ვარიანტი IV

ინსტრუქცია დავალებებისათვის № 1-35.

თითოეულ შეკითხვას ახლავს ოთხი სავარაუდო პასუხი. მათგან მხოლოდ ერთია სწორი.
თითოეული დავალება 1 ქულით ფასდება.

დავალება და კითხვები იხილეთ შემდეგ გვერდებზე

(1) 1. რომელი არის მართებული მსჯელობა მონეტაზე გამოსახული ისტორიული პირის მოღვაწეობასთან დაკავშირებით?

ა) მან ნებაყოფლობით დატოვა რომის რეზიდენცია და გადავიდა ავინიონში, რამაც

დასაბამი დაუდო ე.წ. „პაპთა ავინიონის ტყვეობას“;

ბ) მისი პაპობის დროს გამწვავდა ინვესტიტურისათვის ბრძოლა ეკლესიასა და საერო

ხელისუფლებას შორის შორის, რომელიც მოგვიანებით ვორმსის კონკორდატით
დარეგულირდა;

გ) მან ქრისტიანებს მოუწოდა ურჯულოთა წინააღმდეგ ომისაკენ ქრისტეს საფლავის

გამოსახსნელად, რამაც დასაბამი დაუდო ჯვაროსნულ ლაშქრობებს;

დ) მის დროს მოხდა ე.წ. „დიდი სქიზმა“, რამაც ქრისტიანული ეკლესია საბოლოოდ
გათიშა ორ მიმდინარეობად.

(1) 2. რა თანამდებობა ეკავა ფრესკაზე მარცხნივ გამოსახულ პირს საქართველოს სამეფოს მმართველობის სისტემაში?

ა) მანდატურთუხუცესის;

ბ) მწიგნობართუხუცეს-ჭყონდიდელის;

გ) ამირისპასალარის;

დ) კათალიკოსის.
(1) 3. XIII საუკუნის დასაწყისში ინგლისში მომხდარი რომელი ისტორიული მოვლენა არის ასახული ილუსტრაციაზე?

ა) ოლივერ კრომველის მიერ პარლამენტის დათხოვნის შესახებ გადაწყვეტილების ხელმოწერა, რასაც ქვეყანაში ახალი სამოქალაქო
დაპირისპირება მოჰყვა;

ბ) რიჩარდ ლომგულსა და სალადინს შორის შეთანხმების გაფორმება იერუსალიმის გადაცემის შესახებ, რომლის შემდეგაც
ქრისტიანებმა საბოლოოდ დაკარგეს წმინდა ქალაქი;

გ) მეფე ჰენრი II-ის მიერ კლარენდონის კონსტიტუციის ხელმოწერა, რომლითაც შეიზღუდა სახელმწიფოს მართვაში
არისტოკრატიისა და ეკლესიის როლი;

დ) მეფე ჯონ უმიწაწყლოს მიერ თავისუფლების დიდი ქარტიის ხელმოწერა, რომელმაც შეზღუდა მონარქის უფლებები და
საფუძველი ჩაუყარა პირველი წოდებრივ-წარმომადგენლობითი ორგანოს შექმნას.
(1) 4. ილუსტრაციაზე ასახული ისტორიული პირთან დაკავშირებული რომელი მსჯელობა არის მართებული?

ა) მან მოახერხა დაქუცმაცებული მონღოლი ტომების გაერთიანება მსოფლიოს დასაპყრობად;

ბ) მის დროს დაიწყო მონღოლების ისლამიზაციის პროცესი, რამაც მნიშვნელოვანწილად განაპირობა მისი
იმპერიის დაშლა;

გ) მან რვაჯერ ილაშქრა საქართველოში რა დროსაც მან მიწასთან გაასწორა აღმოსავლეთ საქართველო;

დ) მის დროს სეფიანთა ირანი პოლიტიკურად ძალზე გაძლიერდა და თავისი ძლიერების მწვერვალს
მიაღწია.

(1) 5. რომელი ისტორიული მოვლენა არის ასახული ილუსტრაციაზე?

ა) იერუსალიმის აღება ჯვაროსნების მიერ;

ბ) კონსტანტინოპოლის აღება ოსმალების მიერ;

გ) ალამუთის ციხის აღება მონღოლების მიერ;

დ) კონსტანტინოპოლის აღება ჯვაროსნების მიერ;

(1) 6. რომელი სახელმწიფო შეიქმნა ფრანკთა სახელმწიფოს დაშლის შემდეგ ყოფილი იმპერიის აღმოსავლეთ ნაწილში X საუკუნეში?

ა) გერმანია;

ბ) პრუსია;

გ) რეჩ-პოსპოლიტა.

დ) ავსტრია.

