• Citati është pjesë e shkurtër e nxjerrë fjalë për fjalë nga
një vepër ose nga një tekst i shkruar, është riprodhim fjalë për fjalë i një shprehjeje ose i një mendimi të një tjetri. • Të citosh do të thotë të japësh fjalë për fjalë një pjesë të shkurtër nga një vepër ose nga shkrimi i një autori. • Vendimi se kur duhet cituar duhet të merret nga vetë shkruesi, por ky duhet t’i ndjekë disa udhëzime duke marrë parasysh llojin e citimit dhe kontekstin në të cilin do të përdoret. • Autori duhet të shmangë citimet që zgjasin disa paragrafë. • Shpesh, mund të mos jetë nevoja të citohet e tërë fjalia. Vini re ! • Përdorimi i ideve apo frazave që paraqesin idetë e të tjerëve si idetë tona, qoftë kjo e qëllimshme apo nga pakujdesia, është një ofendim serioz që njihet si plagjiaturë. • Në rastin e plagjiaturës, nuk shënohet numri i faqes apo emri i autorit. • Nëse autori i punimit do t’i vendoste ato, atëherë nuk do të konsiderohej plagjiaturë. • Në çdo shkrim serioz shkencor, është shumë e rëndësishme të citohen me saktësi te gjitha burimet që janë përdorur nga autoret tjerë. • Një punim serioz duhet ta bëjë këtë për tri arsye kryesore: • A) për të treguar se është bërë një hulumtim i plotë dhe i gjithanshëm i temës dhe keni njohuri të shëndosha për të. • Kjo i rrit vlerën punës suaj sepse ato janë të mbështetura në një bazë të gjerë njohurish. • B) Për t’u njohur të drejtën autorëve të cituar dhe për të mos rënë në plagjiaturë. • Një temë e kopjuar, ose ide të përvetësuara nga të tjerët, përveç që e zhvlerësojnë shkruesin moralisht dhe intelektualisht, mund të sjellin edhe pasoja administrative dhe ligjore (sipas ligjit për të drejta të autorit) • Është e drejta e juaj të përdorni citate, por ato gjithmonë duhet të shënohen si të tilla. • C) Për t’u dhënë mundësi lexuesve ta identifikojnë burimin, t’i gjejnë të dhënat në bibliografinë tuaj dhe të kërkojnë e të gjejnë nëse kanë interes për të lexuar më shumë nga ai autor. Kur citohet dhe si ? • Në punime studimore dhe raporte citimet mund të përdoren: • 1. Për të treguar se një autoritet i fushës mbështet mendimin tuaj. • 2. Për të paraqitur mendimin e dikujt, të cilin do ta komentoni ose për të cilin do të argumentoni. • 3. Për të dhënë një pjesë të plotë teksti, vlera shprehëse dhe kuptimore e të cilit do të humbiste nëse do të shprehej me fjalët tuaja. • Në raste tjera, kur ajo që doni ta përdorni nga burimi është ideja e përgjithshme e tij dhe jo gjuha me të cilën është shprehur, por edhe kur këtë ide mund ta përdorni me fjalë të juaja e jo si në origjinal, atëherë mund të bëni një përmbledhje ose riformulim të saj pa pasur nevojën e citimit brenda thonjëzave, por prapë duhet ta identifikoni emrin e autorit. Rregullat për citimet • 1. Citimi i një fjalie të plotë, jo shumë të gjatë (nën 30-40 fjalë), zakonisht bëhet brenda në tekst. • Ai futet në thonjëza, paraprihet nga dy pika dhe fjalia fillon me shkronjë të madhe. • Në shkrimet akademike (tema diplome, disertacione, studime, etj.) duhet të identifikohen elementet e mëposhtëm: autori, viti i botimit, dhe numri i faqes. Titulli i veprës mund të përmendet, por jo domosdoshmërisht, sepse autori dhe viti i botimit mjaftojnë për ta gjetur në bibliografi se për cilin burim bëhet fjalë. • Paraqitja e tre elementeve te identifikimit mund të bëhet në disa mënyra, p.sh. • 2. Citimi i një pjese fjalie, ose i një shprehjeje bëhet vetëm nëpërmjet futjes në thonjëza, pa vënë dy pika dhe pa e filluar citimin më shkronjë të madhe. • Zakonisht në këtë mënyrë citohen shprehjet e një personi të njohur dhe nuk ka nevojë për të vënë datën apo ndonjë tregues të mëtejshëm. • 3. Kur i njëjti burim citohet përsëri pak më tej dhe është ende i freskët në mendjen e lexuesit, sepse vazhdon në përgjithësi e njëjta vijë mendimi ose argumentimi dhe kur nuk është cituar ndonjë vepër tjetër në mes, pas citimit në kllapa mund të shkruhet • (po aty, f. 28) ose me termin latin (ibid, f.28) . • Në qoftë se pjesa e cituar nuk është vetëm një fjali, por përbëhet nga një ose më shumë paragrafë relativisht të gjatë, atëherë citimi ndahet nga trupi i tekstit duke lënë një rresht bosh dhe duke krijuar një bllok më vete, të futur pak më brenda se teksti normal. Në këtë rast nuk është e nevojshme të përdoren thonjëzat. • Identifikimi i burimit në kllapa bëhet në të njëjtën mënyrë si për citimet e shkurtra. • Disa autorë parapëlqejnë të përdorin poshtëshënimet ose passhënimet, duke i vënë citimit një numër rendor ose një shenjë të veçantë. Kjo ndihmon që vëmendja e lexuesit të mos shkëputet nga rrjedha e ngjarjeve apo e argumentimit që parashtrohet në tekst. • Poshtëshënimet