AGENDRE MIGU EPIFANIA

1. FANGOWAI BA FOGAONI
Fangowai
SA : Ya'ami banua niha Keriso, ba wondrugida migu Epifania andre, ma'owai ami fefu ba doi
Zo’aya yaita Yesu Keriso. Ya'ahowu...
SATO : Ya'ahowu.
SA : Ya faofao khömi Lowalangi
SATO : Ya fao khöu Geheha-Nia.

Fogaoni
SA : Da ta’owuawua’ӧ dӧdӧda wangondrasi Yehowa, da ta’omusoi’ӧ dӧdӧda ba wamalua
fasumangeta khӧ Lowalangida. Tasuno Ia, manunӧ ita ba Mbuku Zinunӧ numero : 12
BZ. 12 "NISUNO LOWALANGIDA"
BZ. 12. NISUNO LOWALANGIDA
1. Nisuno Lowalangida, nifosumange Ia.
Ama sahõli dõdõda, ba nifazõkhi-Nia.
Irara dõdõda andrõ, Ifadõhõ khõda wõkhõ, andrõ tasuno Ia.

2. Lasuno banua yawa, zi no fondrege yawa.

Ba ulidanõ õlia, fao awõ nõsinia.
Lasunosuno Zabõlõ, sombõi ya'ira, ba Sokhõ, andrõ tasuno Ia.

3. Niwõwõi Lowalangida, Ifaigi, Irorogõ.

Ilumõ'õ tanga-Nia, ba wa'omasi-Nia.
Dozi solo'õ li Nia, la'omasi'õ nawõra, andrõ tasuno Ia.

4. Ta'angarõfi li Ia, me lõ lala dõdõda.

Tafati wa Ifolala, Ibe wangorifida.
Sabõlõ ba Samatõrõ, So'aya, Sangomasi'õ, andrõ tasuno Ia.

5. Lõ farõi Lowalangida, faofao sa Ia khõda.

Ya'ia lembalembada, ba lala wekolida.
Tõdõ nama tõdõ-Nia, no Ifa'ele'õ khõda, andrõ tasuno Ia.

6. Sagõtõ fa'auri andre, tafosumange Ia.

Ya lõ tebato wanunõ, ndra wondrondrongo niha.
He iya'e, he dania, ba lõ awu'a li-Nia, andrõ tasuno Ia.

2. FANGA’ARO’Ö WA’OWULO (VOTUM)

SA : Da tahonogӧ dӧdӧda ba wariawӧsa, ba ba wa hasambua khӧ Lowalangi, (muzizio
zato).
No owulo ita ba da’e, ba dӧi Lowalangi Ama, ba ba dӧi Nono-Nia Yesu Keriso, ba ba dӧi
Geheha Ni’amoni’ӧ. Fangorifida ha ba dӧi Yehowa si no mombӧi banua si yawa awӧ
danӧ.
SATO : Yaduhu.
SA : He Yehowa, farongogö khögu lala ba wa’auri andrö, no fahöna wa’omuso dödö föna-U,
ba ba gambölö-U so wa’ohahau dödö si lö mamalö. HALELUYA.....(BZ. 452)
SATO : HALELUYA, HALELUYA, HALELUYA.

BNKP Jemaat thomas umbuhumene 1

SA : Mangandrӧ ita :
He Yehowa Lowalangi, Ama sahakhö tödö ba sebua fa’omasi. Ma’andrö saohagölö me
no Öheta ndra’aga moroi ba wa’abölö zogömigömi, no Ö’ohe ba haga, börö Zo’aya
ya’aga Yesu Keriso. Ya Eheha-U Ni’amoni’ö zanuturu lala khöma, ena’ö si tedou ba saro
ndra’aga ba wamati, ba si lö faröi ndra’aga ba wango’aurifagö fa’omasi irugi gamozua
götö danö andre. Yaduhu.
(mudadao zato)

3. MANUNÖ moroi ba Mbuku Zinunӧ numero :

BZ. 230. U’ILA WA NO FA’OMASI
1. U'ila wa no fa'omasi, zi falukhado khö, Yesu.
Hewa'ae tenga sinangea, na dali gamuatagu.
Me no aefado ba wönu, andrö mangaluludo khö-U,
Moroi sibai ba dödögu.

2. Ya'odo niha si lo sökhi, ba no omasi'ö Yesu.

Horögu fefu Öbe'e aefa, Öbohounido Eheha-U.
Börö wemöna-Mö, Yesu, zanga'aro'ö tödögu,
ba wogamö sawatögu.

