Professional Documents
Culture Documents
19 Feb
19 Feb
19 Feb
( A w e e k l y p u b l i c a t i o n o f Yo u n g Pa i t e A s s o c i a t i o n , B u n g m u a l )
THUTUAMTUAM
EBC BIAKINN TENG AH THUMNA AKIZOM IN OMDING Prayer Chain kichi EBC Saptuam chih in mahni Biakinn chiat a hun piak a aom dungzui ua neih chiat ding chih ahih toh kiton in I khosung a EBC Saptuam omteng in mahni Biakinn chiat ah thumna neih in om hi.Hiai toh kisai in EBCC Bethany in 19/2/2012 zinglam in neiding ua, EBCC Bungmual in ahihleh 19/2/2012 zankim dak12:00 apan Zinglam dak 3:00 tang uh a, EBCC Newlane in ahihleh 19/2/2012 zan dak 2 apan zinglam dak 4 tan tang uhi. SA MINSA ZUAK DING UH Hong tung ding Dt 25/2/2012 chiang in BYF Bungmual in EBCC Bungmual Biakinn ah Bawngsa minsa zuak sawm uhi.Hiai toh kisai in khosung mipi kuapeuh mah ten va leisak siausiau ding in ngetna leh theihsakna bawl uhi.Sa pen nitaklam dak 1:30 apat laktheih ngal ding a,a kuan masa tang masa hiding dan in leng gen uhi. TRAINING DING IN BANGALORE ZUAN UH Tv. Singkhanlun Guite s/o (L) Tualzalian Lv. Leh Tv.Douminlun s/o Nuniing Clv te BSF a Sub- Inspector training ding in tuni in Banglore lam zuan in ana kuan kheta uhi. HONG PAITA Ex-Editor Pa T.Khamzathuam hun bangtan hiam ICU a etkol ahih nung in hoihlam nawt deuh in innlum hong tung ta.Maban a hong damsiang pah nading in I thumna te uah phawk thakthak ni. DAMLOU THUMPIH DING Pa Vungthawng (51) damlou sinna leh zunkhum thuah,Pa BK.H.Khankhup Nl te inn ah etkol in om hi. Nu Niangzavung w/o T.Khupchinpau Lnv apaita dt.17/2 Sintawpni in damlouhna te ziak in Phai lam ah ki enkolsak ding a puak in ana om hi.Amaute a hong damsiang pah nading un i thumna te uah phawk chiat ni. DANSIANG THOU IN PASAL NEI Lia Ngaikhanchiin d/o T.Nengsong Nl khakna programme Dt.8/2/2012 ni a Bungpilon a khak a om ,dt. 16/2/2012 ni in Saptuam dansiangthou a kitenna programme EBCC Pearsonmun ah neih in om hi.Hiai hun in tanau laina tamtak ten uap uh. ZINKHIA UH Nu Khanchiin Slv , Nu Manteuh Nl leh Tg. Khamnou Nl te kalpaita in Tamu lam ah ana zinkhe hiau uh. GROUP KHENNA OMDING BYF Newlane in hongtung ding 23/2/2012 nitak BYF kikhopna ah Group khenna neiding uh,hiai hun ah Newlane a tuailai omkha tengteng kikhop ngeingei ding in Programme Secy in zaksakna I news tungtawn in bawl hi. GARI LEITHAK UH Ppl Chinkhanthang Clv leh Pa S.Vialzapau Clv ten kalpaita in Activa thak liklek ana leikhe tuaktuak uhi. TANU KHAKNA NEI Pa M. Chinkhansong Nl in a tanu Nianglunkim khakna jan kiginni in a tenna inn ah khakna nei a tanau laina paikhawm ten ankuang umkhawm ngal uhi,
EBCC Bungmual Biakinn ah Expository Preaching Seminar 2012 kichi 17 Feb 2012 dak 8:30 ah patkhiat in omta hi.Hiai Seminar in ahih leh 19 February tan daihding a,tua ah Pastor,Evangelists leh Church leader te saptuam tuamtuam(denomination tuamtuam) apan hong kihel ua, mi 287 lak vel in minkhumna nei uh hidan in thutut ngah in om hi. Hiai Seminar ahihleh EBCC Bungmual inteek na nuai leh Organised tu in The New Beginning Gospel Ministry International te pang uhi.Resource Person in Dr.James Egan , Senior Pastor, FBC Gainsville ,Texas te pang uhi.Hiai hun a tel khempeuh te Organiser ten neekman teng sensak vek uh hidan in tutut ngah in om hi.Zing Dak 8:00 in kipan a, nitaklam dak 7:00 in programme zouzel uhi.
