Saayikoolojii Dagaaginaafi Kaawunsiliingii

(Developmental and Counseling Psychology)

(Psyc-1232)

Biiroo Barnoota Oromiyaa

Onkololeessa, 2016

Finfinnee, Oromiyaa

i
Saayikoolojii Dagaaginaafi Kaawunsiliingii
(Developmental and Counseling Psychology)

(Psyc-1232)

Wayitii kennameef: (Cr Hr): 2

Kaadhimamtoota Barsiisotaa Sagantaa Dippilooma (12+2) tif

Yeroo itti kennamu: Waggaa 2ffaa Sem. 1ffaa

Qopheessaa:

1. Addisuu Hordofaa (MA), KBB Fiichee

ii
Contents
Boqonnaa Tokko ........................................................................................................................................... 7
Maalummaa Saayikooloojiifi Yaad-Rimeewwan Dagaagin Dhala Namaa .................................................. 7
1.1. Hiikafi Yaad Rimeewwan Saayikoolojii ....................................................................................... 7
1.2 Galmawwan Saayikoloojii ............................................................................................................ 8
1.3 Hiika Saayikoolojii Dagaaginaa.................................................................................................... 9
1.4 Yaad-rimeewwan Dagaagina Dhala Namaa .............................................................................. 10
1.4.1 Hiikawwan fi Jechoota bu’uuraa Dagaagina Dhala namaan walqabatan ............................. 10
1.5 Dhugawwan Dagaagina Daa‟imanii keessati bu‟uura ta‟an ....................................................... 11
1.6 Toorawwan Dagaagina Dhala Namaa......................................................................................... 15
Boqonnaa Lama .......................................................................................................................................... 24
Yaad-Hiddamoota Dagaagina Dhala Namaa (Theories of Humaan Development) ................................... 24
2.1 Yaad- Hiddama Dagaaginaa Saayikoo-Saala‟oo „Sigmund Freud‟ ............................................ 25
2.3 Yaad-Hiddama Dagaagina Saayikoo-Hawaasummaa „Erik Erikson‟ ........................................ 28
2.4 Hojiirraa oolmaa Yaad-hiddama Saayiko-hawaasummaa Eriksan Ademsa baruu fi
2.5 Yaad-Hiddama Dagaagina yaad-sammuu „Jean Piaget‟ ................................................................... 31
2.6 Yaad-hiddama dagaagina Murtee safuu „Lawrence Kohlberg‟ .................................................. 34
Boqonnaa Sadii ........................................................................................................................................... 39
Sadarkaalee Dagaagina Dhala Namaa ................................................................................................... 39
3.1 Dagaagina Dhalootaan Duraa ........................................................................................................... 39
3.1.1 Sadarkaalee Dagaaginaa Dhalootaan Duraa .............................................................................. 39
3.1.1. Qabattoota Daggaagina Dhalootaan Duraa ..................................................................... 42
3.1.2 Dagaagina Dhalootaan Boodaa ........................................................................................... 43
Boqonnaa 4 ................................................................................................................................................. 45
Gaayidaansiifi Kaawunsiliingii Barumsaa .................................................................................................. 45
Seensa Boqonnichaa ................................................................................................................................... 45
4.1 Yaad-rimee Gaayidaansii .................................................................................................................. 46
. Amaloota Gaayidaansii ..................................................................................................................... 46
Galma Gaayidaansii ............................................................................................................................. 47
4.2 Kaawunsiliingii ................................................................................................................................. 47
4.2.1 Garaagarummaa Gaayidaansiifi kaawunsiliingii ........................................................................ 48

3
4.2.4. Amaloota Kaawunsilarii ............................................................................................................ 50
4.2.5 Adeemsa Kenna kaawunsiliingii ................................................................................................. 50
4.2.6 Ogummaawwan Bu‟uuraa kaawunsilerii................................................................................... 50

4
Odeeffannoo waa‟ee Koorsichaa

Maqaa Koorsichaa: Saayikoolojii Dagaaginaafi Kaawunsiliingii

Koodii Koorsichaa: Psyc-1232

Yeroo kennameef (Cr Hr): 2

Kan fudhatu: Kaadhimamtoota Barsiisotaa Sagantaa Dippiloomaa

Yeroo itti kennamu: Waggaa 2ffaa Sem. 1ffaa

Seensa Moojulichaa

Dagaaginni dhala namaa guyyaa fertilizashinii irraa kaasee hanga dullumaatti kan itti fufu ta‟ee
toorawwan dagaaginaa kanneen akka dagaagina qaamaa, yaad-sammuu, currisa, hawaasummaafi
safuufi of keessatti qabata. Adeemsi baruu barsiisuu sadarkaalee dagaaginaa kanneen irratti kan
hundeeffameedha. Moojulli kuns yaadota kanneen giddu galeeffachuun boqonnaa gurguddaa
afur of keessaa qaba. Boqonnaa 1ffaan maalummaa saayikoolojiifi dagaagina dhala namaa,
boqonnaa 2ffaan yaad-hiddama dagaagina dhala nama, boqonnaa 3ffaan sadarkaalee dagaagina
dhala namaafi boqonnaan dhumaa ammo waa‟ee gaayidaansiifi kaawunsiliingii kan
dubbatuudha.

Moojuulli kun kaadhimamtoonni barsiisotaa gochaalee barannoo isaanii haala barattootatiin wal
simsiisanii qindeessuu akka danda‟niifi daa‟imman barsiisaniif kunuunsa gahaa laachuu akka
danda‟aniif hubannoo bu‟uuraa kan laatudha. Kanaafuu kaadhimatoonni barsiisotaa barumsicha
haalan yoo hordofanii fii gochaawwan gara garaa moojuulicha keessatti eeraman sirritti yoo
hojjattan muuxannoo gabbataa bor hojii isaanii keessatti isaan gargaaru argachuu danda‟u.

Galma koorsichaa:
Erga Koorsii kana barattee xumurtee booda: waa‟ee dagaagina dhala namaa, tajaajila
gaayidaansii fi kaawunsiliingii hubachuun gochaalee barannoo, meeshaalee deeggarsa barnootaa,
malleen baruu-barsiisuufi malleen iyyaafannaa sadarkaa dagaagina barattootaa waliin deemu
qopheessuufi itti fayyadamuu dandeessisuudha. Dabalataanis, ijoollee rakkoo barachuu qaban
adda baasuufi deeggarsa barbaachisu kennuuf ga‟umsaafi kaka‟umsa ni horatta.

5
 Gahumsa koorsichaa
Kaadhimamaa/tuu barsiisaa/tuu xumuura koorsii kanaatti:

 Hiikkaa saayikolojii jecha mataa keetii fayyadamtee ni himta
 Yaada ijoo yaad-hiddamoota dagaagina dhala namaa ni hubatta
 Sadarkaalee dagaagina dhala namaa garagaraa ni hubatta
 Toorota dagaagina akkaataa yaad hidama garaa garaatin adda baastee ni hubatta
 Faayidaa dagaagina dhala namaa beekuun qabu adeemsa baruu fi barsiisuu keessatti itti
fayyadamta.
 Amaloota dagaagina dhala namaa sadarkaalee gara garaa akkaataa deeggarssi gahaan
barattootaaf itti kennamu ni dinqisiifatta.
 Haala itti barattootaaf gorsi itti kennamu ni qaaccessita.
 Barattoota rakkoo naamusaa qaban daree barnootaa keessatti toftaalee itti adda baafatan
irratti hubannoo ni argatta.
 Amaloota gorsaa gaariin tokko qabaachuu qabu ni calaqifta
 Haala Iyyaafannaan Koorsii Kanaa itti Gaggeeffamu

lakk Gosa iyyaafannaa Ulfaatina Marsaa %

1 Battallee 5 3 5*3 = 15
2 Dhiyeessii (gareen ykn dhuunfaan) 5 2 5*2 = 10
3 Piroojektii 5 2 5*2 = 10
4 Hojii daree 5 1 5*1 = 5
5 Qormaata walakkeessaa 20 1 20*1 = 20
6 Qormaata xumuraa 40 1 40*1 = 40
Ida‟ama 100%

6
 Boqonnaa Tokko

Maalummaa Saayikooloojiifi Yaad-Rimeewwan Dagaagin Dhala Namaa

Seensa Boqonnichaa

Kaadhimamaa/tuu barsiisaa/tuu! Dagaaginni haala hundagaleessa kanneen akka qaamaa, yaad-

sammuu, currisa, hawaasummaa kan of keessatti hammatuudha. Boqonnaa kana keessatti
qabxiiwwan maalummaa Saayikoolojiiifi yaad-rimee dagaagina dhala namaa ilaalta. Boqonnaan
kun kan irratti xiyyeeffatu hiikaa saayikoolojii, galmawwanfi hiikaa saayikoolojii dagaaginaati.
Dabalataanis yaad-rimeewwan daagaagina dhala namaa, dhugaawwan dagaagina daa‟immanii
keessatti bu‟uura ta‟an, toorawwan dagaagina dhala namaafi gahee ykn hojiiwwan dagaaginaa
ogummaa barsiisummaaf si barbaachisu of keessatti hammata. Akka walii galaatti yaad-
rimeewwaniifi gochaawwan mata duree boqonnaa kanaa waliin walqabatan adda addaa
shaakaluun, gahumsa boqonnaa kanaaf barbaachisu sadarkaa yaadsammuutti, ogummaafi
ilaalchatin jijjiirrama ni argisiifta.

Gahumsa Boqonnichaa
 Xumura boqonnaa kanaatti kaadhimamaa/tuu barsiisaa/tuu:
 Hiikaa saayikoolojii hima mataa keetti fayyadamtee nihimta
 Galmawwan saayikoolojii ni ibsita
 Yaad-rimeewwan dagaagina dhala namaa nihubatta
 Dhugaawwan dagaagina daa‟immanii keessatti bu‟uura ta‟an nitarreessita
 Toorawwan dagaagina dhala namaa adda nibaafatta
1.1. Hiikafi Yaad Rimeewwan Saayikoolojii


Gochaa1
i. Jecha mataa keetii fayyadamuun saayikoloojii ibsi?
ii. Barnoonni saayikoloojii waa‟ee maalii irratti waan xiyyeeffatu sitti fakkaata?

Jechi Saayikoloojii (Psychology) jedhu jechoota giriikii lama saayikee fi loogas irraa kan
fudhatame yommuu ta‟u, Saayikee jechuun sammuu, lubbuu, afuura‟fi „loogas‟ jechuun

7
immoo qo‟annoo ykn beekumsa jechuu kan ibsu dha. Kanaaf jalqaba irratti Saayikoloojiin
salphumatti kan waa‟ee sammuu ykn afuuraa qo‟atu jedhamuun hiikni itti kennamaa ture. Hiikan
saayikoolojii ammayyaa “Saayikoloojin saayinsii yaad qalbii fi taateewwan sammuu namootaaf
bineensotaa kan qoratu” akka ta‟etti hiikama. Hiika saayikoloojii ammayyaa kana keessatti
qabiyyeewwan sadiitu jiru. Isaanis: Saayinsii (science), yaad qalbii (behaviour) fi taateewwan
sammuu (mental process) kan jedhu dha.

Saayinsii (Science): Saayikoloojistoonni adeemsa qorannaa yaad qalbii fi taateewwan sammuu

dhala namaa fi bineensotaa keessatti mala saayinsaawaatti fayyadamu.

Yaad qalbii (Behaviour): yaad qalbiin gochawwan mul‟ataa (outward or overt actions) fkn,
dubbachuu, sosochii qaamaa fi kkf fi, taatee hin mul‟anne (hidden or covert actions) fkn yaaduu,
xiinxaluu, fi kkf ta‟uu danda‟a.

Adeemsawwan/ Taateewwan sammuu keessaa (mental processes): Kuni kan ibsu gochaalee
dhokatoo hin mul‟annee sammuu keessaa kan akka yaadachuu, miiressuu, yaaduu, hubachuu,
kkf hammata.


Gocha 2
1. Kaadhimamaa barsiisaa/tuu hiikaa saayikoolojii armaan olitti kennamaniin alatti hiikaa
yeroo adda addaatti beektota adda addaatin kennaman leenjitootatti himi.
2. Jechoota saayinsii, yaad-qalbiifi adeemsawwan sammuu keessaa jedhu ilaalchisee waan
duraan beektu irratti hubannaa maalii dabalatte? Dareef ibsi.
1.2 Galmawwan Saayikoloojii


Gochaa 3
i. Kaadhimamaa Barsiisaa/tuu! galmawwan barnoota saayikoloojiiti jettee kan yaaddu
leenji‟aa chinaakee taa‟utti himi. Gaaridha!
ii. Saayikoloojistoonni waa‟ee yaad qalbiifi taateewwan yaad-sammuu yommuu qoratan
maal maal fa‟i hojjetu jettee yaadda?

8
Akka gosa barnoota saayinsii tokkootti saayikoloojiin galmawwan mataa isaa danda‟e afur qaba.
Isaanis:

 Yaad-qalbii xiinxaluu (Describing Behavior): Xiinxalli, yaada qalbii fi xiyyeeffannoo isaaf

godhamu hundaa kan of keessatti qabatu dha. Innis gaaffilee akka „maaltu uumamaa‟ jiraa?
Eessatti uumamaa? „Eenyurratti uumamaa jiraa? fi „ Haala akkamii keessatti kan uumamu
ta‟uu danda‟aa?‟ kan jedhuuf deebii kan barbaadu dha.
 Yaad-qalbii Ibsuu (Explaining Behavior): wanti uumamaa jiru maaliifi? Kan jedhuuf
deebii kan kennu dha. Kana jechuun, ibsuun waa‟ee yaada qalbii dawwatame sanaaf sababa
kennuu yaala.
 Yaad-qalbii Tilmaamuu (predicting Behavior): Waanta uumame irraa ka‟uun gara
fuula duraatti bu‟aa yaada qalbii tokko hordofee dhufuu danda‟u raaguu dha. Fkn Barataan
umurii xiqqaa akka ijoollee umurii isaa caalannitti waa raawwata
 Yaad qalbii Fooyyessuu/to‟achuu (modifying/controlling behaviour): Galmi
saayikoloojii inni kun yaad qalbiin tokko akkamitti fooyya‟aa ykn to‟atamaa kan jedhuuf
deebii kan barbaadu dha. Yaada qalbii hawwataa hin taane (undesirable behaviour) gara
yaada qalbii hawwataatti ( to desirable behaviour) fooyyessuu /jijjiiruu ykn to‟achuu dha.
1.3 Hiika Saayikoolojii Dagaaginaa


Gocha4
i. Kaadhimamaa barsiisaa/tuu Saayikoolojii dagaaginaa jechuu jechuu dhageessee
beektaa? Gaaridha! Mee hiriyaa keetitti himi.
ii. Garaagarummaan saayikoolojiifi saayikoolojii dagaaginaa maal sitti fakkaata?
Ibsi.