3. Mo'ömödo ba wama'ema, uturiaigö ba niha.

Fefu zi falukha ndra'odo, nitemagu khö Zo'aya.
He Ama abölö'ö na, ndra'odo ba wangombakha,
turia röfa Zo'aya.

4. Tebai manö sa olifudo, wa'ebua dödö Nama.

Ba zi sandrohu fa'aurigu, fa'omasi-U no utema.
He tosasa, he numana, he göna fa'ate'ala,
lö uböhöli Zo'aya.

5. Ba matötöna khö-U he Ama, wa örorogö ndra'aga.

Börö Nono-U Yesu Keriso, Ono Wondrege Zalawa.
Taromali-U gaurifama, si lö tebulö he ara.
irugi ba gamozua.

4. FOMBASO TAROMA LI LOWALANGI

SA : Da tafondrondrongo daroma Li Lowalangi, tehalӧ moroi ba zura
YESAYA 25:1-9
1. He Yehowa, Lowalangigu ndra’ugõ! Da’u’abõlõgõ wanuno ya’ugõ, usuno
dõimõ andrõ! Noa sa õlau zahõlihõli dõdõ; nihonogõi fõna sa’ae ba tenga
faya, no si ndruhu.
2. No õbali’õ baho gara mbanua, banua saro, ba no õbali’õ adudula; gõdo niha
bõ’õ andrõ, ba tenga banua sa’ae õbe’e; lõ’õ sa’ae lafuli lataru’õ.
3. Andrõ lafosumange dania ndra’ugõ soi sabõlõ; la’ata’ufi ndra’ugõ banua soi si
hõndrõgõ awõra.

BNKP Jemaat thomas umbuhumene 2

 4. Hati sa ndra’ugõ ba zi lõ tõi, hati ba zi numana, na tosasa ira; sawatõ na so
deu laõhõ, lumõ na aukhu zino. Me no amaedola deu laõhõ, sangewe ba
mbagolõ, sa’ae wõnu zamalangõgõ awõra.
5. Si mane famunu wa’aukhu zino, na no ara lõ teu, si manõ wamunumõ
faguaguasa niha bõ’õ andrõ; si mane fa’aukhu zino, na haõmõ, na so lawuo,
si manõ wa’adõhõ wolaya zamalangõgõ awõra andrõ.
6. Ba ilau gowuloa Yehowa ngahõnõ andrõ, ba hili andrõ, fefu soi ikaoni; ihalõ
õra zatabõ, agu si no ara ibe’e nibadu, sotawõ gõ, nilau uto dõla, ba agu si no
arara, nihaogõ.
7. Iheta ba hili andrõ mba’aba’a andrõ, ba’aba’a soi andrõ, fefu, balubalu andrõ,
fombalu niha baero, fefu.
8. Ifakiko wa’amate, si lõ mamalõmalõ; ba i’osi So’aya Yehowa dawa horõ ba
mbawa niha, idozigõ, ba taya wa’aila mbanuania andrõ, ibe’e, ba guli danõ,
ma’asagõrõ; noa sa Yehowa zanguma’õ.
9. Na luo da’õ, ba lamane: Hiza Lowalangida, sabe’e dõdõda i’orifi ita; hiza
Yehowa nidõnadõnada fanolo! Ba dama’iki ita, akha omuso dõdõda, ba
wangorifi andrõ khõnia!

Si manӧ daroma li Lowalangi, da tatema’ӧ faoma sinunӧ :

BZ. 86 ayati 4. TA SUNOSUNO YEHOWA
Lala : No to’ele haga Yesu
4. Tasunosuno Yehowa, sangomusoi'õ tõdõ.
Tafaduhu'õ duria, wa no so zangatulõ.
Yesu sahakhõ tõdõ, sangefa'õ ba horõ.

BZ. 3 ayati 2. SUMANGE LA’OHE KHÖU

Lala : Masuno’ӧ Yehowa
2. Sumange la'ohe khõ-U, mala'ika awõ niha.
Dozi ira manunõ, lasunosuno Yehowa.
Lira lõ mo'aetufa, gõtõgõtõ wa'ara .

BZ. 20 ayati 1. MISUNOSUNO ZOAYA

1. Misunosuno Zo'aya, mibe zumange-Nia.
Mi'ebuaõ dõi-Nia, sotõi banua-Nia.
Me no Ikaoni gõi ami, afu mitema wa'auri, khõ Yesu, sangorifi.

