KATEKESIS SA PANAHON NG ADBIYENTO 2017

SAN JOSE, TUMUGON SA KALOOBAN NG AMA.

MAGANDANG GABI/UMAGA MGA KAPATID. ILANG ARAW NALANG AT IPAGDIRIWANG NA NATIN ANG
ARAW NG PASKO. ANG PASKO ANG PINAKAMASAYANG OKASYON SA BUONG MUNDO. SAPAGKAT DITO
NAGKAROON NG KATUPARAN ANG PANGAKO NG DIYOS AMA, ANG PAGKAKATAWANG TAO NG KANYANG
BUGTONG NA ANAK.

NINAIS NG DIYOS NA ANG TAONG MANGANGALAGA SA KANYANG ANAK NA SI HESUS AY ISANG TAONG
MATUWID, MAY TAKOT SA DIYOS AT SUMUSUNOD SA BATAS. ANG TAONG ITO AY SI JOSE. BAGO PA
DALAWIN NG ANGHEL GABRIEL SI MARIA UPANG IBALITA SA KANYA NA SIYA ANG KINALUGDAN UPANG
MAGING INA NG MESIYA, SIYA AT SI JOSE AY IPINAGKASUNDO NA AYON SA TRADISYON NG MGA HUDYO,
UPANG IKASAL AT MAGING MAG-ASAWA. BAGAMAT MAY PAG-AALINLANGAN SI JOSE NA TANGGAPIN SI
MARIA DAHIL SA KANYANG KALAGAYAN , ANG PAGDADALANG-TAO GAWA NG ESPIRITU SANTO, NANAIG
PA RIN ANG PAGSUNOD NIYA SA KALOOBAN NG DIYOS. SA PAMAMAGITAN NG PANAGINIP AY SINABI NG
ANGHEL ANG PLANO NG DIYOS PARA SA KANILA NI MARIA AT NANG SANGGOL NA NASA SINAPUPUNAN
NITO.

SA ATING KULTURANG PILIPINO, ANG AMA AY ITINUTURING NA HALIGI NG TAHANAN. ISANG MATIBAY
NA PUNDASYON NG PAMILYA NA MAARING MAGTANGGOL AT MAGBIGAY NG PROTEKSYON SA LOOB AT
LABAS NG TAHANAN. ANG AMA RIN ANG NAGSISIKAP UPANG MAIBIGAY ANG MGA PANGANGAILANGAN
NG PAMILYA. MATAAS ANG PAGGALANG SA LAHAT NG AMA NA GINAGAMPANAN ANG KANYANG
TUNGKULIN. MGA AMANG NAGSISILBING INSPIRASYON NG MGA ANAK UPANG MANGARAP AT MAGING
MATATAG SA PAGHARAP SA HAMON NG BUHAY. AT SA PAGTULAD SA MGA KATANGIAN NITO BILANG
PADRE DE PAMILYA.

SA PANGKASALUKUYANG KALAGAYAN NG PAMILYANG PILIPINO, BIBIHIRA NA ANG MAKITA ANG AMA

NG TAHANAN NA NAGLILINGKOD SA SIMBAHAN. MAS MARAMI ANG MGA BABAE AT INA NA AKTIBONG
KUMIKILOS SA MGA GAWAING PAGPAPAKABANAL. HINDI KATULAD NG PANAHON NI JOSE NA ANG MGA
KALALAKIHAN ANG MASIGASIG NA PUMUNTA AT DUMALO SA MGA PAGTITIPON SA TEMPLO UPANG
MAKINIG NG SALITA NG DIYOS.

NGAYONG DARATING NA PASKO AT SA PAPASOK NA BAGONG TAON IDALANGIN NATIN NA ANG LAHAT
NG MGA AMA NG TAHANAN AY MAGSIKAP, AT PANGUNAHAN ANG PAMILYA SA PAGTUGON SA
KALOOBAN NG DIYOS SA PAMAMAGITAN NG IBA’T IBANG SAMAHANG PANSIMBAHAN AT GAWAING
KABANALAN. TULARAN NAWA NG LAHAT NG AMA NG TAHANAN SI SAN JOSE UPANG ANG LAHAT NG
PAMILYA AY MAGING MASAYA , MAY PAGSUNOD SA DIYOS , NAMUMUHAY NG SIMPLE AT PAYAK.

PARA SA KARAGDAGANG KAALAMAN PANUORIN NATIN ANG VIDEO.