Barumsa amantaa

MAQAA ABBAA KAN ILMAA AFUURA QULQULLUU
WAAQA TOKKO AMEEN!
ARBAMINCH UNIVARSITY
MOORAA YAA‟II GUDDICHAA
BARATTOOTA AMANTAA ORTODOOKSI

TAWAAHEDOOTIF KAN QOPHAA‟E!!!
Qopheessan: Andu‟aalem Lataa

Bara 2009 ,G5 WRIE
Table of Contents page
BOQONNAA TOKKO ................................................................................................................................................... 1
1. AMANTAAN MAALI/ሃይማኖት ምንድነው/ .......................................................................................................... 1
1.1.Amantaan maalii? ............................................................................................................................................ 1
1.1.1. Amantaa qulqullootaa jechuun maalii jechuudha? .................................................................................. 1
1.1.2.Amantaan takkittiin tun kami? .................................................................................................................. 2
1.2 Amantiin maali? ............................................................................................................................................... 2
1.3.Yaadota jahaan Amantaan ittiin ibsamu. ......................................................................................................... 2
1.3.1.Kan fudhatanii dha:-.................................................................................................................................. 3
1.3.2. Abdiidhaan kan hubatanii dha:- ............................................................................................................... 3
1.3.3. Jaalalaan kan mul‟atuu dha:-.................................................................................................................... 4
1.3.4. Hojiidhaan kan hiikamuu dha:- ................................................................................................................ 4
1.3.5. Kan hin ilaalamne kan ittiin arginu meeshaa hin mul‟annee dha:- .......................................................... 4
1.3.6.Waaqayyoon kan ittiin gammachiifnuu dha:- ........................................................................................... 5
1.4.Bu’uurri Amantaa Maali/የሃይማኖት መሠረት ምንድነው/? ....................................................................................... 5
1.4.1. Jiraachuu Uumaa ...................................................................................................................................... 5
1.4.2. Jiraachuu Wantoota Aangoo Qabanii....................................................................................................... 6
1.5. Amantaa fi Uumamtoota Amanan ...................................................................................................................... 7
1.5.1 Amantaan Eenyuuf? ...................................................................................................................................... 7
1.5.2. Amantootni Maal Qabu/ምዕመናን ምን አላቸው/ ? .......................................................................................... 8
1.5.3 Amantaan Akkamittii fi Yoom Eegale?/ሃይማኖት መቼና እንዴት ተጀመረ/?...................................................... 8
1.6. Namni Amantaadhaan Ala Jiraachuu ni Danda‟aa?........................................................................................ 9
1.7. Amantaa Kiristaanaa/የክርስትና ሃይማኖት/ ........................................................................................................... 9
BOQONNAA LAMA .............................................................................................................................................. 11
2. JIRAACHUU UUMAA ...................................................................................................................................... 11
2.1 Uumaa Amanuu ............................................................................................................................................. 11
2.1.1. Seera Uumamaa ..................................................................................................................................... 11
2.1.2. Seera Onnee /Ragaa Sammuu/ ............................................................................................................... 12
2.1.3. Ilaalcha dhalli nama uumamaaf ............................................................................................................. 12
2.1.4. Macaafa Qulqulluu................................................................................................................................. 12
MAQAA ABBAA KAN ILMAA KAN AFUURA QULQULLUU WAAQAYYOO TOKKOO AMEEN!
SEENSA BARNOOTA AMANTAA FI UTUBA AMANTAA
2.2. MAQOOTA WAAQAYYOO ...................................................................................................................... 12

2.2.1 kakuu moofaa keessatti ........................................................................................................................... 12
BOQONNAA -3 ...................................................................................................................................................... 13
3.1.BARBAACHISUMMA AMANTAA............................................................................................................ 13
3.1.1. Fooniif .................................................................................................................................................... 13
3.1.2. Lubbuudhaaf/ሇነፍስ/ ............................................................................................................................... 15
3.2 Amantaa Baroota Adda Addaatti/ሃይማኖት በተሇያዩ ዘመናት/ ............................................................................... 15
3.1.1. Bara Abbootii /ዘመነ አበው/....................................................................................................................... 16
3.1.2 Bara Raajotaa /ዘመነ ነቢያት/ ....................................................................................................................... 18
3.1.3 Bara Waangeelaa..................................................................................................................................... 19
KUTAA 2FFAA ...................................................................................................................................................... 20
4.Iccitii Utubaawwan Shananii ................................................................................................................................. 20
4.1. Iccitii Sadummaa/Sillasee ............................................................................................................................. 21
4.1.1 Tokkummaa fi sadummaa waaqayyoo .................................................................................................... 22
4.2. Iccitii Nama ta‟uu/Foon Uffachuu ................................................................................................................ 23
4.2.1. Ragaa Kitaaba Qulqulluu irraa ............................................................................................................... 24
4.3. Iccitii Cuuphaa .............................................................................................................................................. 25
4.3.1 Barbaachisumma Cuuphaa ...................................................................................................................... 26
4.4. Iccitii Qurbaanaa ........................................................................................................................................... 26
4.4.1 Kakuu moofaa keessatti Iccitii Qurbaanaa fakkeenyaan:- ...................................................................... 27
3.5. Iccitii Du‟aa Ka‟uu Namoota ........................................................................................................................ 28
4.5.1. Ragaa kitaabaa Qulqulluu ...................................................................................................................... 29
BOQONNAA TOKKO
1. AMANTAAN MAALI/ሃይማኖት ምንድነው/
1.1.Amantaan maalii?
Amantaan Waaqayyoo eenyumma isa dhala namaaf kan ibse, kan mul‟atedha.Waaqayyoon amalummaa
isaani kan hin mul‟anne fi sammuun Ergamoota akkasummas sammuun dhala nama qoratte bira gahu
kan hin dandeenye,jireenyi isa akkaan jenne dubbachuu kan hin dandeenye.Yeroo fi iddoon murteessu
kan hin dandeenye bara baraan addunya guute kan argamu,sammuun uumamtoota yeroo fi bakkaan
murtaa‟a ta‟e qoratte bira gahu hin dandeenyedha.
Haata‟u garuu Waaqayyoo amalummaan kan hin mul‟anne,kan hin argamne ta‟uus;uumamtoonni isa
waa‟ee isa goonkumma akka hin beekne hin taasifne.akka dhiifama fi jaalala isaatti uumamtoonni isa
waa‟ee isa akka hubaattanni eenyummaa isa karaa adda addaan ibseef jira.karaan Waaqayyoo akka isa
beeknu taasise kun AMANTAADHA.Hamma dhalli nama fudhaachuu danda‟uu eenyumma isa kan
nuuf ibse dhugaadha.Waaqayyoo tokko waan ta‟eef,amalummaan isa illee kan hin jijjiramne waan
ta‟eef,amantaan[Waaqayyoon eenyumma isa kan itti ibse] tokkoo fi kan hin geedaramnedha.kanaafuu
jiraachuu kan qabu Amantaan dhugaa takka qofa.Amantaan baay‟een jira jechuun Waaqayyoo yeroo
adda addaatti waan adda addaa dubbatta,amalummaan ni geedarama,jecha jedhuu fida waan ta‟eef;kunni
immoo sammuun nama dubbachuu isaatti yaaddu waan hin qabneedha.Amalummaan Waaqayyoo kan
waan hin taaneef.kanaaf Amantaan takka qofa.kitaabni qulqulluun”GOOFTAAN
TOKKO;AMANTAAN TOKKO;CUUPHAAN TOKKOO”Efes4:5.
Amantaan daandii jireenyaa gara mootummaa Waaqayyootti nama geessudha.Eermiyaas6:16

”Daandiirra dhaabbadhaa,qalbeeffadhaa,daandii ishee dura gaafadha”jechuun isaa”Amantaadhaan
dhaabbadha,Amantaa ishee jalqaba gaafadha” jechuudha.Amantaan mootummaa Waaqayyootti nama
geessuu Amantaan ishee jalqaba qofa malee amantiiwwaan haarawaa dhufaan akka hin taanee nuu
hubaachisa.Qulqulluun Phaawuloosi daandii jalqaba kan amantaa jalqaba jechuun hiikeera.Efe4:4-
6.Amantaan kennaadha yihud1:3”Amantaa qulqullootaaf yeroo tokko kennamteef akka qabsooftaan isin
gorse isinii barreessuuf dirqama naatti ta‟e”jechuun obboleessi Yaa‟iqoobi kan ta‟e Yihudaani nuuf ibse
jira.
1.1.1. Amantaa qulqullootaa jechuun maalii jechuudha?

Gaafa uumama jalqaba Waaqayyoo Ergamoota uume, gaafa sanbata guddaa jecha qulqulluu Gaabri‟eel
irratti hundaa‟een Waaqayyoo qulqulloota kenne jechuudha.Amantaan takkittiin tun gara dhala namaatti
dhufuun qulqulloonni baay‟een keessa dabran.amantaan kun amantaa.
 Abeel obboleessa isa Qaayeen irraa kan adda bahe.Ibr11:4

 Heenook du‟a osoo hin argin Waaqayyoo kan isa fudhaate.Ibr11:5
 Abraaham abdiin isa itti raawwatedha.uum 15:5-6,Ibr11:8
 Nooh dooni fayyinaa hojjetee ittiin fayyeedha.uum6:9,Ibr11:7
 Abbaan keenya Museen mucaa mootichaa jedhamuu kan baqate fi saba Israa‟eel walin gidira
arguu kan filatedha.Ibr11:24-27.
Qopheessan:Andu’aalem Lataa G5 WRIE Bilb 0921712103 Bara 2009 Page 1
Walumagalaatti Amantaan dhugaan kun Amantaa jireenyi qulqullootaa kakuu moofaa fi kakuu haaraa
keessatti mul‟ate fi fuula Waaqayyootti eebbaa fi kabaja akka argatan taasisedha.1mot.18:18,Yaq.5:17-
19,Iyo 42:2,Ibr.11:34,far.26:1,1sam.17:45-49,Yoh.3:16-18,20:31,Rom.8:37
1.1.2.Amantaan takkittiin tun kami?

Armaan olitti akkuma ilaalle amantaan takka ta‟u hubaannerra. Amantaan takkittiin kunis amantaa
Ortodooksi Tawaahedooti.”Ortodooks”jechuun jecha Giriikii irraa kan dhufe yoo ta‟u hikaan isaas sirrii
ykn qajeelaa jechuudha.Tawaahedoo jechuun immoo Gooftaan keenya Iyyasuus Kiristoosi foon Giiftii
keenya dubree Maariyaam irraa fudhatee yeroo nama ta‟e Waaqummaan Isaa namummaa
Isaa;akkasumas namummaan Isaa Waaqummaa Isaa kan hin balleessine ta‟u kan ibsudha.moggaafama
kanaaf sababa kan ta‟e shakkittoonni waa‟ee Waaqayyoo ilaalchisee barnoota dogoggoraa barsiisaa
waan turaniif.Fakkeenyaaf:-Namni Ariyoos jedhamu Gooftaan keenya Iyyasuus kiristoos uumamaadha
jedhee barnoota dogoggoraa barsiisuu isaarraa kan ka‟e hayyootni amantaa bara 325 dhaloota
Kiristoosiin booda walgahuun barnoota dogoggora kanaaf deebii kennanii amantaa takkitti fi sirrii kan
taatee kan;kan biroorraa adda baasuuf maqaa”Ortodooks”jedhu moggaasuun yaa‟ii isaani
xumuraniru.Haauma walifakkaattuun,Namni Nisxiroos jedhamuus Gooftaan keenya Iyyasuus Kiristoosi
yeroo foon Giiftii keenya dubree Maariyaam irraa fudhatee lafa kanarratti mul‟ate Waaqummaa Isaa
dhisee nama ta‟e jechuun barnoota dogoggoraa barsiise,hayyootni amantaa bara 431tti yaa‟ii taasisuun
barumsa dogoggoraa kanaaf deebii kennanii amantaa keenyaa barnoota dogoggoraa kanarraa adda
baasuuf maqaa Tawaahidoo jedhu kennuun yaa‟ii xumuraniiruu.Tawaahidoo jechuun”Waaqnii namaa
ta‟e,namni waaqaa ta‟e “jechuudha.Gooftaan keenya dhala namaa fayyisuuf nama ta‟u,nama ta‟e osoo
jiru Waaqa ta‟u.
1.2 Amantiin maali?

Jechi amantii jedhu jecha gi‟iizii “amennee/አመነ/” jedhu irraa kan ba‟e yemmuu ta‟u hiikkaan isaas
amanuu fi amanamuu jechuudha.
 Amanuu:-jechuun ija fooniitiin arganii,gurra fooniitiin dhagahanii,lapheedhaan

yaadanii qo‟achuun kan hin danda‟amne ni danda‟ama jedhanii fudhachuu dha.
 Amanamuu:-jechuun immoo ni ta‟a,ni jedhanii amantiidhaan kan fudhatan akka
ta‟u,akka danda‟amu,akka raawwatuuf hojiidhaan deebii kennuu jechuu
dha.fakkeenyaaf:- “Namni cuuphaadhaan sillaasee irraa dhalachuu ni danda‟a “
jedhanii erga amananii booda “cuuphamuu” jechuu dha.
1.3.Yaadota jahaan Amantaan ittiin ibsamu.

Amantaan:-
1. Kan fudhatanii dha.
2. Abdiidhaan kan hubatanii dha.
3. Jaalalaan kan mul‟atuu dha.
4. Hojiidhaan kan hiikamuu dha.
Qopheessan: Andu’aalem Lataa G5 WRIE Bilb 0921712103 Bara 2009 Page 2

5. Kan hin ilaallamne kan ittiin arginu meeshaa hin mul‟annee dha.
6. Waaqayyoon kan ittiin gammachiifnuu dha.
1.3.1.Kan fudhatanii dha:-

 fudhatanii /amananii kan beekan malee beekanii kan fudhatan /amanan miti.Yoh 6:63 Yemmuu
jennu amantaan kan mataa ofiitiin qo‟atanii, beekumsa ofiitiinis beekanii sana booda hordofan osoo
hin taane fudhatanii /amananii kan beekanii dha.
 Erga amananii fi erga fudhatanii booda garuu beekuu fi ofiin murteessuuf, qorachuuf aangoo
fudhachuun ni danda‟ama.
“Kan fudhatan hundaafuu garuu maqaasaan warra amananiif ijoollee waaqayyoo akka ta‟aniif
aangoo kenneef….” Yoh 1:13,Efe 4:13
 Kanaafuu amantaa amanani kan fudhaatani.
Amantaa Cal‟isnee Kan Amannu Maaliif?
a. Amantaan fedhiidhaa ol waan ta‟eef

 Fedhiin qaamaan waan raggaasisuu dandeenyuu dha.Waaqayyo garuu afuuraa dha.Hojiin isaas hojii
afuuraa ti /hojjetamanii kan argaman/ malee qaama kan qaban miti.Yoh 4:24
 Afuura immoo fedhiidhaan hubachuun hin danda‟amu waan ta‟eef kan fudhannuu dha.
b. Sammuudhaa /beekumsaa ol waan ta’eef

 Qulqulluu Phaawuloos “akka nama sammuu qabuu akka yaadu malee yaaduuhanga barbaachisuun
olitti oftuulummaadhaan akka hin yaanne gidduu keessan kan jirutokkoo tokkoo keessan isin
gorsa….”Room.12:3,akka jedhe sammuun daangaa yemmuu qabaatu,waaqni garuu daangaa hin
qabu.
 Kanaafuu namni wanta danda‟u gochuuf yoo barbaade iyyuu waan hin dandeenyeef fudhachuun irra
jiraata.
1.3.2. Abdiidhaan kan hubatanii dha:-

 Amantaan abdii godhatan kan hubatamtee dha.Ibr.11:1
 Namni abdii yoo hin qabaanne hin amanu,yoo amanuu baates abdii hin qabaatu.
 Gara fuulduraatti abdii kan godhannu jireenya bara baraa fi mootummaa waaqayyoo nu dhaalchisuu
kan ittiin raggaasifnu amantii qofaa dha.
 Kennaa, eegumsaa fi dhiifama waaqayyoo amannee kan fudhannu abdiidhaani.
 Wantootni abdiidhaan fudhannu baay‟ee dha.Jireenya bara baraa fi mootummaa waaqayyoon dura
gargaarsi waaqayyoo fooniifis ta‟ee jireenya lubbuu keenyaaf yemmuu barbaannu kadhannaadhaan
gaafannee kan eeggannu abdiidhaani.

