfoyyeessine dhibbaan qabaachaa ture maalfaadha?.

b. Ijoolleen Oromoo afaan isaaniitiin barachuuf carraa dhabuun sun maatiin barnoota
ijoollee isaanii keessatti hirmachuun akka barachuu ijoollee isaanii foyyeessuu keessatti
qooda hin fudhanne gochuurratti dhiibbaan inni qabu maalfaadha?
3. Barnoonni sirna barnootaa aadaa uummatichaa calaqqisiisuu Afaan Oromootiin
kennamuun isaa hirmannaa maatiin barachuu ijoollee isaanii foyyeessuu keessatti qaban
cimsuurratti shoora akkamii qabaachuu danda’a?
4. Hirmaannaa maatiin barachuu ijoollee isaanii foyyeessuuf keessatti qaban dhugoomsuuf
Barsiisoota saayinsii naannoofi hoggaantoota mana barumsaa irraa maaltu eegama?
5. Mala baruufi barsiisuu aadaa kan uummanni Oromoo ijoollee isaa kara barbnoota al-
idileetiin ittiin barsiisu (fakkeenyaaf, faaruu loonii, geerrarsaan goota faarsuu, taphoota
daa’immanii, afoola, hibboofi kanneen kana fakkaataan) ammayyeessuun manneen
barnootaa keessatti saayinsiin naannoo ittin baruu-barsiisuun hirmannaa maatiin barachuu
ijoollee isaanii fooyyeessuu keessatti qabu olkaasuufi bu’aan inni qabu maalfaadha?
6. Toftaalee maatiin barachuu ijoollee isaanii foyyeessuu keessatti akka hirmaatan gochuuf
gargaaran qopheessuun dareef dhiyeessaa.
Hubadhu! Hirmaannaan maatii barachuu barataa fooyyessuu keessatti gahee qaba yoo jennu:
mana barnotaatti haala gaariin madaqsuun, ga’umsa cimaa barataa keessatti uumuun,
hojii manaa barattoonni haala gaariin akka raawwataniif hordofuun, barnoonni
barbaachisummaa guddaa akka qabaatuuf fedha uumuu, barataan qabxii gaarii
galmeessuu akka danda’uuf ni gargaara, barnoota fuulduraaf akka itti fufan gochuufi
kanneen kana fakkaatan keessatti gahee ol’aanaa qaba.
Gocha 3.18
 Kaadhimamtoota mee haalonni kun kan akkamii ta’uu akka danda’an gareen
tokko tokkoon irratti mar’iiachuun dareef ibsaa.

Cuunfaa Boqonnichaa
✓ Iyyaafannoon walittifufaa imaammata barnootaafi dookmeentoota barnootaa adda addaa
keessatti bal’inaan kan taa’ee tureedha. Kunis barsiistonni kamiiyyuu fooyya’iinsa
barattoonni gosa barnootaa hundaarratti agarsiisan idileen saganteeffatanii sakatta’uu qabu
kan jedhudha.
✓ Akkaataa hojiirra oolmaa isaa irratti hundaa’uun iyyaafannoon iyyaafannoo walitti fufaafi
iyyaafannoo xumuraa jedhamuun bakka lamatti qoodama.
✓ Iyyaafannoo walitti fufaa gochaalee barsiistonniifi barattoonni adeemsa baruu-barsiisuu
fooyyessuuf odeeffannoowwan akka yaad-deebiitti raawwatan hunda kan haammatuudha.
✓ Iyyaafannon barchuuf handhuura baruu barsiisuu bu’aa qabeessa ta’eeti. Barataafi gahumsa
waldorgomsiisa.
✓ Xumura barumsaa irrattiifi yeroo murteessanii maal baratte yookiin maal yaadatta jedhanii
iyyaafachuudha.
✓ Iyyaafannoon adeemsa daawwachuufi odeeffannoo waa’ee barachuu barataa galma yookiin
gahumsa kaa’ame irratti hundaa’uun ittiin funaanamuufi odeeffannoo funaaname irratti
hundaa’uun waa’ee barachuu barataa ilaachisee murtoo kennuudha
✓ Iyyafannoon ga’umsa baruu-barsiisuufi barachuu barattootaa sakatta’uuf , ciminaafi
hanqina barattootaa adda baasuuf, adeemsa baruu barsiisuu fooyyessuuf, maloota furmaata
kennuufi gabbisuu murteessuu dandeessisa, maatiin barattootaaf fooyya’iinsa ijoolleen
isaanii akka beekan gargaara.
✓ Iyyaafannoo walitti fufaa keessatti karaan tooftaalee odeeffannoo itti walitti qabannu
idileefi al-edileen yoo ta’u, malleen/tooftaalee kunis: gochaan, taphoota, walfalmii,
diraamaa, abbaltii, hojii daree, hojii manaa, faaruufi sirba, yaalii barreeffama , piroojektii,
fakkiiwwan, hojii dirreefi kan kana fakkaatan fa’i.
✓ Amaloota iyyaafannoo gaarii: Dhuga-qabeessummaa, Amanamummaa, Qabatamummaa,
Madaalawaa ta’uu, Ga’ummaa, Ifa ta’uu, Fudhatamummaa, Hunda galeessummaa, Hojii
irra oolu kan danda’u ta’uufi To’annaf salphaa ta’uudha. Kanaaf barsiisaan Iyyaafannoo
qopheessu ulaagalee kanneeniin hordofuu qaba jechuudha.
✓ Barattoota daree bal’aa barsiisuus ta’ee iyyaafachuun ni danda’ama. Kunis tooftaalee:
Dhuunfaan yaaduu walii qooduu, Waraqaa daqiiqaafi qabxiilee ifaa hin ta’iin fayyadamuu,
Gaaffii dammaqsituu tasaa, wal- Iyyaafannoo hiriyyaa waliiniifi Amala gaariifi qophii
gahaa qabaachuu barsiisaati.

BOQONNAA 4: MEESHAALEE BARUU-BARSIISUUfi KAROORA
BARNOOTAA
(Wayitii 10)
4.1. Seensa
Boqonnaa kana keessatti meeshaalee (miidiyaa) baruu- barsiisuufi karooraa barnootaa ilaalta.
Meeshaaleen barnootaa lubbuu barnoota daree keessaa kan itti horanidha. Kanaafis boqonnaa kun
jalatti faayidaa yookiin barbaachisuummaa, goosootni meeshaalee deggersaa, meeshaalee
barnootaa qopheessuufi leecalloo naannoo irraa fooyyesuun qopheesssuufi itti fayyadamuu
qabatee jira.
Karoorri barnootaa qophii barsiisaan daree osoo hinseeniin dura GBYXGQfi qabiyyee barnootaa
sakaatta’uun akkamitti barsiifamuu akka qabuufi tooftaalee iyyaafannoo adda baasuun dursee kan
qophaa’udha. Kana jalatti gosoota karooraa, barbaachisummaa, wantoota karoora keessatti
hammatamaniifi unki karoora barnootaa waggaa, boqonnaafi guyyaa boqonnaa kana keessatti
dhihaataniiru. Kanaaf boqonnaa kana yoo barattu kanneen kanaan dura barattellee as keessatti
hojiirra oolchita waan ta’ee xiyyeeffannaa ola’aanaan hordofuufi shaakaluun sirraa barbaachisa.
Gahumsa Boqonnichaa
Kaadhimamaa/tuu boqonnaa kana erga barattee xumurtee booda:
Hiika meeshaalee baruu- barsiisuufi karoora barnootaa ni kennita.

Gosoota meeshaalee baruu-barsiisuufi haala itti fayyadamuu qaban tarreessitee ni ibsita.
Barbaachisummaa meeshaalee baruu-barsiisuufi karoora barnootaa ni ibsita.
Kenninsa barumsaa keessatti gahee meeshaalee baruu-barsiisuu ni ibsita.
Akkaataa qophiifi itti fayyadama meeshaalee deeggersaa ni himta
Amaloota meeshaalee deggersaa ni tarreessita.
Maalummaa karoora barnootaa ni ibsta
Caacculee karooraa hiikuun itti fayyadamta
Unka karooraa qopheessuun mata-dureewwan barnoota saayinsii naannoo keessaa
tokko fudhachuun karoora barannoo ni qopheessita.

4.2. Meeshaalee Baruufi Barsiisuu
4.2.1 Seensa
Akkuma hundi keenya beeknu jabanni keenya jabana saayinsiifi tekinooloojiiti. Kanaafuu,
sagantaan baruufi barsiisuu keenyaa jabana kanaan dhiibbaan irra gahuunsaa hin oolle. Kanarraa
kan ka’e adeemsi baruufi barsiisuu gosoota meeshaalee ykn Miidiyaalee barnootaa garaagaraa
daree barnootaa keessaa qabnu irratti haa hundaa’u malee ija ogummaadhaan ilaallee hojiirra
oolchuun dirqama ta’a.
Malli baruufi barsiisuu ammayyaa si’aayinaan barachuufi bashannanaa barachuu barattootaafi

gahee olaanaa kan qabudha. Akka yaada kanaati naannoo barnootaa miidhagaafi hawwataa
qabaachuun barbaachisaadha. Kana waliin barattoonni yoo baratan meeshaalee tuttuquun saayinsii
kan baratan yoo ta’e barsiisaa dhaggeefachuurra harkaan hojjechaa barachuun bu’aa qabeessa
isaan taasisa. Inumaayyuu amalli addaa saayinsii, saayinsii barachuun kan danda’amu
tutuquudhaani jedhama.
Bifa mala barataa giddugaleeffateen barsiisuu keessaa tokko barsiisaafi barataan meeshaalee
barnootaa fooyyessuu, omishuufi ittiin fayyadamuudha. Malli kunis, mala meeshaalee barnootaaf
barbaachisan yookiin meeshaalee baruufi barsiisuu omishamoo eegachuurra mala leeccalloo
naannootti argamaniin fayyadamanii foyyeessuun barsiisuun kan jajjabeeffamuufi bu’a-
qabeessadha. Meeshaalee barnootaa omishamoo yommuu jennu kanneen warshaatti bocamanii
bittaadhaan argannu jechuudha. Isaan kunneenis kanneen bu’uuraa (boronqii, baxxee boronqii,
barullee, qubeessaa, kitaabaafi kan kana fakkaatan.)fi kanneen dabalataan fayyadamnu
(moodeloota garaagaraa, meeshaalee mana yaalii garaagaraa, keemikaalotaafi kan kana fakkaatan)
jechuudha. Kan yeroo hedduu meeshaalee deeggarsa barnootaa jedhamee beekamus sababa
milkaa’ina barnootaa yookiin adeemsa baruufi barsiisuu galmaan ga’uu keessatti gumaacha
olaanaa qabuufidha

