AGENDRE MIGU FAMAKAO YESU

25 MARET 2018
1. FANGOWAI BA FOGAONI
Fangowai
SA : Ya'ami banua niha Keriso ni’omasi’ӧ Zo’aya ya’ita Yesu Keriso. No tarugi migu Wanӧrӧ
tӧdӧ Famakao Yesu ma’ӧkhӧ, ma’owai ami : Ya'ahowu....!!
SATO : Ya'ahowu.
SA : Ya faofao khömi Lowalangi
SATO : Ya fao khöu Geheha-Nia.

Fogaoni
SA : Da ta honogӧ dӧdӧda wangondrasi Yehowa, da ta’erӧnusi tӧdӧda wamakao si no itaӧgӧ
So’aya ya’ita Yesu Keriso, manunӧ ita ba

BZ. 13. SUNO ZO’AYA YA’UGÖ TÖDÖ

1. Suno Zo'aya ya'ugõ tõdõ, bõi ae atage dõdõgu.
Suno dõi-Nia ni'amoni'õ, bõi olifu'õ nibe khõu.
Si no Ibe buala khõu, bõi aefa'aefa ba dõdõu,
Haleluya, Haleluya

2. Same'e aefa khõu horõu fefu, sangohahau'õ tõdõmõ.

Sanolo gõi ba sahakhõ tõdõ, ba sondrorogõ ya'ugõ.
Me lõ fanolo ba niha, angarõfi li Yehowa,
Haleluya, Haleluya.

3. No sahakhõ sibai tõdõ Zo'aya, ba sebua tõdõ Ia.

Oi mo'ola watahisa-Nia, ba obõwõ sibai gõi na.
Lõ Isulõni horõda, me sebolo tõdõ Ia,
Haleluya, Haleluya.

4. No tõdõ nama ba ndraononia, dõdõ Zo'aya ya'ita.

Dozi sangata'ufi Ya'ia, oi Ibõnõkhi zoguna.
Sebua tõdõ sa Ia, no gõtõgõtõ wa'ara,
Haleluya, Haleluya.

2. FANGA’ARO’Ö WA’OWULO (VOTUM)

SA : Da tahonogӧ dӧdӧda ba wariawӧsa, ba ba wa hasambua khӧ Lowalangi, (muzizio
zato).
No owulo ita ba da’e, ba dӧi Lowalangi Ama, ba ba dӧi Nono-Nia Yesu Keriso, ba ba dӧi
Geheha Ni’amoni’ӧ. Fangorifida ha ba dӧi Yehowa si no mombӧi banua si yawa awӧ
danӧ.
SATO : Yaduhu.
SA : Hakhӧsi tӧdӧ ndra’o, Ya’ugӧ Yehowa, sata’u tӧdӧ sa ndra’odo. Aoko hӧrӧgu ba wa’abu
dӧdӧ andrӧ, ariri nosogu ba ӧsigu. Ba ya’odo, ba sanӧtӧna khӧ-U, Ya’ugӧ Yehowa no
umane : “Lowalangigu Ndra’ugӧ” ba danga-U so lalagu andrӧ. Efa’ӧ ndra’o ba danga zi
fa’udu khӧgu ba ba zolohi ya’odo. He Yehowa, bӧi be’e aila ndra’o. Orifi ndra’o, ba
wa’atulӧ dӧdӧ-U andrӧ. HOSIANA.....(BZ. 454)

SATO : HOSIANA, HOSIANA, HOSIANA.

BNKP Jemaat thomas umbuhumene 1

SA : Mangandrӧ ita :
He Yehowa Lowalangi, Ama sahakhӧ tӧdӧ ba sebua fa’omasi, si no umbu howuhowu ba
fa’auri. Itӧrӧ tӧdӧma wamakao Zo’aya ya’aga Yesu Keriso. No Ö’lulu nono-U omasi’ӧ ba
danga zokhӧ horӧ, te’o’aya, tefakao, teforӧfa ba mate bӧrӧ horӧma. Fahaӧ ndra’aga,
fa’aboto ba dӧdӧma ngawalӧ horӧ si na mafalua. Abӧlӧ’ӧ ndra’aga wolawa fa’abӧlӧ nӧsi,
ena’ӧ mo’ahonoa ndra’aga ba wamalua somasi Nama, ba khӧ Zo’aya ya’aga Yesu Keriso
ba ba Geheha Ni’amoni’ӧ, Yaduhu. (mudadao zato)

3. MANUNÖ
BZ. 209. YESU GUMBU WA’AURI
1. Yesu gumbu wa'auri, sangorifi samati.
Mitabu ta'ondrasi afu auri ita gõi.
Ha khõ Yesu so da'õ, lõ tesõndra ba mbõ'õ.

