Gaya ng sabi ko sayo,

Sa pisikal na liham na binigay ko,

Heto na siguro ang una at huling liham na isususlat ko para sayo.
Walang malinaw na dahilan kung bakit,
O walang maayos na paraan kung paano,
Pero gaya ng huling akda na ito,
Kung gaano ka kabilis natagpuan,
Ganoon ka rin kabilis namaalam.

Gaya ng sabi ko, ikaw ang musika na gusto kong ipagdamot sa iba,
Mata mo ang representasyon ng mahika,
Ng pag ibig. Ikaw ang mukha nito.
Ikaw ang kwento at paksang nais kong isulat pero hanggang kailan magtitipa?
Hanggang kailan ko mapagkakasaya ang mga salitang pinagsama-sama kung paano ka idedepina?