 Namni jireenya isaa waaqayyo irratti taasifate yeroo hundumaa abdiidhaan eeggata.Waaqayyo abdii
fi kaayyoo guutuuf /raawwachuuf hin turu.Waan gaariidhaaf tursiisus hin hambisu.Muusee du‟aa
kaasee,boolla keessaa baasee,hawwii isaa kan waaqa arguuf qabu guuteefii jira. S.ba‟u 33:18-
23,Maat.17:3
1.3.3. Jaalalaan kan mul‟atuu dha:-

 Amantaan karaa fayyina foonii fi lubbuu ti.
 Eenyummaa keenya kan miidhame nuuf haaromsee,kennaa nurraa fudhatame nuuf deebisee,foonii fi
lubbuudhaan kan nu fayyise,Tawaahidoodhaan kan kabajame fayyisaan gooftaan keenya Iyyasuus
Kiristoos jaalala isaatiini.“Kan isatti amanan hunduu jireenya bara baraa akka argataniif malee
akka hin banneef Waaqayyo ilma isaa tokkicha hanga kennuutti addunyaa akkanumatti
jaalatee jiraatii.” Yoh 3:16
 Jaalala jechuun kan hir‟ate guutuu jechuu dha.1 Yoh 3:17

 Kanaafuu amantaan kan jaalalaan mul‟atu jechuun namoota birootiif waan gaarii hojjechuudhaan
hir‟ina isaanii kan ittiin guunnu jechuu dha.
 Waaqayyoon beekuu kan dandeenyu amantaa keenya jaalalaan yemmuu ibsinee dha.
“Jaalala kan hin qabne waaqayyoon hin beeku,waaqayyo jaalala waan ta‟eef.” 1yoh 4:8
“Waaqayyo jaalala‟‟ 1Yoh 4:16
1.3.4. Hojiidhaan kan hiikamuu dha:-

 Kan jalqabaa lamaan /kan fudhatanii fi abdiidhaan kan hubatan/amanuu yemmuu mul‟isan kan
xumuraa lamaan /jaalalaan kan mul‟atuu fi hojiidhaan kan hiikamu/ immoo amanamuu mul‟isu.
 Namni tokko ni ta‟a,ni raawwata kan jedhe kan ibsu jireenya ofiitiin kan nama biroo irratti.
 Nama birooirratti kan raawwatu jaalalaan kan mul‟atu jennee kan ilaalle yemmuu ta‟u,hojiidhaan
kan hiikamu jennee kan ilaallu amanamuu keenya kan ibsu mataa ofii eegalanii hojjechuu dha.
 Fakkeenyaaf:-Icciitii Sillaasee namni amane ilmi qaama adda ta‟een nuuf nama ta‟uusaa
amanuu ni danda‟a.Icciitii namummaa /gad ofqabuu ilmaa/kan amane immoo hojii gad
ofqabummaa cuuphaa,tajaajila amala lubummaa/icciitii qurbaanaa (foonii fi dhiiga
gooftaa)/akkasumas aangoo isaatiin du‟uu isaa fi ka‟uu isaa ni amana.Jecha barumsa isaas
ni fudhata.Ni cuuphama,foonii fi dhiiga gooftaas ni fudhata,ni sooma,ni kadhata,….kkf.
1.3.5. Kan hin ilaalamne kan ittiin arginu meeshaa hin mul‟annee dha:-
 Yemmuu jennu fagaachuudhaan ykn akka malee xinnaachuudhaan ija fooniitiin kan hin mul‟anne
akka arginu kan nu dandeessisuu dha.
 Fkn:-Jaannata (gannata) fagaachuudhaan,Waaqayyoo fi ergamoota akka malee
xinnaachuudhaan,samiiwwan turban immoo fagaachuu fi xinnaachuudhaan arguun hin
danda‟amu.Haata‟u malee amantii keenyaan uumamtoota kanneen hanga nuuf ta‟u arguu ni
dandeenya.
 Waaqayyo raajolee isaa Isaayyaasii fi Yaa‟iqoobiif amala isaaniif akka ta‟utti itti mul‟atee jira.
Isaayyaas 6:1,S.Uum 28:13
 Kuni garuu “waaqayyoon kan arge tokkollee hin jiru” Yoh 1:14kan jedhu kan faallessuu miti.Inni
amala isaaniif akka ta‟utti mul‟ate,isaanis amantiidhaan waaqayyo akka ta‟e waan hubataniifiidha
malee.
 Qulqulluu Phawuloosis amantii isaa irraan kan ka‟e hanga samii 3ffaatti deemee fageenyaa fi
xinneenyaan kan jiran samiiwwan turban keessaa sadi‟ii fi yemmuu deebi‟us gannatatti boqonnaa
fudhatee gannata hundaa ilaaluuf ga‟ee jira. 2Qor. 12:2-6
 Namootni baay‟eenis ergamoota,qulqullootaa fi kan biros arguudhaaf kan ga‟an amantiidhaani.
Ibr.11:5
 Heenookis gara biheere hiyaawaan/ብሔረ ሕያዋን/ deemuudhaaf kan ga‟e amantiiisaatiini.S.Uum.5:24
 Qulqullootni hundinuu kan wareegamanii fi rakkina argan gatii boodarratti argatan kan ijaan hin
mul‟anne amantiidhaan waan ilaalaniifii dha.Ibr.11:13
1.3.6.Waaqayyoon kan ittiin gammachiifnuu dha:-

 Waaqayyoon gammachiisuu kan dandeenyu amantii fi amannee hojii hojjenuunii dha.
 Roomaawichi ajajaa dhibbaa fayyisaa gooftaa keenya Iyyasuus Kiristoos kan gammachiisee fi
ajaa‟ibsiise amantii isaan ture.Ajajaan dhibbaas dhukkubsachuu mucaasaadubbatee gooftaan keenya
dhufeen fayyisa yemmuu jedhuun “Gooftaa koo xaaraa mana kootii jala seenuun kee naaf hin
ta‟u,haata‟u malee jecha kee qofa dubbadhumucaan koos ni fayyaa.Ani immoo
bitamaadhaatii anaa gadittis gurmii nan qaba,tokkoon deemi yoon jedhe ni deema,kan biroon
koottu yoon jedhe ni dhufa;garbicha koonis kana godhi yoon jedhe ni godha.” jechuudhaan
amantii keessa isaa ibse.
 Gooftaan keenyas “Dhugaan isiniin jedha Israa‟eel keessatti iyyuu amanta guddaa akkanaa hin
arganne” jechuudhaan ajaa‟ibsiifate. Maat.8:5-12
 Sababni isaas yoo barumsaa fi caqasaan ta‟e Israa‟eel ajajaa dhibbaa kana caalaa baay‟ee
beeku.Caqasoota beekan malee gooftaa keenya beekuu hojii isaas amanuu hin dandeenye.
 Kanaafidha qulqulluu Phaawuloos:-
“Amantiidhaan ala waaqayyoon gammachiisuun hin danda‟amu” kan jedheef. Ibr.11:6
 Gooftaan keenya “jecha koo qofaan nan fayyisa,qarqara uffata koon isinan fayyisa” jedhee hin
barsiifne.Sana duras kitaabolii barreeffaman irratti raajiin akkana jedhu hin jiru.Namootni garuu
amanan,fayyadaman,galateeffaman,ajaa‟ibsiifamanis.
 Dubartiin waggaa 12 guutuu dhiigni ishee dhangala‟aa ture kan fayyite amantii isheetiini.Kan biros
kan qaqqaban fayyaniiru. Maat.14:36
 Abbaan keenya Yaa‟iqoob waaqayyoon kan gammachiise amantiidhaan.Eesaaw garuu kennaa fi
suga waaqayyoo waan tuffateef booda gaabbee boo‟ichaan barbaadus gaabbiidhaaf iddoo hin
arganne.Ibr.1217
1.4.Bu’uurri Amantaa Maali/የሃይማኖት መሠረት ምንድነው/?

Bu‟uurri amantaa kanneen armaan gadii ti.
1.4.1. Jiraachuu Uumaa

 Uumaadhaan ala waa‟ee amantaa dubbachuun gonkumaa hin danda‟amu.

 Rakkinni uumaa beekuu dhabuu uumaan hin jiru jechisiisu.

 Jiraachuun uumaa amantaadhaaf bu‟uura kan ta‟u uumamaan yemmuu amanuu baateyyuu uumaan
ofii isaan amanamaa ta‟ee jiraachuuf aangoo waan qabuufi dha.
“Of waakkachuu /ganuu hin danda‟uutii” 2Xim. 2:13
“Kan hin amanne yoo jiraate amanamuu waaqayyoo hin hambisu. Room. 3:3
1.4.2. Jiraachuu Wantoota Aangoo Qabanii

 Wantoota aangoo qaban yemmuu jennu dhugaa dubbachuudhaan akka amannuuf kan nu
dirqamsiisan jechuu dha.Isaanis kanneen armaan gadiiti.
Darbaa=ትውፊት
a.Darbaa Mana Kiristaanaa/የቤተክርስቲያን ትውፊት/:-
 Macaafni qulqulluu tokko irraa tokkotti daddarbaa,yeroodhaa yerootti barreeffamaa fi walitti

qabamaa erga jiraatee booda sababa ka‟umsa shakkitootaatiin seeraan kan murteeffamee fi asis ga‟e
darbaadhaani. Kanaafuu darbaa mana kiristaanaatiin ala macaafa qulqulluu fidhachuun hin
danda‟amu.
 Addaamii fi ijoolleen isaa akkasumas dhaloonni isaan booda turan waaqayyoon kan waaqeffatanii fi
aarsaa dhiyeessaa kan turan barumsa darbaa /walirraa fuudhaa irraa argataniini.
 Macaafolee qulqulluu irratti kan hin barreeffamne garuu manni kiristaanaa kan fudhattu ajaa‟ibni
hojii waaqayyoo baay‟eetu jiru.Kanniinis qulqulluu Maatewoos:-
“Raajotni Naaziraawii ni jedhama kan jedhan akka raawwatuuf gara magaalaa Naazireet
dhufee
jiraate” jechuudhaan macaafa raajii keessa eessayyuu kan hin jirree fi darbaa mana kiristaanaatiin
kan fudhannu kan ibse kan fakkaatanii dha. Maat. 2:23
 Gooftaan duuka bu‟ootaan “gara addunyaa deemaa,wangeelas uumama hundaaf lallabaa”
Maar. 16:15kan jedheen yeroo sanatti macaafni wangeelaa barreeffame jiraatee osoo hin taane
dubbiidhaan, jechaan dhaga‟anii kan fudhatan kan biroofis karaadhuma kanaan akka geessisaniif.
 Innis barumsa isaa yemmuu eegalu “barri xumurame, mootummaan waaqayyoos dhiyaateera,
gaabbii galaa, wangeelattis amanaa” kan jedhe barumsa isaa,dubbii isaatti malee amma nuti
wangeela jennee kan beeknu macaafni hin turre. Maar. 1:15
 Darbaan amana amantaa raajota irraa gara duuka bu‟ootaatti, duuka bu‟oota irraayis gara abbootii
amantaatti kan daddarbaa dhufe yemmuu ta‟u ammas argannee itti fayyadamuu kan dandeenyu
barsiisotaa fi beektota mana kiristaanaa irrayi.Jalqabni isaaniis duuka bu‟ootaa fi raajotaa dha.
 Kanaafidha qulqulluu Phaawuloos:-
“Bu‟uura duuka bu‟ootaa fi raajotaa irratti bu‟uureeffamtanii jirtu….” Efe. 2:23 kan jedhe.
b.Macaafa Qulqulluu/መፅሐፍ ቅዱስ/
 Macaafa qulqulluu bu‟uura amantaa kan jechisiise macaafa dhugaa dubbatuu fi aangoo malakootii
qabu ta‟uu isaati.
 Aangoo kanas kan kenneef gooftaa keenya Iyyasuus Kiristoosii dha.

“macaafa yoo amanuu baattan garuu akkamitti jecha koo amantu” jedhee Ayhuudota
akeekkachiisee jira. Yoh. 5:47
 Dukaa ka‟umsa amanuu dhabuudhaan barattoota lamaan gara Eemaahuus deemsa eegalanis onnee
isaanii akka ibiddaatti hanga gubuutti kan isaan amansiise macaafolee qulqulluu hiikuudhaani. Luq.
24:13
 Gooftaan keenya yeroo waa‟ee Al‟aazaarii fi Nawwee barsiises,Abrhaam Nawweedhaan:-
“Muusee fi raajonni ni jiruuf “ yeroo jedheenitti Nawween deebisee ,”Miti Abrahaam abbaa
hoo,
warroota du‟an keessaa tokko osoo deemeefii garuu gaabbii ni galu” jechuu isaa ibsee “Muusee
fi
raajota kan hin dhageenye yoo ta‟e warroota du‟an keessaa tokko yoo ka‟an iyyuu hin
amanan “
Luq. 16:30-31 jechuudhaan kan barsiise Muusee fi raajonnihanga yeroo sanaatti jiraatanii osoo hin
taane,”macaafota iaaniitti yoo amanuu baattan “ jechuudhaaf yemmuu ta‟u,”warroota du‟an
keessaa tokko yoo ka‟eyyuu hin amanan” kan jedheef immoo bu‟uurri amantaa ajaa‟ibaa fi
mallattoo osoo hin taane jecha macaafa qulqulluutiin jiraachuu ta‟uusaa ibsufii dha.
 Gooftaan keenyas wangeelaan “dhaloonni hamaa fi sagaagalaan mallattoo barbaada” kan

jedheef mallattoon bu‟uura amantaa waan hin taaneefii dha. Maat. 12:39
 Lissaana /luga haaraadhaan dubbachuunis bu‟uura amantaatii miti. 1Qor. 14:22
 Duuka bo‟ootaaf kennaan afuura qulqulluu kennameefii lissaanota hedduudhaan yeroo
dubbatanitti dhaabbatanii namootni dhaggeeffatan ajaa‟ibsiifachuu bira hin dabarre.Macaafa
irratti kan barreeffame waa‟ee gooftaa keenyaa hiikaa yeroo barsiisanitti garuu yeroo tokkoon
namoota 3000tu amane.Barumsi duuka bu‟ootaa kunis qindeeffamee barreeffamee kan
fudhannee dha.Lisaanichi garuu hin jiru. Hoj.duk. 2:1-37
 Kanaafuu darbaan fi macaafotni qulqulluun mana kiristanaa dhigaa dubbachuudhaan kan
ibsamanii fi bu‟uura amantaa keenyaaf aangoo kan qaban ta‟uusaa hubannee hubachiisuu qabna.
1.5. Amantaa fi Uumamtoota Amanan

1.5.1 Amantaan Eenyuuf?
 Uumamni hundinuu uumaa isaanii ni beeku.
 Uumamni uumaan uume gaarii fi hir‟ina kan hin qabne akka ta‟e,”Waaqayyo kan hojjete
hundaa ilaale,baay‟ee gaariis ture” jedhamee barreeffamee jira.S.Uum. 1:31
 Gooftaan yeroo fannifametti,aduun kan dukkanooftee,addeessi dhiiga kan uffatte,urjiinis
kan harca‟an kan fannifame eenyu akka ta‟e waan beekaniifi dha. Luq. 23:44,Maat. 27:51
 Gooftaan keenyas wangeelaan “kunniin yoo cal‟isan dhagootni ni iyyu /ni galateeffatu” kan
jedhe dhagoonni waaqummaa isaa waan beekaniifi dha.Luq. 19:40
 Uumamni hundinuu karaa nuti hin hubannuun alattiuumaa wajjiin walitti dhufeenya qabu.
Fakkeenyaaf:-Harreen Bala‟aama inni arguu kan hin dandeenyeisheen argitee jirti.Haata‟u
malee,kanneen hundayyuu amantaa barbaachisa jechuu miti.