5. FANGANDRÖ FANGEFA HORÖ

SA : Ya'ami ira talifusö,
Na tawa'ö lö horöda, ba talimo ita, ba si duhu lö'ö ba dödöda. Na ta'ombakha'ö horöda,
ba lö faröi Ia, ba no satulö Ia, fa I'efa'ö khöda horö andrö, Ihaogö ita, awö wa Iheta

BNKP Jemaat thomas umbuhumene 3

 fefu si lö atulö. Andrö da möi ita föna Lowalangi si fao fangidengide'ö ba wangombakha
horöda, (muzizio ita fefu).

Mangandrӧ ita :
Masuno ba ma’angarӧfili Ndra’ugӧ Yehowa, Ama khӧma si so ba zorugo, ba khӧ Yesu
Keriso sangorifi. No sebua fa’omasi Ndra’ugӧ khӧma gӧtӧgӧtӧ wa’ara. Ma’ondrasi
Ndra’ugӧ ba nahia ni’amoni’ӧ ba wangalulu ba ba wangandrӧ saohagӧlӧ, ba howuhowu
si no falukha ndra’aga. Mafaduhu’ӧ wa tenga si nangea ndra’aga tanӧ fӧna-Mӧ, me no
fahӧna horӧ si no mafalua, he ba wehedema, era’era dӧdӧma, awӧ gamuatama si lӧ
faudu ba daroma Li-Mӧ. Andrӧ mӧiga khӧ-U ba wangandrӧ fa’ahakhӧ dӧdӧ-U, ena’ӧ
Ö’efa’ӧ khӧma horӧma andrӧ, si no mafalua, irege sohahau tӧdӧ ndra’aga wanohugӧ
fekolima si faudu ba zomasi Ndra’ugӧ. Yaduhu.

SATO : Manunö
BZ. 224 ayati 1. NA UBINI’Ö HORÖGU KHÖ YESU
1. Na ubini'õ horõgu khõu Yesu
Ba lõ usõndra zahono dõdõgu.
U'ombakha'õ ngawalö horõgu, molala dõdõ.

BZ. 215 ayati 5. BA LÖ TEBULÖ WA TE’ALA

5. Ba lõ tebulõ wa te'ala, dozi sangerogõ Ama.
Si lõ manehe nibohouni, tõdõ awõ gera'era.
He So'aya, heta khõma, dõdõ si fabu'abu'a.

SA : Turia Wangefa horö :

Utayaigö golalöwamö, si mane lawuo, awö horöu si mane sau. Tema fuli’ö khö-Gu, me
no U’orifi ndra’ugö.
LAKHÖMI KHÖ LOWALANGI SI YAWA....

SATO : Manunö
BZ. 450 ayati 1. BA FA’ATULÖ BA GULIDANÖ
1. Ba fa'atulö ba gulidanö ba niha ni'omasi'ö andrö.
(mudadao zato)

6. FOMBASO TAROMA LI LOWALANGI

SA : Da tafondrondrongo daroma li Lowalangi, tehalö moroi ba zura
MAREKO 8:34-38
34. Ba humede ia ba niha sato, awõ ba nifahaõnia, imane khõra: Na so zedõna
molo’õ ya’o, ba yamu’ositengagõ ia, yamulu’i rõfania ba yamu’o’õ ndra’o.
35. Na so sa zedõna manganau’õ nosonia, da’õ zaetu noso, ba na so zaetu noso,
na bõrõ ndra’o ba turia somuso dõdõ andrõ, ba da’õ zanganau’õ.
36. Hadia sa guna ba niha, na isõndra ena’õ harenia fefu hadia ia zi so ba guli
danõ, ba na te’ala ia nosonia?
37. Hadia sa ena’õ, nibe’e niha hõli nosonia?

BNKP Jemaat thomas umbuhumene 4

 38. Na so sa zaila ba khõgu andre, ba ba daroma ligu, ba niha sohorõhorõ andre,
solalõ, da’õ gõi zaila dania Nono Niha, na so ia, na so khõnia lakhõmi Nama
andrõ, ba na awõnia mala’ika ni’amoni’õ andrõ.

Ya’ahowu zamondrondrongo taroma li Lowalangi ba same’e ba dödö.

