Marku

Yesua aliju zol abushalal

2 Ayaam suwiya baad de, fi zaman Yesua dakalu fi Kaparnauma le tani mara, nas asuma
gali uwo kalas ja le beet. Fa nas kutaar limu lakadi kan mafii mahal fadulu, sala bara fi
baab, wa uwo bashiru kelima le umon. 3 Nas tanin ja, gi jibu le uwo zol abushalal, arfau
ma arba min umon. 4 Ze ma umon kan ma akider wodi uwo le Yesua ashan kalam ta
mojmu de, umon fata mahal fi ras juwa fok ta ras taYesua, baad ma umon afura ufuru,
umon nenzilu biris al zol abushalal de gi argut fogo de. 5 Zaman Yesua ayinu iman
tatomon, uwo kelim le zol abushalal de, “Jena, afi le ita katatiyaat tataki.”
6 Fi wokit de kan fi muderisiin ta gonun gaidiin hinak, gi fekiru fi gulub tatomon, malu
zol de gi wonusu ze dak? Uwo gi gedifu Alla! Fi munu bi akider afi katiyaat ta nas geyiir
Alla barau? 8 Yesua tawali arufu fi nefsa tatou gali de haja al umon genin fekir fi gulub
tatomon, wa uwo kelim le umon, malu itakun gi fekiri ze de? 9Yatu yau sahil ashan bi
kelimu le zol abushalal de, katiyaat tataki afi, wole, “gum fog, silu biris tataki wa amshi?
10 Lakin ashan itakun bi arufu gali gena ta insan indu sulta ta afi katiyaat fi ard… uwo
kelim le zol abushalal de, “Ana kelim le ita, gum fog, shilu biris tataki wa amshi beet.”
12 Uwo gum fog, shilu biris tatou wa bada ruwa le beet, ligo umon kulu gi ayinu. De
kutu kulu zol istagarab wa umon mejidu Alla, gi kelim, Aanna ma ayinu ayi haja ze de
abedeen!

Nadi ta Levi

13 Yesua ruwa jambu buheira tani mara. Mojmu kebir ja le uwo, wa uwo bada derisu
umon . 14 Ze ma uwo gi mashifi sika tatou, uwo ayinu Levi jena ta Alpheyos gi geni fi
rokuba ta legetulegetu darayib. “Taal wara tatai, Yesua kelim le uwo, wa Levi gum fog
wa ruwa wara tatou.
15 Zaman Yesau kan gi akulu gadaa fi beet ta Levi, nas al gi legetulegetu daraib kutaar
wa “katiyiin” kan geni akulu ma uwo wa talamis bitou, liannu kan fi nas kutaar al gi ruwa
wara tatou. 16 Zamaan muderisiin ta gonun abu Pharasiis ayinu uwo gi akulu ma
“katiyiin” del wa ma nas al gi legetulegetu daraib del, umon asalu talamis tatou: “Mala
uwo gi akulu ma nas al gi legetulegetu daraib wa ‘katiyiin’?”
17 Fi wokit uwo asuma kalam de, Yesua kelim le umon, “Maa nas al kewsiin yau deriin
dictor, lakin nas al ayaniin. Ana ma ja ashan nadi nas al kwesiin, lakin al katiyiin.”

Asalu Yesua an siyaam

18 Talamis ta Jon wa pharasiis kan gi sayimsayim. Nas tanin ja wa asalu Yesua, “Kalam
de kef, talamis ta Jon wa talamis ta pharasiis gi sayimsayim, lakin taki ma gi sayim?”
19 Yesua juwabu, “Difanaat ta aris bi sayim kef kan aris gaid ma umon? Umon ma bi
akider sayim, kan lisa uwo gaid ma umon. 20 Lakin fi zaman bi ja al bi shilu aris de min
umon, fi yom dak umon bi ja sayim.”
21 ”Mafi zol bi keetu gita ta gumas jedid fi gumas gediim. Kan zol amulu ze de, gumas
jedid de bijuru nefsa tou bara min gumas al gediim de, gi kutu mahal al kan sheretu de
tala azraak. 22 Wa mafi zol bi kubu merisa jedid fi hafazaat ta merisa al gediim. Kan zol
amulu ze de, merisa de bi fagga hafazaat del, wa merisa de wa hafazaat del bi karabuu.
La, uwo bi kubu merisa jedid fi hafazaat ta merisa abu jedid.”

Rabuna ta Sabata

23 Fi yom Sabata tani Yesua kan mashi fi wosut ta mahalzarah ta ena degig, wa talamis
tatou kan jaiin wara tatou, umon bada jurujuru enaat ta degig tanin. 24 Nas pharasi kelim
le umon, “Suf, malu umon gi amulu haja al mamnu fi Sabata?”
25 Uwo juwabu, “Hal intakun ma agara abedeen haja al Devid amulu zaman uwo kan ma
nas al kan gi ruwu ma uwo al kan jiyaniin wa kan muktajiinde? 26 Fi ayam ta Abiata
kahin al alii, uwo dakalu fi juwa ta Alla wa akulu es al mubarak, al kan ile kahana bes
yau ma manau ashan bi akulu. Wa uwo kaman wodi tanin le nas al kan gi shariku uwo
de.” 27 Baad de uwo kelim le umon, “Sabata salawu le insan, ma salawu insan le Sabata.
28 Fa jena insan uwo zadu Rabuna ta Sabata.”