 Amantaan kan barbaachisu “Maqaa isaa faarfatanii,kabajaa isaa dhaalanii jiraachuuf warra
uumaman qofaafi dha.”
 Kuuwwan kan uumaman faayidaa fi soorannaa fooniitiifi dha.
 Maqaa isaa faarfatanii kabajaa isaa kan dhaalan immoo namaa fi ergamoota qofaa dha.
 Uumamtoota kanneen kan biroo irraa adda kan taasisu:-
 Beekumsi kan kennameef ta‟uu
 Ergamoonni gonkumaa kan hin duune,namni immoo lubbuu hin dune kan qabu
ta‟uu isaaniiti.
 Kanaafuu,jireenya bara baraa jiraachuuf abdii kan qaban waan ta‟aniif waaqayyoon wajjiin wal-
lolanii gara si‟oolii fi ibidda bara baraatti akka hin buune amantaa fi hojii gaarii isaan
barbaachisa.
1.5.2. Amantootni Maal Qabu/ምዕመናን ምን አላቸው/ ?

 Uumamtoota 22‟n keessaa namaa fi ergamootaaf amantaa akka qabaatan gargaarsa kan godhan
beekumsi akkuma jirutti ta‟ee wantoota sadi ilaaluu ni dandeenya.
1. Fedhii bilisaa/ነፃ ፍቃድ/:-

 Uumaan dirqamaan akka isa amannu nu hin taasifne.
 Namni wanta tokkoof kan bitamu jaalatee fi eeyyameeti.
 Addaam Itsebaasii yoo nyaate maaltu akka isa mudatu,yoo nyaachuu baate kabajaa akkamiitiif
akka ga‟u itti mul‟isee bilisummaadhaan osoo dhiisuu baatee,nyaachuu isaan dura uumaan
dhoorkuunii hin dadhabu ture.
2. Filannoo/ምርጫ/:-
 Fedhii bilisaa kanaan “nu fayyada “ kan jennu filannee akka hojjennu mirga nuuf kennee jira.
3. Itti gaafatamummaa/ተጠያቂነት/:-
 Fedhii bilisummaa isaatti fayyadamee filatee murtii murteesseef itti gaafatamummaa kan
fudhatumatuma isaati.
 Namni jecha waaqayyoo dhaga‟uu dhiisuudhaaf murteessee booda hin dhageenye waan ta‟eef
akka natti hin murteessine jechuu hin danda‟u /mirga hin qabu.
 Manni kiristaanaa karaa jireenyaa,uumaa wajjiin kan wal nu qunnamsiitu,balbala samii waan
taateef guyyaa guyyaadhaan deemnee itti gaafatamummaa lubbuu keenyaa haabaanu!.
1.5.3 Amantaan Akkamittii fi Yoom Eegale?/ሃይማኖት መቼና እንዴት ተጀመረ/?

 Amantaankan eegale maqaa isaa faarsanii kabajaa isaa dhaalanii jiraachuudhaaf uumamtoonni
uumaman kan jalqabaa qulqulloonni /ergamoonni guyyaa uumamanii dha.
 Guyyaa kanatti uumaan ergamoota uumee jalaa sokke /dhokate.Kanas kan godhe sababa lamaafi
dha.
I. Uumaa akkeenya isaatiif ilaaluu kan danda‟u waan hin jirree fi akkaataan jireenya isaas
qoratamuu akka hin dandeenye beeksisuuf.
“ Yoomiyyuu taanaan waaqayyoon kan arge tokkollee hin jiru “Yoh. 1:18

“ Ifa eenyuyyuu itti dhiyaachuu hin dandeenyeen jiraata,namni tokkoyyuu hin

argine,arguus hin danda‟u ” 1Xim. 6:16
II. Beekumsi sammuu kennameefii jira waan ta‟eef qoratanii na haa beekan jechuudhaani.
 Kanarraa ka‟uunis beekumsa isaanii fayyadamanii gaafiiwwan gaafatanii jiru.Gaafiiwwanis
uumaa amanuudhaan kan eegalanii dha.“Eenyu nu uume?,Eessaa dhufne?,...” gaafiiwwan jedhan
akkuma ibsan hin beekneen malee,uumaa akka qaban kan isaan argamsiises akka jiru amananii
jiru.
 Kana booda seexanni fedhii bilisummaa isaatti fayyadamee waaqayyoo isaa dhiisuudhaan of
waaqayyoon godhee dhiyaate.Yeroo kanatti kan fudhatanii fi kan shakkan dhabamuu baatanis
ergamoonni kuuwwan xiyyeeffannaadhaan gaafiiwwan isaanii dhiyeessaniiru.
 Booda irratti garuu jecha qulqulluu Gabri‟eel “uumaan keenya hanga of nuuf ibsutti iddoo
jirrutti jabaannee haa dhaabbannu” jedheen kan jeeqamanii fi sodaatan hunduu tasgabba‟anii
dhaabatan.Of nuuf ibsa jedhanii waan amananiif yeroo kana innis lolaa ifaa gara bahaatti
dhangalaasee hojii isaatiin ifa baheef /ifa ibseef.Amantaan akkanatti qulqullootaan guyyaa
jalqabaa eegale.
 Namnis uumaa wajjiin amantaadhaan wal-qunnamuu kan eegale uumama jalqabaa kan ture
Addaam irraa eegaleeti.
 Addaamii fi Heewaan itsebalasii erga nyaatanii booda waaqayyoon jalaa dhokachuuf yaaliin
godhan dura walitti dhufeenya qaban mul‟isa.S.Uum. 3:1-8
 Fedhii bilisummaa isaanii fayyadamanii nyaachuudhaaf murteessanii nyaatanii jiru.Erga
nyaataniis booda kennaan isaanii akka irraa fudhatame,akkeenyi isaanii akka hir‟ate yeroo itti
dhaga‟ametti qaama isaanii baalaan haguuganii itti gaafatamummaa fudhatanii gara gaabbiitti
deebi‟aniiru.
1.6. Namni Amantaadhaan Ala Jiraachuu ni Danda‟aa?

 Namni wanta amanu osoo hin qabaanne jiraachuu hin danda‟u.Waaqayyoon yoo amanuu
baateyyuu kan itti amanu kan mataasaa ni qabaata.
Fakkeenyaaf:-Namni jireenya isaa keessatti kan na moo‟atu ni jira jedhee waan yaaduuf
/amanuuf ittiin nan moo‟a jedhee kan yaadu humna ykn beekumsa isaatti ni abdata. Kunis humna
ykn beekumsa isaa waaqeffachuu jechuu dha.Humna isaanii waaqeffachaa kan turan keessaa
Gooliyaad isa tokkoo dha. 1Saam. 17:1-58
 Namni tokko hin amanu jedhuyyuu amanuu dhabuun mataansaa amantii itti ta‟a.
 Namni oksijiinii malee jiraachuu akkuma hin dandeenye amantii malees jiraachuu hin
danda‟u.Oksijiinii kan fayyadaman hundi waa‟ee oksijiinii beekuu dhabuu danda‟u,namootni
kunniinis waa‟ee kan amananii beekuu baachuu danda‟u malee kan hin amanne hin jiru.
1.7. Amantaa Kiristaanaa/የክርስትና ሃይማኖት/

 Amantaa kiristaanaa kan jennu wangeelatti amanuu dha.
 Kiristinnaan amaloota ibsa mataa ishee fi seerota kan qabu waan taateef xinneessineetis ta‟u
qabxiiwwan jiran akka armaan gadiitti ilaalla.
Kiristinnaan:-
a. Amantaa mul’inaati/የመገሇጥ ሃይማኖት ናት/ :-
 Kanaan olitti wangeelaan amanuu akka ta‟e ilaalleerra.Wangeelli immoo kan dubbatu seenaa
Iyyasuus Kiristoos dhaloota isaatii hanga olba‟uutti qofa osoo hin taane mirga abbaasaa
amalummaa duraan dursee jiruun taa‟uu isaa,ajaa‟iba isaa fi hojii isaa hundaa dha.
 Kiristaanummaan akka Abrahaam daandii sammuun,akka Muusees isaan waamamuu osoo hin
taane waaqayyo nama ta‟ee akka mul‟ate kan barsiisuu dha.Qulqulluu Phaawuloosis waa‟ee kan
yemmuu dubbatu;-“Waaqayyoonis (ilmaanis) icciitiin fakkaachuu guddaa dha.Fooniin kan
mul‟ate,afuuraan kan dhugoome,ergamootaaf kan mul‟ate,alagootaan kan
lallabame,addunyaan kan amaname,kabajaan kan ol bahe.” 1Xim. 3:16 jechuun
ibsamuunii fi mul‟achuun argamuu irratti akka barsiisu dubbateera.
 Qulqulluu Daawiitis:-“Waaqni waaqotaa waaqayyos tsiyoonitti ni mul‟ata.” Kan jedhe nama
ta‟ee ni dhufa,ni mul‟ata jechuu isaa akka ta‟e ifaa dha.Faar. 86:7
 Ibsamuu /mul‟achuu kan jennus foon Addaam wajjiin tokko ta‟ee mul‟achuusaa amantaan
keenyas eenyu irratti ta‟uun akka barbaachisu barsiisuu isaati.
 Gabaabumatti amantaa mul‟inaa jechuun namoota irraa osoo hin taane waaqayyo mataa isaarraa
yeroo tokko qofa kan argame jechuu dha.“Qulqullootaaf yeroo tokko qofa gonkumaa waa‟ee
amantaa kennamtee akka qabsuurtan akkan isin gorse akka isiniif barreessu dirqama
natti ta‟e.”Yihu. 1:3
b. Addaa dha/ልዩ ናት/:-
 Amantaan kiristaanummaa addaadha yemmuu jennu waaqayyo gooftaan nama ta‟uun kan
bu‟uureessee fi dhiiga isaan hundeesse waan ta‟eefi dha. Hoj.duk. 20:28
c. Balbala dhugaati/በር ናት/:-
 Ayhuudoonnii seera ooriitii raawwachuun fayyuu akka danda‟an yaadu.Ismaa‟iloonnis
araarsummaa raajotaanii fi hojii gaarii hojjechuun waaqayyoo amanuu wajjiin akka fayyan ni
dubbatu.
 Balballi gara gannataa ittiin galan,karaan qulqulinaa fi fayyinaas tokko qofaa dha,nama ta‟ee
kan mul‟ate Kiristoositti amanuu.Karaa kanaan ala seera yoo raawwatan,hojii gaarii yoo
hojjetan,kadhannaatti yoo amananis fayyuun hin danda‟amu.“Balballi anaa dha,anaan kan
seenu yoo jiraate ni fayya,ni seenas ni ba‟as bakka bobba‟aas ni argata” Yoh. 10:9“Ani
daandii dhugaa fi jireenyaati,anaan alatti gara abbaa kan dhufu hin jiru” Yoh. 14:6
jechuudhaan gooftaan keenya akka barsiise namni daandii kanaan hin dhufne hundi abdii
fayyinaa hin qabu.
 Kiristoosiin amannee osoo hin cuuphamin,foon isaa osoo hin nyaatin dhiigasaa osoo hin
dhugin,icciitiiwwan osoo hin raawwatin garuu hojiiwwan kanaan olitti caqasaman qofa
raawwachuun dhugoomina argachuu hin danda‟uutii kiristaanummaan balbala dhiphoo
dhugoominaati. Maat. 2:13
Bara baran Ameen!!!.

BOQONNAA LAMA
2. JIRAACHUU UUMAA
2.1 Uumaa Amanuu
 Namni jalqabaa, addunyaan mul‟atuu fi hin mul‟anne eessaa argame?Bu‟uurri isaa akkamitti
dhaabbate?Qorattoonni jijjiirama suutaatiin argame kan jedhan wanti jalqabaa sun hoo eessaa
dhufe?
 Amma ho gannaa fi bona,ifaa fi dukkana,hoo‟aa fi qorra,sanyii fi calla,halkanii fi guyyaa,… kan
fakkaatan yeroo isaanii eeganii fi seerab hordofanii akka jijjiiraman kan taasisu eenyuu dha?
 Namoonni tokko tokko namni suuta suutaan dhaabbachaa deeme jedhu,haa ta‟uutii bineensonni
nama ilaalaa fi namnis isaan shaakkalchiisaa jiran maaliif dhaabbatanii hin deemne?
 Seerri jireenyaa kuni hundi akka hin jigne /hin jijjiiramne kan godhe maali?
 Namni akka sirni jireenyaa /baayooloojiin jedhutti dhiiga qofa yoo ta‟edu‟a oolchuun maaliif hin
danda‟amne?Akka hin dune gochuun yoo hin danda‟amneyyuu guddina teeknooloojii waliin
walqabatee umrii namaa gadi bu‟aa jiru dhaabuun maaliif hin danda‟amne?
 Namni amanuu baatus too‟achuu kan hin dandeenye,beekumsa ofiinis beekuu kan hin dandeenye
humni tokko akka jiru uumamni hundinuu walii galu.
 Gooftaan,uumaan uumamtoota hundaa jiraachuusaa kan ittiin beekamee fi raggaasifame ykn
jiraachuusaa akka fudhannu ragooleen nu dirqisiisan kanneen armaan gadiiti.
2.1.1. Seera Uumamaa
 Gubbaatti akkuma ibsame namni hubatu sammuu isaatti faayyadamee seera uumamaa qofa osoo
xiinxalee wanti itti himan ni jira.Kunis uumamtoonni hundinumaa wajjiin walitti dhufeenya
addaan hin cinne akka qaban hubachuu kan dandeessisuu dha.
 Ofiin kan uumamee fi kaayyoo mataasaa uumameef qofaasaa aangoo kan qabu argachuun hin
danda‟amu.Kunis kan ofii hin uumamnee fi uumaa hundaa kan ta‟e waaqni tooko akka jiru nuuf
mirkaneessa.
 Jireenya uumamtootaa yoo ilaalle waan baay‟ee nu barsiisa.Fknf:-Bineensonni guyyaa,namni
halkan maaliif hin bobbaane?
Saayinsiidhaan akkuma amanamu namnii fi biqilootni walii galtee tokkoyyuu osoo hin
mallatteessin,qilleensa namaa kan gubate /CO2/ biqiltootni,kan biqiltootaa /O2/ immoo namni akkamitti
fayyadamuu danda‟an? Yoo jenne kana hundaa seeraan kan diriirsee fi waadaadhaan kan dhaabe waaqni
tokko jiraachuu amanuuf dirqamna.
 Kanaafidha qulqulluu Daawiit:-“Samiiwwan kabajaa waaqayyoo ni dubbatu,duumessi

samiis hojii harka isaa haasa‟a” Faar. 18:1 kan jedhe.
 Qulqulluu Phaawuloosis:-“Akkeenyi hin mul‟anne innis humna bara baraa dabalees
waaqummaan isaa uumamtoota addunyaatii jalqabee kan hojjetamaniin beekamee ifa
ta‟ee mul‟ateera” jedhaa seera uumamaatiin beekamuu isaa erga ibseen booda kanatti kan hin
amanneen immoo“Kanaafis waaqayyoon beekanii akka waaqummaa isaatti waan hin

kabajnee fi hin faarfanneef waan itti abdatan dhaban, haata‟u malee yaada isaaniitiin
duwwaa ta‟anii onneen isaanii hin amannes dukkanaa‟e.” jechuudhaan ibseera. Room. 1:20-
22
2.1.2. Seera Onnee /Ragaa Sammuu/
 Seeronni uumamaa sammuu namaatti barreeffamanii jiru.

