ⴰⵙⵍⵎⴰⴷ : ⵕⴰⵛⵉⴷ ⴰⵢⵜ ⵄⵎⵔⵓ

ⵜⵉⵙⵓⵔⵉⴼⵉⵏ ⵏ ⵓⵙⵍⵎⴷ ⵏ ⵜⵖⵔⵉ ⵉ ⵓⵔⵎⴰⵙ ⴷ ⵓⵍⵎⵎⵓⴷ :

ⵜⵉⵖⵔⵉ ⵙ ⵓⵔⵎⴰⵙ ⴷ ⵜⵉⵔⵙⵍⵜ ⵜⴰⵅⴰⵜⴰⵔⵜ ⵉⵜⵜⴰⵡⵙⵏ ⵉ ⵓⴼⴳⴰⵏ ⵃⵎⴰ:

- ⴰⴷ ⵢⴰⴼ ⵉⵏⵖⵎⵉⵙⵏ;

- ⴰⴷ ⵉⵙⵙⵎⵖⵓⵔ ⵜⵓⵙⵙⵏⴰ ⵏⵏⵙ;

- ⴰⴷ ⵉⵍⵎⴷ ⵜⵓⵜⵍⴰⵢⵜ, ⵉⵙⵙⵉⵔⵉⵡ ⵜⵜ;

- ⴰⴷ ⵉⵏⵏⵓⵕⵥⵎ ⵅⴼ ⵓⵎⴰⴹⴰⵍ ⴷ ⵜⵓⵙⵙⵏⵉⵡⵉⵏ ⵢⴰⴹⵏⵉⵏ,

- ⴰⴷ ⵉⵙⵖⵓⴷⵓ ⵜⵓⴷⵔⵜ ⴷ ⵜⵡⵓⵔⵉ ⵏⵏⵙ;

- ⴰⴷ ⵉⵙⵙⵎⵖⵔ ⵙ ⵢⵉⵅⴼ ⵏⵏⵙ.

ⴳ ⵓⵙⵍⵎⴷ ⴷ ⵓⵍⵎⵎⵓⴷ ⵏ ⵜⵖⵔⵉ, ⵉⵣⵔⵔⵉ ⵓⵏⵍⵎⴰⴷ ⴷ ⵜⵏⵍⵎⴰⴷⵜ ⵙⴳ ⵓⴳⵎⵎⴰⵢ ⵏ

ⵜⴳⵓⵔⵉⵡⵉⵏ ⴷ ⵜⵡⵉⵏⴰⵙ ⴰⵔ ⴰⵔⵎⴰⵙ ⵏ ⵉⴹⵕⵉⵚⵏ. ⵉⵜⵜⵔⵎⴰⵙ ⵓⵏⵍⵎⴰⴷ ⴷ ⵜⵏⵍⵎⴰⴷⵜ

ⴰⴹⵕⵉⵚ ⴰⴷⴷⴰⵢ ⵉⵙⵙⵏ ⴰⴷ ⴷ ⵉⵙⵙⵓⴼⵖ ⵙⴳ ⵓⴹⵕⵉⵚ ⵜⴰⵡⵏⴳⵉⵎⵜ ⵜⴰⵎⴰⵜⵓⵜ ⴷ

ⵜⵡⵏⴳⵉⵎⵉⵏ ⵜⵉⵎⵥⵥⵢⴰⵏⵉⵏ.

ⵃⵎⴰ ⴰⴷ ⵢⴰⵡⵙ ⵓⵙⵍⵎⴰⴷ /ⵜⴰⵙⵍⵎⴰⴷⵜ ⵉ ⵓⵏⵍⵎⴰⴷ ⴷ ⵜⵏⵍⵎⴰⴷⵜ ⴰⴷ ⵔⵎⵙⵏ

ⴰⴹⵕⵉⵚ, ⵉⵇⵇⴰⵏ ⴷ ⴰⴷ ⵙⵎⵔⵙⵏ:

- ⵜⵓⵙⵙⵏⴰ ⴷ ⵉⵍⵎⵎⵓⴷⵏ ⵉⵎⵣⵡⵓⵔⴰ ⵏ ⵉⵏⵍⵎⴰⴷⵏ;