4.2.2 Meeshaalee Baruu-barsiisuu Fooyyessuu
Gocha 4.1 Kaadhimamtoota gareen mari’achuun dareef ibsaa

 Meeshaalee deeggersa barnootaa hojjechuuf dursee maaltu ilaalcha keessa galuu
qaba?
 Meeshaalee deggersaa yeroo qopheessinu wantoota dhugaa ta’e wajjin wal
fakkeessuuf wantootni of eeggannoon raawwatamuu qaban maal ifaati jettanii
yaaddu?
Saayinsii naannoo qabatamaa tasisuuf barattoonnis ta’an barsiisonni wantoota naannootti argaman
(leecalloo naannoo) irraa meeshaalee barnootaa omishuun barbaachisaadha. Kunis moodeelota
omishuu, wanta qabatamaa (real) fayyadamuufi kan kana fakkaatan ta’uu ni danda’a.
Saayinsii naannoo mana barumsaa sadrkaa tokkoffaa barsiisuu keessatti meeshaaleen barnootaa
leecalloo naannoo irraa ofeeggannoon walitti qabamuu yookiin immoo yoo wanti qabatamaan
hinjiraannee fooyyeffamuu danda’u. Qabiyyeen kunis meeshaalee argamuu hindandeenye yookiin
rakkisoo ta’an fooyyessuu irratti xiyyeeffata.
Fooyyessuun meeshaalee leecalloo naannootti argaman irraa meeshaalee asilii argamuu

hindandeenye yookiin baay’ee qaalii ta’an yookiin salphaatti miidhamuu danda’anfi dareetti fiduu
hindandeenyeen tajaajila walfakkaatu qabaniin bakka buusuun fayyadamuudha. Meeshaalee
deeggarsa barnootaa fooyyessuu: bakka buusuun fooyyessuufi qopheessuun fooyyessuu fa’i.
a. Bakka Buusuun Fooyyessuu

Kuni meeshaalee qabatamoo/asilii meeshaalee leecalloo naannootti argamaniifi kan asilii waliin
tajaajila walfakkaatu qabuun bakka buusuu jechuudha. Fakkeenya gabatee itti aanu ilaali.
Meeshaalee Asilii Bakka bu’aa Yaada

Bishaan disitileeffame Bishaan roobaa
Asiidii dadhabaa Loomii
Baazii Daaraa
Waraqaa liitimasii Daraaraawwan adda addaa
Maagneetii Maagineetii raadiyioo moofa’aa keessaa baasuu

b. Qopheessuun Fooyyessuu
Kuni leecalloo naannootti argaman fayyadamuun meeshaalee barnootaa qopheessuudha.
Meeshaan haala kanaan qophaa’an meeshaalee fooyyeffaman jedhamu. Fakkeenyi meeshaalee
qopheessuun fooyyeffamanii:
1. Qaruura Pilaastika bishaan keessaa dhume irraa biikariifi dhullee qopheessuu.
2. Ujummoo yaalii qalama(iskiriiptoo)fi qaruuraa pilaastikaa irraa qopheessuu.
3. Moodeela soombaa afuuffee irraa qopheessuu
Faayidaa Fooyyessuu Meeshaalee Baruu Barsiisuu

✓ Saayinsii salphaafi ifaa taasisuun barnoota hawwataa taasisa.
✓ Meeshaaleen qophaa’an gatii salphaafi rakasaan qophaa’u
✓ Barattoonni hedduun shaakala hojii keessatti kallattiin al-tokkotti akka hirmaatan taasisa.
✓ Barattoonni waa’ee saayinsii naannoo barachuuf wantoota naannootti argaman
fayyadamuu isaanii akka ajaa’ibsiisatan ni gargaara.
✓ Barsiisaan miira ofitti amantummaa dagaagifatuufi qophaa’ummaa akka qabaatu godha.
✓ Hojii gareefi gareen barachuu jajjabeessa.
✓ Bittaa meeshaalee hir’isa.
Modeela jechuun meeshaa kal-sadee bakka bu’aa meeshaa dhugaa (qabatamaa)ti. Kunis,
meeshaalee baay’ee gurguddoo yookiin baayyee xixiqqoo gara daree fiduuf rakkisaa ta’an
xiqqeessuun akka dareetti ilaalaman kan dandeessisudha. Moodeloonni harkaan qaqqabanii
barachuurra darbaniiyyuu kallatti garaagaraatiin muldhisuuf mijatoo waan ta’aniif fakkiifi chaartii
caalaa filatamoodha. Meeshalee naannoo irraa barattoonni moodeela akka sa’aatii, suuqii,
bilbilaa(mobaayilii), mana kan kana fakkaatan hojjachuu ni danda’u. Mee fakkeenyota muraasa
leecalloo naannootti argamanirraa qophaa’an akka armaan gadiitti haa ilaallu.

Fakkii 4.1 Meeshaaleefi Keemikaalota Naannoo Keenyatti Argaman
Fakkii 4.2 Wantoota Deeggarsa yookiin Dabalataa Barnootaa Biroo Dareefi Daree Alatti Hojiirra
Oolan

Hojiin Piroojektii
 Kaadhimamaa/tuu, Leecalloo naannootti argaman gargaaramuun saayinsii naannoo

barsiisuun daa’immaniif bu’aa maalii qaba? Mana barnootaa naannoo koolleejjii
deemuun handhuura gabbina barnoota isaanii daawwachuun meeshaalee achi keessatti
argite fi hariiroo leecalloo naannoo wajjin qaban dareef ibsi.
 Meeshaalee baruufi barsiisuu saayinsii naannoo kutaa 1-4tti barsiisuuf gargaaraniifi
siilabasii keessattii eeraman irratti hundaa’uun leecallee naannootti argaman irraa
qopheessuun akkaataa itti qophaa’e dareef ibsi!
4.2.3 GBYXGQ fi Faayidaalee Meeshaalee Baruufi Barsiisuu
Gocha 4.2
 Kaadhimamaa/tuu, dhuunfaan yaaduun walitti himaa. Faayidaan meeshaalee
barsiisuu dabalataa maali? GBYXGQ waliin hariiroo maalii qaba jettee yaadda?
Akkamitti walitti hidhamanii jiru?
Barnoota keessatti meeshaalee baruufi barsiisuu fayyadamnu hunda gahumsa barachuu yoo
xiqqaate gonfatamuu qabu (GBYXGQ) waliin walqabsiisnee deemuun barbaachisaadha.
Meeshaaleen baruufi barsiisuu GBYXGQ murtaa’e (karooraalee barnootaa taa’eef) deeggaruuf
barsiisonni dareetti hojiirra oolchan gurguddoon kanneen armaan gadiiti.
▪ Gabatee (gosoota garaagaraa), ▪ Chaartiiwwan,

▪ Meeshaalee barreeffama fknf ▪ Fakkiiwwan,
kitaabilee, barulle adda addaa… ▪ Modeloota,
▪ Wantoota qabatamoo, ▪ Meeshaalee taphaa,
▪ Meeshaalee sagalee, ▪ Posterootafi kan kana fakkaatan
▪ Viidiyoowwan,

Faayidaalee Meeshaalee Baruufi Barsiisuu
Faayidaaleen miidiyaalee barnootaa garaagaraa hojiirra oolchuun fakkii armaan gadiirraa ilaalaa.
Gahumsa
Gabbisuu
Deeggaruu
Irradeebiin barsiisuu
GBYXGQ kanneen hin ga’in GBYXGQ kanneen gahan
Fakkii 4.3 Hariiroo GBYXGQfi Miidiyaalee Barnootaa Dabalataan Fayyadamuu
Akka hariiroon armaan olii kun mul’isutti faayidaaleen meeshaalee barnootaa baruufi barsiisuu
keessatti qaban GBYXGQ bira kanneen hin gahiin hafan irra deebi’anii barsiisuu, kan itti
dhiyaatan deeggaruufi kan bira darbaniif immoo gabbisuudha. Akka waliigalaatti meeshaaleen
barnootaafi deeggarsa barnootaa:
1. Barnootni baratame akka sammuu barataa keessa yeroo dheeraa turu gochuuf,
2. Barnoota qabatamaa gochuuf,
3. Barnoota hawwataa gochuuf,
4. Barachuu barattootaa safaruuf,
5. Mala baruufi barsiisuu fooyyessuuf,
6. Fedhii yookiin barachuu barattootaa kakaasuuf,
7. Adeemsa baruufi barsiisuu salphaa gochuuf,
8. Ofitti amanamummaafi dandeettii yaaduu barattootaa olkaasuuf,
9. Fedhii addaa barataa guutuuf,
10. Akkaataa barachuu barataa (learning styles) hunda waliin ga’uuf,
11. Yaad-rimee wal-xaxaa salphaatti akka baratamu gochuuf,
12. Hojjechuu keessatti barataas ta’e barsiisaaf ogummaa dagaagsuuf,
13. Karoora gara fuulduraaf kallattii kennuuf,

14. Hirmaannaa barattootaa dabaluuf yookiin barattootni caalaatti akka baratan godha,
15. Wanta ijaan hinmul’anne qabatamaan mul’isuuf,
16. Barnootichi barataaf akka salphaatti qabatamu gochuun barachuu milkaa’aa godha,
17. Wanta qabatamaan jiru garuu kutaatti fiduu hindandeenye bakka buusnee
fayyadamuuf,
18. Xiyyeeffannaa barataa harkisuuf,
19. Yeroofi anniisaa ba’u ni qusata,
20. Walitti dhufeenya daree keessaa fayyaalessa godha,
21. Tokko tokkoo barataa gidduutti garaagarummaa akkaataa barachuu jiru guutuuf,
4.2.4 Gosoota Meeshaalee (Miidiyaalee) Baruu-Barsiisuu
Gocha 4.3
 Kadhimamaa/tuu:
i. Akka kanaan dura beektutti gosootni meeshaalee barnootaa meeqa? Maal irratti
hundaa’uun qoodde? Lama lamaan yaada waljijjiiruun gareen irratti mari’achuun
dareetti walii ibsaa.
ii. Meeshaalee barnootaa siilabasii saayinsii naannoo kutaa 1-4tti jiran keessatti eeraman
adda baasuun garee ramaduun sababa isaa waliin dareef dhyeessi.
Meeshaalee baruufi barsiisuu yommuu jennu waliigala adeemsa baruufi barsiisuu keessatti
barnoota milkaa’aa gochuudhaaf kan itti fayyadamnu hunda, kanneen bu’uuraa irraa kaasee hanga
dabalataan barbaachisaniitti (suplementary materials) kan hammatu jechudha. Isaan kunneenis,
kanneen warshaatti bocamanii dhiyaataniifi kanneen naannootti argaman hundaa hammata.
Akka waliigalaatti meeshaaleen barnootaa bakka gurguddoo sadiitti qoodamu. Isaanis:
1. Meeshaalee barnootaa agaree
2. Meeshaalee barnootaa dhageettiifi
3. Meeshaalee barnootaa argaa-dhageettii
1. Meeshaalee Barnootaa Agaree
Meeshaaleen agaree qaama miiraa keenyaa keessaa ijaan ilaaluun kan irraa yookiin ittiin
baratamudha. Fakkeenyaaf, wantoota qabatamaa, moodeelota, fakkiiwwan, chaartiiwwan,
maappii, filaash-kaardii, posterii, gabatee, piroojekterii, islaayidiifi kan kana fakkaatan hammata.