Saaykolojiin Dagaaginaa damee saaykolojii keessaa tokko ta‟ee haala saayinsaawaa ta‟een
jijjiirama dhala namaa irratti ammuma umuriin dabalaa adeemu muuldhatu kan qo‟atuudha.
Saayikoolojiin dagaaginaa haala waliigalaa umrii guutuu nama tokkoo kan qo‟atuudha. Haala
kanaan saaykolojii marsaa guutuu jreenyaa (Lifespan psychology) jedhamuunis beekama.
Dameen saaykoloojii kun dabalatanis jijjiirama sadarkaalee dagaagina irratti mul‟atan, Yaada,

9
 qaama, dandeetii rakkoo hiikuu, dandeettii afaaniifi eenyummaa ofii addaan baafachuu fi kkf kan
qo‟atuudha (Santrock.1999).

1.4 Yaad-rimeewwan Dagaagina Dhala Namaa

1.4.1 Hiikawwan fi Jechoota bu‟uuraa Dagaagina Dhala namaan walqabatan

 GBYXGQ: Xumuura barannoo kanaatti

 Jechoota bu‟uura dagaagina dhala namaan walqabatu nitarreessita
 Toorawwan dagaagina dhala namaa kam fa‟a akka ta‟an nitarreessita
 Gahee namni tokko sadarkaa dagaaginaa adda addaa keessatti qabaachuu qabu
ni ibsita



Gochaa 5
1. Jechoota bu‟uuraa dagaaginaa dhala namaa Guddina, Bilchina, Barachuu fi dagaagina
garaagarummaa isaanii qaaccessun gabaasi?
2. Piriinsipiloota daggaagina dhala namaa kam fa‟i akka ta‟e beektaa? Mee tarrreesi
3. Toorawwan dagagina dhala nama maal maal sitti fakkaata?
4. Garaagarummaa toorawwan dagaaginaa gidduu jiru ibsi.
Guddina: jechuun jijjiirama qaamaa ykn hangaan kan safaramuu danda‟uu sababa jijiirama
caasalee qaamolee alaa fii keessoo irratti raawwatuun dhufuudha.

Bilchina: jechuun jijjiirama sababa dabalaa adeemuu umuriin fi dhaala sanyiin walqabatee nama
tokko irrati mul‟atu dha. Humna waliigalaa dhala namaa irratti jijiirama uumamuudha.

Barachuu: barachuu akka “Slavin” (1997) ibsetti jijjiirama yaada qalbii hanga tahe tokko nama
keessa turtii qabuu fi sababa muuxannoo fi shaakala ykn wantoota naannoo keenya jiranuun
waliin qunnamtii taasisnu irraa kan dhufu dha.

Dagaagina: dagaaginni akka Santrock, (2011) ibsetti jijjiirama waliigalaa gama

bayoolojikaalawaa, yaad sammuu, currisa fi hawaasummaa uumama irraa hanga du‟aatti nama
tokko irrati mul‟atu dha. Dagaagina = Guddina + Bilchina + Barachuu

10
 HB: Barsiisaa mee kaadhimamaan/tuun barsiisaa/tuu jechoota bu‟uuraa dagaagina dhala
namaatif akka fakkeenya mataa isaanii kennan taasisaa. Yoo isaan dogongoran deeggaraa!


Gocha 6
1. Kaadhimamaa barsiisaa/tuu! Mee jijjiirrama barattuu Siingitan kana ilaali! Dheerinni ishee
1.65m, kan semisteera duraa caalaa guntutni ishee guddatee jira, barreeffamni ishee
yeroodhaa gara yerootti bareedaa dhufe, akkasumas kabajniifi ulfinni isheen namaaf qabdu ni
dabale.

1.5 Dhugawwan Dagaagina Daa‟imanii keessati bu‟uura ta‟an

GBYXGQ: Xumuura barannoo kanaatti:
 Dhugawwaniifi sirnawwan dagaagina dhala namaa keessatti bu‟uura ta‟an ni
 tarreessita.
 Dhugaawwan dagaagina daa‟immanii fakkeenyan deeggaruun ni ibsu


Gocha 6
2. Kaadhimamaa barsiisaa/barsiistuu! Dhugaawwan dagaagina dhala namaa waan beektu
qabdaa? Gaaridha! mee isa yaada keetii qabdu barataa/ttuu cinaa kee jirutti/tutti himi?

A. Walittifufiinsa (Continuity)
 Dagaaginni jijjiirrama walittifufaa ta‟e hordofuun uumamaa kaasee hanga du‟aatti kan deemu
dha. Umurii gara jalqabaatti dagaaginni daa‟mman irrati mul‟atu bilchina fi guddina qaama
irrati mul‟atu qofaa oso hin tahiin amalafi sammuu daa‟imaa irrattis ni mula‟ata.
 Erguma bilchinni xumureen boodallee dagaaginni ittuma fufa. Jijjiiramni kunis hanga
xumura jireenya nama sanaatti (du‟aatti) kan deemu ta‟a.
 Jijjiiramni dagaaginaa dabalaa deemuu qofa osoo hin taane waantooni haala ammaan duraa
irraa hir‟ataa demanis jijjiirama dagaaginaa keessatti hammatama.

11
 B. Walduraa duuba (Sequentiality)
 Saaykolojistoonni hedduun akka irrati waliigalanitti, Dagaaginni tartiiba duraaduuba tahe
hordofee kan deemudha. Dhalli namaas ta‟e bineensoliin biroo hundi duraaduuba dagaagina
kan mataa isaani tahe hordofanii ni dagaagu.
 Dhalli namaa hundi garuu akka waliigalaatti haala walfakkaatu ykn tartiiba wal fakkaatu
hordafee dagaaga.Waytii dhaloota duraa keessatti dhiibban dhaala sanyii guddaa waan ta‟eef
dagaaginni namoota hundaa tartiiba murataahe takko hordofee raawwata.
 Waytii dhaloota booda garuu akka hayyoonni dhima hawaasummaafi saaykolojistoonni
jedhanitti dagaaginaaf hariiron bineeldotaa fi naannoo isaanii giddutti taasifamu caalatti
murteessadha jedhanii amanu.
 Dhalli namaa jireenya isaa fooyyeffachuu jecha naannoo isaarratti akkuma dhiibbaa geessisu
naannoonis dhiibaa isaa nama irratti geessisa. Kallattii dagaaginaa dhalli namaa hordofee
dagaagu dhaloota duras tahe booda gama lamaan akka tahe hayyoonni kunneen ni eeru. Isaanis
 Mataa irraa gara miilaa
 Gidduu irraa gara alaatti ykn dhiyoo irraa gara fagootti akka tahe
hayoon ni mirkaneessu.
 Daa‟mni kamiiyyuu gara sadarkaa dagaaginaa itti aanuti ce‟uuf jalqaba sadarkaa irra jiru
sanarratti bilchinafi amala sadarkaa sanatti irraa eegamu guutee argamuu qaba.
 Yoo kana tahuu baate dagaaginni sadarkaa itti aanu keessatti haala gaariin fiixaan bahuu hin
danda‟u. Sababni isaa dagaaginni adeeemsa walduraa duuba qabu ykn tartiiba hordofee kan
deemu waan ta‟eefi.
C. Gooroo irraa gara Gooreetti (Generality to Specificity)
 Hayyoonni saaykolojii dagaaginaa biroon ammoo dagaainni gooroo irraa gara gooreetti kan
deemu dha jedhanii amanu.
 Dagaagina hunda keessatti dandeettii gocha tokkoo raawachuu nama tokkoo keessatti
dandeetin gooroo dandeettii gooree durseet dagaaga. Fkn daa‟imman battala dhalatanitti qaama
isaanii tokko qofaa isaa sochoosuu hin danda‟ani.Yeroo kanatti qaama isaanii waliigalaa al
tokkotti sochoosuu . Garuu yoo umuriin dabalaa adeemu qaama isaanii guutuu keessaa tokko
qofaatti fayadamuu eegalu. Fkn harkaan waan tokko xuquu ykn qabuuf yaaluu. Gama
dagaagina afaaninis jalqaba sagalee uumachuu, isa booda jecha baruu fi hiika jechaa addaan
baafachaa adeemu.Gama currisaatiin daa‟imman dursa waantoota haarawa isaanitti ta‟an hunda

12
 ni sodaatu garuu booda wanta miidhaa geessisu qofaa adda baafatanii sodaachuu, dhokachuu,
booyuu fi kkf eegalu. Wantoota kana irraa waanti hubatamu dagaaginni gooroo irraa gara
gooreetti kan adeemu ta‟uusaati.
D. Garaagarummaa (Differentiality)
 Akkuma armaan olitti ibsametti dagaagini saffisa haala walfakkaatuun nama hundaa irratti hin
mul‟atu. Haala kanaan namoota gidduutti garaagarummaa dhunfaa gama guddinaa fi dagaagina
bal‟aa ta‟etu jira. Gama saalan Fkn dhiiraa fi dubara gidduu garaagarummaa guddaatu gama
saffisa dagaaginaatin mul‟achuu danda‟a.
 Jijjiirama sadargaalee dagaagina dhala namaa gidduu jiru yoo ilaalles garaagarummaa bal‟aatu
mul‟ata.Fkn jijjiiramni saffisaa tahe gara umurii jalqabaati yoo jiraatu jijjiramni gara boodaa
garuu suuta dha.
 Dagaaginni sadarkaa tahe tokko irrti sadarkaa olaanaa (high Peak) irra erga gahee booda gadii
bu‟aa deema. Kanaafuu dagaaginni haala sarara diriiraa tahe tokko hordofee kan deemu oso
hintahin sarara bu‟aa bahii qabu hordofee kan deemu dha.
 Dagaagina keessatti jijjiramni qaama irrattis tahe sammuurratti mul‟atu namaa namatti
garaagarummaa ni qabaata.
 Jijjiiramni dagaagina keessatti mul‟atu namoota hunda irratti tokko tahuu akka hindandeenye
hubanna. Namni kamiiyyuu saffisaa mataa isaatiin jijjiirama agarsiisaa deema waan ta‟eef.
E. Dagaaginni Bilchinaa fi Barachuu irratti Hundaa‟a
 Akkuma kutaa1ffaa keessatti ibsamuuf yaalametti bilchina jechuun jijiirama tartiiba
amaloota bayolojikaalawaa tahan kanneen guddina fi dagaagina keessatti mul‟atuudha
jennee turre.
 Jijjiiramni baayolojikalawaa kunneenis daa‟imman dandeettii haarawa tahe akka
dagaagfatan ni taasiasa. Keessumattuu jijjiiramni sammuu fi sirna narviirrratti dhufu
bichinaaf iddoo guddaa qabu. Kun ammo dandeettin yaadsammuu (cognitive) fi dandeetii
qaam sammuu (motor) daa‟immanii akka dagaaguuf gahee taphata.
Fkn, daa‟imni umurii ji‟a afurii tokko afaan sirriitti fayyadamee yaada isaa ibsachuu
hindandanda‟u. Sababni isaa sammuun daa‟ima kanaa haala bilchina barbaadamurra
waan hingeenyeefi.
 Garuu waggaa lama yoo gahe sammuu isaa dagaagaa waan deemuuf afaan namoota
naannoo isaa jiran waliin qunnamtiin inni taasisu bay‟inaanis tahe fageenyaan dabalaa

13
 waan deemuuf haalli dubbii isaa fooyya‟aa adeema. Fkn wayta ji‟a afurii haadha fi
maatii isaa waliin qofa waan taphatuuf dagaginni afaanii xiqqaa dha.Garuu yoo waggaa
lamaa ol darbu namoonni inni qunamtii waliin taasisu baay‟achaa ( hiriyaa fi namoota
olla isaa jiran) waandeemuuf dagaagini afaanii fooyyee agarsiisaa adeema. Gama
dandeettii waan tokko dalaguutiinis hanga bilchinni qaam-sammuu isaa sadarkaa
barbaadamurra gahutti waan tokko raawachuu hin danda‟u. Fkf barresuu, ykn suura
kaasuuf daa‟imni sun dura sadrkaa bilchina ogummaan sun barbaadu irra gahuu qaba.
 Dandeettiin bilchinaa irraa argamu uumamaan /dhaala sanyiin kan murtaahu dha malee
akka kan barachuu naannoo irraa argamu miti.
 Waluumaagalatti dagaagina keessatti bilchinni fi barachuun bakka olaanaa qabachuu isaa
ibsa taasifame irraa hubachuu ni danda‟ama. Lamaanuu wal deeggaruun dagaagina
daa‟imanii mirkaneesu.Naannoon hawwataa ykn mijataa yoo ta‟e daa‟imni sun
dandeeitii uumamaan isa keessa jiru (His natural potential) gad baasa jechuudha.
F. Dagaaaginni adeemsa waan Salphaa iraa gara Walxaxaa ta‟etti deemudha
(Development proceeds from the Simple to the more Complex)
 Daa‟imman umurii ijoolummaa isaanitti sammuu isaanitti fayyaadamuun waan tokko
sababeesuu fi rakkoo tokko furachuu ni eegalu. Fkn hariiroo waantota gidduu jiru ykn,
akaakuu waanta tokkoo baruun dagaagina sammuu keesaa isa tokko dha. Fkn
garagarummaa loomii fi burtukaanaa adda baafachuu jalqabuun dagaaginni yaada
sammuu daa‟ima sanaa wantoota qabatamoo tahan ibsuu ykn sababeessuu danda‟uu isaa
kan mirkaneesu dha (the cognitive process of learning how an apple and orange are alike
begins with the most simplistic or concrete thought of describing the two).
 Daa‟imni kun kana kan addaa baafachuu danda‟u yoo garaagarummaa amaloota loomii fi
burtukaana gidduu jiru sirritti hubateedha. Fkn foolii, bifaa, halluu fi kkf niin jechuu dha.
Kanaaf, sadrkaa dandeettii yaada sammuu inni jalqabaa wantoota qabatamoo lama
gidduu jiru haala hariiroo ykn walfakkeenya fi garaagarumma isaan gidduu jiru ibsachuu
danda‟uu dha. Fkn wanti isaan walfakeesu lachanuu boca walfakkaatu qabu. Haaluma
umuriin ol siqaa deemuun garuu sababeessun daa‟ima kanaa gara sadarkaa olaanaa tahetti
fi walxaxaa ta‟etti deema.Wanta tokko haala qabatamaa mul‟atu qofaa irrati oso hintahiin
haala axereerawaa (abstruct) ta‟een ibsachuu eegala. Fkn gama faayidaa isaan namaaf
kennaniin, ramaddii saynii isaaniin adda baafachuu eegala jechuu dha.