SA +
SATO : YADUHU

7. FAMALUA HALÖWÖ NI’AMONI’Ö FAMAYAGÖ IDANÖ

8. FASÖMBATA
SA : Iada'e tebe'e khöda ginötö ba wolohe fasömbata khö Lowalangi. Ta'osamuzaigö wame'e,
he fasömbata si föföna, ba si manö göi zi mendrua awö zi medölu. Ba si oföna ua da
tafondrondrongo li Lowalangi me imane:

Si samösa, ba oya ibe’e, ba tedoudou manö zi so khönia, ba si samösa, ba i’atalisi zi

nangea nibe’e, ba tedou wa’anumanania (Amaedola 11:24)
(ma zui)
Same’e sumange fangandrö saohagölö, da’ö zamolakhömi Ya’odo, ba ba zi lö sinegu ba
mbuabuania, U’oroma’ö wangorifi andrö khö Lowalangi (Sinunö 50:23)
SA : Tafa’ema wasömbata khö Lowalangi, ba manunö ita moroi ba buku zinunӧ

BZ. 261: YA’E ZUMANGE

1. Ya'e zumange fasömbata, ma'ohe sumange Yehowa.
Ma'andrö khö-U fahowu'ö zumange ni'ohema khö-Mö.

2. Ya'e zumange fasömbata mabe'e soroi ba dödöma

Ma'andrö khö-U fahowu'ö zumange ni'ohema khö-Mö.

3. Ya'e zumange fasömbata buala si'otarai Nama.

Ma'andrö khö-U fahowu'ö zumange ni'ohema khö-Mö.

4. Ya'e zumange fasömbata, boto, noso, ba fa'aurima

Ma'andrö khö-U fahowu'ö zumange ni'ohema khö-Mö.

5. Ya'e zumange fasömbata, lö irugi zomasi dödö-U

Ma'andrö khö-U fahowu'ö zumange ni'ohema khö-Mö.

6. Ya'e zumange fasömbata, ma'aohasi gölö Zo'aya.

Ma'andrö khö-U fahowu'ö zumange ni'ohema khö-Mö.

Da tafasao wasӧmbatada andre fӧna Lowalangi,.....muzizio ita fefu

(mudadao zato)

9. KOOR/VOKAL GROUP
Da tafaogö dödöda ba wanuno Lowalangi faoma Sinunö ni’olohesi :

BNKP Jemaat thomas umbuhumene 5

 a.
b.
c.

10. MANUNÖ
SA : Da tafa’anö dödöda wamondrondrongo taroma Li Lowalangi, manunö ita moroi ba
mbuku zinunö numero :
BZ. 310. HA YESU ZI FAHUWU KHÖDA
BZ. 310 "HA YESU ZI FAHUWU KHÕDA"

1. Ha Yesu zi fahuwu khõda, si fahõna fa'omasi.

Lõ tasõndra ba gulidanõ, zi fahuwu lõ farõi.
Tabe khõ Yesu dõdõda, sangomasi'õ ya'ita.

2. Itehe niforõfa Ia, salahida ba horõda.

Ba no Ilu'i wõnu Nama, afu ohahau dõdõda.
Tabe khõ Yesu dõdõda, sangomasi'õ ya'ita.

3. Lõ aefa dõdõ-Nia khõda, me no si lõ farõi Ia.

Lõ aetu wa'omasi-Nia, wame'e khõda Eheha.
Tabe khõ Yesu dõdõda, sangomasi'õ ya'ita.

4. Sowuawua tõdõ ita, ba wekolida ba danõ.

Me Yesu zi fahuwu khõda, same'e fondrara dõdõ.
Tabe khõ Yesu dõdõda, sangomasi'õ ya'ita.

5. He Yesu, si fahuwu khõgu, tolo ba ohe dangagu.

Ba zagafõkhõ bõi bõhõido, a'aro'õ wamatigu.
Yesu khõ-U ube dõdõgu, dou'õ wa'omasigu khõ-U.

6. He Yesu si fahuwu khõma, fa'auri-Mõ wa'aurima.

Ba wangawuli-Mõ dania, ohahau sa'ae dõdõma.
Me khõ-U ndra'aga So'aya irugi ba gamozua.
(ma zui)
Buku Zinunӧ numero 163: UHONOGÖ SIBAI DÖDÖGU

BZ. 163 "UHONOGÕ SIBAI DÕDÕGU"

Uhonogö sibai dödögu ba wamandrondrongo, li-Mö Yesu.
Mangalulu ndra'odo föna-U ba gametahö-Mö, iada'a.

Õbayoini Eheha-U Yesu dozigö mbanua, samati khö-U

Ubokai dödögu khö-U Yesu nahia daroma li-U.

Taroma li-Mö lö fa'atebulö,

Menewi ma'ökhö ba si'ogötö'ö lö sa mamalö.

