Professional Documents
Culture Documents
ANG ABAKADA NG TUNAY NA PAGIBIG
ANG ABAKADA NG TUNAY NA PAGIBIG
A- aalagaan kita
Isa kang bulaklak na hindi ko hahayaang malanta
Ang mga talulot mo ang pinakamaganda
Walang halong bola
at hindi ko kakailanganing magsinungaling
kasi mananatili ka talagang maganda
dahil asahan mo, aalagaan kita.
DA - dadamayan kita
sa bawat pagtawa, at pagtangis
sa bawat pagpunas mo ng pawis
Naaalala ko pa yung unang beses na nasaktan ka dahil sa pag-ibig Naaalala ko pa kung paano ka
nahulog
Kung ilang beses ka hinele ng “let me be the one” ni jimmy bondoc bago ka matulog.
Noong mga panahong ang pinakamalaking problema mo na sa love life ay ang hindi mo sya
makasama pagkatapos ng klase dahil cleaners ka.
Nandun ako, kasama mo habang naglilinis ka.
Pinupunasan ng basang basahan ang blackboard ng puso mo na tila ibang Abakada ang
natutunan.
E - eengganyuhin ka ng mundo
(na aralin at tanggapin) na ang pag-ibig ay isang emosyo’n
isang dapog na kung saan ang panggatong ay
nakukuha lamang sa mga tingin, sa mga haplos,
at sa mga salita ng taong ginawa mong diyos
Marami nang nasaktan at napaso sa mapandayang silakbo ng damdamin
Hindi ka man umamin, alam kong isa ka sakanila
Kaya naman nangako akong
GA - gagamutin kita
kapag duguan ka na’t nakahandusay
at pakiramdam mo'y wala ka nang lakas para mabuhay
HA - hahanapin kita
dahil
I - iiwan ka ng mundo
Pero ang tunay na pag-ibig ay mananatili
Katwiran nila: ang mga kontinente nga naghihiwalay, tayo pa kaya?
Pero hindi nila naiintindihan na sa konteksto ng pag-ibig
hindi ka kontinente, ikaw ang mundo ko
at habang mayroong kalawakan patuloy kang umiikot sa araw ko
LA - lalaban ako
kahit na tila mas marami ang dilim sa pagitan ng mga tuldok tuldok na liwanag sa langit
MA - mamahalin kita
kahit na ang ibig sabihin noon ay ang pagsalo ng lahat ng inani mong pasakit
NA - nanakawin ko
lahat ng kirot sa puso mo
NG sugat sa isip mo
SA - sasaluhin kita
gamit ang mga kamay na ikaw mismo ang nagpako, pangako
WA - wawasakin kita
Pupungusan hanggang sa sukuan ka ng sarili mong damdamin
hanggang sa ang nadurog mong puso ay maaari ko nang salain
Maniwala ka, mas mahirap to para sakin
pero dahil mahal kita kailangan kitang subukin
Huwag kang mangamba.
dahil sa gitna ng lahat ng durog na bato at mga pader na tumumba yayakapin kita.