AGENDRE TRINITASI

MINGGU, 14 Juli 2024

Pelayan:
Agendre: SNK. A. Hendrik Tel.
Huhuo: Pdt. Yar. Gulo, M.PdK

FAMA’ANÕ
Sh : Ya’ami ira talifusõ, ta’owuawua’õ dõdõda wangalulu khõ Lowalangi.
Musindro zato, manunõ ita Buku Zinunõ numero 5. SUNO YEHOWA
YA’IA ZALAWA (Ayati 1-2)

1. Suno Yehowa Ya’ia zalawa zorugo

Tõdõgu suno Yehowa sokhõ fa’ebua
Mi’ae manõ niha sato, sanuno. Awai zisõkhi ba niha.
2. Suno Yehowa da’ö zangamöi si so fefu,
me Irorogö mbotoda fao awö nosoda.
Ibe’e na wa’omuso dödöda. Tafosumange Yehowa!

FANGA’ARO’Õ FASUMANGETA
Sh : Fangorifida ba dõi Yehowa so, si no mombõi banua si yawa awõ danõ.
FANGOWAI
Sh : Yafaofao khõmi Lowalangi.
St : Amin . . . Amin . . . Amin . . . (Mudadao zato)

TAROMALI FAMASAO
Sh : Datafondrondrongo daroma li Lowalangi nibaso famasao, moroi ba
zura Yo’eli 1:10-12
10 No mubali’õ tanõ si mate mbenua ba no sabu tõdõ danõ salo’o; noa
sa mufufu zinanõ ba nowi, otufo nõsi nagu, ariri wanikha. 11 Ya afusi
mbawami wa’aila, ya’ami sangahalõ, ba mi’ege’ege, ya’ami sokabu
nagu, ba gandru andrõ ba ba ze’iri; me si lõ boto sa’ae mbasitõ ba
nowi. 12 Tõla nagu ba no mate, ba ara, ba aleu, ba he dalimo ba ohi

1
 ba ma’ufa, ba eu ba mbenua fefu, ba oi matemate; ba noa sa ogo’õ
wa’omuso dõdõ nono niha.
Tatema’õ faoma sinunõ moroi ba Buku Zinunõ numero 269.
DÖNADÖNA TÖDÖ (Ayati 1-2)
1. Dönadöna tödö khö zo’aya! Yai’a zanolo, Lowalangida.
Lö ata’u, Yesu nawögu. Ono Lowalangi lö faröi khögu.
Na fa’afökhö, na famakao, möi ita khöNia, sangefa’ö.
2. Dönadöna tödö khö Zo’aya! Ya’ia zanolo Lowalangida.
Na dania, mate ita sa, lö ata’u ita gofu hadia.
Me fa’amate no telawa khö Keriso Yesu si so khöda.

FANGANDRÕ FANGEFA HORÕ

Sh : Tebe’e ginõtõ ba mbanua niha Keriso ba wangandrõ fangefa horõ
zamõsana. Mangandrõ ita… (Mangandrõ ba dõdõ 2-3 menit).
Amin.
(Manunõ) Na ubini’õ horõgu khõ Yesu, ba lõ usõndra wa’ahono dõdõ.
U’ombakha’õ fefu horõ khõgu, molala dõdõ.

FA’EBUA DÕDÕ ZO’AYA

Sh : Me no mi’ombakha’õ horõmi ba wogamõ fangefa, ba na sindruhu
mangesa dõdõmi ba horõmi, wanõtõna fangorifi khõ Yesu Keriso, ba
no I’efa’õ khõmi horõmi fefu Lowalangi. Imane taroma li Lowalangi :
Sahakhõ tõdõ Yehowa ba sebua tõdõ; ebolo sibai dõdõNia ba no
obõwõ sibai Ia. Tenga si lõ mamalõmalõ watahisaNia, ba fõnuNia, ba
tenga si lõ aetu.
(Manunõ) Lowalangida no fa’omasi, Lowalangida wa’omasi. Andrõ
samuza tõ ufaduhu’õ, Lowalangida wa’omasi.