KIZAKSAKNA
Prayer Chain kichi EBC Saptuam chih in neiding ua,EBCC Bethany in leng 19/2/2012 jinglam 3:00 - 6:00 am. Kikal kitang kha ahihman in, hiai hun a phatnala pina Department chih in tangkha ihihman in telchiat sawni hang. Sd/Secretary BYF Bethany. KIVEN HUAI MAHMAH # Khua keu panpan ta,kangmei apan kigen kul mahmah ta. # Kholum ding ahih toh kiton in maban a Dengue hong om nawn dia gintak ahih toh kiton in maban ah pilvang huai mahmah ding hi. # Nek leh Dawn ah pilvang ni Sungkhoh apan kivennna hoih pen ahi.
KIZAKSAKNA
YPA Bungmual Art & Culture Dept nuai a Cultural troup a sehkhak a om tengteng in tuni Dt.19/2/2012 nitaklam Dak 1:00 in Pa N.Khatgin Slv te inn ah kimuh khawm na poimoh tak omding ahih man in,hiai toh kisai in akisaikha te khempeuh telkim ngeingei ding in zaksak na hiai I news tungtawn in hon ki bawl hi. S d/Arts & Culture Detp. YPA Bungmual Unit
KIZAKSAKNA
Dated 2/2/2012 ni a EBCC Bethany Local Pastor Quarter bawlni a saptuam DVD Player Biakinn sung a kikoih ana lamang tu in hong koih kik ding in nget leh zaksak nahi. Saptuam van poimoh ana gumang tu in a paap puak di haksa law ding ahihman in Biakinn kemtu/Local Secy/ Pastor Quarter ah hong koihkik ding a zaksak na hi. Sd/Local Secy. EBCC Bethany.
2
PCI (R) BUNGMUAL
JING BIAKNA HUNJEK Hunkem : Kapminlian Sunday skul : Pastor Goukhansiam NITAK BIAKNA HUNJEEK Hunkem : Pastor Goukhansiam Biak piakna : SPYF Spl No. : Eternal Life Ministry Thugenna : Mr.G.Lalmuan Secy ELM Vualjawlna : Elder P.C.Parte BYF BUNGMUAL HUNSEH Hunkem : Pausonlian Gelhlut : Niangthianhuai Lapina : Lapite Thohlawm dong dingte : Nunthansang & Ginthiansang Lantu : Gousuanmung LST Simkhawmna :Niangbiaklun Bible Study : Upa Dr. N.Paulginthang Spl No. : Chongremmawi Kidemna : Contest Dept. Hunkhakna : Chairman BYF BYF NEWLANE Lapina Hunkem Bible sim & Thumna Lantu Thupuanna Group khenna Hunkhakna Sipawt : Vun leh chi lak koi peuh apan sipawt hiam hong san khia om leh, etsakna din, Mense tamlua,Naksipawt,Luak a si lawkhia,Ek vom, chih te om leh. Luak suak den leh lua-lua mai a om leh , Gil nat chih tak a anat leh, Khawpawkna chiang kuanglou leh nguai den a om leh, A chi hong kang /sisan chau leh khut leh khe vot keuh kouh den a om leh, Nak haksa a hon sak leh. DENGUE NATNA KILOH THEIH AHI DIAM? Dengue natna nei Mihing khat apan a na lou Mikhat ki loh theih mawk ahi kei.(etsakna: lupkhawm,Kipolh, tuidawn ,nek leh taak apan, leh kichibai chih te a ki loh theih ahi kei). Thoukang chi khat, Aedis Egypti Mosquito in mikhat Den-
HERMON TE KIPAK UH
Contractor Pu Thangdin,Pu Thianlal leh Pu Zara ten Hermon School a kaite zat theih ding zunbuk hoihtak a bawlsak ziak un School Headmaster Pu in Kipahthu i news tungtawn in gen hi.