 Namni kamiyyuu ajjeesuun, hatuun,…kkf. hojii yakkaa /badaa akka ta‟an ni beeka.Kunis
himannaa sammuu itti uumaa akka dhiphatu godha.
 Fknf:-Ayhuudota kan barbadeessee fi mana qulqulleettii meeshaalee qulqullinaa hedduu kan
saame Anxiyaakoos “ija koo irra hirribni badaa onneen koos rifachaa jira.Ani bara mootummaa
kootiis sirriitti garaa laafessaa fi jaalatamaa kan ture amma maaliif akkanatti dhiphinni guddaan
narra ga‟e jedhee si‟an of gaafadhutti miidhaan Iyyaruusaaleemitti raawwadhen yaadachuu
eegale.Meeshaalee,qarshii fi warqii kan fudhadhee fi ummanni Yihuudaas akka dhumatan ajaja
kanan dabarse ragaa tokko malee ture.
2.1.3. Ilaalcha dhalli nama uumamaaf
 Dhalli namaa uumamaan gargaarsa barbaada.

 Wanta akkaan osoo qabaadhe jedhe ni hawwa
2.1.4. Macaafa Qulqulluu
 Afaan qulqulluu Waaqayyoo irraa kan argame ta‟ee kan waa‟ee Waaqayyoo dubbachuun kan
nuu barsisuu dha. Akkasumas ilmaan namoota bakka qulqullummatti kan waamuu dha. "Akkaan
qulqulluu ta‟ee isinis qulqulluu ta‟a." 1pheexiroos 15:17
 “Akka raajiini kitaaba keessa jiru kamiyyuu takkumaa hiikaa namaatiin hin dhufin duraan
dursitanii beekuu qabdu; Raajiin takkumaa fedhii namaa irraa hindhufne; garuu namoota
Waaqaattu Hafuura Qulqulluun qajeelfamee dubbate.” 2pheex 1:20-21
 Macaafni qulqulluun kan jalqabu uuman uumamtoota isa akkamitti;yommii fi maaliif akka uume
kan ibsuudha.fakkeenyaaf:-s.uum 1:1”Waaqayyoo jalqaba lafa fi samii uume”
 Macaafni qulqulluun Waaqayyoo akkamitti uumamtoota isaaf akka ofi ibse nu hubaachisa.
2.2. MAQOOTA WAAQAYYOO
Waaqayyoon tokko jiraachu namni amannu tokko maqaa Waaqayyoo beeku qaba.maqaan Waaqayyoo kan
barbaachiseef waamne ittiin wali qunnamu qofaaf osoo hin taane maqaan isa amalumma isa ibsa waan ta‟eef ittiin
galateeffachuuf.Akka abboonni keenya jedhanitti Waaqayyoo “ani Waaqayyoodha”jedhe kan ofi ibse Museen
booda.san dura garuu El-shaaday jechuun ofi ibsa ture.Maqaan Waaqayyoo guddaadha.Erm44:26.
2.2.1 kakuu moofaa keessatti
1. El-Ro‟I:-jechuunis”Waaqa isa na argu ykn ofiisaa kan mul‟isu Waaqadha”jechuudha.s.uum16:13.

2. El-shaaday:-jechuun”Waaqayyoo isa hundumaa danda‟u ykn Waaqayyoo isaa goonkumma garaa laafu ykn
Waaqayyoo gaariidha”jechuudha.se,uum 35:11,17:1
3. YAHIWEH:-jechi kun Afaan Hibruun ta‟ee hiikkaan isaatiis”Isa ta‟u,Isa jiraatu sana.Waaqayyoo gooftaan inni
bantiiwwan samii diriirse,inni biyya lafaa fi wanta isanirratti biqilu uume,inni lafaa kana irratti namootaaf hafuura
kenne,warra lafarra jiraatan hundumaafis jireenya kenne”jechuudha.”Kan akka kee tokko illee hin jiru yaa
gooftaa!waan hojjetame keessaas kan akka hojii kee hin jiru”jechuudha.
4. Elohim:-jechi kun jecha afaan Hibruu ta‟ee baay‟ina agarsiisa.Eloam kan jedhu qeenxee agarsiisa.Sabni
Israa‟elli yemmoo galaana diima ce‟an maqaa kanan farfaatani.
BOQONNAA -3
3.1.BARBAACHISUMMA AMANTAA
3.1.1. Fooniif
Fooniin ala lubbuun dhaabbachuu waan hin dandeenyeef dursa fayyada fooniif qabu ilala.addunya
kanarratti wanta Waaqayyoon raawwatame kan hubaannu Amantaan qofa.Amantaan alas Waaqayyoo
gammachisu hin dandeenyu.Ibr11:6.Amantaan fooniifis lubbuufis fayyada qaba.
A.Nageenya argatta
 Dhalli nama hunduu nageenya ni barbaada.Argachuu garuu hin dandeenye.Addunyaan nageenya

argachuu kan barbaaddu karaa alkooliin,karaa sirba fi qarshiin.karaa kanan sammuu ofi
gowwomsuudha malee nageenya argachuu hin dandeenye.
 Namni Amantaan yoo jiraatte cubbuu isa dabretti gaabbee gaabbii galuun Waaqayyoo isa wajjiin
nageenyaan jiraatta.Yoh 14:27”Nagaan isiini hambisa,nageenya Isiniifan kenna,nageenyi ani
isini kennu kan addunyaan isini kennittu miti…”jechuun nageenya isa bakka biro argachu akka
hin dandeenye nuuf ibse jira.
 Nageenyi Waaqayyoo irra argannu nageenya dhugaadha. Fil4:7 “Nagaan Waaqayyoo inni
hubannaa namaa hundumaa irra caalus, karaa Kiristoos Iyyasuusin garaa keessanii fi yaada
keessan in eega”.Isa 26:3,fak16:7
B.Suga foonii argat/በረከተ ሥጋን ያገኛል/
 Sugni inni jalqabaa ilma.Waaqayyos akkana jedhee eebbiseen:-

 “Baay‟adhaa wal-baay‟isaa, bishaan galaanaas guutaa” akkuma jedhu. S.Uum. 1:22
 Abrahaamiif suga waadaa kan galeef karaa ilma isaatiini ture. Ibr. 11:17
 Abbootii birootiifis akkanuma sugnii fi kennaan waaqayyoo inni guddaan ilma kan jedhamu kan
jaalatuuf ilma eebbifame kennuu isaan qofa osoo hin taane addunyaas fayyisuuf kan kenne ilma
akkeenya isaa waan ta‟eefi dha.
 Karaa birootiinis akka humnaa fi fedha isaaniitti amantaadhaan suga foonii kan argatan baay‟ee
dha.

 Fknf:-Daakuu ishee xinnoo qabdu tolchitee dursitee raajichaaf kennuu isheen sugaan kan
 jiraatte dubartii seeraaptaa.1Moot. 17:1-20.Raajicha waaqayyoo Eelsaa‟itti himtee amantiidhaan
gaafattee sababa zayitii xinnoo
 qabduun liqii ishee hundaa kafaltee suga jiraachuu ishee dandeessisu dubartii argatte
 kaasuun ni danda‟ama.2Moot.4:1-7
 Daani‟eelii fi ijoolleen sadan sababa amantaatiin shumburaa nyaachaa,bishaan dhugaa; foon
nyaachaa,waynii dhugaa kan turan irra qaamaan furdatanii,bifaan bareedanii argamuun
isaanii,dabalataanis beekumsa fooniitiinis harka kudhan /gonkumaa/ caalanii argamaniiru.Dan.
1:1-20
C. Fayyina foonii argatu/ድኅነተ ሥጋን ያገኛል/:-
 Dhukkuboota sababa adda addaatiin nutti dhufan irraa fayyuu kan dandeenyu amantii qofaani.
 Gooftaan keenya fooniin deddeebi‟ee yeroo barsiisetti dhukkubsattoota hedduu fayyisee
jira.Haata‟u malee kan isaan fayyisaa ture amantii isaaniitiini.
 Haalota fayyina foonii armaan gadii haa ilaallu.Gooftaan keenya:-
 Beerxemewoosiin amantiin kee si fayyiseera. Luq. 18:42
 Dhukkubsataadhaan “… ka‟iitii deemi,amantiin kee si fayyiseera.” Luq. 17:19
 Dubbartii dhiigni ishee waggaa 12 guutuu dhangala‟aa turteen “jabadhu amantiin kee si
fayyiseera .” Maat. 9:22
 Warroota ija hin qabneen /jaamaadhaan/ “akka amantii keessanii isiniif haata‟u” Maat. 9:29
 Ajajaa dhibbaatiinis “deemiitii akka amante siif haata‟u” Maat. 8:13
 Kan qaqqaban hundinuu fayyan.Maat. 14:34-36
 Fayyina foonii gonkumaa argachuun kan danda‟amu amantiidhaan qofa.
 Mana kiristaanaatti iddoowwan cuuphaa akka Saalihoom,Yoh. 5:1, cuuphaawwan akka
Yoordaanoos baay‟eetu jiru.
 Yoordaanoositti cuuphamuun kan akka Iyyoob, Ni‟imaan akka fayyan macaafni qulqulluun nu
hubachiisa. 2Moot. 5:1-19
D.Rakkina Foonii irraa ni Eegama/ከመከራ ሥጋ ይጠበቃል/፡-
 Namni uumama isaan rakkina foonii karaa adda addaan arguu ni danda‟a.
 Rakkinni kiristaanotaa garuu kan kaawwanii irraa adda ta‟uu baannaan rakkisaa dha.“ Isin
keessaa eenyuyyuu lubbuu kan baase ykn hattuu ykn wanta badaa hojjechuu ykn dhimma biro
keessa galuun rakkina akka hin fudhanne kiristaana akka ta‟uu isaatti garuu rakkinni yoo
qunnameen kanaaf waaqayyoon haa galateeffatu malee akka hin qaanofne” jedhameera.
1Pheex.4:15
 Macaafa qulqulluu keessatti waaqayyootti amanuu isaatiin rakkina foonii irraa kan eegaman
namootni baay‟een ni jiru.Kanneen keessaas:-
 Dhagaadhaan waraanamtee ibiddaan gubamtee du‟uu jalaa kan baate ykn fayyite Soosinnaa,
 Gara ibiddaatti darbatamanii qarqarri uffata iyyuu kan jalaa hin gubanne ijoollee sadan,
 Gara boolla leencaatti darbatamee kan eegame Daani‟eel,

 Hundinuu akka du‟an murtiin itti murteeffamee ajaja Asteeriin soomanii kadhatanii duuti isaanii
gara jireenyaa,gaddi isaanii gara gammachuutti kan jijjiirameef Ayhuudonnii fi kan biroos
caqasamanii jiru.
3.1.2. Lubbuudhaaf/ሇነፍስ/
 Foon fayyee lubbuun yoo fayyuu baatte namni fayyina gonkumaa argate jechuun hin danda‟amu.
 Gooftaan keenya wangeelaan:-“Namni addunyaa hunda yoo buuse lubbuusaa garuu yoo
balleesse maal fayyadaan” akkuma jedhe faayidaan amantaan lubbuudhaafisi.Kanas akka armaan
gadiitti ilaalla.
1.Fayyina lubbuuf/ሇድኅነተ ነፍስ/:-
 Fayyina lubbuutiif balballi duraa amantaa dha.“Kan amane,kan cuuphame ni fayya.” Maar.
16:16
 Kanaafidha gooftaan keenya isatti amannee akka fayyinu beeksisuuf:-“Ani balbalaa
hoolotaati,ani karaa dha,jireenyi anaa dha” jedhee kan nu barsiise.“Kan isatti amanu itti hin
murtaa‟u,kan itti hin amannetti garuu ilma waaqayyoo tokkichatti waan hin amanneef amma itti
murtaa‟eera.” Jechuudhaanis isatti amanuun jireenya bara baraa akka argannu nuuf raggaasisee
jira. Yoh. 3:16
 Ayhuudotaanis yoo isa amanuu baatan cubbuu isaaniitiin akka du‟an itti himee jira. Yoh. 6:54
 Barumsi duuka bu‟ootaas akkuma kan gooftaat ture.Amantaadhaan ala fayyinni akka hin jirre
jala muranii dubbataniiru.
 Qulqulluu Phaawuloosii fi Siilaas waardiyicha mana hidhaatiin “Gooftaa Iyyasuus Kiristoositti
amani atii fi maatiiwwan keetis ni fayyituu“ kan jedhaniin kanaafi dha. Hoj.duk. 16:31
2. Kabajaa Lubbuu/ክብረ ነፍስ/
 Namni amantaadhaan yoo jiraate kabajaa lubbuu ni argata.Kunis fayyina booda qabsuura irraa
kan ka‟e kabajaa kennamu yemmuu ta‟u kabajichis lafa irratti hanga barbaachisaa ta‟e
kennamuufii ni danda‟a.Kanas gooftaan keenya fakkeenya sanyiitiin “Tokko dhibba,tokko
jahaatama,tokkos soddoma ni buusa” jechiidhaan kan ibsee dha.Maat. 13:23
 qulqulluu Phaawuloosis qulqulloonni kabajaa lubbuutiin kabajamanii kennaadhaan qabsuuraan
guddatanii akka wal caalan si dubbatu “kabajaan aduu tokkoo dha,kabajaan addeessaas kan biroo
dha,kabajaan urjiis kan biroo dha,kabajaadhaan urjiin tokkoo tokko irraa addaa dha.”jedheera.
1Qor. 15:41
3.2 Amantaa Baroota Adda Addaatti/ሃይማኖት በተሇያዩ ዘመናት/
 Amantaan tokkoo dha.Haata‟u malee,waaqayyo of mul‟isaa kan dhufe yeroodhaani. Kana

jechuunis karaan Abrahaam ittin dubbisee fi karaan Muusee ittiin dubbise garaagara.Ganatatti
adeemsi jaalalaa gara Addaamiitti godhe mana Abrahaamitti kan mul‟ateen adda.
 Kanarraa ka‟uunis waaqa tokkotti amanuu irraa bahuu baatanis namootni bara baraan jijjiirama
dhufu wajjiin waan jijjiiramaniif wantoota haarawas waan gaafataniif,waaqayyo baroota adda
addaa karaa adda addaatiin mul‟atera.
 “Duraa jalqabee waaqayyo bifa hedduu fi karaa hedduun abboota keenya raajotaaf
dubbatee,hundumaa dhaalaa kan taasiseen deebisees baroota kan uumeen ilma isaan bara keenya
nuutti dubbatte”
3.1.1. Bara Abbootii /ዘመነ አበው/
a. Amantii Abrahaam/የአብረሃም እምነት/

