pasal pag sambahayang

kuingge pag sambahayangin❓❓❓❓

Pinandak hadja inin.

1️⃣tagna subey kew sutsi amban kemon hadas.

📝bng hadas diki meke ala subey mag ayil, sah bng hadas hadje (junub)subey mandi.

2️⃣paharap patudju si kiblat(ka’ba), duk mag niyat nambahayang.

❌GEY ILAPALAN NIYATIN DEM PANGATEYAN HADJA.

3️⃣nakbir mag pain(Allahu Akbar), duk sarta pariyata ne tangan mag atag duk baha ne, ubus mayam iye
hap pasujudan ne.

4️⃣ubus bettad ne duwe tangan nen si daakan ne, atawa c ellet daakan duk ponsot, paratun ne kanawan
nen data bibangan ne (antanan ne bibang nen duk kanawan ne)

5️⃣ubus massa duwaa istiftah

( ‫َو َتَباَرَك اْس ُم َك َو َتَع اَلى َج ُّد َك َو َال ِإَلَه َغْيُرَك‬،‫)ُسْبَح اَنَك الَّلُهَّم َو ِبَحْمِد ك‬

(Subhaanaka allahumma wabi hamdik, watabarakas muka, wata ala jadduka, wala ilaha gairuka).

ubus mag audhubillahi mina shaytaninrrajeem, ubus mag bismillah. Pag ubus ien massa FATIHA, ubus
massa ayat atawa surah ine ne tabalik ne..

6️⃣ubus nakbir(Allahu Akbar) paruku, bettad ne tangan nen data tuut ne, ubus massa

‫( ُسْبَحاَن َر ِّبَي اْلَعِظ يم‬subhaana rabiyal adzim)

7️⃣ubus nakbir nesab(Allahu Akbar) patongas amban parukuan ne duk massa:

‫ َر َّبنَا َو َلَك اْلَحْم ُد‬،‫َسِمَع ُهَّللا ِلَم ْن َحِم َده‬

(samiallahu liman hamidah, rabbana,walakal hamdu) bng iye imam atawa dendangan ne.

Sah bng iye ma’mum inin hadja binassa nen:

‫َر َّبنَا َو َلَك اْلَح ْم ُد‬

(rabbana walakal hamdu).

8️⃣ubus nakbir nesab(Allahu Akbar) pasujud.

📝kahantang pasujud:

subey pateppat lendo nen c pasujudan ne sampay ung ne, saien dusab karuwe pat tangan nen, karuwe
tuut ne, duk karuwe tuggu bettis ne. duk pariyata ne siku nen, duk patala ne lengngen nen amban seddi
ne, duk gey pag deggil ne betteng nen duk paa ne, duk gey ru sab pag deggil ne paa nen duk pusu ne,
ubus massa ‫( ُسْبَحاَن َر ِّبَي اَألْعَلى‬subhaana rabiyal a’la).

9️⃣ubus nakbir nesab(Allahu Akbar ) patongas amban pasujuran ne ningko duk massa: ‫(َر ِّب اْغ ِفْر ِلْي‬rabbig
firliy)

📝kahantang paningko in.

ningko iye data bettis ne bibang(pina hebba), duk patengge ne tuggu bettis ne kanawanin.

🔟ubus nakbir nesab(Allahu Akbar) pasujud nesab balik massa ‫( ُسْبَحاَن َر ِّبَي اَألْعَلى‬subhaana rabiyal a’la).

1️⃣ 1️⃣ nakbir ne sab ubus nengge massa ne sab Fatiha, naan si inin umasek ne iye ika duwe rakaat, hinang ne
1️⃣1️⃣
nesab kwe’ c panagnaan rakaatin.

📌📝na bng ne iye ningko sika duwe rakaat puwas amban pasujud ne ika duwe sujud, massa ne tahiyat.

( tahiyat panagnaan)

‫ َأْش َهُد َأْن َال ِإَلَه ِإَّال‬، ‫ الَّس َالُم َع َلْيَنا َو َع َلى ِعَباِد ِهَّللا الَّصاِلِح يَن‬، ‫ الَّس َالُم َع َلْيَك َأُّيهَا الَّنِبُي َو َر ْح مُة ِهَّللا َو َبَر َكاُتُه‬، ‫ َو الَّطِّيَباُت‬، ‫ َو الَّص َلَو اُت‬،‫َالَّتِح َّياُت ِهَّلِل‬
‫ َو َأْش َهُد َأَّن ُمَح َّم ًدا َع ْبُد ُه َو َر ُسوُلُه‬،‫ُهَّللا َو ْح َد ُه َال َش ِرْيَك َلُه‬.

attahiyyatu lillahi, wassalawatu, wattayyibatu, assalamu alaika ayyuhannabiyu warahmatullahi

wabarakatu, assalamu alaina wa ala ibadillahissaliheen, ash hadu an la ilaha illallah wahdahu la
shareekala, wa ash hadu anna muhammadan abduhu wa rasuluhu.

Tahiyat ika duwe:

‫ َك َم ا َباَر ْك َت َع َلى‬، ‫ َو َباِرْك َع َلى ُمَح َّمٍد َو َع َلى آِل ُم َحَّمٍد‬، ‫ ِإَّنَك َحِم ْيٌد َمِج ْيٌد‬، ‫ َكمَا َص ِّلْيَت َع َلى آِل ِإْبَر اِهيَم‬، ‫الُّلُهَّم َص ِّل َع َلى ُمَح َّمٍد َو َع َلى آِل ُم َحَّمٍد‬
‫آِل ِإْبَر اِهيَم ِإَّنَك َح ِم ْيٌد َمِج ْيٌد‬.

Allahumma salli ala muhammad wa ala ali muhamamad, kama sallayta ala ali Ibrahim, innaka hameedun
majeed. Wa baarik ala muhammad wa ala ali muhammad, kama baarakta ala ali Ibrahim innaka
hameedun majeed.

📌📝bng iye sasang nahiyat kuingge bantuk tangan nen?

bale duwe bayu:

1️⃣bettad ne duwe tangan nen data pusu ne, ubus tuggu gulamey tangan nen si tuut ne...

2️⃣atawa bettad tangan ne kanawanin data tuut ne, duk bibangin ngantan si tuut ne..

▶️ tangan bibangin pinaluka, sah kanawanin pakengkem ne malaingkan tambo/tambolo patolo ne duk
pausa ne hadja bng iye nganduwaa.

👉🏻atawa tangan kanawanin pakengkem ne kingking duk dalmanisin, ubus palikung ne kapalu nen duk
datu datu, bu patolo ne tamboin...

📌📝sambahayang SUBUH duwe’ rakaat. pag tahiyatan nen ika duwe rakaat puwas pasujud ne ika duwe
sujud, ubus bassa ne duwe tahiyat miyaan, ubus pasalam ne iye.

MAGRIB tellu rakaat, massa iye tahiyat sika duwe rakaat (tahiyat panagnaan) pag sika tellu rakaat bassa
ne karuwe tahiyatin, ubus pasalam.

JUHUR/ASAR/EISHA ampat rakaat pag sika duwe rakaat massa tahiyat panagnaan, pag sika ampat rakaat
bassa ne duwe tahiyatin, ubus pasalam.

📌📝 in me’ kakahinang tasabbut miyaan ien du hininang dem sambahayangin mag balik2x.

📌📝sah duwaa istiftah duk auzubillahi minassaytanirrajeem, duk bismillah si panagnaan rakaat hadja.

📌📝bng imam pabasag ne FATIHA in duk ayatin/surah si sambahayang subuh, magrib duk eisha taman
sika duwe rakaat, pagpuwas duwe rakaat kemot ne hadja Fatiha in. duk pabasag ne pag takbir in si
kemon sambahayang. ubus sinduwe binassa dem sambahayang in kemot ne hadja.

📌📝ma’mumin massa amban dambulihan kinemot, massa fatiha pagpuwas imam atawa si pahalihan
imam.

📌📝damikkiyan bng nambahayang dendangan ne massa iye kinemot, meke pabasag ne fatiha duk
ayat/surah in bng si sambayang subuh, magrib duk eisha taman sika duwe rakaat. Ubus binassa
sinduwehin kemot ne.

📌📝pag puwas ika duwe rakaat (bng saupama 3 rakaat atawa 4) binassa hin fatiha hadja gey ne mag ayat.

✍️Sheikh Abujar S. Abdullah