- ⵜⴰⵔⴰⵔⵉⵜ ⵏ ⵜⴰⵢⵏⵉⵜ ⵉ ⵎⴰⵕⵕⴰ ⵎⵉⵏ ⵉⵍⵍⴰⵏ ⴳ ⵓⴹⵕⵉⵚ;
- ⴰⵣⴷⴰⵢ ⵏⴳⵔ ⵜⴳⵓⵔⵉⵡⵉⵏ ⴷ ⵜⵡⵉⵏⴰⵙ ⴷ ⵜⵙⴷⴷⴰⵔⵉⵏ.
ⴳ ⵜⵉⵔⵎⵜ ⵏ ⵜⵖⵔⵉ, ⵉⵜⵜⴰⵡⵙ ⵓⵙⵍⵎⴰⴷ /ⵜⴰⵙⵍⵎⴰⴷⵜ ⵉ ⵓⵏⵍⵎⴰⴷ ⴷ ⵜⵏⵍⵎⴰⴷⵜ ⴰⴷ

ⵔⴰⵔⵏ ⵜⴰⵖⴹⴼⵜ ⵉ ⴽⴽⵓⵥⵜ ⵏ ⵜⵖⴰⵡⵙⵉⵡⵉⵏ:

- ⴰⵣⵡⵍ ⵏ ⵓⴹⵕⵉⵚ;
- ⴰⵡⵍⴰⴼ ⵏⵉⵖ ⵉⵡⵍⴰⴼⵏ ⵉⵎⵓⵏⵏ ⴰⴽⴷ ⵓⴹⵕⵉⵚ;
- ⵜⵓⵙⵙⵏⴰ ⴷ ⵓⵍⵎⵎⵓⴷ ⵏⵏⵙⵏ ⵉⵣⵔⵉⵏ;
- ⴰⴹⵕⵉⵚ.
 ⴰⵙⵍⵎⴰⴷ : ⵕⴰⵛⵉⴷ ⴰⵢⵜ ⵄⵎⵔⵓ

ⵜⴻⵜⵜⴰⵡⵙ ⵜⵖⵔⵉ ⵉ ⵜⵏⵍⵎⴰⴷⵜ ⴷ ⵓⵏⵍⵎⴰⴷ ⴰⴷ ⵙⴽⵓⵏ ⵏⵉⵖ ⴰⴷ ⵙⵎⵖⵔⵏ ⵜⵓⵙⵙⵏⴰ

ⵏⵏⵙⵏ ⴷ ⵜⵣⵎⵎⴰⵔ ⵏⵏⵙⵏ ⵜⵉⵎⵢⴰⵡⴰⴹⵉⵏ ⵙ ⵡⴰⵏⴰⵡⵏ ⵏ

ⵉⵏⴰⵡⵏ ⵣⵓⵏ ⴷ ⴰⵏⵖⵎⵙ ⴷ ⵓⵙⵏⵖⵎⵙ, ⴰⵙⵏⵓⵎⵍ, ⴰⵍⵍⴰⵙ ⴷ ⵓⵙⵙⴼⵔⵓ ⴷ ⵓⵙⵙⵏⵥⵉ.

ⵙ ⵎⴰⵏ ⴰⵢⴰ, ⴷⴰ ⵏⵜⵜⴰⴼⴰ ⴳ ⵉⴷⵍⵉⵙⵏ ⵏ ⵓⵏⵍⵎⴰⴷ ⴷ ⵜⵏⵍⵎⴰⴷⵜ ⴰⵏⴰⵡⵏ ⵏ ⵉⴹⵕⵉⵚⵏ ⴰⴷ:

- ⴰⴹⵕⵉⵚ ⴰⵎⴰⵍⵍⴰⵙ;
- ⴰⴹⵕⵉⵚ ⴰⵙⵏⵓⵎⵎⴰⵍ;
- ⴰⴹⵕⵉⵚ ⴰⵏⵎⵙⴰⵡⴰⵍ;
- ⴰⴹⵕⵉⵚ ⴰⵎⵙⴽⴰⵏ;
- ⴰⴹⵕⵉⵚ ⴰⵏⵖⵎⴰⵙ ⴷ ⵓⵙⵏⵖⵎⴰⵙ;
- ⴰⴹⵕⵉⵚ ⴰⵎⵙⵙⴼⵔⴰⵡ;
- ⴰⴹⵕⵉⵚ ⴰⵎⵙⵙⵏⵥⴰⵢ;
ⴽⵓ ⴰⵏⴰⵡ ⵏ ⵓⴹⵕⵉⵚ, ⵖⵓⵔⵙ ⵜⵓⵙⴽⴰ ⴷ ⵓⵎⴰⵡⴰⵍ ⴷ ⵜⵓⵚⴽⵉⵡⵉⵏ ⵉⵥⵍⵉⵏ ⴰⴽⵉⴷⵙ.
ⴰⴹⵕⵉⵚ ⴰⵎⴰⵍⵍⴰⵙ
ⵉⵙⵙⵓⴷⵓⵙ ⵓⴹⵕⵉⵚ ⴰⵎⴰⵍⵍⴰⵙ ⵜⵉⵎⵙⴰⵔⵉⵏ ⵏⵏⵉ ⵉⵇⵇⵏⵏ ⴰⴽⴷ ⵉⵡⵔⵉⴽⵏ ⴳ

ⵡⴰⴽⵓⴷ, ⵉⵙⵙⴷⵖⵔ ⵜⵏ. ⵏⵜⵜⴰⴼ ⴳⵉⵙ ⴽⵕⴰⴹ ⵏ ⵉⴼⵔⴷⵉⵙⵏ :

- ⵉⵡⵔⵉⴽⵏ;
- ⴰⴽⵓⴷ ⴷ ⵓⴷⵖⴰⵔ;
- ⵜⵉⵎⵙⴰⵔⵉⵏ.
ⵙ ⵎⴰⵏⴰⵢⴰ, ⵏⵙⵙⵎⵔⴰⵙ ⴳ ⵓⴹⵕⵉⵚ ⴰⴷ:

- ⵜⵉⴳⵓⵔⵉⵡⵉⵏ ⵏ ⵓⵎⵙⴹⴼⴰⵕ ⴳ ⵡⴰⴽⵓⴷ, ⴰⵎ : ⴳ ⵓⵎⵣⵡⴰⵔⵓ; ⴳ ⵓⵎⴳⴳⴰⵔⵓ...

- ⵉⵎⵔⵏⵓⵜⵏ ⵏ ⵡⴰⴽⵓⴷ ⵣⵓⵏ ⴷ : ⵢⴰⵏ ⵡⴰⵙⵙ /ⵉⵊⵊ ⵏ ⵡⴰⵙⵙ, ⵢⴰⵏ ⵉⵎⵉⴽⴽ /

ⵛⵡⵉⵜⵜⵉ/ⵛⵡⴰⵢⵜ...

- ⵜⴰⵍⵖⵉⵡⵉⵏ ⵏ ⵡⴰⴽⵓⴷ ⴰⵎ: ⴽⵓⴷⵏⵏⴰ/ⵎⵉⵍⵎⵉ ⵎⵎⴰ/ⴰⴷⴷⴰⵢ, ⵉⵙ ⴽⴰ/ⵖⴰⵔ/ⵖⴰⵙ....

 ⴰⵙⵍⵎⴰⴷ : ⵕⴰⵛⵉⴷ ⴰⵢⵜ ⵄⵎⵔⵓ

ⴰⴹⵕⵉⵚ ⴰⵙⵏⵓⵎⵎⴰⵍ
ⵉⵎⵎⴰⵍ ⴰⵏⵖ ⵓⴹⵕⵉⵚ ⴰⵙⵏⵓⵎⵎⴰⵍ ⵎⴰⵎⴽ ⴳⴰⵏ ⵉⵙⴽⴽⵉⵏⵏ ⴷ ⵜⵖⴰⵡⵙⵉⵡⵉⵏ ⴷ

ⵉⴷⵖⴰⵔⵏ ⴷ ⵉⵙⵓⵔⵙⵏ ⴷ ⵉⵡⵔⵉⴽⵏ.