Abrahaam abbaa amantii ta‟ee akka beekamu kan taasisan wantoota hedduu dha.Abrahaam dursee
abbaan isaa Taaraan bocee kan gurguru harkeedhaaf waan barbaachisu kan godhu,akka gurguru yoo
ajajamus akka ajajame kan raawwatu,eeyyama maatii /warra isaa kan raawwatu ture.
Abbaansaa gurguri jedhee kan itti kenneharkee haarawa bocame gurguruuf fuudhee yemmuu deemutti
gaafilee kaase,yoo waaqayyoon taate kophaa kootin jiraatii na dubbisi?Beela‟eeraa na nyaachisi?
Dheebodheen jiraa na obaasi?gaafiiwwan jedhan deebisuufii yeroo hin dandeenyetti “waaqayyo hin
jiru” kan jedhuun hin shakkine;”Jira” haa ta‟u malee eenyuu dha?Aduu?Qilleensa?Ibidda?Bishaan?
hundumaa yoo qoratu hir‟ina irratti arge.Ammas “hin jiru” hin jenne .Kanneen hunda kan hojjete,kan
nyaachisu,kan eegu jiraachuu qaba;Inni of naa haa ibsu yoo jedhu “waaqa aduu na dubbisi”
jedhe.Amantii isaa kanaan waaqni dubbiseen.
Kana booda kan mul‟atu,kan qaqqabamu harkee irraa kan deebi‟e Abrahaamkan hin mul‟anne,kan hin
qaqqabamne waaqayyo sagalee qofaan mul‟achuunsaa hin shakkisiifne.Caalaattuu abbummaan
Abrahaam hundaafuu akka ta‟uuf waadaa hanga galuufiitti ajaja waaqayyoo raawwachuudhaan
beekame.Kan itti aanan haa ilaallu.
 Waaqni Abrahaamiin jedhe “Biyya kee irraa,firoota kee irraas,mana abbaa kee irraas bahii gara lafa
ana si agarsiisuu deemi,…. Abraamis waaqni akkuma itti hime deeme.Looxis isa wajjiin
deeme.Abraamis yeroo kaaraan ga‟etti nama waggaa torbaatamii shanii 75/ ture…. gara kana‟aanis
galan. S.Uum. 12:1-9
Abraam gara biyya hin beekneetti yemmuu waamamu hin shakkine.Amantiidhaan deeme.Waaqayyos
“lafa kana sanyii keetiif kenna” jedheen.Waadaa biros fudhate. Waqtii kanatti waadaan isaa fi sanyii
isaatiif galame “ummata guddaa si godha,sin kabaja,maqaa kees sin kabaja,eebbifamaas ta‟i,kan si
eebbisanis nan eebbisa,kan si abaaranis nan abaara,ummanni lafa irraa hunduu si‟iin eebbifamu” kan
jedhuu dha.
 Abraahaamii fi wajjiin kaaraanii kan bahe ilmi obboleessa isaa Looxi erga addaan ba‟anii
waaqayyo itti mul‟atee “ ija kee kaasiitii iddoo ati jirtuu gara kaabaa,gara kibbaa,gara bahaa fi
gara dhihaas ilaali.Lafa ilaaltu hundaa si‟ii fi sanyii keetiif bara baraan nan kenna.Sanyii keetiis
akka cirracha lafaa lakkaa‟uu kan danda‟u hin jiru” jechuudhaan dubbate. S.Uum. 13:14-18
 Booda immoo hurufatti /iddoo homtuu hin jirretti baasee “Gara samii ilaali,urjiis lakkaa‟uu yoo
dandeesse lakkaa‟i.sanyiin kees akkana ni ta‟a” jedheen.”Abrahaamis waaqayyootti
amane;qulqullummaas ta‟ee lakkaawwameef.” S.Uum. 15:5

 Boodas waadaa galeef,abbaa ahizaabotaa akka ta‟u.Mallattoon waadichaas kittaannaa

ture.S.Uum. 17:1-14.Amantii seera laphee yemmuu kaafnu seeraa fi waadaa kennaman keessaa
dursaan kittaannaa akka ta‟e hubanna;mallattoo kan waaqayyoo ta‟uu isaanii waan ta‟eef.Namni
tokko waaqayyoon amanus kittaanamuu baannaan kan waaqaa ta‟uu hin danda‟u ture.
 Kunis fakkeenya cuuphaa ti.Namni yoo hin cuuphamin amaneera jechuudhaan qofa ilma
waaqayyoo ta‟uu hin danda‟utii.
 Abrahaam abdiin itti himame,waadaan galameef,innis amane malee Saaraa irraa ilma homaa hin
qabu ture.Booda waaqayyo mul‟ateefii “waggaa har‟aa akkuma har‟aa dhugumatti gara kee nan
dhufa,haati manaa kee Saaraanis ilma ni argatti.” Abdii jedhu kenneef. S.Uum. 18:9
 Dursees “dhugumatti haati manaa kee Saaraan ilma dhiiraa siif deessi;Maqaa isaas Yisihaaq
jettee waamtaan,isa booda sanyii saaf waadaa bara baraa akka ta‟u waadaa koo isa wajjiin
dhaaba.” Jedheenii ture.S.Uum.17:18
 Waadaa kana erga galeefii abdiis erga kenneefii booda Saaraan Aggaar irraa kan argate
Ismaa‟eel haadha isaa wajjiin ari‟i yeroo jedheenitti Abrahaam dhiphate.Waaqayyos “waa‟ee
garbittii kee fi waa‟ee daa‟imichaaf hin gaddin.Jecha Saaraan siin jettu hundaa dhaga‟I,sanyiin
kee Yisihaaqiin lakkaawwamaatii” jechuudhaan waadaa irraatti waadaa abdii irratti abdii
dabaleef.S.Uum. 21:12
 Abdii fi waadaa kana hunda booda waaqayyo Abrahaam qormaate.”Ilma kee tokkicha jaalattu
Yisihaaq fuudhiitii gara gaara Mooriyaam deemi,ani yeroon sitti hime achitti aarsaa godhiitii
naaf kenni” jedheen.S.Uum. 22:2.Qormaata Abrahaamiif dhiyaate kana yoo ilaalle wanti
sammuu qoru baay‟eetu jiru.
 Waaqayyo waadaa gale ni dagatee ykn ni dhiisee?
 Yeroo darbe kan natti himee fi amma kan na ajaju walitti bu‟a,wal-faallessa.Maaliif wanta walitti
bu‟u na ajaja? fi kkf gaafilee kaasuu dandeenya.
 Abrahaam garuu akkanatti hin yaanne.Amantiin isaa gonkumaa waan ta‟eef waadaan naaf gale
ni jijjiirama,abdiin koos ni hafa hin jenne.Ani akkan ajajame ilma koo aarsaa nan godha,inni
garuu waadaasaa hin deebisusanyii Yisihaaqiin waamamuun koo hin hafu jedhee yaade.
 Ilma isaa yoo aarsaa godhe eessaan? jechuu dandeenya.Abrahaam kan yaade dinqii ture.Du‟aa
kaasuu ni danda‟a jedhee amane.Kanaaf ilma isaa tokkicha jaalala waaqayyoof jedhee
amantiidhaan aarsaa godhee dhiyeesse. Ibr. 11:17-19
b.Amantii Yaa‟iqqob /እምነተ ያዕቆብ/

 Yaa‟qoob ilma abbaa gaarii Yisihaaqi.
 Yaa‟qoob lakkuu Eesaaw.Dursee kan dhalate Eesaaw waan ta‟eef hangafa/በኩር/ ta‟e.
 Yaa‟iqoob garuu eenyuyyuu osoo hin barsiisin,macaafileen illee osoo hin jiraatin hangafummaan
gadaamessa haadhaa banuudhaan olitti icciitii akka qabu waan hubateef guyyaa tokko harka
isaatti akka galchu amantii qaba ture.Amantii kanaan osoo jiruu obboleessi isaa adamsa/አደን/
oolee osoo hin milkaa‟in deebi‟ee buddeenaa fi ittoo akka kennuuf yoo gaafatu “hangafummaa
kee/ብኩርናህን/ natti gurguriitii siif kenna” jedheen.
 Eesaawus ni salphise,ittis ni gurgure.Yaa‟iqoobis amantiidhaan ni bite. S.Uum. 23:31-34

 Amantiin Yaa‟iqoob kan ajaa‟ibsiifamu macaafaan kan hin barreeffamne,barsiisotaan kan hin
lallabamne,darbaadhaanis kan hin arganne hangafummaa bituu jalqabuu isaati.
 “Hangafummaan ittoo missiraatiin bitamuu ni danda‟a” kan jedhu macaafnis,barumsis,gorsis
osoo hin jiraatin amantaadhaan kan argate waan ta‟eef amantii guddaa akka qabu hubachuun hin
rakkisu.Kanas qulqulluu Phaawuloos karaa Eesaawun yemmuu dubbatu:- “…… ykn waa‟ee
nyaata tokkoof jedhee hangafummaa akka gurgure akka Eesaaw nama addunyaa kanaaf mijaa‟e
akka hin taane of eegaa.Sana booda eebba fudhachuu barbaadu iyyuu akka gatame ni beektuutii;
jabaatee imimmaaniin barbaadus gaabbiidhaaf iddoo hin arganneetii.” Ibr. 12:16-17
jechuudhaan hangafummaa Yaa‟iqoob
erga fudhatee booda Eesaaw argachuu akka hin dandeenye ibseera.
c. Saaraa /ሣራ/
 Qulqulluu Phaawuloos amantii haadha teenya Saaraa yemmuu ibsu,”abdii kan kenneef kan
amaname akka ta‟e waan lakkoofteef,isheen immoo umriin ishee erga darbeen booda iyyuu sanyii
ulfaa‟uuf humna amantiidhaan argatte.” Jedheera.Ibr. 11:11
3.1.2 Bara Raajotaa /ዘመነ ነቢያት/
 Barri kun Muuseedhaa hanga Yohaannis cuuphaa kan jiruu dha.Bara kan keessa raajota qofa
osoo hin taane dursummaa Muuseetiin Gibxii kan ba‟an Israa‟eloonnii fi ijoolleen isaanii waaqayyo
waaqeffachuu seeraan,heeraan,afaaniinis/raajotaan/,macaafaanis qajeelfama raawwachaa yeroo turanii
dha.
 Namoonni yeroo sana turan jabinni amantii isaanii namaa naamatti garaagara ta‟us kan walii gala
amantaa tokko qabu “/Waaqayyo waaqaadha [እግዚአብሔር አምላክ ነው]/” kan jedhu.
 Seerri mana qulqulleessaa hundi kan hojjetame waaqayyo Muuseedhaaf gaara irratti bifa
mul‟iseenii dha.“Fakkeenya gaara irratti sitti mul‟ateen hundumaa akka gootu of eegi” jedheenii
jiraatii.Ibr. 8:6, S.Uum. 24:6-8, Ibr. 9:18
 Kuni hundinuu haa godhamu malee aarsaan kan aarfamu,wanti nyaatamus yoo jiraate kan
eeyyamamu luboota xinnoodhaaf ykn dursaa lubootaatiif qofa waan ta‟eef alummaan /ውጫዊነት/
baay‟atee kan itti mul‟atu S.Uum. 9:8-24,S.ba‟u 19:11 namas hidhaa cubbuu irraa inumaa kan hiiknee fi
waaqeffannaas gonkummaa gochuu kan hin dandeenye ture.Ibr. 10፡2.Dhiifama gonkummaas /ፍፁም
ይቅርታንም/ hin argamsiifne. Ibr. 10:4
 Seerrii fi heerri isaanii alaani /አፍአዊ/ waan ta‟eef waaqeeffannaa kan gageessanis waaqayyo
dheekkamsaan akka hin mu‟anne /akka isaan hin dhoofne,madaadhaanis /በሇምጽም/ nama irraa adda akka
isaan hin baasne sodaachuudhaan dabalatee ture.Waaqayyos akka hin tuqne kan ajajaman yoo tuqan
akka du‟an itti himee ture waan ta‟eef,ummannis baay‟ee sodaatuu fi hoollattu turan. S.ba‟u 19:0-13

 Bara raajotaa yaadni /amantiin ummataa fi raajotaa inumaa garaagara ture.Muuseen ummata
Gibxii irraa qajeelchaa yeroo baase yoo ilaalle iyyuu amantiin isaanii laphee gonkummaan akka hin
taane hubachuun ni danda‟ama.
 Waaqayyo harka dhaabbatteen /በጸናች እጅ/,irree diriirteen /በተዘረጋች ክንድ/,dinqiiwwan
kudhaniin,kudha tokkoffaa du‟a hangafootaa /ሞተ በኩር/ itti mul‟isee,galaana Eertiraa addaan kutee
Fara‟oonii fi loltoota isaa liccisiisee /አስጥሞ/ isaan immoo ceesisee jira.Halkan ifaan /በብርሃን
ዓምድ/,guyyaa duumessaan /በደመና/ qajeelcheen.Haata‟u malee lapheen isaanii waaqa akka hojii isaatti
amanee hordofuu dadhabe.
 Walakkaan isaanii waaqeffannaa harkee/xaa‟ootii/tiin muraman/ተቀሰፉ/S.ba‟u 32:1-25,1Qor. 10:7
 Walakkaan isaanii sagaagalummaadhaan. S.Lakk. 25:1-9, 1Qor. 10:8
 Walakkaan isaanii gumgumuudhaan /በማንጎራጎር/. S.Lakk. 14:36, 1Qor. 10:10
 Walakkaan isaanii hawwiidhaan /በምኞት/. S.Lakk. 11:4, 1Qor. 10:6
 Walakkaan isaanii immoo waaqayyo qoruudhaan muramanii jiru. S.Lakk. 2:4-9, 1Qor. 10:9
 Abboonni isaanii isaan booda turanis yeroo baay‟ee akka miidhanii fi gaabbiidhaanis akka isaan
deebise ilaalla.Yeroo baay‟ee dheekkamsaaf,yeroo hedduus gabrummaadhaaf dabarfamanii kennamanii
jiru.
 Bara xumuraa waqtii gooftaa keenya itti mul‟atetti warroonni turan iyyuu yoo ilaalle yaada
isaanii wajjiin walitti makuudhaan qoqqoodiinsa hedduurra akka turan seenaan isaanii ni hubachiisa.
3.1.3 Bara Waangeelaa

Barri kun bara dhalachuu gooftaa keenyaan as kan jiru yoo ta‟u, Amantii jedhame bara waangeelaa kan
waamame fi Amantaan bara kan maali akka fakkaatu ilala.
3.1.3.1 Waa‟ee Amantii barumsa gooftaa

Gooftaan keenya Iyyasuus Kiristoosi namni hunduu amannu akka qabu qofa osoo hin taanee Amantaan
maali akka ta‟e fi hanga eessa amannu akka qabnu hunda barsiise.Gooftaan keenya barumsa kan jalqabe
lallabaa Yohaannis(Mootummaan Waaqayyoo waan dhihaateef gaabbii galaa) ture.mat 4:17.Walitti
sassabamu ummata arge gaaraa dheeraa tokko irratti oli baasee waa‟ee Amantii akkamitti hojitti jijjirruu
akka qaban barsiisu ni hubaanna.mat 5:1-7.San booda namoonni amantiidhaan sadarkaa kami irra akka
jiraanni ibse dubbachuun akkamitti amannu akka qabani barsiise.fakkeenyaaf:-
 “Isin dhaloota hin amannee fi jajjal‟aa naan, hamma yommitti isinii wajjin jiraachuun anaaf
ta‟a?........Amantii hamma ija sanaaficaa geessu osoo qabaattani,gaara kanaan,‟Asii ka‟ii achi
ta‟ii‟ni jettu,gaarichis asii ka‟ee achii ni ta‟a;wanti isiniif hin danda‟amne hin jiru”mat17:17.

