ಸರಸ್ವತಿ ಸ್ತೋತ್ರ ಮಾಲಾ

ಯಾ ಕುಂದೇಂದು ತುಷಾರಹಾರಧವಲಾ ಯಾ ಶುಭ್ರವಸ್ತ್ರಾವೃತಾ

ಯಾ ವೀಣಾವರದಂಡಮಂಡಿತಕರಾ ಯಾ ಶ್ವೇತಪದ್ಮಾಸನಾ .
ಯಾ ಬ್ರಹ್ಮಾಚ್ಯುತಶಂಕರಪ್ರಭೃತಿಭಿರ್ದೇವೈಸ್ಸದಾ ಪೂಜಿತಾ
ಸಾ ಮಾಂ ಪಾತು ಸರಸ್ವತೀ ಭಗವತೀ ನಿಶ್ಶೇಷಜಾಡ್ಯಾಪಹಾ

1
 ವಿಷಯ ಸೂಚಿ

ಶ್ರೀಕಮಲಜದಯಿತಾಷ್ಟಕಂ……………………………………1
ಜಯ ಜಯತು ಸುರವಾಣಿ……………………………………..4
ಶ್ರೀಶಾರದಾಸ್ತವನಂ.................................................................5
ಶ್ರೀಮಹಾಸರಸ್ವತೀಸಹಸ್ರನಾಮಸ್ತೋತ್ರಂ...................................5
ಶ್ರೀಮಹಾಸರಸ್ವತೀಸಹಸ್ರನಾಮಸ್ತೋತ್ರಂ.................................26
ಶ್ರೀವಾಣೀಶರಣಾಗತಿಸ್ತೋತ್ರಂ.................................................29
ಶಾರದಾತ್ರಿಶತೀ....................................................................30
ಸರಸ್ವತೀದಶಶ್ಲೋಕೀಸ್ತೋತ್ರಂ................................................71
ದೇವೀಸ್ತೋತ್ರಂ....................................................................76
ಶ್ರೀಸರಸ್ವತೀಸ್ತೋತ್ರಂ ಅಗಸ್ತ್ಯಮುನಿಪ್ರೋಕ್ತಂ..............................85
ಶ್ರೀಸರಸ್ವತ್ಯಷ್ಟಕಂ.................................................................89
ಶ್ರೀಸರಸ್ವತ್ಯಷ್ಟೋತ್ತರಶತನಾಮಸ್ತೋತ್ರಂ.................................90
ಶ್ರೀಸರಸ್ವತೀ ಅಷ್ಟೋತ್ತರನಾಮಾವಲೀ.....................................92
ಕೊಡು ಬೇಗ ದಿವ್ಯಮತಿ… ......……………………………..99

2
 ಶ್ರೀಕಮಲಜದಯಿತಾಷ್ಟಕಂ

ಶೃಂಗಕ್ಷ್ಮಾಭೃನ್ನಿವಾಸೇ ಶುಕಮುಖಮುನಿಭಿಃ ಸೇವ್ಯಮಾನಾಂಘ್ರಿಪದ್ಮೇ

ಸ್ವಾಂಗಚ್ಛಾಯಾವಿಧೂತಾಮೃತಕರಸುರರಾಡ್ವಾಹನೇ ವಾಕ್ಸವಿತ್ರಿ .
ಶಂಭುಶ್ರೀನಾಥಮುಖ್ಯಾಮರವರನಿಕರೈರ್ಮೋದತಃ ಪೂಜ್ಯಮಾನೇ
ವಿದ್ಯಾಂ ಶುದ್ಧಾಂ ಚ ಬುದ್ಧಿಂ ಕಮಲಜದಯಿತೇ ಸತ್ವರಂ ದೇಹಿ ಮಹ್ಯಂ .. 1..

ಕಲ್ಯಾದೌ ಪಾರ್ವತೀಶಃ ಪ್ರವರಸುರಗಣಪ್ರಾರ್ಥಿತಃ ಶ್ರೌತವರ್ತ್ಮ

ಪ್ರಾಬಲ್ಯಂ ನೇತುಕಾಮೋ ಯತಿವರವಪುಷಾಗತ್ಯ ಯಾಂ ಶೃಙಗಶೈಲೇ .
ಸಂಸ್ಥಾಪ್ಯಾರ್ಚಾಂ ಪ್ರಚಕ್ರೇ ಬಹುವಿಧನುತಿಭಿಃ ಸಾ ತ್ವಮಿಂದ್ವರ್ಧಚೂಡಾ
ವಿದ್ಯಾಂ ಶುದ್ಧಾಂ ಚ ಬುದ್ಧಿಂ ಕಮಲಜದಯಿತೇ ಸತ್ವರಂ ದೇಹಿ ಮಹ್ಯಂ .. 2..

ಪಾಪೌಘಂ ಧ್ವಂಸಯಿತ್ವಾ ಬಹುಜನಿರಚಿತಂ ಕಿಂ ಚ ಪುಣ್ಯಾಲಿಮಾರಾತ್ಸಂ

ಪಾದ್ಯಾಸ್ತಿಕ್ಯಬುದ್ಧಿಂ ಶ್ರುತಿಗುರುವಚನೇಷ್ವಾದರಂ ಭಕ್ತಿದಾರ್ಢ್ಯಂ .
ದೇವಾಚಾರ್ಯದ್ವಿಜಾದಿಷ್ವಪಿ ಮನುನಿವಹೇ ತಾವಕೀನೇ ನಿತಾಂತಂ
ವಿದ್ಯಾಂ ಶುದ್ಧಾಂ ಚ ಬುದ್ಧಿಂ ಕಮಲಜದಯಿತೇ ಸತ್ವರಂ ದೇಹಿ ಮಹ್ಯಂ .. 3..

ವಿದ್ಯಾಮುದ್ರಾಕ್ಷಮಾಲಾಮೃತಘಟವಿಲಸತ್ಪಾಣಿಪಾಥೋಜಜಾಲೇ
ವಿದ್ಯಾದಾನಪ್ರವೀಣೇ ಜಡಬಧಿರಮುಖೇಭ್ಯೋಽಪಿ ಶೀಘ್ರಂ ನತೇಭ್ಯಃ .
ಕಾಮಾದೀನಾಂತರಾನ್ಮತ್ಸಹಜರಿಪುವರಾಂದೇವಿ ನಿರ್ಮೂಲ್ಯ ವೇಗಾತ್
ವಿದ್ಯಾಂ ಶುದ್ಧಾಂ ಚ ಬುದ್ಧಿಂ ಕಮಲಜದಯಿತೇ ಸತ್ವರಂ ದೇಹಿ ಮಹ್ಯಂ .. 4..

3
ಕರ್ಮಸ್ವಾತ್ಮೋಚಿತೇಷು ಸ್ಥಿರತರಧಿಷಣಾಂ ದೇಹದಾರ್ಢ್ಯಂ ತದರ್ಥಂ
ದೀರ್ಘಂ ಚಾಯುರ್ಯಶಶ್ಚ ತ್ರಿಭುವನವಿದಿತಂ ಪಾಪಮಾರ್ಗಾದ್ವಿರಕ್ತಿಂ .
ಸತ್ಸಂಗಂ ಸತ್ಕಥಾಯಾಃ ಶ್ರವಣಮಪಿ ಸದಾ ದೇವಿ ದತ್ತ್ವಾ ಕೃಪಾಬ್ಧೇ
ವಿದ್ಯಾಂ ಶುದ್ಧಾಂ ಚ ಬುದ್ಧಿಂ ಕಮಲಜದಯಿತೇ ಸತ್ವರಂ ದೇಹಿ ಮಹ್ಯಂ .. 5..

ಮಾತಸ್ತ್ವತ್ಪಾದಪದ್ಮಂ ನ ವಿವಿಧಕುಸುಮೈಃ ಪೂಜಿತಂ ಜಾತು ಭಕ್ತ್ಯಾ

ಗಾತುಂ ನೈವಾಹಮೀಶೇ ಜಡಮತಿರಲಸಸ್ತ್ವದ್ಗುಣಾಂದಿವ್ಯಪದ್ಯೈಃ . ಮೂಕೇ
ಸೇವಾವಿಹೀನೇಽಪ್ಯನುಪಮಕರುಣಾಮರ್ಭಕೇಽಮ್ಬೇವ ಕೃತ್ವಾ
ವಿದ್ಯಾಂ ಶುದ್ಧಾಂ ಚ ಬುದ್ಧಿಂ ಕಮಲಜದಯಿತೇ ಸತ್ವರಂ ದೇಹಿ ಮಹ್ಯಂ .. 6..

ಶಾಂತ್ಯಾದ್ಯಾಃ ಸಂಪದೋ ಮೇ ವಿತರ ಶುಭಕರೀರ್ನಿತ್ಯತದ್ಭಿನ್ನಬೋಧಂ

ವೈರಾಗ್ಯಂ ಮೋಕ್ಷವಾಂಛಾಮಪಿ ಲಘು ಕಲಯ ಶ್ರೀಶಿವಾಸೇವ್ಯಮಾನೇ .
ವಿದ್ಯಾತೀರ್ಥಾದಿಯೋಗಿಪ್ರವರಕರಸರೋಜಾತಸಂಪೂಜಿತಾಂಘ್ರೇ
ವಿದ್ಯಾಂ ಶುದ್ಧಾಂ ಚ ಬುದ್ಧಿಂ ಕಮಲಜದಯಿತೇ ಸತ್ವರಂ ದೇಹಿ ಮಹ್ಯಂ .. 7..

ಸಚ್ಚಿದ್ರೂಪಾತ್ಮನೋ ಮೇ ಶ್ರುತಿಮನನನಿದಿಧ್ಯಾಸನಾನ್ಯಾಶು ಮಾತಃ

ಸಂಪಾದ್ಯ ಸ್ವಾಂತಮೇತದ್ರುಚಿಯುತಮನಿಶಂ ನಿರ್ವಿಕಲ್ಪೇ ಸಮಾಧೌ .
ತುಂಗಾತೀರಾಂಕರಾಜದ್ವರಗೃಹವಿಲಸಚ್ಚಕ್ರರಾಜಾಸನಸ್ಥೇ
ವಿದ್ಯಾಂ ಶುದ್ಧಾಂ ಚ ಬುದ್ಧಿಂ ಕಮಲಜದಯಿತೇ ಸತ್ವರಂ ದೇಹಿ ಮಹ್ಯಂ .. 8..

4
 ಇತಿ ಶೃಂಗೇರಿ ಶ್ರೀಜಗದ್ಗುರು
ಶ್ರೀಸಚ್ಚಿದಾನಂದಶಿವಾಭಿನವನೃಸಿಂಹಭಾರತೀಸ್ವಾಮಿಭಿಃ ವಿರಚಿತಂ
ಶ್ರೀಕಮಲಜದಯಿತಾಷ್ಟಕಂ ಸಂಪೂರ್ಣಂ .

ಜಯ ಜಯತು ಸುರವಾಣಿ

ಜಯ ಜಯತು ಸುರವಾಣಿ ಜಯ ಜಯತು ಸುರವಾಣಿ ॥ ಧೃ॥

ವೇದಮಂತ್ರಸಾಮರ್ಥ್ಯವರ್ಧಿನಿ ಭಾರತರಾಮಾಯಣವಿಹಾರಿಣಿ ।
ಸಾಂಖ್ಯಯೋಗವೇದಾಂತಬೋಧಿನಿ ಜ್ಞಾನಾಮೃತನಿರ್ಝರಿಣಿ ॥ ೧॥

ಮಂತ್ರರೂಪಿಣಿಸೂತ್ರರೂಪಿಣಿ ಶಾಸ್ತ್ರರೂಪಿಣಿ ಭಾಷ್ಯರೂಪಿಣಿ ।

ಕಾವ್ಯಕಲಾಸಂಗೀತರೂಪಿಣಿ ವಿಪದಹೃದಯಮೋಹಿನಿ ॥ ೨॥

ತ್ವಂ ಸರಸ್ವತಿ ಕಾವ್ಯರೂಪಿಣಿ ನಾನಾವಿಧ ಗುಣಗಣೋದ್ಭಾಸಿನಿ ।

ಶಬ್ದಾರ್ಥಲಂಕಾರಶೋಭಿಣಿ ರಸಾಲಂದದಾಯಿನಿ ॥ ೩॥

ವಿವಿಧ ಗಿರಾಮ ಭಾರತೇಽಸಿ ಜನನಿ ಸುಪರಿಪೋಷಿಣಿ ಬಲವಿವರ್ಧಿನಿ ।

ಏಕಾತ್ಮಕತಾ ಸಮಾಧಾಯಿನಿ ಸಂಘಟನಾಕಾರಿಣಿ ॥ ೪॥

5
 ಶ್ರೀಶಾರದಾಸ್ತವನಂ

ಜಯ ಶಾರದೇ ವಾಗೀಶ್ವರಿ ವಿಧಿಕನ್ಯಕೇ ವಿದ್ಯಾಧರಿ .

ಜ್ಯೋತ್ಸ್ನೇವ ತೇ ಕಾಂತಿಸ್ತಥಾ ಶರದಿಂದುರಿವ ರಮ್ಯಂ ಮುಖಂ

ಹಾಸೇನ ತೇ ಚ ಹಿ ಉಜ್ವಲಾ ಭಾಂತೀ ಚತುರ್ಯುಗಪೂರ್ಣಿಮಾ
ಭವ ಮಸ್ತಕೇ ನಃ ಸರ್ವದಾ ಜ್ಯೋತ್ಸ್ನಾಕೃಪಾವರ್ಷಾಕರೀ .. 1..

ವೀಣಾಂ ಯದಾ ಹಿ ಕಲಾಮಯೀ ಸ್ಪೃಶತೀಹ ತೇ ಚತುರಾಂಗುಲೀ

ಗೀತಂ ನವೀನಂ ಜಾಯತೇ ಜಾಡ್ಯಂ ಮತೇರಪಿ ಭಜ್ಯತೇ
ಉನ್ಮೇಷಿತೇ ಕಲ್ಪದ್ರುಮೇ ತ್ವಂ ಮಂಜರೀಪುಷ್ಪಂಭರೀ .. 2..

ತ್ವಾಮಾಶ್ರಿತಾ ವಿದ್ಯಾಕಲಾಃ ಶಾಸ್ತ್ರ ತಥಾ ಚ ಹಿ ಸಂಸ್ಕೃತಿಃ

ಸಾಧ್ರೋಷಿ ತೇ ಸಂಸ್ಪರ್ಶನಾದ್ ಹೇ ದೇವತೇ ರುಚಿರಾಕೃತೀಃ
ಲಾವಣ್ಯಮಪಿ ತೇ ಭಾಸತೇ ವಿಶ್ವೇ ವಿಶೇಷ ಭಾಸ್ಕರಿ .. 3..

ಶ್ರೀಮಹಾಸರಸ್ವತೀಸಹಸ್ರನಾಮಸ್ತೋತ್ರಂ

ಧ್ಯಾನಂ
ಶ್ರೀಮಚ್ಚಂದನಚರ್ಚಿತೋಜ್ಜ್ವಲವಪುಃ ಶುಕ್ಲಾಂಬರಾ ಮಲ್ಲಿಕಾ-
ಮಾಲಾಲಾಲಿತ ಕುಂತಲಾ ಪ್ರವಿಲಸನ್ಮುಕ್ತಾವಲೀಶೋಭನಾ .
ಸರ್ವಜ್ಞಾನನಿಧಾನಪುಸ್ತಕಧರಾ ರುದ್ರಾಕ್ಷಮಾಲಾಂಕಿತಾ
ವಾಗ್ದೇವೀ ವದನಾಂಬುಜೇ ವಸತು ಮೇ ತ್ರೈಲೋಕ್ಯಮಾತಾ ಶುಭಾ ..

6
 ಶ್ರೀನಾರದ ಉವಾಚ -
ಭಗವನ್ಪರಮೇಶಾನ ಸರ್ವಲೋಕೈಕನಾಯಕ .
ಕಥಂ ಸರಸ್ವತೀ ಸಾಕ್ಷಾತ್ಪ್ರಸನ್ನಾ ಪರಮೇಷ್ಠಿನಃ .. 2..

ಕಥಂ ದೇವ್ಯಾ ಮಹಾವಾಣ್ಯಾಃ ಸತತ್ಪ್ರಾಪ ಸುದುರ್ಲಭಂ .

ಏತನ್ಮೇ ವದ ತತ್ವೇನ ಮಹಾಯೋಗೀಶ್ವರಪ್ರಭೋ .. 3..

ಶ್ರೀಸನತ್ಕುಮಾರ ಉವಾಚ -
ಸಾಧು ಪೃಷ್ಟಂ ತ್ವಯಾ ಬ್ರಹ್ಮನ್ ಗುಹ್ಯಾದ್ಗುಹ್ಯ ಮನುತ್ತಮಂ .
ಭಯಾನುಗೋಪಿತಂ ಯತ್ನಾದಿದಾನೀಂ ಸತ್ಪ್ರಕಾಶ್ಯತೇ .. 4..

ಪುರಾ ಪಿತಾಮಹಂ ದೃಷ್ಟ್ವಾ ಜಗತ್ಸ್ಥಾವರಜಂಗಮಂ .

ನಿರ್ವಿಕಾರಂ ನಿರಾಭಾಸಂ ಸ್ತಂಭೀಭೂತಮಚೇತಸಂ .. 5..

ಸೃಷ್ಟ್ವಾ ತ್ರೈಲೋಕ್ಯಮಖಿಲಂ ವಾಗಭಾವಾತ್ತಥಾವಿಧಂ .

ಆಧಿಕ್ಯಾಭಾವತಃ ಸ್ವಸ್ಯ ಪರಮೇಷ್ಠೀ ಜಗದ್ಗುರುಃ .. 6..

ದಿವ್ಯವರ್ಷಾಯುತಂ ತೇನ ತಪೋ ದುಷ್ಕರ ಮುತ್ತಮಂ .

ತತಃ ಕದಾಚಿತ್ಸಂಜಾತಾ ವಾಣೀ ಸರ್ವಾರ್ಥಶೋಭಿತಾ .. 7..

ಅಹಮಸ್ಮಿ ಮಹಾವಿದ್ಯಾ ಸರ್ವವಾಚಾಮಧೀಶ್ವರೀ .

ಮಮ ನಾಮ್ನಾಂ ಸಹಸ್ರಂ ತು ಉಪದೇಕ್ಷ್ಯಾಮ್ಯನುತ್ತಮಂ .. 8..

ಅನೇನ ಸಂಸ್ತುತಾ ನಿತ್ಯಂ ಪತ್ನೀ ತವ ಭವಾಮ್ಯಹಂ .

7
ತ್ವಯಾ ಸೃಷ್ಟಂ ಜಗತ್ಸರ್ವಂ ವಾಣೀಯುಕ್ತಂ ಭವಿಷ್ಯತಿ .. 9..

ಇದಂ ರಹಸ್ಯಂ ಪರಮಂ ಮಮ ನಾಮಸಹಸ್ರಕಂ .

ಸರ್ವಪಾಪೌಘಶಮನಂ ಮಹಾಸಾರಸ್ವತಪ್ರದಂ .. 10..

ಮಹಾಕವಿತ್ವದಂ ಲೋಕೇ ವಾಗೀಶತ್ವಪ್ರದಾಯಕಂ .

ತ್ವಂ ವಾ ಪರಃ ಪುಮಾನ್ಯಸ್ತುಸ್ತವೇನಾನೇನ ತೋಷಯೇತ್ .. 11..

ತಸ್ಯಾಹಂ ಕಿಂಕರೀ ಸಾಕ್ಷಾದ್ಭವಿಷ್ಯಾಮಿ ನ ಸಂಶಯಃ .

ಇತ್ಯುಕ್ತ್ವಾಂತರ್ದಧೇ ವಾಣೀ ತದಾರಭ್ಯ ಪಿತಾಮಹಃ .. 12..

ಸ್ತುತ್ವಾ ಸ್ತೋತ್ರೇಣ ದಿವ್ಯೇನ ತತ್ಪತಿತ್ವಮವಾಪ್ತವಾನ್ .

ವಾಣೀಯುಕ್ತಂ ಜಗತ್ಸರ್ವಂ ತದಾರಭ್ಯಾಭವನ್ಮುನೇ .. 13..

ತತ್ತೇಹಂ ಸಂಪ್ರವಕ್ಷ್ಯಾಮಿ ಶೃಣು ಯತ್ನೇನ ನಾರದ .

ಸಾವಧಾನಮನಾ ಭೂತ್ವಾ ಕ್ಷಣಂ ಶುದ್ಧೋ ಮುನೀಶ್ವರಃ .. 14..

ಅಥ ಸಹಸ್ರನಾಮಸ್ತೋತ್ರಂ .
ಓಂ ವಾಗ್ವಾಣೀ ವರದಾ ವಂದ್ಯಾ ವರಾರೋಹಾ ವರಪ್ರದಾ .
ವೃತ್ತಿರ್ವಾಗೀಶ್ವರೀ ವಾರ್ತಾ ವರಾ ವಾಗೀಶವಲ್ಲಭಾ .. 1..

ವಿಶ್ವೇಶ್ವರೀ ವಿಶ್ವವಂದ್ಯಾ ವಿಶ್ವೇಶಪ್ರಿಯಕಾರಿಣೀ .

ವಾಗ್ವಾದಿನೀ ಚ ವಾಗ್ದೇವೀ ವೃದ್ಧಿದಾ ವೃದ್ಧಿಕಾರಿಣೀ .. 2..

8
ವೃದ್ಧಿರ್ವೃದ್ಧಾ ವಿಷಘ್ನೀ ಚ ವೃಷ್ಟಿರ್ವೃಷ್ಟಿಪ್ರದಾಯಿನೀ .
ವಿಶ್ವಾರಾಧ್ಯಾ ವಿಶ್ವಮಾತಾ ವಿಶ್ವಧಾತ್ರೀ ವಿನಾಯಕಾ .. 3..

ವಿಶ್ವಶಕ್ತಿರ್ವಿಶ್ವಸಾರಾ ವಿಶ್ವಾ ವಿಶ್ವವಿಭಾವರೀ .

ವೇದಾಂತವೇದಿನೀ ವೇದ್ಯಾ ವಿತ್ತಾ ವೇದತ್ರಯಾತ್ಮಿಕಾ .. 4..

ವೇದಜ್ಞಾ ವೇದಜನನೀ ವಿಶ್ವಾ ವಿಶ್ವವಿಭಾವರೀ .

ವರೇಣ್ಯಾ ವಾಙ್ಮಯೀ ವೃದ್ಧಾ ವಿಶಿಷ್ಟಪ್ರಿಯಕಾರಿಣೀ .. 5..

ವಿಶ್ವತೋವದನಾ ವ್ಯಾಪ್ತಾ ವ್ಯಾಪಿನೀ ವ್ಯಾಪಕಾತ್ಮಿಕಾ .

ವ್ಯಾಳಘ್ನೀ ವ್ಯಾಳಭೂಷಾಂಗೀ ವಿರಜಾ ವೇದನಾಯಿಕಾ .. 6..

ವೇದವೇದಾಂತಸಂವೇದ್ಯಾ ವೇದಾಂತಜ್ಞಾನರೂಪಿಣೀ .
ವಿಭಾವರೀ ಚ ವಿಕ್ರಾಂತಾ ವಿಶ್ವಾಮಿತ್ರಾ ವಿಧಿಪ್ರಿಯಾ .. 7..

ವರಿಷ್ಠಾ ವಿಪ್ರಕೃಷ್ಟಾ ಚ ವಿಪ್ರವರ್ಯಪ್ರಪೂಜಿತಾ .

ವೇದರೂಪಾ ವೇದಮಯೀ ವೇದಮೂರ್ತಿಶ್ಚ ವಲ್ಲಭಾ .. 8..

ಗೌರೀ ಗುಣವತೀ ಗೋಪ್ಯಾ ಗಂಧರ್ವನಗರಪ್ರಿಯಾ .

ಗುಣಮಾತಾ ಗುಹಾಂತಸ್ಥಾ ಗುರುರೂಪಾ ಗುರುಪ್ರಿಯಾ .. 9..

ಗಿರಿವಿದ್ಯಾ ಗಾನತುಷ್ಟಾ ಗಾಯಕಪ್ರಿಯಕಾರಿಣೀ .

ಗಾಯತ್ರೀ ಗಿರಿಶಾರಾಧ್ಯಾ ಗೀರ್ಗಿರೀಶಪ್ರಿಯಂಕರೀ .. 10..

9
ಗಿರಿಜ್ಞಾ ಜ್ಞಾನವಿದ್ಯಾ ಚ ಗಿರಿರೂಪಾ ಗಿರೀಶ್ವರೀ .
ಗೀರ್ಮಾತಾ ಗಣಸಂಸ್ತುತ್ಯಾ ಗಣನೀಯಗುಣಾನ್ವಿತಾ .. 11..

ಗೂಢರೂಪಾ ಗುಹಾ ಗೋಪ್ಯಾ ಗೋರೂಪಾ ಗೌರ್ಗುಣಾತ್ಮಿಕಾ .

ಗುರ್ವೀ ಗುರ್ವಂಬಿಕಾ ಗುಹ್ಯಾ ಗೇಯಜಾ ಗೃಹನಾಶಿನೀ .. 12..

ಗೃಹಿಣೀ ಗೃಹದೋಷಘ್ನೀ ಗವಘ್ನೀ ಗುರುವತ್ಸಲಾ .

ಗೃಹಾತ್ಮಿಕಾ ಗೃಹಾರಾಧ್ಯಾ ಗೃಹಬಾಧಾವಿನಾಶಿನೀ .. 13..

ಗಂಗಾ ಗಿರಿಸುತಾ ಗಮ್ಯಾ ಗಜಯಾನಾ ಗುಹಸ್ತುತಾ .

ಗರುಡಾಸನಸಂಸೇವ್ಯಾ ಗೋಮತೀ ಗುಣಶಾಲಿನೀ .. 14..

ಶಾರದಾ ಶಾಶ್ವತೀ ಶೈವೀ ಶಾಂಕರೀ ಶಂಕರಾತ್ಮಿಕಾ .

ಶ್ರೀಃ ಶರ್ವಾಣೀ ಶತಘ್ನೀ ಚ ಶರಚ್ಚಂದ್ರನಿಭಾನನಾ .. 15..

ಶರ್ಮಿಷ್ಠಾ ಶಮನಘ್ನೀ ಚ ಶತಸಾಹಸ್ರರೂಪಿಣೀ .

ಶಿವಾ ಶಂಭುಪ್ರಿಯಾ ಶ್ರದ್ಧಾ ಶ್ರುತಿರೂಪಾ ಶ್ರುತಿಪ್ರಿಯಾ .. 16..

ಶುಚಿಷ್ಮತೀ ಶರ್ಮಕರೀ ಶುದ್ಧಿದಾ ಶುದ್ಧಿರೂಪಿಣೀ .

ಶಿವಾ ಶಿವಂಕರೀ ಶುದ್ಧಾ ಶಿವಾರಾಧ್ಯಾ ಶಿವಾತ್ಮಿಕಾ .. 17..

ಶ್ರೀಮತೀ ಶ್ರೀಮಯೀ ಶ್ರಾವ್ಯಾ ಶ್ರುತಿಃ ಶ್ರವಣಗೋಚರಾ .

ಶಾಂತಿಃ ಶಾಂತಿಕರೀ ಶಾಂತಾ ಶಾಂತಾಚಾರಪ್ರಿಯಂಕರೀ .. 18..

10
ಶೀಲಲಭ್ಯಾ ಶೀಲವತೀ ಶ್ರೀಮಾತಾ ಶುಭಕಾರಿಣೀ .
ಶುಭವಾಣೀ ಶುದ್ಧವಿದ್ಯಾ ಶುದ್ಧಚಿತ್ತಪ್ರಪೂಜಿತಾ .. 19..

ಶ್ರೀಕರೀ ಶ್ರುತಪಾಪಘ್ನೀ ಶುಭಾಕ್ಷೀ ಶುಚಿವಲ್ಲಭಾ .

ಶಿವೇತರಘ್ನೀ ಶಬರೀ ಶ್ರವಣೀಯಗುಣಾನ್ವಿತಾ .. 20..

ಶಾರೀ ಶಿರೀಷಪುಷ್ಪಾಭಾ ಶಮನಿಷ್ಠಾ ಶಮಾತ್ಮಿಕಾ .

ಶಮಾನ್ವಿತಾ ಶಮಾರಾಧ್ಯಾ ಶಿತಿಕಂಠಪ್ರಪೂಜಿತಾ .. 21..

ಶುದ್ಧಿಃ ಶುದ್ಧಿಕರೀ ಶ್ರೇಷ್ಠಾ ಶ್ರುತಾನಂತಾ ಶುಭಾವಹಾ .

ಸರಸ್ವತೀ ಚ ಸರ್ವಜ್ಞಾ ಸರ್ವಸಿದ್ಧಿಪ್ರದಾಯಿನೀ .. 22..

ಸರಸ್ವತೀ ಚ ಸಾವಿತ್ರೀ ಸಂಧ್ಯಾ ಸರ್ವೇಪ್ಸಿತಪ್ರದಾ .

ಸರ್ವಾರ್ತಿಘ್ನೀ ಸರ್ವಮಯೀ ಸರ್ವವಿದ್ಯಾಪ್ರದಾಯಿನೀ .. 23..

ಸರ್ವೇಶ್ವರೀ ಸರ್ವಪುಣ್ಯಾ ಸರ್ಗಸ್ಥಿತ್ಯಂತಕಾರಿಣೀ .

ಸರ್ವಾರಾಧ್ಯಾ ಸರ್ವಮಾತಾ ಸರ್ವದೇವನಿಷೇವಿತಾ .. 24..

ಸರ್ವೈಶ್ವರ್ಯಪ್ರದಾ ಸತ್ಯಾ ಸತೀ ಸತ್ವಗುಣಾಶ್ರಯಾ .

ಸ್ವರಕ್ರಮಪದಾಕಾರಾ ಸರ್ವದೋಷನಿಷೂದಿನೀ .. 25..

ಸಹಸ್ರಾಕ್ಷೀ ಸಹಸ್ರಾಸ್ಯಾ ಸಹಸ್ರಪದಸಂಯುತಾ .

ಸಹಸ್ರಹಸ್ತಾ ಸಾಹಸ್ರಗುಣಾಲಂಕೃತವಿಗ್ರಹಾ .. 26..

11
ಸಹಸ್ರಶೀರ್ಷಾ ಸದ್ರೂಪಾ ಸ್ವಧಾ ಸ್ವಾಹಾ ಸುಧಾಮಯೀ .
ಷಡ್ಗ್ರಂಥಿಭೇದಿನೀ ಸೇವ್ಯಾ ಸರ್ವಲೋಕೈಕಪೂಜಿತಾ .. 27..

ಸ್ತುತ್ಯಾ ಸ್ತುತಿಮಯೀ ಸಾಧ್ಯಾ ಸವಿತೃಪ್ರಿಯಕಾರಿಣೀ .

ಸಂಶಯಚ್ಛೇದಿನೀ ಸಾಂಖ್ಯವೇದ್ಯಾ ಸಂಖ್ಯಾ ಸದೀಶ್ವರೀ .. 28..

ಸಿದ್ಧಿದಾ ಸಿದ್ಧಸಂಪೂಜ್ಯಾ ಸರ್ವಸಿದ್ಧಿಪ್ರದಾಯಿನೀ .

ಸರ್ವಜ್ಞಾ ಸರ್ವಶಕ್ತಿಶ್ಚ ಸರ್ವಸಂಪತ್ಪ್ರದಾಯಿನೀ .. 29..

ಸರ್ವಾಶುಭಘ್ನೀ ಸುಖದಾ ಸುಖಾ ಸಂವಿತ್ಸ್ವರೂಪಿಣೀ .

ಸರ್ವಸಂಭೀಷಣೀ ಸರ್ವಜಗತ್ಸಮ್ಮೋಹಿನೀ ತಥಾ .. 30..

ಸರ್ವಪ್ರಿಯಂಕರೀ ಸರ್ವಶುಭದಾ ಸರ್ವಮಂಗಳಾ .

ಸರ್ವಮಂತ್ರಮಯೀ ಸರ್ವತೀರ್ಥಪುಣ್ಯಫಲಪ್ರದಾ .. 31..

ಸರ್ವಪುಣ್ಯಮಯೀ ಸರ್ವವ್ಯಾಧಿಘ್ನೀ ಸರ್ವಕಾಮದಾ .

ಸರ್ವವಿಘ್ನಹರೀ ಸರ್ವವಂದಿತಾ ಸರ್ವಮಂಗಳಾ .. 32..

ಸರ್ವಮಂತ್ರಕರೀ ಸರ್ವಲಕ್ಷ್ಮೀಃ ಸರ್ವಗುಣಾನ್ವಿತಾ .

ಸರ್ವಾನಂದಮಯೀ ಸರ್ವಜ್ಞಾನದಾ ಸತ್ಯನಾಯಿಕಾ .. 33..

ಸರ್ವಜ್ಞಾನಮಯೀ ಸರ್ವರಾಜ್ಯದಾ ಸರ್ವಮುಕ್ತಿದಾ .

ಸುಪ್ರಭಾ ಸರ್ವದಾ ಸರ್ವಾ ಸರ್ವಲೋಕವಶಂಕರೀ .. 34..

12
ಸುಭಗಾ ಸುಂದರೀ ಸಿದ್ಧಾ ಸಿದ್ಧಾಂಬಾ ಸಿದ್ಧಮಾತೃಕಾ .
ಸಿದ್ಧಮಾತಾ ಸಿದ್ಧವಿದ್ಯಾ ಸಿದ್ಧೇಶೀ ಸಿದ್ಧರೂಪಿಣೀ .. 35..

ಸುರೂಪಿಣೀ ಸುಖಮಯೀ ಸೇವಕಪ್ರಿಯಕಾರಿಣೀ .

ಸ್ವಾಮಿನೀ ಸರ್ವದಾ ಸೇವ್ಯಾ ಸ್ಥೂಲಸೂಕ್ಷ್ಮಾಪರಾಂಬಿಕಾ .. 36..

ಸಾರರೂಪಾ ಸರೋರೂಪಾ ಸತ್ಯಭೂತಾ ಸಮಾಶ್ರಯಾ .

ಸಿತಾಸಿತಾ ಸರೋಜಾಕ್ಷೀ ಸರೋಜಾಸನವಲ್ಲಭಾ .. 37..

ಸರೋರುಹಾಭಾ ಸರ್ವಾಂಗೀ ಸುರೇಂದ್ರಾದಿಪ್ರಪೂಜಿತಾ .

ಮಹಾದೇವೀ ಮಹೇಶಾನೀ ಮಹಾಸಾರಸ್ವತಪ್ರದಾ .. 38..

ಮಹಾಸರಸ್ವತೀ ಮುಕ್ತಾ ಮುಕ್ತಿದಾ ಮಲನಾಶಿನೀ .

ಮಹೇಶ್ವರೀ ಮಹಾನಂದಾ ಮಹಾಮಂತ್ರಮಯೀ ಮಹೀ .. 39..