shpjegojnë burimin e citimit në të njëjtën faqe ku ndodhet edhe citimi, kurse pas-shënimet vendosen në fund të çdo kapitulli, ose edhe në fund të të gjithë shkrimit ose librit, të renditura numerikisht. • Zgjedhja e njërit sistem apo tjetrit varet nga lloji i shkrimit, gjatësia e sqarimit që kërkohet të bëhet, si dhe nga gjykimi i vete autorit. Citimi i librave me dy ose më shumë autorë • Kur libri ose burimi është shkruar nga dy autorë, atëherë përmenden mbiemrat e dyve, si për shembull: Pasho dhe Marku (2002) e shtjellojnë më tej këtë tezë në kapitullin e dytë, faqja 15 ku thonë “…” • Por kur janë tre ose më shumë autorë, mënyra më e zakonshme është që të vihet mbiemri i autorit të parë, i cili ndiqet nga et al (latinisht “të tjerë”), për shembull: (Pasho et al, 2003, f. 10) e shtjellojnë më tej këtë tezë në kapitullin e dytë, faqja 15 ku thonë “…”) Ndryshimet në citime • Ndodh që për arsye të ndryshme na duhet ta ndryshojmë ose modifikojmë pak thënien origjinale të autorit të cituar, në mënyrë që t’i përshtatet tekstit tonë nga ana stilistike dhe gramatikore. • Megjithatë në asnjë rast nuk lejohet t’i ndryshohet kuptimi i asaj që ka thënë autori origjinal. Heqjet e fjalëve ose të shprehjeve (pa prishur kuptimin) përfaqësohen nga tri pika (elipsi) kurse ndryshimet dhe shtesat futen në kllapa katrore, për shembull: “plotësimi [i standardeve] është vënë si kusht nga bashkësia ndërkombëtare për dhënien e kompetencave më të gjera autoriteteve kosovare”. • Këtu “standardeve” është futur në kllapa katrore sepse fjalia origjinale ishte “plotësimi i tyre është vënë si kusht…” • Shembull i heqjes së një pjese të citimit është ky: Në një studim të qarkut të Elbasanit …gjendja ekonomike dhe sociale, emigrimi dhe infrastruktura janë ndër faktorët bazë që ndikojnë në braktisjen e shkollës (Musai dhe Boce, 2003, f. 7). • Në origjinal ky citat dukej kështu: Në një studim të qarkut të Elbasanit, mbi zhvillimin rajonal sipas objektivave të mijëvjeçarit, gjendja ekonomike dhe sociale, emigrimi dhe infrastruktura janë ndër tre faktorët bazë që ndikojnë në braktisjen e shkollës (Musai dhe Boce, 2003, f. 7) • Në këto raste citimit mund t’i heqësh pjesë pa ia prishur kuptimin citimit. • Ekzistojnë disa forma në kuptimin e formatit të citimit të burimeve të përdorura në punim. Duke iu referuar kryesisht sistemit të citimit Evropian, si një sistem standard i cili përdoret edhe në Kosovë në shumicën e literaturës shkencore. • Sipas këtij sistemi kuotimi i plotë jepet vetëm herën e parë që përmendet burimi, ndërsa çdo herë tjetër që ju citoni burimin, atë e bëni në një formë të shkurtër (emri i autorit, faqja). Sipas këtij sistemi, citimi një burimi duket kështu: • Emri i autorit/editorit (mbiemri, emri): Titulli origjinal i librit, numri i edicionit nëse është e nevojshme, vendi i publikimit?, viti i publikimit/kur është botuar?, faqet. • Gjithnjë sipas të njëjtit sistem në vazhdimësi do të japim shembuj praktik të mënyrës së citimit për libra, artikuj në libra, revista, gazeta dhe faqe interneti: • Shembull i kuotimit të një libri: Hesselink, Martijn W. (ed.), The Politics of a European Civil Code, Kluwer Law International, 2006, fq. 143-170.
• Shembull i kuotimit të artikullit në një libër:
Hartkamp, Arthur S., Principles of Contract Law, në: Hartkamp, Arthur / Hesselink, Martijn/ Hondius, Ewoud/ Joustra, Carla/ Perron, Edgar du/ Veldman, Muriel (ed.): Towards a European Civil Code, third ed., Nijmegen, Kluwer Law International, 2004, f. 125-143.
• Shembull i kuotimit të një artikulli reviste:
Jacoby, Tamar, Germany’s Immigration Dilemma, in: Foreign Affairs, Vol. 90, No. 2, 2011, f. 8-14. • Shmebull i kuotimit të një artikulli gazete: Palokaj, Augustin, Van Rompuy Kërkon Hapa tjerë të Serbisë në Dialog me Kosovën, në: Koha Ditore, 21 nëntor 2011, f. 3.
• Shembull i kuotimit të burimeve nga interneti:
Commision of the European Comunities, Green Paper on the Review of the Consumer Acquis, presented by the European Commision, Brussels, 08.02.2007, COM (2006) 744 final, f. 1-33, online në: http://ec.europa.eu/consumers/cons_int/safe_shop/acquis/green- paper_cons_acquis_en.pdf, 22 Janar 2012. • Citimi i imazheve/grafikeve: Citim i një imazhi është përfshirja e imazhit në punën tuaj. Imazhi/grafi është trajtuar si një pjesë më të madhe e tekstit. Në përgjithësi, pjesë të mëdha të tekstit nuk duhet të citohen, por zakonisht nuk ka kuptim që të citohen vetëm pjesë të një imazhi. Prandaj, citimi është legjitim nëse ai "është i nevojshme nga qëllimi". Në rast citimi të imaxheve, duhet të jepen detajet e plota mbi burimin, përfshirë numrin faqes, etj..