14
  Walumaaagalatti ibsa armaan oilii irraa waanti hubatamu, dadaaginni salphaa irraa gara
walxaxaa tahetti kan deemu ta‟uu isaa nutti agarsiisa.


Gocha 7
1. Kaadhimamaa barsiisaa/tuu dhugaawwan dagaagina daa‟immanii ilaalchisee
waan akka walii galaatti hubatte hir‟iaa keetif ibsi.
2. Dhugaawwan dagaagina daa‟immanii armaan olitti ibsaman keessaa isa kam
ajaa‟ibsiifatte? Maalif? Ibsi.

1.6 Toorawwan Dagaagina Dhala Namaa

GBYXGQ: Xumuura barannoo kanaatti:
 Toorawwan dagaagina dhala namaa hubattee ni himta.
  Toftaalee dagaaginaa toorawwan dagaagina dhala namaa nitarreessita
 Addaa addummaa dhuunfaa toorawwan dagaaginaa keessatti muuldhatan adda
baafattee ni himta


Gochaa
1. Garaa garummaan dagaagina qaam-sammuufi yaad-sammuu maali jettee yaadda? Haaya
dhuunfaa keetii hiriyaa keetif qoodi.
2. Naannon toorawwan dagaaginaa dhala namaa kam irratti dhiibbaa qaba jettee yaadda?
Maalif?

A. Guddina Qaamaa (Physical Growth)

Guddinni qaamaa jijjiirama fizikaalawaa gama dheerina fi ulfaatinaan daa‟imman irrati

mul‟atudha. Guddinni qaamaa dhaloota kaasee hamma waggoottan 15–20 ti safisaan kan deemu
yoo tahu furdinni garuu umurii kanaan boodas dabalaa adeemuu danda‟a. Saffisni guddina
qaama ji‟oota dhalootan booda gara jalqabaa keessatti ariitidhaan kan deemu yoo tahu booda

15
garuu suuta suuta deema. Adeemsi guddina qaamaa safisaanis tahe yerootiin qaama daa‟imman
hundaa irratti haala wal fakkaataa ta‟een hin mul‟atu. Fkn waytii mucummaatti guddinni buqqee
mataa kan ga‟eessotaatti kan dhiyaatu yoo ta‟u qamooleen gadii garuu baay‟ee xiqqaa ta‟anii
mul‟atu; booda garuu haala faallaa tahetu mul‟achaa deema.

B. Dagaagina Qaam-Sammuu (Motor Development)

Dandeetiin sochii qaam- sammuu waliigalaa sochii qaama waliigalaa kan barbaadanii fi yeroo
baay‟ee waytii umurii jalqabaa keessatti kan bal‟inaan hojiirra oolan yoo ta‟an dandeettiin sochii
qaam-ammuu gooree kan jedhaman ammo sochii qaamaa murtaa‟aa ta‟e kan gaafatan garuu
dalagaa baay‟ee walxaxaa ta‟e hojjechuuf kan gargaarudha. Dagaaginni qaam-sammuu gara
umrii jalqabaatti baay‟ee saffisaadha. Kunis kan ta‟eef sochiiwwan dandeettii uumamaatin umrii
mucummaa keessatti raawwataman waggaa jalqabaa keessattii dafanii badaa ykn jijjiiramaa kan
adeeman waan ta‟eefi. Sochii qaam-sammuutiin jiru haala ifa ta‟een garaagarummaa mul‟achuu
danda‟a. kunis kan inni irratti hundaa‟uu danda‟u ulfaatina fi jabina qaamaati. Haa ta‟u malee,
umrii ijoolummaa ganamaatti garaagarummaa dhuunfaa qabattoota kanneen akka carraa
shaakallii, daawwannaa fi wantoota muraasa qofaa irratti qajeelfamuurraan kan ka‟e
garaagarummaan dhuunfaa daran ifatti mul‟ata . Garagarummaan sochii qaamaa adda ta‟e
sababaa dagaaginaan boodatti harkifachuu ykn rakkoo sammuun wal qabateen uumauu
danda‟a.Qaamaa ykn jifuu irratti mudachuu irran madduu danda‟a.
C. Dagaagina Yaad-Sammuu (Cognitive/Intellectual Development)

Dagaagni Yaad-Sammuu dandeetii barachuu, yaadachuu, odeeffannoo bilcheessuu, rakkoo

hiikuun, sababeessuufi kkf umurii mucummaa irra jiran baay‟ee gadi-anadha. Gara umrii
ijoollummaatti yeroo ce‟aa adeemanitti ammo saffisni dandeettii waa baruufi odeeffannoo
bilcheessuu isaanii dabalaa dhufa; turtiin dandeettii waan tokko sammutti qabachuu fii waan
tokko mallattoodhan bakka buusus ni dabala. Dandeettin wanta axereeraa ta‟e yaaduu kan
gonfatamu garuu gara dhuma wayitii ijoollummaa boodaa dargaggummaa hanga
ga‟eessummaatti adeema. Dagaaginni yaad-sammuu dhaala sanyii Ykn adeemsota
baayolojaawaa akkasumas haala naannoo irratti ni hundaa‟a.

D. Dagaagina Currisaafi Hawaasummaa (Emotional and Social Development)

16
 Namoonni dhaloota isaanii irraa eegalee gara jalqabaatti currisa kanneen akka gamachuu,
jaalala, sodaa, gadda aarii, fi kkf ni mul‟isu.Namoonni dhalatanii torbaan 6-10 keessatti
seequu jalqabu. Kana jechuun daa‟imman currisa ofii ibsachuu uummatu jalqabuu isaanii
kan agarsiisu dha. Namni tokko namatti siquu ykn namarraa baaqachuu jalqabuun hariiroo
hawaasummaa ummachuu jalqabuu isaat agarsiisa. Daa‟imman wayita haadha isaanii irraa
adda bahan ni boo‟u. Keessumaa ji‟oota 8-12 gidduuti jijjirama saffisaa tahe ni
agarsiisu.Namoota harawa ta‟an adda baasuun wayta irraa baqatan kan sirritti beekan yoo
ta‟an ammo itti siquun taphachuu fedhu. Dagaanni currisaa fi hawaasummaa tokko tokko
irratti fkf kanneen akka nama deggeruu (empathy) namoota irrati suuta mul‟achaa
deemu.Garuu kanneen akka sodaachuu, aaruu fi kkf dafanii irraatti mul‟atu. Muuxannoon
naannoo irraa argamu currisa daa‟imman mul‟isaniif sababa tahuu ni danda‟au. Fkn aarii ofii
to‟achuu, obsa fi kkf safuu hawaasa naannoo irraa dagaaguu ni danda‟u.

E. Dagaagina Dandeetii Afaanii

Kuufama Jechootaa dabalata namoonni dagaagina afaanii naannolee afran armaan gadii irrattis
jijjiirama agarsiisuu qabu. Isaanis

1. Akkaataa sagalee
2. Akkaataa jechootaf hiikni itti kennamu
3. Akkaataa jechoonni walitti dhufanii hima uuman
4. Akkaataa afaan haala gara garaa keessatti hojii irra itti oolu

Dhaamsa nama biraa irraa dhufu fudhachuun ykn ammoo dubbii namoota biroo hubachuun
(Recieptive language) adeemsa suuta suutan naannoo ji‟a ja‟aa kaasee dagaagaa adeema.
Dandeettin jecha uumun yaada ibsachuu, (expressive language) naannoo waggaa tokkootti
dagaaguu kan jalqabu ta‟a. Beekumsi baay‟ina jechootaa daa‟imman dagaagfatanii naannoo
waggaa lamaa booda garmalee saffisaan ni dabala. Loqoda afaanii, seerluga, fi kkf afaanichi
barbaadu ammoo naannoo umrii waggaa sadii booda dagaaga. Haala kanaan qulqulinni fi
heddumni jechoota afaanicha keessa jiru haala umuriin isaanii dabalaa adeemuun mirkanaa‟aa
deema.

17
 Gochaa
 1. Dagaagina yaad-sammuufi currisaafi hawaasummaa ilaalchisee addaa
addummaan murtaawaa ta‟e gareewwan hawaasaa gara garaa giddutti
nimul‟ata jettee yaaddaa? Maalif? Fakkeenya qabatamaa fudhachuun ibsi.
2. Toftaa dagaaginaa tokkoon tokkoo toorawwan dagaaginaatif adda baasun
barreesi.
1.7 Gahee ykn Hojiiwwan Dagaaginaa
GBYXGQ: Xumuura barannoo kanaatti:
 Bu‟uura hojiiwwan dagaagina adda baafattee ni himta
 Barbaachisummaa hojiiwwan dagaaginaa hubattee ni ibsita
Gochaa
 1. Dhimmoota hojiiwwaan dagaaginaa barbaachisaniif erga dhuufan yaaddee booda
gareef ibsi
2. Qoodama hojiiwwan dagaaginaa amma beektu hiriyaa cinaakee taa‟u waliin
irratti mari‟adhu.

Bu‟uura Hojiiwwan Dagaaginaa

Ogeeyyiin saayikolojii dagaaginaa akka ibsanitti bu‟uurri hojiiwwan dagaaginaa wantoota sadii
qabu. Isaanis:

1. Bilchina qaamaa gonfachuu: Fkn, daa‟imuu, deemuu, utaaluu dubbachuu shaakaluu.

2. Gochawwan aadaa hawaasaa irratti hundaa‟uun nurraa barbaadaman. Fkn, dubbisuu
barachuu, hojii hojjechuun maatii gargaaruu‟ horii qaluu fi kkf
3. Dandeettiiwwan, fedhiifi sona(Value) mataa ofii irraa ka‟uun gonfataman. Fkn,, filannoo
ogummaa isa yeroo dargaggummaa taasifamu.

Barbaachisummaa Hojiiwwan Dagaaginaa

Hojiiwwan dagaaginaa dhimmoota gurguddoo armaan gadiittiif ni barbaachisu:

1- Umurii irratti hundaa‟uun waan hawaasni akka raawwatan namoota irraa eeguuf ka‟umsa
ta‟uun ni fayyadu.

18
2- Namoonni wanta hawaasni irraa eegu akka raawwataniif kaka‟umsa/si‟aayina/ keessatti
uuma.
3- Gara fuula duraatti maal hojjechuun akka nurraa eegamu dursinee beekuun qophii akka
taasifnuf gargaara.

Qoodama Hojiiwwan Dagaaginaa Umurii Waliin Deeman

1. Wayiti mucummaafi ijoollummaa ganamaa (Dhalootaa Hanga waggaa 6)

 Deemuufi kaachuu barachuu.

 Soorata jajjaboo fudhachuu barachuu.
 Dubbachuu, dhaggeefachuu barachuu.
 Haala qulqullinaa eeggachuu barachuu.
 Adda addummaa saalaa barachuu.
 Yaad-rimee salphaa hawaasummaa fi fizikaalawaa uummachuu.
 Hariiroo maatiifi namoota biroo waliin uumuu.
 Waan gadheefi gaarii addaan baafachuu.