ಮಹಾಲಕ್ಷ್ಮೀರ್ಮಹಾವಿದ್ಯಾ ಮಾತಾ ಮಂದರವಾಸಿನೀ .

ಮಂತ್ರಗಮ್ಯಾ ಮಂತ್ರಮಾತಾ ಮಹಾಮಂತ್ರಫಲಪ್ರದಾ .. 40..

ಮಹಾಮುಕ್ತಿರ್ಮಹಾನಿತ್ಯಾ ಮಹಾಸಿದ್ಧಿಪ್ರದಾಯಿನೀ .
ಮಹಾಸಿದ್ಧಾ ಮಹಾಮಾತಾ ಮಹದಾಕಾರಸಂಯುತಾ .. 41..

ಮಹಾ ಮಹೇಶ್ವರೀ ಮೂರ್ತಿರ್ಮೋಕ್ಷದಾ ಮಣಿಭೂಷಣಾ .

ಮೇನಕಾ ಮಾನಿನೀ ಮಾನ್ಯಾ ಮೃತ್ಯುಘ್ನೀ ಮೇರುರೂಪಿಣೀ .. 42..

13
ಮದಿರಾಕ್ಷೀ ಮದಾವಾಸಾ ಮಖರೂಪಾ ಮಖೇಶ್ವರೀ .
ಮಹಾಮೋಹಾ ಮಹಾಮಾಯಾ ಮಾತೄಣಾಂ ಮೂರ್ಧ್ನಿಸಂಸ್ಥಿತಾ .. 43..

ಮಹಾಪುಣ್ಯಾ ಮುದಾವಾಸಾ ಮಹಾಸಂಪತ್ಪ್ರದಾಯಿನೀ .

ಮಣಿಪೂರೈಕನಿಲಯಾ ಮಧುರೂಪಾ ಮಹೋತ್ಕಟಾ .. 44..

ಮಹಾಸೂಕ್ಷ್ಮಾ ಮಹಾಶಾಂತಾ ಮಹಾಶಾಂತಿಪ್ರದಾಯಿನೀ .

ಮುನಿಸ್ತುತಾ ಮೋಹಹಂತ್ರೀ ಮಾಧವೀ ಮಾಧವಪ್ರಿಯಾ .. 45..

ಮಾ ಮಹಾದೇವಸಂಸ್ತುತ್ಯಾ ಮಹಿಷೀಗಣಪೂಜಿತಾ .
ಮೃಷ್ಟಾನ್ನದಾ ಚ ಮಾಹೇಂದ್ರೀ ಮಹೇಂದ್ರಪದದಾಯಿನೀ .. 46..

ಮತಿರ್ಮತಿಪ್ರದಾ ಮೇಧಾ ಮರ್ತ್ಯಲೋಕನಿವಾಸಿನೀ .

ಮುಖ್ಯಾ ಮಹಾನಿವಾಸಾ ಚ ಮಹಾಭಾಗ್ಯಜನಾಶ್ರಿತಾ .. 47..

ಮಹಿಳಾ ಮಹಿಮಾ ಮೃತ್ಯುಹಾರೀ ಮೇಧಾಪ್ರದಾಯಿನೀ .

ಮೇಧ್ಯಾ ಮಹಾವೇಗವತೀ ಮಹಾಮೋಕ್ಷಫಲಪ್ರದಾ .. 48..

ಮಹಾಪ್ರಭಾಭಾ ಮಹತೀ ಮಹಾದೇವಪ್ರಿಯಂಕರೀ .

ಮಹಾಪೋಷಾ ಮಹರ್ದ್ಧಿಶ್ಚ ಮುಕ್ತಾಹಾರವಿಭೂಷಣಾ .. 49..

ಮಾಣಿಕ್ಯಭೂಷಣಾ ಮಂತ್ರಾ ಮುಖ್ಯಚಂದ್ರಾರ್ಧಶೇಖರಾ .

ಮನೋರೂಪಾ ಮನಃಶುದ್ಧಿಃ ಮನಃಶುದ್ಧಿಪ್ರದಾಯಿನೀ .. 50..

14
ಮಹಾಕಾರುಣ್ಯಸಂಪೂರ್ಣಾ ಮನೋನಮನವಂದಿತಾ .
ಮಹಾಪಾತಕಜಾಲಘ್ನೀ ಮುಕ್ತಿದಾ ಮುಕ್ತಭೂಷಣಾ .. 51..

ಮನೋನ್ಮನೀ ಮಹಾಸ್ಥೂಲಾ ಮಹಾಕ್ರತುಫಲಪ್ರದಾ .

ಮಹಾಪುಣ್ಯಫಲಪ್ರಾಪ್ಯಾ ಮಾಯಾತ್ರಿಪುರನಾಶಿನೀ .. 52..

ಮಹಾನಸಾ ಮಹಾಮೇಧಾ ಮಹಾಮೋದಾ ಮಹೇಶ್ವರೀ .

ಮಾಲಾಧರೀ ಮಹೋಪಾಯಾ ಮಹಾತೀರ್ಥಫಲಪ್ರದಾ .. 53..

ಮಹಾಮಂಗಳಸಂಪೂರ್ಣಾ ಮಹಾದಾರಿದ್ರ್ಯನಾಶಿನೀ .
ಮಹಾಮಖಾ ಮಹಾಮೇಘಾ ಮಹಾಕಾಳೀ ಮಹಾಪ್ರಿಯಾ .. 54..

ಮಹಾಭೂಷಾ ಮಹಾದೇಹಾ ಮಹಾರಾಜ್ಞೀ ಮುದಾಲಯಾ .

ಭೂರಿದಾ ಭಾಗ್ಯದಾ ಭೋಗ್ಯಾ ಭೋಗ್ಯದಾ ಭೋಗದಾಯಿನೀ .. 55..

ಭವಾನೀ ಭೂತಿದಾ ಭೂತಿಃ ಭೂಮಿರ್ಭೂಮಿಸುನಾಯಿಕಾ .

ಭೂತಧಾತ್ರೀ ಭಯಹರೀ ಭಕ್ತಸಾರಸ್ವತಪ್ರದಾ .. 56..

ಭುಕ್ತಿರ್ಭುಕ್ತಿಪ್ರದಾ ಭೇಕೀ ಭಕ್ತಿರ್ಭಕ್ತಿಪ್ರದಾಯಿನೀ .

ಭಕ್ತಸಾಯುಜ್ಯದಾ ಭಕ್ತಸ್ವರ್ಗದಾ ಭಕ್ತರಾಜ್ಯದಾ .. 57..

ಭಾಗೀರಥೀ ಭವಾರಾಧ್ಯಾ ಭಾಗ್ಯಾಸಜ್ಜನಪೂಜಿತಾ .

ಭವಸ್ತುತ್ಯಾ ಭಾನುಮತೀ ಭವಸಾಗರತಾರಣೀ .. 58..

15
ಭೂತಿರ್ಭೂಷಾ ಚ ಭೂತೇಶೀ ಫಾಲಲೋಚನಪೂಜಿತಾ .
ಭೂತಾ ಭವ್ಯಾ ಭವಿಷ್ಯಾ ಚ ಭವವಿದ್ಯಾ ಭವಾತ್ಮಿಕಾ .. 59..

ಬಾಧಾಪಹಾರಿಣೀ ಬಂಧುರೂಪಾ ಭುವನಪೂಜಿತಾ .

ಭವಘ್ನೀ ಭಕ್ತಿಲಭ್ಯಾ ಚ ಭಕ್ತರಕ್ಷಣತತ್ಪರಾ .. 60..

ಭಕ್ತಾರ್ತಿಶಮನೀ ಭಾಗ್ಯಾ ಭೋಗದಾನಕೃತೋದ್ಯಮಾ .

ಭುಜಂಗಭೂಷಣಾ ಭೀಮಾ ಭೀಮಾಕ್ಷೀ ಭೀಮರೂಪಿಣೀ .. 61..

ಭಾವಿನೀ ಭ್ರಾತೃರೂಪಾ ಚ ಭಾರತೀ ಭವನಾಯಿಕಾ .

ಭಾಷಾ ಭಾಷಾವತೀ ಭೀಷ್ಮಾ ಭೈರವೀ ಭೈರವಪ್ರಿಯಾ .. 62..

ಭೂತಿರ್ಭಾಸಿತಸರ್ವಾಂಗೀ ಭೂತಿದಾ ಭೂತಿನಾಯಿಕಾ .

ಭಾಸ್ವತೀ ಭಗಮಾಲಾ ಚ ಭಿಕ್ಷಾದಾನಕೃತೋದ್ಯಮಾ .. 63..

ಭಿಕ್ಷುರೂಪಾ ಭಕ್ತಿಕರೀ ಭಕ್ತಲಕ್ಷ್ಮೀಪ್ರದಾಯಿನೀ .

ಭ್ರಾಂತಿಘ್ನಾ ಭ್ರಾಂತಿರೂಪಾ ಚ ಭೂತಿದಾ ಭೂತಿಕಾರಿಣೀ .. 64..

ಭಿಕ್ಷಣೀಯಾ ಭಿಕ್ಷುಮಾತಾ ಭಾಗ್ಯವದ್ದೃಷ್ಟಿಗೋಚರಾ .

ಭೋಗವತೀ ಭೋಗರೂಪಾ ಭೋಗಮೋಕ್ಷಫಲಪ್ರದಾ .. 65..

ಭೋಗಶ್ರಾಂತಾ ಭಾಗ್ಯವತೀ ಭಕ್ತಾಘೌಘವಿನಾಶಿನೀ .

ಬ್ರಾಹ್ಮೀ ಬ್ರಹ್ಮಸ್ವರೂಪಾ ಚ ಬೃಹತೀ ಬ್ರಹ್ಮವಲ್ಲಭಾ .. 66..

16
ಬ್ರಹ್ಮದಾ ಬ್ರಹ್ಮಮಾತಾ ಚ ಬ್ರಹ್ಮಾಣೀ ಬ್ರಹ್ಮದಾಯಿನೀ .
ಬ್ರಹ್ಮೇಶೀ ಬ್ರಹ್ಮಸಂಸ್ತುತ್ಯಾ ಬ್ರಹ್ಮವೇದ್ಯಾ ಬುಧಪ್ರಿಯಾ .. 67..

ಬಾಲೇಂದುಶೇಖರಾ ಬಾಲಾ ಬಲಿಪೂಜಾಕರಪ್ರಿಯಾ .

ಬಲದಾ ಬಿಂದುರೂಪಾ ಚ ಬಾಲಸೂರ್ಯಸಮಪ್ರಭಾ .. 68..

ಬ್ರಹ್ಮರೂಪಾ ಬ್ರಹ್ಮಮಯೀ ಬ್ರಧ್ನಮಂಡಲಮಧ್ಯಗಾ .

ಬ್ರಹ್ಮಾಣೀ ಬುದ್ಧಿದಾ ಬುದ್ಧಿರ್ಬುದ್ಧಿರೂಪಾ ಬುಧೇಶ್ವರೀ .. 69..

ಬಂಧಕ್ಷಯಕರೀ ಬಾಧನಾಶನೀ ಬಂಧುರೂಪಿಣೀ .

ಬಿಂದ್ವಾಲಯಾ ಬಿಂದುಭೂಷಾ ಬಿಂದುನಾದಸಮನ್ವಿತಾ .. 70..

ಬೀಜರೂಪಾ ಬೀಜಮಾತಾ ಬ್ರಹ್ಮಣ್ಯಾ ಬ್ರಹ್ಮಕಾರಿಣೀ .

ಬಹುರೂಪಾ ಬಲವತೀ ಬ್ರಹ್ಮಜಾ ಬ್ರಹ್ಮಚಾರಿಣೀ .. 71..

ಬ್ರಹ್ಮಸ್ತುತ್ಯಾ ಬ್ರಹ್ಮವಿದ್ಯಾ ಬ್ರಹ್ಮಾಂಡಾಧಿಪವಲ್ಲಭಾ .

ಬ್ರಹ್ಮೇಶವಿಷ್ಣುರೂಪಾ ಚ ಬ್ರಹ್ಮವಿಷ್ಣ್ವೀಶಸಂಸ್ಥಿತಾ .. 72..

ಬುದ್ಧಿರೂಪಾ ಬುಧೇಶಾನೀ ಬಂಧೀ ಬಂಧವಿಮೋಚನೀ .

ಅಕ್ಷಮಾಲಾಕ್ಷರಾಕಾರಾಕ್ಷರಾಕ್ಷರಫಲಪ್ರದಾ .. 73..

ಅನಂತಾನಂದಸುಖದಾನಂತಚಂದ್ರನಿಭಾನನಾ .
ಅನಂತಮಹಿಮಾಘೋರಾನಂತಗಂಭೀರಸಮ್ಮಿತಾ .. 74..

17
ಅದೃಷ್ಟಾದೃಷ್ಟದಾನಂತಾದೃಷ್ಟಭಾಗ್ಯಫಲಪ್ರದಾ .
ಅರುಂಧತ್ಯವ್ಯಯೀನಾಥಾನೇಕಸದ್ಗುಣಸಂಯುತಾ .. 75..

ಅನೇಕಭೂಷಣಾದೃಶ್ಯಾನೇಕಲೇಖನಿಷೇವಿತಾ .
ಅನಂತಾನಂತಸುಖದಾಘೋರಾಘೋರಸ್ವರೂಪಿಣೀ .. 76..

ಅಶೇಷದೇವತಾರೂಪಾಮೃತರೂಪಾಮೃತೇಶ್ವರೀ .
ಅನವದ್ಯಾನೇಕಹಸ್ತಾನೇಕಮಾಣಿಕ್ಯಭೂಷಣಾ .. 77..

ಅನೇಕವಿಘ್ನಸಂಹರ್ತ್ರೀ ಹ್ಯನೇಕಾಭರಣಾನ್ವಿತಾ .
ಅವಿದ್ಯಾಜ್ಞಾನಸಂಹರ್ತ್ರೀ ಹ್ಯವಿದ್ಯಾಜಾಲನಾಶಿನೀ .. 78..

ಅಭಿರೂಪಾನವದ್ಯಾಂಗೀ ಹ್ಯಪ್ರತರ್ಕ್ಯಗತಿಪ್ರದಾ .
ಅಕಳಂಕಾರೂಪಿಣೀ ಚ ಹ್ಯನುಗ್ರಹಪರಾಯಣಾ .. 79..

ಅಂಬರಸ್ಥಾಂಬರಮಯಾಂಬರಮಾಲಾಂಬುಜೇಕ್ಷಣಾ .
ಅಂಬಿಕಾಬ್ಜಕರಾಬ್ಜಸ್ಥಾಂಶುಮತ್ಯಂಶುಶತಾನ್ವಿತಾ .. 80..

ಅಂಬುಜಾನವರಾಖಂಡಾಂಬುಜಾಸನಮಹಾಪ್ರಿಯಾ .
ಅಜರಾಮರಸಂಸೇವ್ಯಾಜರಸೇವಿತಪದ್ಯುಗಾ .. 81..

ಅತುಲಾರ್ಥಪ್ರದಾರ್ಥೈಕ್ಯಾತ್ಯುದಾರಾತ್ವಭಯಾನ್ವಿತಾ .
ಅನಾಥವತ್ಸಲಾನಂತಪ್ರಿಯಾನಂತೇಪ್ಸಿತಪ್ರದಾ .. 82..

18
ಅಂಬುಜಾಕ್ಷ್ಯಂಬುರೂಪಾಂಬುಜಾತೋದ್ಭವಮಹಾಪ್ರಿಯಾ .
ಅಖಂಡಾತ್ವಮರಸ್ತುತ್ಯಾಮರನಾಯಕಪೂಜಿತಾ .. 83..

ಅಜೇಯಾತ್ವಜಸಂಕಾಶಾಜ್ಞಾನನಾಶಿನ್ಯಭೀಷ್ಟದಾ .
ಅಕ್ತಾಘನೇನಾ ಚಾಸ್ತ್ರೇಶೀ ಹ್ಯಲಕ್ಷ್ಮೀನಾಶಿನೀ ತಥಾ .. 84..

ಅನಂತಸಾರಾನಂತಶ್ರೀರನಂತವಿಧಿಪೂಜಿತಾ .
ಅಭೀಷ್ಟಾಮರ್ತ್ಯಸಂಪೂಜ್ಯಾ ಹ್ಯಸ್ತೋದಯವಿವರ್ಜಿತಾ .. 85..

ಆಸ್ತಿಕಸ್ವಾಂತನಿಲಯಾಸ್ತ್ರರೂಪಾಸ್ತ್ರವತೀ ತಥಾ .
ಅಸ್ಖಲತ್ಯಸ್ಖಲದ್ರೂಪಾಸ್ಖಲದ್ವಿದ್ಯಾಪ್ರದಾಯಿನೀ .. 86..

ಅಸ್ಖಲತ್ಸಿದ್ಧಿದಾನಂದಾಂಬುಜಾತಾಮರನಾಯಿಕಾ .
ಅಮೇಯಾಶೇಷಪಾಪಘ್ನ್ಯಕ್ಷಯಸಾರಸ್ವತಪ್ರದಾ .. 87..

ಜಯಾ ಜಯಂತೀ ಜಯದಾ ಜನ್ಮಕರ್ಮವಿವರ್ಜಿತಾ .

ಜಗತ್ಪ್ರಿಯಾ ಜಗನ್ಮಾತಾ ಜಗದೀಶ್ವರವಲ್ಲಭಾ .. 88..

ಜಾತಿರ್ಜಯಾ ಜಿತಾಮಿತ್ರಾ ಜಪ್ಯಾ ಜಪನಕಾರಿಣೀ .

ಜೀವನೀ ಜೀವನಿಲಯಾ ಜೀವಾಖ್ಯಾ ಜೀವಧಾರಿಣೀ .. 89..

ಜಾಹ್ನವೀ ಜ್ಯಾ ಜಪವತೀ ಜಾತಿರೂಪಾ ಜಯಪ್ರದಾ .

ಜನಾರ್ದನಪ್ರಿಯಕರೀ ಜೋಷನೀಯಾ ಜಗತ್ಸ್ಥಿತಾ .. 90..

19
ಜಗಜ್ಜ್ಯೇಷ್ಠಾ ಜಗನ್ಮಾಯಾ ಜೀವನತ್ರಾಣಕಾರಿಣೀ .
ಜೀವಾತುಲತಿಕಾ ಜೀವಜನ್ಮೀ ಜನ್ಮನಿಬರ್ಹಣೀ .. 91..

ಜಾಡ್ಯವಿಧ್ವಂಸನಕರೀ ಜಗದ್ಯೋನಿರ್ಜಯಾತ್ಮಿಕಾ .
ಜಗದಾನಂದಜನನೀ ಜಂಬೂಶ್ಚ ಜಲಜೇಕ್ಷಣಾ .. 92..

ಜಯಂತೀ ಜಂಗಪೂಗಘ್ನೀ ಜನಿತಜ್ಞಾನವಿಗ್ರಹಾ .

ಜಟಾ ಜಟಾವತೀ ಜಪ್ಯಾ ಜಪಕರ್ತೃಪ್ರಿಯಂಕರೀ .. 93..

ಜಪಕೃತ್ಪಾಪಸಂಹರ್ತ್ರೀ ಜಪಕೃತ್ಫಲದಾಯಿನೀ .
ಜಪಾಪುಷ್ಪಸಮಪ್ರಖ್ಯಾ ಜಪಾಕುಸುಮಧಾರಿಣೀ .. 94..

ಜನನೀ ಜನ್ಮರಹಿತಾ ಜ್ಯೋತಿರ್ವೃತ್ಯಭಿದಾಯಿನೀ .

ಜಟಾಜೂಟನಚಂದ್ರಾರ್ಧಾ ಜಗತ್ಸೃಷ್ಟಿಕರೀ ತಥಾ .. 95..

ಜಗತ್ತ್ರಾಣಕರೀ ಜಾಡ್ಯಧ್ವಂಸಕರ್ತ್ರೀ ಜಯೇಶ್ವರೀ .

ಜಗದ್ಬೀಜಾ ಜಯಾವಾಸಾ ಜನ್ಮಭೂರ್ಜನ್ಮನಾಶಿನೀ .. 96..

ಜನ್ಮಾಂತ್ಯರಹಿತಾ ಜೈತ್ರೀ ಜಗದ್ಯೋನಿರ್ಜಪಾತ್ಮಿಕಾ .

ಜಯಲಕ್ಷಣಸಂಪೂರ್ಣಾ ಜಯದಾನಕೃತೋದ್ಯಮಾ .. 97..

ಜಂಭರಾದ್ಯಾದಿಸಂಸ್ತುತ್ಯಾ ಜಂಭಾರಿಫಲದಾಯಿನೀ .
ಜಗತ್ತ್ರಯಹಿತಾ ಜ್ಯೇಷ್ಠಾ ಜಗತ್ತ್ರಯವಶಂಕರೀ .. 98..

20
ಜಗತ್ತ್ರಯಾಂಬಾ ಜಗತೀ ಜ್ವಾಲಾ ಜ್ವಾಲಿತಲೋಚನಾ .
ಜ್ವಾಲಿನೀ ಜ್ವಲನಾಭಾಸಾ ಜ್ವಲಂತೀ ಜ್ವಲನಾತ್ಮಿಕಾ .. 99..

ಜಿತಾರಾತಿಸುರಸ್ತುತ್ಯಾ ಜಿತಕ್ರೋಧಾ ಜಿತೇಂದ್ರಿಯಾ .

ಜರಾಮರಣಶೂನ್ಯಾ ಚ ಜನಿತ್ರೀ ಜನ್ಮನಾಶಿನೀ .. 100..

ಜಲಜಾಭಾ ಜಲಮಯೀ ಜಲಜಾಸನವಲ್ಲಭಾ .

ಜಲಜಸ್ಥಾ ಜಪಾರಾಧ್ಯಾ ಜನಮಂಗಳಕಾರಿಣೀ .. 101..

ಕಾಮಿನೀ ಕಾಮರೂಪಾ ಚ ಕಾಮ್ಯಾ ಕಾಮಪ್ರದಾಯಿನೀ .

ಕಮೌಳೀ ಕಾಮದಾ ಕರ್ತ್ರೀ ಕ್ರತುಕರ್ಮಫಲಪ್ರದಾ .. 102..

ಕೃತಘ್ನಘ್ನೀ ಕ್ರಿಯಾರೂಪಾ ಕಾರ್ಯಕಾರಣರೂಪಿಣೀ .

ಕಂಜಾಕ್ಷೀ ಕರುಣಾರೂಪಾ ಕೇವಲಾಮರಸೇವಿತಾ .. 103..

ಕಲ್ಯಾಣಕಾರಿಣೀ ಕಾಂತಾ ಕಾಂತಿದಾ ಕಾಂತಿರೂಪಿಣೀ .

ಕಮಲಾ ಕಮಲಾವಾಸಾ ಕಮಲೋತ್ಪಲಮಾಲಿನೀ .. 104..

ಕುಮುದ್ವತೀ ಚ ಕಲ್ಯಾಣೀ ಕಾಂತಿಃ ಕಾಮೇಶವಲ್ಲಭಾ .

ಕಾಮೇಶ್ವರೀ ಕಮಲಿನೀ ಕಾಮದಾ ಕಾಮಬಂಧಿನೀ .. 105..

ಕಾಮಧೇನುಃ ಕಾಂಚನಾಕ್ಷೀ ಕಾಂಚನಾಭಾ ಕಳಾನಿಧಿಃ .

ಕ್ರಿಯಾ ಕೀರ್ತಿಕರೀ ಕೀರ್ತಿಃ ಕ್ರತುಶ್ರೇಷ್ಠಾ ಕೃತೇಶ್ವರೀ .. 106..

21
ಕ್ರತುಸರ್ವಕ್ರಿಯಾಸ್ತುತ್ಯಾ ಕ್ರತುಕೃತ್ಪ್ರಿಯಕಾರಿಣೀ .
ಕ್ಲೇಶನಾಶಕರೀ ಕರ್ತ್ರೀ ಕರ್ಮದಾ ಕರ್ಮಬಂಧಿನೀ .. 107..

ಕರ್ಮಬಂಧಹರೀ ಕೃಷ್ಟಾ ಕ್ಲಮಘ್ನೀ ಕಂಜಲೋಚನಾ .

ಕಂದರ್ಪಜನನೀ ಕಾಂತಾ ಕರುಣಾ ಕರುಣಾವತೀ .. 108..

ಕ್ಲೀಂಕಾರಿಣೀ ಕೃಪಾಕಾರಾ ಕೃಪಾಸಿಂಧುಃ ಕೃಪಾವತೀ .

ಕರುಣಾರ್ದ್ರಾ ಕೀರ್ತಿಕರೀ ಕಲ್ಮಷಘ್ನೀ ಕ್ರಿಯಾಕರೀ .. 109..

ಕ್ರಿಯಾಶಕ್ತಿಃ ಕಾಮರೂಪಾ ಕಮಲೋತ್ಪಲಗಂಧಿನೀ .

ಕಳಾ ಕಳಾವತೀ ಕೂರ್ಮೀ ಕೂಟಸ್ಥಾ ಕಂಜಸಂಸ್ಥಿತಾ .. 110..

ಕಾಳಿಕಾ ಕಲ್ಮಷಘ್ನೀ ಚ ಕಮನೀಯಜಟಾನ್ವಿತಾ .

ಕರಪದ್ಮಾ ಕರಾಭೀಷ್ಟಪ್ರದಾ ಕ್ರತುಫಲಪ್ರದಾ .. 111..

ಕೌಶಿಕೀ ಕೋಶದಾ ಕಾವ್ಯಾ ಕರ್ತ್ರೀ ಕೋಶೇಶ್ವರೀ ಕೃಶಾ .

ಕೂರ್ಮಯಾನಾ ಕಲ್ಪಲತಾ ಕಾಲಕೂಟವಿನಾಶಿನೀ .. 112..

ಕಲ್ಪೋದ್ಯಾನವತೀ ಕಲ್ಪವನಸ್ಥಾ ಕಲ್ಪಕಾರಿಣೀ .

ಕದಂಬಕುಸುಮಾಭಾಸಾ ಕದಂಬಕುಸುಮಪ್ರಿಯಾ .. 113..

ಕದಂಬೋದ್ಯಾನಮಧ್ಯಸ್ಥಾ ಕೀರ್ತಿದಾ ಕೀರ್ತಿಭೂಷಣಾ .

ಕುಲಮಾತಾ ಕುಲಾವಾಸಾ ಕುಲಾಚಾರಪ್ರಿಯಂಕರೀ .. 114..

22
ಕುಲಾನಾಥಾ ಕಾಮಕಳಾ ಕಳಾನಾಥಾ ಕಳೇಶ್ವರೀ .
ಕುಂದಮಂದಾರಪುಷ್ಪಾಭಾ ಕಪರ್ದಸ್ಥಿತಚಂದ್ರಿಕಾ .. 115..

ಕವಿತ್ವದಾ ಕಾವ್ಯಮಾತಾ ಕವಿಮಾತಾ ಕಳಾಪ್ರದಾ .

ತರುಣೀ ತರುಣೀತಾತಾ ತಾರಾಧಿಪಸಮಾನನಾ .. 116..

ತೃಪ್ತಿಸ್ತೃಪ್ತಿಪ್ರದಾ ತರ್ಕ್ಯಾ ತಪನೀ ತಾಪಿನೀ ತಥಾ .

ತರ್ಪಣೀ ತೀರ್ಥರೂಪಾ ಚ ತ್ರಿದಶಾ ತ್ರಿದಶೇಶ್ವರೀ .. 117..

ತ್ರಿದಿವೇಶೀ ತ್ರಿಜನನೀ ತ್ರಿಮಾತಾ ತ್ರ್ಯಂಬಕೇಶ್ವರೀ .

ತ್ರಿಪುರಾ ತ್ರಿಪುರೇಶಾನೀ ತ್ರ್ಯಂಬಕಾ ತ್ರಿಪುರಾಂಬಿಕಾ .. 118..

ತ್ರಿಪುರಶ್ರೀಸ್ತ್ರಯೀರೂಪಾ ತ್ರಯೀವೇದ್ಯಾ ತ್ರಯೀಶ್ವರೀ .

ತ್ರಯ್ಯಂತವೇದಿನೀ ತಾಮ್ರಾ ತಾಪತ್ರಿತಯಹಾರಿಣೀ .. 119..

ತಮಾಲಸದೃಶೀ ತ್ರಾತಾ ತರುಣಾದಿತ್ಯಸನ್ನಿಭಾ .

ತ್ರೈಲೋಕ್ಯವ್ಯಾಪಿನೀ ತೃಪ್ತಾ ತೃಪ್ತಿಕೃತ್ತತ್ವರೂಪಿಣೀ .. 120..

ತುರ್ಯಾ ತ್ರೈಲೋಕ್ಯಸಂಸ್ತುತ್ಯಾ ತ್ರಿಗುಣಾ ತ್ರಿಗುಣೇಶ್ವರೀ .

ತ್ರಿಪುರಘ್ನೀ ತ್ರಿಮಾತಾ ಚ ತ್ರ್ಯಂಬಕಾ ತ್ರಿಗುಣಾನ್ವಿತಾ .. 121..

ತೃಷ್ಣಾಚ್ಛೇದಕರೀ ತೃಪ್ತಾ ತೀಕ್ಷ್ಣಾ ತೀಕ್ಷ್ಣಸ್ವರೂಪಿಣೀ .

ತುಲಾ ತುಲಾದಿರಹಿತಾ ತತ್ತದ್ಬ್ರಹ್ಮಸ್ವರೂಪಿಣೀ .. 122..

23
ತ್ರಾಣಕರ್ತ್ರೀ ತ್ರಿಪಾಪಘ್ನೀ ತ್ರಿಪದಾ ತ್ರಿದಶಾನ್ವಿತಾ .
ತಥ್ಯಾ ತ್ರಿಶಕ್ತಿಸ್ತ್ರಿಪದಾ ತುರ್ಯಾ ತ್ರೈಲೋಕ್ಯಸುಂದರೀ .. 123..

ತೇಜಸ್ಕರೀ ತ್ರಿಮೂರ್ತ್ಯಾದ್ಯಾ ತೇಜೋರೂಪಾ ತ್ರಿಧಾಮತಾ .

ತ್ರಿಚಕ್ರಕರ್ತ್ರೀ ತ್ರಿಭಗಾ ತುರ್ಯಾತೀತಫಲಪ್ರದಾ .. 124..

ತೇಜಸ್ವಿನೀ ತಾಪಹಾರೀ ತಾಪೋಪಪ್ಲವನಾಶಿನೀ .

ತೇಜೋಗರ್ಭಾ ತಪಃಸಾರಾ ತ್ರಿಪುರಾರಿಪ್ರಿಯಂಕರೀ .. 125..

ತನ್ವೀ ತಾಪಸಸಂತುಷ್ಟಾ ತಪನಾಂಗಜಭೀತಿನುತ್ .

ತ್ರಿಲೋಚನಾ ತ್ರಿಮಾರ್ಗಾ ಚ ತೃತೀಯಾ ತ್ರಿದಶಸ್ತುತಾ .. 126..

ತ್ರಿಸುಂದರೀ ತ್ರಿಪಥಗಾ ತುರೀಯಪದದಾಯಿನೀ .

ಶುಭಾ ಶುಭಾವತೀ ಶಾಂತಾ ಶಾಂತಿದಾ ಶುಭದಾಯಿನೀ .. 127..

ಶೀತಳಾ ಶೂಲಿನೀ ಶೀತಾ ಶ್ರೀಮತೀ ಚ ಶುಭಾನ್ವಿತಾ .

ಯೋಗಸಿದ್ಧಿಪ್ರದಾ ಯೋಗ್ಯಾ ಯಜ್ಞೇನಪರಿಪೂರಿತಾ .. 128..

ಯಜ್ಯಾ ಯಜ್ಞಮಯೀ ಯಕ್ಷೀ ಯಕ್ಷಿಣೀ ಯಕ್ಷಿವಲ್ಲಭಾ .

ಯಜ್ಞಪ್ರಿಯಾ ಯಜ್ಞಪೂಜ್ಯಾ ಯಜ್ಞತುಷ್ಟಾ ಯಮಸ್ತುತಾ .. 129..

ಯಾಮಿನೀಯಪ್ರಭಾ ಯಾಮ್ಯಾ ಯಜನೀಯಾ ಯಶಸ್ಕರೀ .

ಯಜ್ಞಕರ್ತ್ರೀ ಯಜ್ಞರೂಪಾ ಯಶೋದಾ ಯಜ್ಞಸಂಸ್ತುತಾ .. 130..

24
ಯಜ್ಞೇಶೀ ಯಜ್ಞಫಲದಾ ಯೋಗಯೋನಿರ್ಯಜುಸ್ತುತಾ .
ಯಮಿಸೇವ್ಯಾ ಯಮಾರಾಧ್ಯಾ ಯಮಿಪೂಜ್ಯಾ ಯಮೀಶ್ವರೀ .. 131..

ಯೋಗಿನೀ ಯೋಗರೂಪಾ ಚ ಯೋಗಕರ್ತೃಪ್ರಿಯಂಕರೀ .

ಯೋಗಯುಕ್ತಾ ಯೋಗಮಯೀ ಯೋಗಯೋಗೀಶ್ವರಾಂಬಿಕಾ .. 132..

ಯೋಗಜ್ಞಾನಮಯೀ ಯೋನಿರ್ಯಮಾದ್ಯಷ್ಟಾಂಗಯೋಗತಾ .
ಯಂತ್ರಿತಾಘೌಘಸಂಹಾರಾ ಯಮಲೋಕನಿವಾರಿಣೀ .. 133..

ಯಷ್ಟಿವ್ಯಷ್ಟೀಶಸಂಸ್ತುತ್ಯಾ ಯಮಾದ್ಯಷ್ಟಾಂಗಯೋಗಯುಕ್ .
ಯೋಗೀಶ್ವರೀ ಯೋಗಮಾತಾ ಯೋಗಸಿದ್ಧಾ ಚ ಯೋಗದಾ .. 134..

ಯೋಗಾರೂಢಾ ಯೋಗಮಯೀ ಯೋಗರೂಪಾ ಯವೀಯಸೀ .

ಯಂತ್ರರೂಪಾ ಚ ಯಂತ್ರಸ್ಥಾ ಯಂತ್ರಪೂಜ್ಯಾ ಚ ಯಂತ್ರಿತಾ .. 135..

ಯುಗಕರ್ತ್ರೀ ಯುಗಮಯೀ ಯುಗಧರ್ಮವಿವರ್ಜಿತಾ .

ಯಮುನಾ ಯಮಿನೀ ಯಾಮ್ಯಾ ಯಮುನಾಜಲಮಧ್ಯಗಾ .. 136..

ಯಾತಾಯಾತಪ್ರಶಮನೀ ಯಾತನಾನಾನ್ನಿಕೃಂತನೀ .
ಯೋಗಾವಾಸಾ ಯೋಗಿವಂದ್ಯಾ ಯತ್ತಚ್ಛಬ್ದಸ್ವರೂಪಿಣೀ .. 137..

ಯೋಗಕ್ಷೇಮಮಯೀ ಯಂತ್ರಾ ಯಾವದಕ್ಷರಮಾತೃಕಾ .

