Panginoong Hesus, batid naming iniibig mo ng lubos ang mga
bata. Dalangin namin sa Iyo na ang mga bata sa aming paligid ay lumaking mabait, masunurin, at higit sa lahat ay lumaki ng may takot at pagmamahal sa Iyo. Ingatan mo po sila at ilayo sa anumang sakuna at kasalanan, at patuloy na pagkalooban ng malusog na pangangatawan upang sila ay patuloy na makapagbigay ngiti sa aming mga labi at pumawi ng aming mga napapagal na katawan. Dinadalangin din po namin sa iyo ang lahat ng mga bata na dumaranas ng matinding sakit ng katawan at may mga kapansanan, nawa'y Ikaw ay masumpungan nila at madama ang Iyong walang hanggang awa, habag at pagkalinga. Ito ay aming hinihiling sa iyo sa tulong at gabay ng aming mahal na patron San Isidro Labrador, at ng Mahal na Birheng Maria, sa pamamagitan ng Iyong anak, ang Santo Niño, kasama ng Espiritu Santo, iisang Diyos magpasawalang hanggan. AMEN!