2. Wayitii Ijoollummaa Boodaa (Waggaa 6-12)

 Ogummaa qaamaa tapha salphaaf gargaaran barachuu Fkn:utaaluu, fiiguufi kkf.
 Ilaalcha of-ta‟anii jiraachuu ijaarrachuu.
 Gahee hojii dhiiraafi dubaraa barachuu.
 Ogummaa bu‟uuraa dubbisuu, barreessuu fi shallaguu dagaagfachuu
 Yaad-rimee jireenya guyyaa guyyaaf barbaachisan dagaagfachuu
 Ilaalcha hawaasummaafi garee dagaagfachuu.
3. Wayitii Dargagaaummaa (Adoleseence) (waggaa 12-20)

 Fakkaatina qaama ofii fudhachuu

 Gahee dhiiraa fi dubaraa fudhachuu
 Currisa warraafi namoota biroo irraa bilisa ta‟uu
 Ga‟umsa argachuu qabeenyaatiin bilisa ta‟u
 Hiriyyoota haaraa uummachuu
 Ogummaa filachuufi qophii ta‟uu

19
  Ogummaa sammuu/beekumsaa dagaagfachu
 Yaad-qalbii gaarii/fudhatamaa dagaagfachuu
4. Wayitii Ga‟eessummaa Ganamaa (Early Adulthood) (Waggaa 20-40)
Hojii qabaachuufi jalqabuu/ itti seenuu
Hiriyyaa fuudhaafi heerumaaf filachuu
Wal-fuudhuun jiraachuu barachuu
Ijoollee horachuu jalqabuu
Daa‟imman guddisuu
Maatiifi mana bulchuu
Itti gaafatamummaa hawaasaa fudhachuu
5. Wayiti ga‟eessummaa (Waggaa 41-64)
 Itti gaafatamummaa lammummaa fi hawaasummaa ga‟eessotaa galmaan gahuu
 Istaandardiin dinagdeen jiraachuu
 Ijoolleen itti gaafatamummaa akka qabaatan gargaaruu
 Sochiiwwan boqonnaa, yeroo ga‟eessotaa guddisuu
 Akka nama tokkootti hiriyaa gaa‟elaa ofii wajjin walitti firoomsuu
 Jijjiirama fiiziyoloojii umurii giddu galeessaa fudhachuu fi madaqsuu
 Warra dullooman waliin walsimsiisuu.
6. Wayiti Dullummsa (Waggaa 65 booda) .
 Galiin hir‟achuu
 Gara mana xiqqaatti ce‟uu
 Du‟aan haadha/abbaa warraa dhabuu
 Dhukkuba ykn balaa nama laamshessu
 Marsaa daldalaa keessatti jijjiirama baasii jireenyaa kana irraa kan ka‟e jijjiirama.
Walumaa galatti, hojiiwwan dagaaginaa aadaa hawaasaa daa‟imni tokko keessatti guddatu
bu‟uura kan godhatu ta‟uun isaa beekamuu qaba. Hojiiwwan dagaaginaa hawaasni nama kam
irraayyuu eegu kun hanga umrii dullumaatti kan itti fufu ta‟a.

Galmawwan Waa‟ee Dagaagina Daa‟immanii Qu‟achuu (Goals of Studying human

Development)

20
Dagaagina dhala namaa qo‟achuun faayidaafi galma hedduu of keessaa qaba.Akka Vasta et al
(1998) ibsanitti galmawwan dagaagina dhala namaa qo‟achuu keessaa isaan muraasni kanneen
armaan gadiiti:

 Haala Uumama dhala namaa walxaxaa ta‟uu hubachuun, adeemsa dhalli namaa sadarkaa
mucummaa irraa kaasee hanga dullummaatti keessa dabdru gad- fageenyaan
qorachuudhaan saayikolojiin dagaaginaa gahee guddaa qaba. Dhalli namaa mucummaa
isaa irraa kaasee hanga nama guutuuykn ga‟eessa (full adult) tokko ta‟utti adeemsa
jijjiramoota keessa dabru hubachuudhaf galmawwan dagaagina dhala namaa qo‟acuun
faayidaa qaba.
 Amaloota dhala namaa sadarkaalee dagaaginaa gara garaa irratti mul‟achuu danda‟an
ibsuudhaaf. Fkf mucaan tokko yoom dhaabbatee adeemuu qaba, yoom ogummaa
hawaasummaa baruu danda‟a Kan jedhuufi kkf.
 Dagaagina dhala namaa keessatti qabattoonni jijjiirama fiduu danda‟an maal maal akka
ta‟an adda baafachuudhaf. Fkf gahee uumamaa (dhaala sanyii), gahee naannoo ykn
muuxannoo; dhiibbaa hiriyyaa, maatii, mana baruumsa fii kkf beekuu.
 Hojiiwwan dagaaginaa sadarkaalee dagaagina gara garaa irratti daa‟imman irraa eegamu
adda baafachuu, ibsuufi tilmaamudhaafi.
 Hariiroo wal xaxaa adeemsa dagaagina dhala namaa irratti uumamaafi naannoo gidduu
jiru gadi- fageenyan hubachuudhaaf.
 Garaagarummaa dhuunfaa(Individual difference) tokkoon tokkoo daa‟immanii
hubachuudhaf akkaataa fedhiifi garaagarummaa dhuunfaa isaanitiin
keessummeessudhaaf
 Gufuuwwan (obstacles) namoota mudachuu danda‟an haala gaarin deebii itti kennuun
dhalli namaa jalqabbii gaari jireenya isaanii akka eegalan gargaaruuf
 Tooftaalee deggersa dhala namaa gaarii mana baruumsaafi daree barnootaa keessatti
hojii irra oolchuuf

21

Cuunfaa Boqonnichaa

 Saayikoloojin saayinsii yaad qalbii fi taateewwan sammuu namootaaf bineensotaa

qoratuudha
 Yaad-qalbii xiinxaluun, Ibsuun, tilmaamufi fooyyessuun galmawwan saayikoolojii
jedhamuun beekamu
 Saaykolojiin Dagaaginaa damee saaykolojii ta‟ee haala saayinsaawaa ta‟een
jijjiirama dhala namaa irratti muuldhatu kan qo‟atuudha.
 Guddinni jijjiirama qaamaa ykn hangaa sababa jijiirama caasalee qaamolee alaafi
keessaa irratti raawwatuun dhufuudha.
 Bilchinni jijjiirama sababa dabalaa adeemuu umuriifi dhaala sanyiin walqabatee
dhufuudha
 Barachuun jijjiirrama yaad-qalbii sababa shaakalaafi muuxannootin dhufu ta‟ee kan
hamma tokko turru danda‟uudha
 Dagaaginni jijjiirama waliigalaa gama bayoolojikaalawaa, yaad sammuu, currisa fi
hawaasummaa uumama irraa hanga du’aatti nama tokko irrati mul’atu dha.
 Qaamni, qaam-sammuun, yaad-sammuun, currisaafi hawaasummaafi afaan
toorawwan dagaagina dhala namaati

22
 Check list qabiyyee ijoo

 Kaadhimamaa barsiisaa/tuu! amma qabiyyee boqonnaa tokkoffaa mojula kanaa xumurteetta.

Kanaaf, mee qabiyyee ijoo boqonnaa kana keessatti dhiyyaatan hubachuu kee mirkanneeffachuuf
gaaffiilee armaan gadiitti dhiyaatan fuuldura gaaffichaatti mallattoo gargaaramuun of
madaali.

TL Gochawwana Raawwataman Eeyyee Lakkii

1 Jechaa saayikoolojii jedhuuf hiikaa mataa kootiin nan kenna.

2 Galmaawwan gurguddoo barnoota saayikooloojiin tarreessuun nan ibsa

3 Jechoota bu’uura dagaagina dhala namaan walqabataan tarreessuun

nan addeessa
4 Dhugawanii fi sirnawwan dagaagina daa’imanii keessati bu’uura ta’an
nan tarreessa
5 Toorawwan dagaagina dhala namaa kam fa’a akka ta’an nan tareessa

6 Gahee namni tokko sadarkaa dagaaginaa adda addaa keessatti

qabaachuu qabu ibsu nan danda’a

Gaaffilee Shaakalaa
1. Garaagarummaan sayikoolojiifi saayikoolojii dagaaginaa maali? Ibsi.
1. Galmoota saayikoolojii gurguddoo tarreessun ibsi.
2. Jechootni bu‟uuraa dagaagina dhala namaa waliin walqabatan maalfa‟i?
3. Toorawan dagaagina dhala namaa adda baassuun fakkeenyan deeggarii addeessi
4. Dhugaawwan dagaagina dhala namaa kessatti beekamoo ta‟an bareessi
5. Gahee namni tokko yommuu umurii adda addaa dalaguu qabufi hawwaasni irraa eeguu
sadakaalee dagaagina dhala namaa yookiin qoodama umurii irratti hundaa‟uun ibsi

23
 Boqonnaa Lama

Yaad-Hiddamoota Dagaagina Dhala Namaa (Theories of Humaan Development)

Seensa Boqonnichaa
Kaadhimamaa barsiisaa/tuu! Boqonnaa tokkoffaa keessatti waa‟ee saayikoolojii fi yaad-
rimeewwan isaa, hiika jechoota bu‟uuraa dagaaginaa ta‟anii fi xiyyeeffannoo saayikolojii
dagaaginaa gadii fageenyaan ilaaltee hubannoo argachuu kee abdii qabna. Boqonnaa lamaffaa
kana keessatti immoo waa‟ee yaad-hiddamoota dagaagina dhala namaa adda addaa ilaalchafi
akkaataa isaan ittiin guddina dhala namaa ibsaniifi sadarkaalee guddina dhala namaa gadi
fageenyan ni baratta. Yaad-hiddamoonni boonnaa kana keessatti barattuu akkamitti jijjiirrama
daa‟imman irratti dhufu hordofuufi deeggaruu akka dandeessu kan si gargaarudha.


GBYXGQ: Dhuma boqonnaa kanatti:

 Hiikaa yaad-hiddamaa hubattee ni himta

 Yaad–hiddamoota dagaagina dhala namaa hubattee ni tarreessita
 Yaadota yaad–hiddamoota dagaagina dhala namaa walbira qabdee ni qaaccessita.
 Yaadota yaad–hiddamoota dagaagina daa‟immanii kamtu akka dareetti hojiitti hiikamuu
danda‟u ni madaalta



Gochaa
1. Yaad-hiddama jechuun maal jechuudha? Gareedhan irratti mari‟adhatii
dareef ibsaa.
2. Yaad-hiddamoota dagaaginaa kan beektu sadi hiriyaa cinaa kee
taa‟u/teessutti himi. Hiriyaan kees amma ati itti himte akka sitti himu/tu
gaafadhu. Gaaridha! Ammammoo kan keefi kan hiriyaan kee sitti hime/tte
walitti dabaluun dareef himi.
Yaad-hiddama: Akka ogeessi Feldman (2009) jedhutti, yaad-hiddama jechuun dhimma
murtaa‟e tokko irratti hundaa‟un waa‟ee walitti dhufeenya wantootaa bifa yaada waliigalaa ykn

24
 qajeelfamoota qindaa‟an akka hubannuuf bifa yaada waliigalaa ykn qajeelfamoota
dimshaashaatti qindaa‟uun ibsa waliigalaa kan kennu dha.

2.1 Yaad- Hiddama Dagaaginaa Saayikoo-Saala‟oo „Sigmund Freud‟

GBYXGQ: Xumuura barannoo kanaatti:


 Yaada yaad-hiddama dagaaginaa saayikoo-saala‟oo hubattee ni ibsita
 Sadarkaalee dagaagina saayikoo-saala‟oo adda baastee ni tarreessita
 Caasaalee yaadaa sansaka namaa murteessanii ni himta
 Toftaalee faccisuu dhala namaa fakkeenyan deeggaruun ni himta


Gochaa
1. Sigimand Firooyid eenyu? Waa‟ee nama kanaa waan beektu hirtiyaa keetif himi
2. Yaad-hiddamni sigimand Firooyid hundeesse waan akkamii irratti xiyyeeffata sitti
fakkaata?
3. Sadarkaalee dagaagina saayikoo ssala‟oo meeqa? Isaan hoo maal faadha?

Sigmund Freud (1856-1939) tti kan jiraate ta‟ee dagaagina dhala namaa jijjiirama gama sansakaa
fi currisaan dhufan wal qabsiisuun ibse.Yaad-hiddami kun qaamota lama kan of keessaa
qabuudha.Isaanis caasaa sansakaa fi haala umriin walqabatee sansakni namaa itti dagaagu/xiin
saala‟oo/psychosexual development/ dha.

Sigmund Freud yaad-hiddama kana kan qopheesse namoota rakkina

saayikoolojawaa/psychological disturbances/qaban wajjin wayita hojjetaa turetti maloota adda
addaa fayyadamuun madda rakkiina isaanii irratti odeeffannoo argachuun wayita qorataa
turetti.Toftaaleen inni fayyadamaa ture:

 Mala hariiroo /quunnamtii bilisaa (free association) -gaaffilee waa‟ee rakkinichaan wal
qabatan dhiheessuun akka fedha isaaniitti akka yaada iiti kennan taasisuun odeeffannoo
sassaabuudha.

25
  Mala qabiyyee abjuu qaaccessuu/dream analysis/ rakkoolee isaaniin wal qabsiisee
xiinxaluu ibsuudha.

Yaada Ijoo Yaad-Hiddama Dagaagina Saayikoo saala‟oo

 Qaama keenya keessa humni saayikoosaala‟oo jedhamu (psychic energy or sexual

urg) bal‟inaan dhangala‟ee jira
 Dhalli namaa uumamaan gammachuu kan barbaadufi ofittoodha
 Dagaaginni sansakaa dhala namaa sadarkaa 5 keessa darba
 Sammuun dhala namaa kutaa saditti qoodama
 Kutaawwan sammuu kanneen keessaa eeynummaa keenya irratti dhiibbaa guddaa kan
taasisu kutaa sammuu isa dhokataadha.
 Fedhiiwwanii fi hawwiin keenya kutaa sammuu isa dhokataa kana keessatti
awwaalamanii jiran bifa nuti hin beeknen gara hubannoo keenyatti dhufuudhan
eeynummaa keenya fi sochiiwwan guyyaa guyyaa nuti taasisnu irratti dhiibbaa taasisu
 Wayitiin ijoollummaa ganamaa adeemsa dagaagina sansakkaa nama tokkoo keessatti
gahee guddaa qaba
 Freud qorannoo irratti hundaa‟uudhaanis rakkoolee saayikolojawaa ykn.
Currisaa/psychological or emotional disturbances/deebisa taateewwan wayitii
ijoollummaa ganamaa keessatti dhokatanii wal qabsiisuun ibseera.