DENGUE NATNA VEI KHA I HI HIAM CHIH BANG CHI THEIH DING? DENGUE VEI HI DIA GINTAK THEIHNA SIGNS & SYMPTOMS (PROBALE DENGUE FEVER) hiaite ahi:- i) Dengue Hii leen na mun a omkha ihih angai. ii) Khosik sang khua votsa leh liing thut thut toh kithuah a anuai a signs/symptoms 2 (nih) chiang toh kithuah te DENGUE FEVER vei kha ahi chih muan moh ahi: i)Luaksuak/ uak lawi-lawi, ii) An duhlou, iii) Chiphual san te-tu hong om, iv) Guh tuah te na/Taksa pumnat/taksa pumkhamnat, v) Torniquet test positive, vi) Sisan kang (platelet) kiam hiai-hiai. 1. DENGUE NATNA HONG LAUHHUAI THEI AHI CHIH THEIH-THEIHNA (WARNING SIGNS):- i)A tung a N0.1 ki gelh te nei kha te ban ah, ii)Gilna leh I gil (abdomen) I sawn chia na sak asa, iii) Luak chih tak a lua-lua mai, iv)Awm sung leh Gil sung a tui hong kikhol (pleural effusion& Ascites), v) Hani leh Kamsung/naksi pawt pawt, vi)Ihmut suak den/ nguai, vii) Sin lian/sin khang. Chih te hong om leh Danger signs a ngaih ahi. 2. DENGUE NATNA HUAISIA TAK TAK TE KILAT DAN TE:- i) Shock (Dengue Shock Syndrome) kichi BP niam, Sou ki mu zoulou, Khawsanel pawt, chi pumvot,khawphawklou a om te genna. ii) Awmsung leh gil sung tui kikhol ziak a Nak haksa sa, iii) Taksa leh Kamsung,naaksung leh mun tuam tuam apan sipawt kipan te, iv) I hinna dia poimoh biik -Khuak, Lungtang,Kal,Sin leh adang2 fail (severe Organ failure). DENGUE A CHINATE ETKOL DING DAN ( MI TAANGPI THEIH TUAK) INMUN AH: Bang bang hih ding? (What should be done?):- a)Hoih tak a Lupna tung a khawl tawl dam ding , b)Tui leh Theitui, Meh tui,Bawngnawi,ORS chihte dawn tam ding > 5 glasses nikhat sung a dawn zoh tei tei sawm ding. c)Tui siang kia dawn bel electrolytes kisam thei ahih man in, water kichi lou in Fluidschi se hi. d)Tab.PARACETAMOL kia nek theih (Khosik leh lu-na a ding in) : nikhat a Paracetamol tang 8 (=4gm) sang a tam zaw nek louh ding ahi. e)Chisa omleh Puan-kawt a dep vot char2 di. f)Thoukang pian theihna Inkiim-Inkiang a mun noklak te leh Beem-kawm te hahsiang sip2 di. Bang bang hih louh ding? (What should be avoided?): A) Nek het louh/ Kaap het louh ding te: i) Tab.Acetylsalisylic Acid (ASPIRIN Tab.). ii)Tab Mefenamic Acid telna damdawi te, iii) Ibuprofen telna damdawi te (etsakna in IBUCON Tab/suspension chih bang) iv) NonSteroidal Anti inamatory Drugs (NSAIDs) etsakna din, Inj.Diclonac/Dilona chih te, Aceclofenac sodium chihte, v) Steroids :Tab/ Inj.Dexona,Wysolone,chihte-Piak louh ding/nek hiam kaap louh ding ahi. B)TAKSA Lak a kap-chi damdawi him him hih louh ding , DENGUE natna nei te Intramuscular Injection bawl louh ding ahi (bleeding om thei ahih man in).Kap ding peuh mah, IV line a kap theih te chauh phal ahi. Antibiotics piak a poimoh kei. ( Typhoid fever hiam Awmna etc, toh kithuah ahih kei leh). Anuai a Danger signs te hong om leh Hospital nai pen ah admit pah ding ahi: