Modyul 5

Tekstong Naratibo
o Nagsasalaysay
Mga Layunin
Sa katapusan ng aralin, ang mga mag-aaral ay
inaasahang

1. nakapaglalahad ng mga elemento ng

tekstong naratibo;
2. nakasusuri ng ilang tekstong naratibo batay
sa mga elementong taglay nito; at
3. nakapaghahayag ng malaya tungkol sa
iba’t ibang damdamin sa pamamagitan ng
pagsusulat.
Ano ang Tekstong
Naratibo?
Ang mga pangyayari sa tekstong naratibo ay may
pagkakasunod-sunod. Pinadadaloy ang mga
pangyayari ayon sa nais ng manunulat. Dahil
pagsasalaysay ang pangunahing ginawa ng tekstong
naratibo, nabibigyan ng pagkakataon ang
mambabasa na makabuo ng imahe sa kaniyang isip.
Ngunit, kaiba sa tekstong deskriptibo, binibigyang-diin
nito ang takbo ng mga pangyayari lalo na ang
wastong pagkakasunod-sunod ng mga ito.
Ang pagsasalaysay ay maaaring magamit para
sa iba-ibang paksa o layunin ng teksto. Ilan sa
mga uri ng tekstong naratibo ang sumusunod:

• salaysay na nagpapaliwanag
• salaysay ng mga pangyayari
• salaysay na pangkasanayan
• likhang katha batay sa kasaysayan
• salaysay na pantalambuhay
• salaysay ng nakaraan
• salaysay ng pakikipagsapalaran
Ilan sa mga halimbawa ng mga sulatin o
akdang gumagamit ng tekstong naratibo ang:

• maikling kuwento, nobela, mito, kuwentong-bayan,

alamat, at parabula
• anekdota
• talambuhay
• paglalakbay
• balita
• report tungkol sa nabasang libro/nobela
• rebyu ng pelikula, aklat, o palabas
• buod ng kuwento
Elemento ng Isang Tekstong Naratibo

Mayroon itong banghay, tauhan, at suliranin o tunggalian. Kung

kuwento ang isinusulat, dapat lamang na kompleto ang lahat ng
elementong ito sa teksto at organisado ang paraan ng
pagsasalaysay.

Banghay
Binubuo ang banghay ng kawil-kawil na pangyayari. Inaayos
ang mga pangyayari upang makabuo ng isang estruktura o
porma. Ang isang kuwento na walang banghay ay sinasabing
isa lamang pagsasalaysay ng mga pangyayari. Ang banghay ay
tumutukoy sa pagkakaayos ng mga pangyayari habang
isinalsalaysay ito; pinag-isipan kung paano ilalahad at pinipili
kung alin ang mga itatampok na pangyayari. Tumutukoy ito sa
paraan ng pagkakalahad ng mga pangyayari.
Tagpuan

Walang pagsasalaysay o naratibo na mabubuo kung walang

lugar na pinangyarihan ng kuwento at panahon kung kailan ito
naganap. May mga pangyayaring nagsimula at natapos lamang
sa iisang lugar at mayroon ding nag-iiba-iba ng lugar dahil
hinihingi ng sitwasyon. Mahalagang mailarawan ang tagpuan
dahil nakadaragdag ito sa organisasyon ng naratibo. Nagaganap
ang isang pangyayari sa isang tiyak na oras, araw o panahon.

Tauhan

Tauhan ang nagdadala at nagpapaikot ng mga pangyayari sa

isang salaysay. Sila ang kumikilos sa mga pangyayari at
karaniwang nagpapausad nito maaaring manggaling sa kanila
ang dahilan ng pagbabago-bago ng mga pangyayari.
Suliranin o Tunggalian

Ang bahaging nagpapakita ng suliranin at tunggalian sa isang

kuwento ang pinakamadramang tagpo ng kuwento at inaasahang
may maidudulot na mahalagang pagbabago patungo sa
pagtatapos. Mula rito ay maaaring makakuha ng kaisipan o
mensahe na magsisilbing layunin ng tekstong naratibo. Kung
magkakagayon, walng hamong ihaharap sa mambabasa.
Nakasalalay rito ang pagbabago ng daloy ng isang naratibo. Kung
minsaay ang tauhan ang nagiging suliranin sa kuwento. Minsan
naman ay bunga ito ng mga kalamidad at suliraning panlipunan.
Maaari ding mag-ugat sa loob ng mga tauhan ang suliranin.

Diyalogo

Kapag nagsalita na ang tauhan sa isang kuwento, siya ay

nagiging totoong tao, ngunit hindi lahat ng pagsasalaysay ay
kailangang may diyalogo. Ginagamit ang diyalogo upang gawing
makatotohanan ang mga pangyayari sa pamamagitan ng pag-
uusap ng mga tauhan.
Gabay sa Pagbasa ng Tekstong Naratibo
Narito ang ilang mahahalagang tanong sa maaaring gamiting
gabay sa pagbabasa ng tekstong naratibo.

Layunin ng may-akda

• Anong uri ng pagsasalaysay ang ginagamit sa teksto?

• Ano ang hangarin ng may-akda sa kaniyang pagsulat?
• Mabisa ba ang ginamit na uri ng pagsasalaysay upang
maisakatuparan ang layunin ng may-akda?
• Malinaw bang naipakita sa teksto ang naging layunin ng
may-akda na magsalaysay ng magkakaugnay na
pangyayari?
Mga ginamit na elemento ng naratibo:

• Ano ang ayos ng mga pangyayari ayon sa lohikal na sanhi-

bunga nito?
• Anong teknik sa pagsasalaysay ang ginamit upang ilahad ang
mga pangyayari?
• Mabisa ba ang ginagamit na teknik sa pagsasalaysay?
• Saan at kailan naganap ang salaysay? Ano ang kaugnayan ng
tagpuan sa pangyayari?
• Sino-sinong tauhan ang kasama sa pangyayari? Kanino
nakasentro ang salayasay?
• Malinaw ba ang perspektibang ginamit sa pagsasalaysay?
Kung hindi, bakit?
• Ano ang tampok na bahagi ng salaysay
• Paano ginamit ang pagsasalaysay sa teksto o ano ang silbi ng
salaysay sa layunin ng teksto?
• Nakatulong ba ang salaysay upang maabot ang layunin ng
teksto?
Paghahanda para sa Pagsulat ng Tekstong
Naratibo
• Isipin ang paksa at layunin ng isusulat.
• Piliin ang ang itatampok na pangyayari sa pagsasalaysay.
• Hanapan ito ng kahalagahan o mga bahaging
kapupulutan ng bagong kaalaman o perspektiba.
• Piliin kung alin sa mga pangyayari ang dapat bigyang
pansin sa pamamagitan ng detalyadong pagsasalaysay
at paglalarawan o paglalahad bilang isang tagpo, at
kung alin ang maaring iwan na lang bilang buod.
Kapag susulat ng kwentong pampanitikan, kailangang sundin
ang mga kombensiyon at elemento sa pag sulat nito. Ang
pinakamahalagang isa alang alang ang banghay ng mga
pangyayari.
Maaring gumamit ng iba-ibang teknik sa paglalahad ng mga
pangyayari(tulad ng pagbabalik tanaw, pagsisimula sa gitna ng
mga pangyayari), dapat ay madaling matukoy at malinaw ang
mga sanhi at bunga ng mga pangyayari na bubuo ng banghay.
Maging organisado.

Palaging isaisip ang mahusay na paggamit ng wika. Gumamit ng

wasto at angkop na mga salita. Isaalang-alang pa rin ang
ugnayan ng mga ideya, ang mga diin, at kalinawan ng mga
pahayag o pangungusap.

HALIMBAWA NG TEKSTONG NARATIBO

• ANG PAGLAHOK NG HAPON SA DIGMAAN AT ANG

GREATER EAST ASIA CO-PROPSERITY SPHERE.
• ANG PISO- BEBANG SIY
Mga pamatnubay na tanong:

1. Tungkol saan ang teksto? Ano ang layunin nito?

(Ilahad ang pangunahing paksa nito at magbigay ng ilang suportang
ideya).

2. Ano-anong katangian ng tekstong naratibo ang makikita

sa teksto?
(Ibigay ang mga elemento, uri ng salaysay, at teknik ng pagsasalaysay
na ginamit sa teksto).

3. Paano maiuugnay ang kabuuang mensahe ng binasang

teksto sa iyong sarili, pamilya, komunidad, bansa, at daigdig?
Anong pangyayari o pagbabago ang maidulot ng impormasyong
nakuha mula sa binasa?