Gochaa 12
1. Kaadhimamaa barsiisaa/tuu! Mee ammammoo yaada ijoo yaad-hiddama saayikoo
saalaoo armaan olitti baratte keessaa kamtu dhugaadha, kamtus dhugaarraa kan fagaate
jettee yaadda? Maalif akka jette dareedhaf ibsi.
2. Sansakni ati sadarkaa kanatti argisiisaa jirtu kun bu‟aa muuxannoo ijoollummaa keetiti
jettee ni amantaa? Maalif?
3. Sigimand Firewud “ijoollummaan abbaa ga‟eessummaati” jedha. Yaadni kun waan
maal ibsu sitti fakkaata?
Freud haala yaadachuu ykn hojii sammuu dhala namaa ilaalchisee kutaalee ykn gulantaalee
sadii akka armaan gadiitti kaa‟eera. Isaanis:

26
1. Kutaa Sammu Dammaqaa (Conscious mind)-waantota amma yaadachaa ykn hojjachaa jirru
kan hammatudha Fkf:-

 Waantota miiressaa jirru

 Yaada adda ddaa sammuu keessa naannaa jiu
 Hawwii fi sammuutti qabannaa amma yaadachaa jirru kan of keessatti qabatu

Kutaan sammuu kun Kutaalee jiran keessaa isa muraasa ykn yartuudha /it comprises only a small
portion/

2. Kutaa Sammuu dammaqinaan duraa (Preconscious Mind)- wantoota ammaaf hubannoo

keenya keessa hin jirre kan yeroo barbaadne salphaatti yaadachuu dandeenyu kan of keessatti
qabateedha. Kutaan sammuu kun sammuutti qabannaa salphaatti yaadatamuu danda‟an
hammata.
Fkn akkuma qorumsa tokko xumuraniin deebii gaaffilee tokko tokkoo yaadachuu
3. Kutaa Sammuu Dhokataa/habaarawaa (unconscious mind)- Muuxannoowwan gara garaa
erga of barree kaasnee kuufanneefi kan yeroo ammaatti jiraachuu isaanii hin beekne kan
kuusedha.

 waantota amma yaadatamaa hin jirre qabata

 yaadannoon isaa karaa addaddaatiin gadi bahu
 gara sammuu dammaqaatti dhufu. Fkn, Abjuudhaan, dogongora arrabaatiin/slips of
tongue/

Akka yaad-hiddama saayikoo saala‟ootti yaad qalbiin dhala namaa kan dagaagufi itti fufu
sababa muuxannoowwan wayitii ijoollummaa ganamaa sammuu keessa
dhokatanii/irraanfatamanii /jiraniin ta‟a. Muuxannoowwan sammuu habaarawaa keessa dhokatan
/irranfataman sunis haala adda addaa keessatti gara sammuu dammaqaatti dhufanii osoo namni
sun hin beekin yaad qalbii isaa irrati dhiibbaa geessisu. Kanaaf dagaaginni dhala namaa
shuuressaafi fedhii habarawaa/unconscious motives/ tiin murta‟a jechuudha. shuuressaa fi
fedhilee habarawaan kun saala‟oo/sexuality/ ykn dheekkamsa /aggressive/ ta‟uu danda‟u.

2.2 Hojiirra oolmaa Yaad-hiddama Saayikoo-saala‟oo adeemsa baruu barsiisuu

keessatti

27
  Maatiifi barsiisonni daa‟imman sansaka Ego akka dagaagfatan jajjabeessuu
 Maatiifi barsiisonni daa‟imman fedhii qaamaa waan agarsiisaniif garmalee adabuu hin
qaban ykn safuu hawaasaas akka dagatan dhiisuu hin qaban
 Fedhii Idfi Superego guuttachuun barbaachisaa akka ta‟e hubachuun akka daa‟imman
haala sirrii ta‟een fedhiilee qaamaa fi hawaasummaa guuttatan barsiisuu
 Yaad-hiddamni kun malleen guddisaafi kunuunnsa daa‟immaniifi deggersa namoota
rakkoo currisaa qabaniif gochuu keessatti gahee guddaa qaba.


Gocha
1. Barattootni sadarkaa tokkoffaa jiran walitti-dhufeenyi isaan saala faallaa isaanii
wajjin qaban keessatti gochoota gaarii ykn rakkoolee adda addaa irraa bilisa
ta‟anii akka dagaagfataniif barsiisaan akkamitti deeggaruu qaba?
2. Akka barsiisaa sadarkaa tokkoffaatti wanti gaariin yaad-hiddama Firoyid irra
barattee fi hojiitti hiikuu dandeessu maali?
3. Kutaalee sansaka namaa murteessan sadan amala isaanii tokko tokkoon ibsi

2.3 Yaad-Hiddama Dagaagina Saayikoo-Hawaasummaa „Erik Erikson‟

GBYXGQ: Xumuura barannoo kanaatti:


 Yaada yaad-hiddama dagaaginaa saayikoo-hawaasummaa hubattee ni ibsita
 Sadarkaalee guddina namaa yaad-hiddama saayikoo hawaasummaa ni hubatta
 Bu‟aa walitti bu‟insaa sadarkaa dagaaginaa saayikoo hawaasummaa hubattee ni himta

28
 
Gochaa
1. Yaad-hiddamni saayikoo hawaasummaa maal irratti xiyyeeffata sitti fakkaata?
2. Wal-fakkeenya fi garaagarumman sadarkaalee daagagina saayikoo hawaasummaafi
saayiko saalaa‟oo Firooyidii jidduu jiru adda baasuun ibsi?
3. Bu‟aa yaad-hiddamni saayikoo-haawasummaa Eriksan adeemsa baruu fi barssiisuu
keessatti qabu gareen mari‟achuun callaqqee dhiheessa?

Erik Eriksan (1902-1994) nama lammii biyya Jarmanii yammuu ta‟u yaad-hiddamni isaas
akkuma yaad-hiddama „Firooyid‟ yaad-hiddama saayikoo analitikiiti. Eriksan kan irratti
xiyyeeffatu waa‟ee dagaagina currisaa daa‟immanii irratti yammuu ta‟u dagaagina currisaaf
gaheen hawaasaa, naannoofi aadaa ol-aanaa akka ta‟e ibsa. Akka yaad-hiddama kanaatti
dagaaginni sansaka dhala namaa dhalootaa hanga du‟aatti kan walirraa hin cinneedha. Adeemsi
dagaagina sansakaa kunis sadarkaa sadarkaadhaan kan ibsamu yoo ta‟u sadarkaalee hunda irratti
walitti-bu‟iinsi ykn atakaroon (crisis) akka nama mudatuufi furmaatni kennamaafii kan adeemu
akka ta‟e ibsa, kuniis kan uumamu fedhii dhuunfaafi sona hawaasaa gidduutti dha. Akka yaad
hiddama kanaatti sadarkaaleen dagaagina saayikoo hawaasummaa saddeetu jiru.

Yaada Ijoo Saayikoo-hawaasummaa Erikson

 Dagaaginni bu‟aa hariiroo qaama keenyaa fi naannootti
 Dagaaginni sansakaa adeemsa jijjiirama walirraa hincinneedha.
 Dagaagina dhala namaa keessatti adeemsota faallaa walii ta‟an lamatu jira. Haalli naannoo
keenyaa nu mudatu mijataafi gaarii taanan dagaaginni keenya kallattii jalqabaa hordofa.
Kana ta‟uu baannan ammo kallattii isa lammaffaa hordofa jechuudhaNamoonni jireenya
keessa dabranitti hin quufin ammoo yeroo kanatti jireenya gaddaa jiraatu jechuudha
Gabatee-1
Gabatee sadarkaa dagaaginaa yaad-hiddama saayikoo hawaasummaa agarsiisu
Sadarkaa Dagaaginaafi (Raawwii Bu‟aa (outcome)
Sadarkaafi Umrii walitti bu‟insa bu‟uuraa ijoo)
(Important
(Basic conflict)

29
 events)
Mucummaa Amanuu/Amanu dhabuu Trust Soorachuu Soorata gahaa, kunuunsa fi jaalala
Dhaloota hanga ji‟a 18 vs. Mistrust gaarii, fi itti fufaa yoo argatan miira
amantummaa dagaagfatu ta‟uu
baannan miiraa amanuu dhabuu
dagaagftu.

Ijoollummaa ganamaa Of-danda‟uu/qaanii Carraaqqii of Carraaqqii isaan godhan keessatti

( waggaa 1 fi walakka Autonomy vs. Shame or Doubt danda‟uu yoo haala gaarin gargaaramaniifii
hanga 3) jajjabeeffaman miira of
danda‟ummaa dagaagfatu ta‟uu
baannan miira qaanii fi shakkii
dagaagfatu.

Umrii mana Kaka‟umsa/balleessuummaa Naannoo Sochii naanoo isaanii baruudhaf

baruumsan duraa(3-6) initiative vs. Guilt hubachuu taasisan keessatti yoo
jajjabeeffaman miiraa kaka‟uumsaa
horatu, ta‟uu baannan miira
balleessummaatu itti dhagahama.

Umrii mana barumsaa Bu‟aa buusuu/gadi‟antummaa Dorgomummaa fedhilee hawaasummaa fii

(6-12) Industry vs. Inferiority barnootaa haala gaarin yoo fiixan
baasan miiraa dorgomummaatu
(bu‟aa buusuu) itti dhagayama,
kana ta‟uu baannan miira gad
aantummaa dagaagfatu
Dargaggummaa Enyuummaa ofii Eenyummaa Eenyumaa ofii barbaadun yoo
(12-20) beekuu/enyummaa wallaalu ofii barbaaduu argatan namoota waa‟ee mataa ofii
Identity vs. Identity Confusion fi jireenya ofii irratti hubannoo
gahaa qabaniifi kallatti itti adeeman
beekan ta‟u. Kana ta‟uu baannan of
beekuu dadhabuun burjaaja‟anii
hafu
Ga‟eessummaa Antummaa/ kophummaa (of Jaalachuu Yoo namoota waliin hariiroo fii
duraa/Ganamaa fageessuu ) /Love jaalala qajeelaa qabaatan
(20-40) Intimacy vs. Isolation aantummaatu itti dhagahama. Yoo
ta‟uu baate ammoo kophummaatu
itti dhagahama.
Ga‟eessammaa Dhalootaf bu‟aa buusuu /bu‟aa Namoota biroof Gocha kana fiixan baasinan
Boodaa (40-65) buusuu dadhabuu Kunuunsa arjummaatu itti dhagahamaa ta‟uu
Generativity vs. Stagnation Kennu/Care baannan donnummaatu itti
dhagayama
Dulluma Jireenya dabretti Jireenya Jireenya isaanii dabretti quufan yoo

30
65 booda quufuu/gaabbuu dabarsan ta‟e ni gammaduu hin quufne yoo
Integrity vs. Despair deebi‟anii ta‟e ammoo ni gaabbu ykn ni
yaadaan gadduu
madaaluu

2.4 Hojiirraa oolmaa Yaad-hiddama Saayiko-hawaasummaa Eriksan

Ademsa baruu fi Barsiisuu Keessatti
 Akaakuu taphootaa bifa adda addaa bal‟aa daa‟immaniif mijeessuun sadarka adda
addaatti murteessaa ta‟uu
 Amala hin barbaachisne ijoolleen wayitii agarsiisan haala qaaniin itti hin dhaga‟amneen
sirreessuuf yaaluu
 Daa‟imman muuxannoo miira of danda‟ummaa akka qabaatanii fi fiixa ba‟uu akka
danda‟aniif hojii isaan xumuruu danda‟an kennuufi
 Hojii barattoota wal dorgomsiisuun barattoota tokko tokko keessatti miirri gad
aantummaa akka itti dhagahamu godha. Kanaaf, barattoonni akka wal gargaaranis
jajjabeessuun filatamaadha.
 Namoota fuulduratti daa‟imman qaanessuu fi salphisuun gad aantummaa fi qophummaan
akka itti dhagahamu waan godhuuf gonkumaa hin barbaachisu
 Mana barumsaa keessattis daa‟imman hojii isaanii akka fiixaan baasan gargaaruu gad-
aantummaanis akka itti hin dhagaa‟amne gochuu.
 Rakkoolee adda addaa fi wanta namatti hin tolle fulduratti nama qunnamaniif akka of
qopheessuuf gargaara.
 Yaad rime mataa ofii qajeelaa (positive self-concept) yoomiyyu barachuu kan gargaaru
ta‟uu hubachuun barbaachisaa dha. Kanaaf, carraa fiixaan bahinsaa barattootaaf kennuu fi
fiixaan bahinsa isaanii dinqisiifachuu qabna.