 "Jaalala abbaa koo isa waaqa irraa nama hojjetutu mootummaa waaqaatti gala malee, namni,
'Yaa gooftaa, yaa gooftaa' naan jechuu duwwaadhaan kan galu miti”Mat 7:20.
 , "Yoo amante ulfina Waaqayyoo akka argitu, ani sitti hin himnee ree?" yoh 11:40
 "Isin kan hin hubaanne;waan raajonni jedhan hundumaa amanuu irra duubatti kan haftani,
Kiristos dhiphana kana fudhaachuuf hundumaa dhiphatee ulfina isaatti akka galu, barbaachisaa
hin turre moo ree?Luq 24:25-26.
 "Simoon, Simoon, Seexanni akka namni qamadii gingilchu isin gingilchuudhaaf kadhate.Ani
garuu amantiin kee iddoodhaa akka hin badneef siif kadhadheera; ati yeroo itti gara Kootti
deebitutti, obboloota kee jabeessi!"Luq 22:31-32
3.1.3.2 Waa’ee amantii barumsa duuka bu’oota

Duuka bu’oonni barumsa gooftaa keenya Iyyasuus kiristoos hordoffuun waa’ee amantii gadi fageenyaan
barsiisani jiru.
 “Amantiin hojii hin qabne yoo jiraatte,inni ofuma kan du’eedha……..Akkuma dhagni hafuurri keessaa
ba'e, du'aa ta'e akkasuma amantiin hojii gaarii hin argisiifne du'aa dha”Yaq 2:14-26.
 “Amantiitti qabamtanii jirtu yoo taatan isinumti of ilaalaa{Of qoraa} 2Qor 13:5
 “Yaa obboloota koo, yeroo hundumaa waa'ee keessaniif Waaqayyoon galateeffachuun nu irra jira;
amantiin keessan safara malee guddachaa, jaalalli hundumti keessan adda addaan waliif qabdan
baay'achaa waan adeemuuf galateeffachuun keenya qajeelaadha.Ari'atamuu keessan hundumaatti
rakkina baattan keessattis obsaa fi amantiiis ni qabdaniif nuyi waldoota Waaqayyoo keessatti isiniin of ni
jajna*. 5 Kana danda'uun keessan immoo firdiin Waaqayyoo qajeelaa ta'uu isaa, isin immoo
mootummaa Waaqayyoo isa amma dhiphachaafii jirtan kanaaf kan maltan ta'uu keessan ni argisiisa”.
 ” Iyyasuus kiristoosiif amantii jaalalaan hojjechutu gatii qaba malee, dhagna qabachuu yookiis dhagna
qabachuu dhiisuu miti”.
Walumagalatti amantiidhaan kitaaba qulqulluu keessatti kan mul’atani,eenyuu fakkaachu akka qabnu,namoota
amantiidhaan galateeffamani ilaaluun ni danda’ama.
1.Amantii goonkumma:-amantii amma ija saanaficaa warra qabani.mat 8:10;15:28;Ibr 11:1;yaq 2:14-26
2.Amantii guddattu:-Namoonni akkaan Waaqayyooti amannani illee wantoota adda addaa irra ka’un shakkiin
kan irra mul’atu.fakkeenyaaf namicha daa’imti jala dhukkubsatte gara Iyyasuus fide yoo dandeesse naaf fayyisi
jedhe jechuudha.mar 8:18-29.Luq 24:13-35;1Qor16:13.
3.Amantii duute:-amantii seexana jedhames ni waamama.2xim 5:12;1xim5:8;4:1;6:20
KUTAA 2FFAA
4.Iccitii Utubaawwan Shananii
Kiristaanni tokko duraan dursee amantaa kiristaanumma keessatti wantoota sadarkaa duraatti beekuu
qabu keessa amantaachaaf bu‟uura/utubaa kan ta‟an iccitiiwwan shanan beekuun dirqama ta‟a. Namni

gara amantaa kiristaanaatti dhufu tokkos amantaacha fudhatee cuuphamuun dura Iccitiiwwan kana
shanan qulleessee beeku qaba. Akka ergaa Phaawuloos keessatti caqasameen, “Akka ayyaana
Waaqayyoo biraa anaaf kennametti akka nama mana ijaaruu beekuttis hundee manni irratti ijaaramu
kaa‟eera” 1Qor.3:10. Kunis manni hundeen isaa gadi hin fagaanne, weerartoota guyyaa fi hattuu
halkanii jalaa hin ba‟u waan ta‟eef. Iccitiiwwan kunniin utubaa amantaati. Mana tokko utubaatu dhaaba.
Manni Utubaa hin qabne akkuma bubbeetiin salphaatti fudhatamu, akkasumas , namni icitiiwwan kana
shanan sirriitti qulqulleesse/adda baasee sirriitti hin beeknees, yoosuu barnoota sobaatiin lapheen isaa
salphaatti fudhatama. Hundeen isaa waan hin jabannef jechuudha. Icitiiwwan kunniin Kan Waaqayyoo
namootni akka sirriitti waa‟ee isaa hubataniif ibseedha.
4.1. Iccitii Sadummaa/Sillasee
Icitiiwwan shanan jiran kana keessaa dursinee beekuu kan qabnu iccitii Sadummaati.Akkuma qulqulluu
Qeerloos “hunduma dura Jireenya sadummaa ibsina” jedhe. Waaqayyoo durumaan dursee yeruma nama
uumu qaamni isaa tokko ol ta‟uu isaa jalqabumarraa kakuu moofaa keessatti yeroo nama uumu
ibseera.“Koottaa akka bifa keenyaatti akka fakkeenya keenyaattis nama ni uumna” Uma. 1:26.
Jechi „koottaa‟,‟ ni uumna‟, „keenya‟ jedhu qaamni Waaqayyoo tokko ol ta‟uu isaa mul‟isa.Waaqayyo
tokko dha; qamni isaa garuu sadii dha. Isaaniis Abbaa, Ilmaa fi Hafuura Qulqulluudha. Nuttis Sadan
Waaqa tokko jennee amanna. Barsiifni akkanaa kunis iccitii sadummaa (Sillaasee) jedhama.
Waaqa tokko yoo jennuu:-Uumuudhaan, jireenyaan, taayitaadhaan, „malakootiidhaan‟ (kan hin dune)
ta‟uudhaan tokko jechuudha.Sillaaseen kabajan wal hin caalaan; umuriidhaaniis wal hin dursan.
Jireenyaan yoo jennuu immoo “Ani Abbaa keessa Abbaanis Ana keessa akka jiru hin amantuu ree?”
jedhame akkuma ibsame waliin jireenyi isaanii tokko; Yoh 14:10
Sadii yoo jennu ammo:-
A) Maqaadhaan: Abbaa, Ilmaa fi Hafuura Qulqulluu dha (Mat 28:19 “Dhaqaatii Maqaa Abbaa, kan
Ilmaa Kan Hafuura Qualqulluutiin isaan cuuphuudhaan saba hunduma bartoota koo godhaa”) jedha.
B) Qaamaan:-Abbaa, Ilmii fi Hafuurri Qulqullun Qaama kophaatti of danda‟e guutummaa guutuuti
sadiidha malee akka Addaam yookaan akka nama dhuunfaa tokkoo qaaman tokko miti. Qaamaa sadii
yoo jennu ammo akka qaama namaa miti.Qaamni namaa murtaawaadha; kan muldhatuudhaas;
xinnaadhaas; kan tortorudhas. Qaamni Sillaasee garuu akkas miti. Ardii fi samii irratti, qillensaa fi gad
fageenya keessatti kan guute, bakka hundatti kan argamu, jiraataa bara baraati.
C) Gochaan :- Gochaan yoo jennu Abbaan ni dhalche, Ilma Isaa tokkicha gara biyya lafaa kanatti erge,
Ilmi (Iyyasuus) immoo ni dhalate, ni ergame. Hafuurrii Qulqulluun Immoo Abbaa irraa bahe/argame.

Ilmaan wal qixxee tahe; Abbaa irraa bahe (Afaan Gi‟iziitiin Seretsee jedha”) jenna. Kan erges, kan
ergames immoo heeyyamuma Abbaatiin, heeyyama Ilmatiinis malee dirqamaan miti.Kana yoo jennu
“Ilmi Abbaarra dhalatee yoo jennuu, Hafuurri Qulqulluunis Abbaa Irraa bahe yoo jennu wal hin
dursan. Akka Ilmi namaa Abbaan umuriidhaan ilma dursuu miti. Akka Abrahaam Yisihaaqiin
dursu, Akka Yisihaaq Ilma isaa Yaaqoobiin dursu, wal irraa dhalachuun sadummaa akkas miti. Kun
yeruma tokkotti kan ta‟ee dha.Yeroon kun itti ta‟es hin safaramu, sammuun namaatiinis bira hin ga‟amu.
Waaqayyoo yeroo dursa Waan ta‟eef.
4.1.1 Tokkummaa fi sadummaa waaqayyoo
 Se.uum 1:26” Koottaa akka bifa keenyaatti akka fakkeenya keenyaattis nama ni uumna” Uma.
1:26. Jechi „koottaa‟,‟ ni uumna‟, „keenya‟ jedhu qaamni Waaqayyoo tokko ol ta‟uu isaa mul‟isa.
 Se.uum3:22”Kunoo namni hamaa fi gaarii beekuu isaatiin nu keessaa akka isa tokkoo ta‟eera”nu
kan jedhuu fi akka isa tokkoo kan jedhuu qaamni Waaqayyoo tokko oli ta‟u mul‟isa.
 Se.uum11:7”
 Se.uum18:1-15” Abrahaam yeroo saafaa balbala dunkaana isaa dura taa‟ee osoo
jiru,Waaqayyoo qilxuu mamree biraa isatti ni mul‟ate.Abrahaam ol ilaalee namoonni sadii isa
dura dhaabachuu isaanii arge;akkuma isaan argeen balbala dunkaanichaa dura ka‟ee,isaani
simachuuf itti fiigee,sagade”
 Isa6:1-3” Qulqulluu, Qulqulluu, Qulqulluu, Waaqayyoo gooftan maccaa” jedhee faarfachuun
isaa Qaamni Waaqa sadi ta‟uu hubachiisa.kunnis Qulqulluu Abbaa,Qulqulluu Ilmaa,Qulqulluu
Afuuraa Qulqulluu akka mul‟isu hubaachu qabna.
 Isa48:16”…. Egaa Waaqayyoo gooftaan Afuuraa isaani naa ergeera”
 Mat3:16 ”Iyyasus cuuphamee bishaanicha keessaa akkuma ba‟een bantiiwwan samii hundinuu
banaman, achumanis, Hafuurri Waqayyo akka gugetti gadi dhufee isa irra taa‟uu isaa ni arge;
sagaleen immoo “kunoo inni kun, isaan kanan gammadu, Ilmi koo ani jaaladhu kanadha” jedhee
samii irraa ni dubbate.
 Mat28:19” Dhaqaatii Maqaa Abbaa, kan Ilmaa Kan Hafuura Qualqulluutiin isaan cuuphuudhaan
saba hunduma bartoota koo godhaa”) jedha.
 Luq 1:35”Afuurri Qulqulluun si irra ni bu‟a,humni abbaas si golbooba,kanaafis mucichi si irraa
dhalattu kun qulqulluudhaa fi ilma Waaqayyoo jedhamee ni waamama”
 Yoh 14:25” "Kana hundumaa utuun isin bira jiruu isinitti himeera. Inni isiniif dubbatu Afuurri
Qulqulluun, inni Abbaan maqaa kootiin ergu garuu, waan hundumaa isin ni barsiisa,…”
 2Qor 13:14” 13 Ayyaanni gooftaa Iyyasuus Kiristoos, jaalalli Waaqayyoo, tokkummaan Afuura
Qulqulluus hunduma keessanii wajjin haa ta'u”!

Garuu qaamaan sadii ta‟anis Waaqa tokko jenna malee Waaqa sadi gonkuma hin jennu. Abbootiin,
namootni akka iccitii sadumma kana hubataniif fakkeenya kennuu yaalaniiru,fakeenyi kennamus
guutumatti ibsuu baatuus, fakkeenya fakkeenyaa gadii ta‟us. Fakkeenyaaf
 Aduun(biiftuun) Waa sadi qabdi:qaama, ifaa fi o‟a. Waa kana sadeen qabaattus garuu aduu
sadii hin jennu.Abbootni fakkeenya Ibiddaas ni kennu. Abidddi waa sadi qaba. Qaama, ifa fi o‟a.
„Ibidda fidi‟ yoo jennuu qaama isaa, „ibidda ibsi‟ yoo jennuu ifa isaa, „ibidda o‟ifanna‟ yoo jennu
immoo o‟a isaa agarsiisa. Garuu Ibidda sadi hin jennu. Ibidda tokko jenna malee. Iccitiin
sadummaatiis akkasi. Abbaa, Ilmaa fi Hafuura Qlqulluu, garuu Waaqa tokko. Kanaaf qaama
ibiddaa Abbaadhaan, ifa Ilmaan, o‟a isaa ammo Hafuura Qulqulluun wal fakkeessu.
 Ammas Abbootni fakeenya kennan, Abbaan Lapheedha jedhu, Ilmi sagalee dha, Hafuurri
Qulqulluun immoo Hafuura jireenyaati jedhu. Kanaaf Laphee Abbaatiin Yaadu, Sagalee
Ilmaatiin Dubatu, Hafuura Qulqulluudhaan bara baraaf jiraatu. Waliin jiraatu malee adda miti.
Mootummaan isaanis adda miti. Kanaaf Waaqa tokko jenna.Hafuura Qulqulluun akkamitti
Abbaa irraa bahe/argame/ kan jedhuuf immoo namni beeku hin jiru; yaada sammuu ilma
namaatii ol waan ta‟eef. Akkasumatti “yaa gooftaa kan kee Dinqiidha/ajaa‟ibadha jechuudha
malee” jedhu abbootni. Garuu waa‟ee sadummaa qo‟atanii bira gahuun hin danda‟amu. Waa‟ee
sadummaa qo‟adheen bira gaha jechuun akka bishaan galaanaa, habbuuqadheen fixa jechuuti.
Tokkuummaa fi sadummaa isaa akka beeknu icitii isaa kan nuun gahe Waaqayyoo Maqaan isaa haa ulfaatu. Ameen!
4.2. Iccitii Nama ta‟uu/Foon Uffachuu
Iccitii kana jalatti, qaamota sadan keessa qaamni inni tokko, Ilmi, Tawaahidoodhaan,dubroo
Maariyaamirraa fooniin dhalachuu, Maariyaam irraa foonii fi lubbuu fudhachuun nama ta‟ee dhalachuu,
Iyyasuus, cuuphamuu Isaa fi Ilmaan nama waanjoo gabrummaa diyaabiloos jalaa baasuuf jabana
Philaaxoos fannifamuu Isaa, du‟uu Isaa, du‟aa ka‟uu Isaa, gara Abbaa isaatti deebi‟uu isaa duuka
bu‟oota isaaf Hafauura Qulqulluu erguu isaa fi boodaas immoo gara biyyaa lafaa kanarratti nama gaarii
hojjetee fi badaa hojjete adda baasuuf akka dhufu iccitii ibsudha; gabaabumatti.
Egaa Dubroo Maariyaam irraa dhalate yoo jennuu dhaloota isa lammaffaadha. Dhaloonni inni duraa
uumama dura haadha malee Abbaa irraa kan dhalate waan ta‟eef. Qaama lamarraa qaama tokko, amala
(Bahirii jedha Gi‟iziin) lamarraa amala tokko qabaate jechuudha. Kunis Tawaahidoo(tokko ta'uu foonii
fi Waaqummaa) jedhama jechuudha.Kana yoo jennu Malakootiin(Ibidda Waaqummaa kan hin dune,
hin muldhanne, hin beelofne, hin uumamne, hin dadhabne, hin moofofne) sun foon dadhabaa
Maariyaamii irraa fudhatee ni beela‟e, ni dadhabe, ni mul‟ate, namoota wajjiniin ni nyaate, namoota
gidduus ni deddeebi‟e) jechuudha. Foon dadhabaan sun malakootii wajjin tokko ta‟e jechuudha.
Kiristoos yommuu foon dadhabaa uffatu, foon dadhaban duuti irra jirtu sun, du‟a moo‟ee ni ka‟e, Foon
dadhabaan sun ni jabaate; Foon harkaan qabamee mul‟atu sun akka hin mul‟anne ni ta‟es jechuudha.
Kanaaf amalli (bahiriy jedha afaan Gi‟iziitiin) lamaan kun tokko ta‟an (Tawaahidoodhaan).