2. Meeshaalee Barnootaa Dhageettii
Meeshaaleen barnootaa dhageettii qaama miiraa keenyaa keessaa gurraan dhaggeeffachuun miira
ergaa sagaleefi yaadota adda addaa isaan dabarsan safaruun kan hubatne itti gammadnufi waa irraa
barannudha. Fakkeenyaaf raadiyoo, waraabduu teeppiifi kan kana fakkaatan hammata.
3. Meeshaalee Barnootaa Argaa-dhageettii
Gosti meeshaalee argaa-dhageettii sochii isaanii ilaaluuniifi sagalee isaanii dhaga’uun kan ittiin
baratamu hunda hammata. Fakkeenyaaf, televizyinii, fiilm piroojekteriifi kan kana fakkaatan
hammata.
4.2.5 Amaloota Meeshaalee Barnootaa

Meeshaaleen baruufi barsiisuu gaariin amaloota armaan gadii qabaachuu qabu.
1. Miidhaa kan hingeessifne.
2. Salphatti kan hinbadnee.
3. Gatiin isaanii mi’aa kan hintaane.
4. Salphatti kan suphamuu danda’u.
5. Kan yeroo qusatu ta’uu qaba.
6. Barattotatti sirriitti mul’achuu yookiin dhaga’amuu kan danda’u.
7. Hiika-qabeessaafi faayidaa qabeessa ta’ee waan kaayyeffatameef ooluu kan danda’u ta’uu.
8. Salphaatti barataaf hubatamuu qaba.
9. Kan bakka bu’amu ta’uu qaba.
10. Akkaataa barachuu barataa garaagaraa ilaalcha keessa kan galche (hunda-hammatoo) ta’uu
qaba.
11. Duub-deebiif banaa akka ta’uutti kan qophaa’e ta’uu qaba.
Gocha 4.4
 Kaadhimamtoota, Meeshaalee barnootaa siilabasii saayinsii naannoo kutaa 1-4tti
jiran keessatti kaa’amaniifi manneen barnootaa naannoo koolleejjiitti dhiyoo jiran
deemuun handhuura gabbisa barnootaa daawwachuun ulaagalee kanaan
madaluun dareef dhiyeessaa. Leenjisaan/barsiisaan koollejjii kaadhimamtootaaf
dareefi boaqonnaan qooduun kennuu qaba.

4.2.6 Qajeeltoowaan Itti-Fayyadama Meeshaalee Barnootaa
Meeshaalee deegarsa barnootaatti fayyadamuun barumsaa lubbu-qabeessafi qabatamaa taasiisuuf

ni gargaara. Kun immoo barnoota saayinsii naannoo keessatti ga’ee olaanaa qaba. Kanaafuu
meeshaalee degarsa barnootaa saayinsii naannoo fayyadamuuf barumsa daree keessatti kennamu
wajjin kan wal-qabateefi dabalataan kan itti gargaaramnu ta’uu qaba. Kana jechuun meeshaaleen
itti gargaaramnu barumsa kan bakka bu’uu osoo hin taane baruumsicha kan gargaaru ta’uu isaa
ibsa. Yommuu meeshaalee baruufi barsiisuu hojiirra oolchinu qajeeltoowwan armaan gadii
xiyyeeffannaa keessa galchuun barbaachisaadha.
1. Dandeettii, beekumsaafi sadarkaa barnootaa wajjin kan wal gitu ta’uu qabu.
2. Kaka’umsa uumuu kan danda’aniifi barattootni yaadanii gocha keessa akka galaan kan
taasiisu ta’uu qabu.
3. Muuxannoo barattoota waliin walitti dhufeenya kan qaban yoo ta’e baay’ee filatamaadha.
4. Itti fayyadamaan booda bakkatti deebi’ee seeraan ka’amuu qaba.
5. GBYXGQfi qabiyyee barnootaa waliin kan walsimate fayyadamuu qabna.
6. Itti yaadamee karooraan qophaa’uu qaba.
7. Walitti fufinsaan hojiirra oolchuu qabna.
8. Kan mijatoo ta’aniifi fedhii barataa waliin deeman fayyadamuu qabna.
9. Gosoota garaagaraa qindeessuun walkeessa fayyadamuu qabna.
10. Kan caalaatti faayidaa qabeessa ta’e fayyadamuu qabna.
11. Qaqqabatamuufi bira ga’amuu qaba.
12. Bashannansiisaa ta’uu qaba.
13. Amala qabiyyee barnootaa waliin deemuu qaba.
14. Malleen baruufi barsiisuu mijataa ta’e waliin walsimsiisnee deemuu qabna.
15. Haamlee, qophaa’ummaafi hirmaannaa barataa akkaataa dagaagsuun ta’uu qaba.
16. Ifaafi salphaatti kan hojiirra ooluu ta’uu qaba.
17. Barataan yookiin barsiisaan kan hojjetame caalaatti filatamaadha.
18. Barachuu barataa irratti jijjirama fiduu qaba.
19. Ofitti amanamummaa barataa kan olguddisu ta’uu qaba.
20. Itti fayyadamuu , faayidaa fi jijjirama isaan baruu barsiisuu keessatti fidaan yeroodha yerootti
barsiisichaan madaalamuu qabu.

Gocha 4.5
 Qabxiilee amaloota meeshaalee baruufi barsiisuufi qajeeltoowwan jalatti tarreeffaman

gidduu garaagarummaan jira jettee yaaddaa? Ibsi.
4.2.7 Fakkeenyota Muraasa Meeshaalee Baruu-Barsiisuu Siilabasii Saayinsii

Naannoo Kutaa 1-4 Keessatti Eeramaniifi Hojiirra Oolan
Meeshaaleen barnootaa akkaataa qabiyyeefi GBYXGQ barnoota saayinsii naannoo kutaa 1-4 irra
jiraniifi meeshaaleen baruufi barsiisuu waliin deeman jedhamanii siilabasii barnootaa irratti
eeraman akka fakkeenyaatti muraasni isaanii akkaataa gabatee armaan gadiin dhiyaateera.
Hubachiisa: meeshaaleen barnootaa bu’uura ta’an, kan akka boronqii, gabatee, kitaabilee barataa,
kitaabilee wabiifi kan kana fakkaatan akkuma jiranitti ta’anii gabatee keessatti hin
ibsamne.
Gabatee 4.1 Barnoota Saayinsii Naannoo Kutaa 1

BOQONNAA 1:
GBYXGQ Qabiyyee Meeshaalee baruufi barsiisuu
Barattoonni: 1.1 Qaamolee ala nafa ➢ Wanta qabatamaa (nama),
▪ Maqaa Qaamolee ala nafa keenyaa ➢ Moodeela namaa,
isaanii ni himu. Qaamolee ala nafaa ➢ Fakkii namaa
▪ Qaamolee ala nafa isaanii ni
agarsiisuu.
▪ Maqaa qaamolee miiraa 1.2. Qaamolee miiraa ➢ Wantaqabatamaa (nama),
shanan ni himu. shanan Maqaawwaniifi ➢ Moodeela namaa,
▪ Dalagaa qaamolee mirraa ni dalagaa qaamolee miiraa ➢ Fakkii namaa
ibsu. ➢ Chaartii

▪ Wantoota bu’uura jireenya 1.3.Wantoota bu’uura ➢ Wanta qabatamaa (mana,
ilmaan namaa sadan ni jireenyaa ilamaan namaa huccuu, soorata)
tarreessuu. ta’an sadan. ➢ Fakkii (mana, huccuu,
soorata)
▪ Maqaa dhukkuboota 1.4.Dhukkuboota Beekamoo ➢ Fakkii namoota

beekamoo naannoo isaaniitti Nama Miidhaan Dhukkuboota dhukkubsatanii
isaan miidhan ni himu. Bekamoo ➢ Viidiyoo, raadiyoo
➢ Posterii
➢ chaartii
BOQONNAA 2:
▪ Maqaa midhaanii fi 2.2. Fedhii Maatii ➢ Fakkii maddoota nyaataa garaagaraa

oomisha midhaanii ➢ Wanta qabatamaa (gosoota midhaanii
Nyaata
mana isaanii ni garaagaraa naannootti argamanii)
✓ Maddoota nyaataa
himu.
✓ Midhaan beekamoo
✓ Oomisha midhaanii
▪ Wantoota uffanni Meeshaalee uffata ➢ Wanta qabatamaa (jirbii, kirrii, gogaa
irraa hojjetamu ni hojjachuuf oolan yookiin kal’ee, qaaccaafi kan kana
himu. fakkaatan.)
➢ Fakkii isaanii
➢ Chaartii

BOQONNAA 3:
Barattootni: Safartoota ➢ Wantoota qabatamoo: meeshaalee
▪ Yuniitii safaraa ✓ Yuuniitii safaraa safartoota hangaa, dheerinaa (fknf,
dheerinaa, hangaafi dheerinaa, hangaa sarartuu, sa’aatii, ulee meetiraa,
yeroo addaan ni fi yeroo madaala hangaa.
baasu. ✓ Safartoota aadaafi ➢ Kana malees safartoowwan aadaa
▪ Yuniitii safartootaa ammayyaa kanneen akka taakkuu, dhundhuma,
kan aadaafi farasullaa, quunnaa, gaaddisa
ammayaatti fayyadamuu., Viidiyoo, Fakkii …
ramaduu.
▪ Qabeenya uumamaa 1.2. Qabeenya ➢ Wanta qabatamaa:
naannoo isaanii Uumamaa ✓ Biyyee midhaan nyaataa irratti biqilchinu
tarreessuu ni danda’u. ✓ Wantoota uffata hojjachuuf gargaaran
▪ Faayidaawwan ✓ Wantoota mana ijaaruuf gargaaran.
Qabeenya uumamaa ✓ Albuuddan gurguramanii maallaqa biyyaaf
argamsiisan naannoo yoo jiraatan
➢ Viidiyoo
▪ Qaamota biqilootaa 3.3.Biqiloota naannoo ➢ Wantoota qabatamoo (biqilaafi abaaboo
funaanuun addaan ni Keenyaa naannootti argamu)
baasu. ✓ Qaamota biqilootaa ➢ Fakkii biqiltuu kaasuun maqaa isaanii
funaanuun addaan barreessuu qabu.
baasuufi gareen
ramaduu.
▪ Meeshaalee bu’aa 3.4 Bineeldota Naannoo Wantoota qabatamoo (hawaasa mana barumsaa
Keenyaa
bineeldotaa irraa keessa jiran fudhachuu). Fakkeenyaaf,
✓ Meeshaalee bu’aa
hojjataman addaan ni ✓ Gogaa: Kophee, qabattoo fi boorsaa.
bineeldotaa irraa
baasu. ✓ Suufii: Wayyaa fi uffata galgalaa
hojjataman.