ⴳ ⵓⴹⵕⵉⵚ ⵉⵙⵏⵓⵎⵎⴰⵍⵏ ⴰⵡⵔⵉⴽ, ⵏⵣⵎⵔ ⴰⴷ ⴳⵉⵙ ⵏⴰⴼ:

- ⵜⴰⴼⵔⵉⵙⵜ ⵜⴰⴽⵎⴰⵎⵜ ⵉⵙⵏⵓⵎⵎⴰⵍⵏ ⵜⵉⴷⴷⵉ ⵏⵏⵙ ⴷ ⵜⵎⵍⵙⴰ ⵏⵏⵙ....

- ⵜⴰⴼⵔⵉⵙⵜ ⵜⴰⵡⵏⴳⵉⵎⵜ ⵉⵙⵏⵓⵎⵎⴰⵍⵏ ⵜⵉⵖⴰⵔⵉⵡⵉⵏ ⴷ ⵡⴰⴳⴰⵔⵏ ⵏⵏⵙ.

ⴷⴰ ⵉⵙⵙⵎⵔⴰⵙ ⵓⵎⴰⵔⵓ ⵏ ⵓⴹⵕⵉⵚ ⴰⵙⵏⵓⵎⵎⴰⵍ:

- ⵉⴼⵔⵉⵙⵏ ⵏ ⵜⵖⴰⵔⴰ ⴰⵎ “ⴰⵎⵇⵇⵔⴰⵏ” “ⴰⵖⵣⵣⴰⴼ / ⴰⵣⵉⵔⴰⵔ” “ⴰⴳⵣⵣⴰⵍ/

ⴰⵇⵓⴹⴰⴹ”....;

- ⵉⵎⵢⴰⴳⵏ ⵏ ⵜⵖⴰⵔⴰ ⴰⵎ “ⵉⵛⵏⴰ” “ⵉⵖⵓⴷⴰ” “ⵉⵡⵔⵖ”;

- ⵜⴰⵍⵖⵉⵡⵉⵏ ⵏ ⵜⵖⴰⵔⴰ ⴰⵎ “ⵉⵛⵛⴰ ⵉⴼⴰⴷⴷⵏ ⵏⵏⵙ” “ⵉⵎⵇⵇⵓⵔ ⴰⵙ ⵡⵓⵍ” “ⵉⵎⵎⵓⵜ

ⴰⵙ ⵡⵓⵍ”; “ⵉⵕⵥⵎ ⴰⵙ ⵓⴼⵓⵙ”.. .

ⴰⴹⵕⵉⵚ ⴰⵏⵎⵙⴰⵡⴰⵍ
ⵉⴳⴰ ⵓⴹⵕⵉⵚ ⴰⵏⵎⵙⴰⵡⴰⵍ ⴰⵎⵙⵇⵙⵉ ⵏⵉⵖ ⴰⵎⵙⴰⵡⴰⵍ ⵊⴰⵔ ⵎⵉⴷⴷⵏ.

ⵏⵙⵙⵎⵔⴰⵙ ⴳ ⵓⴹⵕⵉⵚ ⴰⴷ:

- ⵉⴳⴳⵉⵜⵏ ⵏ ⵡⴰⵡⴰⵍ ⵣⵓⵏ ⴷ: ⴰⵙⵇⵙⵉ, ⴰⵙⵏⵉⵎⵎⵔ, ⴰⵙⵓⵣⵍ... .

- ⵜⴰⵍⵖⵉⵡⵉⵏ ⵜⵉⵎⵣⴷⴰⵢⵉⵏ ⴰⵎ : “ⵙ ⵜⵉⴷⵜ, ⵡⴰⵅⵅⴰ, ⵜⵖⵥⴰⵏⵜ....”
- ⵜⴰⵍⵖⵉⵡⵉⵏ ⵏ ⵓⵎⴳⵏⵓ ⴰⵎ : “ⵙⵓⵔⴼ ⵉⵢⵉ/ ⵡⴰⴷⵎ ⵉⵢⵉ, ⵉⵙ ⵜⵓⴼⵉⴷ/ ⵎⴰ
ⵜⵣⵎⵎⵔⴷ, ⵜⴰⵏⵎⵎⵉⵔⵜ...”.
- ⴰⵏⴰⵡⵏ ⵏ ⵜⵡⵉⵏⴰⵙ ( ⵜⴰⵏⴰⵍⴰⵡⵜ, ⵜⴰⵏⴰⴱⴰⵡⵜ, ⵜⴰⵙⵇⵙⴰⵢⵜ, ⵜⴰⵏⴰⵥⴰⴼⵜ, ⵜⴰⵏⴰⴹⵜ).
- ⵜⵉⵏⴰⵡⵜ ⵜⵓⵙⵔⵉⴷⵜ…
 ⴰⵙⵍⵎⴰⴷ : ⵕⴰⵛⵉⴷ ⴰⵢⵜ ⵄⵎⵔⵓ