2.5 Yaad-Hiddama Dagaagina yaad-sammuu „Jean Piaget‟

GBYXGQ: Xumuura barannoo kanaatti:


 Yaada yaad-hiddama dagaaginaa yaad-sammuu hubattee ni ibsita
 Sadarkaalee dagaagina namaa yaad-hiddama yaad-sammuu beektee ni tarreessita

31
  Yaada yaa-hiddama yaad-sammuu akkamitti daree barnootaa keessaatti akka hojiirra
oolchitu ni hubatta


Gochaa
1. Akka yaad-hiddama dagaagina yaad-sammuutti barachuun adeemsa akkamii
keessa darba?
2. Sadarkaalee Dagaagina Yaad-Sammuu Piaget barreessi.
3. Sadarkaalee Dagaagina Yaad-Sammuu Piaget beekuun barsiisotaaf maal
fayyada?
Yaad-hiddamni Yaad-sammuu ogeessa lammii biyya Siwizerlandii kan ta‟e „Jean Piaget‟n
(1896-1980) hundeeffame. Yaad-hiddamni kun yaaduufi sababeessuu irratti xiyyeeffata.Yaad-
hiddamni kun haala daa‟imman itti yaadanii fi yaada mataa isaanii ijaarratan irratti xiyyeeffata.
Akka „Piaget‟ jedhutti “daa‟imman dammaqinaan beekumsa waa‟ee addunyaa ijaarratu,
akkasummas daa‟immaan of irraa ka‟uudhanis ta‟e namoota biroo irraa beekumsa isaanii
dagaagfatu.Karaa biraatin, akka yaad-hiddama kanaatti yaad-sammuun daa‟immanii suuta
suutaan sadarkaa gadi-aanaa irraa gara ol-aanaatti dagaagaa deema, akkuma kanaan daa‟imman
waa‟ee naannoo isaanii taateewwanfi wantoota adda addaa miiressuudhaan akka dagaagina
sammuu gonfatan ibsa.
Yaada Ijoo yaad-hiddama Dagaagina Yaad-Sammuu Piaget

 Daa‟imman dammaqinaan waa‟ee naannoo isaanii irraa beekumsa ijaarratu

 Barachuudhaaf bu‟uurri suura wantootaa sammuu keenya keesstti uummannu ykn caasaa
beekumsaa (Schema) isa jedhamuudha
 Daa‟mman barachuudhaaf adeemsota sadii (Makuu, addaan baasu fi wal madaalchisuu)
irratti hundaa‟u
 Dhalli namaa waa‟ee addunyaa isaa hubachuu keessatti sadarkaalee dagaagina yaad-
sammuu afur keessa dabra
 Sadarkaalen kunis akkataa yaaduu ykn dandeettii yaaduu da‟immaniitin kan
qoqqoodamaniidha

32
  Namni tokko sadarkaa tokko irraa isa itti aanutti kan ce‟u sadarkaa bilchina barbaadamu
tokko irra yoo gahanii fi muuxannoo ykn shaakala bilchina isaanii wajjiin deemu irratti
yoo hirmaatanii dha.
 Sadarkaa tokko irraa isa itti aanutti ce‟uuf sadarkaa isa duraa fiixaan baasutu irraa
eegama
Sadarkaalee Dagaagina Yaad-Sammuu Piaget
Akka „Piaget‟ tti waa‟ee addunyaa hubachuu keessatti, dhalli namaa hundi sadarkaalee afur
keessa darba. Sadarkaaleen kunniin umriin kan addaan bahani dha, akkasummas sadarkaalee
adda addaa keessatti beekumsii fi akkaataan yaaduu daa‟immanii garaagara, karaa biraatiin,
ijoolleen sadarkaalee garaagaraa keessa jiran haala adda addaattin waa‟ee addunyaa hubatuu
jechu dha. Daa‟imman sadarkaa tokko irraa isa itti aanutti ce‟uuf sadarkaa isa duraa fiixaan
baasutu irraa eegama.
1. Sadarkaa Miir-Sochii (Sensori-Motor Stage) Dhaloota-waggaa 2
2. Sadarkaa Hubannoon Duraa (Pre-opressional Stage) Waggaa 2-6
3. Sadarkaa Wanta Qabatamaa yaaduu Sammuu (Waggaa 6 hanga 12)
4. Sadarkaa Sirnaan yaaduu Sammuu Waggaa 12 fii isaa ol
(Formal Operational Stage)
Hojiirraa oolmaa Yaad-hiddama Yaad-sammuu„Piaget‟ Adeemsa Baruu-barsiisuu
Keessatti Qabu

 Barsiistotni daree barnootaa keessatti sadarkaa dagaagina yaad-sammuu daa‟immanii

hubachuu qabu.
 Jijjiirama dandeettii yaad-sammuu daa‟immanii madaaluu qabu.
 Daa‟imman akka waliin jiraachuu fi wal-irraa baratan jajjabeessuu qabu.
 Akkaataa itti namoonni itti yaadan hubachuun barbaachisaadha.
Daa‟imman waa‟ee naannoo isaanii hubaachuuf fedhii qaban irraa ka‟uun gaaffii adda
addaa ni gaafatu, kanaafis hanga danda‟ametti barsiisonni barattoota isaanii qajeelchuu fi
gargaaru qabu.

33
 
Gochaa
1. Beekumsa jechuun siif maal jechuu dha?
2. Daa‟imman beekumsa akkamiin horachuu danda‟u jettee yaadda?
3. Yaad-rimee qabiiyyee (volume) ykn ulfaatinaa (weight) daa‟imman yoom hubachuu
jalqabu sitti fakkaata? Ibsi
4. Yaad-hiddama yaad-sammuu „Piaget‟ irraa wanti gaariin ati baratte maali?
5. Hanqinoota dagaagina daa‟immanii sadarkaa hubannoon duraa keessa jiran irrtti mula‟atu
ibsi?

2.6 Yaad-hiddama dagaagina Murtee safuu „Lawrence Kohlberg‟

GBYXGQ: Xumuura barannoo kanaatti:


 Yaada yaad-hiddama dagaaginaa Murtee safuu hubattee itti nifayyadamta
 Guulantaalee murtee safuu hubattee ni tarreessita
 Sadarkaalee murtee safuu adda baastee ni ibsita


Gochaa

Seenessa (Scenario)

Haati manaa Jeemsi dhibee onneetin dhukkubsattee du‟uu geessee jirti. Doktorri akka ibsetti
Ameerikaa deemtee yoo yaallamte malee yeroo dhiyootti akka dutuu dandeessu Jeemsitti hime. Achi
deemtee yaalamuuf immoo qarshii inni kafaluu hin dandeenye qarshii doolara 50,000 ol gaafata.
Qarshii du‟a oolchuu dandeessu argachuuf waan isaaf danda‟amu hunda yaale. Garuu, argachuu hin
dandeenye. Dhumarratti qarshii harkaa qabu doolaara 5000 qabatee mana qorichaa tokko deemee.
ogeessi mana qorichaatiin amma qarshiin harkaa qabu kanumaa booda hojjadheen siif kennaa ammaaf
uunjodhaan ( Duubeedhaan ) naaf kenni jedheen. Ogeessi mana qorichaatiis hin ta‟u jedheen. Sana
boodaa iseen du‟uuf sa‟aa lama (2) yoo ishee hafu halkan mana qorichaa cabsee seenee, qorichicha
hatee gale.

34
  Gochi Jeemsi raawwate kun sirriidha moo dogoggora? Maaliif? Deebii keessan sababaan
deeggaruun gareedhaan marii‟achuun calaqqee dhiheessa.

Murtee safuu jechuun dandeetii namni tokko gochi tokko sirrii ykn dogoggora fi gaarii ykn
gadhee ta‟uu isaa sababaan deeggaruun dhiheessuu dha. Kanaafuu, murteen safuu madaallii
yookiin murtoo kennuu of keessatti qabata. Murteen safuu yaada dhuunfaa waan ta‟eef
dhugummaa addunyaawaa qabaachuu dhiisuu danda‟a.Walumaagalatti, murteen safuu waan
sadii of keessaa qaba.

 Beekumsa: kan bakka bu‟u ilaalchaa fi hubannaa gaarummaa fi gadhummaa yaadaa yookiin
gocha tokkooti. Fkn: Hatuun gadhee ta‟uu beekuu, hangafa ofii kabajuun gaarii ta‟uu beeku,
nama arrabsuun aad- malee ta‟uu beekuu fi kkf.
 Sababeessuun: yaad-qalbiin tokko maaliif gaarii yookiin gadhee akka ta‟e ibsuu dha.
 Yaad-qalbiin: namni tokko gochaa fi yaad-qalbii sirrii ta‟e irratti hirmaatee argamuu dha.
Fkn hanna balaaleffachuu, hattuu adabuu fkkf. Dagaaginni murtee safuu guulantaa sadii (3) fi
sadarkaa jaha(6) akka qabu ibsee jira.

Guulantaa 1: Waliigalteen Dura (Pre-conventional morality)

Gulantaa kana keessatti namoonni gaariidha ykn gadheedha jedhanii kan murteessan bu‟a
argamuu irratti hundaa‟uudhan ykn badhaasaa fi adabbii akkasumas guutamuu fedhii mataa ofi
irratti hundaa‟aniiti. Tokkoon tokkoo gulantaa sadarkaalee lama lama of jalatti qaba. Gulantaan
kun sadarkaa lama of jalatti qaba.

Sadarkaa 1: Adabbiifi Ajajamuu Daa‟immanii Irratti Hundaa‟a

Sadarkaa kanatti daa‟imni adabamuu irraa ooluuf jecha ajajamuu. Kanaafis fedhiifi ajaja nama
biroo fudhatu. Kana jechun bu‟aa yaad-qalbii tokkoo bu‟uureffachuun murtee kennu.

Sadarkaa 2: Wal-fayyaduu irratti hundaa‟u

Daa‟imman wanta namoota irraa argachuuf abdatan irratti hundaa‟uun seera eegu, akkasummas
wal-madaalummaa (fairness), wal fayyaduu (reciprocity) fi qixa-qooddachuu (equal sharing) kkf
bu‟uureffachuun gocha ykn yaad-qalbii tokko sirrii ykn dogongora ta‟uu madaalu.

35
Gulantaa 2: Seera Waliigaltee (Conventional Morality)
Wantoota maatiin, gareen hawaasaa ykn biyyi dhimma safuuu nama irraa eegan irratti
hundaa‟uun guulantaa kana keessatti ibsama. Murteen safuu ijoollee umrii kanaa nama hawaasa
keessatti namusa gaarii qabu ta‟uun namoota biro gammachiisuu irratti xiyyeeffatu. Gulantaan
kunis sadarkaalee lama of keessaa qaba:

Sadarkaa 3: Hariiroo Gaarii Uumachuu

Sadarkaa kanatti daa‟imman namoota gargaaruufi gammachiisuu waan barbaadaniif gocha nama
tokko kan murteessan fedhii namtichaa irratti hundaa‟a. Sadarkaa kanatti ijoolleen namoota
keessumattuu maatii kabajuufi waan isaan irraa eegamu bahuu irratti xiyyeeffachuun murtee
kennu. Ijoollee sadarkaa kana irra jiraniif jajamuun badhaasa caala gatii qabaaf ykn “Mucaa
gaarii‟‟ jedhamuu barbaadu. Akka murtee safuu daa‟imman sadarkaa kanaatti yaad-qalbii gaariin
kan namoota biroo gammachiisuufi „‟mucaa gaarii‟‟ nama jechisiisuudha.

Sadarkaa 4: Seera Hawaasaa Irratti hundaa‟u

Sadarkaa kanatti amantaa seerri hawaasaa kabajamuu qaba jedhutu jira. Kanaaf, sirrii ta‟uu
(gaarummaa)fi ta‟uu dhabuu gocha tokko kan murteessan seera jiruufi miidhaa inni namoota
irraan ga‟uu irratti hundaa‟aniiti. Kaka‟umsiifi haalli gochi sun ittin raawwatame maal iyyuu yoo
ta‟e kan daa‟imman sadarkaa kanaa caalatti bu‟uureeffatan seera hawaasaa ta‟a. Sadarkaa kanatti
murteen safuu, seera, ajaja, dirqamaafi haqa hawaasaa irratti hundaa‟a.Yaad-qalbiin sirriin
seerota qaamota aangoo irra jiranii kabajuu dha. Seerri hawaasni baase faayidaadhuma
hawaasichaaf waan ta‟eef kabajamuu qaba.Wanti hawaasni sirrii dha jedhe hundumtuu sirrii dha
jedhu.
Gulantaa 3: Seera waliigalteen Boodaa (Post-conventional Morality)
Seera waliigalteen Booda kun wal-gitiinsa qixa haqaa fi mirga dhuunfaa seer-bu‟uura
godhachuun ibsama. Gulantaa dagaagina murtee safuu isa ol-aanaa agarsiisa. Gocha tokko
murteessuuf sadarkaa sababeessuu ol-aanaa bu‟uura godhatu. Gulantaan kunis sadarkaalee lama
qaba:

Sadarkaa 5: Seera walii-galtee Hawaasummaa fi Mirga Namootaa

Sadarkaa kanatti namoonni yaada sababa bal‟aa qabu bu‟uureeffachuun wanti tokko sirrii ta‟uu
isaa murteessu. Kunis akka seeratti fayyada. Namoonni seerri kabajamuu akka qabu ni amanu,

36
garuu seerri murtee safuu kun yeroo tokko tokko yaadni isaan kennaan seera qabatamaan jiru
wajjin walitti bu‟uu akka danda‟u ni hubatu. Seera hawaasa tokkoo mirga nama dhuunfaafi
waliigaltee addunyaatin wal-bira qabanii ilaaluun murtee kennu. Kanaafuu seerri biraa
waliigaltee addunyaatiin mirkanaa‟u bahuu akka qabu amanu.
Sadarkaa 6: Seeroota-bu‟uuraa Naamusa Addunyawaa Qabu
Seerri kun Sadarkaa kana keessatti “sirriin” kan ittiin ibsamu amantaa sammuufi seer-bu‟uura
naamusa addunyaawwa qabu, amansiisaa ta‟e, loojikii irratti hundaa‟eefi bakka baay‟eetti
fudhatama qabun ta‟a. Namoonni sirriidha jedhanii yaadan yoo ta‟efi yaadaa isaanii namootni
biroo kan deggaru ta‟uu yoo baate ille wanta sirriifi sirrii hin taane kan ittiin murteessan safartuu
keessa isaanitiin ta‟a. Walumaagalatti, haqa, wal-qixxummaa namootafi kabaja dhala namaatiif
xiyyeeffannoo kennu. Murteen safuu seer-bu‟uura akka addunyaatti fudhatama qabu irratti
hundaa‟a. Seerri seer-bu‟uura addunyawwa wajjiin wal-hin simanne fudhatama hin qabu.

Gochaa
1. Sadarkaalee dagaagina yaad-hiddama murtee safuu madaalun faayidaa inni adeemsa baruu-
barsiisuu keessatti qabu waa sadi barreessun hiriyaa cinaakee jirutti laadhu.
2. Seenessa gocha 16 irra jiru irratti murtoon kee guulantaafi sadarkaa meeqaffaarra jira jettee
of madaalta?

37
 Cuunfaa Boqonnichaa

Qaama keenya keessa humni saayikoosaala‟oo jedhamu (psychic energy or sexual urg)
bal‟inaan dhangala‟ee jira
Akka yaad-hiddama saayikoo-hawaasummaatti dagaaginni sansaka dhala namaa
dhalootaa hanga du‟aatti kan walirraa hin cinneedha.
Yaad-hiddamni yaad-sammuu haala daa‟imman itti yaadaniifi yaada mataa isaanii
ijaarratan irratti xiyyeeffata.
Murteen safuu dandeetii namni tokko gochi tokko sirrii ykn dogoggorafi gaarii ykn
gadhee ta‟uu isaa sababaan deeggaruun dhiheessuti.
Murtten safuu beekkumsa, sababeessufi yaad-qalbii of keessatti hammata

Check list qabiyyee ijoo

Kaadhimamaa barsiisaa/tuu! amma qabiyyee boqonnaa lammaffaa mojula kanaa xumurteetta.