BOQONNAA 4:
Barattootni: 4.1. Argama Aanaa ➢ Fakkii (kaartaa)
▪ Bakkeewwan seenaa Keenyaa Yookiin ➢ Viidiyoo
aanaa yookiin Bulchiinsa Magaalaa ➢ Qabatamaan bakka beekamoo ta’an
Keenyaa
bulchiinsa magaala daawwachuu
isaanii keessatti Bakkeewwan seenaa Barattoonni bakkeewwan beekamoo
argaman addaan ni qabeessa ta’an deemanii daawwachuun wixinee fakkiin
baafatu. gurguddoo aanaa qopheessan kutaa keessatti akka muldhisan

yookiin bulchiinsa gargaaruu. Barbaachisummaa bakkeewwanii
magaalaa keenyaa qorachuun waa’ee isaanii akka barreessan
gargaaruu.
Barattootni: 4.2. Akaakuuwwan ➢ Wantoota qabatamoo kan akka:
- Haala teessuma lafa haala teessuma lafa ✓ Naannoolee lafa ol ka’oo
aanaa /bulchiinsa aanaa keenyaa/ ✓ Naannoo lafa dakee (dhooqaa)fi
magaalaa isaanii bulchiinsa magaalaa sulula
addaan nibaafatu. keenyaa ✓ Naannoo lafa diriiraa/raasaa
-Akaakuwwan Teessuma lafaa ➢ Moodeela:
teessuma lafaaaanaa Akaakuuwwan ✓ Barattoonni moodeela haala teessuma lafa
yookiin bulchiinsa teessuma lafaa aanaa yookiin bulchiinsa magaalaa isaanii
magaalaa isaanii ✓ Dhiibbaa haalli pilaastikii yookiin biyyee suphee irraa
niibsu. teessuma lafaa kophaa kaphaatti yookiin gareen yookiin
hawaasa naannoo sadarkaa guutuu kutaatti akka hojjatan
irratti qabu. dalaga kennuufiin hordofuun qajeelchuu.
➢ Viidiyoo
Barattootni: 4.3. Dhaabbilee ➢ Wantoota qabatamoo:
▪ Dhaabbilee Aanaa/Bulchiinsa Barattoonni dhaabbilee aanaa yookiin
gurguddoo aanaa Magaalaa Keenya bulchiinsa magaalaa isaanii keessatti
yookiin bulchiinsa keessatti Argaman argaman mara barbaaduun akka daawwatan
magaalaa isaanii Dhaabbilee yookiin iyyaafatan gochuu.
✓ Bufata poolisii

keessatti argaman Dalaggaawan ✓ Mana murtii
ni tarreessu. dhaabbilee ✓ Waajjiraalee mootummaa kanniin biroo
▪ Dalaggaawwan ✓ Aanicha yookiin ✓ Waajjiraalee Dhaabbilee miti
dhaabbilee bulchiinsa magaalaa mootummaan alaa
gurguddoo aanaa keessatti kamtu maal ✓ Dhaabbilee dhuunfaa
yookiin bulchiinsa akka hojjatu. ➢ Ogeessa affeeruun viidiyoo waraabuun
magaalaa isaanii fayyadamuu.
ni ibsu. ➢ Chaartii yookiin poosterii fayyadamuun
nidanda’ama.
Barattoonni: 4.4.Sochiilee ➢ Wantoota qabatamoo:
▪ Sochiilee Dinagdee Aanaa Barattoonni gosoota sochiilee dinagdee aanaa
dinagdee Keenyaa yookiin yookiin bulchiinsa magaalaa isaanii akka
gurguddoo aanaa Bulchiinsa Magaalaa daawwatan yookiin iyyaafatan gochuu.
yookiin bulchiinsa Keenyaa ✓ Qonna
magaalaa isaanii Sochiilee Dinagdee ✓ Daldala
ni tarreessu. ✓ Geejjiba
▪ Faayidaa sochiilee ✓ Industirii
dameelee ✓ Hojiiwwan ogummaa harkaa
dinagdee ➢ Ogeessa affeeruun viidiyoo waraabuun
gurguddoo ni ibsu. fayyadamuu.
➢ Chaartii yookiin poosterii fayyadamuun
nidanda’ama.

BOQONNAA 1:
▪ Faayidaa dhiigaa ni 1.1. Marsaa Dhiigaa ➢ Fakkii
ibsu. Faayidaa Dhiigaa ➢ moodeela
▪ Dalagaa onnee ni ibsu. Dalagaa oOnnee ➢ Viidiyoo fayyadamuu.

BOQONNAA 2:

▪ Gochoota sasalphoo Jijjirama maatarii ➢ Wantoota qabatamoo:
fayyadamuun jijjirama keessa  Jijjiiramoota fiizikaalaa:
fiizikaalaa ni agarsiisu. ✓ Jijjirama fiizikaalaa ✓ Cabbii/gagaa baqsuu
• Gochoota sasalphoo ✓ jijjirama ✓ Bishaan danfisuu
fayyadamuun keemikaalaa ✓ Ashaboo daakuu
jijjiiramoota keemikaalaa ✓ Waraqaa tarsasuu fa’aa
ni agarsiisu. Jijjiiramoota keemikaalaa:
✓ Waraqaa gubuu
➢ Viidiyoo, Chaartii
Barattooni: 2.2. Qabeenya ➢ Wantoota qabatamoo:
▪ Qabeenya uumamaa kan uumamaa ✓ Biyyee
haaroomfamaniifi hin Akaakuuwwan ✓ Bishaan
haaromfaneetti ni ramadu. qabeenya uumamaa ✓ Bineeldota
▪ Fakkeenyota qabeenya ✓ Biqiloota
haaroomfamaniifi hin ✓ Albuudotafi kan kana
haaroomfamnee ni kennu. fakkaatan
➢ Viidiyoo, Chaartii
Gocha 4.6
 Kaadhimamtoota, mata dureewwan armaan gadiitti tarreeffaman barsiisuuf
miidiyaalee barnootaa dabalataan barbaachisan siilabasii irratti ibsamaniifi kan
biroo ni ta’a jettan barreessuun akkaataa fayyadama isaanii mee dareef ibsi.
a. Mooraa mana barnootaa (kutaa 1) i. Biyyee (kutaa 1)

b. Nageenya karaa irraa (kutaa 1) j. Nyaata namaa (kutaa 2)
c. Argama ganda keenyaa (kutaa 1) k. Fayyaa keenya (kutaa 2)
d. Lubbu qabeeyyii naannoo keenyaa l. Qulqullina dhuunfaa keenyaa
(kutaa 1) eeggachuu (kutaa 2)
e. Bishaan (kutaa 1) m. Hawaasi keenya anniisaa barbaada
f. (kutaa 2) n. Qabeenya uumamaa (kutaa 3)
g. Wantoota tolchuu (kutaa 2) o. Omisha indaastirii (kutaa 3)
h. Boqonnaafi bashannana (kutaa 3) p. Argama Oromiyaa (kutaa 3)

4.3 Karoora barnootaa
4.3.1 Seensa
Gocha 4.7
 Dhuunfaan yaaduun lama lamaan walitti himaa.
Karoorri maali? Maalis karoorfanna? Maaliif karoorfanna?
Kaadhimamtoota waa’ee karooraa kaasuun dura oromoon farda yaabbiif yoo barbaadu meeshaa
barbaachisu hunda kuulee mimmidhagsee luugama immoo afaanitti galchee yaabba. Yoo luugama
kana afaanitti galchuu baate maaltu ta’a laata? Namni karoora hin qabneefi fardi luugama hin
qabne tokkodha jedhama. Garuma fedhetti deema jechuudha. Kanaaf jiruuf jireenya ilmaan
namaatiif kaaroorri isa murteessaadha. Haaluma kanaan karoora dhabuun hojii tokkoof raawwii
dhabuu, murtoo dhabuu, akeeka dhabuu, bu’aa dhabuu akkasumas adeemsa baruu barsiisuu
keessatti rakkoo naamusaa fida. Karoorri barnootaa siilabasii qophaaè, muuxannoo barattoonni
qaban walitti fidanii qabiyyee karaa milkaa’ina qabuun dhiyeessuuf oola.
4.3.2 Meeshaalee Sirna Barnootaa

Meeshaalee sirna barnootaa kan jedhaman dokumantoota bu’uuraa yookiin wabii barsiisaan akka
barannoo milkaa’oo karoorsuu, qophaa’ummaafi kenninsa barnootaaf argamuu danda’an kan akka
siilabasii, qajeelcha barsiisaa, kitaaba barataa, kitaaba dalagaa barataafi meeshaalee barnootaa
dabalataan barbachisoo ta’an kan akka kitaabolee wabii haammata. Meeshaaleen kunniin
odeeffannoowwan barbaachisoo ta’an kan of-keessatti qabaniifi barsiisaan karoora barannoo
qopheessuufi haalaan barsiisuu isaa kan kallattii agarsiisanidha.
i. Siilabasii
Sirni barnootafi siilabasiin dookumantii ijoo faayidaa wal-fakkaatu qabanidha. Haata’u malee
siilabasiin damee sirna barnootaati. Sirni barnootaa waa’ee sagantaa barnoota sadarkaa barnoota
tokko, fakkeenyaaf sadarkaa 1ffaaa marsaa 1ffaa yoo dhiyeesu, siilabasiin immoo gosa barnootaatti
caccabsee gosa barumsaa hundaaf qajeelfamoota baay’ee ifaa ta’an kenna. Kanaafuu, tokko
tokkoon gosa barumsaaf siilabasoota adda addaa qabaanna. Akeekni isaa gosa barnootaa
barbaachisoo ta’an filachuufi qajeelfamoota ifoo ta’an dhiyeessuun gahumsaalee sirna barnootaa
keessatti ibsaman galmaan ga’uudha. Siilabasiin saayinsii naannoos dokumentii mata dureewwan

saayinsii naannoo barsiisuuf hammataman ofkeessaatti qabata. Isaanis: kutaalee, boqonnaalee,
mata dureewwan, qoodama yeroo, gahumsaalee, qabiyyeewwan, gochaalee, maloota barsiisuu,
meeshaalee barumsaa, tooftaalee iyyaafannoofi madaallii gabaabsee dhiyeessa.
ii. Kitaabilee Barnootaa fi Meeshaalee Dabalataa Garaagaraa
Qajeelfamoota imaammata barnootaa irratti hunda’uun sirni barnootaa, siilabasii, kitaabilee

barnootaafi qajeelchi barsiisaa ni qophaa’u. Kitaabin barataa waan barataan baratamuu qaban
hundaa siilabasii irratti hundaa’ee kan qophaa’u dha. Kitaabni barataa gochaaleefi gaaffilee
shaakalaa haala qabatamaafi hawwataa ta’een ni gumaacha. Dabalataanis sadarkaa beekumsaafi
hubannoo barataa, yaad-rimeewwan, ogummaafi adeemsa irratti qabu sakatta’uuf oola. Kana
malees meeshaaleen deeggarsa barnootaa adda addaa, kitaabilee wabiifi kan kana fakkaatan
qophaa’anii raabsamuu danda’u yookiin barsiisonnis ta’e barattootni ofii isaaniin akka
barbaadatan taasifama. Barsiisaanis meeshaalee deeggarsafi qajeelfamoota kana fayyadamuun
qabiyyee barnootaa barattootaaf dhiyeessa.
iii. Qajeelcha Barsiisaa
Qajeelchi barsiisaa kan barsiisaa kallattii agarsiisu ta’ee, siilabasiifi kitaaba barataa irratti
hundaa’uun kan qophaa’udha. Qajeelchi barsiisaa boqonnaalee akkaataa siilabasii keessatti
kaa’amaniin tartiibaan barsiisuuf yookiin hojiirra oolchuuf gargaara. Yaadota gochaalee,
meeshaalee barnootaa boqonnaalee garaagaraa barsiisuuf oolan, gahumsaalee, qabiyyeewwan,
yaadaafi deebii gaaffilee kitaaba barataa irra jiranii kan of keessatti qabatudha.
Hojii Piroojektii
 Siilabasiifi kitaaba barataa saayinsii naannoo kutaa 1-4tti jiran irratti hundaa’uun
qindoomina qabiyyee sadarkaa barnootaa adda addaa keeessa jiru madaaluun walitti
dhufeenyaafi garaagarummaa isaaniifi haala adeemsa isaa sadarkaa irraa sadarkaatti
ciminni isaa dabaalaa adeemuufi dhiisuu isaa adda baasi;
 Qabiyyeen hunduu siilabasii kenname irratti kitaaba barataa qixa sirriin ibsamuuufi
ibsamuu dhiisuu isaa adda baasi;
 Hamma qabiyyeen kennaman GBYXGQ barnoota saayinsii naannoo irraa kallachaan
argamuu isaanii madaali.