2. Do Keriso So'aya da'õ wangorifida.

Mõi fangefa horõda na mamati ita gõi ita.
Lõ a'ozu tehuku, na no ta'o'õ Yesu.

3. Na dalida goroisa ba oi si mate ita.

Lõ tesõndra zamõsa zi lõ mo'olalõwa.
Yesu no mõi salahi, Itehe ni'elifi.

4. Fa'omasi-Mõ, Yesu, wa õtehe nibunu.

Fangefama ba wõnu, ena'õ lõ tehuku.
Me ebua dõdõ-Mõ, halõga tana khõMõ.

5. Da ululudo khõ-Mõ, Yesu sahakhõ tõdõ.

Sawatõgu Ndra'ugõ, be khõgu Geheha-Mõ.
Fosinema gõi ndra'o, ba ndro-Mõ bohounido.

4. FOMBASO TAROMA LI LOWALANGI

SA : Da tafondrondrongo daroma Li Lowalangi, tehalӧ moroi ba zura

MATAI’O 22 : 1 – 14
1. Ba humede Yesu, amaedola zui ilau khõra, imane:
2. No fakhilikhili ira mbanua zorugo andrõ razo niha, samangowalu ononia.
3. Ba ifatenge zawuyunia, ba wehede ba zi ho kumaoni, ba we’amõi ba walõwa,
ba lõ edõna mõi ira.
4. Ba ifuli ifatenge zawuyu bõ’õ, imane: Mimane ba zi ho kumaoni andrõ: Hiza,
no u’asiwai gõ andrõ khõgu, õrõbao khõgu ba hadia ia gurifõ ni’a’atabõ, ba
no tumaba ba no awai fefu hadia ia, mitabu ba walõwa.
5. Ba lõ ba dõdõra; mofanõ ira, so zi mõi ba nowi khõnia, ba so zi mõi maniaga.
6. Ba tánõ bõ’õ, ba lara’u zawuyunia andrõ, la’o’aya ba labunu.

BNKP Jemaat thomas umbuhumene 2

 7. Ba mofõnu razo no mege, ba ifatenge zaradadunia, ifafakiko’õ zange’e andrõ
ba banuara, ba ifatunu’õ.
8. Aefa da’õ, ba imane ba zawuyunia: Noa sa mulau walõwa, ba tenga si
nangea mõi nikaoni andrõ.
9. Ba mi’ae ba wabaliwa lala misa, ba ha wa’ato zi falukha ami, ba mikaoni ba
walõwa.
10. Ba mõi ba lala zawuyu no mege, ba la’ozaragõ fefu zi falukha ira, si sõkhi,
awõ zi lõ sõkhi, ba afõnu niha si manga naha walõwa.
11. Ba me mõi baulu razo, ba wamaigi si manga andrõ, ba i’ila zamõsa ba da’õ,
si lõ baru ba walõwa.
12. Ba imane khõnia: He le, hadia wa mõi’õ yomo ba da’e, ba lõ baru ba
walõwa? Ba lõ hedehedenia.
13. Ba imane razo ba genoni: Mibõbõ gahenia ba tangania, ba mitibo’õ ia ba
zogõmigõmi, baero sibai; ba fege’ege dania ba da’õ ba fatangisa mboha.
14. Ato sa nikaoni, ba lõ ato nitutuyu.

Si manӧ daroma li Lowalangi, da tatema’ӧ faoma sinunӧ :

BZ. 86 ayati 4. TASUNOSUNO YEHOWA

(Lala : No To’ele Haga Yesu)
4. Tasunosuno Yehowa, sangomusoi'õ tõdõ.
Tafaduhu'õ duria, wa no so zangatulõ.
Yesu sahakhõ tõdõ, sangefa'õ ba horõ.

BZ. 3 ayati 2. SUMANGE LA’OHE KHÖU

(Lala : Masuno’ӧ Yehowa)
2. Sumange la'ohe khõ-U, mala'ika awõ niha.
Dozi ira manunõ, lasunosuno Yehowa.
Lira lõ mo'aetufa, gõtõgõtõ wa'ara .