ಯಾವತ್ಪದಮಯೀ ಯಾವಚ್ಛಬ್ದರೂಪಾ ಯಥೇಶ್ವರೀ .. 138..

25
ಯತ್ತದೀಯಾ ಯಕ್ಷವಂದ್ಯಾ ಯದ್ವಿದ್ಯಾ ಯತಿಸಂಸ್ತುತಾ .
ಯಾವದ್ವಿದ್ಯಾಮಯೀ ಯಾವದ್ವಿದ್ಯಾಬೃಂದಸುವಂದಿತಾ .. 139..

ಯೋಗಿಹೃತ್ಪದ್ಮನಿಲಯಾ ಯೋಗಿವರ್ಯಪ್ರಿಯಂಕರೀ .
ಯೋಗಿವಂದ್ಯಾ ಯೋಗಿಮಾತಾ ಯೋಗೀಶಫಲದಾಯಿನೀ .. 140..

ಯಕ್ಷವಂದ್ಯಾ ಯಕ್ಷಪೂಜ್ಯಾ ಯಕ್ಷರಾಜಸುಪೂಜಿತಾ .

ಯಜ್ಞರೂಪಾ ಯಜ್ಞತುಷ್ಟಾ ಯಾಯಜೂಕಸ್ವರೂಪಿಣೀ .. 141..

ಯಂತ್ರಾರಾಧ್ಯಾ ಯಂತ್ರಮಧ್ಯಾ ಯಂತ್ರಕರ್ತೃಪ್ರಿಯಂಕರೀ .

ಯಂತ್ರಾರೂಢಾ ಯಂತ್ರಪೂಜ್ಯಾ ಯೋಗಿಧ್ಯಾನಪರಾಯಣಾ .. 142..

ಯಜನೀಯಾ ಯಮಸ್ತುತ್ಯಾ ಯೋಗಯುಕ್ತಾ ಯಶಸ್ಕರೀ .

ಯೋಗಬದ್ಧಾ ಯತಿಸ್ತುತ್ಯಾ ಯೋಗಜ್ಞಾ ಯೋಗನಾಯಕೀ .. 143..

ಯೋಗಿಜ್ಞಾನಪ್ರದಾ ಯಕ್ಷೀ ಯಮಬಾಧಾವಿನಾಶಿನೀ .

ಯೋಗಿಕಾಮ್ಯಪ್ರದಾತ್ರೀ ಚ ಯೋಗಿಮೋಕ್ಷಪ್ರದಾಯಿನೀ .. 144..

ಇತಿ ನಾಮ್ನಾಂ ಸರಸ್ವತ್ಯಾಃ ಸಹಸ್ರಂ ಸಮುದೀರಿತಂ .

ಮಂತ್ರಾತ್ಮಕಂ ಮಹಾಗೋಪ್ಯಂ ಮಹಾಸಾರಸ್ವತಪ್ರದಂ .. 1..

ಯಃ ಪಠೇಚ್ಛೃಣುಯಾದ್ಭಕ್ತ್ಯಾ ತ್ರಿಕಾಲಂ ಸಾಧಕಃ ಪುಮಾನ್ .

ಸರ್ವವಿದ್ಯಾನಿಧಿಃ ಸಾಕ್ಷಾತ್ ಸ ಏವ ಭವತಿ ಧ್ರುವಂ .. 2..

26
ಲಭತೇ ಸಂಪದಃ ಸರ್ವಾಃ ಪುತ್ರಪೌತ್ರಾದಿಸಂಯುತಾಃ .
ಮೂಕೋಽಪಿ ಸರ್ವವಿದ್ಯಾಸು ಚತುರ್ಮುಖ ಇವಾಪರಃ .. 3..

ಭೂತ್ವಾ ಪ್ರಾಪ್ನೋತಿ ಸಾನ್ನಿಧ್ಯಂ ಅಂತೇ ಧಾತುರ್ಮುನೀಶ್ವರ .

ಸರ್ವಮಂತ್ರಮಯಂ ಸರ್ವವಿದ್ಯಾಮಾನಫಲಪ್ರದಂ .. 4..

ಮಹಾಕವಿತ್ವದಂ ಪುಂಸಾಂ ಮಹಾಸಿದ್ಧಿಪ್ರದಾಯಕಂ .

ಕಸ್ಮೈಚಿನ್ನ ಪ್ರದಾತವ್ಯಂ ಪ್ರಾಣೈಃ ಕಂಠಗತೈರಪಿ .. 5..

ಮಹಾರಹಸ್ಯಂ ಸತತಂ ವಾಣೀನಾಮಸಹಸ್ರಕಂ .

ಸುಸಿದ್ಧಮಸ್ಮದಾದೀನಾಂ ಸ್ತೋತ್ರಂ ತೇ ಸಮುದೀರಿತಂ .. 6..

.. ಇತಿ ಶ್ರೀಸ್ಕಾಂದಪುರಾಣಾಂತರ್ಗತ
ಸನತ್ಕುಮಾರ ಸಂಹಿತಾಯಾಂ ನಾರದ ಸನತ್ಕುಮಾರ ಸಂವಾದೇ
ಸರಸ್ವತೀಸಹಸ್ರನಾಮಸ್ತೋತ್ರಂ ಸಂಪೂರ್ಣಂ ..

ಮಹಾಸರಸ್ವತೀಸ್ತವಂ

ಅಶ್ವತರ ಉವಾಚ -
ಜಗದ್ಧಾತ್ರೀಮಹಂ ದೇವೀಮಾರಿರಾಧಯಿಷುಃ ಶುಭಾಂ .
ಸ್ತೋಷ್ಯೇ ಪ್ರಣಮ್ಯ ಶಿರಸಾ ಬ್ರಹ್ಮಯೋನಿಂ ಸರಸ್ವತೀಂ .. 1..

ಸದಸದ್ದೇವಿ ! ಸತ್ಕಿಂಚಿನ್ಮೋಕ್ಷವಚ್ಚಾರ್ಥವತ್ಪದಂ .

27
ತತ್ಸರ್ವಂ ತ್ವಯ್ಯಸಂಯೋಗಂ ಯೋಗವದ್ದೇವಿ ! ಸಂಸ್ಥಿತಂ .. 2..

ತ್ವಮಕ್ಷರಂ ಪರಂ ದೇವಿ ! ಯತ್ರ ಸರ್ವಂ ಪ್ರತಿಷ್ಠಿತಂ .

ಅಕ್ಷರಂ ಪರಮಂ ದೇವಿ ! ಸಂಸ್ಥಿತಂ ಪರಮಾಣುವತ್ .. 3..

ಅಕ್ಷರಂ ಪರಮಂ ಬ್ರಹ್ಮ ವಿಶ್ವಂಚೈತತ್ಕ್ಷರಾತ್ಮಕಂ .

ದಾರುಣ್ಯವಸ್ಥಿತೋ ವಹ್ನಿರ್ಭೌಮಾಶ್ಚ ಪರಮಾಣವಃ .. 4..

ತಥಾ ತ್ವಯಿ ಸ್ಥಿತಂ ಬ್ರಹ್ಮ ಜಗಚ್ಚೇದಮಶೇಷತಃ .

ಓಂಕಾರಾಕ್ಷರಸಂಸ್ಥಾನಂ ಯತ್ತು ದೇವಿ ! ಸ್ಥಿರಾಸ್ಥಿರಂ .. 5..

ತತ್ರ ಮಾತ್ರಾತ್ರಯಂ ಸರ್ವಮಸ್ತಿ ಯದ್ದೇವಿ ನಾಸ್ತಿ ಚ .

ತ್ರಯೋ ಲೋಕಾಸ್ತ್ರಯೋ ವೇದಾಸ್ತ್ರೈವಿದ್ಯಂ ಪಾವಕತ್ರಯಂ .. 6..

ತ್ರೀಣಿ ಜ್ಯೋತೀಂಷಿ ವರ್ಣಾಶ್ಚ ತ್ರಯೋ ಧರ್ಮಾಗಮಾಸ್ತಥಾ .

ತ್ರಯೋ ಗುಣಾಸ್ತ್ರಯಃ ಶಬ್ದಸ್ತ್ರಯೋ ವೇದಾಸ್ತಥಾಶ್ರಮಾಃ .. 7..

ತ್ರಯಃ ಕಾಲಾಸ್ತಥಾವಸ್ಥಾಃ ಪಿತರೋಽಹರ್ನಿಶಾದಯಃ .

ಏತನ್ಮಾತ್ರಾತ್ರಯಂ ದೇವಿ ! ತವ ರೂಪಂ ಸರಸ್ವತಿ .. 8..

ವಿಭಿನ್ನದರ್ಶಿನಾಮಾದ್ಯಾ ಬ್ರಹ್ಮಣೋ ಹಿ ಸನಾತನಾಃ .

ಸೋಮಸಂಸ್ಥಾ ಹವಿಃ ಸಂಸ್ಥಾಃ ಪಾಕಸಂಸ್ಥಾಶ್ಚ ಸಪ್ತ ಯಾಃ .. 9..

ತಾಸ್ತ್ವದುಚ್ಚಾರಣಾದ್ದೇವಿ ! ಕ್ರಿಯಂತೇ ಬ್ರಹ್ಮವಾದಿಭಿಃ .

28
ಅನಿರ್ದೇಶ್ಯಂ ತಥಾ ಚಾನ್ಯದರ್ಧಮಾತ್ರಾನ್ವಿತಂ ಪರಂ .. 10..

ಅವಿಕಾರ್ಯಕ್ಷಯಂ ದಿವ್ಯಂ ಪರಿಣಾಮವಿವರ್ಜಿತಂ .

ತವೈತತ್ಪರಮಂ ರೂಪಂ ಯನ್ನ ಶಕ್ಯಂ ಮಯೋದಿತುಂ .. 11..

ನ ಚಾಸ್ಯೇ ನ ಚ ತಜ್ಜಿಹ್ವಾ ತಾಮ್ರೋಷ್ಠಾದಿಭಿರುಚ್ಯತೇ .

ಇಂದ್ರೋಽಪಿ ವಸವೋ ಬ್ರಹ್ಮಾ ಚಂದ್ರಾರ್ಕೌ ಜ್ಯೋತಿರೇವ ಚ .. 12..

ವಿಶ್ವಾವಾಸಂ ವಿಶ್ವರೂಪಂ ವಿಶ್ವೇಶಂ ಪರಮೇಶ್ವರಂ .

ಸಾಂಖ್ಯವೇದಾಂತವಾದೋಕ್ತಂ ಬಹುಶಾಖಾಸ್ಥಿರೀಕೃತಂ .. 13..

ಅನಾದಿಮಧ್ಯನಿಧನಂ ಸದಸನ್ನ ಸದೇವ ಯತ್ .

ಏಕಂತ್ವನೇಕಂ ನಾಪ್ಯೇಕಂ ಭವಭೇದಸಮಾಶ್ರೈತಂ .. 14..

ಅನಾಖ್ಯಂ ಷಡ್ಗುಣಾಖ್ಯಂಚ ವರ್ಗಾಖ್ಯಂ ತ್ರಿಗುಣಾಶ್ರಯಂ .

ನಾನಾಶಕ್ತಿಮತಾಮೇಕಂ ಶಕ್ತಿವೈಭವಿಕಂ ಪರಂ .. 15..

ಸುಖಾಸುಖಂ ಮಹಾಸೌಖ್ಯರೂಪಂ ತ್ವಯಿ ವಿಭಾವ್ಯತೇ .

ಏವಂ ದೇವಿ ! ತ್ವಯಾ ವ್ಯಾಪ್ತಂ ಸಕಲಂ ನಿಷ್ಕಲಂಚ ಯತ್ .
ಅದ್ವೈತಾವಸ್ಥಿತಂ ಬ್ರಹ್ಮ ಯಚ್ಚ ದ್ವೈತೇ ವ್ಯವಸ್ಥಿತಂ .. 16..

ಯೇಽರ್ಥಾ ನಿತ್ಯಾ ಯೇ ವಿನಶ್ಯಂತಿ ಚಾನ್ಯೇ

ಯೇ ವಾ ಸ್ಥೂಲಾ ಯೇ ಚ ಸೂಕ್ಷ್ಮಾತಿಸೂಕ್ಷ್ಮಾಃ .
ಯೇ ವಾ ಭೂಮೌ ಯೇಽನ್ತರೀಕ್ಷೇಽನ್ಯತೋ ವಾ

29
 ತೇಷಾಂ ತೇಷಾಂ ತ್ವತ್ತ ಏವೋಪಲಬ್ಧಿಃ .. 17..

ಯಚ್ಚಾಮೂರ್ತಂ ಯಚ್ಚ ಮೂರ್ತಂ ಸಮಸ್ತಂ

ಯದ್ವಾ ಭೂತೇಷ್ವೇಕಮೇಕಂಚ ಕಿಂಚಿತ್ .
ಯದ್ದಿವ್ಯಸ್ತಿ ಕ್ಷ್ಮಾತಲೇ ಖೇಽನ್ಯತೋ ವಾ
ತ್ವತ್ಸಂಬದ್ಧಂ ತ್ವತ್ಸ್ವರೈರ್ವ್ಯಂಜನೈಶ್ಚ .. 18..

ಇತಿ ಶ್ರೀಮಾರ್ಕಂಡೇಯಪುರಾಣೇ ತ್ರಯೋವಿಂಶೋಽಧ್ಯಾಯಾಂತರಗತಂ

ಮಹಾಸರಸ್ವತೀಸ್ತವಂ ಸಂಪೂರ್ಣಂ .

ಶ್ರೀವಾಣೀಶರಣಾಗತಿಸ್ತೋತ್ರಂ

ವೇಣೀಂ ಸಿತೇತರಸಮೀರಣಭೋಜಿತುಲ್ಯಾಂ
ವಾಣೀಂ ಚ ಕೇಕಿಕುಲಗರ್ವಹರಾಂ ವಹಂತೀಂ .
ಶ್ರೋಣೀಂ ಗಿರಿಸ್ಮಯವಿಭೇದಚಣಾಂ ದಧಾನಾಂ
ವಾಣೀಮನನ್ಯಶರಣಃ ಶರಣಂ ಪ್ರಪದ್ಯೇ .. 1..

ವಾಚಃ ಪ್ರಯತ್ನಮನಪೇಕ್ಷ್ಯ ಮುಖಾರವಿಂದಾ-

ದ್ವಾತಾಹತಾಬ್ಧಿಲಹರೀಮದಹಾರದಕ್ಷಾಃ .
ವಾದೇಷು ಯತ್ಕರುಣಯಾ ಪ್ರಗಲಂತಿ ತಾಂ ತ್ವಾಂ
ವಾಣೀಮನನ್ಯಶರಣಃ ಶರಣಂ ಪ್ರಪದ್ಯೇ .. 2..

ರಾಕಾಶಶಾಂಕಸದೃಶಾನನಪಂಕಜಾತಾಂ

30
 ಶೋಕಾಪಹಾರಚತುರಾಂಘ್ರಿಸರೋಜಪೂಜಾಂ .
ಪಾಕಾರಿಮುಖ್ಯದಿವಿಷತ್ಪ್ರವರೇಡ್ಯಮಾನಾಂ
ವಾಣೀಮನನ್ಯಶರಣಃ ಶರಣಂ ಪ್ರಪದ್ಯೇ .. 3..

ಬಾಲೋಡುಪಪ್ರವಿಲಸತ್ಕಚಮಧ್ಯಭಾಗಾಂ
ನೀಲೋತ್ಪಲಪ್ರತಿಭಟಾಕ್ಷಿವಿರಾಜಮಾನಾಂ .
ಕಾಲೋನ್ಮಿಷತ್ಕಿಸಲಯಾರುಣಪಾದಪದ್ಮಾಂ
ವಾಣೀಮನನ್ಯಶರಣಃ ಶರಣಂ ಪ್ರಪದ್ಯೇ .. 4..

ಇತಿ ಶೃಂಗೇರಿ ಶ್ರೀಜಗದ್ಗುರು ಶ್ರೀಸಚ್ಚಿದಾನಂದಶಿವಾಭಿನವನೃಸಿಂಹ-

ಭಾರತೀಸ್ವಾಮಿಭಿಃ ವಿರಚಿತಂ ಶ್ರೀವಾಣೀಶರಣಾಗತಿಸ್ತೋತ್ರಂ ಸಂಪೂರ್ಣಂ

ಶಾರದಾತ್ರಿಶತೀ

ಗಂಗಾಧರಮಖಿವಿರಚಿತಾ .
ಪರಮಾಭರಣಂ ಧಾತುರ್ವದನಾಂಭೋಜಸ್ಯ ಶಾರದಾ ದೇವೀ .
ಯಾ ರಾಜತಿ ಜನನೀ ಸಾ ಲಸತು ಸದಾ ಸುಪ್ರಸನ್ನಾ ನಃ .. 1..

ಸಾ ಶಾರದಾ ಪ್ರಸನ್ನಾ ರಾಜತಿ ಮಮ ಮಾನಸೇ ನಿತ್ಯಂ .

ಯಾ ಶಾರದಾಬ್ಜವದನಾ ಜನನೀ ಕೀರ್ತ್ಯಾ ಹಿ ಸರ್ವಲೋಕಾನಾಂ .. 2..

ಸಂಪದ್ ದಿವ್ಯಾ ಧಾತುಃ ಖ್ಯಾತಾ ಸಾ ಶಾರದಾ ದೇವೀ .

31
ಯದ್ಭಜನಂ ದೇವಾನಾಮಪಿ ತತ್ತ್ವಜ್ಞಾನದಂ ವಿದುರ್ವಿಬುಧಾಃ .. 3..

ಸರಸಕವಿತಾವಿಭೂತ್ಯೈ ಯತ್ಪದಮಾರಾಧ್ಯತೇ ವಿಶೇಷಜ್ಞೈಃ .

ಸಾ ಶಾರದಾ ಶ್ರಿಯೈ ನಃ ಕಾಲೇ ಸರ್ವಪ್ರಸನ್ನಾತ್ಮಾ .. 4..

ನೀಲಾರವಿಂದಲೋಚನಯುಗಲಾ ಸಾ ಶಾರದಾ ದೇವೀ .

ಕರಕಮಲಕಲಿತವೀಣಾ ಸದಾ ಪ್ರಸನ್ನಾ ಶ್ರಿಯೈಃ ವಃ ಸ್ಯಾತ್ ..5..

ಕಲಯೇ ತಾಮಹಮನಿಶಂ ಫುಲ್ಲಾಬ್ಜವಿಲೋಚನಾಂ ವಾಣೀಂ .

ಯಾ ಸೃಷ್ಟ್ಯಾದೌ ಸಾಹ್ಯಂ ಕಲಯತಿ ಧಾತುರ್ಜಗನ್ಮಾತಾ .. 6..

ಯಸ್ಯಾ ಲೀಲಾಲೋಲಃ ಪದ್ಮಾಸನಗೋಽಪಿ ವೇದಪಾಠರತಃ .

ತಾಮಹಮತುಲಾನಂದಪ್ರಾಪ್ತ್ಯೈ ಕಲಯೇ ಮನಃಪದ್ಮೇ .. 7..

ಬ್ರಹ್ಮಾಣಂ ತಾಂ ವಾಣೀಮೇಕಾಸನಭಾಸುರಾಂ ಶ್ರಿಯಃ ಪ್ರಾಪ್ತ್ಯೈ .

ಆರಾದ್ವಿಲೋಕ್ಯ ಮಾನಸಮಾನಂದರಸಂ ಪರಂ ಭಜತೇ .. 8..

ಮುಕ್ತಾಮಯೇ ವಿಮಾನೇ ಪದ್ಮಾಸನಯಂತ್ರಿಕಾಮಧ್ಯೇ .

ದೃಶ್ಯಾಂ ವಾಣೀಂ ದೇವೀಂ ಸೇವೇ ಸಂತತಸುಖಪ್ರಾಪ್ತ್ಯೈ .. 9..

ಭಾಗ್ಯಾನ್ಮಮ ಚ ಕವೀನಾಂ ಸಾ ದೇವೀ ದೃಶ್ಯತಾಮೇತಿ .

ವೀಣಾಪುಸ್ತಕಹಸ್ತಾ ಯಾ ಕಮಲಾಸನಪುರಂಧ್ರೀ ಹಿ .. 10..

ಮಾಮಕಮಾನಸಕೀರಂ ಬಧ್ನೀಯಾಶ್ಚರಣಪಂಜರೇ ಮಾತಃ .

32
ತೇನ ಮಮ ಜನ್ಮಲಾಭಃ ಸ್ತೋತ್ರಂ ಚ ತವ ಪ್ರಕಾಮಕಲಿತಾರ್ಥಂ .. 11..

ಸಂವಿತ್ಪ್ರರೋಹಕಲಿಕಾಪ್ರಾಪ್ತ್ಯೈ ತಾಂ ನೌಮಿ ಶಾರದಾಂ ದೇವೀಂ .

ಯಾ ಕಿಲ ಕವೀಶ್ಚರಾಣಾಮಧಿನೇತ್ರೀ ಕಾವ್ಯಕಲನಾದೌ .. 12..

ಭಕ್ತಾನಾಂ ಜಿಹ್ವಾಗ್ರಂ ಸಿಂಹಾಸನಮಾದರಾದ್ ವಾಣೀ .

ಕಲಯಂತಿ ನೃತ್ಯತಿ ಕಿಲ ತತಸ್ತು ತನ್ನೂಪುರನಿನಾದಃ .. 13..

ಮಂಜುಲಫಣಿತಿಝರೀತಿ ಪ್ರಗೀಯತೇ ದಿಕ್ತಟೇ ರಸಿಕೈಃ .

ಪ್ರಾತಃಫುಲ್ಲಪಯೋರುಹಮರಂದರಸಕೇಲಿಧೂರ್ವಹಾ ಕಾಲೇ .. 14..

ದುರ್ವಾರಗರ್ವದುರ್ಮತಿದುರರ್ಥನಿರಸನಕಲಾನಿಪುಣಾಃ .
ಮಾತಸ್ತವ ಪಾದಯೋರುಹಸೇವಾಧನ್ಯತಾಂ ಪ್ರಾಪ್ತಾಃ .. 15..

ನೀಚಾ ಮಮ ತು ಮನೀಷಾ ತಥಾಪಿ ತವ ನುತಿಕಲಾಪ್ರವೃತ್ತೋಽಸ್ಮಿ .

ಅಂಬ ತವ ತತ್ರ ಹೇತುಃ ಕೃಪಾಂ ಪರಂ ಬುದ್ಧಿದಾ ಜಯತಿ .. 16..

ವಿಧಿದಯಿತೇ ತವ ಮಾತಃ ಸ್ತುತೌ ನ ಶಕ್ತಾ ಅಪಿ ತ್ರಿದಶಾಃ .

ಕ್ಷಂತವ್ಯಮತ್ರ ದಯಯಾ ಮಮ ಚಾಪಲ್ಯಂ ತವ ಸ್ತೋತ್ರೇ .. 17..

ಶುಕವಾಣೀಮಿವ ಮಾತರ್ನಿರರ್ಥಕಾಂ ಮದ್ವಚೋಭಂಗೀಂ .

ಸದಸಿ ಶೃಣೋಷಿ ದಯಯಾ ತತ್ ತವ ಚೋತ್ತಮಪದವ್ಯಕ್ತ್ಯೈ .. 18..

ಪರದೇವತೇ ಪ್ರಸೀದ ಪ್ರಾಣೇಶ್ವರಿ ಧಾತುರಂಬ ಮಮ ವಾಣೀಂ .

33
ಕೃಪಯಾ ತವ ನುತಿಯೋಗ್ಯಾಂ ತ್ವನ್ನೂಪುರನಿನದರಮ್ಯರಸಗುಂಫಾಂ ..
19..

ಸರ್ವಜ್ಞತ್ವಂ ಸಂಪದಮಥವಾನ್ಯಾಂ ಪ್ರಾಪ್ತುಮತ್ರ ತವ ಮಾತಃ .

ತವ ಚರಣಕಮಲಮೇತಚ್ಛರಣಂ ನಾನ್ಯಾ ಗತಿರ್ದೃಷ್ಟಾ .. 20..

ಮಂದಧಿಯಾ ಸ್ವಲ್ಪಾಪಿ ಸ್ತುತಿರಂಬ ನಿರರ್ಥಕಾಪಿ ರಸಹೀನಾ .

ಕಲಿತಾ ಚೇತ್ ತವ ಕೃಪಯಾ ತದೇವ ಸದಸೀಡಿತಂ ಭಾತಿ .. 21..

ಕುಂಠೀಕರೋತು ವಿಪದಂ ಚಾಜ್ಞಾನಂ ದುರ್ಗತಿಂ ವಾಣಿ .

ತವ ಚರಣಕಮಲಸೇವಾದರೋ ಜನಾನಾಂ ಕಲೌ ಕಾಲೇ .. 22..

ವೀರಶ್ರೀರ್ವಿದ್ವಚ್ಛ್ರೀರ್ಜಯಶ್ರಿಯೋ ವಾಮರೈರ್ಮಾನ್ಯೇ .
ತವ ಪಾದಾಂಬುಜಸೇವಾದರೇಣ ಸಿಧ್ಯಂತಿ ನಾನ್ಯಥಾ ಲೋಕೇ .. 23..

ಕರುಣಾರಸವರ್ಷಿಣಿ ತೇ ಚರಣಸರೋಜದ್ವಯಂ ನಿಧೇಹಿ ಮಮ .

ಮಸ್ತಕತಲೇ ವಿದಾರಿತಜರಾದಿಕಂ ಸಪದಿ ಜನ್ಮ ಸಾರ್ಥಂ ಮೇ .. 24..

ಶ್ರದ್ಧಾಂ ಮೇಧಾಂ ಸಂಪದಮನ್ಯಾಮಮರೇಂದ್ರಮಾನನೀಯಾಂ ಹಿ .

ದಯಯಾ ವಿಧೇಹಿ ಕಾಲೇ ಭಕ್ತಾನಾಂ ನಸ್ತ್ವದೇಕಶರಣಾನಾಂ .. 25..

ಪ್ರೇಯಸಿ ಧಾತುರ್ಜಗತಾಂ ಪರಮೇಶ್ವರಿ ವಾಣಿ ಮಾತರಂಬ ನನು .

ತವ ನಾಮಾನಿ ಫಣಂತಸ್ತ್ರಿದಶೈಃ ಸಹ ಯಾಂತಿ ಯಾನೇನ .. 26..

ತವ ನಾಮ ಯಸ್ಯ ಜಿಹ್ವಾಂಗಣೇ ವಿಶುದ್ಧಂ ಕ್ಷಣಂ ಸ್ಫುರತಿ .

34
ಸ ಹಿ ವಂದ್ಯಸ್ತ್ರಿದಶೈರಪಿ ವಿಗಲಿತಪಾಪಃ ಪರೇ ಲೋಕೇ .. 27..

ನತನಾಕೀಶ್ವರವನಿತಾಮೌಲಿಸ್ರಗ್ಗಲಿತಮಕರಂದೈಃ .
ಸ್ನಿಗ್ಧಪದಾಂಬುಜಯುಗಲಾ ವಾಣೀ ದೇವೀ ಶ್ರಿಯೋ ಹಿ ಲಸತಿ ಪರಾ .. 28..

ವಿದುಷಾಮಪಿ ತುಷ್ಟಿಕರಂ ನವನವರಸಗುಂಫನಂ ಕವಿತ್ವಂ ತು .

ಯತ್ಕರುಣಾವೀಕ್ಷಣತೋ ಸಿಧ್ಯತಿ ತಾಂ ಶಾರದಾಂ ವಂದೇ .. 29..

ಅಂಬ ಪ್ರಸೀದ ಪರಮಂ ಮಾಯಾಮೇತಾಂ ನಿರಸ್ಯ ನತಿಭಾಜಃ .

ಮಮ ಸಂವಿಧೇಹಿ ಮಧುರಾಂ ವಾಚಂ ತವ ನುತಿಕಲಾರ್ಹಾಂ ಚ .. 30..

ವಾಣೀ ಮಾತಾ ಜಗತಾಂ ವಾಣೀಪುಸ್ತಕಕರಾಂಭೋಜಾ .

ಹಂಸಾಶ್ರಿತಾ ಹಿ ನಮತಾಂ ಶ್ರೇಯಃಸಿಧ್ಯೈ ಪ್ರಸನ್ನಾ ನಃ .. 31..

ಶ್ಲಾಘ್ಯಾ ಸಂಪತ್ಕಾಲೇ ವೈದುಷ್ಯಂ ವಾ ಯದೀಯವೀಕ್ಷಣತಃ .

ಸಿಧ್ಯಂತ್ಯಪಿ ದೇವಾನಾಂ ತಾಂ ವಂದೇ ಶಾರದಾಂ ದೇವೀಂ .. 32..

ವಿದ್ಯಾದಾನಕರೀಯಂ ಕಮಲಾಸನಪುಣ್ಯಪರಿಪಾಕಃ .
ಮಮ ಮನಸಿ ಸಂನಿಧತ್ತಾಂ ದಿವ್ಯಜ್ಞಾನಾದಿಸಿಧ್ಯೈ ಹಿ .. 33..

ದಿವ್ಯಜ್ಞಾನಂ ದಯಯಾ ವಿಧೇಹಿ ಮಾತರ್ಮಹಾಸಾರಂ .

ತೇನೈವ ತೇ ತು ಕೀರ್ತಿರ್ದಾನಫಲಂ ನಶ್ಚ ಜನ್ಮಸಾಫಲ್ಯಂ .. 34..

ದ್ವಾದಶಬೀಜಾಕ್ಷರಗಾಂ ಮಂತ್ರೋದ್ಧಾರಕ್ರಿಯಾಶಕ್ತಿಂ .

35
ವಾಣೀಂ ವಿಧೇಸ್ತು ಪತ್ನೀಂ ಮಧ್ಯೇ ಪಶ್ಯಾಮಿ ಬಿಂಬಮಧ್ಯಸ್ಥಾಂ .. 35..

ರವಿಕೋಟಿತೇಜಸಂ ತಾಂ ಸರಸ್ವತೀಂ ತ್ರ್ಯಕ್ಷರಕ್ರಿಯಾಶಕ್ತಿಂ .

ಅಣಿಮಾದಿದಾಂ ಪ್ರಸನ್ನಾಮಂಬಾಂ ಪಶ್ಯಾಮಿ ಪದ್ಮಮಧ್ಯಗತಾಂ .. 36..

ಜಗದೀಶ್ವರಿ ಭಾರತಿ ಮೇ ಪ್ರಸೀದ ವಾಣಿ ಪ್ರಪನ್ನಾಯ .

ಅಹಮಪಿ ಕುತುಕಾತ್ ತವ ನುತಿಕಲನೇಽಶಕ್ತಶ್ಚ ಮಂದಧಿಷಣಶ್ಚ .. 37..

ಮುನಿಜನಮಾನಸಪೇಟೀರತ್ನಂ ಧಾತುರ್ಗೃಹೇ ರತ್ನಂ .

ವಾಣೀತಿ ದಿವ್ಯರತ್ನಂ ಜಯತಿ ಸದಾ ಕಾಮಧುಕ್ ಕಾಲೇ .. 38..

ಅಜ್ಞಾನವ್ಯಾಧಿಹರಂ ತದೌಷಧಂ ಶಾರದಾರೂಪಂ .

ಯಃ ಪಶ್ಯತಿ ಸ ಹಿ ಲೋಕೇ ಪರಾತ್ಮನೇ ರೋಚತೇ ಕಾಲೇ .. 39..

ಕಮಲಾಸನನಯನಫಲಂ ಸೃಷ್ಟ್ಯಾದಿಕಲಾಸಮಾಸಕ್ತಂ .
ವಾಣೀರೂಪಂ ತೇಜಃ ಸ್ಫುರತಿ ಜಗಚ್ಛ್ರೇಯಸೇ ನಿತ್ಯಂ .. 40..

ಹಂಸಗತಿಂ ತಾಮಂಬಾಮಂಭೋರುಹಲೋಚನಾಂ ವಂದೇ .

ತಿಲಕಯತಿ ಯಾ ಗುರೂಣಾಂ ಜಿಹ್ವಾಸಿಂಹಾಸನಂ ವಾಣೀ .. 41..

ವಾಣಿ ತರಂಗಯ ಲೋಚನವೀಕ್ಷಣಶೈಲೀಂ ಕ್ಷಣಂ ಮಯಿ ಭೋಃ .

ಮಮ ಜನ್ಮ ಲಬ್ಧವಿಭವಂ ತೇನ ಭವೇನ್ನೈವ ತೇ ಹಾನಿಃ .. 42..

ಪದ್ಮಾಸನೇನ ಸಾಕಂ ಕಾಲೇ ವಾಣೀ ಸಮಾಸನಾ ಜಯತಿ .

36
ಕುಚಕಲಶನಮಿತದೇಹಾ ಕುರ್ವಂತೀ ಭದ್ರಸಂತತಿಂ ನಮತಾಂ .. 43..

ವ್ಯಾತನ್ವಾನಾ ವಾಣೀ ಕವೀಶ್ವರಾಣಾಂ ಮನೋಜ್ಞವಚನಝರೀಂ .

ಜಯತಿ ವಿಧಿಸುಕೃತಸಂತತಿಪರಿಣಮಿತಮಾಲಾ ಬುಧೈರ್ವಂದ್ಯಾ .. 44..

ಕಮಲಸುಷಮಾಂಗಯಷ್ಟಿಃ ಸಾ ದೇವೀ ಜಯತಿ ಪದ್ಮಮಧ್ಯತಲೇ .

ಶತಬೀಜಾಕ್ಷರಲಸಿತಂ ದಿಕ್ಪತಿಕೃತರಕ್ಷಕಂ ಚ ಮೇರುಮುಖಂ .. 45..

ವಾಣೀಯಂತ್ರಂ ವಿಬುಧೈರ್ಮಾನ್ಯಂ ಯೋಗಾಸನಾಬ್ಧೀಂದುಂ .

ಹ್ರೀಮಕ್ಷರಮುಖಮಾದ್ಯಂ ಪ್ರಾಕ್ತಟಕಲಿತಂ ಚ ಪದ್ಮಮಧ್ಯತಲೇ .. 46..

ತನ್ಮೇರುಚಕ್ರರೂಪಂ ಸಮಾಧಿದೃಶ್ಯಂ ಚ ಲೋಕವೇದ್ಯಂ ಚ .

ಸೈಷಾಶ್ರಿತ್ಯ ತದೇತದ್ ರಾಜತಿ ರಾಜೀವಲೋಚನಾ ವಾಣೀ .. 47..

ಹಂಸಾಶ್ರಿತಗತಿವಿಭವಾ ಮಂದಸ್ಮೇರಾ ತಮೋನಿಹಂತ್ರೀ ಚ .

ಮಧುರತರವಾಙ್ನಿಗುಂಫಾ ವೀಣಾಪುಸ್ತಕಕರಾಂಭೋಜಾ .. 48..

ವೀಣಾವಾದನರಸಿಕಾ ನಮತಾಮಿಷ್ಟಾರ್ಥದಾಯಿನೀ ವಾಣೀ .

ಧಾತುರ್ನಯನಮಹೋತ್ಸವಕಲಿಕಾ ಕುರ್ಯಾಚ್ಛುಭಂ ಜಗತಾಂ .. 49..

ತಾಪಿಂಛರಮ್ಯದೇಹಶ್ರೀರೇಷಾ ಕವಿಸಮಾಜನುತಾ .
ಅಷ್ಟೈಶ್ವರ್ಯಾದಿಕಲಾದಾನೇ ದತ್ತೇಕ್ಷಣಾ ಜಯತಿ .. 50..

ಸೃಷ್ಟ್ಯಾದೌ ವಿಧಿಲಿಖಿತಂ ವಾಣೀ ಸೈಷಾ ಹಿ ಚಾನ್ಯಥಾಕರ್ತುಂ .

37
ನಾಕೌಕಸಾಮಪೀಹ ಪ್ರಭವತಿ ಕಲಿತಪ್ರಣಾಮಾನಾಂ .. 51..

ಯಃ ಪಶ್ಯತಿ ತಾಮೇತಾಂ ವಾಣೀಂ ಪುರುಷೋ ಹಿ ಧನ್ಯತಾಮೇತಿ .

ಯಂ ಪಶ್ಯತಿ ಸೈಷಾಯಂ ನಿತರಾಂ ಧನ್ಯೋ ನೃಪೇಡಿತಃ ಕಾಲೇ .. 52..

ಕಬಲಿತತಮಃಸಮೂಹಾ ವಾಣೀ ಸೈಷಾ ಹಿ ವಿಜಯತೇ ಜಗತಿ .

ಅಪುನರ್ಭವಸುಖದಾತ್ರೀ ವಿರಿಂಚಿಮುಖಲಾಲಿತಾ ಕಾಲೇ .. 53..

ಕಮಲಾಸನಮುಖಕಮಲಸ್ಥಿರಾಸನಾಂ ಶಾರದಾಂ ವಂದೇ .

ಯನ್ನಾಮೋಚ್ಚರಣಕಲಾವಿಭವಾತ್ ಸರ್ವಜ್ಞತಾ ನಿಯತಂ .. 54..

ಭವಪರಮೌಷಧಮೇತದ್ವಾಣೀರೂಪಂ ಸದಾರಾಧ್ಯಂ .
ಕಮಲಾಸನಲೋಚನಗಣಸರಸಕ್ರೀಡಾಸ್ಪದಂ ಜಯತಿ .. 55..

ನಾರೀವಂಶಶಿಖಾಮಣಿರೇಷಾ ಚಿಂತಾಮಣಿರ್ನತಾನಾಂ ಹಿ .
ಧಾತೃಗೃಹಭಾಗಧೇಯಂ ಧ್ಯೇಯಂ ಸದ್ಭಿಃ ಶ್ರಿಯಃ ಸಮೃದ್ಧ್ಯೈ ನಃ .. 56..

ಜನನಿ ಭುವನೇಶ್ವರಿ ತ್ವಾಂ ವಾಣೀಂ ವಂದೇ ಕವಿತ್ವರಸಸಿದ್ಧ್ಯೈ .

ತ್ವಂ ತು ದದಾಸಿ ಹಿ ದಯಯಾ ಮಮ ಮಂದಸ್ಯಾಪಿ ವಾಗ್ಝರೀರ್ಮಧುರಾಃ ..
57..

ಏತೇನ ತವ ತು ಕೀರ್ತೇರ್ಮಹಿಮಾ ಸಂಗೀಯತೇ ದಿಶಾಂ ವಲಯೇ .

ಕಿಂನರವರ್ಗೈರಮರೀಕನ್ಯಾಭಿಃ ಕಲ್ಪವೃಕ್ಷಮೂಲತಲೇ .. 58..

ಕವಿಮಲ್ಲಸೂಕ್ತಿಲಹರೀಸ್ತನ್ವಾನಾ ಶಾರದಾ ಜಯತಿ .

38
ವಿಧಿಕೇಲಿಸದನಹಂಸೀ ಕಲ್ಯಾಣೈಕಸ್ಥಲೀ ನಮತಾಂ .. 59..

ಸ್ಫುರತು ಮಮ ವಚಸಿ ವಾಣಿ ತ್ವದೀಯವೈಭವಸುಧಾಧಾರಾ .

ನಿತ್ಯಂ ವ್ಯಕ್ತಿಂ ಪ್ರಾಪ್ತಾ ಧುತನತಜನಖೇದಜಾಲಕಾ ಮಹತೀ .. 60..

ವಾಣಿ ತವ ಸ್ತುತಿವಿಷಯೇ ಬುದ್ಧಿರ್ಜಾತಾ ಹಿ ಮೇ ಸಹಸಾ .

ತೇನ ಮಮ ಭಾಗದೇಯಂ ಪರಿಣತಿಮಿತ್ಯೇವ ನಿತ್ಯಸಂತುಷ್ಟಃ .. 61..

ಸೃಷ್ಟಿಕಲಾಮಂಡನಭೂರೇಷಾ ವಾಣೀ ಜಗಜ್ಜನನೀ .

ಆಲೋಕಮಾತ್ರವಶತಸ್ತಮಸೋ ಹಂತ್ರೀ ಚ ಸಂಪದಾಂ ಜನನೀ .. 62..

ಪೌರುಷಲೋಪವಿಧಾತ್ರೀ ಧಾತುರಿಯಂ ಕಮಲಕೋಮಲಾಂಗಲತಾ .

ವಸತು ಸದಾ ಜಿಹ್ವಾಗ್ರೇ ದಿವ್ಯಜ್ಞಾನಪ್ರದಾ ದೇವೀ .. 63..

ಪ್ರತಿದಿನದುರಿತನಿಹಂತ್ರೀ ಪದ್ಮಾಸನನಯನಪುಣ್ಯಪರಿಪಾಕಃ .
ಕವಿತಾಸಂತಾನಕಲಾಬೀಜಂಕುರವರ್ಧಿನೀ ಜಯತಿ .. 64..

ಕ್ಷಣವೀಕ್ಷಣೇನ ಮಾತಾ ಲಕ್ಷ್ಮೀಂ ಪಕ್ಷ್ಮಲಯತಿ ಪ್ರಣತೇ .

ವೇಧಸಿ ಸುರತಮಹೋತ್ಸವಸಂಕೇತತಲಪ್ರದರ್ಶಿನೀ ಕಾಲೇ .. 65..

ಶೃಂಗಾರವಿಭ್ರಮವತಾ ನೀಲೋತ್ಪಲಕಾಂತಿಚಾತುರೀಸುಪುಷಾ .
ವಾಣೀನೇತ್ರೇಣ ವಿಧಿರ್ಜಿತೋಽಭವತ್ ಸೋಽಪಿ ಸತತಕೃತವೇದಃ .. 66..

ಶ್ಯಾಮಾ ಕಟಾಕ್ಷಲಹರೀ ಮಾತುರ್ಜಯತೀಹ ಸಂಪದಾಂ ಜನನೀ .

39
ಯಾಮಸ್ತೌಷೀತ್ ಕಾಲೇ ಮಘವಾ ನಾಕಾಧಿಪಾ ಮುನಯಃ .. 67..

ಮಣಿಕಟಕನಾದಪೂರಿತಮಂಬಾಪಾದಾಂಬುಜಂ ಮಹಾಮಂತ್ರೈಃ .
ಜಪ್ಯಂ ಧ್ಯೇಯಂ ಕಾಲೇ ದಿಶಿ ದಿಶಿ ಕಲಿತಸ್ವರಕ್ಷಂ ಚ .. 68..

ಸ್ಮರಣೇನ ದುರಿತಹಂತ್ರೀ ನಮನೇನ ಕವಿತ್ವಸಿದ್ಧಿದಾ ವಾಣೀ .

ಕುಸುಮಸಮರ್ಪಣಕಲಯಾ ಕಾಲೇ ಮೋಕ್ಷಪ್ರದಾತ್ರೀ ಚ .. 69..

ವಿಸೃಮರತಮೋನಿಹಂತ್ರಿ ತ್ವಾಂ ಸೇವೇ ಶಾರದಾದೇವಿ .

ಶಿಶಿರೀಕುರು ಮಾಂ ಕಾಲೇ ಕರುಣಾರಸವೀಕ್ಷಿತೇನ ವರದೇನ .. 70..

ಮಾತರ್ನಮೋಽಸ್ತು ತಾವಕಕಟಾಕ್ಷಮಧುಪಾಯ ಶಾರದೇ ಜಯತಿ .

ಯೋ ವೇಧಸೋಽಪಿ ಕಾಲೇ ಸೃಷ್ಟ್ಯಾದೌ ಚಾತುರೀಂ ದಿತ್ಸನ್ .. 71..

ಸುಮನೋವಾಂಛಾದಾನೇ ಕೃತಾವಧಾನಂ ಧನಂ ಧಾತುಃ .

ಧಿಷಣಾಜಾಡ್ಯಾದಿಹರಂ ಯದ್ವೀಕ್ಷಣಮಾಮನಂತಿ ಜಗತಿ ಬುಧಾಃ .. 72..

ಲಲಿತಗಮನಂ ತ್ವದೀಯಂ ಕಲನೂಪುರನಾದಪೂರಿತಂ ವಾಣಿ .

ನೌಮಿ ಪದಾಂಬುಜಯುಗಲಂ ಕವಿತಾಸಿದ್ಧ್ಯೈ ವಿಧೇಃ ಕಾಂತೇ .. 73..

ಕಮಲಕೃತವೈಜಯಂತೀ ವಿಧೇರ್ಮುಖೇಷ್ವಾದರಾದ್ವಾಣ್ಯಾಃ .
ಜಯತಿ ಕಟಾಕ್ಷಲಹರೀ ತೋರಣಲಕ್ಷ್ಮೀಸ್ತು ಸತ್ಯಲೋಕೇ ಹಿ .. 74..

ನಿಶ್ರೇಣಿಕಾ ಚ ಮುಕ್ತೇಃ ಸಜ್ಜ್ಞಾನನದೀಮಹಾಲಹರೀ .

40
ನಾನಾರಸಚಾತುರ್ಯಪ್ರಸಾರಿಕಾ ದುರಿತಶಂಕುಲಾ ಕಾಲೇ .. 75..

ಪರತಂತ್ರಿತವಿಧಿವಿಭವಾ ದೇವೀ ಸಾ ಶಾರದಾ ಜಯತಿ .

ಕೈವಲ್ಯಾದಿಕಲಾನಾಂ ದಾತ್ರೀ ಭಕ್ತಾಲಿಕಾಮಧೇನುರ್ಯಾ .. 76..

ಕವಿಕಾಮಧೇನುರೇಷಾ ಮಂಜುಸ್ಮೇರಾನನಾಂಭೋಜಾ .
ವಾಣೀ ಜಯತಿ ವಿಧಾತುರ್ಮನನಾಗಮಸಂಪ್ರದಾಯಫಲದಾ ಹಿ .. 77..

ಘನತರಕೃಪಾರಸಾರ್ದ್ರೈರ್ನಾನಾವಿಭವಪ್ರದಾನಕೃತದೀಕ್ಷೈಃ .
ವಾಣೀ ಜಯತಿ ಕಟಾಕ್ಷೈರ್ನಃ ಕಾಶ್ಮಲ್ಯಂ ಹಠಾನ್ನಿರಸ್ಯಂತೀ .. 78..

ದಾಸಾಶಾದಾನಕಲಾಪ್ರಕ್ಲೃಪ್ತದೀಕ್ಷಾಕಟಾಕ್ಷಲಹರೀ ಮೇ .
ಕಬಲಯತು ಪಾಪರಾಶಿಂ ವಾಣ್ಯಾ ನಿತ್ಯಂ ಮಹೌದಾರ್ಯಾ .. 79..

ಆದಿಮಜನನೀ ಸೈಷಾ ವಾಣೀ ಜಯತೀಹ ಭಕ್ತರಕ್ಷಾಯೈ .

ಸರ್ವತ್ರ ಕಲಿತದೇಹಾ ನಾನಾಶಾಸ್ತ್ರಾದಿರೂಪತೋ ಜಗತಿ .. 80..

ಬಹುವಿಧಲೀಲಾಸದನಂ ಸಂಭೃತಫುಲ್ಲಾಬ್ಜಶಿಲ್ಪವೈಚಿತ್ರ್ಯಂ .
ವಾಣೀಮುಖಾರವಿಂದಂ ಚುಂಬತಿ ಮಾನಸಮಿದಂ ಹಠಾತ್ ಕೃತ್ಯಂ .. 81..

ಸೌಭಾಗ್ಯಕಾಂತಿಸಾರಂ ವದನಾಂಭೋಜಂ ಶ್ರಿಯೈ ವಾಣ್ಯಾಃ .

ಆಶ್ರಿತ್ಯ ಸಕಲವೇದಾ ಅಪಿ ನಿತ್ಯಂ ಮಾನ್ಯತಾಂ ಪ್ರಾಪ್ತಾಃ .. 82..

ಜ್ಞಾನಮಯೀ ಸಲಿಲಮಯೀ ತತ್ತ್ವಮಯೀ ಭಾತಿ ಸರ್ವಲೋಕಾನಾಂ .

41
ಅಕ್ಷರಮಯೀ ಚ ವಾಣೀ ಶ್ರೇಯೋದಾನೇ ನಿಬದ್ಧಚಿತ್ತಗತಿಃ .. 83..

ನಮೌಕ್ತಿರಸ್ತು ಮಾತ್ರೇ ವಾಣ್ಯೈಃ ನಃ ಸಿದ್ಧಿದಾ ಭಕ್ತ್ಯಾ .

ಆನಂದಿನ್ಯೈ ಜ್ಞಾನಸ್ವರೂಪಭಾಜೇ ಪ್ರಬಂಧರೂಪಾಯೈ .. 84..

ಆರಾಧ್ಯಾಯೈ ಧ್ಯೇಯಾಯೈ ಚಾತ್ತಕಲಾಚಿತ್ರನಾದರೂಪಾಯೈ .

ಸಚ್ಚಿತ್ತವಾಸಭಾಜೇ ವಾಣ್ಯೈ ಭೂಯೋ ನಮೋಽಸ್ತು ಭಕ್ತಿಕೃತಂ .. 85..

ಕಮಲಾಸನಪುಣ್ಯಕಲಾ ನಮತಾಂ ಚಿಂತಾಮಣಿರ್ವಾಣೀ .

ಜೀವಾಕ್ಷರಬೋಧಕಲಾರೂಪಾ ಜಯತೀಹ ಸತ್ತ್ವರೂಪವತೀ .. 86..

ಬ್ರಹ್ಮಾಂಡಮಂಡಲಮಿದಂ ವ್ಯಾಪ್ತಂ ಮಾತ್ರಾ ಕ್ಷರಾಕ್ಷರಾದಿಜುಷಾ .

ಯತ್ಪದಕಮಲಂ ನಿತ್ಯಂ ಶ್ರುತಿತತಿಸುದತೀವಿಭೂಷಣಂ ಚ ವಿದುಃ .. 87..

ಮನಸಿಜಸಾಮ್ರಾಜ್ಯಕಲಾಲಕ್ಷ್ಮೀರೇಷಾ ವಿರಿಂಚಿಮುಖಹರ್ಷಂ .
ವ್ಯಾತನ್ವಾನಾ ನಿತ್ಯಂ ರಾಜತಿ ಷಡರಸ್ವರೂಪಚಕ್ರತಲೇ .. 88..

ಮಂಜುಲವೀಣಾನಿನದಪ್ರಯೋಗನಿರ್ಧೂತಮೋಹಸಂಚಾರಾ .
ಹಂಸೀಯಾನಾ ವಾಣೀ ಹಂಸಗತಿಃ ಸುಕೃತಿನೇತ್ರಪುಣ್ಯಕಲಾ .. 89..

ಕುಚಕಲಶಸವಿಧವಿನಿಹಿತವೀಣಾನಿಕ್ಕಾಣಸಾವಧಾನಕಲಾ .
ಅಧಿನೇತ್ರೀ ಹಿ ಕಲಾನಾಂ ಸಕಲಾನಾಂ ಶಾರದಾ ಜಯತಿ .. 90..

ತ್ರಿದಶಪರಿಷನ್ನಿಷೇವ್ಯಾ ಪ್ರಾತಃ ಸಾಯಂ ಪ್ರಫುಲ್ಲಮುಖಕಮಲಾ .

42
ಕಮಲಾಸ್ನುಷಾ ಹಿ ವಾಣೀ ವಾಣೀಂ ದಿಶತು ಪ್ರಬಂಧರಸಭರಿತಾಂ .. 91..

ಅಧಿಕಚಪಲೈಃ ಕಟಾಕ್ಷೈರಂಚಿತಲೀಲಾರಸೈರುದಾರೈರ್ನಃ .
ಮಂಗಲಮಾತನ್ವಾನಾ ವಿಧಾತೃಗೃಹಿಣೀ ಸುರಾದಿನುತಪಾದಾ .. 92..

ಕಾಂತಂ ಲಕ್ಷ್ಮೀಭವನಂ ಮುಖಕಮಲಂ ಶಾರದಾದೇವ್ಯಾಃ .

ಸೌಭಾಗ್ಯಕಾಂತಿಸಾರಂ ಸ್ಪೃಹಯತಿ ಮೇ ಮಾನಸಂ ಸರಸಂ .. 93..

ಕಾರುಣ್ಯಪೂರ್ಣನಯನಂ ಪುಸ್ತಕಹಸ್ತಂ ಮಹಃ ಕಿಮಪಿ .

ಧಾತುಃ ಪುಣ್ಯಕಲಾನಾಂ ಪರಿಪಾಕೋ ಮರ್ತ್ಯರಕ್ಷಣಂ ಕುರುತೇ .. 94..

ಸಂಸಾರವಾರಿರಾಶಿಂ ತರ್ತುಂ ಸಾ ಸೇತುರೇಷಾ ನಃ .

ಧಾತುರ್ಗೃಹಿಣೀ ದುಃಖಂ ಶಿಥಿಲಯತು ಪರಂ ಜನಿಪ್ರಾಪ್ತಂ .. 95..

ಸರಸಕವಿಕಲ್ಪವಲ್ಲೀಮಂಬಾಂ ವಾಣೀಮಹಮುಪಾಸೇ .
ಅಂತಸ್ತಮೋನಿಹಂತ್ರೀಂ ಯಾಮಾಹುರ್ಜ್ಞಾನದಾಂ ಮುನಯಃ .. 96..

ಮಮ ಲೋಚನಯೋರ್ಭೂಯಾತ್ ವಿದ್ಯಾ ಕಾಪಿ ಪ್ರಧೂತಜನಿಭೀತಿಃ .

ನಿಗಮೇಷು ಸಂಚರಂತೀ ಕೃಪಾನಿಧಿಃ ಶಾರದಾ ದೇವೀ .. 97..

ಶಮಿತನತದುರಿತಸಂಘಾ ಧಾತ್ರೇ ನಿಜನೇತ್ರಕಲ್ಪಿತಾನಂಗಾ .

ಕೃತಸುರಶಾತ್ರವಭಂಗಾ ಸಾ ದೇವೀ ಮಂಗಲೈಸ್ತುಂಗಾ .. 98..

ಪದ್ಮಾಸನಸ್ಥಿತಾಂ ತಾಂ ವಾಣೀಂ ಚತುರಾನನಾಂ ವಂದೇ .

43
ಕಲ್ಯಾಣಾನಾಂ ಸರಣಿಂ ಕವಿಪರಿಷತ್ಕಲ್ಪವಲ್ಲರೀಂ ಮಾನ್ಯಾಂ .. 99..

ಕುಚಭಾರಸಂನತಾಂಗೀಂ ಕುಂದಸ್ಮೇರಾನನಾಂಭೋಜಾಂ .
ಕುಂದಲಕುಸುಮಪರಿಮಲಸಂಪಾದಿತಭೃಂಗಝಂಕೃತಿತರಂಗಾಂ .. 100..

ಚಿದ್ರೂಪಾಂ ವಿಧಿಮಹಿಷೀಂ ಹಂಸಗತಿಂ ಹಂಸಸಂನುತಚರಿತ್ರಾಂ .

ವಿದ್ಯಾಕಲಾದಿನಿಲಯಾಮಾರಾಧ್ಯಾಂ ಸಕಲಜಡಿಮದೋಷಹರೀಂ .. 101..

ಜನನಿ ಯದಿ ಭಜತಿ ಲೋಕೇ ತವ ಲೋಚನವೀಕ್ಷಣಂ ಕ್ಷಣಂ ಮರ್ತ್ಯಃ .

ಕುಪುರುಷನುತಿವಿಮುಖಸ್ತೇ ರೂಪಂ ಜ್ಞಾನಪ್ರದಂ ಪಶ್ಯನ್ .. 102..

ಕುಕ್ಷಿಂಭರಿತ್ವಮುಖದುರ್ಗುಣಾದಿಕಂ ದೂರತಸ್ತ್ಯಕ್ತ್ವಾ .
ತ್ವದ್ಭಾವನೇನ ಧನ್ಯೋ ನಯತಿ ಚ ಕಾಲಂ ಪ್ರಮೋದೇನ .. 103..

ಮಯಿ ತಾಪಭಾರಶಾಂತ್ಯೈ ತರಂಗಯ ತ್ವದಿಲೋಚನೇ ಮಾತಃ .

ಯಚ್ಛಾರದಾಬ್ಜಸುಷಮಾಮಾನ್ಯೇ ದೇವಾದಿಭಿಃ ಪ್ರಾರ್ಥ್ಯೇ .. 104..

ಸರ್ವಾರ್ಥದಾ ಹಿ ಭಜತಾಂ ಕಟಾಕ್ಷಧಾಟೀ ಶಿವಂಕರೀ ವಾಣಿ .

ಚಿಂತಾಮಣಿಮಿವ ಕಲಯತಿ ಯಾಂ ಹಿ ವಿಧಿರ್ವಿದಿತಮಂತ್ರೋಽಪಿ .. 105..

ಸುಕೃತಪರಿಪಾಕಮಾನಸಾ ಧನ್ಯಾಸ್ತ್ವಾಮರ್ಚಯಂತಿ ನನು ವಾಣಿ .

ಅಹಮಪಿ ತದ್ವತ್ಕಲಯೇ ಫಲಪ್ರದಾ ತ್ವಂ ಸಮಾನಕಲ್ಪಾಸಿ .. 106..

ನಿಗಮವಚಸಾಂ ನಿದಾನಂ ತವ ಪಾದಾಬ್ಜಂ ವತಂಸಯತು ಕಾಲೇ .

44
ದೇವೋಽಪಿ ದೇವದೇವೋ ವಿಜಿತಜಗತ್ತ್ರಯತಲೇ ಮಾತಃ .. 107..

ಅಂತಸ್ತಮಸೋ ಹಂತ್ರೀ ಪಟೀಯಸೀ ತೇ ಕಟಾಕ್ಷಝರಮಾಲಾ .

ಯಾ ತೋರಣಮಾಲ್ಯಶ್ರಿಯಮಾತನುತೇ ವೇಧಸಃ ಸೌಧೇ .. 108..

ಶೃಂಗಾರವಿಭ್ರಮವತೀಂ ತ್ವಾಂ ಪ್ರಾಪ್ಯೈವ ಕ್ರಿಯಾಕಾಲೇ .

ಕಲಯತಿ ಸೃಷ್ಟ್ಯಾದಿಮಸೌ ವಿಧಿಃ ಶ್ರುತಿವ್ಯಕ್ತಮಾಹಾತ್ಮ್ಯಃ .. 109..

ವೇಧೋವದನಂ ಕೇಲೀವನಮಾಸಾದ್ಯಾಂಬ ಪರಮಯಾ ಹಿ ಮುದಾ .

ಕ್ರೀಡಸಿ ಶುಕೀವ ಕಾಲೇ ದ್ವಿಜಸಂಘಸಮರ್ಚಿತಾತ್ಮವೃತ್ತಿಶ್ಚ .. 110..

ಧಾತುರ್ಮುಖಮಂಜೂಷಾರತ್ನಂ ನಿಗಮಾಂತಕೇಲಿವನಹಂಸೀಂ .
ಪರಮಾಂ ಕಲಾಮುಪಾಸೇ ತಾಮಂಬಾಂ ಚಿದ್ವಿಲಾಸಘನವೃತ್ತಿಂ .. 111..

ವಾಗೀಶದೇವರೂಪಿಣಿ ಗೀಷ್ಪತಿಮುಖದೇವಸಂಘನುತಚರಣೇ .
ತವ ರೂಪಂ ಸೂರ್ಯಾಯುತದೃಶ್ಯಂ ದರ್ಶಯ ಮಮ ಜ್ಞಾನೇ .. 112..

ದಿವ್ಯಜ್ಞಾನಪ್ರದಮಿದಮಂಬ ತ್ವದ್ರೂಪಮಾದರಾದ್ವಾಣಿ .
ಕಾಲೇ ದರ್ಶಯ ಕೃಪಯಾ ತೇನ ವಯಂ ಪ್ರಾಪ್ತಕಾರ್ಯಸಾಫಲ್ಯಾಃ .. 113..

ಅಂಬಾ ತ್ರಿಸಂಧ್ಯಪಠನಪ್ರವೃತ್ತಿಭಾಜಾಂ ಕ್ರಮೇಣ ನಾಮ್ನಾಂ ತು .

ದ್ವಾದಶಕಲಾವಿಭೇದವ್ಯೂಹಾದಿಜ್ಞಾನದಾ ಪ್ರಸನ್ನಾ ಹಿ .. 114..

ಮೂಕೋಽಪಿ ಸತ್ಕವಿಃ ಸ್ಯಾದ್ ದುರಕ್ಷರಾಣ್ಯಪಿ ವಿಧಾತೃಲಿಖಿತಾನಿ .

45
ಸತ್ಫಲದಾನಿ ಸರಸ್ವತಿ ಕಟಾಕ್ಷಪೂರೇ ಯದಿ ಕಾಪಿ .. 115..

ಅವಲಂಬೇ ತಾಮಂಬಾಂ ಪಂಚಾಶದ್ವರ್ಣಕಲ್ಪಿತಜಗತ್ಕಾಂ .

ಸೃಷ್ಟಿಸ್ಥಿತಿಸಂಹಾರಸ್ಥಿರೋದಯಾಂ ವಿವಿಧಶಾಸ್ತ್ರರೂಪಾಢ್ಯಾಂ .. 116..

ವಾಣೀಂ ದಿಶತು ಮನೋಜ್ಞಾಂ ವಾಣೀ ಗತಿಹಸಿತಕಾದಂಬಾ .

ಯಾ ದಂಭಾದಿವಿಮುಕ್ತಾ ನಾದಂ ಭಾವ್ಯಂ ವದಂತಿ ಯದ್ರೂಪಂ .. 117..

ರಾಕೇಂದುವದನಬಿಂಬಾ ಸಾಂಬಾ ವಾಣೀ ಪುನಾತು ಕೃತಿಮೇನಾಂ .

ಪರಿಕಲಿತಭಾವಬಂಧಾಂ ರಸೋಜ್ಜ್ವಲಾಂ ಮಂಗಲೋತ್ತುಂಗಾಂ .. 118..

ಲಾವಣ್ಯಕಾಂತಿಸಿಂಧುಃ ಪಾದಾಬ್ಜನತಪ್ರಭಾವಸಂಧಾತ್ರೀ .
ಪ್ರಸೃಮರತಮೋನಿಹಂತ್ರೀ ಮದ್ವಾಚಾಂ ದೇವತಾ ಚಾದ್ಯಾ .. 119..

ಜನತಾನೇತ್ರಾನಂದಂ ರೂಪಂ ಯಸ್ಯಾಃ ಸ್ಫುಟಂ ಭಾತಿ .

ಸ್ಮರಣಂ ತ್ವಜ್ಞಾನಹರಂ ವಿಶ್ವಜ್ಞಾನಪ್ರದಂ ಚ ಸಾ ಜಯತಿ .. 120..

ಸಹಧರ್ಮಿಣೀ ವಿಧಾತುರ್ದಾರಿದ್ರ್ಯಧ್ವಂಸಿನೀ ನಿಜಕಟಾಕ್ಷೈಃ .

ಸಾಂನಿಧ್ಯಂ ಜನಯತು ಮೇ ಸುರಮುನಿನರಸಂನುತಸ್ವಮಹಿಮೇಯಂ ..
121..

ಮುಖರಿತವೀಣಾ ವಾಣೀ ವಾಣೀಂ ಮೇ ದಿಶತು ನೈಜನುತಿಯೋಗ್ಯಾಂ .

ಆಸ್ವಾದಿತಶಾಸ್ತ್ರಾಮೃತಲಹರೀಂ ಸದ್ಯಸ್ತಮೋನಿಹಂತ್ರೀಂ ಚ .. 122..

ಮಣಿನೂಪುರನಾದನಿಭಾ ವಾಣೀ ಭಾತಿ ತ್ವದೀಯಭಕ್ತಮುಖೇ .

46
ಕೀರ್ತಿರ್ದಿಶಾಸು ಶುದ್ಧಿರ್ವಪುಷಿ ಬಹುಮುಖೀ ಪರಂ ಕಾಲೇ .. 123..

ತವ ಪಾದಸ್ಮರಣವಶಾತ್ ತಾಮ್ಯತಿ ತಿಮಿರಾವಲಿಶ್ಚಾಂತಃ .

ಆನಂದಲಹರಿವೀಚೀ ಪ್ರಸರ್ಪತಿ ಕ್ಷಮಾತಲೇ ಹಿ ಭಕ್ತಾನಾಂ .. 124..

ಸಂಪನ್ನಲಿನೀಭಾನುಂ ಜ್ಞಾನಾಬ್ಧಿಸುಧಾಕರಂ ಹಿ ತವ ರೂಪಂ .

ಭಕ್ತ್ಯಾ ಮನಸಿ ಗೃಣಂತೋ ಗಚ್ಛಂತಿ ವ್ಯೋಮಯಾನಮಾರೂಢಾಃ .. 125..

ಹೃತ್ತಮಸಾಂ ದೀಪರುಚಿರ್ವಿಧಾತೃದಯಿತಾ ಮಮಾಸ್ತು ಪರದೈವಂ .

ಭವತಾಪಮೇಘಮಾಲಾ ಕವಿಶುಕವಾಸಂತಿಕಶ್ರೀರ್ಹಿ .. 126..

ಮಮ ಮಾನಸಮಣಿಹರ್ಮ್ಯೇ ವಿಹರತು ವಾಣ್ಯಾಃ ಸ್ವರೂಪಂ ತು .

ನಿಗಮವಚಸಾಂ ನಿಗುಂಫೈರ್ವೇದ್ಯಂ ತದ್ವೇಧಸಾ ಲಾಲ್ಯಂ .. 127..

ಸತತಮಭಿಗಮ್ಯರೂಪಾ ವಿಬುಧವರೇಡ್ಯಾ ಸರಸ್ವತೀ ಮಾತಾ .

ಮನಸಿ ಮಮ ಸಂನಿಧತ್ತಾಂ ಭೂತ್ಯೈ ನಃ ಸರ್ವತಃ ಕಾಲೇ .. 128..

ಮಮ ಶಿರಸಿ ನೀಚಪುಣ್ಯೇ ಪುಣ್ಯಘನಾ ವೇದಮೌಲಿಹರ್ಮ್ಯಾ ಚ .

ಕೃತಪದವಿನ್ಯಾಸಭರಾ ವಾಣೀ ಜಯತೀಹ ಶತಮಖಾದಿನುತಾ .. 129..

ಮಾಯಾನಿರಸನದಕ್ಷಾ ಮಾತೇಯಂ ಸುಪ್ರಸನ್ನಾ ಮೇ .

ಲಭತೇ ಪರಮಂ ಜ್ಞಾನಂ ಯದ್ಭಕ್ತ್ಯಾ ಪಾಮರೋಽಪಿ ಚ ಧರಿತ್ರ್ಯಾಂ .. 130..

ವಾಣೀಶ್ವರಿ ತವ ರೂಪಂ ನಾಮಸ್ಮರಣಂ ಚ ಪೂಜನಂ ಭಕ್ತ್ಯಾ .

47
ಸಿಧ್ಯತಿ ಸಕಲವಿಭೂತ್ಯೈ ತತ್ರ ಹಿ ಭವತೀದಯಾಪ್ರಸಾರಸ್ತು .. 131..

ಸಫಲಯತು ನೇತ್ರಯುಗಲಂ ಹತನತದುರಿತಾ ಚ ಸಾ ಪರಾ ದೇವೀ .

ಕಮಲಜಮಾನ್ಯಚರಿತ್ರಾ ಸುಮನೋವಾಂಛಾಪ್ರದಾನಕೃತದೀಕ್ಷಾ .. 132..

ಪಂಕಜಮೃಣಾಲತಂತುಪ್ರತಿಭಟರೂಪಂ ಕ್ವಚಿದ್ದೃಶ್ಯಂ .
ಕವಿಕುಲವಾಣೀಕೈರವಶಾರದಚಂದ್ರಪ್ರಭಾಕಬಲಿತಂ ಚ .. 133..

ನಲಿನಭವಗೃಹಿಣಿ ವಾಣಿ ಪ್ರಹ್ವಾನಾಂ ಸಪದಿ ಭಕ್ತಾನಾಂ .

ಲುಂಪಸಿ ಮೋಹಂ ಭವತೀಸ್ಮರಣಾದ್ವರಿವಸ್ಯಯಾ ಸ್ತುತ್ಯಾ .. 134..

ಕವಿಕುಲಕಲ್ಪಕವಲ್ಲೀಮಪಾಂಗಲೀಲಾಕೃತಾರ್ತಿಶಮನಾಂ ತಾಂ .
ವಾಣೀಮನ್ವಹಮಾರ್ಯಾರಾಧ್ಯಾಂ ಮೋಕ್ಷಾಯ ನಿಭೃತಮಹಮೀಡೇ ..
135..

ಸಂವಿತ್ಸುಖಸ್ವರೂಪಾಮಂಬಾಂ ವಾಣೀಮಹರ್ನಿಶಂ ಮನಸಿ .

ಕಲಯೇ ಕಲಿತಾಪ್ರಭರಪ್ರಶಾಂತಿಕಾಮಃ ಪ್ರಭಾವತೀಂ ಜಯದಾಂ .. 136..

ನತಪರಿಪಾಲಿನಿ ವಾಣಿ ತ್ರಿಜಗದಘಧ್ವಂಸಿನಿ ಶ್ರಿತಾನಾಂ ನಃ .

ತವ ಪಾದಯುಗಂ ನಿಗಲಂ ಭವತು ತಮೋರಾಶಿದುಷ್ಟಹಸ್ತಿಗಣೇ .. 137..

ಕಾಮಾದಿದುರ್ಗ್ರಹಕೃತಾನರ್ಥನಿರಾಸಾಯ ತಾವಕಾಪಾಂಗಾಃ .
ವಾಣಿ ಜನಯಂತಿ ನತಾನಾಂ ಕೈವಲ್ಯ ಖಪ್ರದಾನಾಯ .. 138..