4.3.3 Karoora Barnootaa fi Yaa’a Karoora Barnootaa
Akka yaad-hiddama barnootaatti adeemsi baruu-barsiisuu milkaa’aa akka ta’uuf naannoo
barachuu mijaa’aa uumuun barbaachisaadha. Kana malees adeemsa baruu-barsiisuu gara
fuuladuraatti gaggeeffamuuf yaadame keessatti waan raawwatamuu qabu sirriitti xiinxaluudhaan
qophaa’uun murteessuudha. Kana yoo jennu baruu-barsiisuu osoo hin eegaliin durasa odeeffannoo
barbaachisoo ta’e walitti qabuu, gahumsa barnootaa, qabiyyeewwanfi meeshaalee barnootaa,
gochaalee barnootaa fi tooftaalee iyyaafannoo yeroo fudhatanii sirriitti itti qophaa’uu qindeessuu
jechuudha.
Kunis kallattii raawwii gahumsa barnootaa kaa’ame galmaan ga’uuf hordofamuu qabuufi
gochaalee raawataman hunda ibsa. Kanaafu, barsiisonni karoora baruu-barsiisuu sadarkaalee adda
addaatti qopheessuuf gaaffilee bu’uuraa armaan gaditiif deebii quubsaa argachuun baay’ee
murteessaa dha.
• Eenyuun barsiisa? • Yooman barsiisaa?

• Kana dura maal beeku? • Eessattan barsiisaa?
• Maal barachuu qabu? • Hammaman barsiisa?
• Waa’ee kanaa maaliif baratu? • Akkamittin barsiisa?
• Barachuuf maal gochuu qabu? • Kaayyoleen galma ga’uu akkamittan
• Maaliifan barsiisa? mirkaneessa? fi kan kana fakkaatan
Karoorri barnootaa barsiisotaan qophaa'an hundi gahumsa barachuu barattootaa, tartiiba baruu-
barsiisuu, meeshaalee barnootaa barbaachisan, ibsa barreeffama akkaataa itti barattootni
iyyaafataman kan ibsu qabaachuu qaba. Barsiisotni muuxannoo qaban baay'een karoora barnoota
gara qajeelfama gabaabaati sammuutti qabachuun anuu karoora jechuun gad buusu. Kuni garuu
ogummaan hin deeggaramu. Karoorri yeroo yeroon haala qabatamaa gahumsa taa’eefi barattootaa
irratti hundaa’uun qophaa’uu qaba. Karoorri barnootaa sadarkaa mana barumsaatti kan waggaa,
boqonnaafi barannoo(guyyaa) jedhamuun bakka sadiitti qoodama.

4.3.3.1 Karoora Barnoota Waggaa
Gocha 4.8
Kaadhimamtoota, Karoorri barnoota waggaa maalidha? Maali maalifa’i of keessatti
qabata? Akaakuu meeqatu jira? Maali irratti hundaa’ee qophaa’a? Eenyutu
qopheessa?
Karoorri barnoota waggaa, karoora barsiisaan waggaa barnootaa tokko keessatti barsiisuu qabu
kan agarsiisudha. Gahumsaaleefi qabiyyeewwa kutaa kenname sanaaf samisteera lamaanii (1ffaafi
2ffaa) keessatti barsiifaman hunda haammata. Gahumsaaleen siilabasii barnootaa irratti walduraa
duuba eeggatanii taa’an irratti hundaa’uun mata-dureewwaniifi qabiyyeewwan gurguddoon
waggaa guutuu barsiifamuu qaban tartiibeffamaniin booda, gara semisteera, ji’aa, torbee fi
guyyaatti addaan qoqqoodamu. Tilmaama baay’ina wayitii /torbee tokkoo tokkoon boqonnaa
xumuruuf barbaachisaniifi boqonnaawwan jiran seemisteeraa, ji’ootaafi torbee semisteera keessa
jiraniif qoodama. Maloota baruu-barsiisuufi meeshaalee barnootaa hojiirra ooluuf yaadaman
mataduree yaadaman jalatti ibsamuu.
Odeeffannoowwan biroo kan akka bara barumsaa, baa’ina wayitii barnootaa waggaa keessaa, gosa
barnootaa, maqaa mana barumsaa maqaa barsiisaa, sadarkaa/ kutaa daree irra keessatti
barreeffamuu qaban ni jiru .
Karoorrii barnoota waggaa barsiisota gosa barnootaa tokoo barsiisaniif waggaatti tokkumti kan
qophaa’u ta’ee barsiisonni irraa dhuunfaa isaaniin karoora barnoota guyyaa baafachuun barsiisu.
Unki karoora barnoota waggaa akka itti aanutti kennameera.

Uunka Karoora Barnoota Waggaa
Maqaa mana barumsaa: ______________________ Bara Barumsaa: ________________
Maqaa barsiisaa: ____________________ Baay’ina guyyoota hojii waggaatti: ____________
Gosa barnootaa: ________________ Baayina Wayitii Barnoota Waggaa:__________
Kutaa: _______________________ Wayitii barnoota torbanii: ____________
Gahumsaalee Qabiyyee Maloota Meeshaalee Madda Iyyaafannoo
Semesteera
boqonnaa baruu baruu barsiisuu odeeffannoo

Ji’oota
barsiisuu
yaada
Boqonnaa 1 Poosteroota, Siilabasii,
Gahumsaww Tartiiba tuutaa Q/barsiisaa
an Wontoota , kitaaba
1 qabatamoo, barataa…
1. ----
Kitaabolee
2. ---- dabalataa adda
addaa,
3. ----
barruleewwan
…
Maqaa Barsiisaa ______________________________ Mallattoo: ________ Guyyaa: _______
Yaada I/G/Muummee: _______________________________________________________
Maqaa: _________________ Mallattoo: ____________ Guyyaa: _______
Yaada Hog.(I/A/Hog): _________________________________________________________

Gocha 4.9
 Kaadhimamtoota, Mana barumsaa naannoo koolleejjii jiran deemuun karoora waggaa
Saayinsii naannoo kutaa 1-4 jiran irratti qophaa’an caacculee(qabiyyeewwan) isaa
mata duree, seensa, gahumsa, gochaalee, malleen/tooftaalee, leecalloo, Iyyaafannoo,
qoodama yeroo irratti hundaa’uun xiinxalili dareetti gabaasi.
4.3.3.2 Karoora Boqonnaa
Siilabasiin erga boqonnaatti qoqqoodamee barsiisaan yeroo jiruufi boqonnicha walibira qabuun
madaala, kanaan booda boqonnicha gara barannootti qoqqooda. Boqonnaan hidhaawwan baruu-
barsiisuu barannoo muraasa kan of keessaa qabu taèe gosa barnootaa (qabiyyee)fi mala baruu-
barsiisuu kan walitti qabate dha.
Faayidaa karoora boqonnaa
1. Caasaalee buùura koorsii adeemsi baruu barsiisuu ittiin gaggeeffamuuf haala mijeessa.
2. Barsiisaan koorsiiwwan buùuraa walitti dhiyeenya qaban malleen baruu barsiisuu adda addaa
gargaaramuu akka walitti hidhaman taasisa.
3. Barsiisaan qabiyyee barnootaa kallattii adda addaa akka wal-madaalchisu taasisa
4. Barsiisaan akka mala boodatti hafaa kitaabaan barsiisuu akka dhiisu taasisa.
4.3.2.3. Karoora Barnoota Guyyaa
Karoorri barnoota guyyaa qabiyyee barnootaa boqonnaa keessa jiru taèe guyyaa tokko yookiin
wayitii tokkotti kan barsiifamudha. Karoorri barnoota guyyaa karoora barnootaa isa dhugaafi
furtuu barsiisuu milkaaìna qabuuti. Barsiisaan saayinsii naannoo tokko qabiyyee barnootaa,
akkamitti barssisuufi iyyaafachuu akka dandaù beekuu qaba. Haaluma kanaan beekumsi adda
addaa akka horatu, qabiyyee haala jireenyaa barattootaa waliin akka walitti fiduu wantoota fiixaan
bahinsa isaaf murteessoo ta’an hundinuu karoora guyyaa keessatti bakka olàanaa qabu.

Faayidaalee karoora barnoota guyyaa
1. Karoorri barnoota guyyaa hojii walitti fufaa, qindaaàafi mijaawaa taasisa
2. Barsiisaa keessatti ofitti amanamummaa uuma.
3. Barsiisaa qabiyyee asiifi achi akka hin dhoofne taasisa.
4. Yeroo qusata
5. Qabiyyee barnootaa haala qabatamaa naannoo wajjin walitti qabsiisuuf gargaara.
6. Barsiisaa barattoota isaa iyyaafannoo adda addaa akka gaggeessu ni sissièessa
7. Barsiisuu keessatti birmadummaa gaariin akka jiraatu godha.
Qabiyyee karoora barannoo (barnootaa guyyaa)
i. GBYXGQ:
Gahumsi tuuta beekumsaa, ogummaafi ilaalcha walsimachiisanii gocha ta’e tokko qixa
eegamuun akka gaariitti raawwachuu kan nama dandeessisu akka ta’e iyyaafannoo keessaatti
ilaallee ture. Kanaaf qabiyyee karoora barnoota guyyaa keessaa GBYXGQ karoora guyyaa
keessatti isa furtuufi olaanaa ta’edha. Sababiin isaas barsiisuun kan barbaadameefis gahumsa
kaa’ame kan daandii milkaa’ina qabu irra deemuun akkaataa barbaadamen xumuruudha
ii. Barbaachisummaa mata-durichaa:

Mata dureen baratamu sun jiruufi jireenya dhala namaa waliin walqabachuufi maaliif akka
barbaadame ibsuu.
iii.Ogummaalee adeemsawwan saayinsaawaa:

Kun barannicha keessatti ogummaalee adeemsawwan saayinsaawaa 1.10.2 jalatti ilaalle keessa
kamtu akka gonfatamuu danda’u adda baasuun kaa’uu dha.
iv. Qabiyyee:
Qabiyyeen barnootaa baratamu yeroo kennameef murtaaùu qaba. Qabiyyeen dhiyyaatus
jaallatamaafi beekumsa (hubannoo) barataan qabu irratti kan hundaè taùu qaba.

