AKO Basahin nang malakas ang kuwento. Saan Kaya Napunta? Masayang sinalubong ni Dennis ang kaniyang tatay na kagagaling lamang sa kaniyang trabaho. Iniabot nito Agad itong binuksan ni Dennis. Isang maliit na pakete na may nakaguhit na mga kamatis ang laman nito. Malulungkot na sana si Dennis nang lumapit ang kaniyang tatay. (Bakit kaya lumapit ang Tatay?) Niyakag siya sa likod- bahay. Nagdukal ng lupa. Kinuha ang pakete na hawak ni Dennis. Hindi nagtagal tumulong na rin si Dennis sa ginagawa ng kaniyang ama. Binilinan siya ng Tatay na diligan ito at alagaan. Kinabukasan, maagang nagising si Dennis. Pinuntahan niya ang lugar na pinagbaunan nilang mag- ama ng mga buto. Takang- takang siya. Wala siyang kamatis na nakita. Saan kaya napunta ang mga buto? (Bakit wala siyang nakitang kamatis?) Sumunod na araw. Ganoon pa rin. Wala pa rin. Araw-araw, wala. Hanggang sa napagod na sa paghihintay si Dennis. Makaraan ang ilan pang araw nagulat na lamang si Dennis nang mula sa malayo ay may matanaw maliliit na kulay berde sa lugar na kanilang pinagbaunan. (Ano kaya ang natanaw niya?) Dali-dali siyang pumunta rito. Tuwang-tuwa siya nang makita nga na may mga bagong dahon na lumalabas mula sa ilalim ng lupa. Lalo siyang nasabik kaya tuwing umaga, binibisita niya ito at kung tuyo na ang lupa, agad niya itong dinidiligan. Ilan pang araw, lumaki na ang halaman. Namulaklak. Namunga. Pinagtulungan nilang mag-ama ang pangunguha ng naglalakihan at nagpupulahang mga kamatis mula sa hardin ni Dennis. Masayang binilang ni Dennis ang natira niyang pera matapos bumili ng tinapay para sa kaniyang ina at mga kapatid. -Ano ang pamagat ng kuwento? -Tungkol saan ang kuwento? -Ano ang pasalubong ng Tatay ni Dennis? -Bakit nainip si Dennis? -Ano-ano ang pangyayari sa kuwento? -Anong katangian ang ipinakita ni Dennis? -Ano ang naging bunga nito? -Ano ang magiging bunga kung lahat ay magiging katulad ni Dennis? Gawain 1: Iguhit ang sarili mong pangarap. Ilagay kung paano mo ito matutupad. Tandaan Ang pang-ukol ay mga salitang nag-uugnay sa pangngalan, panghalip, pandiwa, at pang-abay sa iba pang mga salita sa pangungusap. Ang mga pang-ukol ay nagsasabi kung saan naroon ang isang bagay, tao kung saan ito nagmula at kung saan ito patungo. Nagsasaad din ito ng kinaroroonan, pinangyarihan, o kinauukulan ng isang kilos, gawa, balak, ari, o layon. Halimbawa ng mga pang- ukol. sa/sa mga ng/ng mga ni/nina kay/kina sa/kay nang may tungkol sa/kay para sa/kay ayon sa/kay tungo sa sa ibabaw sa pagitan mula sa sa loob, sa harapan, sa likod Gawain 1: Sumulat ng limang (5) pangungusap na ginamitan ng pang-ukol na tungkol sa. Day 2 Matutupad Na Hindi pa sumisikat ang araw, gising na si Maritess. Kahit gusto pa niyang matulog, kailangan na talaga niyang bumangon at maligo kahit malamig ang tubig na inipon niya nang nagdaang gabi. Hihigop lamang ng mainit na gatas at lalakad na siya. “Pandesal, pandesal kayo riyan!” Ito ang kaniyang laging sigaw na nagsisilbing orasan ng kaniyang mga suki. Malapit nang sumikat ang araw. Malapit na rin namang maubos ang kaniyang panindang pandesal. May lima pa para kay Bb. Vasquez, ang dati niyang guro. Katulad ng mga nagdaang mga araw, dumaan muli siya sa paaralan na malapit sa kanilang bahay. Iniabot ang natitirang pandesal sa kaniyang dating guro. Dala rin niya ang mga gawain sa paaralan na kaniyang tinapos nang ilang araw. May isang oras ding magkatabi sa upuan ang dalawa. Matiyaga niyang pinakinggan ang mga itinuturo sa kaniya ng kaniyang guro. Matapos ito, masaya nilang pinagsaluhan ang limang pandesal na kaniyang dala. Pag-uwi niya may dala na naman siyang mga bagong gawain. Bago tuluyang maghiwalay, iniabot sa kaniya ni Bb. Vasquez ang isang maliit na papel. “ Gusto mo bang maabot ang iyong pangarap? Ikaw ang aming hanap!” Napayakap nang maghigpit si Marissa sa kaniyang guro. “Salamat po, makababalik na rin ako sa paaralan. Matutupad ko na ang aking pangarap.” Tanong: 1. Ano ang pamagat ng napakinggan? 2. Saan ito naganap? 3. Sino-sino ang mga tauhan ng kuwento? 4. Ilarawan ang bawat isa. 5. Ano ang pangarap ni Marissa? 6. Bakit muntik nang hindi ito matupad? 7. Paano niya ito matutupad? 8. Anong katangian ni Marissa ang dapat mong tularan? Ipaliwanag ang sagot. Ano ang natutuhan mo sa aralin? Iguhit ang sarili mong pangarap. Ilagay din kung paano mo ito maaabot. Day 2 Tingnan ang larawan. Ibigay ang hinihingi ng bawat isa tungkol sa kuwentong “Matutupad na”. Pamagat _________
Tagpuan ___________
Pangyayari ____________ _______________ ________________ ________________ Tauhan Day 3