ತವ ದರ್ಶನಂ ಹಿ ಮಾತಃ ಪರಮಂ ಸಂಸ್ಕಾರಮಾತ್ತಪಾಪಾನಾಂ .

48
ಕಲ್ಯಾಣಸೂಕ್ತಿಕಂದಲರಸಪ್ರದಂ ಮಾನ್ಯತೇ ವಿಬುಧೈಃ .. 139..

ಧಾತುರ್ವದನಸರೋಜೇ ಶ್ರುತಿಸೀಮನಿ ಹೃದಿ ಚ ಭಕ್ತಾನಾಂ .

ಏಕಪದಾ ದ್ವಿಪದಾ ವಾ ರಾಜತಿ ವಾಣೀ ಜಗನ್ಮಾತಾ .. 140..

ಮಣಿಮಯಕಾಂಚೀಲಸಿತಾ ವೀಣಾಪುಸ್ತಕಕರಾರವಿಂದಾ ಚ .
ನಮತಾಂ ಜಾಡ್ಯವಿಧೂನನಧೃತದೀಕ್ಷಾ ರಾಜತೇ ವಾಣೀ .. 141..

ಕಬಲಯತು ತಾಪಮಸ್ಯಾಃ ಸ್ಮರಣಂ ಪಾದಾಬ್ಜವಂದನಂ ವಾಣ್ಯಾಃ .

ಧಾತುರ್ಜಿಹ್ವಾಗ್ರತಲೇ ನೃತ್ಯಂತ್ಯಾಃ ಸಾರಸೂಕ್ತಿರಸಯಂತ್ಯಾಃ .. 142..

ಪದ್ಮಜವದನವಿಭೂಷಾ ನಿಗಮಶಿಖೋತ್ತಂಸಪೀಠಿಕಾ ವಾಣೀ .

ಸಕಲವಿಧಶಾಸ್ತ್ರರೂಪಾ ಭಕ್ತಾನಾಂ ಸತ್ಕವಿತ್ವದಾನಪ್ರಾ .. 143 ...

ಗತಿಜಿತಮರಾಲಗಮನಾ ಮರಾಲವಾಹಾ ಚ ವೇಧಸೋ ದಾರಾಃ .

ಶಿಶಿರದಯಾಸಾರಾ ಸಾ ನಮತಾಂ ಸಂತಾಪಹಾರಿಣೀ ಸಹಸಾ .. 144..

ಸ್ತನಭಾರಸಂನತಾಂಗೀ ದರದಲಿತಾಂಭೋಜಲೋಚನಾಂತಶ್ರೀಃ .
ಸವಿಧತಲೇ ವಿಬುಧವಧೂಪರಿಚರಣಾದ್ಯೈಶ್ಚ ತುಷ್ಟಚಿತ್ತಾ ಸಾ .. 145..

ಹರಿಣಾಂಕವದನಬಿಂಬಾ ಪೃಥುಲನಿತಂಬಾ ಕಚಾತ್ತಲೋಲಂಬಾ .

ನಿಜಗತಿಜಿತಕಾದಂಬಾ ಸಾಂಬಾ ಪದಪದ್ಮನಮ್ರಭಕ್ತಕದಂಬಾ .. 146..

ಪರಿಹಸಿತನೀಲನೀರಜದೇಹಶ್ರೀಃ ಶಾರದಾ ಪ್ರಥಮಾ .

49
ಸ್ಫಟಿಕಮಣಿಭರಕಾಂತಿಃ ಸರಸ್ವತೀ ಕೀರ್ತ್ಯತೇ ಚ ವಿಬುಧಗಣೈಃ .. 147..

ನಾಥೇ ದೃಢಭಕ್ತಿಮತೀ ಸೃಷ್ಟ್ಯಾದೌ ಚಿತ್ಸ್ವರೂಪಾ ಚ .

ಧಾತ್ರಾ ಸಮಾನಭಾವಾ ಚೈಕಾಸನಪೂಂಡರೀಕಮಧ್ಯಸ್ಥಾ .. 148..

ಪ್ರೀತ್ಯಾ ಸರಸಪುಮರ್ಥಾನ್ ದದಾತಿ ಕಾಲೇ ಚಿದಾದಿಸಂಧಾತ್ರೀ .

ಸಾ ಮೇ ದೈವತಮೇಷಾ ಸತತನಿಷೇವ್ಯಾ ಚ ಕಾಮದಾ ಭೂಯಾತ್ ..
149..

ಹರಿಚರಣನಲಿನಯುಗಲೇ ಸದೈಕತಾನಾ ಹಿ ಶಾರದಾ ಜನನೀ .

ಪದ್ಮಾನೀಲಾದಿಸಖೀ ಶ್ರುತ್ಯುದ್ಯಾನೇ ವಿಹಾರರಸಭರಿತಾ .. 150..

ಧಾತುಃ ಕುಟುಂಬಿನೀಯಂ ತನ್ಯಾತ್ ಕಲ್ಯಾಣಸಂತತಿಂ ಸತತಂ .

ಯಾ ತಾರುಣ್ಯವಿಭುಷಾ ಸಮಕ್ರಮಾ ತ್ರಿಪುರಸುಂದರ್ಯಾ .. 151..

ನಾನಾಕ್ಷರಾದಿಮಾತೃಕಗಣೇಡಿತಾ ಶಬ್ದರೂಪಾ ಚ .
ನಾದಬ್ರಹ್ಮವಿಲಾಸಾ ವಾಣೀ ಸಾ ಮಂಗಲಾನಿ ನಸ್ತನ್ಯಾತ್ .. 152..

ದೃಕ್ಕೋಣವೀಕ್ಷಣಕಲಾನಿಗಮಪ್ರಾಭವವಿಧಾನದಾ ನಮತಾಂ .
ವಿಬುಧಾನಾಂ ಹೃದಯಾಬ್ಜಂ ಯಸ್ಯಾ ವಾಸಸ್ಥಲೀ ಚ ನಿರ್ದಿಷ್ಟಂ .. 153..

ಮೋಹಾದಿವನಕುಠಾರಾ ಯಾ ನಿತ್ಯಂ ಸೇವ್ಯತೇ ತ್ರಿದಶಸಂಧೈಃ .

ನಿತ್ಯಪ್ರಸನ್ನರೂಪಾಂ ಶಾಂತಾಂ ಯಾಮೇವ ಸೇವತೇ ವೇಧಾಃ .. 154..

ನಮತಾಂ ಯಯೈವ ಖಂಡೀಕ್ರಿಯತೇ ಸುವರ್ಣದೃಷ್ಟಿಪುಷಾ .

50
ಯದ್ವೀಕ್ಷಣೇನ ಪುರುಷಃ ಖ್ಯಾತೋ ನೃಪಸದಸಿ ಮಾನ್ಯತೇ ಪ್ರಥಮಂ ..
155..

ಯಸ್ಯೈ ಶ್ರೋತ್ರಿಯವರ್ಯೈಸ್ತ್ರಿಸಂಧ್ಯಮಧಾರ್ದಿಕಂ ಕ್ರಿಯತೇ .

ಸಾ ಮಂಜುನೀತಿರೂಪಾ ವಾಣೀರೂಪಾ ಚ ಭಣ್ಯತೇ ನಿಪುಣೈಃ .. 156..

ಸಾ ಮಯಿ ತನ್ಯಾದೀಕ್ಷಾಂ ವೀಕ್ಷಾವನದಾಂ ಸರಸ್ವತೀ ದೇವೀ .

ಸಂತಾನಕುಸುಮಜೈತ್ರೀಂ ಯಾಮೈಚ್ಛತ್ ಪ್ರಾಪ್ತುಮಂಜಸಾ ವೇಧಾಃ ..
157..

ಮಂದಸ್ಮಿತಮಧುರಾಸ್ಯಂ ಕೃಪಾವಲೋಕಂ ನಿರಸ್ತಜಾದ್ಯತತಿ .

ಭೂಯಾದ್ ವಾಣ್ಯಾ ರೂಪಂ ಪುರಃ ಕರಾಂಭೋಜಕಲಿತವೀಣಾದಿ .. 158..

ವಾಣ್ಯಾಃ ಪರಂ ನ ಜಾನೇ ದೈವತಮನ್ಯದ್ ವನೇ ಗಿರೌ ಚ ಪಥಿ .

ಗಗನೇ ವಾ ಸಂರಕ್ಷಿತನತಜನತಾಯಾಃ ಕೃಪಾರಸಾರ್ದ್ರಾಯಾಃ .. 159..

ಆಸ್ಯೇಂದೋರವಲೋಕನಮಂಬಾಯಾಃ ಪಾದಪದ್ಮಸೇವಾ ಚ .
ಸರ್ವಶ್ರೇಯಃಪ್ರಾಪ್ತ್ಯೈ ಶಾಸ್ತ್ರಜ್ಞೈಃ ಸುಷ್ಠು ನಿರ್ದಿಷ್ಟಾ .. 160..

ವಾಣೀ ಹಿ ತಾಪಹಂತ್ರೀ ಜಗತಾಂ ಕಾರುಣ್ಯಪೂರ್ಣನಯನಶ್ರೀಃ .

ಮಂದಾನ್ ಕರೋತಿ ವಿಬುಧಾನ್ ದ್ರಾವಯತಿ ಶಿಲಾಸ್ತತಸ್ತು ಕಿಂ ಚಿತ್ರಂ ..
161..

ಯಸ್ಮಿನ್ ಕಟಾಕ್ಷಪೂರೋ ನ ಭವತಿ ಸ ಹಿ ದೀನವದನಃ ಸನ್ .

ಪ್ರಸ್ಖಲಿತವಾಗ್ಭಾರ್ತೋ ಭಿಕ್ಷಾಮಟತೀಹ ನಿಂದಿತೋ ಬಹುಶಃ .. 162..

51
ವಾಣ್ಯಾಃ ಕಟಾಕ್ಷಪೂರಸ್ರಜಾ ತ್ವಲಂಕೃತನಿಗಾಲೋ ಯಃ .
ಸ ಹಿ ಭವತಿ ರಾಜಮಾನ್ಯಃ ಕಾಂತಾಧರಮಧುರವಾಗ್ವಿಲಾಸಶ್ಚ .. 163..

ಕವಿತಾಭಾಗ್ಯವಿಧಾತ್ರೀ ಪರಿಮಲಸಂಕ್ರಾಂತಮಧುಪಗಣಕೇಶಾ .
ಮಮ ನಯನಯೋಃ ಕದಾ ವಾ ಸಾ ದೇವೀ ಕಲಿತಸಂನಿಧಾನಕಲಾ .. 164..

ಪರಚಿದ್ವಿಧಾನರೂಪಾ ವಾಣೀ ಶ್ರುತಿಸೀಮ್ನಿ ರಾಜತೇ ಪರಮಾ .

ಮುನಿಜನಮಾನಸಹಂಸೀ ಯಾ ವಿಹರತಿ ಸಾ ಶುಭಾಯ ಸ್ಯಾತ್ .. 165..

ಜಪಮಾಲಿಕಯಾ ವಾಣೀಕರಧೃತಯಾ ವೀಣಯಾ ಚ ಕೋಶೇನ .

ಅಹಮಸ್ಮಿ ನಾಥವಾನಿಹ ಕಿಂ ವಾಶಾಸ್ಯಂ ಪರಂ ಲೋಕೇ .. 166..

ಕೈವಲ್ಯಾನಂದಸುಖಪ್ರಾಪ್ತ್ಯೈ ತೇಜಸ್ತು ಮನ್ಮಹೇ ಕಿಮಪಿ .

ಯದ್ ವಾಂಛಿತಚಿಂತಾಮಣಿರಿತಿ ವಾಣೀತಿ ಚ ಭುವಿ ಖ್ಯಾತಂ .. 167..

ಕವಿಕುಲಸೂಕ್ತಿಶ್ರೇಣೀಶ್ರವಣಾನಂದೋಲ್ಲಸದ್ವತಂಸಸುಮಾ .
ಸಾ ದೇವೀ ಮಮ ಹೃದಯೇ ಕೃತಸಾಂನಿಧ್ಯಾ ಕೃತತ್ರಾಣಾ .. 168..

ಯಸ್ಯಾ ದೃಷ್ಟಿವಿದೂರಾಃ ಕುಮತಾಃ ಶ್ರುತ್ಯರ್ಥವಂಚಕಾಃ ಶಪ್ತಾಃ .

ಕ್ರಂದಂತಿ ದಿಗಂತತಟೇ ಮೋಹಾದ್ಯೈರ್ಲುಪ್ತನಯನಾಶ್ಚ .. 169..

ಸತ್ಪರಿಷತ್ಸಂಮಾನ್ಯಾ ಶ್ರುತಿಜೀವನದಾಯಿನೀ ಜಗನ್ಮಾತಾ .

ಚತುರಾನನಭಾಗ್ಯಕಲಾ ಕೃತಸಾಂನಿಧ್ಯಾ ಹಿ ರಾಜತೇ ಹೃದಯೇ .. 170..

52
ಕೃತಸುಕೃತೈಃ ಸಂದೃಶ್ಯಾ ಮಂದಸ್ಮಿತಮಧುರವದನಪದ್ಮಶ್ರೀಃ .
ಮುನಿನಾರದಾದಿಪರಿಷತ್ತತ್ತ್ವೋಪಕ್ರಮವಿಚಕ್ಷಣಾ ವಾಣೀ .. 171..

ಕವಿವಾಗ್ವಾಸಂತೀನಾಂ ವಸಂತಲಕ್ಷ್ಮೀರ್ವಿಧಾತೃದಯಿತಾ ನಃ .
ಪರಮಾಂ ಮುದಂ ವಿಧತ್ತೇ ಕಾಲೇ ಕಾಲೇ ಮಹಾಭೂತ್ಯೈ .. 172..

ಕವಿತಾರಸಪರಿಮಲಿತಂ ಕರೋತಿ ವದನಂ ನತಾನಾಂ ಯಾ .

ಸ್ತೋತುಂ ತಾಂ ಮೇ ಹ್ಯಾರಾತ್ ಸಾ ದೇವೀ ಸುಪ್ರಸನ್ನಾಸ್ತು .. 173..

ಯಸ್ಯಾಃ ಪ್ರಸಾದಭೂಮ್ನಾ ನಾಕಿಗಣಾಃ ಸತ್ತ್ವಸಂಪನ್ನಾಃ .

ಐಂದ್ರೀಂ ಶ್ರಿಯಮಪಿ ಮಾನ್ಯಾಂ ಪಶ್ಯಂತಿ ಕ್ಷಪಿತಶತ್ರುಭಯಪೀಡಾಂ ..
174..

ಮಾನ್ಯಂ ವಿಧಾತೃಲೋಕೇ ತತ್ತೇಜೋ ಭಾತಿ ಸರ್ವಸುರವಂದ್ಯಂ .

ಬ್ರಹ್ಮಾಂಡಮಂಡಲಮಿದಂ ಯದ್ರೂಪಂ ಯತ್ರ ಚಾಕ್ಷರಗತಿಶ್ಚ .. 175..

ಜನನಿ ತರಂಗಯ ನಯನೇ ಮಯಿ ದೀನೇ ತೇ ದಯಾಸ್ನಿಗ್ಧೇ .

ತೇನ ವಯಂ ಕೃತಾರ್ಥಾ ನಾತಃ ಪರಮಸ್ತಿಃ ನಃ ಪ್ರಾರ್ಥ್ಯಂ .. 176..

ವಾಣಿ ವಿಧಾತುಃ ಕಾಂತೇ ಸ್ತೋತುಂ ತ್ವಾಮಾದರೇಣ ಕಿಂ ವಾಚ್ಯಂ .

ಭಾಸಿ ತ್ವಮೇವ ಪರಮಂ ದೈವತಮಿತ್ಯೇವ ಜಾನಾಮಿ .. 177..

ಕಬಲಿತತಮೋವಿಲಾಸಂ ತೇಜಸ್ತನ್ಮನ್ಮಹೇ ಮಹೋದಾರಂ .

ಫಲಿತಸುಮನೋಽಭಿಲಾಷಂ ವಾಣೀರೂಪಂ ವಿಪಂಚಿಕೋಲ್ಲಸಿತಂ .. 178..

53
ಪದ್ಮಸನಸುಕೃತಕಲಾಪರಿಪಾಕೋದಯಮಪಾಸ್ತನತದೋಷಂ .
ಸರಸಜ್ಞಾನಕವಿತ್ವಾದ್ಯನಂತಸುಕೃತಂ ವಿರಾಜತೇ ತೇಜಃ .. 179..

ನಿಜನಾಥವದನಸಿಂಹಾಸನಮಾರೂಢಾಮುಪಾಸ್ಮಹೇ ವಾಣೀಂ .
ಯಾ ಕೃತ್ರಿಮವಾಗ್ಗುಂಫೈರ್ವಿರಚಿತಕೇಲಿರ್ಧಿನೋತಿ ವಿಧಿಮಾದ್ಯಂ .. 180..

ಸುಜನಾನಂದಕರೀ ಸಾ ಜನಯಂತೀ ಸರ್ವಸಂಪದಂ ಧಾತುಃ .

ಭಕ್ತೇಷು ತಾಂ ನಯಂತೀಮನ್ವಹಮಹಮಾದ್ರಿಯೇ ಗಿರಾಂ ದೇವೀಂ .. 181..

ಕರುಣಾಕಟಾಕ್ಷಲಹರೀ ಕಾಮಾಯಾಸ್ತು ಪ್ರಕಾಮಕೃತರಕ್ಷಾ .

ವಾಣ್ಯಾ ವಿಧಾತೃಮಾನ್ಯಾ ಸತ್ಸುಖದಾನೇ ದಿಶಿ ಖ್ಯಾತಾ .. 182..

ವಿಸರೋ ಮಹೋತ್ಸವಾನಾಂ ವಿರಿಂಚಿನಯನಾವಲೇರಿಯಂ ಮಾತಾ .

ಪ್ರಿಯಕಾರ್ಯಸಿದ್ಧಿದಾತ್ರೀ ಜಗತೀರಕ್ಷಾಧುರಂಧರಾ ಜಯತಿ .. 183..

ವಿಬುಧಾಭಿಗಮ್ಯರೂಪಾ ಹಂಸಾವಲಿಸೇವಿತಾ ಗಿರಾಂ ದೇವೀ .

ಗಂಗೇವ ಕನತಿ ಕಾಲೇ ಪರಿಕಂಪಿತಶಿವಜಟಾಕೋಟಿಃ .. 184..

ನೌಕಾಂ ಭವಾಂಬುರಾಶೇರಜ್ಞಾನಧ್ವಾಂತಚಂದ್ರಿಕಾಂ ವಾಣೀಂ .

ಕಲಯೇ ಮನಸಿ ಸದಾಹಂ ಶ್ರುತಿಪಂಜರಶಾರಿಕಾಂ ದೇವೀಂ .. 185..

ಭವತಾಪಾರಣ್ಯತಲೇ ಜಹ್ನುಸುತಾ ಶಾರದಾ ದೇವೀ .

ಜ್ಞಾನಾನಂದಮಯೀ ನಃ ಸಂಪತ್ಸಿದ್ಧ್ಯೈ ಪ್ರತಿಕ್ಷಣಂ ಜಯತು .. 186..

54
ಮತ್ತಗಜಮಾನ್ಯಗಮನಾ ಮಧುರಾಲಾಪಾ ಚ ಮಾನ್ಯಚರಿತಾ ಸಾ .
ಮಂದಸ್ಮೇರಮುಖಾಬ್ಜಾ ವಾಣೀ ಮಮ ಹೃದಯಸಾರಸೇ ಲಸತು .. 187..

ರಕ್ಷಣಚಣೌ ಚ ವಾಣ್ಯಾಃ ಪಾದೌ ವಂದೇ ಮನೋಜ್ಞಮಣಿನಾದೌ .

ಯತ್ಸೇವನೇನ ಧನ್ಯಾಃ ಪುರುಹೂತಾದ್ಯಾ ದಿಶಾಂ ನಾಥಾಃ .. 188..

ಧಾತುರ್ಧೈರ್ಯಕೃಪಾಣೀ ವಾಣೀ ಸುರವೃಕ್ಷಕುಸುಮಮೃದುವೇಣೀ .

ಶುಕವಾಣೀ ನುತವಾಣೀ ಕವಿಕುಲಮೋದಾಯ ಜಯತಿ ಮೃದುವಾಣೀ ..
189..

ಕಲ್ಯಾಣೈಕನಿಕೇತನಮಸ್ಯಾ ರೂಪಂ ಸದಾ ಸ್ಫುರತು ಚಿತ್ತೇ .

ಮಾನಸಕಾಲುಷ್ಯಹರಂ ಮಧುಮಥನಶಿವಾದಿಬಹುಮತೋತ್ಕರ್ಷಂ .. 190..

ಮುನಿಜನಮಾನಸರತ್ನಂ ಚಿರತ್ನಮೇತದ್ವಿಧಾತೃಸುಕೃತಕಲಾ .
ವಿನತಜನಲೋಚನಶ್ರೀಕರ್ಪೂರಕಲಾ ಪರಾ ಜಯತಿ .. 191..

ಧೃತಸುಮಮಧುಪಕ್ರೀಡಾಸ್ಥಾನಾಯಿತಕೇಶಭಾರಾಯೈ .
ನಮ ಉಕ್ತಿರಸ್ತು ಮಾತ್ರೇ ವಾಗ್ಜಿತಪೀಯೂಷಧಾರಾಯೈ .. 192..

ಬಾಲಕುರಂಗವಿಲೋಚನಧಾಟೀರಕ್ಷಿತಸುರಾದಿಮನುಜಾನಾಂ .
ನಯನಯುಗಾಸೇವ್ಯಂ ತದ್ಭಾತೀಹ ಧರಾತಲೇ ತೇಜಃ .. 193..

ಕುಶಲವಿಧಯೇ ತದಸ್ತು ಶ್ರುತಿಪಾಠರತಾದೃತಾತ್ಮಬಹುಕೇಲಿಃ .

ಕಬಲಿತಪದನತದೈನ್ಯಂ ತರುಣಾಂಬುಜಲೋಚನಂ ತೇಜಃ .. 194..

55
ಬಾಲಮರಾಲೀಗತ್ಯೈ ಸುರಗಿರಿಕನ್ಯಾದಿಮಹಿತಕಲಗೀತ್ಯೈ .
ವಿರಚಿತನಾನಾನೀತ್ಯೈ ಚೇತೋ ಮೇ ಸ್ಪೃಹಯತೇ ಬಹುಲಕೀರ್ತ್ಯೈ .. 195..

ವಿನಮದಮರೇಶಸುದತೀಕಚಸುಮಮಕರಂದಧಾರಯಾ ಸ್ನಿಗ್ಧಂ .
ತವ ಪಾದಪದ್ಮಮೇತತ್ ಕದಾ ನು ಮಮ ಮೂರ್ಧ್ನಿ ಭೂಷಣಂ ಜನನಿ ..
196..

ಕಮಲಜಪರತಂತ್ರಂ ತದ್ಗತತಂದ್ರಂ ವಸ್ತು ನಿಸ್ತುಲಮುಪಾಸೇ .

ತೇನೈವಾಹಂ ಧನ್ಯೋ ಮದ್ವಂಶ್ಯಾ ನಿರಸಿತಾತ್ಮತಾಪಭರಾಃ .. 197..

ಜ್ಞಾನಾಮೃತಸಂಧಾತ್ರೀ ಭವಾಬ್ಧಿಸಂತರಣಪೋತ್ರನಾಮಾದಿಃ .
ವಾಣೀ ವಾಚಾಂ ಲಹರೀಮವಂಧ್ಯಯಂತೀ ಸುರಾದಿನುತಚರಿತಾ .. 198..

ಕಾರುಣ್ಯಪೂರ್ಣಮೇತದ್ ವಾಣೀರೂಪಂ ಸದಾ ಕಲಯೇ .

ಯದ್ಭಜನಾದ್ ದೇವಾನಾಮಪಿ ಸಂವಿದ್ ಭಾತಿ ಕಾರ್ಯಕಾಲೇಷು .. 199..

ಧೀಪದ್ಮಪೀಠಮಾಸ್ತೇ ಸಾ ವಾಣೀ ಕಾಂಕ್ಷಿತಾನಿ ಕಲಯಂತೀ .

ಯಾ ಘನಕೃಪಾಸ್ವರೂಪಾ ಸಂಕೀರ್ತ್ಯಾ ಸರ್ವದೇವನುತಾ .. 200..

ತವ ಪಾದಪದ್ಮವಿಸೃಮರಕಾಂತಿಝರೀಂ ಮನಸಿ ಕಲಯಂಸ್ತು .

ನಿರಸಿತನರಕಾದಿಭಯೋ ವಿರಾಜತೇ ನಾಕಿಸದಸಿ ಸುರಮಾನ್ಯಃ .. 201..

ಕುಚಯುಗಲನಮ್ರಗಾತ್ರಂ ಪವಿತ್ರಮೇತದ್ ಭಜೇ ತೇಜಃ .

ಧಾತುರಪಿ ಸರ್ವದೇವೈರ್ಯನ್ನಿರ್ದಿಷ್ಟಂ ಹು ಭದ್ರಾಯ .. 202..

56
ಕೃತನತಪದವಾಗ್ಧಾಟೀ ಚೇಟೀಭೂತಾಮರೇಶಮಹಿಷೀ ನಃ .
ಕಟಿಕೃತಮನೋಜ್ಞಶಾಟೀ ಪಾಟೀರರಸಾರ್ದ್ರನೈಜತನುಕೋಟೀ .. 203..

ಪದ್ಮಭವಪುಣ್ಯಕೋಟೀ ಹರ್ಷಿತಕವಿಬೃಂದಸೂಕ್ತಿರಸಧಾಟೀ .
ಮುಖಲಸಿತಸರಸವಾಟೀ ವಿಲಸತು ಮಮ ಮಾನಸೇ ಕೃಪಾಕೋಟೀ ..
204..

ಜ್ಞಾನಪರಾಕ್ರಮಕಲಿಕಾ ದಿಶಿ ದಿಶಿ ಕಿನ್ನರಸುಗೀತನಿಜಯಶಸಃ .

ಧನ್ಯಾ ಭಾಂತಿ ಹಿ ಮನುಜಾಃ ಯದ್ವೀಕ್ಷಾಲವವಿಶೇಷತಃ ಕಾಲೇ .. 205..

ಸುರಜನಪಾಲನದಕ್ಷಾ ಪ್ರಶಾಂತವೀಕ್ಷಾ ನಿರಸ್ತರಿಪುಪಕ್ಷಾ .

ಮೋಕ್ಷಾರ್ಥಿಭಿಃ ಶ್ರಿತಾ ಸಾ ಲಾಕ್ಷಾರಸಲಸಿತಪಾದಭಾಗ್ ಭಾತಿ .. 206..

ಕುಂಕುಮಭರರುಚಿರಾಂಗೀ ಭಾತಿ ಕೃಶಾಂಗೀ ಗಿರಾಂ ದೇವೀ .

ಧಾತುರಪಿ ಜ್ಞಾನಪ್ರದಮಸ್ಯಾ ರೂಪಂ ವದಂತಿ ವಿಬುಧೇಶಾಃ .. 207..

ವಾಣಿ ನತಿಮಂಬ ನಿತ್ಯಂ ಕರವಾಣಿ ಹಿ ಚಿತ್ಸುಖಾವಾಪ್ತ್ಯೈ .

ತಾದೃಕ್ತ್ವದೀಯಕರುಣಾವೀಕ್ಷಣತೋ ಗೀಷ್ಪತಿಶ್ಚ ಸುರಮಾನ್ಯಃ .. 208..

ಕಲ್ಯಾಮಿ ನತಿಮನಂತಾಂ ಕಾಲೇ ಕಾಲೇ ಶುಭಪ್ರಾಪ್ತ್ಯೈ .

ಧಾತುಃ ಸುಕೃತೋಲ್ಲಾಸಂ ಕರಧೃತವೀಣಾದಿಕಂ ಚ ಯದ್ರೂಪಂ .. 209..

ಕಮಲಾಸನದಯಿತಾ ಸಾ ಲಸತು ಪುರೋಽಸ್ಮಾಕಮಾದರಕೃತಶ್ರೀಃ .

ಯತ್ಪ್ರಣಮನಾಜ್ಜನಾನಾಂ ಕವಿತೋನ್ಮೇಷಃ ಸದೀಡಿತೋ ಭವತಿ .. 210..

57
ಪರಸಂವಿದಾತ್ಮಿಕಾ ಸಾ ಮಹಿಷೀ ಧಾತುಃ ಕಲಾವತೀ ವಾಣೀ .
ಶಿಶಿರೀಕರೋತಿ ತಪ್ತಾನ್ ಕರುಣಾರಸದಿಗ್ಧನೇತ್ರಪಾಲ್ಯಾ ನಃ .. 211..

ಧಾತೃಮನೋರಥಪಾತ್ರಂ ಸಂತಪ್ತಸ್ವರ್ಣಕಾಮ್ಯನಿಜಗಾತ್ರಂ .
ಆಶ್ರಿತಕಮಲಜಗೋತ್ರಂ ರಕ್ಷಿತನತಬಾಹುಚ್ಛಾತ್ರಂ .. 212..

ಕವಿಕುಲಜಿಹ್ವಾಲೋಲಂ ಪಿತಾಮಹಾದೃತಮನೋಜ್ಞನಿಜಲೀಲಂ .
ನಿರಸಿತನತದುಷ್ಕಾಲಂ ವಂದೇ ತೇಜಃ ಸದಾಲಿನುತಶೀಲಂ .. 213..

ಮಂದಾನಾಮಪಿ ಮಂಜುಲಕವಿತ್ವರಸದಾಯಿನೀ ಜನನೀ .

ಕಾಪಿ ಕರುಣಾಮಯೀ ಸಾ ಲಸತು ಪುರಸ್ತಾತ್ ಸದಾಸ್ಮಾಕಂ .. 214..

ನಿಸ್ತುಲಪದಸಂಪ್ರಾಪ್ತ್ಯೈ ಭೂಯೋ ಭೂಯೋ ನಮಾಂಸಿ ತೇ ವಾಣಿ .

ದೀಪಕಲಾಮಯಿ ಚಾಂತಃಸ್ಮರಣಂ ಧಾತುಃ ಕುಟುಂಬಿನ್ಯೈ .. 215..

ಮಾಯಾನಿರಾಸಕಾಮೋ ವಂದೇ ವಾಣ್ಯಾಃ ಪದಾಂಭೋಜಂ .

ಸಿದ್ಧಮನೋರಥಶತಕಾ ಯದ್ಭಜನೇನಾರ್ಥಿನಃ ಕಾಲೇ .. 216..

ಸತತಂ ಬದ್ಧಾಂಜಲಿಪುಟುಮುಪಾಸ್ಮಹೇ ತಚ್ಛುಭಪ್ರದಂ ತೇಜಃ .

ಯತ್ಕಮಲಜನಯನಾನಾಂ ಪ್ರಮೋದಪೀಯೂಷಲಹರಿಕಾಮೋದಂ ..
217..

ದಿವಿ ವಾ ಭುವಿ ದಿಕ್ಷು ಜಲೇ ವಹ್ನೌ ವಾ ಸರ್ವತೋ ವಾಣಿ .

ಜಂತೂನಾಂ ಕಿಲ ರಕ್ಷಾ ತ್ವಧೀನಾ ಕೀರ್ತ್ಯತೇ ವಿಬುಧೈಃ .. 218..

58
ಭಾರತಿ ಭವತಾಪಾರ್ತಾನ್ ಪಾಹಿ ಕಟಾಕ್ಷಾಂಕುರೈಃ ಶೀತೈಃ .
ಪರಮನಂದವಿಧಾತೃನ್ ಯಾನೇವ ಸ್ತೌತಿ ಪದ್ಮವಾಸೋಽಪಿ .. 219..

ಕುಲದೈವತಮಸ್ಮಾಕಂ ತತ್ತೇಜಃ ಕುಟಿಲಕುಂತಲಂ ಕಿಮಪಿ .

ಕರಧೃತಪುಸ್ತಕವೀಣಂ ಕಲಯೇ ಕಾಮಾಗಮೋದಯಂ ಧಾತುಃ .. 220..

ಪರಮಾನಂದಧನಂ ತದ್ಧಾತುರಪಿ ಬ್ರಹ್ಮತತ್ತ್ವರಸದಾಯಿ .

ಆಬ್ರಹ್ಮಕೀಟನೃತ್ಯತ್ಸ್ವವೈಭವಂ ಜಯತಿ ಶಾರದಾರೂಪಂ .. 221..

ವಿಬುಧಜನಮೋದಜನನೀ ಜನನೀ ನಃ ಸಾ ವಿಧೇಃ ಪತ್ನೀ .

ಮೃದುಸಂಚಾರವಿಲಾಸೈಃ ಶುಭಂಕರೀ ಭವತು ಸಂತತಂ ಕಾಲೇ .. 222..

ಸರಸಮನೋಜ್ಞವಿಲಾಸೈಃ ಸ್ವವಶೇ ಕೃತ್ವಾ ಮನೋ ವಿಧೇರ್ವಾಣೀ .

ಸೃಷ್ಟ್ಯಾದೌ ಶುಭಲೇಖಾಕರೀ ನೃಣಾಂ ಮಸ್ತಕೇ ಮಾತಾ .. 223..

ಪ್ರಕೃತಿಮೃದುಲಂ ಪದಾಬ್ಜಂ ವಾಣೀದೇವ್ಯಾ ಮದೀಯಚಿತ್ತತಟೇ .

ಕಾಮಾದಿಸೂಚಿನಿಚಿತೇ ಕಥಂ ಸ್ಥಿತಿಂ ಪ್ರಾಪ್ನುಯಾತ್ ಕಾಲೇ .. 224..

ನಿಖಿಲಚರಾಚರರಕ್ಷಾಂ ವಿತನ್ವತೀ ಪದ್ಮಜಪ್ರಿಯಾ ದೇವೀ .

ಮಮ ಕುಲದೈವತಮೇಷಾ ಜಯತಿ ಸದಾರಾಧ್ಯಮಾನ್ಯಪದಕಮಲಾ ..
225..

ಕುಶಲಸಮೃದ್ಧ್ಯೈ ಭೂಯಾದಂಬಾ ಸಾ ಶಾರದಾ ದೇವೀ .

ಜನಿರಕ್ಷಣಾದಿಲೀಲಾವಿಹಾರಭಾಙ್ನಿಗಮಸೌಧದೀಪಕಲಾ .. 226..

59
ವಾಚಾಲಯತಿ ಕಟಾಕ್ಷೈರ್ಜಡಂ ಶಿಲಾಮಲ್ಪಜಂತುಂ ವಾ .
ಯಾ ವಾಣೀ ಸಾ ಶರಣಂ ಭವೇ ಭವೇ ಪ್ರಾರ್ಥ್ಯೇ ಶ್ರಿಯಃಪ್ರಾಪ್ತ್ಯೈ .. 227..

ಯದಿ ಹಿ ಪ್ರಸಾದಭೂಮಾ ವಾಣ್ಯಾಸ್ತತ್ರೈವ ಸಾ ಹರೇಃ ಕಾಂತಾ .

ಪರಿಲಸಿತ ( ... incomplete ... ) ನಿತ್ಯವಾಸರತಾ .. 228..