Kanaaf, mee qabiyyee ijoo boqonnaa kana keessatti dhiyyaatan hubachuu kee mirkanneeffachuuf
gaaffiilee armaan gadiitti dhiyaatan fuuldura gaaffichaatti mallattoo gargaaramuun of
madaali.

TL Gochawwana Raawwataman Eeyyee Lakkii

1 Yaada yaad-hiddama saayikoo saala‟oo himuu nan danda‟a

2 Yaada yaad-hiddama saayikoo hawaasummaa himuu nan danda‟a

3 Sadarkaalee dagaaginaa saayikoo hawaasummaa himuu nan danda’a

4 Sadarkaalee yaad-hiddama yaad-sammuu himmu nan danda’a

5 Guulantaaleefi sadarkaalee murtoo safuu koohelberg addaan baasuu nan danda’a

6 Garaagarummaa yaad-hiddamoota dagaaginaa dhala namaa ibsuu nan danda’a

38
 Boqonnaa Sadii

Sadarkaalee Dagaagina Dhala Namaa

Seensa

Boqonnaa kana keessatti sadarkaalee dagaagina dhala namaa wayitii mucummaatii hanga wayitii
dullumaa jira tokko tokkoon ilaalla. Amaloota sadarkaalee dagaagina dhala namaa tokkoon
tokkoon wayitii dagaaginaatti muuldhatan boqonnaa kana keessatti ni baratta. Dagaaginni yeroo
garaagaraa keessa kan darbuu fi naqata (pattern) wal fakkaatu kan agarsiisuudha. Tokkoon
tokkoo sadarkaalee dagaaginaa dhala namaa keessatti namotni dandeetiwwan isaanii mul‟isuu,
naqatawwan amalaa (patterns of behavior) fi toofta ittiin waan tokko raawwatan kan
agarsiisaniidha. Boqonnaa kana keessatti kutaalee gurguddoo lama isaanis Sadarkaa dagaagina
dhala namaa dhalootaan dura jiruufi dhalootaan booda jiru bal‟inaan kan ilaatu ta‟a.

GBYXGQ: Xumura boqonnaa kanaatti


 Sadarkaalee dagaaginaa dhala namaa hubattee addaan ni baafatta.
 Qabattoota dagaagina dhala namaa wayitii dhalootan duraa adda nibaafatu
 Garaagarummaqa wayitii dagaagina dhala namaa addaan ni baafta
 Sadarkaalee dagaaginaa dhala namaa hubattee ni dinqisiifatta.
 Amaloota buu‟uraa dagaaginaa dhala namaa wayitii ijoollummaa ganamaatii hang
dullumaa jiran hubattee adda ni baafatta
 Sadarkaalee dagaaginaa adda addaan keessatti rakkoowwan mudatan addaan ni baasuun
ni gabaafta

3.1 Dagaagina Dhalootaan Duraa

3.1.1 Sadarkaalee Dagaaginaa Dhalootaan Duraa

GBGBYXGQ Xumuura barannoo kanaatti:


 Sadarkaalee dhalootan duraa hubattee ni himta
 Qabattoota dagaagina dhala namaa wayitii dhalootan duraa adda ni baafatta
 Dagaagina dhalootan duraa beekun faayidaa barsiisotaaf qabu nihimta
 Akkaataa dagaagina dhalootan duraa hubattee ni dinqisiifatta

39
 

Gochaa Barattootaa

1. Dagaagina dhalootan duraa jechuun maali? Hiriyaa cinaa kee jiru waliin yaada wal
jijjiirun waan lamaan keessan irratti walii galtan dareef ibsaa.
2. Qabattoonni dhalootan dura dagaagina dhala namaa irratti dhiibbaa faallaa geessisan
maal faadha? Tarreessi.
3. Dagaagina dhalootan duraa beekun barsiisaf/tuf faayidaa akkamii qaba jettee yaadda?
Sadarkaaleen dagaagina dhala namaa dhalootan duraa kan jedhamu guyyaa “fertilaayizeeshiniiti”
kaasee hanga guyyaa dhalootaatti isa jiruudha. Sadarkaan dagaaginaa dhalootan duraa bakka
sadiitti qoodama. Isaanis:

a) Wayitii Zaayigootii /the Germinal stage/

 Guyyaa fertiliizaashinii irraa eegalee hanga torban lamaatti isa jiruudha.
 Yeroon kun yeroo itti zaayigootiin uumamu, seeliwwan itti baay‟atanii fi zaayigootiin
gadammeessaa haadhaan walqabatudha.
 Yeroon kun yeroo pilaaseentaan itti sirriittii uumamuun haadhaa fi faateesii walitti
hidhuun taajajiluu jalqabuudha.
b) Wayitii miciree/ Embryonic stage/
 Dagaagina guyyaa 15ffaa irraa eegalee hanga torbee sadaffatti isa jiruudha

40
  Yeroon kun yeroo itti adeemsiwwan wayitiii jalqabaa eegalan cimanii itti fuufaniidha.
 Yeroo itti qaamolee heedduun itti adda bahanii uumamanidha.
 Yeroo kanattis qaamolee uumaman bakka sadiitti addaan kan bahanidha.
I. Qaama gara alaa/ ectoderm/ Fkn gogaa, rifeensa, sirna narvii giddu galeessaa ,
sammuufi wiirtuu dugdaa.
II. Qaama keessaa /endoderm. / Fkn lafee, mashaa, sirna deddeebii dhangalaawwan
qaama keessaa (circulatory system). Soomba, tiruu fi kkf
III. Qaama gidduu /mesoderm/ Qaama gara alaa fi Qaama keessaa kan hammatuu dha.
Fkn. lafee ,mashaa, sirna narvii giddu galeessaa fi kkf


Gochaa

1. Sadarkaalee dagaagina dhala namaa halootan duraa irraa waan

hubatte nama cinaakee jirutti himi.

c) wayitii Fiitesii /Fetal Stage/

 Wayitiin kun ji‟a lammaffaa irraa eegalee hanga guyyaa dhalootaatti kan jiruudha
 Wayitiin kun yeroo itti jijjiiramni guddaan itti mul‟atudha.
 Jijjiiramni kunis hanga qaamolee uumamaniifi dalagaa qaamolee kanaan walqabata .fknf,
irree irratti harki, harka irratti quba, quba irratti qeensii ni dagaaga.
 Wayitii kanatti qaamni haaraan uumamu hin jiru.
 Yeroon kun yeroo itti koorniyaan addaan bahuun beekamuudha (ji‟a sadaffaatti).



Gocha

1. Qabattoota dagaagina dhalootaan duraa irratti miidhaa fidan maal fa‟i. tarreessi
2. Wantoonni araadaa nama qabsiisan hariiroo ulfa waliin qabu qaaccessuun gabaasi?

41
 3.1.1. Qabattoota Daggaagina Dhalootaan Duraa

GBGBYXGQ Xumuura barannoo kanaatti:


 Qabattoota dagaagina dhala namaa wayitii dhalootan duraa ni ibsita
 Qabattoota haadha waliin walqabatan ni tarreessita

Qabattoota Daggaagina Dhalootaan Duraa

Qabattoota wantootan walqabatan

(Tertogens) Qabattoota haadha waliin
walqabatan (Maternal factors)
 Qorsa seeran alaa
 Dhugaatii alkoolii  Haala nyaataa
 Tamboo xuuxuu  Currisa haadha ulfaa
 Faalama naannoo  Umrii haadhaa
 Dhibee daddarbaa  Rh walsimuu dhabuu
 Balaqqeessa (x-ray)


Gochalee barattootaa

1. Sadarkalee dagaaginaa wayitii dhalootaan dura jiran (wayitii killee,miciree,fi feetasii) umriifi
amaloota isaan mul‟isan ibsi
2. Haalawwan nyaataa,umurii haadhaa,deggeersa dhabuu,dhukkubsachuu haadhaa,fi kkfn,fayyummaa fi
guddina daa‟immanii akkamitti akka miidhu qaaccessuun gabaasi
3. Dhiibbaa hawaasa keessa jiru xiinxaluudhaan qabattoota hadhotiin akka ulfaa baasan taasisan
tarreessi.

42
3.1.2 Dagaagina Dhalootaan Boodaa
GBYXGQ: Xumura barannoo kanaa booda:
 Sadarkaalee dagaagina dhala namaa dhalootan boodaa hubattee adda ni baafatta
 Kunuunsa daa‟immaniif karaa maatiifi barsiisaa/tuu godhamuu qabu adda baafatta
 Toorota dagaaginaa waiyttii mucummaa, kurkuraa, ijoollummaa ganamaafi ijoolummaa
ni ibsita


Gochaa
1. Sadarkaaleen dagaaginaa dhalootan boodaa bakka meeqatti qooddama? Barreessii
hiriyaa cinaa kee jirutti agarsiisi.
2. Maatin hanga sadarkaa kamiitti daa‟imman kunuunsuu qabu? Maalif?
3. Amaloota dagaaginaa wayitii mucummaati hanga dullumaa jiruu tarreessi
4. Toora dagaaginaa sadarkaalee dhala namaa dhalootan boodaa tokko tokkoon ibsi.
Qoodamni sadarkaalee dagaagina dhala namaa kan dhalootan boodaa yeroo hedduu akka
armaan gadiitti ibsama. Isaanis:

 Wayitii muccummaa,( Guyyaa dhaloota - waggaa 2)

 wayitii ijoollummaa ganamaa, ,( waggaa 2-6)
 wayitii ijoollummaa boodaa, ,( waggaa 7-12)
 wayitii dargaagummaa, ( waggaa 13-19)
 wayitii ga‟eessummaa duraa, ,( waggaa20-40 )
 wayitii ga‟eessummaa gidduu fi,( waggaa 40-65)
 Wayitii dulumaa ( waggaa 66 hanga dhumaa)

43
 Figure 1 Sadarkaa dagaaginaa dhalootan boodaa

 Cuunfaa boqonnichaa
  Sadarkaaleen dagaagina dhala namaa dhalootan duraa kan jedhamu guyyaa
“fertilaayizeeshiniiti” kaasee hanga guyyaa dhalootaatti isa jiruudha.
 Sadarkaan dagaaginaa dhalootan duraa bakka sadiitti qoodama. Isaanis: wayitii
zaayigootii, wayitii micireefi wayitii fiitesiiti.
 Qoodamni sadarkaalee dagaagina dhala namaa kan dhalootan boodaa Wayitii
muccummaa, wayitii ijoollummaa ganamaa, wayitii ijoollummaa boodaa,wayitii
dargaagummaa, wayitii ga‟eessummaa duraa, wayitii ga‟eessummaa gidduu fi Wayitii
dulumaa ti.
 Qabattoonni dagaaginaa dhalootan boodaa bakka lamatti qooddama: kan haalan
walqabataniifi haadhan walqabatanidha.

44
 Boqonnaa 4

Gaayidaansiifi Kaawunsiliingii Barumsaa

Seensa Boqonnichaa

Boqonnaa kana keessatti hiikaafi yaad-rimee gaayidaansiifi kaawunsiliingii, adeemsa

gaayidaansiifi kaawunsiliingii, amaloota kaawunsilariifi gahee barsiisaan barattoota gorsuu
keessatti qabu ni ilaaltu. Adeemsa baruu barsiisuu keessatti rakkoole adda addaa kan naannoofi
uumamaa ta‟an adeemsa baruu barsiisuu barattootaa dankuu danda‟u. karroolee kanneen furuuf
ammo barsiisan gahee guddaa taphachuutu irraa eegama. Rakkoolee jiraaniif fala kaa‟udhaan
dura garuu waa‟ee gaayidaansiifi kaawunsiliingii sirriitti beekun baay‟ee barbaachisaadha.
Kanaafuu boqonnaa kana keessatti adeemsafi toftaalee gaayidaansiifi kaawunsiliingii waliin
walqabatan bal‟inaan kan ilaallu ta‟a.
Ga‟umsa boqonnichaa: xumuura boqonnaa kanaatti:

  Yaad-rimee gaayidaansiifi kaawunsiliingii hubattee ni‟ibsita

 Adeemsa gaayidaansiifi kaahunsiliingii adda ni baafatta
 Amaloota gahidaansiifi kaawunsiliingii ni tarreessita
 Garaagarummaa gaayidaansiifi kaawunsiliingii addaan baastee ni himta
 Akaakuuwwan gaayidaansiifi kaawunsiliingii nitarreesita;
 Amala kaawunsilarri tokko qabaachuu qabu nihimta;


Gochaa
1. Kaadhimamaa barsiisaa/tuu jecha gaayidaansii jedhu dhageessee
beektaa? Gaaridha! Waan dhageessefi waan ofii keetif tilmaamte
hiriyaa cinaa kee jirutti himi. Hiriyaa keetis waan inni/isheen
dhageesse/‟e gaafadhu.
2. Garaagarummaan gaayidaansiifi kaawunsiliingii maal sitti fakkaata?
Dareef ibsi.

45
4.1 Yaad-rimee Gaayidaansii

GBYXGQ: Xumuura barannoo kanaatti:

 Hikkaa gaayidaansii hubattee ni himta
 Amaloota gaahidaansii ni tarreessita
 Faayidaa tajaajilli gaayidaansii barattootaf qabu hubattee ni himta
 Galma gaayidaansii nitarreessita


Gochaa
1. Gaayidaansin eenyufi eessatti kennama?
2. Amaloota gaayidaansii tarreessi
3. Tajaajila gaayidaansii irraa qaamolee fayyadamoo ta‟an tarreesi
Gaayidaansiin gargaarsa namni tokko nama isa biroof waan filannoo jireenyaa isaa/ishee
keessatti barbaachisu akka fudhatuuf/ttuuf, naannoo keessa jiraatu/ttu wajjin waliigalteeakka
uumuufi rakkoowwan qunnaman hiikuu akka danda‟uuf taasifamudha. Karaa biraa immoo
gaayidaansiin adeemsa gargaarsaa kan akka namni gargaaramu itti gaafatamummaa fudhatu,
naannoofi maataa ofii hubachuu danda‟uuf taasifamudha. Walumaagalatti, gaayidaansiin
adeemsa dandeettii ofii fayyadamuun jireenya ofii fooyyeffachuufi ofitti amanamummaa
horachuuf kan nama gargaarudha.