BZ. 20 ayati 1. MISUNOSUNO ZOAYA

1. Misunosuno Zo'aya, mibe zumange-Nia.
Mi'ebuaõ dõi-Nia, sotõi banua-Nia.
Me no Ikaoni gõi ami, afu mitema wa'auri, khõ Yesu, sangorifi.

5. FANGANDRÖ FANGEFA HORÖ

SA : Ya'ami ira talifusö,
Na tawa'ö lö horöda, ba talimo ita, ba si duhu lö'ö ba dödöda. Na ta'ombakha'ö horöda,
ba lö faröi Ia, ba no satulö Ia, fa I'efa'ö khöda horö andrö, Ihaogö ita, awö wa Iheta
fefu si lö atulö. Andrö da möi ita föna Lowalangi si fao fangidengide'ö ba wangombakha
horöda, (muzizio ita fefu).

BNKP Jemaat thomas umbuhumene 3

 Mangandrӧ ita :
He Ama, Lowalangima sebua fa’omasi. Masuno ba ma’angarӧfili Ndra’ugӧ Yehowa.
Mӧiga ma’ondrasi Ndra’ugӧ ba nahia ni’amoni’ӧ, ya’aga niha si no ra’iӧ. Mafaduhu’ӧ wa
tenga si nangea ndra’aga tanӧ fӧna-Mӧ, me no fahӧna horӧ si no mafalua, he ba
wehedema, era’era dӧdӧma, awӧ gamuatama si lӧ faudu ba daroma Li-Mӧ. No ambӧ
ndra’aga ba wangomasi’ӧ Ya’ugӧ soroi dӧdӧ. Asese olifu ndra’aga wangandrӧ saohagӧlӧ
ba howuhowu-Mӧ si no matema, ba no arӧrӧ ndra’aga ba gisӧ’isӧ dӧdӧ ba gulidanӧ
andre. Si tekiko ndra’aga ba horӧma. Andrӧ ha fa’ahakhӧ dӧdӧ Nama ni’andrӧma.
Bologӧ dӧdӧ-U khӧma ba be’e aefa khӧma horӧma......

SA : Mangandrӧ ba dӧdӧ zamӧsana fӧna Lowalangi....1 irugi 2 meniti.

SA : Hakhӧsi dӧdӧ-U khӧma, Ama, ba be’e aefa khӧma horӧma andrӧ ma’afefu. Yaduhu

SATO : Manunö
BZ. 224 ayati 1. NA UBINI’Ö HORÖGU KHÖ YESU
1. Na ubini'õ horõgu khõu Yesu
Ba lõ usõndra zahono dõdõgu.
U'ombakha'õ ngawalö horõgu, molala dõdõ.

BZ. 215 ayati 5. BA LÖ TEBULÖ WA TE’ALA

5. Ba lõ tebulõ wa te'ala, dozi sangerogõ Ama.
Si lõ manehe nibohouni, tõdõ awõ gera'era.
He So'aya, heta khõma, dõdõ si fabu'abu'a.

SA : Turia Wangefa horö :

Si manӧ sa wa’omasi Lowalangi nӧsi gulidanӧ, no Ibe’e Nono-Nia andrӧ, si ha sambua,
ena’ӧ lӧ tekiko dozi samati khӧ-Nia, ena’ӧ so khӧra wa’auri si lӧ aetu (Yohane 3:16)
LAKHÖMI KHÖ LOWALANGI SI YAWA....

SATO : Manunö
BZ. 450 ayati 1. BA FA’ATULÖ BA GULIDANÖ
Ba fa'atulö ba gulidanö ba niha ni'omasi'ö andrö.
(mudadao zato)
6. FOMBASO TAROMA LI LOWALANGI
SA : Da tafondrondrongo daroma li Lowalangi, tehalö moroi ba zura

SINUNO 99 : 1 – 5
1. Razo Yehowa; sanizinizi niha baero; yawa Kerubi dumadao ia, humisi danõ.
2. Ebua Yehowa, ba Ziona, yawa niha bõ’õ fefu ia.
3. Ya lasuno dõimõ andrõ, sebua, sata’u niha; ni’amoni’õ ia.
4. Awõ wa’abõlõ razo andrõ, somasi huku satulõ; nifatõrõu ba ma’uwu Yakobo
andrõ, ba sadõlõ ba satulõ.
5. Mifosumange Yehowa, Lowalangida, mi’angalulu fõna mbakubaku gahe
andrõ khõnia: ni’amoni’õ ia!
BNKP Jemaat thomas umbuhumene 4
 Ya’ahowu zamondrondrongo taroma li Lowalangi ba same’e ba dödö.
SA +
SATO : YADUHU