ಸನಕಸನಂದನವಂದ್ಯೇ ಕಾಂತೇ ಪರಮೇಷ್ಟಿನಃ ಶ್ರಿಯಃಪ್ರಾಪ್ತ್ಯೈ .

ವಾಣಿ ತ್ವಾಂ ನೌಮಿ ಸದಾ ಭವ ಪ್ರಸನ್ನಾ ವಿಪ`ನ್ಚಿಲಸಿತಕರೇ .. 229..

ವಾಣಿ ವಿಪಂಚೀಕಲರವರಸಿಕೇ ಗಂಧರ್ವಯೋಷಿದಭಿವಂದ್ಯೇ .

ತವ ಚರಣಂ ಮಮ ಶರಣಂ ಭವವಾರಿಧಿಸುತೇಮಂಬ ಕಲಯಾಮಿ .. 230..

ವಾಣಿ ಕದಾಹಂ ಲಪ್ಸ್ಯೇ ಚರಣಾಂಭೋಜಂ ತ್ವದೀಯಮಿದಮಾರಾತ್ .

ನಿಜಮಣಿನೂಪುರನಾದಸ್ಪೃಹಣೀಯವಚಃಪದಂ ಕಲಿತಭಕ್ತೇಃ .. 231..

ಶ್ರುತಿಪೂತಮುಖಮನೋಹರಲಾವಣ್ಯಕುಸುಮಮೃದುಶರೀರೇಯಂ .
ನಿಜಕರುಣಾಪಾಂಗಸುಧಾಪೂರಣಕೃತವೈಭವಾ ಭಾತಿ .. 232..

ಪರಿಸರನತವಿಬುಧಾಲೀಕಿರೀಟಮಣಿಕಾಂತಿವಲ್ಲರೀವಿಸರೈಃ .
ಕೃತನೀರಾಜನವಿಧಿ ತೇ ಮಮ ತು ಶಿರೋಭೂಷಣಂ ಹಿ ಪದಯುಗಲಂ ..
233..

ಪ್ರೇಮವತೀ ವಿಧಿಭವನೇ ಹಂಸಗತಿರ್ಹಂಸಯಾನಕೃತಚಾರಾ .

ವಾಚಾಮಕೃತ್ರಿಮಾನಾಂ ಸ್ಥೈರ್ಯವಿಧಾತ್ರೀ ಮಹೇಶಾನೀ .. 234..

60
ಆನಂದರೂಪಕೋಟೀಮಂಬಾಂ ತಾಂ ಸಂತತಂ ಕಲಯೇ .
ಸಂವಿದ್ರೂಪಾ ಯಾ ಕಿಲ ವಿಧಾತೃಗೇಹೇ ಶ್ರುತಿಶ್ರಿಯಂ ಧತ್ತೇ .. 235..

ಕಮಲಜನೇತ್ರಮಹೋತ್ಸವತಾರುಣ್ಯಶ್ರೀರ್ನಿರಸ್ತನತಶತ್ರುಃ .
ಲಲಿತಲಿಕುಚಾಭಕುಚಭರಯುಗಲಾ ದೃಗ್ವಿಜಿತಹರಿಣಸಂದೋಹಾ .. 236..

ಕಾರುಣ್ಯಪೂರ್ಣನಯನಾ ಕಲಿಕಲ್ಮಷನಾಶಿನೀ ಚ ಸಾ ವಾಣೀ .

ಮುಖಜಿತಶಾರದಕಮಲಾ ವಕ್ತ್ರಾಂಭೋಜೇ ಸದಾ ಸ್ಫುರತು ಮಾತಾ ..
237..

ಕಮಲಸುಷಮಾನಿವಾಸಸ್ಥಾನಕಟಾಕ್ಷಂ ಚಿರಾಯ ಕೃತರಕ್ಷಂ .

ರಕ್ಷೋಗಣಭೀತಿಕರಂ ತೇಜೋ ಭಾತಿ ಪ್ರಕಾಮಮಿಹ ಮನಸಿ .. 238..

ಕಮಲಜತಪಃಫಲಂ ತನ್ಮುನಿಜನಹೃದಯಾಬ್ಜನಿತ್ಯಕೃತನೃತ್ತಂ .
ಕರುಣಾಲೋಲಾಪಾಂಗಂ ತತ್ತೇಜೋ ಭಾತು ಮಮ ಮುಖಾಂಭೋಜೇ ..
239..

ಭಾಗ್ಯಂ ವಿಧಿನಯನಾನಾಂ ಸಂಸೃತಿತಾಪಜ್ವರಾದಿತಪ್ತಾನಾಂ .

ಭೇಷಜಮೇತದ್ರೂಪಂ ಕಲಾಗ್ರಹಂ ಮನ್ಯತೇ ದೇವ್ಯಾಃ .. 240..

ಜನನಿ ಕದಾ ವಾ ನೇಷ್ಯಾಮ್ಯಹಮಾರಾದರ್ಚಿತತ್ವದೀಯಪದಃ .

ನಿಮಿಷಮಿವ ಹಂತ ದಿವಸಾನ್ ದೃಷ್ಟ್ವಾ ತ್ವಾಮಾದರೇಣ ಕಲ್ಯಾಣೀಂ ..
241..

ಮಂಜುಲಕವಿತಾಸಂತತಿಬೀಜಾಂಕುರದಾಯಿಸಾರಸಾಲೋಕಾ .

61
ಜನನಿ ತವಾಪಾಂಗಶ್ರೀರ್ಜಯತಿ ಜಗತ್ತ್ರಾಣಕಲಿತದೀಕ್ಷೇಯಂ .. 242..

ಅಂಬ ತವಾಪಾಂಗಶ್ರೀರಪಾಂಗಕೇಲೀಶತಾನಿ ಜನಯಂತೀ .

ಧಾತುರ್ಹೃದಯೇ ಜಯತಿ ವ್ರೀಡಾಮದಮೋದಕಾಮಸಾರಕರೀ .. 243..

ಸರ್ವಜಗನ್ನುತವಿಭವೇ ಸಂತತಮಪಿ ವಾಂಛಿತಪ್ರದೇ ಮಾತಃ .

ಅಧುನಾ ತ್ವಮೇವ ಶರಣಂ ತೇನಾಹಂ ಪ್ರಾಪ್ತಜನ್ಮಸಾಫಲ್ಯಃ .. 244..

ಶಾಂತಿರಸಸರ್ವಶೇವಧಿಮಂಬಾಂ ಸೇವೇ ಮನೋರಥಾವಾಪ್ತ್ಯೈ .

ಯಾಮಾರಾಧ್ಯ ಸುರೇಶಾಃ ಸ್ವಪದಂ ಪ್ರಾಪುರ್ಹಿ ತದ್ರಕ್ಷಂ .. 245..

ಕುಲಜಾ ಭಾರ್ಯಾ ಕೀರ್ತಿರ್ದಾನಂ ಪುತ್ರಾದಯೋ ಯೇ ಚ .

ಸಿಧ್ಯಂತಿ ತೇ ಹಿ ಸರ್ವೇ ಯಸ್ಮೈ ವಾಣೀ ಪ್ರಸನ್ನಾ ಸಾ .. 246..

ಕಾ ಕ್ಷತಿರಂಬ ಕಟಾಕ್ಷೇ ನ್ಯಸ್ತೇ ಸತಿ ಮಯಿ ವಿರಿಂಚಿವರಪತ್ನಿ .

ಗಂಗಾಶುನಕನ್ಯಾಯಾನ್ಮಹತೀ ಮಮ ವೃದ್ಧಿರೀರಿತಾ ನಿಪುಣೈಃ .. 247..

ಅವಿರಲದಯಾರ್ದ್ರಲೋಚನಸೇವನಯಾ ಧೂತತಾಪಾ ಹಿ .
ಪ್ರತಿಕಲ್ಪಂ ಸುರಸಂಘಾಸ್ತ್ವಾಮಭಜನ್ ನುತಿನತಿಪ್ರಮುಖೈಃ .. 248..

ದೀನಾನಾಂ ಚ ಕವೀನಾಂ ವಾಣಿ ತ್ವಂ ಕಾಮಧೇನುರಸಿ ಮಾತಃ .

ಸಿದ್ಧಿಸ್ತೇಷಾಮತುಲಾ ಸುರಮಾನ್ಯಾ ತೇನ ಸಂಕಲಿತಾ .. 249..

ಸಕಲಜಗತಾಂ ಹಿ ಜನನೀಂ ವಾಣಿ ತ್ವಾಂ ಸಂತತಮುಪಾಸೇ .

62
ಶ್ರುತಿಸುದತೀಭೂಷಾಮಣಿಮಖಿಲಾರ್ಥಪ್ರಾಪ್ತ್ಯೈ ಲೋಕೇ .. 250..

ಧಾತುಃ ಕುಟುಂಬಿನೀ ತ್ವಂ ಸನ್ಮಂಗಲದಾಯಿನೀ ಸ್ವಮಾಹಾತ್ಮ್ಯಾತ್ .

ಶ್ವಶ್ರೂಶ್ವಶುರಮುಖಾದಿಪ್ರೀಣನಚತುರಾ ಚ ಭಾಸಿ ನಿಗಮಕಲಾ .. 251..

ಮುಖವಿಜಿತಚಂದ್ರಮಂಡಲಮಿದಮಂಭೋರುಹವಿಲೋಚನಂ ತೇಜಃ .
ಧ್ಯಾನೇ ಜಪೇ ಚ ಸುದೃಶಾಂ ಚಕಾಸ್ತಿ ಹೃದಯೇ ಕವೀಶ್ವರಾಣಾಂ ಚ .. 252..

ಯಸ್ಮೈ ಪ್ರಸನ್ನವದನಾ ಸಾ ವಾಣೀ ಲೋಕಮಾತಾ ಹಿ .

ತಸ್ಯ ಸಹಸಾ ಸಹಸ್ರಂ ಲಾಭಃ ಸ್ಯಾದ್ ಬಾಂಧವಾಃ ಸುಖಿನಃ .. 253..

ತಾಪಹರರಸವಿವರ್ಷಣಧೃತಕುತುಕಾ ಕಾಪಿ ನೀಲನಲಿನರುಚಿಃ .

ಕಾದಂಬಿನೀ ಪುರಸ್ತಾದಾಸ್ತಾಂ ನಃ ಸಂತತಂ ಜನನೀ .. 254..

ಪದ್ಮಾಕ್ಷನಾಭಿಪದ್ಮಜದಯಿತೇ ಲೋಕಾಂಬ ಶಾರದೇತಿ ಸದಾ .

ತವ ನಾಮಾನಿ ಜಪನ್ ಸನ್ ತ್ವದ್ದಾಸೋಽಹಂ ತು ಮುಕ್ತಯೇ ಸಿದ್ಧಃ .. 255..

ಅಂಬಾಪ್ರಸಾದಭೂಮ್ನಾ ನರೋ ಹಿ ಭುಂಕ್ತೇ ಸುಖಾನಿ ವಿವಿಧಾನಿ .

ಸ್ಮರೇ ವಿಜಯಃ ಕವಿತಾಧನಲಕ್ಷ್ಮ್ಯಾದೇರ್ವಿಲಾಸಲೀಲಾದಿಃ .. 256..

ತೀರಂ ಸಂಸೃತಿಜಲಧೇಃ ಪೂರಂ ಕಮಲಜವಿಲೋಚನಪ್ರೀತೇಃ .

ಸಾರಂ ನಿಗಮಾಂತಾನಾಂ ದೂರಂ ದುರ್ಜನತತೇರ್ಹಿ ತತ್ತೇಜಃ .. 257..

ಅಪಿ ದಾಸಕುಲೇ ಜಾತಃ ಕಟಾಕ್ಷಭೂಮ್ನಾ ವಿಧಾತೃಮುಖಪತ್ನ್ಯಾಃ .

63
ಜ್ಞಾನೀ ಭವವಾರಾಶಿಂ ತರತಿ ಚ ರಾಜ್ಯಶ್ರಿಯಂ ಭುಂಕ್ತೇ .. 258..

ಸತ್ಕೃತದೇಶಿಕಪಾದಾಂಬುಜಯುಗಲೋಽಹಂ ನಮಾಮಿ ವಾಣಿ ತ್ವಾಂ .

ತ್ವಂ ತು ಗುರುಮೂರ್ತಿರುಕ್ತಾ ಕಾಲೇ ಕಾಲೇ ಚ ಕಾಂಕ್ಷಿತವಿಧಾತ್ರೀ .. 259..

ಜ್ಞಾನಾನಂದಮುಖಾದೀನಪವರ್ಗಂ ವಾ ದದಾಸಿ ಭಕ್ತೇಭ್ಯಃ .

ಅತ ಏವಾನನ್ಯಗತಿಸ್ತ್ವಾಂ ವಿಧಿಪತ್ನೀಂ ಪ್ರಪದ್ಯೇಽಹಂ .. 260..

ತ್ವಯಿ ವಿನ್ಯಸ್ತಭರಾಣಾಂ ನ ಹಿ ಚಿಂತಾ ಜಾಯತೇ ನೃಣಾಂ ಕಾಪಿ .

ಪರಮಾನಂದಾದಿಕಲಾಸ್ಫೂರ್ತಿರ್ದಿವಿಷದ್ಗಣೇನ ಸಂಮಾನ್ಯಾ .. 261..

ಸುಮಶರಸಾಮ್ರಾಜ್ಯಕಲಾಮಂಗಲವಿಧಿರೇಖಿಕಾ ವಾಣೀ .
ಧಾತುರಪಿ ಚಿತ್ತವೃತ್ತಿಸ್ಥೈರ್ಯಂ ತ್ವನ್ಯಾದೃಶಂ ಕುರುತೇ .. 262..

ಸಾ ಧೇನುಶ್ಚಿಂತಾಮಣಿರಪಿ ವೃಕ್ಷಃ ಸಂಪದಾಂ ಪ್ರದಾಯಿನ್ಯಃ .

ಅಂಬ ತ್ವಮೇವ ಕಾಲೇ ಭಸಿ ಜ್ಞಾನಪ್ರದಾ ವ್ಯಪೋಹ್ಯ ತಮಃ .. 263..

ಮನಸೋ ನೈರ್ಮಲ್ಯಪ್ರದಮಸ್ಯಾಃ ಸೇವೇ ಕಟಾಕ್ಷಮಹಮಾರಾತ್ .

ಯಃ ಕುರುತೇ ಜನತಾಂ ತಾಂ ಹತಮಾಯಾಂ ಮಧುರಾಮಯೋಧ್ಯಾಂ ಚ ..
264..

ಶರದಿವ ಹಂಸಕುಲೇಡ್ಯಾ ಜ್ಯೋತ್ಸ್ನೇವ ಜನಾರ್ತಿಹಾರಿಣೀ ವಾಣ್ಯಾಃ .

ಜಯತಿ ಹಿ ಕಟಾಕ್ಷರೇಖಾ ದೀಪಕಲೇವ ಪ್ರಕಾಮಹತತಿಮಿರಾ .. 265..

ಪಂಕಜಭವವದನಮಣಿಂ ಪರವಿದ್ಯಾದೇವತಾಂ ವಾಣೀಂ .

64
ನಿತ್ಯಂ ಯಜತಾಂ ಜಪತಾಂ ನ ಹಿ ತುಲ್ಯೋಽಸ್ಮಿನ್ ಕ್ಷಮಾತಲೇ ಕಶ್ಚಿತ್ ..
266..

ವಾಣೀ ನಿಜವಾಣೀಭೀ ರಚಯತಿ ನುತಿಮಾತ್ತವೀಣಯಾ ಕಾಲೇ .

ಧಾತುಃ ಪ್ರಸಾದಹೇತೋಃ ಪತಿವ್ರತಾಲಕ್ಷಣೈರನ್ಯೈಃ .. 267..

ಆನಂದಯತಿ ವಿಲಸೈರಂಬಾ ಪದ್ಮಾಸನಂ ನಿಜಂ ದೇವಂ .

ತೇನೈವ ತುಷ್ಟಹೃದಯಃ ಶುಭಾಕ್ಷರಾಣ್ಯಾದರಾಲ್ಲಿಖತಿ ಮೌಲೌ .. 268..

ಮಮ ಮಾನಸದುರ್ಮದಗಜಮಪಾರತಾಪಾಟವೀಷು ಧಾವಂತಂ .
ವಿರಚಯ್ಯ ಮುದಿತಚಿತ್ತಂ ಕುರು ವಾಣಿ ತ್ವತ್ಪದಾಬ್ಜಕೃತಹಸ್ತಂ .. 269..

ಕಮಲಾಸನಧೈರ್ಯಮಹೀಧರಕುಲಿಶಸ್ತೇ ಕಟಾಕ್ಷ ಏವಾಯಂ .

ಕವಿಕುಲಮಯೂರಕಾದಂಬಿನೀವಿಲಾಸೋ ಮುದೇಽಸ್ತು ಸತತಂ ನಃ ..
270..

ಗುರುವರದನಾಂಭೋಜೇ ನೃತ್ಯಂತೀ ಶಾರದಾ ದೇವೀ .

ಮಧುರತರಶ್ಲೋಕನಿಭಾ ಮಣಿನೂಪುರನಿನದಸಂತತಿರ್ಭ್ತಿ .. 271..

ಕೋ ವಾ ನ ಶ್ರಯತಿ ಬುಧಃ ಶ್ರೇಯೋಽರ್ಥೀ ತಾಮಿಮಾಂ ವಾಣೀಂ .

ಯಾಂ ಪಂಕಜಾಕ್ಷನಾಭಿಜಸಧರ್ಮಿಣೀಮರ್ಚಯಂತಿ ಸುರನಾಥಾಃ .. 272..

ಮುಷಿತಪಯೋಜಮೃದಿಮ್ನಾ ಚರಣತಲೇನಾತ್ರ ಮಾನಸೇ ವಾಣೀ .

ಪರಿಹರತು ಪಾಪರಾಶಿಂ ಸುರೌಘಸಂಮಾನಿತೇನ ಕಾಲೇ ಮೇ .. 273..

65
ಯಾಥಾರ್ಥ್ಯಜ್ಞಾನಕಲಾಪ್ರಾಪ್ತ್ಯೈ ತ್ವಾಂ ಶಾರದಾಂ ವಂದೇ .
ಸೇವಾಫಲಂ ಪ್ರಯಚ್ಛ ಪ್ರಸೀದ ಪರಮೇಶಿ ವಲ್ಲಭೇ ಧಾತುಃ .. 274..

ನಿಗಮಾಂತಸಾರಮರ್ಥಂ ಬೋಧಯಸಿ ತ್ವಂ ಗುರೂನ್ ಪ್ರಕಲ್ಪ್ಯ ಭುವಿ .

ಸೈಷಾ ಮೇ ಜ್ಞಾನಘನಾ ವಾಣೀ ನಿತ್ಯಂ ಪ್ರಸನ್ನಾಸಿ .. 275..

ಮಂದಾರಕುಸುಮಮದಹರಮಂದಸ್ಮಿತಮಧುರವದನಪಂಕರುಹಾ .
ಹೃದ್ಯತಮನಿತ್ಯಯೌವನಮಂಡಿತಗಾತ್ರೀ ವಿರಾಜತೇ ವಾಣೀ .. 276..

ಸೌಭಾಗ್ಯಸೂಚಕಾಭೀ ರೇಖಾಭಿರ್ಭೂಷಿತಂ ಸೌರೈರ್ವಂದ್ಯಂ .

ಅಂಬಾಚರಣಪಯೋಜಂ ವತಂಸಯನ್ ಪ್ರಾಪ್ತಸಂಮೋದಃ .. 277..

ದ್ವಿಜಗಣಪೂಜ್ಯಂ ನಿತ್ಯಂ ನಿರಸ್ತಜಾಡ್ಯಂ ತ್ವದೀಯಪಾದಯುಗಂ .

ಕ್ಷಣಮಪಿ ವಾ ಸಾಂನಿಧ್ಯಂ ಭಜತು ಮದೀಯೇ ಹೃದಿ ಸ್ವೈರಂ .. 278..

ನತದೇವರಾಜಮಕುಟೀಮಣಿಘೃಣಿಪರಿಚುಂಬಿತಾಂಘ್ರಿಕಮಲಾ ನಃ .
ಕಮಲಾಸನಸ್ಯ ದಯಿತಾ ತನ್ಯಾದನ್ಯಾದೃಶೀ ಶ್ರಿಯಂ ಭಜತಾಂ .. 279..

ವಾಣೀ ಶ್ರಿತಕಾದಂಬಾ ದಂಭಾದಿರಿಪೂನ್ ನಿರಸ್ಯ ನಃ ಕಾಲೇ .

ಕ್ಷೇಮಮವನ್ಯಾಂ ತನ್ಯಾತ್ ಪದೇ ಪರೇ ದೇವಸಂಘಪರಿಸೇವ್ಯೇ .. 280..

ಪಂಕಜಭವಸಾಮ್ರಾಜ್ಯಸ್ಥಿರಲಕ್ಷ್ಮೀಶ್ಚಪಾಂಡರತನುಶ್ರೀಃ .
ನತಮಾನವಸುಕೃತಕಲಾಪರಿಪಾಟೀ ಭಾತಿ ಸಕಲಗುಣಪೇಟೀ .. 281..

66
ಮುಖವಿಜಿತಚಂದ್ರಬಿಂಬಾ ಸಾಂಬಾ ಕಾದಂಬಸೇವ್ಯಪದಕಮಲಾ .
ಕಮಲಾಸನಗೃಹಲಕ್ಷ್ಮೀರ್ಲಕ್ಷ್ಮೀಂ ಪುಷ್ಣಾತು ಶಾರದಾ ದೇವೀ .. 282..

ಮುರಮಥನಸ್ಯೇವ ರಮಾ ಶಂಭೋರಿವ ಸಕಲಭೂಧರೇಂದ್ರಸುತಾ .

ವಾಣಿ ವಿಧಾತುಃ ಸದನೇಽನುರೂಪದಾಂಪತ್ಯಸಂಪದಾ ಭಾಸಿ .. 283..

ವಾಣಿ ತವ ದೇಹಕಾಂತ್ಯಾ ಕಟಾಕ್ಷಲಹರೀ ತು ಸಂಯುತಾ ಕಾಲೇ .

ಧತ್ತೇ ಕಾಮಪಿ ಶೋಭಾಂ ಸುರಸ್ರವಂತ್ಯೇವ ಸಂಗತಾ ಯಮುನಾ .. 284..

ಮಧುರಾಸೇಚನದೃಷ್ಟ್ಯಾ ಮಾಂ ಪಾಯಾದಾಪದೋ ಮುಹುರ್ವಾಣೀ .

ಆಶ್ರಿತತಾಪವಿಭೇತ್ರೀತ್ಯೇವಂ ಯಾಮಾಮನಂತಿ ಸೂರಿವರಾಃ .. 285..

ಅಜ್ಞಾತಕೋಪಪೂರಾ ಯಸ್ಯಾ ದೃಷ್ಟಿಃ ಕೃತಾದರಾ ಭಜತಾಂ .

ಸೈಷಾ ವಿಹಸಿತಪೌರಂದರಲಕ್ಷ್ಮೀಂ ಸಂಪದಂ ದದ್ಯಾತ್ .. 286..

ಬಾಲಕುರಂಗವಿಲೋಚನಮೀಷತ್ಸ್ಮಿತಮಧುರಮಾನನಂ ವಾಣ್ಯಾಃ .
ಮಣಿಮಯತಾಟಂಕಮಣೀವಿಲಾಸಿ ಭೂಯಾನ್ಮುದೇಽಸ್ಮಾಕಂ .. 287..

ಮುನಿಜನಮಾನಸಹಂಸೀಂ ಶ್ರುತಿತತಿಪಂಜರಶುಕೀಂ ಮಹಾದೇವೀಂ .

ನೌಮಿ ಸ್ನುಷಾಂ ರಮಾಯಾಃ ಮಾಹೇಶ್ವರಮಹಿತಸತ್ಪದಪ್ರಾಪ್ತ್ಯೈ .. 288..

ಧಾತುಃ ಸೌಧಾಂಗಣಕೃತಚಂಕ್ರಮಣಾಂ ಶಾರದಾಂ ನೌಮಿ .

ಮತ್ತಮತಂಗಜಗಮನಾಂ ಪರಿಪಂಥಿಜಯಾಯ ಸುಕೃತಿಸಂದೃಶ್ಯಾಂ ..
289..

67
ವಾಗೀಶಮುಖಾ ದೇವಾ ಯಸ್ಯಾಃ ಪ್ರಸದನಬಲದ್ಧಿ ವಿಜಯಂತೇ .
ಪರಿಪಾಲಿತಭಕ್ತಗಣಾ ಯದ್ಧ್ಯಾನೋಲ್ಲಸದಪಾರಪುಲಕಾಂತಾಃ .. 290..

ನೈಸರ್ಗಿಕವಾಕ್ಷ್ರೇಣೀಕೇಲಿವನಮಮಲಭೂಷಣಂ ಧಾತುಃ .
ವದನಾನಾಮಿಯಮಂಬಾ ಜಯತು ಚಿರಂ ಕಾಮವರ್ಷಿಣೀ ಭಜತಾಂ ..
291..

ಕಲಯಾಮಿ ಹೃದಯಮೇತತ್ ಪಾದಾಬ್ಜೇ ಶಾರದಾದೇವ್ಯಾಃ .

ಪ್ರಾಪ್ತಾರಿಷಟ್ಕವಿಜಯಂ ತತ್ತ್ವಧನಂ ಕಲಿತಶಾರದಾಧ್ಯಾನಂ .. 292..

ಪಾದಾರವಿಂದನಮನಪ್ರಭಾವಪರಿಕಲಿತದೇವಸಾರೂಪ್ಯಾಃ .
ಪರಮಾನಂದನಿಮಗ್ನಾಃ ಸುಧಿಯೋ ಭಾಂತಿ ಕ್ಷಮಾವಲಯೇ .. 293..

ಲಲಿತವಿಧಾತೃರೂಪಂ ಪಾಲಿತಲೋಕತ್ರಯಂ ಚ ತತ್ ತೇಜಃ .

ಸಕಲಾಗಮಶಿಖರಕಲಾಪರತತ್ತ್ವಂ ಶಾರದಾರೂಪಂ .. 294..

ಧ್ಯಾನೈರ್ಯೋಗೈಶ್ಚ ಜಪೈರ್ಯತ್ ಸೇವ್ಯಂ ಪರಮಮಾದಿಷ್ಟಂ .

ತನ್ನಶ್ಚಕಾಸ್ತು ಹೃದಯೇ ವಿಶ್ವಜನೀನಂ ಹಿ ಭಕ್ತಾನಾಂ .. 295..

ಭಾಗೀರಥೀವ ವಾಣೀ ತವ ನುತಿರೂಪಾ ವಿರಾಜತೇ ಪರಮಾ .

ಇಹ ಮಾತರ್ಯದ್ಭಜನಂ ಸರ್ವೇಷಾಂ ಸರ್ವಸಂಪದಾಂ ಹೇತುಃ .. 296..

ಸಂತತಮಧುರಾಲಾಪೈರ್ಲಾಲಿತವಿಧಿವೈಭವೈರಮೇಯಕಲೈಃ .
ಶ್ರೇಯಃಪ್ರದಾನದೀಕ್ಷಿತಕಟಾಕ್ಷಪಾತೈರ್ಮಹಾತತ್ತ್ವೈಃ .. 297..

68
ಖೇಲಲ್ಲೋಲಂಬಕಚೈಃ ಕುಚಭರನಮ್ರೈಃ ಪುರಂಧ್ರಿಗುಣಪೂರ್ಣೈಃ .
ಆಶ್ರಿತಸಂವಿತ್ಪೀಠೈರಮರೇಶವಧೂಕರಾದೃತಚ್ಛತ್ರೈಃ .. 298..

ವೀಣಾಪುಸ್ತಕಹಸ್ತೈರ್ವಿಧಿಭಾಗ್ಯೈರಸ್ತು ಮಮ ತು ಸಾರೂಪ್ಯಂ .
ಸಂವಿದ್ಧನೈಶ್ಚ ವಾಣೀರೂಪೈರೇತೈರ್ದಯಾಸಾರೈಃ .. 299..

ಮಾತಃ ಕಥಂ ನು ವರ್ಣ್ಯಸ್ತವ ಮಹಿಮಾ ವಾಣಿ ನಿಗಮಚಯವೇದ್ಯಃ .

ಇತಿ ನಿಶ್ಚಿತ್ಯ ಪದಾಬ್ಜಂ ತವ ವಂದೇ ಮೋಕ್ಷಕಾಮೋಽಹಂ .. 300..

ತ್ವಾಮಂಬ ಬಾಲಿಶೋಽಹಂ ತ್ವಚಮತ್ಕಾರೈರ್ಗಿರಾಂ ಗುಂಭೈಃ .

ಅಯಥಾಯಥಕ್ರಮಂ ಹಿ ಸ್ತುವನ್ನಪಿ ಪ್ರಾಪ್ತಜನ್ಮಸಾಫಲ್ಯಃ .. 301..

ಇತಿ ಶ್ರೀಶಾರದಾತ್ರಿಶತೀ ಸಮಾಪ್ತಾ

ಶ್ರೀಶಾರದಾಪ್ರಾರ್ಥನಾ ಅಥವಾ ಸರಸ್ವತೀಸ್ತುತಿಃ

ನಮಸ್ತೇ ಶಾರದೇ ದೇವಿ ಕಾಶ್ಮೀರಪುರವಾಸಿನಿ .

ತ್ವಾಮಹಂ ಪ್ರಾರ್ಥಯೇ ನಿತ್ಯಂ ವಿದ್ಯಾದಾನಂ ಚ ದೇಹಿ ಮೇ .. 1..

ಯಾ ಶ್ರದ್ಧಾ ಧಾರಣಾ ಮೇಧಾ ವಾಗ್ದೇವೀ ವಿಧಿವಲ್ಲಭಾ .

ಭಕ್ತಜಿಹ್ವಾಗ್ರಸದನಾ ಶಮಾದಿಗುಣದಾಯಿನೀ .. 2..

ನಮಾಮಿ ಯಾಮಿನೀಂ ನಾಥಲೇಖಾಲಂಕೃತಕುಂತಲಾಂ .

69
ಭವಾನೀಂ ಭವಸಂತಾಪನಿರ್ವಾಪಣಸುಧಾನದೀಂ .. 3..

ಭದ್ರಕಾಲ್ಯೈ ನಮೋ ನಿತ್ಯಂ ಸರಸ್ವತ್ಯೈ ನಮೋ ನಮಃ .

ವೇದವೇದಾಂಗವೇದಾಂತವಿದ್ಯಾಸ್ಥಾನೇಭ್ಯ ಏವ ಚ .. 4..

ಬ್ರಹ್ಮಸ್ವರೂಪಾ ಪರಮಾ ಜ್ಯೋತಿರೂಪಾ ಸನಾತನೀ .

ಸರ್ವವಿದ್ಯಾಧಿದೇವೀ ಯಾ ತಸ್ಯೈ ವಾಣ್ಯೈ ನಮೋ ನಮಃ .. 5..

ಯಯಾ ವಿನಾ ಜಗತ್ಸರ್ವಂ ಶಶ್ವಜ್ಜೀವನ್ಮೃತಂ ಭವೇತ್ .

ಜ್ಞಾನಾಧಿದೇವೀ ಯಾ ತಸ್ಯೈ ಸರಸ್ವತ್ಯೈ ನಮೋ ನಮಃ .. 6..

ಯಯಾ ವಿನಾ ಜಗತ್ಸರ್ವಂ ಮೂಕಮುನ್ಮತ್ತವತ್ಸದಾ .

ಯಾ ದೇವೀ ವಾಗಧಿಷ್ಠಾತ್ರೀ ತಸ್ಯೈ ವಾಣ್ಯೈ ನಮೋ ನಮಃ .. 7..

.. ಇತಿ ಶ್ರೀಶಾರದಾಪ್ರಾರ್ಥನಾ ಸಮಾಪ್ತಾ ..

ಸರಸ್ವತೀದಶಶ್ಲೋಕೀಸ್ತೋತ್ರಂ

ಋಷಯ ಊಚುಃ-
ಕಥಂ ಸಾರಸ್ವತಪ್ರಾಪ್ತಿಃ ಕೇನ ಧ್ಯಾನೇನ ಸುವ್ರತ .
ಮಹಾಸರಸ್ವತೀ ಯೇನ ತುಷ್ಟಾ ಭವತಿ ತದ್ವದ .. 1..

ಆಶ್ವಲಾಯನ ಉವಾಚ-
ಶೃಣ್ವಂತು ಋಷಯಃ ಸರ್ವೇ ಗುಹ್ಯಾದ್ಗುಹ್ಯತಮಂ ಮಹತ್ .

70
ದಶಶ್ಲೋಕೀಸ್ತುತಿಮಿಮಾಂ ವದಾಮಿ ಧ್ಯಾನಪೂರ್ವಕಂ .. 2..

ಅಂಕುಶಂ ಚಾಕ್ಷಸೂತ್ರಂ ಚ ಪಾಶಂ ಪುಸ್ತಂ ಚ ಧಾರಿಣೀಂ .

ಮುಕ್ತಾಹಾರೈಃ ಸಮಾಯುಕ್ತಾಂ ದೇವೀಂ ಧ್ಯಾಯೇಚ್ಚತುರ್ಭುಜಾಂ .. 3..

ಸಿತೇನ ದರ್ಪಣಾಭೇನ ವಕ್ತ್ರೇಣ ಪರಿಭೂಷಿತಾಂ .

ಸುಸ್ತನೀಂ ವೇದಿಮಧ್ಯಾಂ ತಾಂ ಚಂದ್ರಾರ್ಧಕೃತಶೇಖರಾಂ .. 4..

ಜಟಾಕಲಾಪಸಂಯುಕ್ತಾಂ ಪೂರ್ಣಚಂದ್ರನಿಭಾನನಾಂ .
ತ್ರಿಲೋಚನೀಂ ಮಹಾದೇವೀಂ ಸ್ವರ್ಣನೂಪುರಧಾರಿಣೀಂ .. 5..

ಕಟಕಸ್ವರ್ಣರತ್ನಾಢ್ಯಮಹಾವಲಯಭೂಷಿತಾಂ .
ಕಂಬುಕಂಠೀಂ ಸುತಾಮ್ರೋಷ್ಟೀಂ ಸರ್ವಾಭರಣಭೂಷಿತಾಂ .. 6..

ಕೇಯೂರೈರ್ಮೇಖಲಾದ್ಯೈಶ್ಚ ದ್ಯೋತಯಂತೀಂ ಜಗತ್ತ್ರಯಂ .

ಶಬ್ದಬ್ರಹ್ಮಾರಣಿಂ ಧ್ಯಾಯೇದ್ಧ್ಯಾನಕಾಮಃ ಸಮಾಹಿತಃ .. 7..

ವಕ್ಷ್ಯೇ ಸಾರಸ್ವತಂ ಸ್ತೋತ್ರಂ ವಾಕ್ಪ್ರವೃತ್ತಿಕರಂ ಶುಭಂ .