(1) 7. რომელია მართებული მსჯელობა „პაპის“ ტიტულის თავდაპირველი მნიშვნელობისა და გამოყენების შესახებ?

ა) პეტრე მოციქულის დროიდან მოყოლებული, „პაპის“ ტიტული მხოლოდ რომის ეკლესიის არქიეპისკოპოსს ენიჭებოდა;

ბ) ტიტული „პაპი“ V საუკუნის ბოლომდე ყველა ეპისკოპოსის საპატიო სახელწოდებად გამოიყენებოდა;

გ) XII საუკუნემდე „პაპის“ ტიტულით სარგებლობდნენ მხოლოდ იტალიის ტერიტორიაზე არსებული დიდი ეპარქიების
მღვდელმთავრები;

დ) V საუკუნის ბოლოდან „პაპის“ ტიტულს ატარებდა მხოლოდ რომის არქიეპისკოპოსი.

(1) 8. რა შედეგები მოჰყვა ავინიონელი პაპების მიერ პროფრანგულ პოლიტიკის გატარებას?

ა) უკმაყოფილო ინგლისმა, იტალიამ და გერმანიამ ომი გამოუცხადეს საფრანგეთს;

ბ) უკმაყოფილო ევროპული სახელმწიფოების გავლენით რომში მეორე პაპი იქნა არჩეული;

გ) დასავლეთ ევროპის სახელმწიფოთა უმრავლესობამ უარი განაცხადა პაპისადმი დაქვემდებარებაზე;

დ) ევროპის ეკლესიები ნელ-ნელა გამოვიდნენ პაპის კურიის გავლენიდან.

(1) 9. რომელია მართებული მსჯელობა თურქ-სელჩუკებსა და ღაზნევიდების სახელმწიფოს შორის ურთიერთობებზე X საუკუნის
40-იან წლებში?

ა) სელჩუკებმა განიცადეს ასიმილაცია და შეერწყნენ ღაზნევიდთა თურქულ ტომს;

ბ) სელჩუკების მცდელობა, ღაზნევიდებისათვის წაერთმიათ ტერიტორია, მარცხით დასრულდა და ისინი ხორეზმისაკენ

გაბრუნდნენ;

გ) სელჩუკებმა გადამწყვეტ ბრძოლაში დაამარცხეს ღაზნევიდები და მათი მმართველები გააძევეს ირანიდან;

დ) სელჩუკებმა მიისაკუთრეს ღაზნევიდების სახელმწიფოს ჩრდილოეთი ნაწილი და იქ საკუთარი სამთავრო შექმნეს.

(1) 10. ძირითადად რა განაპირობებდა იმ ფაქტს, რომ სელჩუკი სულთნები სახელმწიფო სამსახურში ხშირად აწინაურებდნენ სპარს
მოხელეებს?

ა) სპარსელები, სელჩუკების მსგავსად, სუნიტები იყვნენ;

ბ) სელჩუკები ემზადებოდნენ ირანის დაპყრობისათვის;

გ) სულთნები სპარსელებს უპირისპირებდნენ თავგასულ სელჩუკ მოხელეებს;

დ) სპარსელებს სახელმწიფო მართვის დიდი გამოცდილება ჰქონდათ.

(1) 11. სხვა ფაქტორებთან ერთად, რა გახდა თურქ-სელჩუკთა სახელმწიფოს დასუსტების ერთ-ერთი მთავარი მიზეზი?

ა) სუნიტებსა და შიიტებს შორის არსებული დაპირისპირება;

ბ) თურქული ტრადიცია, რომლის მიხედვით მმართველის გარდაცვალების შემდეგ სახელმწიფო მის ვაჟებს შორის ნაწილდებოდა;

გ) სახელმწიფოს დაუძლურება გამომფიტველი დაპყრობითი ომებით;

დ) სახელმწიფო მმართველობის არაეფექტური სისტემა.

(1) 12. რა მიუთითებს იმაზე, რომ მეფე ბაგრატ IV ცდილობდა ინტერესების დაბალანსებას თურქ-სელჩუკებსა და ბიზანტიას შორის?

ა) იგი თავს არიდებდა სელჩუკთა და ბიზანტიელთა შორის სამხედრო კონფლიქტში ჩარევას;

ბ) მან საკუთარი ქალიშვილი მართა მიათხოვა ბიზანტიის იმპერატორს, ხოლო დისშვილი კი სელჩუკთა სულთანს;

გ) ერთი მხრივ, ის ალფ-არსლანს ეხმარებოდა შირვანისა და არანის დამორჩილებაში, მეორე მხრივ კი სამეფო კარზე ბიზანტიელებს
აწინაურებდა;

დ) მან ბიზანტიას გადასცა მდინარე ჭოროხის მიმდებარე ტერიტორიები, ალფ-არსლანს კი დაეხმარა აჯანყებული ანისის
დამორჩილებაში.