Gama barnootaatiin Gaayidaansiin:

 Sirna barnootaa fedhiifi dandeettii daa‟immanii waliin walsimsiisuun haala kan

mijeessudha.
 Daa‟imman gosa barnoota barachuu barbaadani tokko dandeettii, fedhiifi cimina sammuu
isaaniirratti hundaa‟anii akka filatan gargaarudha
 Gaayidaansiin guddinaafi dagaagina fayyaa daa‟imman saffisiisudha.

. Amaloota Gaayidaansii

Akka Omeri (2006) ibsetti tajaajilli gaayidaansii amaloota armaan gadii qaba

46
 Gaayidaansin:

 Adeemsa
 Walitti fufinsa kan qabuudha
 Murtee kennuudhaaf xiyyeeffannoo addaa kenna
 Tooftaa fedhii ofii dhugoomsuuti.
 Tajaajila gooroofi gooreeti

Galma Gaayidaansii
Akka tajaajilaatti, gaayidansiin galma ijoo afur qaba. Isaanis:

A. Tajaajlia barumsaaf;
B. Ogummaaf;
C. Dhuunfaafi;
D. Haawasummaati.


Gochaa
1. Kaadhimamaa barsiisaa/tuu armaan olitti amalootafi galma gaayidaansii ilaaltee jirta.
Mee atimmoo akaakuu gaayidaansii kitaabota gagaraa dubbisuun waan argatte dareef
dhiheessi.
2. Kaayyon gaayidaansii barnoota keessatti maal akka ta‟e erga ofii keef itti yaaddee booda
hiriyaa cinaa kee jirutti yaada kee himi, kan isaas/ishees dhaggeeffadhu. Yaada lamaan
keessanii ammo dareef ibsaa.

4.2 Kaawunsiliingii

GBYXGQ: Xumura barannoo kanaatti k/barsiisaa/tuu:-

 Hikkaa kaawonsiliingii hubattee ni himta;

 Galmawwan kaawonsiliingii nitarreesita
 Gosoota kaawonsiliingii adda baafattee ni‟eerta;
 Amaloota kaawonsiliingii nitarreesita;

47
 

Gocha
1. Kaawonsiliingiin maal jechuu akka ta‟e yaada dhuunfaa keetii barattoota daree
hundaaf qoodi. Baay‟ee gaaridha!
2. Galmawwan kaawonsiliingii tarreessi.
3. Gosootni kaawonsiliingii maalfa‟i?
4. Amaloota kaawonsiliingii ibsi

Kaawunsiliingiin damee gaayidaansii ta‟ee rakkoo nama tokkoo hiikuu keessatti adeemsa
namtichi murtee mataa ofiitiin rakkoo isa mudatu hiikuudhaaf adeemsa gargaarsi ogummaa
itti kennamudha. Kana jechuun kaawunsiliingiin akka namni tokko

 Beekumsa isaa babal‟ifatu

 Rakkina mudateef furmaata hatattamaa kennu
 Rakkoo dhiphachuu sodaarraa maddu maqsuufi beekumsa ofii fayyadamanii
dandeettii rakkoo tooftaalee adda addaan cabsu gonfachiisuuf gargaara.

4.2.1 Garaagarummaa Gaayidaansiifi kaawunsiliingii

 Gaayidaansiin tajaajila dimshaashaa yoo ta‟u kaawunsiliingiin tajaajila gooree irratti

hundaa‟a.
 Kaawunsiliingiin nama ogummaa qabuun kan kennamu yoo ta‟u gaayidaansiin garuu
tajaajila nama ogummaa qabuufi ogummaa hin qabneenis kennamu danda‟uudha.
Walumaagalatti, gaayidaansiin nama kamiinuu kennamuu danda‟a. Fakkeenyaaf, Abbaa Gadaa,
lubootaa/Qeesii, Sheekii, Qaalluu, Ayyaantuu, hiriyyaa, maatii, obboleessa/obboleettiifi kanneen
kana fakkaatan yoo ta‟u kaawunsiliingiin garuu namoota ogummaa qabaniin qofa kennama.
Fakkeenyaaf, saayikoloojistoota, saayikaatiristoota, sooshoolojistoota, antiroopooloogistootaafi
ogummoota biroon ta‟a.

4.2.2 Galma Kaawunsiliingii

48
  Barattoonni hanqinaafi cimina isaanii adda baasanii akka hubataniif gargaara
 Barattoonni ilaalcha dhuunfaa qajeelaa akka dagaagfatan gargaara
 Adeemsa dagaagina daa‟immanii kallattii hundaan jiru keessatti gargaarsa taasisa
Hariiroo hawaasummaa qajeelaa ta‟e akka gonfataniif gargaara
 Rakkoolee dhuunfaa, currisaafi madda isaa hubatanii akka to‟atan isaan gargaara
 Dandeettii isaanii guutuu ta‟etti akka fayyadamaniif isaan gargaara.
 Barattoota hubannoo, beekumsaafi ogummaa jireenyaa gonfachiisuu
4.2.3. Gosoota Kaawunsiliingii
A. Kaawunsiliingii Garee: Gosti kaawunsiliingii Kun namoota rakkoo wal fakkaataa qaban
walitti fiduudhaan gareen kan kennamudha.
B. Kaawunsiliingii Dhuunfaa: Gosti kaawunsiliingii kun ammoo kaawunsilariifi nama rakkoo
qabu tokko qofa gidduutti kan gaggeeffamudha.
Karaa biro, Kaawunsiliingii bakka gurguddoo lamatti qoodamu . Isaanis:

I. Kaawunsiliingii kallattii / Direct Counseling/ fi

II. Kaawunsiliingii Al- kallattii ti / Indirect counseling/
I. Kaawunsiliingii kallattii: kaawunsiliingii kallattii keessatti ogeessi Kaawunsiliingi rakkoo
maamila /client/furuu keesstti hirmaannaa olaana ta‟e qaba. Kunis maamilichi data rakkoo isaa
ibsuu danda‟an akka walitti sassaabu ogeessa Kaawunsiliingitiin gargaarama. Itti aansuudhan
ogeessichi / counselor/ daataa qaacceessudhan rakkoo sanaaf gargaarsa marii ( furmaata) , ibsa ,
barumsa kallattii ta‟een kennaaf. Kaawuunsilleriin kun rakkoo maamilaaf dhimmoota sababa
ta‟an adda baasuudhan , rakkoo sanaaf fumaata kan ta‟an yaada dhiyeessa .

II . Kaawunsiliingii Al- kallattii. Kaawunsiliingiin Al- kallattii ammoo adeemsi isaa kan
armaan olii irra amma ta‟e adda dha. Akkataa „‟ Car R.Rogers‟n tajaajilli kun kan maamila
gidduu galeeffateedha. Kunis, maamilchi dandeettii fi beekumsaa kuufama qabuun gargaarame
rakkoo ofii isaa ofiin akka hiiku walabummaa qaba kan jedhu irratti xiyyeeffata . Haalli
rakkoo hubachuudhaaf daataa walitti sassaabamuu fi yeroon Kaawunsiliingiin itti gaggeeffamu
walii galtee qaamolee lammaniin kan murtaa‟uu dha.

Teekiniiknni kaawuunsiliingii inn kanbiroo teekinika lammaniinu Kaawunsiliingii kallttii fi

Kaawunsiliingii Al- kallattii ti kan hammatu „‟ Eclectic counseling „‟ dhan gargaaramuu dha

49
4.2.4. Amaloota Kaawunsilarii

 Currisni isaa tasgabbaa‟aa ta‟uu qaba.

 Haala namatti dhi‟eenya gaarii ta‟e kan qabu.
 Ogummaa isaa kan jaallatu.
 Hubannoo haala daree barnootaa, hojii kaawunsiliingii, hawaasummaafi dinagdee
nama gargaaramuufi kanneen kana fakkaatan kan qabu.
 Muuxxannoo, beekumsa, ogummaafi fedhii kan qabu.
 Hanqina isaa kan fudhatu, haqaafi dhugaan kan hojjetu.
 Loogiirraa bilisa ta‟uu qaba, Fakkeenyaaf, amantaa, koornayaa, aadaa, safuufi
kanneen kana fafakkaatan irraa ofeeggachuu qaba.

4.2.5 Adeemsa Kenna kaawunsiliingii

Adeemsa tajaajila kaawunsiliingii keessatti qaamolee lamatu waliin socho‟a. Isaanis:

1. Nama gargaaramuufi

2. Ogeessa gargaarsa kennu

Akka waliigalaatti gaheewwan kaawunsilarii keessaa isaan muraasni:

 Gargaaraafi gargaaramaa gidduutti hariiroo cimaa uumuu

 Of-hubachiisuuf tarkaanfi fudhatamu keessatti carraa filannoo adda addaa bal‟isuu.
 Haala naannoo mijataa nama gargaaramuuf mijeessuu.
 Icciitii tajaajilamaa eeguu
 Adeemsa kaawunsiliingii fooyyessuuf qorannoo yeroo yeroon gaggeessuufi kanneen kana
fakkaatan.
 Adeemsa kaawunsiliingii keessatti sansakni, fedhiin, ogummaan; akkasumas leenjini
kaawunsilarii iddoo guddaa qaba.

4.2.6 Ogummaawwan Bu‟uuraa kaawunsilerii

 Xiyyeeffannaadhaan dhageeffachuu
 Bakka gargaaramaa isaa of-buusuun rakkoo isaa hubachuuf yaaluu

50
  Hariiroo gaarii wal-hubannaa irratti hundaa‟e uumuu danda‟uu
 Gargaaramaa isaa kabajuu
 Gargaaramaa isaa gargaaruuf fedhiifi qophii qabu hundumaa agarsiisuu danda‟uu
 Wal-amantaa uumuu danda‟uu
 Icciitii maamilasaa eeguu

Tartiiba Kaawunsiliingiin ittiin kennamu

1. Xiyyeeffannoon dhaggeeffachuu
2. Rakkinicha adda baasuu
3. Yaada furmaataa eeruu
4. Yaada furmaataa filatamaa ta‟e filachuu
5. Hojiirra oolchuu
6. Murtoo kennuu
7. Tajaajila kaawunsiliingichaa cufuu/xumuruu

Naamusa Tajaajila Kaawunsiliigii Kaawunsilariin:-

1) Hariiroo ogummaa isaatiin gargaaramee fedhii dhuunfaa isaa, tajaajilamaa irratti fe‟uu
hin qabu.
2) Rakkoolee humna isaa ol yookan ogummaa isaatin ala ta‟an keessa galuu hin qabu.
3) Eenyummaa gargaaramaa isaa kabajuufi nageenya isaa eeguu qaba
4) Yaadni furmaataa gargaaramaa isaatiif dhiyaatu qabatamaa, dhugaafi furmaata haarawaa
kan fiduu danda‟u ta‟uusaa mirkaneeffachuu qaba
5) Iccitii gargaaramaa isaa sirritti eeguu danda‟uu, fedhiifi eeyyama gargaaramaa sanaatiin
ala icciitii nama sanaa eenyuttuu baasee ibsuu hin qabu
6) Tajaajila kaawunsiliingii kennuun, fedhiifi eeyyama gargaaramaa qofa irratti hundaa‟e
kan kennamu ta‟uu isaa mirkaneeffachuu qaba.
Gochaa
1. Kaadhimamaa/tuu barsiisaa/tuu akka yaada keetititti Gaayidaansiimoo
Kaawonsiliingitu irra caalaa barattootaf faayidaa qaba jettee yaada? Maalif?
2. Garaagarummaan galma gaayidaansiifi galma kaawonsiliingii maali? Dareef ibsi.
3. Amala gaayidaansii keessatti gaayidaansin adeemsa jechuun maal jechuudha?

51
 Cuunfaa Boqonnichaa

 Adeemsa kaawunsiliingii keessatti sansakni, fedhiin, ogummaan; akkasumas

leenjini kaawunsilarii iddoo guddaa qaba
 Gaayidaansiin gargaarsa namni tokko nama isa biroof waan filannoo jireenyaa
isaa/ishee keessatti barbaachisu akka fudhatuuf/ttuuf, naannoo keessa jiraatu/ttu
wajjin waliigalteeakka uumuufi rakkoowwan qunnaman hiikuu akka danda‟uuf
taasifamudha.
 Namni gargaaramuufi ogeessi gargaarsa kennu adeemsa tajaajila kaawunsiliingii
keessatti qaamolee barbaachisoodha.
 Gaayidaansiin nama kamiinuu kennamuu danda‟a
 Tajaajila kaawonsiliingii kennuuf ogummaan qabaachun dirqama ykn
barbaachisaadha
 Hicciitii eegun naamula kaawonsilarii keessaa isa ijoodha

52
Wabiilee (References)

1. BBO (2006) Hojiirra Olmaa Yaad-Hiddamoota Barachuu Manneen Barnootaa

2. Brown C. (2008). Developmental Psychology. Sage Publications Inc.
3. Gillibrand R., Lam L. & O‟donnell L. (2016). Developmental Psychology: Pearson
Education Limited. 2nd Ed
4. Richard M. Lerner M. & Mistry J. (2005). Handbook of Psychology. Developmental
Psychology: John Wiley & Sons, Inc., Hoboken: New Jersey. Volume
Sad. 1ffaa Keessatti (EPSY-221)
5. Shaffer R. & Kipp K. (2010). Developmental Psychology. Childhood and Adolescence:
Wadsworth, Cengage Learning. 8th Ed.

53