ಲಕ್ಷ್ಮೀವಿವರ್ಧನಂ ಚೈವ ವಿವಾದೇ ವಿಜಯಪ್ರದಂ .. 8..

ಪರಬ್ರಹ್ಮಾತ್ಮಿಕಾಂ ದೇವೀಂ ಭುಕ್ತಿಮುಕ್ತಿಫಲಪ್ರದಾಂ .

ಪ್ರಣಮ್ಯ ಸ್ತೌಮಿ ತಾಮೇವ ಜ್ಞಾನಶಕ್ತಿಂ ಸರಸ್ವತೀಂ .. 9..

ಯಾ ವೇದಾಂತೋಕ್ತತತ್ತ್ವೈಕಸ್ವರೂಪಾ ಪರಮಾರ್ಥತಃ .

71
ನಾಮರೂಪಾತ್ಮಿಕಾ ವ್ಯಕ್ತಾ ಸಾ ಮಾಂ ಪಾತು ಸರಸ್ವತೀ .. 10..

ಯಾ ಸಾಂಗೋಪಾಂಗವೇದೇಷು ಚತುರ್ಷ್ವೇಕೈವ ಗೀಯತೇ .

ಅದ್ವೈತಾ ಬ್ರಹ್ಮಣಃ ಶಕ್ತಿಃ ಸಾ ಮಾಂ ಪಾತು ಸರಸ್ವತೀ .. 11..

ಯಾ ವರ್ಣಪದವಾಕ್ಯಾರ್ಥಸ್ವರೂಪೇಣೈವ ವರ್ತತೇ .
ಅನಾದಿನಿಧನಾನಂತಾ ಸಾ ಮಾಂ ಪಾತು ಸರಸ್ವತೀ .. 12..

ಅಧ್ಯಾತ್ಮಮಧಿದೇವಂ ಚ ದೇವಾನಾಂ ಸಮ್ಯಗೀಶ್ವರೀ .

ಪ್ರತ್ಯಗಾತ್ಮೇವ ಸಂತೀ ಯಾ ಸಾ ಮಾಂ ಪಾತು ಸರಸ್ವತೀ .. 13..

ಅಂತರ್ಯಾಮ್ಯಾತ್ಮನಾ ವಿಶ್ವಂ ತ್ರೈಲೋಕ್ಯಂ ಯಾ ನಿಯಚ್ಛತಿ .

ರೂದ್ರಾದಿತ್ಯಾದಿರೂಪಸ್ಥಾ ಸಾ ಮಾಂ ಪಾತು ಸರಸ್ವತೀ .. 14..

ಯಾ ಪ್ರತ್ಯಗ್ದೃಷ್ಟಿಭಿರ್ಜ್ಞಾನೈರ್ವ್ಯಜ್ಯಮಾನಾನುಭೂಯತೇ .
ವ್ಯಾಪಿನೀ ಜ್ಞಪ್ತಿರೂಪೈಕಾ ಸಾ ಮಾಂ ಪಾತು ಸರಸ್ವತೀ .. 15..

ನಾಮಜಾತ್ಯಾದಿಭಿರ್ಭೇದೈರಷ್ಟಧಾ ಯಾ ವಿಕಲ್ಪಿತಾ .
ನಿರ್ವಿಕಲ್ಪಾತ್ಮಿಕಾ ಚೈವ ಸಾ ಮಾಂ ಪಾತು ಸರಸ್ವತೀ .. 16..

ವ್ಯಕ್ತಾವ್ಯಕ್ತಗಿರಃ ಸರ್ವೇ ದೇವಾದ್ಯಾ ವ್ಯಾಹರಂತಿ ಯಾಂ .

ಸರ್ವಕಾಮದುಧಾ ಧೇನುಃ ಸಾ ಮಾಂ ಪಾತು ಸರಸ್ವತೀ .. 17..

ಯಾಂ ವಿದಿತ್ವಾಖಿಲಂ ಬಂಧಂ ನಿರ್ಮಥ್ಯಾಮಲವರ್ಮನಾ .

72
ಯೋಗೀ ಯಾತಿ ಪರಂ ಸ್ಥಾನಂ ಸಾ ಮಾಂ ಪಾತು ಸರಸ್ವತೀ .. 18..

ನಾಮಜಾತ್ಯಾದಿಕಂ ಸರ್ವಂ ಯಸ್ಯಾಮಾವಿಶ್ಯ ತಾಂ ಪುನಃ .

ಧ್ಯಾಯಂತೀ ಬ್ರಹ್ಮರೂಪೈಕಾ ಸಾ ಮಾಂ ಪಾತು ಸರಸ್ವತೀ ? .. 19..

ಯಃ ಕವಿತ್ವಂ ನಿರಾತಂಕಂ ಭುಕ್ತಿಂ ಮುಕ್ತಿಂ ಚ ವಾಂಛತಿ .

ಸೋಽಭ್ಯರ್ಚ್ಯೈನಾಂ ದಶಶ್ಲೋಕ್ಯಾ ಭಕ್ತ್ಯಾ ಸ್ತೌತು ಸರಸ್ವತೀಂ .. 20..

ತಸ್ಯೈವಂ ಸ್ತುವತೋ ನಿತ್ಯಂ ಸಮಭ್ಯರ್ಚ್ಯ ಸರಸ್ವತೀಂ .

ಭಕ್ತಿಶ್ರದ್ಧಾಭಿಯುಕ್ತಸ್ಯ ಷಣ್ಮಾಸಾತ್ ಪ್ರತ್ಯಯೋ ಭವೇತ್ .. 21..

ತತಃ ಪ್ರವರ್ತತೇ ವಾಣೀ ಸ್ವೇಚ್ಛಯಾ ಲಲಿತಾಕ್ಷರಾ .

ಗದ್ಯಪದ್ಯಾತ್ಮಿಕಾ ವಿದ್ಯಾ ಪ್ರಮೇಯೈಶ್ಚ ವಿವರ್ತತೇ .. 22..

ಅಶ್ರುತೋ ಬುಧ್ಯತೇ ಗ್ರಂಥಃ ಪ್ರಾಯಃ ಸಾರಸ್ವತಃ ಕವಿಃ .

ಶ್ರುತಂ ಚ ಧಾರಯೇದಾಶು ಸ್ಖಲದ್ವಾಕ್ ಸ್ಪಷ್ಟವಾಗ್ಭವೇತ್ .. 23..

ಪ್ರಖ್ಯಾತಃ ಸರ್ವಲೋಕೇಷು ವಾಗ್ಮೀ ಭವತಿ ಪೂಜಿತಃ .

ಅಜಿತಃ ಪ್ರತಿಪಕ್ಷಾಣಾಂ ಸ್ವಯಂ ಜೇತಾಽಧಿಜಾಯತೇ .. 24..

ಅಯೋಧ್ಯೈರ್ವೇದಬಾಹ್ಯೈರ್ವಾ ವಿವಾದೇ ಪ್ರಸ್ತುತೇ ಸತಿ .

ಅಹಂ ವಾಚಸ್ಪತಿರ್ವಿಷ್ಣುಃ ಶಿವೋ ವಾಸ್ಮೀತಿ ಭಾವಯೇತ್ .. 25..

ಏವಂ ಭಾವಯತಾ ತೇನ ಬೃಹಸ್ಪತಿರಪಿ ಸ್ವಯಂ .

73
ನ ಶಕ್ನೋತಿ ಪರಂ ವಕ್ತುಂ ನರೇಷ್ವನ್ಯೇಷು ಕಾ ಕಥಾ .. 26..

ನ ಕಾಂಚನ ಸ್ತ್ರಿಯಂ ನಿಂದೇತ್ ನ ದೇವಾನ್ನಾಪಿ ಚ ದ್ವಿಜಾನ .

ಅನಾರ್ಯೈರ್ನಾಭಿಭಾಷೇತ ಸರ್ವತ್ರೈವ ಕ್ಷಮೀ ಭವೇತ್ .. 27..

ಸರ್ವತ್ರೈವ ಪ್ರಿಯಂ ಬ್ರೂಯಾತ್ (ಯಥೇಚ್ಛಾಲಬ್ಧ) ಮಾತ್ಮನಃ .

ಶ್ಲೋಕೈರೇವ ತಿರಸ್ಕೃತ್ಯ ದ್ವಿಷಂದ ಪ್ರತಿವಾದಿನಂ .. 28..

ಪ್ರತಿವಾದಿಗಜಾನಾಂ ತು ಸಿಂಹೋ ಭವತಿ ತದ್ವಚಃ .

ಯದ್ವಾಗಿತಿದವ್ಯೃಚೇನೈವ ದೇವೀಂ ಯೋಽರ್ಚತಿ ಸುವ್ರತಃ .. 29..

ತಸ್ಯ ನಾಸಂಸ್ಕೃತಾ ವಾಣೀ ಮುಖಾದುಚ್ಚಾರಿತಾ ಕ್ವಚಿತ್ .

ಪ್ರಥಮಂ ಭಾರತೀ ನಾಮ ದ್ವಿತೀಯಂ ಚ ಸರಸ್ವತೀ .
ತೃತೀಯಂ ಶಾರದಾ ದೇವೀ ಚತುರ್ಥಂ ಕಂಸಮರ್ದನೀ .. 30..

ಪಂಚಮಂ ತು ಜಗನ್ಮಾತಾ ಷಷ್ಠಂ ಚೈವ ತು ಪಾರ್ವತೀ .

ಸಪ್ತಮಂ ಚೈವ ಕಾಮಕ್ಷೀ ಹ್ಯಷ್ಟಮಂ ಬ್ರಹ್ಮಚಾರಿಣೀ .. 31..

ನವಮಂ ಚೈವ ವಾರಾಹೀ ದಶಮಂ ಬ್ರಹ್ಮಪುತ್ರಿಕಾ .

ಏಕಾದಶಂ ಚ ವಾಗ್ದೇವೀ ದ್ವಾದಶಂ ವರದಾಂಬಿಕಾ .. 32..

ದ್ವಾದಶೈತಾನಿ ನಾಮಾನಿ ತ್ರಿಸಂಧ್ಯಂ ಯಃ ಪಠೇನ್ನರಃ .

ತಸ್ಯ ಸಾರಸ್ವತಂ ಚೈವ ಷಣ್ಮಾಸೇನೈವ ಸಿಧ್ಯತಿ .. 33..

74
ಯಸ್ಯಾಃ ಸ್ಮರಣಮಾತ್ರೇಣ ವಾಗ್ವಿಭೂತಿರ್ವಿಜೃಂಭತೇ .
ಸಾ ಭಾರತೀ ಪ್ರಸನ್ನಾಕ್ಷೀ ರಮತಾಂ ಮನ್ಮುಖಾಂಬುಜೇ .. 34..

ಇತ್ಯಾಶ್ವಲಾಯನಮುನಿರ್ನಿಜಗಾದ ದೇವ್ಯಾಃ
ಸ್ತೋತ್ರಂ ಸಮಸ್ತಫಲಭೋಗನಿಧಾನಭೂತಂ .
ಏತತ್ ಪಠನ್ ದ್ವಿಜವರಃ ಶುಚಿತಾಮುಪೈತಿ
ಸಂಧ್ಯಾಸು ವಾಂಛಿತಮುಪೈತಿನ ಸಂಶಯೋಽತ್ರ .. 35..

ಇತಿ ಶ್ರೀಸರಸ್ವತೀದಶಶ್ಲೋಕೀಸ್ತೋತ್ರಂ ಸಂಪೂರ್ಣಂ .

ದೇವೀಸ್ತೋತ್ರಂ

ಶ್ರೀಸರಸ್ವತ್ಯೈ ನಮಃ .
ಶ್ರೀ ಶಾರದೇ (ಸರಸ್ವತಿ)! ನಮಸ್ತುಭ್ಯಂ ಜಗದ್ಭವನದೀಪಿಕೇ .
ವಿದ್ವಜ್ಜನಮುಖಾಂಭೋಜಭೃಂಗಿಕೇ! ಮೇ ಮುಖೇ ವಸ .. 1..

ವಾಗೀಶ್ವರಿ! ನಮಸ್ತುಭ್ಯಂ ನಮಸ್ತೇ ಹಂಸಗಾಮಿನಿ! .

ನಮಸ್ತುಭ್ಯಂ ಜಗನ್ಮಾತರ್ಜಗತ್ಕರ್ತ್ರಿಂ! ನಮೋಽಸ್ತು ತೇ .. 2..

ಶಕ್ತಿರೂಪೇ! ನಮಸ್ತುಭ್ಯಂ ಕವೀಶ್ವರಿ! ನಮೋಽಸ್ತು ತೇ .

ನಮಸ್ತುಭ್ಯಂ ಭಗವತಿ! ಸರಸ್ವತಿ! ನಮೋಽಸ್ತುತೇ .. 3..

ಜಗನ್ಮುಖ್ಯೇ ನಮಸ್ತುಭ್ಯಂ ವರದಾಯಿನಿ! ತೇ ನಮಃ .

75
ನಮೋಽಸ್ತು ತೇಽಮ್ಬಿಕಾದೇವಿ! ಜಗತ್ಪಾವನಿ! ತೇ ನಮಃ .. 4..

ಶುಕ್ಲಾಂಬರೇ! ನಮಸ್ತುಭ್ಯಂ ಜ್ಞಾನದಾಯಿನಿ! ತೇ ನಮಃ .

ಬ್ರಹ್ಮರೂಪೇ! ನಮಸ್ತುಭ್ಯಂ ಬ್ರಹ್ಮಪುತ್ರಿ! ನಮೋಽಸ್ತು ತೇ .. 5..

ವಿದ್ವನ್ಮಾತರ್ನಮಸ್ತುಭ್ಯಂ ವೀಣಾಧಾರಿಣಿ! ತೇ ನಮಃ .

ಸುರೇಶ್ವರಿ! ನಮಸ್ತುಭ್ಯಂ ನಮಸ್ತೇ ಸುರವಂದಿತೇ! .. 6..

ಭಾಷಾಮಯಿ! ನಮಸ್ತುಭ್ಯಂ ಶುಕಧಾರಿಣಿ! ತೇ ನಮಃ .

ಪಂಕಜಾಕ್ಷಿ! ನಮಸ್ತುಭ್ಯಂ ಮಾಲಾಧಾರಿಣಿ! ತೇ ನಮಃ .. 7..

ಪದ್ಮಾರೂಢೇ! ನಮಸ್ತುಭ್ಯಂ ಪದ್ಮಧಾರಿಣಿ! ತೇ ನಮಃ .

ಶುಕ್ಲರೂಪೇ ನಮಸ್ತುಭ್ಯಂ ನಮಂಜಿಪುರಸುಂದರಿ .. 8..

ಶ್ರೀ(ಧೀ)ದಾಯಿನಿ! ನಮಸ್ತುಭ್ಯಂ ಜ್ಞಾನರೂಪೇ! ನಮೋಽಸ್ತುತೇ .

ಸುರಾರ್ಚಿತೇ! ನಮಸ್ತುಭ್ಯಂ ಭುವನೇಶ್ವರಿ! ತೇ ನಮಃ .. 9..

ಕೃಪಾವತಿ! ನಮಸ್ತುಭ್ಯಂ ಯಶೋದಾಯಿನಿ! ತೇ ನಮಃ .

ಸುಖಪ್ರದೇ! ನಮಸ್ತುಭ್ಯಂ ನಮಃ ಸೌಭಾಗ್ಯವರ್ದ್ಧಿನಿ! .. 10..

ವಿಶ್ವೇಶ್ವರಿ! ನಮಸ್ತುಭ್ಯಂ ನಮಸ್ತ್ರೈಲೋಕ್ಯಧಾರಿಣಿ .

ಜಗತ್ಪೂಜ್ಯೇ! ನಮಸ್ತುಭ್ಯಂ ವಿದ್ಯಾಂ ದೇಹಿ (ವಿದ್ಯಾದೇವೀ) ಮಹಾಮಹೇ ..
11..

ಶ್ರೀರ್ದೇವತೇ! ನಮಸ್ತುಭ್ಯಂ ಜಗದಂಬೇ! ನಮೋಽಸ್ತುತೇ .

76
ಮಹಾದೇವಿ! ನಮಸ್ತುಭ್ಯಂ ಪುಸ್ತಕಧಾರಿಣಿ! ತೇ ನಮಃ .. 12..

ಕಾಮಪ್ರದೇ ನಮಸ್ತುಭ್ಯಂ ಶ್ರೇಯೋಮಾಂಗಲ್ಯದಾಯಿನಿ .

ಸೃಷ್ಟಿಕರ್ತ್ರಿಂ! ಸ್ತುಭ್ಯಂ ಸೃಷ್ಟಿಧಾರಿಣಿ! ನಮಃ .. 13..

ಜಗದ್ಧಿತೇ! ನಮಸ್ತುಭ್ಯಂ ನಮಃ ಸಂಹಾರಕಾರಿಣಿ! .

ವಿದ್ಯಾಮಯಿ! ನಮಸ್ತುಭ್ಯಂ ವಿದ್ಯಾಂ ದೇಹಿ ದಯಾವತಿ! .. 14..

ಅಥ ಲಕ್ಷ್ಮೀನಾಮಾನಿ -
ಮಹಾಲಕ್ಷ್ಮಿ ನಮಸ್ತುಭ್ಯಂ ಪೀತವಸ್ತ್ರೇ ನಮೋಽಸ್ತು ತೇ .
ಪದ್ಮಾಲಯೇ! ನಮಸ್ತುಭ್ಯಂ ನಮಃ ಪದ್ಮವಿಲೋಚನೇ .. 15..

ಸುವರ್ಣಾಂಗಿ ನಮಸ್ತುಭ್ಯಂ ಪದ್ಮಹಸ್ತೇ ನಮೋಽಸ್ತು ತೇ .

ನಮಸ್ತುಭ್ಯಂ ಗಜಾರೂಢೇ ವಿಶ್ವಮಾತ್ರೇ ನಮೋಽಸ್ತು ತೇ .. 16..

ಶಾಕಂಭರಿ ನಮಸ್ತುಭ್ಯಂ ಕಾಮಧಾತ್ರಿ ನಮೋಽಸ್ತು ತೇ .

ಕ್ಷೀರಾಬ್ಧಿಜೇ ನಮಸ್ತುಭ್ಯಂ ಶಶಿಸ್ವಸ್ರೇ ನಮೋಽಸ್ತು ತೇ .. 17..

ಹರಿಪ್ರಿಯೇ! ನಮಸ್ತುಭ್ಯಂ ವರದಾಯಿನಿ ತೇ ನಮಃ .

ಸಿಂದೂರಾಭೇ ನಮಸ್ತುಭ್ಯಂ ನಮಃ ಸನ್ಮತಿದಾಯಿನಿ .. 18..

ಲಲಿತೇ! ಚ ನಮಸ್ತುಭ್ಯಂ ವಸುದಾಯಿನಿ ತೇ ನಮಃ .

ಶಿವಪ್ರದೇ ನಮಸ್ತುಭ್ಯಂ ಸಮೃದ್ಧಿಂ ದೇಹಿ ಮೇ ರಮೇ! .. 19..

77
ಅಥ ಯೋಗಿನೀರೂಪಾಣಿ -
ಗಣೇಶ್ವರಿ! ನಮಸ್ತುಭ್ಯಂ ದಿವ್ಯಯೋಗಿನಿ ತೇ! ನಮಃ .
ವಿಶ್ವರೂಪೇ! ನಮಸ್ತುಭ್ಯಂ ಮಹಾಯೋಗಿನಿ! ತೇ ನಭಃ .. 20..

ಭಯಂಕರಿ! ನಮಸ್ತುಭ್ಯಂ ಸಿದ್ಧಯೋಗಿನಿ! ತೇ ನಮಃ .

ಚಂದ್ರಕಾಂತೇ! ನಮಸ್ತುಭ್ಯಂ ಚಕ್ರೇಶ್ವರಿ! ನಮೋಽಸ್ತು ತೇ .. 21..

ಪದ್ಮಾವತಿ! ನಮಸ್ತುಭ್ಯಂ ರುದ್ರವಾಹಿನಿ! ತೇ ನಮಃ .

ಪರಮೇಶ್ವರಿ! ನಮಸ್ತುಭ್ಯಂ ಕುಂಡಲಿನಿ! ನಮೋಽಸ್ತು ತೇ .. 22..

ಕಲಾವತಿ! ನಭಸ್ತುಭ್ಯಂ ಮಂತ್ರವಾಹಿನಿ! ತೇ ನಮಃ .

ಮಂಗಲೇ! ಚ ನಮಸ್ತುಭ್ಯಂ ಶ್ರೀಜಯಂತಿ! ನಮೋಽಸ್ತು ತೇ .. 23..

ಅಥಾನ್ಯನಾಮಾನಿ -
ಚಂಡಿಕೇ! ಚ ನಮಸ್ತುಭ್ಯಂ ದುರ್ಗೇ! ದೇವಿ! ನಮೋಽಸ್ತು ತೇ .
ಸ್ವಾಹಾರೂಪೇ ನಮಸ್ತುಭ್ಯಂ ಸ್ವಧಾರೂಪೇ ನಮೋಽಸ್ತು ತೇ .. 24..

ಪ್ರತ್ಯಂಗಿರೇ ನಮಸ್ತುಭ್ಯಂ ಗೋತ್ರದೇವಿ ನಮೋಽಸ್ತು ತೇ .

ಶಿವೇ! ಕೃಷ್ಣೇ ನಮಸ್ತುಭ್ಯಂ ನಮಃ ಕೈಟಭನಾಶಿನಿ .. 25..

ಕಾತ್ಯಾಯನಿ! ನಮಸ್ತುಭ್ಯಂ ನಮೋ ಧೂಮ್ರವಿನಾಶಿನಿ!

ನಾರಾಯಣಿ! ನಮಸ್ತುಭ್ಯಂ ನಮೋ ಮಹಿಷಖಂಡಿನಿ! .. 26..

ಸಹಸ್ರಾಕ್ಷಿ! ನಮಸ್ತುಭ್ಯಂ ನಮಶ್ಚಂಡವಿನಾಶಿನಿ!

78
ತಪಸ್ವಿನಿ! ನಮಸ್ತುಭ್ಯಂ ನಮೋ ಮುಂಡವಿನಾಶಿನಿ! .. 27..

ಅಗ್ನಿಜ್ವಾಲೇ! ನಮಸ್ತುಭ್ಯಂ ನಮೋ ನಿಶುಂಭಖಂಡಿನಿ!

ಭದ್ರಕಾಲಿ! ನಮಸ್ತುಭ್ಯಂ ಮಧುಮರ್ದಿನಿ! ತೇ ನಮಃ .. 28..

ಮಹಾಬಲೇ! ನಮಸ್ತುಭ್ಯಂ ಶುಂಭಖಂಡಿನಿ! ತೇ ನಮಃ .

ಶ್ರುತಿಮಯಿ! ನಮಸ್ತುಭ್ಯಂ ರಕ್ತಬೀಜವಧೇ! ನಮಃ .. 29..

ಧೃತಿಮಯಿ! ನಮಸ್ತುಭ್ಯಂ ದೈತ್ಯಮರ್ದಿನಿ! ತೇ ನಮಃ .

ದಿವಾಗತೇ! ನಮಸ್ತುಭ್ಯಂ ಬ್ರಹ್ಮದಾಯಿನಿ! ತೇ ನಭಃ .. 30..

ಮಾಯೇ! ಕ್ರಿಯೇ! ನಮಸ್ತುಭ್ಯಂ ಶ್ರೀಮಾಲಿನಿ! ನಮೋಽಸ್ತು ತೇ .

ಮಧುಮತಿ! ನಮಸ್ತುಭ್ಯಂ ಕಲೇ! ಕಾಲಿ! ನಮೋಽಸ್ತು ತೇ .. 31..

ಶ್ರೀಮಾತಂಗಿ ನಮಸ್ತುಭ್ಯಂ ವಿಜಯೇ! ಚ ನಮೋಽಸ್ತು ತೇ .

ಜಯದೇ! ಚ ನಮಸ್ತುಭ್ಯಂ ಶ್ರೀಶಾಂಭವಿ! ನಮೋಽಸ್ತು ತೇ .. 32..

ತ್ರಿನಯನೇ ನಮಸ್ತುಭ್ಯಂ ನಮಃ ಶಂಕರವಲ್ಲಭೇ! .

ವಾಗ್ವಾದಿನಿ ನಮಸ್ತುಭ್ಯಂ ಶ್ರೀಭೈರವಿ! ನಮೋಽಸ್ತು ತೇ .. 33..

ಮಂತ್ರಮಯಿ! ನಮಸ್ತುಭ್ಯಂ ಕ್ಷೇಮಂಕರಿ! ನಮೋಽಸ್ತು ತೇ .

ತ್ರಿಪುರೇ! ಚ ನಮಸ್ತುಭ್ಯಂ ತಾರೇ ಶಬರಿ! ತೇ ನಮಃ .. 34..

ಹರಸಿದ್ಧೇ! ನಮಸ್ತುಭ್ಯಂ ಬ್ರಹ್ಮವಾದಿನಿ! ತೇ ನಮಃ .

79
ಅಂಗೇ! ವಂಗೇ! ನಮಸ್ತುಭ್ಯಂ ಕಾಲಿಕೇ! ಚ ನಮೋಽಸ್ತು ತೇ .. 35..

ಉಮೇ! ನಂದೇ! ನಮಸ್ತುಭ್ಯಂ ಯಮಘಂಟೇ! ನಮೋಽಸ್ತು ತೇ .

ಶ್ರೀಕೌಮಾರಿ! ನಮಸ್ತುಭ್ಯಂ ವಾತಕಾರಿಣಿ! ತೇ ನಮಃ .. 36..

ದೀರ್ಘದಂಷ್ಟ್ರೇ! ನಮಸ್ತುಭ್ಯಂ ಮಹಾದಂಷ್ಟ್ರೇ! ನಮೋಽಸ್ತು ತೇ .

ಪ್ರಭೇ! ರೌದ್ರಿ! ನಮಸ್ತುಭ್ಯಂ ಸುಪ್ರಭೇ! ತೇ ನಮೋ ನಮಃ .. 37..

ಮಹಾಕ್ಷಮೇ! ನಮಸ್ತುಭ್ಯಂ ಕ್ಷಮಾಕಾರಿ! ನಮೋಽಸ್ತು ತೇ .

ಸುತಾರಿಕೇ! ನಮಸ್ತುಭ್ಯಂ ಭದ್ರಕಾಲಿ! ನಮೋಽಸ್ತು ತೇ .. 38..

ಚಂದ್ರಾವತಿ ನಮಸ್ತುಭ್ಯಂ ವನದೇವಿ ನಮೋಽಸ್ತು ತೇ .

ನಾರಸಿಂಹಿ! ನಮಸ್ತುಭ್ಯಂ ಮಹಾವಿದ್ಯೇ! ನಮೋಽಸ್ತು ತೇ .. 39..

ಅಗ್ನಿಹೋತ್ರಿ! ನಮಸ್ತುಭ್ಯಂ ಸೂರ್ಯಪುತ್ರಿ! ನಮೋಽಸ್ತು ತೇ .

ಸುಶೀತಲೇ! ನಮಸ್ತುಭ್ಯಂ ಜ್ವಾಲಾಮುಖಿ! ನಮೋಽಸ್ತು ತೇ .. 40..

ಸುಮಂಗಲೇ! ನಮಸ್ತುಭ್ಯಂ ವೈಶ್ವಾನರಿ! ನಮೋಽಸ್ತು ತೇ

ನಿರಂಜನೇ! ನಮಸ್ತುಭ್ಯಂ ಶ್ರೀವೈಷ್ಣವಿ! ನಮೋಽಸ್ತು ತೇ .. 41..

ಶ್ರೀವಾರಾಹಿ! ನಮಸ್ತುಭ್ಯಂ ತೋತಲಾಯೈ ನಮೋ ನಮಃ .

ಕುರುಕುಲ್ಲೇ! ನಮಸ್ತುಭ್ಯಂ ಭೈರವಪತ್ನಿ! ತೇ ನಮಃ .. 42..

ಅಥಾಗಮೋಕ್ತನಾಮಾನಿ ಸ್ವಯಮೂಹ್ಯಾನಿ ಪಂಡಿತೈಃ .

80
ಕಥ್ಯಂತೇ ಕಾನಿ ನಾಮಾನಿ ಪ್ರಸಿದ್ಧಾನಿ ತಥಾ ನ ವಾ .. 43..

ಹೇಮಕಾಂತೇ! ನಮಸ್ತುಭ್ಯಂ ಹಿಂಗುಲಾಯೈ ನಮೋ ನಮಃ .

ಯಜ್ಞವಿದ್ಯೇ ನಮಸ್ತುಭ್ಯಂ ವೇದಮಾತರ್ನಮೋಽಸ್ತು ತೇ .. 44..

ಶ್ರೀಮೃಡಾನಿ ನಮಸ್ತುಭ್ಯಂ ವಿಂಧ್ಯವಾಸಿನಿ ತೇ ನಮಃ .

ಪೃಥ್ವೀಜ್ಯೋತ್ಸನೇ! ನಮಸ್ತುಭ್ಯಂ ನಮೋ ನಾರದಸೇವಿತೇ! .. 45..

ಪ್ರಹ್ಲಾದಿನಿ! ನಮಸ್ತುಭ್ಯಮಪರ್ಣಾಯೈ ನಮೋ ನಮಃ .

ಜೈನೇಶ್ವರಿ! ನಮಸ್ತುಭ್ಯಂ ಸಿಂಹಗಾಮಿನಿ! ತೇ ನಮಃ .. 46..

ಬೌದ್ಧಮಾತರ್ನಮಸ್ತುಭ್ಯಂ ಜಿನಮಾತರ್ನಮೋಽಸ್ತು ತೇ .
ಓಂ ಕಾರೇ ಚ ನಮಸ್ತುಭ್ಯಂ ರಾಜ್ಯಲಕ್ಷ್ಭಿ! ನಮೋಽಸ್ತು ತೇ .. 47..

ಸುಧಾತ್ಮಿಕೇ! ನಮಸ್ತುಭ್ಯಂ ರಾಜನೀತೇ! ನಮೋಽಸ್ತು ತೇ .

ಮಂದಾಕಿನಿ! ನಮಸ್ತುಭ್ಯಂ ಗೋದಾವರಿ! ನಮೋಽಸ್ತು ತೇ .. 48..

ಪತಾಕಿನಿ! ನಮಸ್ತುಭ್ಯಂ ಭಗಮಾಲಿನಿ! ತೇ ನಮಃ .

ವಜ್ರಾಯುಧೇ! ನಮಸ್ತುಭ್ಯಂ ಪರಾಪರಕಲೇ! ನಮಃ .. 49..

ವಜ್ರಹಸ್ತೇ! ನಮಸ್ತುಭ್ಯಂ ಮೋಕ್ಷದಾಯಿನಿ! ತೇ ನಮಃ .

ಶತಬಾಹು ನಮಸ್ತುಭ್ಯಂ ಕುಲವಾಸಿನಿ ತೇ ನಮಃ .. 50..

ಶ್ರೀತ್ರಿಶಕ್ತೇ ನಮಸ್ತುಭ್ಯಂ ನಮಶ್ಚಂಡಪರಾಕ್ರಮೇ .

81
ಮಹಾಭುಜೇ! ನಮಸ್ತುಭ್ಯಂ ನಮಃ ಷಟ್ವಕ್ರಭೇದಿನಿ! .. 51..

ನಭಃಶ್ಯಾಮೇ! ನಮಸ್ತುಭ್ಯಂ ಷಟ್ಚಕ್ರಕ್ರಮವಾಸಿನಿ! .

ವಸುಪ್ರಿಯೇ! ನಮಸ್ತುಭ್ಯಂ ರಕ್ತಾದಿನಿ! ನಮೋ ನಮಃ .. 52..

ಮಹಾಮುದ್ರೇ! ನಮಸ್ತುಭ್ಯಮೇಕಚಕ್ಷುರ್ನಮೋಽಸ್ತು ತೇ .
ಪುಷ್ಪಬಾಣೇ! ನಮಸ್ತುಭ್ಯಂ ಖಗಗಾಮಿನಿ ತೇ ನಮಃ .. 53..

ಮಧುಮತ್ತೇ! ನಮಸ್ತುಭ್ಯಂ ಬಹುವರ್ಣೇ! ನಮೋ ನಮಃ .

ಮದೋದ್ಧತೇ! ನಮಸ್ತುಭ್ಯಂ ಇಂದ್ರಚಾಪಿನಿ! ತೇ ನಮಃ .. 54..

ಚಕ್ರಹಸ್ತೇ! ನಮಸ್ತುಭ್ಯಂ ಶ್ರೀಖಡ್ಗಿನಿ! ನಮೋ ನಭಃ .

ಶಕ್ತಿಹಸ್ತೇ! ನಮಸ್ತುಭ್ಯಂ ನಮಸ್ತ್ರಿಶೂಲಧಾರಿಣಿ! .. 55..

ವಸುಧಾರೇ! ನಮಸ್ತುಭ್ಯಂ ನಮೋ ಮಯೂರವಾಹಿನಿ! .

ಜಾಲಂಧರೇ! ನಮಸ್ತುಭ್ಯಂ ಸುಬಾಣಾಯೈ! ನಮೋ ನಮಃ .. 56..

ಅನಂತರ್ವೀರ್ಯೇ! ನಮಸ್ತುಭ್ಯಂ ವರಾಯುಧಧರೇ! ನಮಃ .

ವೃಷಪ್ರಿಯೇ! ನಮಸ್ತುಭ್ಯಂ ಶತ್ರುನಾಶಿನಿ! ತೇ ನಮಃ .. 57..

ವೇದಶಕ್ತೇ! ನಮಸ್ತುಭ್ಯಂ ವರಧಾರಿಣಿ! ತೇ ನಮಃ .

ವೃಷಾರೂಢಂ! ನಮಸ್ತುಭ್ಯಂ ವರದಾಯೈ! ನಮೋ ನಮಃ .. 58..

ಶಿವದೂತಿ! ನಮಸ್ತುಭ್ಯಂ ನಮೋ ಧರ್ಮಪರಾಯಣೇ! .

82
ಘನಧ್ವನಿ! ನಮಸ್ತುಭ್ಯಂ ಷಟ್ಕೋಣಾಯೈ! ನಮೋ ನಮಃ .. 59..

ಜಗದ್ಗರ್ಭೇ! ನಮಸ್ತುಭ್ಯಂ ತ್ರಿಕೋಣಾಯೈ! ನಮೋನಮಃ .

ನಿರಾಧಾರೇ! ನಮಸ್ತುಭ್ಯಂ ಸತ್ಯಮಾರ್ಗಪ್ರಬೋಧಿನಿ! .. 60..

ನಿರಾಶ್ರಯೇ! ನಮಸ್ತುಭ್ಯಂ ಛತ್ರಚ್ಛಾಯಾಕೃತಾಲಯೇ! .

ನಿರಾಕಾರೇ! ನಮಸ್ತುಭ್ಯಂ ವಹ್ನಿಕುಂಡಕೃತಾಲಯೇ! .. 61..