v. Mala baruu-barsiisuu fi Gochaalee:
Malli baruu-barsiisuu qabiyyeen dhiyaatu waliin deemuufi galmaaàn gaìnsa GBYXGQ
mirkaneessuu kan dandaù barsiisaan kan filatamudha. Kana keessatti gochaan barsiisaafi
barataa ifaa ta’ee ta’uu qaba. Dabalataanis gochaaleen kunis bu’aa qabeessa akka ta’aniif
meeshaaleen barnootaafi deeggarsa barnootaa filatamaa taè barsiisaan itti yaadee
qopheessuufi filachuu qaba.
vi. Iyyaafannoo:
Barsiisaan GBYXGQ galmaan gaùu hubachuuf adeemsa barsiisuu keessatti jalqabaa qabee
hanga xumuramutti iyyaafachuun barachuu barattootaa deeggaruu qaba. Kunis karaa adda
addaa taùu ni dandaà. Waa’ee iyyaafannoo boqonnaa sadii keessatti sirriitti ilaaltee
darbitteetta waan ta’eef amma irra deebi’uun dubbisii itti fayyadami.
Tarkaanfii barnoonni guyyaa (barannoo) itti qophaaùufi dhiyaatu
i. Gochaalee Jalqabaa:
Barattoota sissi’eessuun beekumsa isaan duraan qaban wajjin wal-qabsiisuun barnoota
guyyaaf qopheessa. Barannoo guyyaa sanaa beeksisuun gahumsa guyyaa barattoota
hubachiisa.
ii. Gochaalee Ijoo:

Gahumsa kaa’ame irraatti hundaa’uu mala baruu barsiisuu mijataa ta’ee fi gochaalee adda
addaa qindeessuun barannoo guyyaa haalaan dabarsuudha.
iii.wal-bira qabu:
Asi jalatti fakkeenya barattooni beekan kaasuun qabiyyee haaraa wal-bira qabuun
barnooticha dhiyeessuudha.
iv. walitti qabuu:

Barsiisaan barattoonni kan baratan ofii isaanii akka walitti qaban gochuun ofii kan
cimsuudha.

v. Hojiitti hiikuu:
Ogummaan yookiin beekumsa haaraan argame gara hojiitti jijjiramuu qaba. Kanas
barsiisaan karaalee hedduu mirkaneeffachuu danda’a.
vi. Iyyaafannoo: Barsiisaan barnoota kenne barattoonni baruufi baruu dhabuu (galman gaìnsa
gahumsaa) hubachuuf sadarkaalee barsiisuu hunda keessatti iyyaafannoo gaggeessuu qaba.
Gocha 4.10
 Tarkaanfiin karoorri barnoota guyyaa itti qophaa’u armaan olitti taa’e kun yaad-
hiddama kam waliin deema? Irratti mari’achuun calaqqee isaa dareef dhiyeessaa.
Qaama karoora barnoota guyyaa

✓ Qaamni karoora barnoota guyyaa kutaalee lama qaba.
i. Qaama odeeffannoo jalqabaa

o guyyaa o boqonnaa o barbaachisummaa
o maqaa mana barumsaa o mata duree o oummaalee adeemsa
o gosa barnootaa o dheerina wayitii saayinsaawaa
o kutaafi daree o baayìna barattootaa o gahumsa
ii. Handhuura (Qaama) karooraa

▪ yeroo ▪ meeshaalee deeggarsa barnootaa
▪ qabiyyee ▪ gocha barataafi barsiisaa
▪ mala baruu barsiisuu ▪ Iyyaafannoo

4.2.3.4 Karoorsuu Keessatti Moodeela Barannoo Ijaarsa “E” Shananii
Moodeelonni shanan“E” ykn ”5E” moggaasa maqaa afaan Iniglizii qubee ka’umsa irraa kan
dhufedha. Kunis: Walqabsiisuun hirmmaachisuu (Engage), Sakatta’uu (Explore), Ibsuu (Explain),
Bal’isanii itti-fayyadamuu (Extend)fi Madaaluu (Evaluate) kan jedhaman irraati. yaad-
rimewwaan harawaa kan ijarratan beekumsa darbe yookiin amma qaban irratti hundaa’uudhan kan
ibsuufi kan haarawaa argatanis kan itti of-madaalandha.
Kutaaleen tokko tokkoo isaanii barsiisan barnoota qindaaàa akka dhiyeessuufi barattoonni
hubannoo beekumsaa, ilaalchaafi ogummaa fooyyaaàa mata-duree murtaaàa irratti akka
gabbifatan gahee qabaatu. Mee gahee barataafi barsiisaa tokko tokkoon gochaawan keessatti akka
armaan gadiitti haa ilaallu.
1. Hirmaachisuun Beekumsa Duraan Wal-qabsiisuun Miira Barachuu Barattootaa

Kakaasuu (Engage)
➢ Sadarkaa moodeela kana keessatti wanta barattootni kan raawwatan:
Gaaffilee adda addaa gaaffachuun mata-duricha irratti fedhii agarsiisuu. Fakkeenyaaf: "Kun
maaliif raawwate?"; "Duraan waa’ee kanaa maalan beeka?"; "Maalan beekuu abdadha?"
➢ Sadarkaa moodeela kana keessatti wanta barsiisaan raawwatu:

Barattoota keessatti fedhii uumuu, Miira isaanii kakaasuu, Gaaffii kaasuu, Waa’ee yaad-rimichaa
irratti maal akka beekan yookiin yaadan bifa mul’isuun deebii akka kennan gochuu.
2. Sakatta’uu (fedhii isaanii guuttachuuf).

➢ Sadarkaa moodeela kana keessatti wanta barattootni raawwatan:
Gaaffii adda addaa fayyadamuun yaad-rimicha sakatta’aafi qorannoo geggeessu; daangaa gocha
isaniif kennamee keessa ta’uun mala (adeemsa) biraa ta’an yaadu; Raagaafi mala-dhahii ni qoratu,
haarawaa ni qopheessu; Filannoon biroo yoo jiraate yaalii geggeessuun irratti ni marii’atu;
Daawwannoofi yaada harawaa ni galmeeffatu.

Barattoonni waliwajjin akka hojjetan jajjabeessuu; daawwachuufi dhaggeeffachuu; Yeroo
barbaachisaa ta’ettii gaaffii gaafachuun qorannoo barattootaa qajeelchuu; Gahee haala mijeessaa
qofa fudhachuu.
3. Ibsuu (termoota hiikuu fi yaad-rimee ibsuu)
➢ Sadarkaa moodeela kana keessatti wanta barattootni raawwatan:
Madda odeeffannoo adda addaa fayyadamuun, marii gareefi barsiisaa waliin mari’achuun
hiikowwaniifi ibsa yaad-rimeewwanii kennuu; Ibsa garee biroon kennamu xiyyeeffannoon
dhaggeeffachuun, gaaffii gaafchuu; Gochaalee duraan hojjetaman keessa deebi’anii ilaaluufi ibsa
keessatti ragaa galma’anii jiran fayyadamuu.

Barattootni yaad-rimeewwaniifi hiikoowwan akka ibsaniif jajjabeessu, sababa (ragaa) akka
kennaaniifi ibsa isanii akka ifa godhan gaafachuu; Bifa sirna qabeessa ta’een, hiikoo, ibsaafi
moggaasa haarawaa kennuufi muxannowwan barattootni duran qabani akka ka’umsaatti
fayyadamuun yaad-rimeewwan harawaa ibsuu.
4. Bal’isanii itti-fayyadamuu
➢ Sadarkaa moodeela kana keessatti wanta barattootni raawwata:
Yaad-rimicha naannoo biroon walitti hidhuufi hariiroo gidduu isaanii jiru barbaachuu; Yaad-
rimeewwan jalqabaa irratti hubannoo bal’aa uumuun yaad-rimicha addunyaa qabatamaa waliin
walitti hidhuu, itti fayyadamuu.

Barattootni yaad-rimeewwan mata duree naannoo biroo waliin walitti hidhaman akka barabaadan
gargaaruuf gaaffii gaafachuu ofiis barbaaduu.
5. Madaaluu (hubannoo barattoota).

➢ Moodeela kana keessatti wanta barattootni raawwatan:
Daawwanna, ragaaleefi ibsa kanaan dura fudhatama argatanii irratti hundaa’uun gaaffilee banaa
deebisuu; beekumsa yaad-rimicha irratti qaban hojiin agarsiisuu; Fooyya’insa agarsiisaniifi
beekumsa isaanii madaaluu.
➢ Moodeela kana keessatti wanta barsiisaan raawwatu:

Yeroo barattootni yaad-rimicha fayyadaman daawwachuun beekumsa fi/ykn ogummaa isaanii
madaaluu; Barttootni akka barachuu ykn ogummaa isaanii of madalaniif carraa kennuu. Gaffiilee
banaa akka, Maaliif akkas jettee? Ragaa maalii of harkaa qabda? Maal beekta waa’ee . . . ?
Attamitti ifa goota? Kan jedhan Gaafachuu.
Uunka karoora Barnoota Guyyaa
Maqaa mana barumsaa____________ Guyyaa _____________________
Gosa barnootaa ___________________ Dheerina wayitti_____________
Kutaa fi daree _____________________
Boqonnaa _________________________ Mata duree________________________
Gahumsa ________________________________________________________________
Qabiyye Dalagaa Mala Meeshaalee Iyyaafannoo
e Barsiisaa Yeroo Barataa baruu barnootaa Yaada
barsiisuu
Gochaalee
Jalqabaa
(hirmaachisu
u)
Gochaalee
Ijoo (Sakatta’uu
+ Ibsuu +
babal’isuu)
Gochaalee
Gudunfaa
(madaaluu)
Maqaa Barsiisaa ______________________________ Mallattoo: ________ Guyyaa: _______
Yaada I/G/Muummee: _______________________________________________________
Yaada Hog.(I/A/Hog): _________________________________________________________
Yaad-deebii (Gargaarasa barataaf godhamu):- _____________________________________

______________________________________________________________________________
Dhiyeessii booda sakatta’iinsa Barannoo
Cimina: _____________________________________________________________________
Waan fooyya’uu qabu:- _________________________________________________________