ⴰⴹⵕⵉⵚ ⴰⵎⵙⴽⴰⵏ
ⵍⵍⴰⵏ ⴽⵉⴳⴰⵏ ⵏ ⵡⴰⵏⴰⵡⵏ ⵏ ⵉⴹⵕⵉⵚⵏ ⵉⵎⵙⴽⴰⵏⵏ, ⵣⵓⵏ ⴷ ⵜⵉⴼⵔⵜ ⵏ ⵜⵉⵔⴰⵎ ⵏ ⵡⵓⵜⵛⵉ

ⵏⵉⵖ ⵉⵙⵎⵉⴳⵉⵍⵏ ⴰⵎ ⵉⵙⵎⵉⴳⵉⵍⵏ ⵏ ⵜⵔⴰⵔⵉⵜ ⵏ ⵜⵖⴹⴼⵜ ⴳ ⵓⴱⵔⵉⴷ.

ⵉⵜⵜⵡⴰⵙⵙⵏ ⵓⴹⵕⵉⵚ ⴰⵎⵙⴽⴰⵏ ⵙ ⵓⵙⵎⵔⵙ ⵏ ⵜⵡⵏⵏⵉⵜⵉⵏ ⵣⵓⵏ ⴷ:

- ⵜⴰⵡⴰⴳⴳⵉⵜ ⵙ ⵓⵖⵉⵍ "ⵉⵇⵇⴰⵏ ⴷ ⴰⴷ….” "ⵉⵍⵍⴰ ⴼⵍⵍⴰⴽ/ⵎ ⴰⴷ…"

- ⵜⵉⴽⴽⵉ ⵏ ⵉⵙⵎⵉⴳⵉⵍⵏ “ⵢⵓⴼⴰ ⴰⴷ…” " ⵓⵔ ⵏⵜⵜⴻⵜⵜⵓ ⴰⴷ ⵏⴱⴷⴷ ⵅⴼ ⵓⵙⴰⵍⵉ".
ⵙ ⵎⴰⵏⴰⵢⴰ, ⵏⵜⵜⴰⴼ ⴰⴹⵕⵉⵚ ⴰⵎⵙⴽⴰⵏ ⵉⵙⵙⵎⵔⴰⵙ :

- ⵜⴰⵍⵖⵉⵡⵉⵏ ⵏ ⵓⵎⵙⴽⴰⵏ;
- ⵜⴰⵍⵖⴰ ⵜⴰⵏⴰⴱⴰⵡⵜ;
- ⵉⵎⵢⴰⴳⵏ ⴳ ⵡⴰⵏⴰⴹ.
ⴰⴹⵕⵉⵚ ⴰⵙⵏⵖⵎⴰⵙ
ⵉⴳⴰ ⵓⵙⵓⵖⴷ ⴰⵎⴰⵜⵓ ⵏ ⵓⴹⵕⵉⵚ ⴰⵙⵏⵖⵎⴰⵙ ⵜⵉⴽⴽⵉ ⵏ ⵉⵏⵖⵎⵉⵙⵏ ⵅⴼ ⵛⴰ ⵏ

ⵓⵡⵔⵉⴽ ⵏⵉⵖ ⵛⴰ ⵏ ⵜⵎⵙⴰⵔⵜ ⵏⵉⵖ ⵛⴰ ⵏ ⵜⵎⵓⴽⵔⵉⵙⵜ ⴷ

ⵓⵎⵅⵓⵎⴱⵔ. ⵉⵜⵜⵔⴰⵔ ⵓⴹⵕⵉⵚ ⴰⵙⵏⵖⵎⴰⵙ ⵅⴼ ⵉⵙⵇⵙⵉⵜⵏ ⴰⵎ : ⵎⴰ/ⵡⵉ,

ⵎⴰⵏⵉ, ⵎⵍⵎⵉ, ⵎⴰⵅ, .....