ಪ್ರಭಾವತಿ! ನಮಸ್ತುಭ್ಯಂ ರೋಗನಾಶಿನಿ! ತೇ ನಮಃ .

ತಪೋನಿಷ್ಟೇ! ನಮಸ್ತುಭ್ಯಂ ಸಿದ್ಧಿದಾಯಿನಿ! ತೇ ನಮಃ .. 62..

ತ್ರಿಸಂಧ್ಯಿಕೇ! ನಮಸ್ತುಭ್ಯಂ ದೃಢಬಂಧವಿಮೋಕ್ಷಣಿ! .

ತಪೋಯುಕ್ತೇ! ನಮಸ್ತುಭ್ಯಂ ಕಾರಾಬಂಧವಿಮೋಚನಿ! .. 63..

ಮೇಘಮಾಲೇ! ನಮಸ್ತುಭ್ಯಂ ಭ್ರಮನಾಶಿನಿ! ತೇ ನಮಃ .

ಹ್ರೀಂಕ್ಲೀಂಕಾರಿ! ನಮಸ್ತುಭ್ಯಂ ಸಾಮಗಾಯನಿ! ತೇ ನಮಃ .. 64..

ಓಂ ಐಂರೂಪೇ! ನಮಸ್ತುಭ್ಯಂ ಬೀಜರೂಪಂ! ನಮೋಽಸ್ತು ತೇ .

ನೃಪವಶ್ಯೇ! ನಮಸ್ತುಭ್ಯಂ ಶಸ್ಯವರ್ದ್ಧಿನಿ! ತೇ ನಮಃ .. 65..

ನೃಪಸೇವ್ಯೇ! ನಮಸ್ತುಭ್ಯಂ ಧನವರ್ದ್ಧಿನಿ! ತೇ ನಮಃ .

ನೃಪಮಾನ್ಯೇ! ನಮಸ್ತುಭ್ಯಂ ಲೋಕವಶ್ಯವಿಧಾಯಿನಿ! .. 66..

ನಮಃ ಸರ್ವಾಕ್ಷರಮಯಿ! ವರ್ಣಮಾಲಿನಿ! ತೇ ನಮಃ .

83
ಶ್ರೀಬ್ರಹ್ಮಾಣಿ! ನಮಸ್ತುಭ್ಯಂ ಚತುರಾಶ್ರಮವಾಸಿನಿ! .. 67..

ಶಾಸ್ತ್ರಮಯಿ! ನಮಸ್ತುಭ್ಯಂ ವರಶಸ್ತ್ರಾಸ್ತ್ರಧಾರಿಣಿ! .

ತುಷ್ಟಿದೇ! ಚ ನಮಸ್ತುಭ್ಯಂ ಪಾಪನಾಶಿನಿ! ತೇ ನಮಃ .. 68..

ಪುಷ್ಟಿದೇ! ಚ ನಮಸ್ತುಭ್ಯಮಾರ್ತಿನಾಶಿನಿ! ತೇ ನಮಃ .

ಧರ್ಮದೇ! ಚ ನಮಸ್ತುಭ್ಯಂ ಗಾಯತ್ರೀಮಯಿ! ತೇ ನಮಃ .. 69..

ಕವಿಪ್ರಿಯೇ! ನಮಸ್ತುಭ್ಯಂ ಚತುರ್ವರ್ಗಫಲಪ್ರದೇ! .

ಜಗಜ್ಜೀವೇ! ನಮಸ್ತುಭ್ಯಂ ತ್ರಿವರ್ಗಫಲದಾಯಿನಿ! .. 70..

ಜಗದ್ಬೀಜೇ! ನಮಸ್ತುಭ್ಯಮಷ್ಟಸಿದ್ಧಿಪ್ರದೇ! ನಮಃ .

ಮಾತಂಗಿನಿ! ನಮಸ್ತುಭ್ಯಂ ನಮೋ ವೇದಾಂಗಧಾರಿಣಿ! .. 71..

ಹಂಸಗತೇ! ನಮಸ್ತುಭ್ಯಂ ಪರಮಾರ್ಥಪ್ರಬೋಧಿನಿ!

ಚತುರ್ಬಾಹು! ನಮಸ್ತುಭ್ಯಂ ಶೈಲವಾಸಿನಿ! ತೇ ನಮಃ .. 72..

ಚತುರ್ಮುಖಿ! ನಮಸ್ತುಭ್ಯಂ ದ್ಯುತಿವರ್ದ್ಧಿನಿ! ತೇ ನಮಃ .

ಚತುಃಸಮುದ್ರಶಯಿನಿ! ತುಭ್ಯಂ ದೇವಿ! ನಮೋ ನಮಃ .. 73..

ಕವಿಶಕ್ತೇ! ನಮಸ್ತುಭ್ಯಂ ಕಲಿನಾಶಿನಿ! ತೇ ನಮಃ .

ಕವಿತ್ವದೇ! ನಮಸ್ತುಭ್ಯಂ ಮತ್ತಮಾತಂಗಗಾಮಿನಿ! .. 74..

.. ಇತಿ ದೇವೀಸ್ತೋತ್ರಂ ಸಮಾಪ್ತಂ ..

84
 ಶ್ರೀಸರಸ್ವತೀಸ್ತೋತ್ರಂ ಅಗಸ್ತ್ಯಮುನಿಪ್ರೋಕ್ತಂ

ಶ್ರೀಗಣೇಶಾಯ ನಮಃ .
ಯಾ ಕುಂದೇಂದು ತುಷಾರಹಾರಧವಲಾ ಯಾ ಶುಭ್ರವಸ್ತ್ರಾವೃತಾ
ಯಾ ವೀಣಾವರದಂಡಮಂಡಿತಕರಾ ಯಾ ಶ್ವೇತಪದ್ಮಾಸನಾ .
ಯಾ ಬ್ರಹ್ಮಾಚ್ಯುತಶಂಕರಪ್ರಭೃತಿಭಿರ್ದೇವೈಸ್ಸದಾ ಪೂಜಿತಾ
ಸಾ ಮಾಂ ಪಾತು ಸರಸ್ವತೀ ಭಗವತೀ ನಿಶ್ಶೇಷಜಾಡ್ಯಾಪಹಾ .. 1..

ದೋರ್ಭಿರ್ಯುಕ್ತಾ ಚತುರ್ಭಿಂ ಸ್ಫಟಿಕಮಣಿನಿಭೈ ರಕ್ಷಮಾಲಾಂದಧಾನಾ

ಹಸ್ತೇನೈಕೇನ ಪದ್ಮಂ ಸಿತಮಪಿಚ ಶುಕಂ ಪುಸ್ತಕಂ ಚಾಪರೇಣ .
ಭಾಸಾ ಕುಂದೇಂದುಶಂಖಸ್ಫಟಿಕಮಣಿನಿಭಾ ಭಾಸಮಾನಾಽಸಮಾನಾ
ಸಾ ಮೇ ವಾಗ್ದೇವತೇಯಂ ನಿವಸತು ವದನೇ ಸರ್ವದಾ ಸುಪ್ರಸನ್ನಾ .. 2..

ಸುರಾಸುರಾಸೇವಿತಪಾದಪಂಕಜಾ ಕರೇ ವಿರಾಜತ್ಕಮನೀಯಪುಸ್ತಕಾ .

ವಿರಿಂಚಿಪತ್ನೀ ಕಮಲಾಸನಸ್ಥಿತಾ ಸರಸ್ವತೀ ನೃತ್ಯತು ವಾಚಿ ಮೇ ಸದಾ ..

ಸರಸ್ವತೀ ಸರಸಿಜಕೇಸರಪ್ರಭಾ ತಪಸ್ವಿನೀ ಸಿತಕಮಲಾಸನಪ್ರಿಯಾ .

ಘನಸ್ತನೀ ಕಮಲವಿಲೋಲಲೋಚನಾ ಮನಸ್ವಿನೀ ಭವತು ವರಪ್ರಸಾದಿನೀ

ಸರಸ್ವತಿ ನಮಸ್ತುಭ್ಯಂ ವರದೇ ಕಾಮರೂಪಿಣಿ .

ವಿದ್ಯಾರಂಭಂ ಕರಿಷ್ಯಾಮಿ ಸಿದ್ಧಿರ್ಭವತು ಮೇ ಸದಾ .. 5..
85
ಸರಸ್ವತಿ ನಮಸ್ತುಭ್ಯಂ ಸರ್ವದೇವಿ ನಮೋ ನಮಃ .
ಶಾಂತರೂಪೇ ಶಶಿಧರೇ ಸರ್ವಯೋಗೇ ನಮೋ ನಮಃ .. 6..

ನಿತ್ಯಾನಂದೇ ನಿರಾಧಾರೇ ನಿಷ್ಕಲಾಯೈ ನಮೋ ನಮಃ .

ವಿದ್ಯಾಧರೇ ವಿಶಾಲಾಕ್ಷಿ ಶುದ್ಧಜ್ಞಾನೇ ನಮೋ ನಮಃ .. 7..

ಶುದ್ಧಸ್ಫಟಿಕರೂಪಾಯೈ ಸೂಕ್ಷ್ಮರೂಪೇ ನಮೋ ನಮಃ .

ಶಬ್ದಬ್ರಹ್ಮಿ ಚತುರ್ಹಸ್ತೇ ಸರ್ವಸಿದ್ಧ್ಯೈ ನಮೋ ನಮಃ .. 8..

ಮುಕ್ತಾಲಂಕೃತ ಸರ್ವಾಂಗ್ಯೈ ಮೂಲಾಧಾರೇ ನಮೋ ನಮಃ .

ಮೂಲಮಂತ್ರಸ್ವರೂಪಾಯೈ ಮೂಲಶಕ್ತ್ಯೈ ನಮೋ ನಮಃ .. 9..

ಮನೋ ಮಣಿಮಹಾಯೋಗೇ ವಾಗೀಶ್ವರಿ ನಮೋ ನಮಃ .

ವಾಗ್ಭ್ಯೈ ವರದಹಸ್ತಾಯೈ ವರದಾಯೈ ನಮೋ ನಮಃ .. 10..

ವೇದಾಯೈ ವೇದರೂಪಾಯೈ ವೇದಾಂತಾಯೈ ನಮೋ ನಮಃ .

ಗುಣದೋಷವಿವರ್ಜಿನ್ಯೈ ಗುಣದೀಪ್ತ್ಯೈ ನಮೋ ನಮಃ .. 11..

ಸರ್ವಜ್ಞಾನೇ ಸದಾನಂದೇ ಸರ್ವರೂಪೇ ನಮೋ ನಮಃ .

ಸಂಪನ್ನಾಯೈ ಕುಮಾರ್ಯೈ ಚ ಸರ್ವಜ್ಞ ತೇ ನಮೋ ನಮಃ .. 12..

ಯೋಗಾನಾರ್ಯ ಉಮಾದೇವ್ಯೈ ಯೋಗಾನಂದೇ ನಮೋ ನಮಃ .

ದಿವ್ಯಜ್ಞಾನ ತ್ರಿನೇತ್ರಾಯೈ ದಿವ್ಯಮೂರ್ತ್ಯೈ ನಮೋ ನಮಃ .. 13..

86
ಅರ್ಧಚಂದ್ರಜಟಾಧಾರಿ ಚಂದ್ರಬಿಂಬೇ ನಮೋ ನಮಃ .
ಚಂದ್ರಾದಿತ್ಯಜಟಾಧಾರಿ ಚಂದ್ರಬಿಂಬೇ ನಮೋ ನಮಃ .. 14..

ಅಣುರೂಪೇ ಮಹಾರೂಪೇ ವಿಶ್ವರೂಪೇ ನಮೋ ನಮಃ .

ಅಣಿಮಾದ್ಯಷ್ಟಸಿದ್ಧಾಯೈ ಆನಂದಾಯೈ ನಮೋ ನಮಃ .. 15..

ಜ್ಞಾನ ವಿಜ್ಞಾನ ರೂಪಾಯೈ ಜ್ಞಾನಮೂರ್ತೇ ನಮೋ ನಮಃ .

ನಾನಾಶಾಸ್ತ್ರ ಸ್ವರೂಪಾಯೈ ನಾನಾರೂಪೇ ನಮೋ ನಮಃ .. 16..

ಪದ್ಮದಾ ಪದ್ಮವಂಶಾ ಚ ಪದ್ಮರೂಪೇ ನಮೋ ನಮಃ .

ಪರಮೇಷ್ಠ್ಯೈ ಪರಾಮೂರ್ತ್ಯೈ ನಮಸ್ತೇ ಪಾಪನಾಶಿನೀ .. 17..

ಮಹಾದೇವ್ಯೈ ಮಹಾಕಾಲ್ಯೈ ಮಹಾಲಕ್ಷ್ಮ್ಯೈ ನಮೋ ನಮಃ .

ಬ್ರಹ್ಮವಿಷ್ಣುಶಿವಾಯೈ ಚ ಬ್ರಹ್ಮನಾರ್ಯೈ ನಮೋ ನಮಃ .. 18..

ಕಮಲಾಕರಪುಷ್ಪಾ ಚ ಕಾಮರೂಪೇ ನಮೋ ನಮಃ .

ಕಪಾಲಿ ಕರ್ಮದೀಪ್ತಾಯೈ ಕರ್ಮದಾಯೈ ನಮೋ ನಮಃ .. 19..

ಸಾಯಂ ಪ್ರಾತಃ ಪಠೇನ್ನಿತ್ಯಂ ಷಾಣ್ಮಾಸಾತ್ಸಿದ್ಧಿರುಚ್ಯತೇ .

ಚೋರವ್ಯಾಘ್ರಭಯಂ ನಾಸ್ತಿ ಪಠತಾಂ ಶೃಣ್ವತಾಮಪಿ .. 20..

ಇತ್ಥಂ ಸರಸ್ವತೀಸ್ತೋತ್ರಮಗಸ್ತ್ಯಮುನಿವಾಚಕಂ .
ಸರ್ವಸಿದ್ಧಿಕರಂ ನೄಣಾಂ ಸರ್ವಪಾಪಪ್ರಣಾಶನಂ .. 21..

87
.. ಇತ್ಯಗಸ್ತಮುನಿ ಪ್ರೋಕ್ತಂ ಸರಸ್ವತೀಸ್ತೋತ್ರಂ ಸಂಪೂರ್ಣಂ ..

ಶ್ರೀಸರಸ್ವತ್ಯಷ್ಟಕಂ

ಅಮಲಾ ವಿಶ್ವವಂದ್ಯಾ ಸಾ ಕಮಲಾಕರಮಾಲಿನೀ .

ವಿಮಲಾಭ್ರನಿಭಾ ವೋಽವ್ಯಾತ್ಕಮಲಾ ಯಾ ಸರಸ್ವತೀ .. 1..

ವಾರ್ಣಸಂಸ್ಥಾಂಗರೂಪಾ ಯಾ ಸ್ವರ್ಣರತ್ನವಿಭೂಷಿತಾ .
ನಿರ್ಣಯಾ ಭಾರತಿ ಶ್ವೇತವರ್ಣಾ ವೋಽವ್ಯಾತ್ಸರಸ್ವತೀ .. 2..

ವರದಾಭಯರುದ್ರಾಕ್ಷವರಪುಸ್ತಕಧಾರಿಣೀ .
ಸರಸಾ ಸಾ ಸರೋಜಸ್ಥಾ ಸಾರಾ ವೋಽವ್ಯಾತ್ಸರಾಸ್ವತೀ .. 3..

ಸುಂದರೀ ಸುಮುಖೀ ಪದ್ಮಮಂದಿರಾ ಮಧುರಾ ಚ ಸಾ .

ಕುಂದಭಾಸಾ ಸದಾ ವೋಽವ್ಯಾದ್ವಂದಿತಾ ಯಾ ಸರಸ್ವತೀ .. 4..

ರುದ್ರಾಕ್ಷಲಿಪಿತಾ ಕುಂಭಮುದ್ರಾಧೃತಕರಾಂಬುಜಾ .
ಭದ್ರಾರ್ಥದಾಯಿನೀ ಸಾವ್ಯಾದ್ಭದ್ರಾಬ್ಜಾಕ್ಷೀ ಸರಸ್ವತೀ .. 5..

ರಕ್ತಕೌಶೇಯರತ್ನಾಢ್ಯಾ ವ್ಯಕ್ತಭಾಷಣಭೂಷಣಾ .
ಭಕ್ತಹೃತ್ಪದ್ಮಸಂಸ್ಥಾ ಸಾ ಶಕ್ತಾ ವೋಽವ್ಯಾತ್ಸರಸ್ವತೀ .. 6..

ಚತುರ್ಮುಖಸ್ಯ ಜಾಯಾ ಯಾ ಚತುರ್ವೇದಸ್ವರೂಪಿಣೀ .

ಚತುರ್ಭುಜಾ ಚ ಸಾ ವೋಽವ್ಯಾಚ್ಚತುರ್ವರ್ಗಾ ಸರಸ್ವತೀ .. 7..

88
ಸರ್ವಲೋಕಪ್ರಪೂಜ್ಯಾ ಯಾ ಪರ್ವಚಂದ್ರನಿಭಾನನಾ .
ಸರ್ವಜಿಹ್ವಾಗ್ರಸಂಸ್ಥಾ ಸಾ ಸದಾ ವೋಽವ್ಯಾತ್ಸರಸ್ವತೀ .. 8..

ಸರಸ್ವತ್ಯಷ್ಟಕಂ ನಿತ್ಯಂ ಸಕೃತ್ಪ್ರಾತರ್ಜಪೇನ್ನರಃ.

ಅಜ್ಞೈರ್ವಿಮುಚ್ಯತೇ ಸೋಽಯಂ ಪ್ರಾಜ್ಞೈರಿಷ್ಟಶ್ಚ ಲಭ್ಯತೇ .. 9..

ಇತಿ ಶ್ರೀಸರಸ್ವತ್ಯಷ್ಟಕಂ ಸಮಾಪ್ತಂ .

ಶ್ರೀಸರಸ್ವತ್ಯಷ್ಟೋತ್ತರಶತನಾಮಸ್ತೋತ್ರಂ

ಸರಸ್ವತೀ ಮಹಾಭದ್ರಾ ಮಹಾಮಾಯಾ ವರಪ್ರದಾ .

ಶ್ರೀಪ್ರದಾ ಪದ್ಮನಿಲಯಾ ಪದ್ಮಾಕ್ಷೀ ಪದ್ಮವಕ್ತ್ರಕಾ .. 1..

ಶಿವಾನುಜಾ ಪುಸ್ತಕಭೃತ್ ಜ್ಞಾನಮುದ್ರಾ ರಮಾ ಪರಾ .

ಕಾಮರೂಪಾ ಮಹಾವಿದ್ಯಾ ಮಹಾಪಾತಕನಾಶಿನೀ .. 2..

ಮಹಾಶ್ರಯಾ ಮಾಲಿನೀ ಚ ಮಹಾಭೋಗಾ ಮಹಾಭುಜಾ .

ಮಹಾಭಾಗಾ ಮಹೋತ್ಸಾಹಾ ದಿವ್ಯಾಂಗಾ ಸುರವಂದಿತಾ .. 3..

ಮಹಾಕಾಲೀ ಮಹಾಪಾಶಾ ಮಹಾಕಾರಾ ಮಹಾಂಕುಶಾ .

ಪೀತಾ ಚ ವಿಮಲಾ ವಿಶ್ವಾ ವಿದ್ಯುನ್ಮಾಲಾ ಚ ವೈಷ್ಣವೀ .. 4..

ಚಂದ್ರಿಕಾ ಚಂದ್ರವದನಾ ಚಂದ್ರಲೇಖಾವಿಭೂಷಿತಾ .

89
ಸಾವಿತ್ರೀ ಸುರಸಾ ದೇವೀ ದಿವ್ಯಾಲಂಕಾರಭೂಷಿತಾ .. 5..

ವಾಗ್ದೇವೀ ವಸುಧಾ ತೀವ್ರಾ ಮಹಾಭದ್ರಾ ಮಹಾಬಲಾ .

ಭೋಗದಾ ಭಾರತೀ ಭಾಮಾ ಗೋವಿಂದಾ ಗೋಮತೀ ಶಿವಾ .. 6..

ಜಟಿಲಾ ವಿಂಧ್ಯವಾಸಾ ಚ ವಿಂಧ್ಯಾಚಲವಿರಾಜಿತಾ .

ಚಂಡಿಕಾ ವೈಷ್ಣವೀ ಬ್ರಾಹ್ಮೀ ಬ್ರಹ್ಮಜ್ಞಾನೈಕಸಾಧನಾ .. 7..

ಸೌದಾಮಿನೀ ಸುಧಾಮೂರ್ತಿಸ್ಸುಭದ್ರಾ ಸುರಪೂಜಿತಾ .

ಸುವಾಸಿನೀ ಸುನಾಸಾ ಚ ವಿನಿದ್ರಾ ಪದ್ಮಲೋಚನಾ .. 8..

ವಿದ್ಯಾರೂಪಾ ವಿಶಾಲಾಕ್ಷೀ ಬ್ರಹ್ಮಜಾಯಾ ಮಹಾಫಲಾ .

ತ್ರಯೀಮೂರ್ತಿಃ ತ್ರಿಕಾಲಜ್ಞಾ ತ್ರಿಗುಣಾ ಶಾಸ್ತ್ರರೂಪಿಣೀ .. 9..

ಶುಂಭಾಸುರಪ್ರಮಥಿನೀ ಶುಭದಾ ಚ ಸ್ವರಾತ್ಮಿಕಾ .

ರಕ್ತಬೀಜನಿಹಂತ್ರೀ ಚ ಚಾಮುಂಡಾ ಚಾಂಬಿಕಾ ತಥಾ .. 10..

ಮುಂಡಕಾಯಪ್ರಹರಣಾ ಧೂಮ್ರಲೋಚನಮರ್ದನಾ .
ಸರ್ವದೇವಸ್ತುತಾ ಸೌಮ್ಯಾ ಸುರಾಸುರನಮಸ್ಕೃತಾ .. 11..

ಕಾಲರಾತ್ರೀ ಕಲಾಧಾರಾ ರೂಪಸೌಭಾಗ್ಯದಾಯಿನೀ .

ವಾಗ್ದೇವೀ ಚ ವರಾರೋಹಾ ವಾರಾಹೀ ವಾರಿಜಾಸನಾ .. 12..

ಚಿತ್ರಾಂಬರಾ ಚಿತ್ರಗಂಧಾ ಚಿತ್ರಮಾಲ್ಯವಿಭೂಷಿತಾ .

90
ಕಾಂತಾ ಕಾಮಪ್ರದಾ ವಂದ್ಯಾ ವಿದ್ಯಾಧರಸುಪೂಜಿತಾ .. 13.. ವಿದ್ಯಾಧರೀ
ಸುಪೂಜಿತಾ

ಶ್ವೇತಾನನಾ ನೀಲಭುಜಾ ಚತುರ್ವರ್ಗಫಲಪ್ರದಾ .

ಚತುರಾನನಸಾಮ್ರಾಜ್ಯಾ ರಕ್ತಮದ್ಯಾ ನಿರಂಜನಾ .. 14..

ಹಂಸಾಸನಾ ನೀಲಜಂಘಾ ಬ್ರಹ್ಮವಿಷ್ಣುಶಿವಾತ್ಮಿಕಾ .

ಏವಂ ಸರಸ್ವತೀದೇವ್ಯಾ ನಾಮ್ನಾಮಷ್ಟೋತ್ತರಂ ಶತಂ .. 15..

ಇತಿ ಶ್ರೀ ಸರಸ್ವತ್ಯಷ್ಟೋತ್ತರಶತನಾಮಸ್ತೋತ್ರಂ ಸಂಪೂರ್ಣಂ ..

ಶ್ರೀಸರಸ್ವತೀ ಅಷ್ಟೋತ್ತರನಾಮಾವಲೀ

ಓಂ ಸರಸ್ವತ್ಯೈ ನಮಃ .
ಓಂ ಮಹಾಭದ್ರಾಯೈ ನಮಃ .
ಓಂ ಮಹಾಮಾಯಾಯೈ ನಮಃ .
ಓಂ ವರಪ್ರದಾಯೈ ನಮಃ .
ಓಂ ಶ್ರೀಪ್ರದಾಯೈ ನಮಃ .
ಓಂ ಪದ್ಮನಿಲಯಾಯೈ ನಮಃ .
ಓಂ ಪದ್ಮಾಕ್ಷ್ಯೈ ನಮಃ .
ಓಂ ಪದ್ಮವಕ್ತ್ರಾಯೈ ನಮಃ .
ಓಂ ಶಿವಾನುಜಾಯೈ ನಮಃ .
ಓಂ ಪುಸ್ತಕಭೃತೇ ನಮಃ . 10

91
ಓಂ ಜ್ಞಾನಮುದ್ರಾಯೈ ನಮಃ .
ಓಂ ರಮಾಯೈ ನಮಃ .
ಓಂ ಪರಾಯೈ ನಮಃ .
ಓಂ ಕಾಮರೂಪಾಯೈ ನಮಃ .
ಓಂ ಮಹಾವಿದ್ಯಾಯೈ ನಮಃ .
ಓಂ ಮಹಾಪಾತಕ ನಾಶಿನ್ಯೈ ನಮಃ .
ಓಂ ಮಹಾಶ್ರಯಾಯೈ ನಮಃ .
ಓಂ ಮಾಲಿನ್ಯೈ ನಮಃ .
ಓಂ ಮಹಾಭೋಗಾಯೈ ನಮಃ .
ಓಂ ಮಹಾಭುಜಾಯೈ ನಮಃ . 20
ಓಂ ಮಹಾಭಾಗಾಯೈ ನಮಃ .
ಓಂ ಮಹೋತ್ಸಾಹಾಯೈ ನಮಃ .
ಓಂ ದಿವ್ಯಾಂಗಾಯೈ ನಮಃ .
ಓಂ ಸುರವಂದಿತಾಯೈ ನಮಃ .
ಓಂ ಮಹಾಕಾಲ್ಯೈ ನಮಃ .
ಓಂ ಮಹಾಪಾಶಾಯೈ ನಮಃ .
ಓಂ ಮಹಾಕಾರಾಯೈ ನಮಃ .
ಓಂ ಮಹಾಂಕುಶಾಯೈ ನಮಃ .
ಓಂ ಪೀತಾಯೈ ನಮಃ .
ಓಂ ವಿಮಲಾಯೈ ನಮಃ . 30
ಓಂ ವಿಶ್ವಾಯೈ ನಮಃ .

92
ಓಂ ವಿದ್ಯುನ್ಮಾಲಾಯೈ ನಮಃ .
ಓಂ ವೈಷ್ಣವ್ಯೈ ನಮಃ .
ಓಂ ಚಂದ್ರಿಕಾಯೈ ನಮಃ .
ಓಂ ಚಂದ್ರವದನಾಯೈ ನಮಃ .
ಓಂ ಚಂದ್ರಲೇಖಾವಿಭೂಷಿತಾಯೈ ನಮಃ .
ಓಂ ಸಾವಿತ್ರ್ಯೈ ನಮಃ .
ಓಂ ಸುರಸಾಯೈ ನಮಃ .
ಓಂ ದೇವ್ಯೈ ನಮಃ .
ಓಂ ದಿವ್ಯಾಲಂಕಾರಭೂಷಿತಾಯೈ ನಮಃ . 40
ಓಂ ವಾಗ್ದೇವ್ಯೈ ನಮಃ .
ಓಂ ವಸುಧಾಯೈ ನಮಃ .
ಓಂ ತೀವ್ರಾಯೈ ನಮಃ .
ಓಂ ಮಹಾಭದ್ರಾಯೈ ನಮಃ .
ಓಂ ಮಹಾಬಲಾಯೈ ನಮಃ .
ಓಂ ಭೋಗದಾಯೈ ನಮಃ .
ಓಂ ಭಾರತ್ಯೈ ನಮಃ .
ಓಂ ಭಾಮಾಯೈ ನಮಃ .
ಓಂ ಗೋವಿಂದಾಯೈ ನಮಃ .
ಓಂ ಗೋಮತ್ಯೈ ನಮಃ . 50
ಓಂ ಶಿವಾಯೈ ನಮಃ .
ಓಂ ಜಟಿಲಾಯೈ ನಮಃ .

93
ಓಂ ವಿಂಧ್ಯಾವಾಸಾಯೈ ನಮಃ .
ಓಂ ವಿಂಧ್ಯಾಚಲವಿರಾಜಿತಾಯೈ ನಮಃ .
ಓಂ ಚಂಡಿಕಾಯೈ ನಮಃ .
ಓಂ ವೈಷ್ಣವ್ಯೈ ನಮಃ .
ಓಂ ಬ್ರಾಹ್ಮಯೈ ನಮಃ .
ಓಂ ಬ್ರಹ್ಮಜ್ಞಾನೈಕಸಾಧನಾಯೈ ನಮಃ .
ಓಂ ಸೌದಾಮಿನ್ಯೈ ನಮಃ .
ಓಂ ಸುಧಾಮೂರ್ತ್ಯೈ ನಮಃ . 60
ಓಂ ಸುಭದ್ರಾಯೈ ನಮಃ .
ಓಂ ಸುರಪೂಜಿತಾಯೈ ನಮಃ .
ಓಂ ಸುವಾಸಿನ್ಯೈ ನಮಃ .
ಓಂ ಸುನಾಸಾಯೈ ನಮಃ .
ಓಂ ವಿನಿದ್ರಾಯೈ ನಮಃ .
ಓಂ ಪದ್ಮಲೋಚನಾಯೈ ನಮಃ .
ಓಂ ವಿದ್ಯಾರೂಪಾಯೈ ನಮಃ .
ಓಂ ವಿಶಾಲಾಕ್ಷ್ಯೈ ನಮಃ .
ಓಂ ಬ್ರಹ್ಮಜಾಯಾಯೈ ನಮಃ .
ಓಂ ಮಹಾಫಲಾಯೈ ನಮಃ . 70
ಓಂ ತ್ರಯೀಮೂರ್ತ್ಯೈ ನಮಃ .
ಓಂ ತ್ರಿಕಾಲಜ್ಞಾಯೈ ನಮಃ .
ಓಂ ತ್ರಿಗುಣಾಯೈ ನಮಃ .

94
ಓಂ ಶಾಸ್ತ್ರರೂಪಿಣ್ಯೈ ನಮಃ .
ಓಂ ಶುಂಭಾಸುರಪ್ರಮಥಿನ್ಯೈ ನಮಃ .
ಓಂ ಶುಭದಾಯೈ ನಮಃ .
ಓಂ ಸ್ವರಾತ್ಮಿಕಾಯೈ ನಮಃ .
ಓಂ ರಕ್ತಬೀಜನಿಹಂತ್ರ್ಯೈ ನಮಃ .
ಓಂ ಚಾಮುಂಡಾಯೈ ನಮಃ .
ಓಂ ಅಂಬಿಕಾಯೈ ನಮಃ . 80
ಓಂ ಮುಂಡಕಾಯಪ್ರಹರಣಾಯೈ ನಮಃ .
ಓಂ ಧೂಮ್ರಲೋಚನಮರ್ದನಾಯೈ ನಮಃ .
ಓಂ ಸರ್ವದೇವಸ್ತುತಾಯೈ ನಮಃ .
ಓಂ ಸೌಮ್ಯಾಯೈ ನಮಃ .
ಓಂ ಸುರಾಸುರ ನಮಸ್ಕೃತಾಯೈ ನಮಃ .
ಓಂ ಕಾಲರಾತ್ರ್ಯೈ ನಮಃ .
ಓಂ ಕಲಾಧಾರಾಯೈ ನಮಃ .
ಓಂ ರೂಪಸೌಭಾಗ್ಯದಾಯಿನ್ಯೈ ನಮಃ .
ಓಂ ವಾಗ್ದೇವ್ಯೈ ನಮಃ .
ಓಂ ವರಾರೋಹಾಯೈ ನಮಃ . 90
ಓಂ ವಾರಾಹ್ಯೈ ನಮಃ .
ಓಂ ವಾರಿಜಾಸನಾಯೈ ನಮಃ .
ಓಂ ಚಿತ್ರಾಂಬರಾಯೈ ನಮಃ .
ಓಂ ಚಿತ್ರಗಂಧಾಯೈ ನಮಃ .

95
ಓಂ ಚಿತ್ರಮಾಲ್ಯವಿಭೂಷಿತಾಯೈ ನಮಃ .
ಓಂ ಕಾಂತಾಯೈ ನಮಃ .
ಓಂ ಕಾಮಪ್ರದಾಯೈ ನಮಃ .
ಓಂ ವಂದ್ಯಾಯೈ ನಮಃ .
ಓಂ ವಿದ್ಯಾಧರಸುಪೂಜಿತಾಯೈ ನಮಃ .
ಓಂ ಶ್ವೇತಾನನಾಯೈ ನಮಃ . 100
ಓಂ ನೀಲಭುಜಾಯೈ ನಮಃ .
ಓಂ ಚತುರ್ವರ್ಗಫಲಪ್ರದಾಯೈ ನಮಃ .
ಓಂ ಚತುರಾನನ ಸಾಮ್ರಾಜ್ಯಾಯೈ ನಮಃ .
ಓಂ ರಕ್ತಮಧ್ಯಾಯೈ ನಮಃ .
ಓಂ ನಿರಂಜನಾಯೈ ನಮಃ .
ಓಂ ಹಂಸಾಸನಾಯೈ ನಮಃ .
ಓಂ ನೀಲಜಂಘಾಯೈ ನಮಃ .
ಓಂ ಬ್ರಹ್ಮವಿಷ್ಣುಶಿವಾನ್ಮಿಕಾಯೈ ನಮಃ . 108

.. ಇತಿ ಶ್ರೀಸರಸ್ವತ್ಯಷ್ಟೋತ್ತರಶತನಾಮಾವಲಿಃ ಸಮಾಪ್ತಾ ..

ಕೊಡು ಬೇಗ ದಿವ್ಯಮತಿ

96
ರಾಗ: ವಸಂತ-ಆದಿತಾಳ

ಕೊಡು ಬೇಗ ದಿವ್ಯಮತಿ | ಸರಸ್ವತಿ ||ಪ|||

ಮೃಡ ಹರಿ ಹಯಮುಖರೊಡೆಯಳೆ – ನಿನ್ನಯ |

ಅಡಿಗಳಿಗೆರಗುವೆ ಅಮ್ಮ ಬ್ರಹ್ಮನ ರಾಣಿ ||ಅಪ||
ಇಂದಿರಾರಮಣನ ಹಿರಿಯ ಸೊಸೆಯು ನೀನು ||
ಬಂದೆನ್ನ ವದನದಿ ನಿಂದು ನಾಮವ ನುಡಿಸೆ ||೧||
ಅಖಿಲ ವಿದ್ಯಾಭಿಮಾನಿ- ಅಜನ ಪಟ್ಟದ ರಾಣಿ |
ಸುಖವಿತ್ತು ಪಾಲಿಸೆ ಸುಜನ ಶಿರೋಮಣಿ ||೨||
ಪತಿತ ಪಾವನೆ ನೀ | ಗತಿಯೆಂದು ನಂಬಿದೆ |
ಸತತ ಪುರಂದರ ವಿಠಲನ ತೋರೆ ||೩||

97