(1) 13. ძირითადად, რა იგულისხმება ტერმინში „დიდი თურქობა“?

ა) თურქების მიერ საქართველოს ადგილობრივი მოსახლეობის აყრა და გადასახლება;

ბ) თურქ-სელჩუკთა განუწყვეტელი, ყოველწლიური შემოსევები საქართველოში;

გ) საქართველოს ადგილობრივი მოსახლეობის ასიმილირება მომთაბარე თურქების მასიური ჩამოსახლების შედეგად;

დ) ისლამის და თურქული ტრადიციების მასიური და ძალადობრივი გავრცელება ქვეყანაში.

(1) 14. რა ძირითად მიზანს ემსახურებოდა რუსი-ურბნისის კრებაზე მიღებული გადაწყვეტილება მწიგნობართუხუცესისა და
ჭყონდიდელის ერთ თანამდებობად გაერთიანების შესახებ?

ა) ამ გზით ხორციელდებოდა ეფექტური კონტროლი კრების მიერ მიღებული გადაწყვეტილებების აღსრულებაზე;

ბ) ამ გზით ერთმანეთს ემიჯნებოდა სასულიერო და საერო ხელისუფლებები;

გ) ამ ნაბიჯით სამეფო ხელისუფლება ამყარებდა სრულ კონტროლს ეკლესიაზე;

დ) ამ გზით ეკლესიის საქმიანობა უფრო გამჭვირვალე ხდებოდა.

(1) 15. რა ეწოდებოდა დავით IV-ის რეფორმის შედეგად შექმნილ სამეფო გვარდიას?

ა) „შეფიცულთა რაზმი“;

ბ) „მონა-სპა“;

გ) „მეწინავე რაზმი“;

დ) „სადროშო სპა“.

(1) 16. რით იყო განპირობებული დემეტრე I-ის ძის - დავითის უკმაყოფილება მამის მიმართ, რაც მას ამბოხებისაკენ უბიძგებდა?

ა) დავითი დემეტრე I-ის უკანონო ძე იყო, რაც მას ტახტისაკენ გზას უღობავდა;

ბ) დავითი მხარს უჭერდა პროთურქულ საგარეო ორიენტაციას;

გ) დავითი თვლიდა, რომ მეფეს ქვეყანა არასწორი გზით მიჰყავდა, რასაც მოწმობდა ანისისა და შირვანის დაკარგვა;

დ) მას არ სურდა, რომ მეფეს ტახტის მემკვიდრედ დავითის ძმა, გიორგი აერჩია.

(1) 17. სხვა პირობებთან ერთად, რას ითვალისწინებდა ყუთლუ-არსლანის მიერ წარმოდგენილი გეგმა?

ა) მეფობის ინსტიტუტის გაუქმებას და მთელი აღმასრულებელი ძალაუფლების დარბაზისა და სავაზიროსათვის გადაცემას;

ბ) საკანონმდებლო უფლებებით აღჭურვილი ორგანოს - კარავის შექმნას, რომელიც მონარქის უფლებამოსილებათა ნაწილს
გადაიბარებდა;

გ) საკანონმდებლო, აღმასრულებელი და სასამართლო ხელისუფლებების ერთმანეთისაგან სრულ გამიჯვნას;

დ) ძალაუფლების დეცენტრალიზაციას და ცალკეული საერისთავოებისათვის ავტონომიის გაფართოებას.

(1) 18. რა სპეციფიკური ნიშან-თვისება განასხვავებდა II ჯვაროსნული ლაშქრობას პირველისაგან?

ა) II ჯვაროსნული ლაშქრობაში ევროპის თითქმის ყველა სამეფო-სამთავრომ მიიღო მონაწილეობა;

ბ) II ჯვაროსნული ლაშქრობა მიმართული იყო არა ისლამური სამყაროს, არამედ ბიზანტიის წინააღმდეგ;

გ) ეს იყო პირველი ჯვაროსნული ლაშქრობა, რომელსაც ევროპელი მონარქები ხელმძღვანელობდნენ;

დ) პირველი ლაშქრობისაგან განსხვავებით, II ჯვაროსნულ ლაშქრობაში ევროპულ სახელმწიფოთაგან მხოლოდ საფრანგეთი

მონაწილეობდა.

(1) 19. სხვა პირობებთად ერთად, რას ითვალისწინებდა რიჩარდ ლომგულსა და სალაჰ ად-დინს შორის დადებული საზავო
შეთანხმება?

ა) იერუსალიმის სამეფო უქმდებოდა და ის ნაწილდებოდა მუსლიმებსა და ჯვაროსნულ ორდენებს შორის პარიტეტის პრინციპის
დაცვით;

ბ) ქრისტიანები იკანონებდნენ ედესისა და ტრიპოლის საგრაფოებს, თუმცა, იერუსალიმისა და კილიკიის სამეფოები ექცეოდა სალაჰ
ად-დინის კონტროლ ქვეშ;

გ) იერუსალიმის სამეფო განაგრძობდა არსებობას, თუმცა, მისი დედაქალაქი გადადიოდა ქალაქ აკრაში;

(1) 20. რა ეწოდებოდა რაინდთა სამხედრო-თეოკრატიულ სახელმწიფოებრივ წარმონაქმნს, რომელიც ტევტონთა ორდენმაა დააარსა
ბალტიისპირეთში?

ა) რეჩ-პოსპოლიტა;

ბ) კარანტანია;

გ) ლივონიის ორდენი;

დ) მცირე ლიტვა.
(1) 21. რა გარემოებამ შეუშალა ხელი მეფე გიორგი IV-ს, მონაწილეობა მიეღოთ ჯვაროსნულ ლაშქრობაში?

ა) საქართველოს საზღვრებთან მონღოლთა გამოჩენამ;

ბ) ავადმყოფობამ;

გ) საქართველოში მომხდარმა მიწისძვრამ;

დ) ჩრდილოეთ კავკასიის მომთაბარე ტომების შემოჭრამ.

(1) 22. რას გულისხმობდა მონღოლთა არმიაში დამკვიდრებული იასაკის წესი?

ა) ლაშქრობაში წასვლისგან თავის არიდების გამო ჯარისკაცისათვის ქონებრივი ჯარიმის დაწესებას;

ბ) სასჯელის ფორმას, რომლის თანახმად ბრძოლაში წარუმატებლობის გამო სამხედრო დანაყოფის მეთაური სიკვდილით ისჯებოდა;

გ) კოლექტიური პასუხისმგებლობის ფორმას, როდესაც ერთი ჯარისკაცის ღალატის გამო მთელ ათეულს სიკვდილით სჯიდნენ;

დ) სასჯელის ფორმას, როდესაც ბრძოლაში წარუმატებლობის გამო ყოველი მეათე ჯარისკაცი სიკვდილით ისჯებოდა.

(1) 23. სხვა ფაქტორებთან ერთად, რით იყო განპირობებული 1229 წელს მოწვეული მონღოლთა ყურულთაის გადაწყვეტილება,
პირველ რიგში ელაშქრათ ირანსა და აზერბაიჯანში?

ა) ამ ტერიტორიის დაკავება მონღოლებს გზას გაუხსნიდა ბაღდადის სახალიფოს მდიდარი მიწებისაკენ;

ბ) იქ მოქმედებდა მონღოლთა დაუძინებელი მტერი ჯალალედინი;

გ) ირანისა და აზერბაიჯანის დაპყრობით მონღოლები სრულ კონტროლს დაამყარებდნენ „აბრეშუმის გზაზე“;

დ) ირანისა და აზერბაიჯანის დაპყრობით მონღოლები იქმნიდნენ კარგ პლაცდარმს ქრისტიანულ სამყაროში შესაჭრელად.
(1) 24. ძირითადად რით იყო განპირობებული ყაზან-ყაენის გადაწყვეტილება, მიეღო ისლამი?

ა) ეს ნაბიჯი იძულებითი იყო, რაც განპირობებული იყო ისლამური ქვეყნებიდან მომდინარე საფრთხით;

ბ) ყაზან-ყაენს სჭირდებოდა მოკავშირე ბაღდადის ხალიფას სახით ოქროს ურდოსთან ბრძოლაში;

გ) ამით მან ადგილობრივი მუსლიმი ლიდერებისა და მოსახლეობის მხარდაჭერა მოიპოვა და გაიმყარა პოზიციები;

დ) ამ გზით ის გაემიჯნა მონღოლ მომთაბარეთა არისტოკრატიას, რომელიც აფერხებდა რეფორმებს ქვეყანაში.

(1) 25. რა მიზანს ემსახურებოდა მონღოლი სარდლების ჯებესა და სუბუდაის ლაშქრობა კასპიის მიდამოებში?

ა) ლაშქრობა მიზნად ისახავდა ამიერკავკასიის დაზვერვას და შემდგომი შეჭრისათვის მზადებას;

ბ) ისინი ახორციელებდნენ ხორეზმშაჰის მემკვიდრის, ჯალალედინის დევნას;

გ) ლაშქრობის მიზანი იყო სამხრეთ კავკასიის დაპყრობა და დერბენტისა და დარიალის გადასასვლელებზე კონტროლის აღება;

დ) სარდლებს დავალებული ჰქონდათ ანატოლიაში შეჭრისათვის არეალის დაზვერვა და სიტუაციის შემზადება.

(1) 26. ძირითადად, რით იყო განპირობებული ის ფაქტი, რომ 1235 წლის ლაშქრობის დროს მონღოლებმა თითქმის უბრძოლველად
შეძლეს აღმოსავლეთ საქართველოს დაკავება?

ა) სამეფო კარმა არჩია, დანებებოდა მტერს, რათა თავიდან აეცილებინა მსხვერპლი და ნგრევა;

ბ) საქართველოში ამ პერიოდში უმეფობის ხანა იდგა და ჯარის გამოყვანა არავის შეეძლო;

გ) სამეფო კარმა დასავლეთ საქართველოში გადასვლა და იქ დიდი ბრძოლისათვის მზადების სტრატეგია აირჩია;

დ) ქართველი დიდებულები თავიანთ ციხეებში შეიკეტნენ და უარი თქვეს ბრძოლაზე.

(1) 27. ძირითადად, რით იყო განპირობებული ილხანთა მმართველის, ჰულაგუს გადაწყვეტილება, შემოერიგებინა დავით VII ულუ
და სამცხის მთავარი სარგის ჯაყელი?

ა) ამ ნაბიჯით ჰულაგუ შეეცადა, უთანხმოება ჩამოეგდო დავით ულუსა და მის თანამმართველ დავით ნარინს შორის;

ბ) ილხანებს მდგომარეობა გაურთულდათ ქვეყნის შიგნით და ჰულაგუმ დაიწყო მოკავშირეების ძიება;

გ) ჰულაგუს სჭირდებოდა მოკავშირე „ოქროს ურდოსთან“ ბრძოლაში;

დ) ილხანთა ახლადშექმნილი სახელმწიფოსათვის დიდი მნიშვნელობა ჰქონდა პროვინციებში სიმშვიდის შენარჩუნებას.

(1) 28. რასთან ასოცირდება ტერმინი „ხასინჯუ“, რომელიც გამოიყენებოდა ილხანთა სახელმწიფო მმართველობის სისტემაში?

ა) ილხანთა მიერ დაპყრობილი მიწების „გამოსყიდვას“ და მიერთებას;

ბ) ილხანთა მიერ დაპყრობილი მიწების ადგილობრივი დიდი ფეოდალების საკუთრებაში დამტკიცებას, რომელზედაც არ
ვრცელდებოდა მეფის უფლებები;

გ) ცალკეული ფეოდალების ნებაყოფლობით შესვლას მონღოლი ილხანის მფარველობაში თავისი სამფლობელოთი;

დ) დაპყრობილ მიწებზე მონღოლთა მასიურ განსახლებას შემდგომი მიერთების მიზნით.

(1) 29. რა მიუთითებს იმაზე, რომ გიორგი V-ის მმართველობის პერიოდში საქართველოს საერთაშორისო ავტორიტეტი
მნიშვნელოვნად გაიზარდა?

ა) ასწლიანი ომის დაწყებამდე გიორგი V სხვა ქრისტიან მონარქებთან ერთად ცდილობდა საფრანგეთისა და ინგლისის მეფეთა
შერიგებას;

ბ) რომის პაპის გადაწყვეტილებით, კათოლიკური საეპისკოპოსო კათედრა სმირნადან თბილისში იქნა გადმოტანილი;

გ) 1338 წელს გიორგი V მიწვეული იყო სიცილიის მეფე პედრო II-ის კორონაციაზე;

დ) 1335 წელს ეგვიპტის სულთანმა საქართველოს დაუბრუნა იერუსალიმის ჯვრის მონასტერი.

(1) 30. ვინ ითვლება თეთრბატკანიანთა სახელმწიფოს (აყ-ყოინლუს) დამაარსებლად, რომელმაც რამდენჯერმე ილაშქრა
საქართველოში?

ა) სულთან-ხალილი;

ბ) სულთან-იაყუბი;

გ) ბაირამ-ხოჯა;

დ) უზუნ-ჰასანი.

(1) 31. რა ეწოდებოდათ რუმის სასულთნოს დაშლის შემდეგ ანატოლიაში შექმნილ მცირე თურქულ სახელმწიფოებს?

ა) ულუსები;

ბ) ემირატები;

გ) ბეილიქები;

დ) სინჯიყები.

(1) 32. რა სახელწოდებით მოიხსენიებენ 1396 წლის ნიკოპოლისის ბრძოლას?

ა) „იმპერატორთა ბრძოლა“;

ბ) „ნიკოპოლისის ხორცსაკეპი“;

გ) „უკანსკნელი ჯვაროსნული ლაშქრობა“;

დ) „ცივილიზაციათა ბრძოლა“.
(1) 33. რა გზავნილი გადასცეს ევროპელ პოლიტიკოსებსა და რომის პაპ პიუს II-ს მეფე გიორგი VIII-ს მიერ მივლენილმა ელჩებმა?

ა) გადასცეს საქართველოს მეფის თხოვნა, ქვეყანაში მოავლინონ დამხმარე ჯარი თურქებისაგან თავის დასაცავად;

ბ) მეფე ევროპელ მონარქებსა და რომის პაპს სთხოვდა ფინანსურ დახმარებას შემოსევებისაგან გაჩანაგებული ქვეყნის ეკონომიკის
აღსადგენად;

გ) გადასცეს მეფის თხოვნა, ერთობლივი ძალისხმევით დახმარებოდნენ ტრაპიზონის დევნილ იმპერატორს ტახტის დაბრუნებაში;

დ) დაუდასტურეს საქართველოს მზადყოფნა, ჩართულიყო ოსმალეთის წინააღმდეგ ომში.

(1) 34. რას უწოდებდნენ ხატოვნად ინგლისში მეფე ედუარდ I-ის მმართველობის დროს ჩამოყალიბებულ პარლამენტს?

ა) „ხანგრძლივ პარლამენტს“;

ბ) „ხანმოკლე პარლამენტს“

გ) „სანიმუშო პარლამენტს“;

დ) „პურიტანთა საკრებულოს“.

(1) 35. რომელი ფრანგი მონარქის სახელს უკავშირდება პირველი წარმომადგენლობითი ორგანოს - გენერალური შტატების მოწვევა?

ა) შარლ II მელოტის;

ბ) ფილიპე IV ლამაზის;

გ) ლუი XIII სამართლიანის;

დ) ლუი XIV-ის
ინსტრუქცია დავალებისათვის № 36.
დავალებაში მოცემულია გარკვეული ეპოქის ისტორიული რუკა. უპასუხეთ დასმულ კითხვებს, ხოლო პასუხები
ჩაწერეთ პასუხების ფურცლის შესაბამის ადგილას.
დავალების მაქსიმალური ქულაა 6.

რუკა და დავალებები იხილეთ შემდეგ გვერდებზე

კითხვები:

(1) 36.1. რომელი ისტორიული შეიარაღებული კონფლიქტის მიმდინარეობა არის ასახული რუკაზე?

ა) ასწლიანი ომის;

ბ) ოცდაათწლიანი ომის;

გ) შვიდწლიანი ომის;

დ) ესპანური მემკვიდრეობისათვის ომის.

(1) 36.2. რუკის მიხედვით, რომელი სახელმწიფოს ტერიტორიიდან დაიწყო გადაადგილება სარდალმა, რომლის არმიას რუკაზე
ასახულ ბრძოლებში მონაწილეობა არ მიუღია?

ა) ესპანეთის;

ბ) დანიის;

გ) ოსმალეთის იმპერიის;

დ) საღვთო რომის იმპერიის.

(1) 36.3. რუკის მიხედვით, რომელი ქალაქის ალყა დასრულდა უშედეგოდ?

ა) შტრალზუნდის;

ბ) ლუთერის;

გ) ბრედას;

დ) დესაუს.
(1) 36.4. რუკის მიხედვით, ბრძოლაში მოპოვებული წარმატების შემდეგ, რომელმა სარდალმა გააგრძელა ლაშქრობა სხვა
სახელმწიფოს ტერიტორიაზე?

ა) ვალენშტაინმა;

ბ) მანსფელდმა;

გ) ტილმა;

დ) სპინოლამ.

(1) 36.5. რუკის მიხედვით, საღვთო რომის იმპერიის კონკრეტულად რომელ მხარეში გაიმართა უკანასკნელი ბრძოლა?

ა) საქსონიაში;

ბ) ესპანეთის ნიდერლანდებში;

გ) პომერანიაში;

დ) უნგრეთში.

(1) 36.6. რუკის მიხედვით, კონკრეტულად რომელი პოლიტიკური ადმინისტრაციული ერთეულის საზღვრებში მდებარეობდა
დასახლებული პუნქტი, სადაც ხელი მოეწერა უკანასკნელ საზავო ხელშეკრულებას?

ა) გაერთიანებული პროვინციების;

ბ) ესპანეთის ნიდერლანდების;

გ) პომერანიის;

დ)ქვემო საქსონიის საიმპერიო ოლქის.

ინსტრუქცია დავალებებისათვის № 37.
ყურადღებით წაიკითხეთ დავალება და უპასუხეთ დასმულ კითხვებს.
დავალების მაქსიმალური ქულაა 5.

XI საუკუნის ბოლოს დაიწყო ჯვაროსნული ლაშქრობების ეპოქა.

კითხვები:

(1) 37.1. დაასახელეთ ჯვაროსნული ლაშქრობების ერთი კონკრეტული სოციალ-ეკონომიკური მიზეზი.

(1) 37.2. დაასახელეთ ჯვაროსნული ლაშქრობების ერთი კონკრეტული კულტურული შედეგი.

(1) 37.3. ახსენით, ვისთვის შეიძლება ყოფილიყო უარყოფითი შედეგის მომტანი ჯვაროსნული ლაშქრობები და რატომ? თქვენი
მოსაზრება აუცილებლად დაასაბუთეთ ერთი არგუმენტით მაინც.

(2) 37.4. ევროპის ისტორიიდან დაასახელეთ ანალოგიური მოვლენა და დაიმოწმეთ ორი ფაქტი ამ ანალოგიის დასასაბუთებლად.
ინსტრუქცია დავალებისათვის №38.
ყურადღებით წაიკითხეთ ქვემოთ მოყვანილი ისტორიული დოკუმენტი, გაიაზრეთ ტექსტი და უპასუხეთ
კითხვებს.
დავალების მაქსიმალური ქულაა 14.

საფრანგეთის პრეზიდენტის, ჟორჟ ბენჟამინ კლემანსოს დეპეშა და საქართველოს მთავრობის პასუხი სომხეთის ბრალდებებთან
დაკავშირებით

საქართველოს მთავრობას,

საბჭომ გაიგო, რომ საქართველოს მთავრობას წინააღმდეგობა გაუწევია იმ სურსათის გატარებისთვის, რომელიც მოკავშირეებმა
სომხეთს გაუგზავნეს, რომ შემცირებულიყო შიმშილი და უბედურება, რომელსაც განიცდიან ამ ქვეყნის უბედური მცხოვრებლები.
საბჭო ვერ პოულობს საკმაო ენერგიულ გამონათქვამებს, იმის განსაცხადებლად, რომ ის ზომები, რომელიც მიღებულია
საქართველოს მიერ ... (ტექსტის ნაწილი გამოტოვებულია).

საბჭო ფიქრობს, რომ საქართველოს მთავრობა არა თუ მისცემს უპირატესობას, რომ რკინის გზებზე, რომლებიც ახლა მის
განკარგულებაშია, გაიაროს ამ ტვირთმა, არამედ ყოველ ღონეს იხმარს, რომ გაიაროს ამ სურსათმა და აიღებს ამაში მხოლოდ ფასს,
რომელიც ჩვეულებრივ არის დაწესებული. საბჭო მოელის საქართველოს მთავრობისაგან პასუხს, რომ იცოდეს თანახმა არის ის ამ
შეთანხმების თუ არა.

მოკავშირე და მათთან შეთანხმებაში მყოფ ქვეყნების უმაღლესი საბჭოს სახელით,

ჟ. ბ. კლემანსო

მთავრობის თავმჯდომარის მოადგილის, საგარეო საქმეთა მინისტრ ე. პ. გეგეჭკორის საპასუხო დეპეშა:

„ პარიზი, მოკავშირე და მათთან შეთანხმებაში მყოფ ქვეყნების უმაღლესი საბჭოს თავმჯდომარეს ბ. კლემანსოს.
უმაღლესი საბჭოს საპასუხოდ იმ დეპეშისა, რომელიც ეხება იმ ვითომდა წინააღმდეგობას, რომელსაც ვითომდა სჩადის
საქართველოს მთავრობა სომხეთში გასაზიდ სურსათის გამო, მე მაქვს პატივი ვაცნობო თქვენს უმაღლესობას შემდეგი: ის ცნობები,
რომლებიც მიღებულია აქ უმაღლეს საბჭოს ამ კითხვის შესახებ არ შეეფერება სიმართლეს. იმ თავითვე როცა დაიწყეს მოკავშირეებმა
სომხეთისთვის სურსათის მიწვდომა, საქართველოს რკინის გზებმა გაგზავნა ბათუმიდან სომხეთში სურსათის ტვირთი:
თებერვალში 272 ვაგონი, მარტში 590, აპრილში 816, მაისში 457, ივნისში 1111, ივლისში (26 ივლისამდე) 500 ვაგონი, სულ 3584
ვაგონი. ეს არის მაკსიმუმი იმ გადასაზიდ საშუალებისა, რომელიც ჩვენ შეგვეძლო მიგვეცა სომხეთისათვის. გადატანა მოწყობილი
იყო სისტემატიურად საქართველოს რესპუბლიკის მიერ იმ დროს, როცა ჩვენი ქვეყანა თვით განიცდის სურსათის კრიზისს და
მრავალ დაბრკოლებათა მიუხედავადაც: დიდი ნაწილი ვაგონებისას აკავებდა სომხეთი და მხოლოდ ინგლისის მისიის დახმარებით
ვაგონები ბრუნდება ეხლა ასე თუ ისე პერიოდულად. უნდა აგრეთვე აღინიშნოს, რომ სულ ცოტა ნახევარი რიცხვი რესპუბლიკის
რკინის გზის ვაგონებისა დაბანდებულია მოკავშირეთა სარდლობის სამხედრო საჭიროებისათვის. ამგვარად, ის დახმარება,
რომელსაც უწევს საქართველოს რესპუბლიკა სომხეთს, ეჭვი არაა, ცუდათ იმოქმედებდა თვით საქართველოს ეკონომიურ
მდგომარეობაზე.

ვხმარობთ რა ყოველ ძალღონეს, რომ შეუმსუბუქდეს სომეხ ხალხს წვალება და ვგზავნით რა სომხეთში ვაგონებს ასობით იმ დროს,
როცა ჩვენი ქვეყნის მცხოვრებლები თვით იტანჯებიან სიმშილისაგან, რადგანაც მას არ ყოფნის გადასაზიდი საშუალებანი, ჩვენ
ვცნობთ სრულიად უსამართლოდ და დაუმსახურებლათ იმ საყვედურებს, რომლებიც ჩვენკენ არის მომართული, ინგლისის
სარკინისგზო მისიას ტფილისში შეუძლია დაადასტუროს ყველა ზემოდ მოყვანილი ფაქტები.

მე შემიძლია თქვენ დაგარწმუნოთ, რომ საქართველოს მთავრობა მომავალში ისე, როგორც ის შვრებოდა აქამდე, იხმარს ყოველ
ღონეს, რომ დაკმაყოფილებულ იქნეს სასურსათო გასაჭირი სომხეთისა.

საქართველოს მთავრობის თავმჯდომარის მაგიერი, საგარეო საქმეთა მინისტრი, ევგენი გეგეჭკორი

კითხვები:

(1) 38.1. რა ეწოდებოდა სახელმწიფოს, რომლის მიმართვა გახდა საფრანგეთის პრეზიდენტის დეპეშის საფუძველი?

(1) 38 .2. წყაროს მიხედვით, რომელი კოლეგიალური ორგანოს სახელით მოქმედებდა საფრანგეთის პრეზიდენტი მოცემულ
შემთხვევაში?

(1) 38.3. თქვენის აზრით, რით შეიძლება ყოფილიყო გამოწვეული სომხეთში შექმნილი მწვავე ეკონომიკური და ჰუმანიტარული
პრობლემები, რომელთა გამოც ევროპის სახელმწიფოები მას დახმარებას უწევდნენ?

(1) 38.4. წყაროს მიხედვით, რა სარგებელი შეიძლება მიეღო საქართველოს სომხეთში ჰუმანიტარული ტვირთების
ტრანსპორტირებიდან?
(1) 38 .5. წყაროს მიხედვით დაასახელეთ სახელმწიფო, რომლის წარმომადგენლობა უშუალოდ იყო ჩართული ტვირთების
გადაზიდვის საკითხების დარეგულირებაში.

(1) 38.6. წყაროს მიხედვით, რატომ ვერ ხერხდებოდა სატვირთო ვაგონების დიდი ნაწილის კონკრეტულად ჰუმანიტარული
მიზნებისათვის გამოყენება?

(2) 38 .7. წყაროს მიხედვით, კონკრეტულად რა მიზეზით იყო გამოწვეული ვაგონების ნაკლებობა და რა გზით ხდებოდა ამ
პრობლემის მეტ-ნაკლებად გამოსწორება?

(2) 38.8. წყაროს შინაარსიდან გამომდინარე, რატომ იყო სომხეთის მიერ საქართველოს მთავრობის მიმართ გამოთქმული
პრეტენზიები უსამართლო და რა გზით იქნებოდა შესაძლებელი ამ პრეტენზიების უსაფუძვლობაში დარწმუნება?

(2) 38.9. წყაროს მიხედვით, საქართველოს რომელი საშინაო პრობლემის გადაწყვეტას ართულებდა ჰუმანიტარული ტვირთების
გადაზიდვა და იქონია თუ არა ამ გარემოებამ გავლენა საქართველოს მიერ ნაკისრი ვალდებულებების შესრულებაზე?

(2) 38.10. მოცემულ ისტორიულ მონაკვეთში მომხდარ რომელ მოვლენას შეიძლება უკავშირდებოდეს საქართველოსა და სომხეთს
შორის არსებული დაძაბული ურთიერთობა და რა იყო ამ მოვლენის გამომწვევი ერთ-ერთი მთავარი მიზეზი?