7. FASÖMBATA
SA : Iada'e tebe'e khöda ginötö ba wolohe fasömbata khö Lowalangi. Ta'osamuzaigö wame'e,
he fasömbata si föföna, zi mendrua awö zi medölu, ba si manö göi zi me’öfa
nitandrösaigö ba Pembangunan Gereja. Ba si oföna ua da tafondrondrongo li Lowalangi
me imane:

Ba da'ö niwa'ögu : na so zangatalisi tanömö, ba lö oya'oya ibasi, ba na so zi lö alimagö

tanömö, ba oya göi ibasi dania. Ba balazi dödö zamösana, böi abu dödö, ba tenga
niforege, si no aoha gölö fame'e, da'ö sa zomasi Lowalangi (II Korindro 9:6-7)
(ma zui)
Same’e sumange fangandrö saohagölö, da’ö zamolakhömi Ya’odo, ba ba zi lö sinegu ba
mbuabuania, U’oroma’ö wangorifi andrö khö Lowalangi (Sinunö 50:23)

SA : Tafa’ema wasömbata khö Lowalangi, ba manunö ita moroi ba :

BZ. 261. YA’E ZUMANGE

1. Ya'e zumange fasömbata, ma'ohe sumange Yehowa.
Ma'andrö khö-U fahowu'ö zumange ni'ohema khö-Mö.

2. Ya'e zumange fasömbata mabe'e soroi ba dödöma

Ma'andrö khö-U fahowu'ö zumange ni'ohema khö-Mö.
3. Ya'e zumange fasömbata buala si'otarai Nama.
Ma'andrö khö-U fahowu'ö zumange ni'ohema khö-Mö.

4. Ya'e zumange fasömbata, boto, noso, ba fa'aurima

Ma'andrö khö-U fahowu'ö zumange ni'ohema khö-Mö.

5. Ya'e zumange fasömbata, lö irugi zomasi dödö-U

Ma'andrö khö-U fahowu'ö zumange ni'ohema khö-Mö.

6. Ya'e zumange fasömbata, ma'aohasi gölö Zo'aya.

Ma'andrö khö-U fahowu'ö zumange ni'ohema khö-Mö.

Da tafasao wasӧmbatada andre fӧna Lowalangi,.....muzizio ita fefu

(mudadao zato)

8. KOOR/VOKAL GROUP
Da tafaogö dödöda ba wanuno Lowalangi faoma Sinunö ni’olohesi :
a.
b.
c.

BNKP Jemaat thomas umbuhumene 5

9. MANUNÖ
SA : Da tafa’anö dödöda wamondrondrongo taroma Li Lowalangi, manunö ita :

BZ. 279. HE YESU, OMASIGA

(Lala: Ohe Manӧ Dangagu)

1. He Yesu, omasiga ma'o'õ Li-U.

Me dozi Õkaoniga nifaha'õ-U.
Humulu sa dõdõma ba matema.
Wa'auri si lõ aetu soroi Nama.

2. Oroma'õ lalama ba haga-Mõ.

Me asese tobini ba telumõ.
Lakhõmi gulidanõ zolumõ'õ.
Ba gisõ'isõ dõdõ soya manõ.

3. Ya'ugõ gubaloma si lõ farõi.

Sanuturu lalama ba wekoli.
He oya nemalima sangalani.
Õ'ila õtenawa ba Õfoloi.

4. Aro'õ wamatima wanõngõni.

Li-Mõ si no Õwa'õ ba zamati.
Wa dozi sanau õlõ si lõ farõi.
Duhu wa oi latema wangorifi.

(ma zui)
BZ. 163. UHONOGÕ SIBAI DÕDÕGU
Uhonogö sibai dödögu ba wamandrondrongo, li-Mö Yesu.
Mangalulu ndra'odo föna-U ba gametahö-Mö, iada'a.

Õbayoini Eheha-U Yesu dozigö mbanua, samati khö-U

Ubokai dödögu khö-U Yesu nahia daroma li-U.