TAROMA LI LOWALANGI FANUTURU LALA

Sh : Musindro zato, tafondrondrongo daroma li fanuturu lala, si so ba zura
Matai’o 22:37-40
37 Ba imane khõnia: ”Omasi’õ Zo’aya ya’ugõ, Lowalangiu andrõ,
moroi si’aikõ ba dõdõu, nosou ma’asambua zangomasi’õ ya’ia, ba
õhorigõ gera’erau, wangomasi’õ ya’ia.” 38 Da’õ zebua goroisa, da’õ zi

2
 fõfõna. 39 Ba sambua tõ, si fakhilikhili khõnia: ”Omasi’õ zahatõ khõu,
si mane fa’omasiu ndra’ugõ.” 40 Ba goroisa si dombua andrõ
manandrõsa goroisa fefu, awõ niŵa’õ zama’ele’õ andrõ.
Tatema’õ faoma sinunõ moroi ba Buku Zinunõ numero 271. LALA: HE
YESU KHÖU U’ANDRÖ TOLO (Ayati 1-2)
1. Same balazi Lowalangi ba sanötöna khö-Nia.
Da’ö zanöndra fangorifi ma’asagötö ya’ia.
So’aya dötönafögu ba lö mangiwa dödögu.
2. Lö guna na mangaröngarö, ba na tabusi dödöda,
he ba zi bongi, he ma’ökhö, lö tafamalömalö sa;
ha nönö wa’afökhö wö nisöndra fefu ba da’ö.
(Mudadao
zato)

ORAHUA ZANUNÕ
Sh : Tebe’e ginõtõ ba wolohe sinunõ sumange Lowalangi moroi ba
- ...
- ...
SINUNÕ FAMA’ANÕ BA WAMONDRONDRONGO TAROMA LI
LOWALANGI
Sh : Datafa’anõ ita ba wamondrondrongo taroma li Lowalangi, manunõ ita:
No soga Yesu farongogõ, liMõ si mõi aurifa ba.
Tõdõma bakha ba honogõ fa bõi te’ala noso sa,
Ena’õ oi mabe’ ba dõdõ, duria fangorifi noso.

HUHUO
Sh : Tahonogõ dõdõda mangandrõ ita:
He Ama Lowalangima si so ba zorugo. No fondrege wa’ebua dõdõU
khõma ba wangorifi ya’aga fefu. Ma’andrõ saohagõlõ khõU ma’õkhõ
me moroi ba wa’omasiU õfalukhaisi ndra’aga fa’abõlõ daroma liMõ
3
 Ni’amoni’õ, sangeheta ya’aga ba zira’ira’iõ, same’e khõma haga ba
fa’ohahau dõdõ, si no amaedola mbõbõ talu fangaro wamati ba
wolawa fa’abõlõ horõ. Fatõngõni’õ khõma daroma liMõ andrõ si tobali
haga ba lalama ba ngaluo si so fõnama, ba wamalua si sõkhi si faudu
ba zomasi’õ. Ma’andrõ da’e ba dõi zo’aya ya’aga Yesu Keriso, amin.
Fombaso Bõrõ Huhuo
Sh : Bõrõ huhuo khõda ma’õkhõ andre, tebaso moroi ba zura Habakuki
3:17-19
17 Na lõ mobowo āra ba na lõ bua nagu, na si lõ fakhai mbua zai ba
na lõ falukha gõ ba danõ na ambõ biribiri ba kandra ba na lõ saŵi ba

kandrara, 18 ba ya’odo, ba somuso tõdõ zui ndra’odo ba khõ

Yehowa, owuawua dõdõgu khõ Lowalangi sangorifi ya’o!

19 Fa’abõlõgu Yehowa, So’aya! Timba gahe mbõhõ gahegu ibe’e, ba

ba zalaŵa yaŵa ifatõrõdo. — Khõ duka wanunõ; nilau biola nitika.
Sh : Ya’ahowu zamondrondrongo taroma li Lowalangi, same’e ba dõdõ, ba
solo’õ ya’ia ero ma’õkhõ. Haleluya!
Haleluya… haleluya … haleluya…
Famotokhi bõrõ huhuo
Tuho : “Lõ Farõi Khõda Zo’aya/ Tuhan Tak Pernah meninggalkan
Kita”
Nitanõ ba dõdõ
Habakuki 3:19a
“Fa’abõlõgu Yehowa So’aya”