Egaa iccitii kana beekuu dhabuudhaan yookaan immoo hiikaa gara garaa kennuudhaan amantaawwan
kiristaanaa Kan gargara ba‟uu danda‟an. Barsiisni dura ture garuu Iyyasuus foon uffatee, nama guutuu
tokko ta‟e; kan ta‟ees tawaahidoodhaan malee karaa biroon miti.
4.2.1. Ragaa Kitaaba Qulqulluu irraa

1.“Barri murameef sun yeroo guutetti garuu Waaqayyo Ilma isaa erge” (Gal 4:4) akkuma jedhu
waadaa Addamii fi Hewaaniif seene sanaaf ijoollee ijoollee keetirraa dhaladhee guyyaa 5 fi
walakkaa(Akisimaaroos) booda sin fayyisa akkkuma jedhe bara 5500 booda, Dubroo Maariyaam irraa
dubrummaadhaan fooniin dhalate. Dubrummaadhaan dhalate yoo jennu chaappaa dubrummaa osoo hin
diigiin osoo hin saaqiin dhalate jechuudha. Kanaaf Maariyaamiin erga deessee boodaas dubra jennaan
(Mat 1:18).Maariyaamiin Osoo hin da‟in dura, yeroo ulfa turtes, erga deessee boodaas dubra. Kun
ammoo fooniin qofa osoo hin taanee yaadaanis dubra(His 44:2).
2.„‟Mucaan nuuf dhalateera,ilmis nuuf kennameera;humni mootummaa isaa gatiittii isaa irra
jira;maqaan isaa;Gorsaa,dinqii,waaqayyo jabaa,abbaa bara baraa,angafa nagaa ni jedhama”(Isa
9:6”) jechuudhan waggoota hedduun dura dubbaatte jira.
3.”kanaafis waaqayyoo ofii isaatii milikkita isiniif ni kenna;kunoo ,durbi ni ulfoofti,ilmas ni

deessi,maqaa isaas „Amaanu‟eel‟ jechuunis waaqayyoo nuu wajjiin jira‟(Isa 7:14)jechuudha jedhe
Raajjii dubbate jira.
4. "….Hin sodaatinaa! Kunoo, ani misraachoo gammachuu guddaa isinittan hima. kunis saba
hundumaaf kan ta'uu dha. Har'a mandara Daawititti fayyisaan isiniif dhalateera; inni immoo
Iyyasuus goofticha”(Luq1:26-)
5.” warri banti samii keessa jiran,warri lafa irraa jiran,warri lafa jala jiranis hundinnu ulfina
maqaa Iyyasuusiif jilbeenfatanii akka sagadan godhe”(Fil2:10)
6.”Sagalichi jalqaba waan hunduma dure ture,sagalichi ofi isaa Waaqayyoo ture…. Wanti
hundinuus isumaan ta'e; waan ta'e keessaas isa malee kan ta'e tokko illee hin jiru”yoh1:1-3.
Kanaaf Ortodooksiin akkaan jetti yeroo hundaa”Ifa Ifarraa argame,Waaqa Waaqa dhugaarraa
argame,kan dhalate malee kan hin uumamne,Waaqaummaa (amalummaa) isaatiin Abbaa wajjiin
kan qixxaatu[yoh 10:30],waan hundumtuu kan isaan ta‟e,[yoh 1:3]samiirras lafarras kan
jiru,Isaan malee homtuu kan ta‟e hin jiru.Nu fayyisuuf samiirraa gad-bu‟e,hojii Hafuura
QulqulluutiinQulqulleettii dubroo Maariyaam irraa nama ta‟ee nuuf jecha fannifame,Bara
Philaaxoos Pheenxichaas gidiraa arge,ni du‟e ni awwaalame,guyyaa sadaffaattis du‟a moo‟ee
ka‟e,akkuma kitaabolii qulqullaa keessatti barreeffame ulfinaa fi galataan gara samiitti ol
ba‟e[HDB 1:9-11],mirga Abbaasaa taa‟e,Lammaffaas warra du‟anii fi jiran irratti murteessuuf
galataan ni dhufa,barri mootummaasaas dhuma hin qabu”.jette Waaqeffatti.kun dhugaadha.
Tawaahidoo yoo jennuu:

a. Wal duraa-booda argaman jechuun miti: Dura foon argamee booda malakootiin kan irrattti bu‟e
miti.
b. Dub-dur deddeebiidhaan/Milset/ miti.Fakkeenyaaf akka siiqqee Muusee, dura ulee turte, booda
immoo bofa taate, ammas immoo deebitee ulee taate, haala kanaan jechuu miti.Nama Ta‟uun Kristoos
haala kanaan miti.
c. Jijjiirramaan/Wullaaxee/ miti: jijjiirrama jechuun akka haadha-warraa Loox, akka daadhii qaanaa
Galiilaa, bishaan jijjiirame akka daadhii itii ta‟e sana‟Karaa sanaanis miti.
d. Wal makuudhaan miti: kana jechuun akka bishaanii fi ashaboo, akka dammaa fi bishaanii, akka
aannanii fi bishaanii jechuudha.Iyyasuus kan nama ta‟e kara kanaan miti.Goonkumaa kana miti.
Saababni isaas warri kun hundi erga walitti makamanii deebi‟anii adda ba‟uu waan danda‟aniif.
e. Ida‟amaan miti/tidmirt/:ida‟ama jechuun akka uffata lama walirraan uffachuuu, akka biddeena lama
sadi walirraa kaa‟uu jechuudha. Gooftaan garuu karaa kanaan miti kan nama ta‟e.
f. Tawaahidoodhaanii/tokko ta‟uu foonii fi Waaqummaa):-Eeyyee Gooftaan Tawaahidoodhaan

nama ta‟e. Kanaaf OrtodooksiiTawaahidoo jenna.Tawahidoodhaani/waliini/ jechuudha.
Tawaahidoodhaan jechuun amala lamarra amala tokko jechuudha, kan addaan hin baane, kan hin
fottoqne, kan hin jijjiiramne, kan hin deddeebine jechuudha.
Tawaahidoo jechuu kana Qulqulluu Qeerloos akkanatti fakkeenyaan ibsa. Sibiila ibidda keessaa gootee
yoo mukukkulu baasi. Sibiilichi ibidda uffata. Sibiilicha yoo rukuttu, ibidichas wajjiin rukutta. Wajjiin
battaa‟aa deema, Sibilichi osoo ibiddaan hin mukukulaa‟in dura harkaan qabuu ni dandeessa.Amma
garuu erga mukukkulee harkaan hin qabdu; si guba waan ta‟eef. Sibiilli fi ibiddi waa lama turan booda
immoo wal uffatanii tokko ta‟an jechuudha.EgaaTawaahidoonis/walummaan/akkanuma.(ተዋሕዶ ማሇት
የቃል በቃል ትርጉሙ ተዋሀደ አንድ ሆነ
ከሚሇው የግእዝ ግስ የወጣ ሲሆን ተዋሕዶ ሲል አንድ መሆን ማሇት ነው።ምስጢራዊ ፍቹ ግን ከሁሇት አካል አንድ አካል ከሁሇት
ባሕርይ አንድ ባሕርይ የመሆን ምስጢር ነው።”Qaama lamarra qaama tokko, Amala lamarra, amala tokko
akka lamaffaa addaan hin baaneetti tokko ta‟uu jechuudha. Kanaaf Iyyasuus Tawahidoodhaan
nama ta‟e; Tawaahidoodhaan namnis Waaqa ta‟e; kun iccitii guddaadha. kan hin qo‟atamne, kan bira
hin ga‟amne, Waaqayyoo garuu nuuyiif ijoollee isaatiif akka iccitii kana beknuuf kan nu
hirmaachisedha.
Yaa Waqayyoo iccitii nama ta‟uu kee, unu namoota sammuun keenya dadhabaa fi cubbuu baay‟snu kanaaf karaa tawaahodootiin ta‟uu
kan nuuf laatte galatni si haa ga‟uu. Ameen!
4.3. Iccitii Cuuphaa
Iccitiin cuuphaa gooftaa Iyyasuus umriin Isaa waggaa 30 gaafa guutetti harka Yohaannis laga
Yoordaanositti cuuphamuu isaa kan ibsuu fi kiristaanonni hundi akka cuuphamuu qaban kan ibsudha.
Kunis iccitii nu bishaanii fi Hafuura Quqlqulluu irraa lammata dhalannuudha.Sababni itti cuuphamnus
„ijoollummaa(mucummaa) Sillaasee irraa‟ argachuufi.
Sababni itti Gooftaan laga Yordanositti cuuphamef Mat 3:13,
1. Raajii Faarsaa Daawitiin himame xumuruuf:-Faarfannaan Daawitis, “galaanni argee ni baqate, lagni
Yoordaanosis gara boodaatti ni deebi‟e.”Far 114:3 raajiin jedhu waan jiruufi.
2. Xalayaa gabrummaa diyaabiloos Addaamii fi Hewaan mallateessise laga Yoordaanos jalatti awwaale
ture sana cuuphaa isaatiin balleessuuf.1Phex3:19
Cuuphaarratti ammas Qaamni Waaqayyoo sadi ta‟uun ni muldhate; Waaqni tokko ta‟uus ni argine.
Iccitiin Sadummaa sirritti namootaaf ifa ni ta‟e. Akkas jedha “Iyyasus cuuphamee bishaanicha
keessaa akkuma ba‟een bantiiwwan samii hundinuu banaman, achumanis, Hafuurri Waqayyo
akka gugetti gadi dhufee isa irra taa‟uu isaa ni arge; sagaleen immoo “kunoo inni kun, isaan
kanan gammadu, Ilmi koo ani jaaladhu kanadha” jedhee samii irraa ni dubbate. Mat3:16
Amantaa ortodoksii Tawaahidoo birattis dubartiin dhalattee guyyaa 80 ffaatti, dhiirrii guyyaa 40 tti ni
cuuphama.kufalle 4:9”Lafa itti uumame,Addam uumame guyya 40tti Hewwan guyya 80tti gara ganatti
galani”kanaaf dhiirri guyya 40tti dubartiin guyya 80tti cuuphamu.
Lew 12:1 Maaliif ijoollumman cuuphamu kan jedhuuf Wangeelli ijoollen gara koo akka dhufan hin
dhoowwinaa waan jedhuufi. Kan Cuuphamnus Maqaa Abbaa, kan Ilmaa fi kan Hafuura Qullqulluutiin .
“Dhuguman isiniin jedha eenyuyyuu bishaanii fi Hafuura Qulqulluu irraa dhalachuu yoo baate,
mootummaa Waqayyoo arguu iyyuu hin danda‟u” Yoh 3:5.
4.3.1 Barbaachisumma Cuuphaa

1. Fayyinni cuuphaadhaan: mat16:16”
2. Cuuphaadhaan bishaani fi Afuura Qulqulluu irra dhalan: yoh3:3-6”
3. Cuuphaadhaan cubbuurraa ni qulqulloofna: HDB22:16”
4. Cuuphaadhaan jireenyi haarofti ni argama: Rom 6:4”
5. Cuuphaadhaan Gooftaa keenya Iyyasuus wajjiin tokko taana: Gal 3:27”
6. Cuuphaadhaan miseensa Mana Amantaa taana: Qol 2:11-13”
Yaa gooftaa keenya, Iccitii cuuphaa nuuf ibsite, nutis cuuphamnee mootummaa Waaqayyoo akka dhaalluuf waan ijoollee kee
nu gooteef si galateeffanna. Ameen!
4.4. Iccitii Qurbaanaa
Guyyaa kamisaa galgala yommuu Irbaata nyaatan gooftaan bixxillee/hibistii/fuudhee,eebbise ,cabsee

barattoota isaatiif kenne,“fudhadhaa,nyaadhaa,kun dhagna kooti‟‟jedhe,xoofoos fudhatee
Waaqayyoof(Abbaadhaaf) galata galche,isaanifis kennee“hundumti keessan kanatti dhugaa, kun dhiiga