➢ Iddattoo(Fakkeenya): Karoora Barnoota Guyyaa
Maqaa mana barumsaa:- Mana barumsaa sad 1 Firii Borii
ffaa
Guyyaa: 10/02/2011
Gosa barnootaa :- Saayinsii Naannoo Dheerina wayitti : 50’
Kutaa fi daree: 3A
Boqonnaa : - Tokko Mata duree:- NYAATA FI FAYYAA MAATII
Barbaachisummaa :- Waa’ee gartuulee nyaataa barachuun daa’imman yoo xinnaate faayidaalee gartuulee nyaata garaagaraa adda baafachuun itti fayyadamu. Dabalataanis gartuulee nayaataa adda
adaaa fayyadamuun fayyummaa isaanii eeggachuuf beekumsa ni gonfatu.
Ogummaalee adeemsa saayinsaawaa asi keessatti gabbifamuu qaban:- daawwachuu, ramaduu
Gahumsa: Dhuma barannoo kanatti barattoonni: - Gartuulee nyaataa arfan ni tarreessuu.
- Barbaachisummaa gartuulee nyaata arfan ni himu.
Dalagaa Mala baruu Meeshaalee
Qabiyyee Barsiisaa Yeroo Barataa barsiisuu barnootaa Iyyaafannoo Yaada
Gochaalee Jalqabaa(hirmaachisuu(kakaasuu)) 5’ -Dhuunfaan yaada isaanii ni -Sammuu -Fakkii, Yeroo nyaata naannoo
-Mala sammuu dhiluun hiikaa nyaataa gaafachuu, calaqqisiisu. dhiluu, isaanii jiru eeran,
Gartuulee -Barannoo guyaa gartuulee nyaataa beeksisuu, -od-ibsa -poostaroota gareen ramadan,
nyaataa -gahumsa ibsuu. boqotaa, gartuulee mari’atan,
arfan -gaaffiifi nyaataa gabaasan al-kallattiin
Gochaalee Ijoo(Sakatta’uu +Ibsuu+babal’isuu) -Dursa nyaata irratti dhuunfaan deebii, agarsiisan, hordofuun
-dhuunfaan akaakuu nyaataa naannoo isaaniitti argaman akka 30’ yaaduun yaada walii qoodu. -marii galmeessuu; Gaaffii
tarreessan gochuun baxxee boronqii irratti barreessuu -Garreen ta’uun gosoota nyaataa garee -Eddattoo gartuu nyaata arfan
-Gosoota nyaataa tarreeffaman gosa gosaan akka ramaduu ramaduun calaqqisiisu. -calaqqee nyaataa adda tarreessi fi faayidaa
yaalan qajeelchuu. - dhaggeeffachuun yaadannoo ni addaa gartuulee nyaataa
--Ibsa gartuulee nyaata arfanii kennuu. qabatu. -gabatee arfan himi jedhu
-erga isaan ramadanii booda baxxee boronqii bakka afuritti - fakkeenya kenname irratti gosoota gaafachuun
qooduun, mataduree qoodama hunda’uun ramaddii sirrii ni nyaataa galmeessuu.
afraniifuu gartuulee nyaataa tokko tokko isaaniif barreessuu. taasisu. agarsiisu
-barattoonni kan hafan irratti mari’achuun akka ramadan
taasisuu.
Gochaalee Gudunfaa(Madaaluu) -Kan ifaa hin ta’iin yoo jiraate ni
Gartuuleen nyaata afur akka ta’anii fi fakkeenyaa isaanii 5’ gabbifatu, -gaaffii dabalataa ni
hubachiisuu fi faayidaa isaanii hubachiisuu, kan ifaa hin ta’ii gaafatu
yoo jiraate akka gafatan jajjabeessuu
Maqaa barsiisaa______________________________ Yaada I/G/muummee_____________________________ Yaada I/G yookiin I/A/M/B_____________
Mallattoo_____________________ Mallattoo_______________ Mallattoo____________
Guyyaa_______________________ Guyyaa______________ Guyyaa___________
Yaad-deebii (Gargaarasa barattota saffisaan, suuta barataniifi miidhama qaamaa qabaniif godhamu):-
Barattoota saffisaan baratan gocha dabalataa qabiyyicha waliin deeman kennuu; kanneen suuta baratoo ta’an dabalataan irra deemuun karaa itti agarsiisuu; akkasumas, gaaffilee
biroo qabiyyicha waliin deeman gaafachuun gargaaruu, kitaabolee wabii dabalataa eeruun shaakaluun hubannoo isaanii akka bal’ifatan gochuufi kutaa alatti akka na gaafatan
itti himuu. Dabalataanis barattoota fedhii addaa biroo qaban akkaataa fedhii isaaniin tooftaa uumuun gargaaruu.
Dhiyeessii booda sakatta’iinsa Barannoo
Cimina :- ___________________________________________________________________________________________________________________________________________________
Waan fooyya’uu qabu:- _________________________________________________________________________________________________________________________________

Hojii Piroojektii
 Kaadhimamaa/tuu,
1. Mana barumsaa naannoo koolleejjii jiran deemuun karoora barnootaa hojiirra oolaa
jiraniifi kan amma baratte kana walbira qabuun xiinxalii dareef dhiyyeessi.
Garaagarummaan jiraa? Yoo jiraate maaliif ta’e sitti fakkaata?
2. Saayinsii naannoo kutaa 1-4tti jiran keessaa mata duree tokko filachuun GBYXGQ
qabiyyee mata duree sana waliin deemu barsiisaa kolleejjiin mirkaneessuun karoora
barnoota guyyaa qopheessiiti dareetti dhiyeessi!
4.2.3.4 Daawwannaa fi Sakattaìnsa Barannoo
Kaadhimamaa/tuu qabxiileen armaan gadii qabxiilee barsiisaan mataa isaa (ishee) adeemsa baruu
barsiisuu guyyaa keessatti ittiin of-ilaaluufi sakattaùu, akkasumas madaalluuf itti gargaaramuuf
oolani dha. Atis qabxiilee kana sirriitti qayyabachuun adeemsa dhiyeessa barannoo guyyaa
keessatti itti dhimma bahuu qabda.
1. Qophii barsiisaan barannicha irratti qabu
2. Barnooticha (sirrii, haalaan qindaaùu fi mijataa taùu isaa)
3. Akeeka barannichaa (hammam dhugoomuu akka dandaù)
4. Seensa barannichaa (kan sissièessu, mijataa fi bifa gaaffiin kan dhiyaatu ta’uu isaa)
5. Gaaffilee (mijataa fi jechoota ifaa taàniin kan qophaaè ta’uu isaa)
6. Mala baruu barsiisuu (hirmaachisummaa isaa)
7. Hojiirra oolmaa (ifaa fi milkaaìna kan qabu).
8. Meeshaa dhageettii agaree gargaaramuu
9. Haala iyyaafanna (gahumsaaf mijataa taùu isaa)
10. Baxxee boronqii irratti cuunfuun kaa’uu
11. Hojiitti hiikamuu beekumsa saayinsaawaa baratamee.
12. Namusa daree
13. Fedhii barattootaafi hirmaannaa isaanii
14. Sansaaka barsiisaafi amala barataa
15. Iyyaafannoo walii gala

4.4 Gochaa Yookiin Amaloota Barsiisaan Gaariin Tokko Ittiin Beekamuu
Gocha 4.11
Ati akka dhuunfaatti barsiisaan tokko sadarkaa dhuunfaasaa irraa jalqabee maal maaltu
irraa eeggama jettee yaadda. Mala sammuu dhiiluun yaada burqisiisaatii akka dareetti
barsiisaa keessan wajjin irratti mari’adhaa.
Barattootni barachuufi amala isaaniif barsiisaa moodeela godhatu. Barsiisaan daree seenee
barsiisuuf qophaa’uu qofti gahaa miti; barattoota isaa akkatti ofitti hawwatee barsiisuu akka
danda’uufi barattoota isaa biratti jaallatamaafi fakkeenya gaarii taa’ee argamuu qaba. Yoo amalli
barsiisaan tokko ittiin beekamu kan fakkeenyummaa hin qabne ta’e barumsi inni barsiisullee
milkaa’ina kan hin qabne ta’a.
Barsiisonni qindoomina qabaniifi dhiyeessi hojii isaaniif ogeeyyii ta’an kutaa keessatti ofitti
amanamummaa qabu. Barattootni gorsaafi barumsa barsiisota fedhii hin qabnefi dhibaa’oo ta’an
irra kan barsiisota fedhii qabanii , fedhii nama keessatti uumaniifi ofitti amantummaa qabanii
hordofu. Barsiisotni yeroo hunda sirriitti qophaa’aniifi barattoota gargaaruuf fedhii qaban yeroo
maraa hojii isaaniin fiixaan bahinsa qabu.
Kanaaf barsiisaan daree seenee barannoo dhiyeessuun dura qabixiiwwan armaan gaditii kaa’aman
irratti hundaa’ee karoorfachuufi dursee qophaa’uu qaba.
A. Qophii
• Karaa itti barnootni tokko haala gaariin ibsamuu danda’u mirkaneeffachuuf qabiyyee
barnootaa yaada keessa galchuu.
• Karoora barnootaa qopheessuu.
• Beekumsa barnootichaa gahaa qabaachuu mirkaneeffachuu.
• Barnootaan dura MDBfi meeshaalee barnootaa jiraachuu mirkaneeffachuu.
• Beekumsa duraan barattootni qaban dursanii beekuu.
• Tooftaalee iyyaafannoo gahumsa waliin deeman itti yaaduun filachuu.

B. Ijaan to’achuu
• Guutummaa yeroo barnootaatti barattoota ijaan to’achuu.
• Barumsa dhuunfachiisuu.
• Maal akka gochuun danda’amu beekuu dhabuun akka hin jiraatneef mirkaneeffachuu.
• Barattootni yeroo hunda akka si’aawoo ta’an gochuu.
• Yaadni barattootaa barsiisaa waliin yaadni barsiisaa barataa waliin akka ta’u gochuu.
C. Dhaabbannaafi Sochii qaamaa

• Sochii uumamaafi kaayyoo qabeessa ta’uu.
• Yaada barattootaa harkisuuf socho’uu.
• Sochii qalbii namaa jeequ hambisuu. Fakkeenyaaf sardamuu...
• Akka meeshaa to’annaatti sochiifi waan namatti dhaga’ame ibsuu.
D. Bifaafi fuula ifaa

• Deebii barattootaa gargaaruuf mallattoofi jechaa hin taane irraa ofi-qusachuu.
• Fuula ifaafi gammadaa ta’een dhiyyaachuu. fkn fuula ifaa yaad-deebii amansiisaa ta’e
kennuu mataa raasuu yookiin seequu.
• Uffata qulqullina qabu akkaataa gaariin uffachuufi haala gaariin of-qabuu
E. Sagaleen Yaada ibsuu

Sagaleen adeemsa yaadaan walii galuu irratti dhiibaa guddaa qaba. Yeroo dubbattu of-
dhaggeeffachuuf yaalii gochuun kanneen armaan gadii irratti hojjechuu qabda.
• Cimina sagalee
• Maataa ol qabachuun dubbachuu danda’uu
• Barattoonni hundi akka dhaga’uu danda’anitti guddisanii dubbachuu
• Sagalee ifaa gochuu; hin asaasiin
• Jechoota haala ifa ta’een sagaleesuu
• Sagalee tohachuu

F. Sadarkaa afaaniifi Ibsa
• Jechoota gartuun muraasni itti fayyadaman fayyadamuu dhiisuu.
• Gabaajee hin waaltofne fayyadamuu dhiisuu
• Jechoota saayinsii haaraa ta’an yoo jiraatan dursanii sirriiti akka beekan taasisuu
• Kenninsi jechaan haala gaariin deemuu qaba
• Waan dubbachuu qabdu murteessuun dubbachuu
• Osoo dubbachaa jiranii yeroof jidduu jidduutti dhaabuun xiyyeeffannaa dabala.
• Yeroo dubbii sardamuu irra of-eeguu
 Gocha 4.13
 Kaadhimamaa/tuu, Karoora GBYXGQ Saayinsii naannoo kutaa 1-4tti jiran
keessaa tokko filachuun qopheessite ulaagaa armaan oliin madaalii dareetti
dhiyeessi!

