Panuto:

Buuin ang lirikio ng awiting

Bahay-Kubo sa pamamagitan ng
pagdikit ng mga larawan sa
patlang. Kayo ay may tatlong
minuto upang gawin ito.
 Bahay-Kubo
Bahay-Kubo, Kahit munti
Ang halaman doon ay sari-sari
Singkamas at _________,
_________at _____________
_________, bataw, ________
_________, ________, _______

__________, At saka meron pa

_________, ________,________
________, _______at______
Sa paligid-ligid ay puno ng
linga.
 Mga Gabay na Tanong
1. Ano ang kahulugan ng awiting bayan at mga
katangian nito?
2. Ano ang karaniwang pinapaksa ng mga
awiting bayan?
3. Isa-isahin ang mga awtiting bayan na
laganap sa iba’t ibang bahagi ng bansa.
4. Bakit itinuturing na repleksyon ng
pamumuhay ng mga sinaunang Pilipino ang
mga awiting bayan?
5. Bakit mahalagang hindi makalimutan at
patuloy na awitin ang ating mga awiting
bayan?
AWITING BAYAN AT MGA URI NITO
Ang awiting-bayan ay nagsimula
bilang mga tulang may sukat at tugma at
minsa’y walang sukat at tugma na
kalauna’y nilapatan ng himig upang
maihayag nang pakanta.
Ang awiting bayan na tinatawag ding
kantahing-bayan ay isa sa mga uri ng
sinaunang panitikang Pilipino na naging
popular bago pa man dumating ang mga
espanyol.
 Ang awiting-bayan ay nasa anyong
patula ana inaawit at karaniwang binubuo
ng labindalawang pantig sa bawat
taludtod.
Ang karaniwang paksa ng mga awiting-
bayan ay ang pang-araw-araw na
pamumuhay ng mga tao sa isang lipunan.
Masasalamin dito sa mga ito ang mga
kaugalian, karanasan, pananampalataya,
gawain o hanapbuhay.
 Taglay rin ng mga ito ang iba’t
ibang damdaming umiiral sa iba’t
ibang pagkakataon tulad ng
kaligayahan sa panahon ng tagumpay,
pag-ibig, kasayahan, kalungkutan,
galit at maging kapanatagan ng
kalooban habang gumagawa ng pang
karaniwang gawain tulad ng
pagtatanim, pamamangka pagluluto
at iba pa.
 Dahil ito’y repleksyon ng pamumuhay
ng mga sinaunang Pilipino, may iba’t ibang
uri ng awiting-bayan para sa iba’t ibang
pagkakataon o okasyong kanilang
ginugunita o ipinagdiriwang.
Ang mga sumusunod ay ilan sa mga
karaniwang uri ng awiting-bayan na
laganap sa iba’t ibang bahagi ng bansa na
sumasalamin sa mayaman at makulay na
kulturang Pilipino.
 BALITAW – Ito ay ang awit ng pag-ibig na ginagamit sa
panghaharana ng mga bisaya.
 KUNDIMAN – Ito naman ang bersyon ng mga awit ng
pag-ibig ng mga Tagalog.
 DALIT – Awit na panrelihiyon o himno ng pagdakila sa
Maykapal.
 DIYONA – Awitin sa panahon ng pamamanhikan o sa
kasal.
 DUNG-AW – Awit sa patay ng mga Ilokano.
 KUMINTANG – Awit sa pakikidigma o pakikipaglaban.
 KUTANG-KUTANG – Mga awiting karaniwang inaawit sa
mga lansangan.
 SOLIRANIN – Awit sa paggaod o pamamangka.
 MALUWAY – Awit sa sama-samang paggawa.
 OYAYI o HELE – Awiting panghele o
pampatulog ng bata at tinatawag na lullaby sa
Ingles.
 PANGANGA LULUWA – Awit sa araw ng mga
patay ng mga tagalog.
 SAMBOTANI – Awit ng pagtatagumpay
 TALINDAW – Isa pang uri ng awit ng
pamamangka.
GAWAIN 1.
Ang ilang salitang Bisaya mula sa mga
awiting – bayang mababasa sa araling ito
ay ginamit sa mga pangungusap sa ibaba
bilang pamalit sa katumbas nitong
salitang Filipino. Batay sa pagkakagamit sa
pangungusap, piliin at bilugan mo ang titik
ng katumbas ng mga salitang ito.
1. Dala ang kanyang lambat, si Mang Dante ay
sumakay sa kanyang bangka at pumalaot. Siya ay
namasol. Ang namasol ay…
a. lumangoy b. naligo
c. nangisda
2. Sinabihan siya ng asawang si Aling Selya na
magbalon para hindi gutumin. Ang magbalon ay…
a. maghukay ng balon b. magbaon
c. magsaing
3. Ang mga huli niya ay guibaligya niya sa palengke.
Ang guibaligya ay…
a. pinagbili b. pinamigay
c. pinadala
4. Nagluto siya ng sinigang. Gustong-gusto
niya kasi ang sabaw na may aslom. Ang aslom
ay…
a. init b. asim
c. pait
5. Ginagawa niya ang lahat dahil sa pamilyang
kanyang guihigugma. Ang guihigugma ay…
a. minamahal b. hinihintay
c. binabantayan