kooti, dhiigni kun kakuu dhaabate sana cimsuuf dhiifama cubbuu namoota baay‟etiif dhangala‟a”
jedhe.Mat 26:26.Yoh 6:54 “foon koo kan nyaatu, dhiiga koo kan dhugu jireenya bara baraa
qaba.”Kanaaf foon isaa fi dhiigini isaa har‟a bataskaanatti yeroo hunda ni qophaa‟a; jijjiramees nyaataa
fi dhiiga Iyasuus Kristoos isa dhugaa sana ni ta‟a. Lubootnis Maatii Waaqayyoof ni kennu. Yeroo hunda
kan isa hin nyaannee jireenya bara baraa waan hin qabneef. Kan isarraa nyaatu immoo hin beela‟us hin
dheebotus.Kana immoo namni tokko cubbuurraa fagaatee osoo hin shakkin fudhachuu qaba.Nama
cubbuu isaatti gaabbe ta‟uus qaba.
4.4.1 Kakuu moofaa keessatti Iccitii Qurbaanaa fakkeenyaan:-
1. Malkatseediq”(se.uum 14:6-10;Ibr 7:1-3 fi 7)
Malkatseediq jechuun mootii qajeelummaa ykn mootii qajeelaa jechuudha.Mootii Saaleem jedhamuunis
ni beekkama.Malkatseediq bara seera uumamaa keessa kan tureefi filannoo Lubummaa addaatiin Luba
Waaqayyoo ta‟ee kan filatamedha.Abrahaamis buddeenaaf daadhii(wayinii) gosa midhaanii erga fideefii
boode Malkatseediqiin eebbifameera.Lubummaan Malkatseediq Lubummaa kiristoosiin kan
fakkeeffamuuf luba bara baraa jedhamee Kiristoosi isa dhufeef fakkeenya yoo ta‟u buddeenaa fi
wayiniin immoo ulfaataa foonii fi dhiigaa kiristoosiif fakkeenya ta‟a.yoh 6:51-56.
2. Hoolaa Faasikaa(se.ba 12:1-25;yoh 1:29)
Faasikaa jechuun darbanii,utaalanii deemuu jechuudha.Ilmaan Israa‟eel deemii jalqabuun dura guyyoota
torbaaf midhaani hin bukaa‟iin maxinoo nyaachaa waan turaniif ayyaana kanaan ayyaana maxinoo
jedhu.Israa‟eelotni biyya Gibxitii bahaani Galaana Diimaa ce‟uu isaanii sababeeffachuudhaan hundi kan
ta‟eef diinas kan moo‟atan humna Waaqayyoo uumaa isaaniitiin ta‟uu isaa amanuudhaan ni kabaju.Bara
kakuu moofaas ta‟e bara kakuu Haaraa ergaan ayyaana faasikaa kennaa fayyisummaa Waaqayyoo
ibsuudha.Kakuu Haaraa keessatti fakkeenyummaan Hoolaa faasikaa warra Israa‟eelota Gooftaa keenya
Iyyasuusi Kiristoos.1Qor 5:7” Kiristoos Hoolaan faasiikaa keenya aarsaa nuuf ta'eera”.Yoh 1:29”
Barumsaa Yohannis osoo Iyyasuus gara isaa dhufuu argee akkaan jedhe"Ilaa Hoolicha
Waaqayyoo, isa cubbuu biyya lafaa irraa fuudhu”jechuun qulqulluun Phaawuloosi fi cuuphaan
Yohaannis dubbatani jiru.
4. Maannaa(ser.ba16:33)
Israa‟eelonni biyya Gibxii gadi lakkisani gara biyya waadaan galameef yommuu deemani gammojjii
keessatti beela‟ani rakkaatani.Yeroo kan hongaanna isaani Musee dhiphisani.Museenis harka isa gara
Waaqayyooti kaasuun Maannaa samii keessa buuseef nyaatani.fakkeenyummaan Maannaa ulfaataa
foonii fi dhiigaa gooftaa yoo ta‟u samiin maannaan keessa buhe immoo fakkeenyummaa haadha teenya
dubroo Maariyaam.kanaaf gooftaan akkaan jedhe” Abboonni keessani lafaa onaatti nyaata 'Maannaa'
jedhamu nyaatan, garuu du'an…. Ani buddeenicha jireenyatti isa samii irraa gad bu' ee dha;eenyu' illee

buddeena" kana yoo nyaate bara baraan ni jiraata.buddeenni ani 'biyya lafaatiif jireenya fiduudhaaf
kennus, foon koo ti isaaniin”yoh(6:49-51) jedhe.
Qurbaana Fudhachuuf Wantooota guutamuu qaban:
1. Cubbuu ofiittti gaabbuu, qiimii irraa bilisa ta‟uu;

2. Qurbaanan dura sa‟aatii 18tiif midhaan nyaachuu dhaabuu;
3. Qaamaan qulqulluu ta‟uu;
4. Wal-qunnamtii qaama saalaa irraa guyyoota muraasaaf fagaachuu dha.
Waaqayyoo Icitii kee kan nuun geese galatni siif haa ta’u. Hunduma keenya Foon gooftaa nyaannee, Dhiiga gooftaa
dhugnee akka jireenya bara baraa qooddannuuf, akka mootummaa Waaqayyoo dhaalluuf fedhiif jaalala Waaqayyo nuuf
haa. Ameen!
3.5. Iccitii Du‟aa Ka‟uu Namoota

Iyyasuus kiristoos erga fannoo irrattii lubbuu isaa dabarsee kennee booda ni awwaalame. kana booda
garuu halkan sadii fi guyyaa sadiif boolla awwaalaa keessa bulee, guyyaa sadaffaatti angoo isaatiin du‟a
mo‟atee ka‟uudhaan boolla keessaa ni bahe. Innis awwaala naaf banaa, kafana narraa hiikaa osoo hin
jedhin du‟a moo‟e ni ka‟e.Far 77:65. Waaqayyoo akka nama hirriiba ka‟uu ka‟e akkuma jedhu.
Akkuma gooftaan du‟aa ka‟e nus immoo gaafa umriin biyya lafaa kanaa kenname dhume ni kaana
jennee amanna.Barsiifni kunis Iccitii du‟aa ka‟uu jedhama.
Yommuu du‟aa kaanu immoo hojiin nu yeroo biyyaa lafa kana irratti hojjechaa turre nu waliin ni ka‟a.
Iyyasuusiis Qulqulloota isaa wajjiin ni dhufa. Innii Yeroo sanatti namoota gaarii hojjetan karaa mirga
isaa, namoota yaraa hojjetan karaa bitaa isaa irra ni dhaaba.Warra gaarii hojjetanin isin ijoollee abbaa
koo kan eebbifamtan gara koo koottaa, beela‟ee na nyaachiftan; dheebodhee dheebuu na baaftan,
hidhamee mana hidhaatii na baaftan, dhukkubsadhee na gaafattan jedhaan. Isaaniinis mooutummaa
waaqayoo kan uumama adunyaa dura isaaniif qopheesse ni dhaalchisa. Warra gara bitaatti argamaniin
garuu isin beela‟ee beela na hin baafne,dheebodhe dheebuu naa hin baasne, dhibamee na hin gaafanne,
na dura badaa jedheet komata. Gara ibidda bara baraaf laboobutti gatamu.Waaqayyoo namoota gara
mirgaa isaa dhaabatan wajjiin nu haa dhaabu.
Namni kan du‟aa ka‟u yeroo sadi Ergamootni Waaqaayyoo erga Malakatii Afuufanii boodadha.
1ffaa.Yeroo duraa foon namootaa bakka tokotti bakkaa mataa namichaa jirutti walitti ni qabama. kan
tortore, kan bishaan nyaate, kan bubbeen fudhate, kan bineensi nyaate hundi bakka tokkotti walitti ni
qabamu.
2ffaa.Malakatiin yeroo lammafaaf yeroo afuufamu /labsiin himamu/ hiddii, foonii fi lafeen wal qabatu;
reeffa ho‟aa ni fakkaata.
3ffaa.Yeroo sadaffaaf Malakatiin yoo afuufamu garuu hunduu du‟aa ni ka‟a. Dhiirri dargaggo waggaa
30, dubarri ammo shamarree waggaa 15 taatee hamma Addaamii fi Hewaan ga‟anii ni ka‟u. Kan gaarii
hojjete aduu irra harka 7 addaatee ka‟a, kan yaraa hojjete immoo arraagessa irra harka 7 gurraacha‟ee

ka‟a. Mat 24:27.Kana booda kan boo‟an akka hin boonye, kan gammadan akka hin gammadne, kan
quufan akka hin quufne, kan dheebotan akka hin dheebonne ni ta‟u.1Qor.6:29.Arjummaan isaa kan jalaa
hin dhumne Waaqayyo iccitii kan barree akka itti gargaaramnu nu haa taasisu. Ameen!
4.5.1. Ragaa kitaabaa Qulqulluu

(Yoh 11:25;Yoh 11:43;Mat 9:25;Luq 7:13)
 Isa 26:19”Warri kan keetii garuu ni jiraatu,reeffii isaanis du‟aa ni ka‟a;isin warri awwaala keessa
hundii ka‟aa gammadaa faarfaadhaa!Yaa gooftaa,fixeensi ati ergitu fixeensa jireenya
kennuudha,egaa laftis ekeraa warra du‟anii ol ni baafti”
 Iyo 19:25”
 Dan 12:1”
 Mat 22:23” Saduqoonni, warri du'aa ka'uun hin jiru jedhan,gara Iyyasuus dhufanii,……. kitaaba
qulqullaa'aa, humna Waaqayyoos waan hin beekneef ni dongogortu. Du`aa ka'uutti akka
ergamoota Waaqayyoo warra samii keessaa ta'u malee hin fuudhan, hin heerumanis. Waa'ee
ka'uu warra du'anii immoo isa Waaqayyo isiniin jedhe hin dubbifnee ree? Inni, 'Ani Waaqayyo
isa kan Abrahaam,Waaqayyo isa kan Yisihaq,Waaqayyo isa kan Yaaqoob' jedheera.Ani
Waaqayyo warra du‟ani miti, Waaqayyo warra jiraataniiti malee" isaaniin jedhe.
 Mat 25:31” 31 Iyyasuus ammoo, "Ilmi namaa ulfina isaatiin, ergamoonni Waaqayyoos hundinuu
isaa wajjin ni dhufu; yommu inni teessoo ulfina isaatii irra ni taa'a.Yommus namoonni biyya
lafaa hundinuu fuula isaa duratti walitti ni qabamu; tikseen, hoolota re`ootattii akka gargar fo'u,
innis namoota sana gargara ni fo'a….. 'Isin yaa warra abbaa kootiin eebbifamtanii, kottaa!
Mootummaa isaa isa uumama biyya lafaatii jalqabee isiniif qophaa'etti galaa!
 1Qor 15:16”Kiristoos du‟a ka‟uu ni lallabu erga ta‟ee,isiini keessa du‟a ka‟uun hin jiru akkamitti
jedhuurre?du‟aa ka‟uun erga hin jiraanne kiristoosi du‟a hin kaane;kiristoosi erga hin kaane lallabni
keessan bu‟a dhabe amantiin keessaan immoo waa‟ee hin baasuu,cubbuun keessan Ammuma iyyuu isin
irra jira……………Jireenya ammaa biyya lafaa kana irra jiraannu qofaaf kiristoos abdanna erga
ta‟ee,namoota hunduma caalaatti nuuf boo‟uu ta‟a.Ammaa garuu kiristoos warra du‟an keessa
ka‟eerra,….duuti karaa nama tokkoon akkuma dhufee,warri du‟an ka‟uunis karaa nama tokkoon
dhufeera”jechuudhaan qulqulluun Phaawuloosi namoota yeroo san akeekkachise jira.
Galanni haa ta‟u:-
Waaqayyoo Abbaaf Ilmaaf Afuura Qulqulluuf
Qulqulleettii dubroo Maariyaamiif
Fannoo gooftaa keenya Iyyasuus Kiristoosiif
Bara baraan ameen!

Barumsa amantaa

Uploaded by

Document Information

Copyright

Available Formats

Share this document

Share or Embed Document

Sharing Options

Did you find this document useful?

Is this content inappropriate?

Copyright:

Available Formats

Barumsa amantaa

Uploaded by

Copyright:

Available Formats

MAQAA ABBAA KAN ILMAA AFUURA QULQULLUU

WAAQA TOKKO AMEEN!

MOORAA YAA‟II GUDDICHAA

BARATTOOTA AMANTAA ORTODOOKSI

Qopheessan: Andu‟aalem Lataa

2.2. MAQOOTA WAAQAYYOO ...................................................................................................................... 12

Amantaan daandii jireenyaa gara mootummaa Waaqayyootti nama geessudha.Eermiyaas6:16

1.1.1. Amantaa qulqullootaa jechuun maalii jechuudha?

 Abeel obboleessa isa Qaayeen irraa kan adda bahe.Ibr11:4

1.1.2.Amantaan takkittiin tun kami?

1.2 Amantiin maali?

 Amanuu:-jechuun ija fooniitiin arganii,gurra fooniitiin dhagahanii,lapheedhaan

1.3.Yaadota jahaan Amantaan ittiin ibsamu.

1. Kan fudhatanii dha.

2. Abdiidhaan kan hubatanii dha.

3. Jaalalaan kan mul‟atuu dha.

4. Hojiidhaan kan hiikamuu dha.

Qopheessan: Andu’aalem Lataa G5 WRIE Bilb 0921712103 Bara 2009 Page 2

6. Waaqayyoon kan ittiin gammachiifnuu dha.

1.3.1.Kan fudhatanii dha:-

Amantaa Cal‟isnee Kan Amannu Maaliif?

a. Amantaan fedhiidhaa ol waan ta‟eef

b. Sammuudhaa /beekumsaa ol waan ta’eef

1.3.2. Abdiidhaan kan hubatanii dha:-

 Kennaa, eegumsaa fi dhiifama waaqayyoo amannee kan fudhannu abdiidhaani.

Qopheessan: Andu’aalem Lataa G5 WRIE Bilb 0921712103 Bara 2009 Page 3

1.3.3. Jaalalaan kan mul‟atuu dha:-

 Jaalala jechuun kan hir‟ate guutuu jechuu dha.1 Yoh 3:17

“Waaqayyo jaalala‟‟ 1Yoh 4:16

1.3.4. Hojiidhaan kan hiikamuu dha:-

1.3.6.Waaqayyoon kan ittiin gammachiifnuu dha:-

“Amantiidhaan ala waaqayyoon gammachiisuun hin danda‟amu” kan jedheef. Ibr.11:6

1.4.Bu’uurri Amantaa Maali/የሃይማኖት መሠረት ምንድነው/?

1.4.1. Jiraachuu Uumaa

Qopheessan: Andu’aalem Lataa G5 WRIE Bilb 0921712103 Bara 2009 Page 5

 Rakkinni uumaa beekuu dhabuu uumaan hin jiru jechisiisu.

1.4.2. Jiraachuu Wantoota Aangoo Qabanii

 Macaafni qulqulluu tokko irraa tokkotti daddarbaa,yeroodhaa yerootti barreeffamaa fi walitti

b.Macaafa Qulqulluu/መፅሐፍ ቅዱስ/

Qopheessan: Andu’aalem Lataa G5 WRIE Bilb 0921712103 Bara 2009 Page 6

 Gooftaan keenyas wangeelaan “dhaloonni hamaa fi sagaagalaan mallattoo barbaada” kan

1.5. Amantaa fi Uumamtoota Amanan

Qopheessan: Andu’aalem Lataa G5 WRIE Bilb 0921712103 Bara 2009 Page 7

1.5.2. Amantootni Maal Qabu/ምዕመናን ምን አላቸው/ ?

1. Fedhii bilisaa/ነፃ ፍቃድ/:-

1.5.3 Amantaan Akkamittii fi Yoom Eegale?/ሃይማኖት መቼና እንዴት ተጀመረ/?

Qopheessan: Andu’aalem Lataa G5 WRIE Bilb 0921712103 Bara 2009 Page 8

“ Ifa eenyuyyuu itti dhiyaachuu hin dandeenyeen jiraata,namni tokkoyyuu hin

1.6. Namni Amantaadhaan Ala Jiraachuu ni Danda‟aa?

1.7. Amantaa Kiristaanaa/የክርስትና ሃይማኖት/

Bara baran Ameen!!!.

Qopheessan: Andu’aalem Lataa G5 WRIE Bilb 0921712103 Bara 2009 Page 10

2.1.1. Seera Uumamaa

 Kanaafidha qulqulluu Daawiit:-“Samiiwwan kabajaa waaqayyoo ni dubbatu,duumessi

amanneen immoo“Kanaafis waaqayyoon beekanii akka waaqummaa isaatti waan hin

2.1.2. Seera Onnee /Ragaa Sammuu/

 Seeronni uumamaa sammuu namaatti barreeffamanii jiru.

2.1.3. Ilaalcha dhalli nama uumamaaf

 Dhalli namaa uumamaan gargaarsa barbaada.

2.1.4. Macaafa Qulqulluu

2.2. MAQOOTA WAAQAYYOO

2.2.1 kakuu moofaa keessatti

1. El-Ro‟I:-jechuunis”Waaqa isa na argu ykn ofiisaa kan mul‟isu Waaqadha”jechuudha.s.uum16:13.

Qopheessan: Andu’aalem Lataa G5 WRIE Bilb 0921712103 Bara 2009 Page 12