Cuunfaa Boqonnichaa
✓ Barataan saayinsii si’aayinaan barachuu kan danda’u qabatamaan tutuqaatiin yookiin agareen
yookiin immoo dhageettiin yoo dabaalamedha. Kunis meeshaalee omishamoo yookiin
leecalloo naannoo irraa kan qophaa’an ta’uu danda’u.
✓ Barnoota keessatti meeshaalee baruufi barsiisuu fayyadamnu hunda gahumsa barachuu yoo
xiqqaate gonfatamuu qabu waliin walqabsiisnee deemuun barbaachisaadha.
✓ Meeshaaleen baruufi barsiisuu hojiirra ooluu danda’an bakka saddiitti kan qoodaman yoo ta’an
isaanis Meehsaalee agaree, meeshaalee dhageettiifi meeshaalee argaa-dhageettiiiti.
✓ Faayidaalee meeshaalee baruufi barsiisuu: barnoota qabatamaafi hawwataa gochuuf, barachuu
barattootaa safaruuf, mala baruufi barsiisuu fooyyessuuf, barachuu barattootaa kakaasuuf,
ofitti amanamummaafi dandeettii yaaduu barattootaa olkaasuuf, fedhii addaa barataa guutuufi
kan kana fakkaatandha.
✓ Meeshaaleen baruu-barsiisuu itti fayyadamnu kan yeroo qusatu, barataatti sirriitti mullachuu
yookiin dhaga’amuu kan danda’u, salphaatti barataaf kan hubatamuu, GBYXGQ waliin
walsimachuu, qaqqabatamuufi bira ga’amu kan danda’u, malleen baruufi barsiisuu waliin kan
walsimuu, sadarkaa barachuu hunda-hammatoo kanta’e, sadarkaa yaaduu barataa hunda yaada
keessa kan galche ta’uu qaba.
✓ Barsiisonni waa’ee faayidaalee, amaloota meeshaalee barnootaafi dhiibbaa isaan qulqullina
barnootaa irratti qaban barattootatti caalaatti bareechanii hubachuun barbaachisaadha.
✓ Karoora baruu-barsiisuu barsiisonni sadarkaalee adda addaatti qopheessuuf haala qabatamaa
barataafi sirna barnootaa ilaalcha keessa kan galche ta’uu qaba.
✓ Karoorri barnootaa barsiisotaan qophaa'an hundi gahumsa barachuu barattootaa, tartiiba baruu-
barsiisuu, meeshaalee barnootaa barbaachisanii, ibsa barreeffama akkaataa itti barattootni
iyyaafataman kan ibsu qabaachuu qaba.
✓ Karoorri barnootaa sadarkaa mana barumsaatti kan waggaa, boqonnaafi barannoo jedhamuun
bakka sadiitti qoodama.
✓ Barsiisaan qophii karooraa irraa kaasee hanga raawwii isaatti sakatta’iinsa gochuun milkaa’ina
isaa xiinxaluu qaba.

Kitaabilee Wabii
1. Module of Methodology of Teaching Natural Science, Distance Education, Project 1700.

2. Good Practice in Science Teaching by Martin Monk and Jonathan Os. (Open University)
3. Victor, E. 1985. Science for the Elementary School. New York. Macmillan
4. Bauer, Henry H. 1992. Scientific Literacy and the Myth of the Scientific Method. University
of Illinois Press, Urbana.
5. Moore, John A. 1993. Science as a Way of Knowing. Harvard University Press,
Cambridge, MA.
6. An Introduction to Environmental Science, THE EARTH AND ENVIRONMENT
7. Michael Allaby 2000. Basics of Environmental Science 2nd edition, London and New
York.
8. The University of California Museum of Paleontology, Berkeley, and the Regents of the
University of California, 2013: Understanding the science.
9. Ethiopian National Agency report for UNESCO
10. March 2001: The Development of Education: National Report of Ethiopia for UNESCO.
11. Greenstein, L., 2010. What Teachers really need to know about Formative Assessment.
(Teachers’ Guide to Assessment) Hawker Brownlow Education
12. María Teresa Flórez and Pamela Sammons, 2013. Assessment for learning: effects and
impact. Oxford University Department of Education
13. Guidance on Assessment in the Primary School. The Northern Ireland Curriculum Primary,
2007
14. Natalie Regier, 2012. Focus on Student Learning - Instructional Strategies Series: Regier
Educational Resources
15. Assessment Reform Group (2002a) Assessment for learning (Day-to-day assessment
strategies): ten principles. University of Cambridge Faculty of Education.
16. Active Learning and Teaching Methods Rationale for key stage 1&2 Norther Irelan
Curriculum, 2007
17. Active Learning and Teaching Methods Rationale for key stage 3 Norther Irelan
Curriculum.

18. Promoting Active Teaching and Learning. A Guide for Staff, James Cook University,
Australia, 3 March 2014.
19. Jasna Mazgon and Damijan Stefanc. “IMPORTANCE OF THE VARIOUS
CHARACTERISTICS OF EDUCATIONAL MATERIALS: DIFFERENT OPINIONS,
DIFFERENT PERSPECTIVES.” University of Ljubljana, Faculty of Arts, Department of
Educational Sciences, Slovenia. Jasna.Mazgon@ff.uni-lj.si. TOJET: The Turkish Online
Journal of Educational Technology, July 2012, volume 11 Issue 3.
20. Iyyaafannoon Barachuuf Gahumsa Irratti Hundaa’e. Maateriyaalii Leenjii Leenjiftootaaf
Qophaa’e, Adaamaa, Oromiyaa, 2018.
21. Baruufi Barsiisuu saayinsii Naannoo I. Moojulii Leenjifamtoota Kolleejiif Qophaa’e,
Biiroo Barnoota Oromiyaa, Finfinnee, Guraandhala 2015.
22. Saayinsiifi Gaaf-argannoo Saayinsaawaa. Moojulii Leenjifamtoota Kolleejiif Qophaa’e,
BBO, Finfinnee, Fulbaana 2016.
23. Science and Scientific Inquiry, Ministry of Education September, 2013, Addis Ababa

Enviromental Sci TES 201 Edited by Yosef After Final Check

Uploaded by

Document Information

Copyright

Available Formats

Share this document

Share or Embed Document

Sharing Options

Did you find this document useful?

Is this content inappropriate?

Copyright:

Available Formats

Enviromental Sci TES 201 Edited by Yosef After Final Check

Uploaded by

Copyright:

Available Formats

Biiroo Barnoota Oromiyaa

Kolleejjii Barnoota Barsiisotaatti

Malleen Saayinsii Naannoo Barsiisuu I

Bara 2011 ALI

▪ Alamaayyoo Qannoo (MSc) KBB Naqamtee

▪ Duulaa Daaksaa (MSc) KBB Naqamtee

▪ Gosaa Girmaa (Asst. Professor) KBB Asallaa

▪ Caalaa Raggaasaa (MSc) Yuuniversitii Finfinnee

▪ Darrasaa Tarfaa (MSc) Yuuniversitii Metiropooliitanii Kotobee

▪ Birahaanuu Lataa (BSc)

Dursaa Garee fi Gorsitoota:

▪ Bal’inaa Tarfaasaa (PhD)

▪ Caalaa Raggaasaa (MSc)

▪ Yooseef Ayyalaa (MA)

BIIROO BARNOOTA OROMIYAA i

BIIROO BARNOOTA OROMIYAA ii

BIIROO BARNOOTA OROMIYAA iii

Biiroon Barnoota Oromiyaa, moojuula ”Mala Saayinsii Naannoo Sadarkaa 1ffaa

Biiroo Barnoota Oromiyaa

BIIROO BARNOOTA OROMIYAA iv

✓ Kaadhimamtoonni barsiisotaa sagantaa dippiloomaan herregaafi saayinsii naannoon ogummaa

II. Haal-duree Koorsichaa

III. Ibsa Koorsichaa

BIIROO BARNOOTA OROMIYAA v

BIIROO BARNOOTA OROMIYAA vi

IV. Yaad- Bu’uura Moojuliin Kun Irratti Hundaa’ee Qophaa’e

BIIROO BARNOOTA OROMIYAA vii

Walumaagalatti BQOB jechuun beekumsa waa’ee adeemsa baruu-barsiisuu gosa barnootaa

V. Akkaataa Dhiyeessii Koorsichaa

Gosoota Iyyaaffannoofi Madaallii Kaadhimamtoonni Ittiin Ilaalaman

1. Piroojektii dhuunfaafi garee haala qabatamaa manneen barnootaafi sirna barnoota

BIIROO BARNOOTA OROMIYAA viii

VI. Seensa Moojulichaa

Kanaaf koorsii kana keessatti kaadhimamtoonni qabiyyeewwan saayinsii naannoo manneen

VII. Turtii Koorsichaa

BIIROO BARNOOTA OROMIYAA ix

BIIROO BARNOOTA OROMIYAA x

BIIROO BARNOOTA OROMIYAA 1

Haaluma kanaan saayinsiin namoota garaagaraan akkaataa garaagaraan hiikameera. Gariin

BIIROO BARNOOTA OROMIYAA 2

BIIROO BARNOOTA OROMIYAA 3

Walumaagalatti wantoonni nu marsanii argaman hundi naannoo uumamaa jedhamu. Wantoonni

ii) Caacculee Baayoloojikaalaa

Caacculeen (Elementoota) baayoloojikaalaa kanneen akka biqilootaa, bineeldotaa, maayikiroo

BIIROO BARNOOTA OROMIYAA 4

BIIROO BARNOOTA OROMIYAA 5

1.4 Saayinsii Naannoofi Qabiyyeewwan Isaa

Barnootni saayinsii naannoo yaad-bu’uurawwan hedduu kan of-keessatti qabateefi dandeettii

BIIROO BARNOOTA OROMIYAA 6

BIIROO BARNOOTA OROMIYAA 7

Gabaabumatti saayinsii naannoo barachuun:

BIIROO BARNOOTA OROMIYAA 8

1.6 Galma, Akeekaafi Kaayyoo Saayinsii Naannoo Barsiisuu

1.6.1 Galma Barnoota Saayinsii Naannoo

BIIROO BARNOOTA OROMIYAA 9

Kaayyoleen himoota jijjirama amalaa bu’aa barnoota barachuun agarsiisan jedhamanii

Akeeka barnoota saayinsii naannoo

BIIROO BARNOOTA OROMIYAA 10

Pirinsippiloonni agarsiisituu saayinsii naannoo barsiisuu :

1.8 Saayinsii Naannoo Irratti Hub-Dogongoraa Daa’imman Mudachuu

BIIROO BARNOOTA OROMIYAA 11

Gabatee 1.1 Gabatee yaad-rimee hub-dogoggoraafi yaad-rimee sirrii isaanii

bu’uuraa galii maatii wajjin jiraachuuf murteessoo dha. maatii ta’an

maatii walqabsiisu tarreessuun