ⴷⴰ ⵉⵙⵙⵎⵔⴰⵙ ⵡⴰⵏⴰⵡ ⵏ ⵓⴹⵕⵉⵚ ⴰⴷ:

- ⵉⵎⵥⵍⴰⵢⵏ ⵉⵎⵙⴽⴰⵏⵏ;
- ⵉⵎⵇⵇⵉⵎⵏ ⵉⵎⵙⴽⴰⵏⵏ;
- ⵉⵎⵔⵏⵓⵜⵏ ⵏ ⵡⴰⴽⵓⴷ;
- ⵉⵎⵔⵏⵓⵜⵏ ⵏ ⵓⴷⵖⴰⵔ.
ⴰⴹⵕⵉⵚ ⴰⵏⵖⵎⴰⵙ
ⵉⴳⴰ ⵓⵙⵓⵖⴷ ⴰⵎⴰⵜⵓ ⵏ ⵓⴹⵕⵉⵚ ⴰⵏⵖⵎⴰⵙ ⵜⵓⵜⵜⵔⴰ ⵏ ⵉⵏⵖⵎⵉⵙⵏ ⵅⴼ ⴽⴰ ⵏ ⵓⵡⵔⵉⴽ

ⵏⵉⵖ ⴽⵔⴰ ⵏ ⵜⵎⵙⴰⵔⵜ ⵏⵉⵖ ⴽⵔⴰ ⵏ ⵜⵎⵓⴽⵔⵉⵙⵜ. ⵉⵜⵜⵔⴰⵔ ⵓⴹⵕⵉⵚ ⴰⵏⵖⵎⴰⵙ ⵅⴼ

ⵉⵙⵇⵙⵉⵜⵏ ⵏ ⵉⵎⵖⵔⵉ. ⵉⵜⵜⴰⵡⵙ ⵡⴰⵏⴰⵡ ⵏ ⵓⴹⵕⵉⵚ ⴰⴷ ⵉ ⵉⵏⵍⵎⴰⴷⵏ ⴰⴷ ⵙⵙⵉⵔⵉⵡⵏ

ⵜⵓⵙⵙⵏⴰ ⵏⵏⵙⵏ ⵙ ⵉⵙⵇⵙⵉⵜⵏ ⴰⵎ: “ⵉⵙ , ⵎⴰⵅ, ⵎⴰⵢⵎⵎⵉ, ⵎⴰⵏ, ⵎⴰⵏⵉ, ⵎⴰ, ⵡⵉ.....”
 ⴰⵙⵍⵎⴰⴷ : ⵕⴰⵛⵉⴷ ⴰⵢⵜ ⵄⵎⵔⵓ

ⴰⴹⵕⵉⵚ ⴰⵎⵙⵙⴼⵔⴰⵡ
ⴷⴰ ⵉⵙⵙⴼⵔⴰⵡ ⵡⴰⵏⴰⵡ ⵏ ⵓⴹⵕⵉⵚ ⴰⴷ ⵎⴰⵎⴽ ⵜⴳⴰ ⵏⵉⵖ ⵎⴰⵅ ⵜⴻⵜⵜⵉⵍⵉ ⴽⵔⴰ ⵏ

ⵜⵓⵎⴰⵏⵜ. ⵉⵜⵜⵔⴰⵔⴰ ⵓⴹⵕⵉⵚ ⴰⴷ ⵅⴼ ⵓⵙⵇⵙⵉ ⵉⵜⵜⵉⵍⵉⵏ ⴳ ⵓⵣⵡⵍ ⵏⵉⵖ ⴳ ⵓⴹⵕⵉⵚ. ⵙ

ⵓⵎⴰⵜⴰ, ⵉⵙⵇⵙⵉⵜⵏ ⴰⴷ ⴳⴰⵏ, “ ⵎⴰⵅ/ ⵎⴰⵢⵎⵎⵉ ⴷ ⵎⴰⵎⴽ”. ⵏⵜⵜⴰⴼ ⴳ ⵓⴹⵕⵉⵚ ⴰⴷ:

- ⵜⴰⵍⵖⵉⵡⵉⵏ ⵏ ⵜⴼⴰⴷⴰ;
- ⵜⵉⴳⵓⵔⵉⵡⵉⵏ ⵏ ⵜⵎⵏⵜⵉⵍⵜ;
- ⵜⵉⴳⵓⵔⵉⵡⵉⵏ ⵏ ⵜⵍⴽⴰⵎⵜ.
ⴰⴹⵕⵉⵚ ⴰⵎⵙⵙⵏⵥⴰⵢ
ⵉⴳⴰ ⵓⵙⵓⵖⴷ ⵏ ⵓⴹⵕⵉⵚ ⴰⴷ ⴰⵙⵉⵡⴹ ⵏ ⵜⵡⵏⴳⵉⵎⵜ ⵏⵉⵖ ⴰⵎⵏⴰⴷ ⵉ ⵡⵏⵏⵉⴹⵏ. ⴷⴰ

ⵉⵙⵙⵎⵔⵙⴰⵙ ⵡⴰⵏⴰⵡ ⵏ ⵓⴹⵕⵉⵚ ⴰⴷ:

- ⵉⵏⵥⴰⵜⵏ ⵉⵎⴰⴽⴰⴷⵏ;
- ⵉⵏⵥⴰⵜⵏ ⵉⵏⵎⴳⴰⵍⵏ.
- ⵜⵉⴳⵓⵔⵉⵡⵉⵏ ⵉⵙⴱⴷⴷⴰⵏ ⵉⵎⵏⴰⴷⵏ ⴰⵎ: ⵎⵉⵏⵣⵉ/ⵉⴷⴷⵖ/ⴰⵛⴽⵓ, ⵎⴰⵛⴰ...; ⵉⵖ,
ⵎⴰⵍⴰ, ⵎⵛ….
ⴰⵎⴷⵢⴰ ⵏ ⵜⵓⵚⴽⴰ ⵏ ⵓⴹⵕⵉⵚ ⴰⵎⵙⵙⵏⵥⴰⵢ:
ⵜⴰⵙⴷⴷⴰⵔⵜ ⵜⴰⵎⵣⵡⴰⵔⵓⵜ:
ⵍⴰ ⵜⵙⵙⵏⴽⴰⴷ ⴰⵙⵏⵜⵍ ⵏⵉⵖ ⵜⴰⵎⴽⵔⵓⵙⵜ ⵅⴼ ⵉⵙⵙⴰⵡⴰⵍ ⵓⴹⵕⵉⵚ.
ⵜⴰⵙⴷⴷⴰⵔⵜ ⵜⵉⵙⵙ ⵙⵏⴰⵜ:
ⵍⴰ ⵜⵙⴱⴷⴷⴰ ⴰⵎⵏⴰⴷ ⵏⵉⵖ ⵜⴰⵡⵏⴳⵉⵎⵜ ⵙ ⵉⵏⵥⴰⵜⵏ ⵉⵎⴰⴽⴰⴷⵏ.
ⵜⴰⵙⴷⴷⴰⵔⵜ ⵜⵉⵙⵙ ⴽⵕⴰⴹⵜ:
ⴷⴰ ⴷ ⵜⵙⵙⵓⴼⵓⵖ ⴰⴳⴰⵔⵏ ⵉⵇⵇⵏⵏ ⵖⵔ ⵓⵎⵏⴰⴷ ⵙ ⵓⵙⵎⵔⵙ ⵏ ⵉⵏⵥⴰⵜⵏ ⵉⵏⵎⴳⴰⵍⵏ.
ⵜⴰⵙⴷⴷⴰⵔⵜ ⵜⴰⵎⴳⴳⴰⵔⵓⵜ:
ⵜⵙⵙⵎⵙⴰⵙⴰ, ⵏⵉⵖ ⵜⵙⵙⵎⵜⴰⵡⴰ, ⴳⴰⵔ ⵉⵎⵏⴰⴷⵏ.