FAMADUHU’Õ FAMATI NIHA KERISO

Sh : Musindro zato, tafaogõ lida ba wamaduhu’õ famati niha Keriso, nifalua
dozi samati ba zi sagõtõ ba ba zi sagõrõ tanõ.
Ya’o mamati khõ Lowalangi Ama si lõ ambo fa’abõlõ, sombõi banua
siyawa awõ danõ. Ya’o mamati khõ Yesu Keriso So’aya Ya’ita, Ono
4
 Lowalangi si ha samosa, nitema ninania Maria khõ Geheha
Ni’amoni’õ. Ono nono alawe Ia. No manaõgõ huku Ia barõ mbawa
Wondrio Filato, teforõfa Ia, mate, ba lako’o. No mõi Ia ba mbanua niha
tou, no maoso Ia moroi ba ngai zi mate me no irugi tõlu ngaluo. No
manahae Ia mõi ba zorugo, mudadao ba gambõlõ Lowalangi Ama, si
lõ ambo fa’abõlõ. I’otarai da’õ mangawuli Ia dania ba wanguhuku niha
sauri awõ zi no mate. Ya’o mamati khõ Geheha Ni’amoni’õ, ba ufati ha
sambua banua ni’amoni’õ, fefu niha Keriso, fa’awõsa ba niha
ni’amoni’õ, fangefa horõ, femaoso mboto zi mate ba fa’auri si lõ aetu,
amin. (Mudadao zato)

FANGOWULOI FASÕMBATA
Sh : Tebe’e khõda ginõtõ ya’ita dozi samati ba khõ Keriso wangowuloi
sumange fasõmbata, buala fangandrõ saohagõlõ soguna ba
wangebua’õ banua Lowalangi. Imane taroma li Lowalangi:
Na so zangatalisi tanõmõ, ba lõ oya’oya ibasi, ba na so zi lõ alimagõ
tanõmõ, ba oya gõi ibasi dania. Si no saohagõlõ fame’e da’õ zomasi
Lowalangi.
Ba wangowuloi da’õ, manunõ ita moroi ba Buku Zinunõ numero 265.
LALA: HEWISA ITA BA HEWISA DÖDÖ (Ayati 1-3)
1. He no abölö zifa’udu khöda, sedöna mangalani ya’ita.
Ba he fahöna gabula dödöda, ena awuwu wa’abölöda.
Ya böi tebulö ita khö Zo’aya fasöndra ita ba talawa ae!
So’aya zi fasöndra salahida, ba lö mangiwa sa dödöda ae.
2. Me lö tebato wolohi Gafökha, si no manörö lala wamati,
si no tobali banua Zo’aya wanema luo Yesu, fa’auri,
si so fangöna si oroi zorugo, si lö faröi solo’ö Keriso,
ba lö te’ala lö fa’aekhu gölö, itema ita Tua Yesu wö.
3. Ya lö tebulö dötönafö khöda, nibe’e Yesu ba zi möna sa,
sorugo ae tobali göi nahada, ha si tobini ba götöda na.
5
 Tabe’e fönada ero ma’ökhö, omuso dödö ba wogamö ö,
buala Yesu si sökhi si’aikö, ba si to’ele ba khö-Nia wö.

Fangandrõ ba zumange fasõmbata

Sh : Tafasao zumange fasõmbata khõ Lowalangi, mangandrõ ita: . . . .

ANGOMBAKHATA

FANGANDRÕ SALAHI
Sh : Manunõ ita moroi ba Buku Zinunõ numero 277. BA DANGA
LOWALANGI (Ayati 1)
1. Ba danga Lowalangi be lalamõ andrõ
Ifaigi ifolala zabu dõdõ khõmõ
Ya’ia zamatõrõ angi ba lawuo
Isõndra gõi khõu lala, nitõrõ gahemõ.

Sh : Musindro zato, tafaogõ dõdõda ba wangandrõ salahi, mangandrõ

ita: . . . . .
(itohugõ) : Angandrõwama andre, ma’andrõ ba dõi NonoU Yesu
Keriso, si no mamahaõ ya’aga ba wangandrõ, endronga lida:
He Ama khõma si so ba zorugo, ya te’amoni’õ dõiU, ya tobali banuaU
fefu niha. Ya itõrõ zomasi Ndra’ugõ ba gulidanõ hulõ simane ba
zorugo. Õma sirugi ma’õkhõ be’e khõma ma’õkhõ andre. Ba efa’õ
khõma horõma simane fangefa’õma sala ba zi so sala khõma. Ba bõi
ohe ndra’aga ba wanandraigõ, ba efa’õga ba gafõkha. Me khõU
mbanua, awõ wa’abõlõ, awõ lakhõmi irugi zi lõ aetu, amin.

FAMATENGE BA FAMA’EMA HOWUHOWU

Sh : Mi’angawuli, yatobali ami solohe fa’ohahau dõdõ ba niha fefu, ba
mitema howuhowu:

6
 Yamufahowu’õ ami Lowalangi,
Yamurorogõ ami,
Yamufohaga mbawaNia khõmi,
Yamu’ebua’õ dõdõNia khõmi,
Yamufalemba hõrõNia khõmi,
Ba yamube’e wa’ohahau dõdõ khõmi fefu, amin.
Amin… amin… amin…
Sh : Ya’ahowu.