Taroma li-Mö si möi fangabölö,

Utema'ö soroi ba dödö, tolo ba wolo'ö

11. HUHUO SEBUA

Buku Zinunӧ numero 154: NO MAFONDRONDRONGO LIU
Buku Zinunӧ numero 156: HE SO’AYA, BÖI BULÖ’Ö

BNKP Jemaat thomas umbuhumene 6

12. TUHO WAMATI
SA : Me no tarongo daroma Li Lowalangi, ba da tafaogӧ li da wamaduhu’ӧ famatida ya’ita
niha Keriso fӧna Lowalangi, muzizio ita fefu....endronga li da.
SA+
SATO : * Ya’o mamati khӧ Lowalangi Ama si lӧ ambӧ fa’abӧlӧ, sombӧi banua si yawa awӧ
danӧ.
* Ya’o mamati khӧ Yesu Keriso, So’aya ya’ita, Ono Lowalangi si ha samӧsa, nitema nina
Nia Maria khӧ Geheha Ni’amoni’ӧ, ono nono alawe Ia, no manaӧgӧ huku Ia, barӧ
mbawa Fondrio Filato, teforӧfa Ia, mate, ba lako’o. No mӧi Ia ba mbanua niha tou,
no maoso Ia moroi ba ngai zimate me no irugi tӧlu ngaluo. No manahae Ia, mӧi ba
zorugo, dumadao ba gambӧlӧ Lowalangi Ama si lӧ ambӧ fa’abӧlӧ. I’otarai da’ӧ
mangawuli Ia dania ba wanguhuku niha sauri, awӧ zi no mate.
* Ya’o mamati khӧ Geheha Ni’amoni’ӧ, ba ufati ha sambua mbanua ni’amoni’ӧ, fefu
niha Keriso, fa’awӧsa niha ni’amoni’ӧ, ba fangefa horӧ, ba femaoso mboto zimate, ba
fa’auri si lӧ aetu. Yaduhu.
(mudadao zato)

13. FAMALUA HALOWO FAMAHOWU’O

14. ANGOMBAKHATA BA MBANUA NIHA KERISO

SA : Da tafondrondrongo gangombakhata nifaema Sekretaris Jemaat

15. MANUNO
SA : Manunӧ ita moroi ba Mbuku Zinunӧ numero :
BZ. 477. OMUSOMUSO DÖDÖ ZAMATI
1. Omusomuso dödö zamati, me no ae latema mbuala.
Me no mamuala khöra Yesu famalalini era'era.

2. No motödö niha gulidanö, lö sanörö lala sindruhu.

Sökhi dali zoroma ba hörö, tödö bakha fahöna mbekhu.

3. No Iheta ba zogömigömi, no I'ohe ira ba haga.

Ibökö dödö si no mörömörö, Itaba wesu nilau gafökha.

4. No iwa'ö ba zura Matai'o, Ya'o döla nagu sindruhu.

Fefu ndraha si faefa ba döla, lö mowua da'ö lö mofozu.

5. Dozi niha samati khö Yesu, lö faröi ira wangalulu.

Oi manema ira howuhowu, mowua ira fa'aduhu.

6. Sanau'ölö wolo'ö li Yesu, lö göna ira fanguhuku.

Mosinema khamötö sindruhu, khöra wa'auri si lö aetu.

16. FANGANDRO SALAHI + FAMATENGE + HOWUHOWU

SH : Sumindro ita fefu, mangandrӧ ita.....(tetohugӧ) : Ba dӧi Zo’aya ya’aga Yesu Keriso, si no
mamahaӧ ya’aga ba wangandrӧ mamane :
SH +

BNKP Jemaat thomas umbuhumene 7

SATO : He Ama khӧma si so ba zorugo, ya te’amoni’ӧ dӧi-U. Ya tobali banua-U fefu niha, ya
itӧrӧ zomasi Ndra’ugӧ, hulӧ ba zorugo, ya si manӧ gӧi ba gulidanӧ. Öma sirugi ma’ӧkhӧ
be’e khӧma ma’ӧkhӧ andre. Ba efa’ӧ khӧma horӧma, si mane fangefa’ӧma sala ba zi so
sala khӧma. Bӧi ohe ndra’aga ba wanandraigӧ, efa’ӧga ba zi lӧ sӧkhi. Me ya’ugӧ
zamatӧrӧ banua-U, ba sokhӧ fa’abӧlӧ, awӧ lakhӧmi, irugi zi lӧ aetu. Yaduhu.
SATO : Manunӧ buku zinunӧ numero......
SH : Ya’ahowu
SATO : Ya’ahowu

BNKP Jemaat thomas umbuhumene 8