Taroma li-Mö lö fa'atebulö,

Menewi ma'ökhö ba si'ogötö'ö lö sa mamalö.
Taroma li-Mö si möi fangabölö,
Utema'ö soroi ba dödö, tolo ba wolo'ö

10. HUHUO SEBUA

BZ. 154: NO MAFONDRONDRONGO LIU
BZ. 156: HE SO’AYA, BÖI BULÖ’Ö

11. TUHO WAMATI

SA : Me no tarongo daroma Li Lowalangi, ba da tafaogӧ li da wamaduhu’ӧ famatida ya’ita
niha Keriso fӧna Lowalangi, muzizio ita fefu....endronga li da.
SA+
SATO : * Ya’o mamati khӧ Lowalangi Ama si lӧ ambӧ fa’abӧlӧ, sombӧi banua si yawa awӧ
danӧ.

BNKP Jemaat thomas umbuhumene 6

 * Ya’o mamati khӧ Yesu Keriso, So’aya ya’ita, Ono Lowalangi si ha samӧsa, nitema nina
Nia Maria khӧ Geheha Ni’amoni’ӧ, ono nono alawe Ia, no manaӧgӧ huku Ia, barӧ
mbawa Fondrio Filato, teforӧfa Ia, mate, ba lako’o. No mӧi Ia ba mbanua niha tou,
no maoso Ia moroi ba ngai zimate me no irugi tӧlu ngaluo. No manahae Ia, mӧi ba
zorugo, dumadao ba gambӧlӧ Lowalangi Ama si lӧ ambӧ fa’abӧlӧ. I’otarai da’ӧ
mangawuli Ia dania ba wanguhuku niha sauri, awӧ zi no mate.
* Ya’o mamati khӧ Geheha Ni’amoni’ӧ, ba ufati ha sambua mbanua ni’amoni’ӧ, fefu
niha Keriso, fa’awӧsa niha ni’amoni’ӧ, ba fangefa horӧ, ba femaoso mboto zimate, ba
fa’auri si lӧ aetu. Yaduhu.
(mudadao zato)

12. ANGOMBAKHATA BA MBANUA NIHA KERISO

SA : Da tafondrondrongo gangombakhata nifaema Sekretaris Jemaat

13. MANUNÖ
SA : Manunӧ ita moroi ba

BZ. 211. AHONO AE DÖDÖGU

1. Ahono ae dõdõgu, ba dangaMõ Yesu.
Bõrõ wa'omasiMõ, ohahau dõdõgu.
Fanunõ mala'ika, da'õ nirongogu.
Soroi zorugo yawa, omuso dõdõgu.
Ahono ae dõdõgu, ba dangamõ Yesu.
Bõrõ wa'omasiMõ, ohahau dõdõgu.

2. Ahono ae dõdõgu ba dangaMõ Yesu.

He na so wandraigõ lõ fa'ata'ugu.
Fefu gabula dõdõ, fa'aombõ dõdõgu.
He gõi fangarõngarõ Itayaigõ fefu.
Ahono ae dõdõgu, ba dangamõ Yesu.
Bõrõ wa'omasiMõ, ohahau dõdõgu.

3. Yesu we'ewe'egu no mõi salahigu.

Si lõ tebulõ Ia, aro wamatigu.
Ba wombaloi So'aya, utaha dõdõgu.
Na irugi inõtõ wangawuli Yesu.
Ahono ae dõdõgu, ba dangamõ Yesu.
Bõrõ wa'omasiMõ, ohahau dõdõgu.

14. FANGANDRO SALAHI + FAMATENGE + HOWUHOWU

SH : Sumindro ita fefu, mangandrӧ ita.....(tetohugӧ) : Ba dӧi Zo’aya ya’aga Yesu Keriso, si no
mamahaӧ ya’aga ba wangandrӧ mamane :
SH +
SATO : He Ama khӧma si so ba zorugo, ya te’amoni’ӧ dӧi-U. Ya tobali banua-U fefu niha, ya
itӧrӧ zomasi Ndra’ugӧ, hulӧ ba zorugo, ya si manӧ gӧi ba gulidanӧ. Öma sirugi ma’ӧkhӧ
be’e khӧma ma’ӧkhӧ andre. Ba efa’ӧ khӧma horӧma, si mane fangefa’ӧma sala ba zi so
sala khӧma. Bӧi ohe ndra’aga ba wanandraigӧ, efa’ӧga ba zi lӧ sӧkhi. Me ya’ugӧ
zamatӧrӧ banua-U, ba sokhӧ fa’abӧlӧ, awӧ lakhӧmi, irugi zi lӧ aetu. Yaduhu.
SATO : Manunӧ buku zinunӧ numero. . . . . .

BNKP Jemaat thomas umbuhumene 7

SH : Ya’ahowu
SATO : Ya’ahowu

BNKP Jemaat thomas umbuhumene 8